མདང་དགོང་བོད་གཞུང་ཟློས་གར་ཚོགས་པའི་ཐང་ཆེན་དུ། བོད་ནང་རང་ལུས་མེར་བསྲེགས་གཏོང་བཞིན་པའི་བོད་མི་ཚོར་གདུང་སེམས་མཉམ་སྐྱེད་ཆེད་རོལ་དབྱངས་འདུ་འཛོམས་ཤིག་གནང་སོང་།
བོད་གཞུང་ཟློས་གར་ཚོགས་པའི་གོ་སྒྲིག ཁ་སང་ཕྱི་ཚེས་ ༩ ཉིན་གྱི་དགོང་མོའི་ཆུ་ཚོད་ ༨ པའི་སྟེང་། བཞུགས་སྒར་ངྷ་ས་བོད་གཞུང་ཟློས་གར་ཚོགས་པའི་ཐང་ཆེན་དུ། བོད་རང་རང་ལུས་མེར་བསྲེགས་གཏོང་བཞིན་པའི་རྒྱལ་གཅེས་དཔའ་དཔའ་མོ་ཚོར་གདུང་སེམས་མཉམ་སྐྱེད་མཚོན་ཆེད་རོལ་དབྱངས་འདུ་འཛོམས་ཤིག་ཚོགས་ཡོད་ཅིང་། རོལ་དབྱངས་འདུ་འཛོམས་ཀྱི་མཛད་སྒོའི་ སྐུ་མགྲོན་དུ་དབུས་བོད་མིའི་སྒྲིག་འཛུགས་ཀྱི་ཆོས་རིག་དྲུང་ཆེ་ངག་དབང་ཆོས་གྲགས་མཆོག་གིས་གཙོས། རྒྱལ་ས་ལྡི་ལི་ཨ་རིའི་གཞུང་ཚབ་ཆེན་མོ་བ་དང་། རྒྱ་གར་བོད་དོན་རྒྱབ་སྐྱོར་ཚོགས་ཆེན་ཐེངས་ ༤ པའི་སྟེང་ཕེབས་པའི་རྒྱ་གར་གནད་ཡོད་མི་སྣ་ཁག དེ་བཞིན་ངྷ་སར་གནས་སྡོད་བོད་རིགས་སེར་སྐྱ་མང་ཚོགས་བཅས་ཁྱོན་མི་ ༡༠༠༠ ཙམ་འདུ་འཛོམས་བྱུང་འདུག
མཛད་སྒོའི་ཐོག་མར་བོད་གཞུང་ཟློས་གར་འགན་འཛིན་ཚེ་རིང་གཡང་སྐྱིད་ལགས་ཀྱིས་རོལ་དབྱངས་འདུ་འཛོམས་གོ་སྒྲིག་གནང་དགོས་དོན་སྐོར་ངོ་སྤྲོད་གནང་བ་ལྟར་ན། རོལ་དབྱངས་འདུ་འཛོམས་དེ་ནི་རྒྱ་གར་བོད་དོན་རྒྱབ་སྐྱོར་ཚོགས་པའི་ཚོགས་ཆེན་བཞི་པ་བཞུགས་སྒར་དུ་འཚོགས་བཞིན་པའི་སྐབས་དང་བསྟུན་ཏེ། ཚོགས་ཞུགས་པ་དང་གཞི་རིམ་མང་ཚོགས་ཁྲོད། བོད་ནང་རང་ལུས་མེ ར་བསྲེགས་གཏོང་བཞིན་པའི་གནས་ཚུལ་ཤེས་རྟོགས་ཡོང་ཆེད་ཡིན་འདུག་ལ། གཞས་གཏོང་མཁན་རྣམས་ནི་བོད་གཞུང་ཟློས་གར་ཚོགས་པའི་ཚོགས་མི་དང་། གཞས་ཚིག་ཀྱང་བོད་ནང་རང་ལུས་མེར་བསྲེགས་གཏོང་མཁན་ཚོའི་ཁ་ཆེམས་ཁག་བརྗོད་བྱར་བྱས་ཡོད་འདུག
རོལ་དབྱངས་འདུ་འཛོམས་དེའི་ཐོག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས། ༢༠༠༨ ལོའི་ཞི་རྒོལ་བྱུང་རྗེས་བོད་ནང་གི་འགྲོ་བ་མིའི་ཐོབ་ཐང་དང་། བོད་རང་ལུས་མེར་བསྲེགས་ཀྱི་ང་རིམ་དང་དེའི་རྒྱུ་རྐྱེན་སྐོར་གཏམ་བཤད་དང་། ཀིརྟི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་ཀ་ཉག་ཚེ་རིང་ལག ས་ཀྱིས་ལྷག་དཀར་སྲུང་གཙི་བྱེད་ཕྱོགས་སྐོར་ངོ་སྤྲོད་དང་། བོད་ཕྱི་ནང་གཉིས་ཀྱི་བོད་མི་ཚོས་ལྷག་དཀར་ཉིན་བོད་སྐད་བཤད་རྒྱུ་དང་བོད་བཟས་ཟ་རྒྱུ། བོད་ལྭ་གྱོན་རྒྱུ། བོད་དོན་ཐོག་བསམ་བློ་གཏོང་རྒྱུ་དང་ལས་དོན་བསྒྲུབ་དགོས་རྒྱུའི་འབོད་སྐུལ་བཅས་ཞུས་སོང་ལ། མཇུག་ཏུ་རྩོམ་པ་པོ་བུ་ཆུང་བསོད་ནམས་ལགས་ཀྱིས་རང་ལུས་མེར་བསྲེགས་གཏོང་བཞིན་པའི་གནས་སྟངས་ཐད་གདུང་སེམས་མཉམ་སྐྱེད་ཀྱི་སྙན་ངག་གྱེར་འདོན་གནང་སོང་།
