ཉེ་ཆར་ཨ་རིའི་གཞུང་གིས་ཨ་རིའི་སློབ་ཆེན་ཁག་ནང་ཡོད་པའི་ཁུང་ཙི་སློབ་གླིང་ཁག་དང་རྒྱ་ཡིག་དགེ་ལས་བ་རྣམས་ཁྲིམས་འགལ་ཆགས་ཡོད་པ་བསྒྲགས་འདུག
ཉེ་ཆར་ཨ་རིའི་རྒྱལ་སྲིད་ལྷན་ཁང་གིས་གསལ་བསྒྲགས་ཤིག་སྤེལ་ཏེ། ཨ་རིའི་ནང་ཡོད་པའི་རྒྱ་ནག་ཁུང་ཙི་སློབ་གླིང་དག་གིས་ངེས་པར་ཨ་རི་གཞུང་གིས་ངོས་ལེན་ཡོད་པའི་ཁྲིམས་མཐུན་ཡིག་ཆ་གཉེར་དགོས་པ་དང་། སློབ་གླིང་དེ་དག་ནང་རྒྱ་ཡིག་སློབ་ཁྲིད་བྱེད་མཁན་དགེ་རྒན་དང་ལས་བཟོ་བ་རྣམས་ནི་ཁྲིམས་འགལ་ཆགས་ཡོད་པ་བརྗོད་འདུག
རྒྱ་ནག་ཁུང་ཙི་སློབ་གླིང་གི་སྤྱི་ཁྱབ་འགན་འཛིན་གྱིས། ཁུང་ཙི་སློབ་གླིང་དག་གིས་ཨ་རི་གཞུང་གི་ངོས་ལེན་ཡོད་པའི་ཁྲིམས་མཐུན་ཡིག་ཆ་གཉེར་དགོས་པའི་གནད་དོན་དེས། མ་འོངས་པར་ཨ་རྒྱ་གཉིས་མཐོ་རིམ་སློབ་གྲྭ་ཁག་ཕན་ཚུན་བར་གྱི་མཉམ་སྒྲུབ་གྲོས་ཆོད་ཐད་ཤུགས་རྐྱེན་ངན་ཐེབས་སྲིད་པའི་བློ་འཚབ་བྱེད་བཞིན་ཡོད་པ་རེད། ད་ལྟའི་ཆར་ཨ་རིའི་ནང་ཁུང་ཙི་སློབ་གླིང་ ༨༡ ཡོད་འདུག
ཨ་རིའི་སློབ་ཆེན་ཁག་ནང་ཡོད་པའི་ཁུང་ཙི་སློབ་གླིང་དག་གི་མ་དངུལ་འགྲོ་གྲོན་ཡོངས་རྫོགས་རྒྱ་ནག་གཞུང་ངོས་ནས་གཏོང་བཞིན་ཡོད་སྟབས། དབྱེ་ཞིབ་པ་དག་གིས་ཁུང་ཙི་སློབ་གླིང་དེ་དག་ནི་རྒྱལ་སྤྱིའི་སྒང་རྒྱ་ནག་གི་ཆབ་སྲིད་སྣང་བརྙན་བསྐྲུན་བྱེད་དང་། རྒྱ་གཞུང་ཕྱི་འབྲེལ་སྲིད་ཇུས་ཀྱི་དྲིལ་བསྒྲགས་ཡོ་བྱད་ཅིག་ཏུ་ངོས་འཛིན་བྱེད་ཀྱི་ཡོད་པ་རེད།
དེ་བཞིན། ཕྱི་ཚེས་ ༡༥ ཉིན་རྒྱ་གཞུང་གིས་ཀྱང་ཁྲིམས་འགལ་ཐོག་རྒྱ་ནང་འཛུལ་མཁན་དང་། འདུག་སྡོད་བྱེད་མཁན། ལས་ཀ་གཉེར་མཁན་གྱི་ཕྱི་རྒྱལ་བ་རྣམས་ཕྱིར་འཕུད་གཏོང་རྒྱུ་ཡིན་སྐོར་བརྗོད་ཡོད་པ་རེད།
ཁུང་ཙི་ཟེར་བའི་རྒད་པོ་འདི་རིག་ཡག་ཅིག་ཡིན་ཚུལ་རང་ཉིད་རུལ་དྲི་དྲོ་བ་ཅིས་ཡིན་མི་ཚོར་བའི་བོད་པ་ཡོན་ཏན་པ་འགས་ཁ་ནས་གོ་མྱོང་ཡང་། བོད་པར་མི་མེད་དྲག་ནས་རྒྱལ་བ་རིན་པོ་ཆེས་ཀྱང་ད་ཆོས་གོས་འདི་ཕུད་ནས་དམག་ཆས་ཞིག་གོན་བཞག་དགོས་མིན་འགྲོ་དགོངས་ཀྱིན་ལོས་ཡོད་སྙམ་པའི་དུས་ཚོད་འདིར།་རྒྱ་ཤི་བོ་རེ་རེའི་དུར་ས་བསློགས་ནས་དེ་ཚོའི་ཡོན་ཏན་དང་བྱས་རྗེས་བཙལ་ཁོམ་མི་འདུག ཤེས་བྱ་ཡིན་ཚད་ལ་དུང་བ་ཆེ་ན། ཨ་རབ་ཡི་གེ་སྦྱོངས་དང་སྤྲོ་བ་འཕེལ་བའི་ལེགས་བཤད་རྫོགས་མཐའ་ཡོད་པ་མ་རེད།
མིའི་བསམ་བློ་ཚད་མཐོ་ཤོས་སུ་བསྐྱལ་ཐུབ་པའི་ཨ་རིའི་དམངས་གཙོའི་ཤེས་ཡོན་ཡོད་ཚར་བའི་རྗེས་ལ་རྒད་སྡང་འདིའི་རིགས་གཞུང་འདྲ་མཁོ་གི་མ་རེད། རྒྱ་ནག་གི་རིག་གཞུང་དང་འབྲེལ་བའི་ཚོགས་པ་ཉ་གེ་ཉོག་གེ་འདི་ཚོ་བོད་མི་ལ་དགོས་མཁོ་ཡོད་ན་མ་གཏོགས་ཨ་རི་ལ་དགོས་ཀི་མ་རེད། གཙང་འཕྱག་བྱེད་དགོས་པ་རེད།
རྒྱ་གཞུང་གིས་རང་ལ་ཁེ་ཕན་ཡོད་པ་ཞིག་ཡིན་ཕྱིན་ཁྲིམས་འགལ་གྱི་བྱ་སྤྱོད་རིགས་ལ་ཅི་ཡང་མི་སེམས་པར་རྒྱབ་སྐྱོར་དང་འགྲོ་གྲོན་གཏོང་རྐྱང་བྱེད་ཀྱི་རེད། མ་གཞི་ནས་རྒྱ་ནག་གི་ཁུང་ཙིའི་རྒྱབ་ལྗོངས་ན་ཆབ་སྲིད་ཀྱི་གསང་བ་ལྐོག་གྱུར་མང་ཚོད་རེད། ཁུང་ཙི་མྱུར་དུ་ཁྲིམས་གཏུག་གིས་ཕམ་ཉེས་ཐེབས་པར་ཤོག