ཟས་བཅད་ངོ་རྒོལ་མཚམས་འཇོག

བུ་དང་བུ་འདྲ་ན་བུ་ཐམས་ཅད་གེ་སར་ཡིན ། རྟ་དང་རྟ་འདྲ་ན་རྟ་ཐམས་ཅད་རྐྱང་རྒོད་ཡིན་ཟེར་བ་བཞིན ། སྐྱབས་རྗེ་ཤིང་བཟའ་རྡོ་རྗེ་འཆང་དང་འཐབ་གྲོགས་རྡོ་རྗེ་རྒྱལ་པོ ། ཡེ་ཤེས་བསྟན་འཛིན་རྣམ་པ་གཉིས་བཅས་ཀྱིས་བླ་ལྷག་གི་དོན་ཆེན་འགྲུབ་པ་ལ་རྟེན་འབྲེལ་ཞུ་རྒྱུ་དང ་། མཉམ་འབྲེལ་རྒྱལ་ཚོགས་ཀྱིས་ཀྱང་། བྱང་སེམས་ཀྱི་གཤོག་རུ་བརྐྱངས ། སྙིང་རྗེ་ཡི་རིལ་བུ་བབས་ནས ། ང་ཚོ་གཉོང་ཆུང་བོད་པའི་སྣོད་བཅུད་ཀྱི་ཉེན་ཁ་དང་སྡུག་བསྔལ་ལ་གཟིགས་རྟོག་མཛད་རྒྱུ་ཞལ་བཞེས་གནང་བ་ལ་ཐུགས་རྗེ་ཆེ ། བཀའ་དྲིན་ཆེ །
འདིར་ཟུར་ཞུ་ཞིག་ལ ། དྲ་གྲོགས་ཁ་ཤས་ཀྱིས་དུས་རྟག་པར ། སྤྱི་ལོ ༡༩༥༩ནས་ད་བར་དུ་འགྲོ་སོང་ཁ་མེད་སྣ་མེད་བཏང་སྟེ ། དངོས་ཤུགས་བརྒྱུད་གསུམ་ནས་བོད་དོན་ལ་རོགས་པ་བྱེད་མཁན ། སྟོབས་ཆེན་ཨ་རི་སོགས་རྒྱལ་ཁབ་གཞན་གྱིས་རོགས་བྱས་ན། ཁོ་ཚོར་དམིགས་ཡུལ་གཞན་དང་འདོད་དོན་གཞན་ཞིག་ཡོད་པ་རེད་ཟེར་བ་དང་། ཡང་མ་བྱས་ན་འདི་ཚོ་རྒྱ་ནག་རྒྱལ་ཁབ་ལ་སྐྲག་གིན་ཡོད་པ་རེད་སོགས ། ཅི་འདོད་དུ་བཤད་པ་དང་། ལྷག་པར་དུ ། ང་ཚོས་མུ་མཐུད་དུ ། སྐྱིད་སྡུག་གི་ཞུ་གཏུག་བྱེད་ས ། བདེན་དོན་གྱི་གནས་ལུགས་བརྗོད་ས ། དཀར་ནག་གི་དཔང་ཕོར་འཇོག་རྒྱུ ། འཛམ་གླིང་མཉམ་འབྲེལ་རྒྱལ་ཚོགས་ལའང་། ལོང་བ་དང་འོན་པ་སོགས ། མདོར་ན་གཞན་སེམས་བསྲེག་པའི་གཏམ་ནག་གི་བཤལ་སྐྱུག་འཕེན་རྒྱུར་གཟབ་པར་འཚལ་ཞུ་རྒྱུ་ཡིན ། ང་ཚོས་བོད་ཡིག་དྲ་ཐོག་ལ་བྲིས་པས་གཞན་གྱི་མི་མཐོང་ངོ་བསམ་མཁན ། རྣ་བ་བཀབ་ནས་དྲིལ་བུ་རྐུ་བའི་རྟུལ་ཞུགས་ཅན་ཡོད་སྲིད་ཀྱང་། གྱོད་ཡ་ཕྱོགས་ཀྱིས་དབྱིན་ཡིག་སོགས་ལ་བསྒྱུར་ཏེ །མ་རྩོམ་དང་དེའི་དྲ་ཚུགས་བཅས་བཤད་ཡུལ་ལ་བཏངས་ནས ། བོད་མི་མང་གིས་ཁྱོད་ཚོ་ལའང་འདི་དང་འདི་ལྟ་བུ་བཤད་ཀྱིན་ཡོད་པ་རེད ། ཁོ་ཚོའི་སྐད་ཆ་ལ་ཆགས་འཇོག་ས་ཡོད་པ་མ་རེད་སོགས་ཟེར་མི་སྲིད་པ་མ་རེད ། དེ་དགྲ་དགའ་གཉེན་སྡུག་གི་ལག་ཆ་ཞིག་རང་ཤུགས་ཀྱིས་ཆགས་ཚར་བ་མ་རེད་དམ ། ཡང་ཁ་ཤས་ཀྱིས་ཚིག་གི་ཞ་དང་ཞོར་ནས ། བུ་ཕ་བསྟོད་མི་དགོས་དགྲ་བསྟོད་དགོས་ཟེར་བ་ལྟར ། རྒྱ་ནག་རྒྱལ་ཁབ་ཀྱི་ཆེ་བ་རྐྱང་དྲིལ་བསྒྲགས་བྱེད་ཀྱིན་ཡོད ། དཔེར་ན་དེང་སྐབས་འཛམ་གླིང་རྒྱལ་ཁབ་གཞན་དག རྒྱ་ནག་གི་དཔལ་འབྱོར་ལ་རེ་དགོས་ཡོད ། དམག་ཤུགས་ལ་སྐྲག་གིན་ཡོད ། ཐབས་ཇུས་ལ་འཐོམ་བཞིན་ཡོད་སོགས་དངོས་མིན་ལྟར་སྣང་གི་གཏམ་བཤད་དག་གིས་ནི ། ཕྱིའི་རོགས་སྐྱོར་ནང་གི་སེམས་ཤུགས་སོགས་ལ་གནོད་པར་ངེས་པས ། རྒྱ་ཆེ་ཡོན་ཕྱུག་གི་དྲ་གྲོགས་རྣམས་ཀྱིས ། བསམ་གཞིག་མཛད་རོགས་ཞུ །