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དངོས་འབྲེལ་བྱེད་ན་ཟློས་གར་ཚོགས་པ་འདིའི་རྒྱུན་ལྡན་གྱི་བྱེད་སྒོ་ཁག་ཕུད་དེ་སྔར་དང་མ་འདྲ་བའི་ཐོག བོད་མི་རིགས་ལ་དུང་བ་ཟབ་པའི་བཙན་བྱོལ་གྱི་གླུ་བ་གླུ་མ་སུ་འདྲ་ཞིག་ཡིན་རུང་རེ་བསྐུལ་དང་གདན་ཞུ་གནང་ཏེ། བོད་ནང་གི་སྤུན་ཟླའི་ཚོར་གདུང་སེམས་མཉམ་སྐྱེད་མཚོན་ཆེད་རླབས་ཆེ་བའི་རོལ་དབྱངས་འདུ་འཛོམས་ཤིག་འཚོགས་ཐུབ་པའི་རེ་བ་སྙིང་ནས་འཆང་ཡོད།
བོད་རང་གི་སྐད་ཡིག་དང་ལ་རྒྱ་མེད་མཁན་གྱི་ཤ་དང་རས་པ་གཅིག་པའི་བོད་རིག་ཕྱེད་ཀ་མ་ཞིག་ཡོད་ཀྱང་ཆོག་ལ་མེད་ཀྱང་ཆོག།
སྤྱིར་མྱ་ངན་ཞེས་པ་ནི་སེམས་ཞུམ་པར་ངང་ཕྱི་མའི་ཡུལ་དུ་ཕྱིན་པའི་འདས་པོ་དེ་དག་གི་ཆེད་བསྔོ་བ་སྨོན་ལམ་དང་སླར་ཡང་དལ་བརྒྱད་འབྱོར་བཅུ་ཚང་བའི་མི་ལུས་ཞིག་ཐོབ་ནས་འཕགས་མཆོག་སྤྱན་རས་གཟུགས་ཀྱིས་རྗེས་སུ་བཟུང་ཞེས་ཀུན་སློང་རྣམ་པར་དག་པ་ཞིག་དགོས་པ་ཡིན་མོད། ཡུལ་གྱུར་བ་འདི་དག་གི་མྱ་ངན་ཞུ་སྟངས་ནི་དགའ་པའི་མཉམ་དང་དགོད་པའི་འཛུམ་ལྟོན་རྒྱུ་དེ་རེད། ད་དུང་ཁོ་བ་ཚོས་འདི་ནི་ཆགས་ཚིག་སྨྲར་ས་དང་ཟུར་མིག་གི་འདམ་མོ་འཕེན་ས་སོགས་གོ་སྐབས་ཡག་ཤེས་ཅིག་ལ་ངོས་འཛིན་བྱེད་ནི་རེད། ཁ་ནས་བོད་ནང་གི་རང་ལུས་མེར་བསྲེགས་ཀྱི་ཆེད་ཟེར་བ་མ་གཏོགས་དོན་ལ་ལང་ཚོའི་སྐོར་བྲོ་འཁྲབ་ཀྱི་འདུག། ཕྱི་ལུས་ཀྱི་རྣམ་འགྱུར་་དང་འཛུམ་འདང་ལ་གཟིགས་དང་ནང་སེམས་ཀྱིས་མྱ་ངན་མཚོན་པའི་དྲི་མ་ཙམ་ཡང་མི་འདུག།
ཤི་བུའི་རྗེས་སུ་མི་མང་འདུས་མཛོང་བྱེད་དེ་གཞས་དང་ཞ་བྲོ་རྒྱག་པར་འདི་དུས་རབས་ཉེ་ཅིག་གི་མྱ་ངན་ཞུ་གཏང་ཞིག་རེད་དང་ཡང་ན་་བོདགཞུང་ཟློས་གར་ཚོགས་པའི་གསར་བཏོས་ཀྱི་མྱ་ངན་ཞུ་གཏང་རེད་
ཨ་རོག་་་་་དྲྭ་གྲོགས་པོ་ཚོ་ད་དེ་་་་འདྲ་སེ་འབྲེལ་བཞད་རྒྱག་དགོས་རེད།
ད་ང་དངོས་གནས་མགོ་འཐོམ་སོང་
བོད་ཀྱི་ཟློས་གར་ཁང་གིས་འདི་ལྟ་བུ་མ་ཡིན་པའི་མྱ་ངན་རོལ་དབྱངས་འདུ་འཛོམས་ཧ་ཅང་གཞི་རྒྱ་ཆེན་པོ་ཞིག་བཙན་བྱོལ་ནང་སྦེལ་རྒྱུའི་རེ་བ་དང་། འབོད་སྐུལ་ཞུ།
འོ་་་ཡ་་་་་་དེང་སང་མྱ་ངན་ཞུ་བར་གཞས་གཏོང་བ་དང་བྲོ་འཁྲབ་པ་སོགས་ཀྱིས་བྱེད་ཀྱིན་འདུག་ཀ་་་་