སློབ་གཞི་དང་བསླབ་གཞིའི་དོགས་སློང༌།

རྩོམ་ཡིག་འདིའི་མགོ་བརྗོད་ནས་རྩོམ་པ་པོའི་ཞེ་འདོད་༼སློབ་གཞི་དང་བསླབ་གཞིའི་དོགས་སློང༽་ཞེས་བྲིས་པ་ལྟར་དོགས་གནས་སམ་དཔྱད་གཞིར་བཞག་སྟེ། ཐག་གཅོད་རྒྱ་ཆེ་གཟུར་གནས་མཁྱེན་ལྡན་ཡོངས་ཀྱིས་གནང་དགོས་པ་ཞིག་ལ་རེ་འདུན་མངོན་འདུག་མོད། བགྲོ་གླེང་འདི་ཡི་ནང་གི་ཕྱོགས་སྔ་གཙོ་བོ་ཞིག་ཚ་ཤོད་པ་རེད་འདུག

རྡོ་རྗེ་རིན་ཆེན་ལགས། མང་པོ་ཞུ་དགོས་ཀྱི་མི་འདུག རང་གིས་བྲིས་པའི་”བསླབ་ཡུལ་སློབ་མར་ལྟོས་ཏེ་སློབ་མཁན་དགེ་རྒན་གྱིས་བསླབ་བྱའི་གནས་གང་ཞིག་ཇི་ལྟར་སློབ་པར་བྱེད་པའི་གཞི་འཛིན་ས་ལ་སློབ་གཞི” ཞེས་པས་གསལ་པོར་བསྟན་འདུག་སྟེ། བསླབ་གཞི་དང་སློབ་དེབ་གཉིས་ཀྱི་བདག་གཞན་འཇུག་སྟངས་མི་འདྲ། སློབ་དེབ་ཟེར་དུས་བསླབ་གཞི་དེ་སློབ་བྱེད་ཀྱི་དཔེ་དེབ་ལ་གོ་ཞིང་བསླབ་གཞི་ཟེར་དུས་བསླབ་པར་བྱ་བའི་གནས་ལ་གོ་དགོས། དེར་བརྟེན་བསླབ་བྱའི་གནས་དང་བསླབ་གཞི་གཉིས་དོན་གཅིག་པ་ཡིན། བསླབ་གཞི་ཞེས་མིང་འདོགས་དགོས་དོན་བསླབ་གཞི་རྩ་འཛིན་གྱི་སློབ་དེབ་ལ་ལྟོས་ནས་བཏགས་པ་ཞིག་མ་ཡིན་པར་བསླབ་བྱའི་རིག་གནས་ཀྱི་ནང་དོན་གང་དང་གང་གཞིར་བཟུང་དགོས་མིན་ལ་ལྟོས་ནས་བཏགས་པ་རེད། དེས་ན་དངོས་པོ་བདག་གཞན་གཉིས་ལས་གཞན་ཡིན་དགོས། ནོར་ས་དེ་བསླབ་གཞི་དེ་སློབ་དེབ་ནང་བཞིན་གྱི་དཔེ་དེབ་ཅིག་ལ་གོ་བ་བླངས་པས་ནོར་བ་ཡིན་ནམ་སྙམ། ཁྱེད་ཀྱིས་ཚིག་གྲུབ་ཅིག་བཟོས་པ་དེའི་ནང་གི་བསླབ་བྱའི་གནས་ཟེར་བ་དེ་ནི་བསླབ་གཞི་ཡིན་པ་མ་ཤེས་པ་དེ་དངོས་གནས་ཁྱེད་ཀྱིས་ཐུགས་ཉམས་གཞག་མི་འདུག གལ་སྲིད་ཁྱེད་ཀྱིས་རྩོད་སྟངས་དེ་འདྲ་ཞིག་ཟམ་གདོང་རིན་པོ་ཆེའི་མདུན་སར་སླེབས་ཚེ་དངོས་གནས་ངོ་གནོང་བ་ཞིག་བཟོས་ཡོང་། ལངས་རྒྱུ་མེད་ནི་ཞིག་བཟོ་རྒྱུ་རེད་ཡ།