བོད་ཀྱི་དཔའ་བོ་༸སྐྱབས་རྗེ་ཤིང་བཟའ་མཆོག་སྤྲུལ་རིན་པོ་ཆེ་དང་རྡོ་རྗེ་རྒྱལ་བོ་ ཡེ་ཤེས་བསྟན་འཛིན་རྣམས་གསུམ་ལ་སྙིང་དབུས་ཐུགས་རྗེ་ཆེ་ཞུ། སྐུ་གཟུགས་ལ་ཐུགས་བཅག་གནང་རོགས། དེ་བཞིན་བོད་ཀྱི་རང་བཙན་བཙན་ལེན་པ་གཞན་ནུ་ཚོགས་པའི་ལས་སྣེ་ཡོང་ལ་ཐུགས་རྗེ་ཆེ་ཞུ།

བླ་མ་ཤིང་ཟ་རིན་པོ་ཆེ་དང་རྡོ་རྗེ་རྒྱལ་ཡི་ཤེས་ཚེ་རིང་གསུམ་གྱིས་དུས་ཚིག་ངེས་མེད་ཟས་བཅད་ངོ་རྒོལ་བྱེད་པ་ལ་མཐའ་རྗེས་སུ་གྲུབ་འབྲིས་ཡག་པོ་ཐོག་པ་དེ་ཐུགས་རྗེ་ཆེ་ཞུ་བཞིན་ཡོད། བོད་རྒྱལ་ལོ།

