ཁ་སང་ཕྱི་ཚེས་ ༧ ཉིན་ཡུ་རོབ་གྲོས་ཚོགས་ནང་བལ་ཡུལ་ནང་གནས་སྡོད་བཙན་བྱོལ་བོད་མི་ཁྲི་ ༢ ལྷག་ཡོད་པ་དག་ལ། བལ་ཡུལ་གཞུང་གིས་དམངས་གཙོ་དང་འགྲོ་བ་མིའི་ཐོབ་ཐང་སྤྲོད་དགོས་པའི་གྲོས་ཆོད་ཅིག་བཞག་ཡོད་འདུག གྲོས་ཆོད་དེའི་ནང་། བལ་ཡུལ་སྲིད་གཞུང་གིས་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་ལུགས་ནང་གསལ་བ་ལྟར། བལ་ཡུལ་ཉེན་རྟོག་པས་སྡོད་བོད་མི་སྐྱབས་བཅོལ་བ་ཚོར་གང་བྱུང་དུ་ཉེས་རྡུང་འཛིན་བཟུང་བྱེད་པ་དང་། བོད་མིའི་སྐད་འབོད་ལ་དམ་དྲག དུས་ཆེན་ཁག་གི་བོད་མི་མཉམ་འཛོམས་ལ་བཀག་སྡོམ་བྱས་པ་སོགས་རྒྱལ་སྤྱིའི་འགྲོ་བ་མིའི་ཐོབ་ཐང་གི་གཞི་རྩའི་ཁྲིམས་ལུགས་དང་འགལ་ཡོད་སྟབས། མ་འོངས་པར་བལ་ཡུལ་ནང་བཅའ་བཞུགས་ཡུ་རོབ་གྲོས་ཚོགས་ཀྱི་ཆེས་མཐོའི་སྐུ་ཚབ་ལྕམ་སྐུ་ཁེལ་ངྷར་རིན་(Catherine Ashton)ལགས་ཀྱིས་བལ་ཡུལ་ནང་གི་བོད་མིའི་བདེ་སྡུག་ལ་ལྟ་རྟོག་བྱ་དགོས་པའི་བཀའ་མངགས་བྱས་ཡོད་འདུག
གཞན། བལ་ཡུལ་གཞུང་གི་ནང་སྲིད་ཐོག བལ་ཡུལ་རྒྱ་ནག་གཞུང་ཚབ་ཀྱིས་ཐེ་གཏོགས་བྱས་པར་སྐྱོན་བརྗོད་དང་། མ་འོངས་པར་རྒྱ་ནག་གཞུང་གིས་བལ་ཡུལ་གྱི་ནང་སྲིད་ལ་ཐེ་གཏོགས་དང་གནོན་ཤུགས་སྤྲོད་རྒྱུ་མཚམས་འཇོག་བྱ་དགོས་པའི་འབོད་སྐུལ་དང་། བལ་ཡུལ་གཞུང་གིས་ ༢༠༡༡ ལོའི་ཟླ་ ༥ བའི་ཚེས་ ༢༨ ཉིན་གཏན་འབེབས་བྱ་འཆར་ཡོད་པའི་རྩ་ཁྲིམས་ནང་། སྨྲ་བརྗོད་རང་དབང་དང་འགྲོ་སྐྱོད་རང་དབང་། འོས་འཕེན་གྱི་ཐོབ་ཐང་། ཆོས་དད་རང་དབང་སོགས་ངེས་པར་དུ་འགོད་དགོས་པའི་རེ་འདུན་ཡང་བཏོན་ཡོད་འདུག
གསར་འགོད་པ། དོན་གོ
བལ་ཡུལ་ནང་གི་བོད་མི་ཚོ་གང་མགྱོག་ངང་རྒྱལ་ཁབ་གཞན་པའི་ནང་སྤོར་ཐུབ་ན་རབས་རེད། དེ་མི་ན་བལ་ཡུལ་ནི་རྒྱ་ནག་གི་ཆ་ཤས་སུ་གྱུར་བའི་མངའ་སྡེ་ཞིག་ལ་འགྱུར་ཉེན་འདུག
བལ་བོད་ཀྱི་ས་མཚམས་དེ་རྒྱ་དཀར་ནག་གི་ས་མཚམས་དང་འདྲ་བར་སྒོ་རྒྱབ་ན་ཚར་པ་རེད།
བལ་ཡུལ་རྒྱལ་ཁབ་བཀའ་དྲིན་ཆེན་པོ་རེད།
དེ་མིན་ན་གཞིས་བྱེས་གཉིས་ཐུག་འཕྲད་གང་ནས་འབྱུང།
དེ་ཚོ་ལའང་བསམ་བློ་གཏོང་དགོས་པ་རེད།
དང་པོ། བལ་ཡུལ་མི་སེར་ནང་པ་ཚོ་ལ་སྨྲ་བརྗོད་རང་དབང་དང་། འཕགས་བོད་བར་གྱི་བོད་མིའི་འགྲུལ་པ་ལ་འགྲོ་སྐྱོད་རང་དབང་། བཙན་བྱོལ་སྒྲིག་འཛུགས་ཀྱི་འོས་འཕེན་གྱི་ཐོབ་ཐང་། ཆོས་དད་ཀུན་ལ་ཆོས་དད་རང་དབང་སོགས་ངེས་པར་དུ་འགོད་དགོས་པའི་རེ་འདུན་ཡང་བཏོན་དགོས་གང་ལ་ཐུག་པ་རེད་བལ་རིགས་ཚོ། །