དེད་དཔོན་ལ་ཞུ་རྒྱུར། ལས་བྲེལ་བར་གསང་ནས་ཁྱེད་ཀྱི་མཆན་ལ་ལྟ་ནོར་ཤོར་འདུག རེད། ཁྱེད་ཀྱིས་འདི་ལྟར་ལབ་འདུག་གཱ༼སློབ་དེབ་ཅེས་པ་འདི་དངོས་པོ་གཞན་ཡིན་ཡང་བསླབ་དེབ་མི་ཟེར་པའི་རྒྱུ་མཚན་དམིགས་བསལ་བཤད་དུ་མེད། འདི་བརྗོད་བདེ་བའི་དབང་གིས་མིང་འདི་རིག་གནས་གསར་བརྗེ་བྱུང་བའི་རྗེས་སུ་བཏགས་པ་རེད། སྔོན་གྱི་དུས་སུ་འདིའི་ཐ་སྙད་འདི་མེད།༽ཅེས་པ་འདི་རེད། ལྟ་ནོར་ཤོར་བའི་ཐད་དགོངས་སེལ་ཞུ་བ་དང་འབྲེལ་དེ་ཐད་གསལ་ཞིག་བཤད་འདོད་བྱུང་། སློབ་དེབ་ཅེས་པ་འདི་རིག་གསར་གྱི་རྗེས་སུ་བྱུང་ཡང་མ་བྱུང་ཡང་། གཙོ་བོ་དེ་བདག་གཞན་གྱི་དགོངས་པ་དང་བསྟུན་དགོས་པ་ཞིག་མ་རེད་དམ། གོང་བརྗོད་བཞིན་བདག་གཞན་གྱི་རྣམ་གཞག་འདི། བོད་སྔ་རབས་ནས་རིམ་བཞིན་རྡོ་ལག་བརྒྱུད་བཞིན་གྱི་ཁྲིད་རྒྱུན་རྒྱུད་པ་མ་ཉམས་པར་ཡོང་ཡོད་སྟབས། སློབ་དེབ་ཅེས་པའི་བརྡ་སྦྱོར་བྱེད་སྟངས་དེ་ཡང་བདག་གཞན་གྱི་དབང་གིས་བརྡ་སྦྱོར་བྱེད་སྟངས་ཤིག་རེད། རིག་གསར་གྱི་རྗེས་སུ་མིང་བྱུང་མ་བྱུང་ཞིག་ལ་འབྲེལ་བ་འདུག་གམ།
གཉིས་པ།༼བདག་གཞན་གྱི་རྣམ་གཞག་འདིའི་སྐབས་སུ་བོད་ཀྱི་སུམ་འགྲེལ་མཁན་པོ་རྣམས་ལུང་རིགས་ཀྱི་རྩེད་བྲོ་འཁྲབ་ས་རྗེས་སུ་སྤྱན་འབུལ་ཞུ་ངེས་ཡིན༽ཞེས་པ་ལྟར། ཁྱེད་ལ་ཤོད་རྒྱུ་ཡོད་ན་ཤོད་དང་། ང་ཚོས་རིམ་གྱིས་བགྲོ་གླེང་བྱ། གཞོན་དུས་ནས་བགྲོ་གླེང་བྱ་རྒྱུར་དགའ་མཁན་ཞིག་ཡིན། གོ་སྐབས་དེ་ང་ལ་མཚོན་ན་མ་འཐོབ་པའི་དཀའ་ངལ་ཡོད། མ་གཞི་སུམ་འགྲེལ་མཁན་པོ་རྣམས་བྱ་བྱེད་ཀྱི་རྣམ་གཞག་རེ་ཟུང་ཐད་དགོངས་པ་མི་མཐུན་པ་བྱུང་ཡོད། དེ་ལ་བདག་གཞན་གྱི་རྣམ་གཞག་ཐད་དགོངས་པ་མི་མཐུན་པ་ཞེས་ཆེན་པོར་སྒྲོ་བཏགས་ན་མི་ལེགས། དེ་གཅིག་ཡིན།