བཙན་པོ་དམ་པ་ཡི་མཛད་རྗེས་སྙེག་མཁན།།
གངས་ཅན་བོད་པ་ཡི་བདེ་སྡུག་རུམ་མཁན།།
གཞོན་སྐྱེས་ཕོ་མོ་ཚོར་ལམ་སྟོན་གནང་མཁན།།
གཅེས་སྲོག་བོད་དོན་དུ་ཕངས་མེད་གཏོང་མཁན།།
ཁྱེད་ཚོའི་རྣམ་དག་གི་ལྷག་བསམ་རི་མོ།།
རྡོ་ལ་བརྐོས་པ་བཞིན་བོད་ཀྱིས་ལོས་ཤེས།།

བདེན་པ་ཉིད་རྒྱལ་གྱུར་ཅིག

ངས་སྙིང་ཁོང་རུས་པའི་སྟེང་ནས་ཁྱེད་ཅག་ལ་ཐུགས་རྗེ་ཆེ་ཞུ་བ་ཡིན་

སྟོད་གངས་ཀྱི་རི་ལ་ཉི་མ་ཤར་ཐལ།།
གངས་རི་བོ་དཀར་ནོ་དངོས་གནས་ཡིན་ཐལ།།
གངས་དཀར་བོའི་རྩེ་ལ་སེངྒེ་འགྱིང་ཐལ།།
གངས་གཟི་བརྗིད་ཆེ་ནོ་དངོས་གནས་ཡིན་ཐལ།།

༸སྐྱབས་རྗེ་༸ཤིང་བཟའ་རིན་པོ་ཆེ་དང་མཆོག་དང། རྡོ་རྗེ་རྒྱལ་པོ། ཡེ་ཤེས་བསྟན་འཛིན་བཅས་ལ་སེམས་གཏིང་ནས་གུས་འདུད་གྲངས་མེད་ཞུ་བ་དང་ཆབ་ཅིག་བོད་མི་ས་དྲུག་གི་ཚབ་བྱས་ནས་ཐུགས་རྗེ་ཆེ་ཞུ།

ཞར་ལ་ལོག་འཇོམས་ཟེར་བ་དེར་༸་བདུན་རྟགས་འདི་སུས་ཀྱང་རིན་སྤྲད་ནས་ཉོས་མེད་པས་འཕགས་ནོར་བདུན་གྱིས་ཐུགས་རྒྱུད་གཏམ་པའི་སྐྱབས་གནས་སུ་ལ་སྦྱར་འོས་ལ་སྦྱར་ཆོག་པས་ཁྱོད་ཀྱིས་སྐུག་རྟགས་མ་སྟོན་རོགས་ཞུ།

ཤིང་བཟའི་མཆོག་སྤྲུལ་རིན་པོ་ཆེ་དང་རྡོ་རྗེ་རྒྱལ་བོ་རིན་པོ་ཆེ། ཡེ་ཤེས་བསྟན་འཛིན་རིན་པོ་ཆེ་སོགས་ངེས་དོན་གྱི་རིན་པོ་ཆེ་རྣམས་ལ་སྙིང་ནས་གུས། 

ཁྱེད་ཀྱིས་མི་ཡུལ་ལ་ངོ་གདོང་བསྟན་ཞིང་རང་ལུས་ཀྱི་མཛད་པའི་གཏིང་མཐའ་མི་དཔོག་པའི་ཉིན་མ་འདི་དག་ནི་ནམ་ཡང་བོད་རང་བཙན་འཐབ་རྩོད་ཁྲོད་ཀྱི་བརྗིད་ཅིང་ལྷིང་བའི་རྡོ་རིང་ཞིག་ཡིན་ངེས་ན། སེམས་ནས་རྟེན་འབྲེལ་ཞུའོ།

སྐྱབས་རྗེ་ཤིང་བཟའ་རིན་པོ་ཆེ་མཆོག་དང་ཡེ་ཤེས་བསྟན་འཛིན ། རྡོ་རྗེ་རྒྱ་བོ་གསུམ་གྱིས་ཟས་བཅད་གནང་བའི་གྲུབ་འབྲས་བྱུང་བར་སྙིང་ནས་ཐུགས་རྗེ་ཆེ་ཞུ་རྒྱུ་དང་། སྐུ་གཟུགས་སྔར་བཞིན་གསལ་ཐིང་ཡོང་བའི་སྨོན་འདུན་ཡོད །

མི་གསོན་པོའི་མེ་མཆོད་སུམ་ཅུ་ཏག་ཏག་དང་། མི་གསོན་པོའི་ཉིན་གྲངས་སུམ་ཅུ་ཏག་ཏག་གི་ལྟོགས་མཆོད་ཀྱི་མཚམས་འདིར། བདེན་དཔང་བྱེད་མཁན་ཡིན་ཟེར་བའི་འཛམ་གླིང་མཉམ་འབྲེལ་དང་འགྲི་མི་གཉིས་ནས་ལག་མཐུད་ཅིག་བཏང་པ་བཟང་ཡང་། ད་དུང་ཞིབ་འཇུག་བྱས་རྗེས་ཟེར་ན༌༌༌༌༌༌༌བསམ་ཚོད་མ་འཐིག་སོང་།

སྐྱབས་རྗེ་ཤིང་བཟའ་རིན་པོ་ཆེ་དང་རྡོ་རྗེ་རྒྱལ་བོ་ཡེ་ཤེས་བསྟན་འཛིན་གསུམ་གྱི་ཆུ་ཚོད་དང་ཉིན་མ་འདི་འདྲ་མང་པོ་ཞིག་ལ་ཟས་བཅད་ཀྱིས་བོད་མི་རིགས་ཀྱི་བདེ་སྡུག་དང་བདེན་པ་རང་དབང་གི་ཆེད་དུ་ལྷུར་སྐྱིད་དང་དཀའ་སྡུག་ལ་བཟོད་སེམས་བྱས་པར་ངའི་སྙིང་ཁོང་རུས་བའི་གསེང་ནས་བཀའ་དྲིན་བླ་ལྷག་ཏུ་ཆེ་ཞུ་བ་ཡིན།
ཁྱེད་རྣམ་པའི་ད་རེས་ཉིན་སུམ་བཅུ་རིང་གི་ལྟོགས་སྐོམ་གྱི་དཀའ་སྡུག་དང་ལུས་སེམས་ཀྱི་ན་ཟུག་དེ་དག་ང་ཚོས་ནམ་ཡང་བརྗེད་མི་སྲིད། འདི་ཚང་མ་་མི་རིགས་ཤིག་གི་བདེ་སྡུག་དང་བདེན་དོན་གྱི་ཆེད་དུ་ཡིན་པས་གཟི་བརྗིད་ཆེ་ལ་དོན་སྙིང་ཡང་ལྡན་པ་ཞིག་ཡིན་པ་བཤད་ཅི་དགོས། དབང་ཤུགས་ཆེ་བའི་རྒྱ་ནག་གཞུང་བྲན་གཡོག་ཏུ་འགྱུར་ཉེན་ཆེ་བའི་རྒྱལ་མཉམ་འབྲེལ་རྒྱལ་ཚོགས་ཁང་བརྩེགས་མཐོ་པོ་དེ་ཡང་ཁྱེད་གསུམ་གྱིས་འགུལ་ལྕོགས་ཤིག་རྒྱག་བཅུགས་པ་རེད། ཁྱེད་གསུམ་སྙིང་སྟོབས་དང་བློ་གཏོང་ལ་བསྟེན་ནས་ཁང་བརྩེགས་འདི་འདྲ་མཐོ་པོ་ཞིག་ཡམ་ཡོམ་སྒུལ་བ་དངོས་གནས་གཟི་བརྗིད་རེད། ད་བར་བོད་མི་ཚོ་ས་ལྡིང་གནམ་ལྡིང་བྱེད་པ་རེད་ཡིན་ན་ཡང་ཉིན་དེ་རིང་བར་ཁང་བརྩེགས་འདི་གཡོ་འགུལ་ཙམ་བྱུང་མེད་པ་རེད། དེར་བརྟེན་ཁྱེད་རྣམ་པར་དུས་རྟག་ཏུ་གུས་བརྩི་དང་བསྔགས་བརྗོད་ཡོད། བཙན་བྱོལ་བོད་མི་ཕལ་ཆེ་བ་ལ་འདི་འདྲའི་བློས་གཏོང་དང་སྙིང་སྟོབས་ཞིག་ཡོད་རྒྱུ་ན་བོད་གངས་ཅན་ལྗོངས་ལ་རང་དབང་གི་ཉིན་མ་མི་འགྱངས་བར་འཆར་རྒྱུ་ཡིན་པ་གདོན་མི་ཟ།

ཤིང་གཟའ་རིན་པོ་ཆེ་དང་ཡེ་ཤེས་བསྟན་འཛིན་གཉིས་ལ་སེམས་རྩ་འཁོལ་བའི་མཚམས་འདྲི་དང་། གཞན་བོད་མི་ང་ཡིན་ཟེར་མཁན་ཚོས་ཀྱང་འདི་དང་འདྲ་བའི་ལས་འགུལ་རེ་སྤེལ་ཐུབ་པའི་སྨོན་འདུན་ཡོད།

བླ་མ་ཤིང་བཟང་རིན་པོ་ཆེ་གཙོས་པའི་ཟས་བཅད་ངོ་རྒོལ་གནང་མཁན་གསུམ་ལ་སྙིང་ཐགས་པ་ནས་ཐུགས་རྗེ་ཆེ་ཞུ།  ཁྱེད་རྣམས་ཀྱིས་ཡོད་ཚད་བློས་གཏོང་རྣམས་བར་སྙིང་མེད་ང་ལྟ་བུར་བློ་ཡུལ་ལས་འདས་པའི་རླབས་ཆེན་གྱི་བྱ་བཞག་བཟང་པོ་ཞིག་ཡིན་པ་སྨོས་ཅི་དགོས། ཕྱིས་སུ་ཁྱེད་རྣམས་པས་སྐུ་གཟུགས་ལ་བདག་གཅེས་ཡག་པོ་གནང་སྟེ། མུ་མཐུད་དེ་ང་ཚོའི་དབུ་ཁྲིད་གནང་རོགས་ཞུའོ། ཁྱེད་རྣམས་ཀྱིས་ཐུགས་དགོང་མྱུར་འགྲུབ་ཡོང་བའི་སྨོན་འདུན་དང་བཅས་སོ།།

ཉེར་གནས་བོད་མི་ཡོངས་ཀྱིས་འགན་བཞེས་སྟེ་་་ཟས་བཅད་གནངས་མཁན་གསུམ་གྱི་སྐུ་གཟུགས་སྔ་ལྟར་ཡོང་བའི་གསོ་སྨན་དང་བཞེས་ལག་གྲ་སྒྲིགས་ཡག་པོ་གནང་རོགས།

དེ་ཡང་སྐབས་འཕྲལ་གྱི་རྒྱལ་ཁ་ཞིག་རེད། ཚང་མར་བཀྲ་ཤིས་བདེ་ལེགས་ཞུ་རྒྱུ་དང་ ད་བར་སྐུ་ལས་སྐྱོན་མཁན་རྣམ་པར་ཐུགས་རྗེ་ཆེ་ཞུ་རྒྱུ་ཡིན།

མཆོག་ཏུ་བཀུར་འོས་པའི་མི་རིགས་ཀྱི་དཔའ་བོ་རྣམ་གསུམ་གྱིས་ཟས་བཅད་ངོ་རྒོལ་གནས་སྐབས་མཚམས་འཇོག་གནངས་པར་སེམས་གཏིང་ནས་ཐུགས་རྗེ་ཆེ་ཞུ།
རྣམ་པར་གསུམ་གྱི་སྐུ་སྲོག་རྒྱལ་ཁབ་དང་མི་རིགས་ཀྱི་ཆེད་དུ་བློས་གཏོང་ཐུབ་པའི་སྙིང་སྟོབས་དང་དཔའ་ངར་ཡོད་པ་ཀུན་གྱིས་ཤེས་གསལ་རེད་་་་ཡིན་ཡང་་་་་ང་ཚོའི་འཐབ་རྩོད་འདི་བདེན་མཐར་མ་གསལ་བར་ནུས་པ་མཉམ་རུབ་དང་ངར་ཤུགས་ཇེ་རུ་གཏོང་དགོས་པས་་་་་་་འཇིག་རྟེན་འདིའི་སྟེང་དུ་རྣམ་པར་གསུམ་ང་ཚོ་དང་མཉམ་དུ་ངེས་པར་འཚོ་བཞུགས་གནང་རོགས།།

སྐྱབས་རྗེ་ཤིང་བཟའ་རིན་པོ་ཆེ་དང་རྡོ་རྗེ་རྒྱལ་པོ། ཡེ་ཤེས་བསྟན་འཛིན་རྣམ་པ་གསུམ་གྱིས་ཁ་བ་གངས་ཅན་པའི་ཆེད་དུ་བློས་གཏོང་ཆེན་པོས་ཟས་བཅད་ངོ་རྒོལ་གནང་སྟེ་རྒྱལ་ཚོགས་ཀྱིས་ཁེ་ལེན་གནང་རག་བར་བཞུགས་པ་ནི་ལས་སླ་མོ་ཞིག་མིན། ཁོང་རྣམ་པ་གསུམ་ལ་འཚམས་འདྲི་དང་སྐུ་གཟུགས་ཡར་ངོའི་ཟླ་ལྟར་འཕེལ་ཞིང་བསམ་དོན་ལྷན་གྱིས་འགྲུབ་པའི་སྨོན་འདུན་ཞུ།

ཆེ་འདོད་ཁྲིར་བརྗིད་སྤང་བས་གཞན་ཕན་བརྩོན། །
རེས་མེད་ཆོལ་གསུམ་ཡོངས་ལ་བྱམས་སྙིང་སྐྱོང་། །
མཐོ་པོའི་བརྗིད་ཉམས་མི་དགོས་དཀྱུས་གཤིས་སྟོན། །
༧སྐྱབས་རྗེ་ཤིང་བཟའ་ཐུགས་སྤྱོད་མངོན་པར་བསྟོད། །

གཉེར་ཉེ་མཛའ་བཤེས་དྲོད་ཁྱིམ་རྒྱབ་ཏུ་བསྐྱུར། །
ཆོལ་གསུམ་མི་རིགས་བདེ་སྡུག་དང་དུ་ལེན། །
གཅེས་པའི་རང་སྲོག་དོར་བའི་ཉམས་ངར་མེད། །
རྒྱལ་གཅེས་དཔའ་བོ་རྡོ་རྗེ་རྒྱལ་པོར་བསྟོད། །

ཕྱུག་ལྡན་རྒྱལ་ཁམས་ཡུལ་དུ་སླེབས་ན་ཡང་། །
རང་ཉིད་སྒེར་གྱི་བདེའི་དོན་ཡོངས་སྤང་ནས། །
ལ་བ་གངས་ཅན་བདེ་སྡུག་ཐབས་ལ་བརྩོན། །
རྒྱལ་གཅེས་དཔའ་བོ་ཡེ་ཤེས་བསྟན་འཛིན་བསྟོད། །