གསུམ་པ་དེ། ཁྱེད་ལ་འདྲི་རྒྱུ་ཞིག་ཡོད། ཅི་ཕྱིར་གཏམ་རྗོད་པ་པོ་དང་། རྗོད་བྱེད་ཀྱི་ལྕེ་ཞེས་རྗོད་གཉིས་ལ་སྔོན་འཇུག་བ་ཡིག་མ་བྲིས་པ་རེད། དེ་གསལ་བོར་ཤེས་ན། སློབ་མཁན་དགེ་རྒན་དང་། སློབ་བྱེད་སློབ་དེབ་གཉིས་ལ་སྔོན་འཇུག་བ་ཡིག་མ་བྲིས་པའི་རྒྱུ་མཚན་གཅིག་མ་གཏོགས་མེད་ལ། དེ་གཉིས་རྒྱུ་མཚན་གཅིག་པ་ཡིན། དེ་ཤེས་པ་ལ་བདག་གཞན་གྱི་རྣམ་གཞག་དེ་ཞིབ་ཏུ་ཤེས་དགོས་ཞེས་ངས་ཡང་ཡང་ཤོད་བཞིན་ཡོད། ང་ཚོ་རྩོད་གླེང་བྱེད་སྐབས་རྩ་བ་འོལ་ནས་ཡལ་ག་མ་རྒྱས་ན་ལེགས། གཙོ་བོ་རྩོད་གཞི་སྒང་ལ་འབབ་དགོས།
སྨྲས་པ།
སྔོན་གྱི་དྲན་དབང་ཉི་ཟླའི་ཚོགས་རྣམས་རིམ་གྱིས་ནུབ་རིའི་ཕག་ཏུ་འཆེལ།།
གང་ན་བོད་ཀྱི་དབྱངས་གསལ་སྦྱོར་བ་མ་དག་བྱེ་མའི་ཕུང་བོར་འགྲན།།
མ་རྟོགས་མ་དང་ལོག་པར་རྟོག་རྣམས་ཤ་རུལ་ཐད་ཀྱི་སྦྲང་ཐ་བཞིན།།
ཙབ་ཙུབ་ཆེ་ལས་ལེགས་བཤད་ནོར་བུ་རི་བོང་རྭ་ཡི་རྗེས་སུ་སྙེག།

རྡོ་འཇམ་ཚུལ་ལ་ཞུ་རྒྱུར།
བསྡད་པ་བྱེད་མེད་ལས་ཚིག་ཡིན་པ་ཕལ་ཆེར་བོད་པའི་གནག་རྫི་དག་གིས་ཀྱང་མཁྱེན་སླ་བ་རེད། ཁྱེད་ཀྱིས་རྐང་བཙུགས་ཏེ་མི་འདོད་པ་ནན་གྱིས་བཟུང་ནས་རྡོ་རྗེ་རིན་ཆེན་ས་ལ་བསྡད་ཟེར་ནའང་བྱ་བྱེད་ཡོད་པར་ཐལ་བ་ཕངས་སྟབས། ངས་ཀྱང་ཁྱེད་ལ་ངར་སློང་བ་དང་ཁྱེད་ཀྱི་ཤེས་ཚད་ལ་ཚོད་བསྒམ་ཕྱིར་མི་འདོད་པ་ནན་བཟུང་བྱས་པ་ཡིན། དེ་ཙམ་ཡང་མཁྱེན་གྱིན་མེད་པ་འདྲ། ཁྱེད་ཀྱིས་དོན་ངོ་མ་ཤེས་འདོད་ན་འདི་ལྟར་རེད། རྡོ་འཇམ་ཚུལ་ས་ལ་བསྡད་ཟེར་ན། རྡོ་འཇམ་ཚུལ་བྱ་བྱེད་ལས་གསུམ་ལས་སྡོད་པ་པོ་སྟེ་དངོས་པ་བདག་ཡིན་ནའང་། བསྡད་བྱ་འདི་ཟེར་བ་ཞིག་མེད་སྟབས་དེ་འདྲ་ལ་སི་ཏུའི་ཡབ་སྲས་ཀྱི་རིང་ལུགས་ལྟར་ན་བདག་དོན་ཕལ་བ་ཟེར་གྱི་རེད། གནས་སྐབས་འདི་ཙམ་ཡིན། ཁ་སང་དེ་རིང་བོད་ནང་གི་གནས་སྟངས་ཀྱིས་རྐྱེན་པས་རེ་ཞིག་འདི་སྐོར་གླེང་སློང་མཚམས་འཇོག་གི་ཡིན།
རྗེས་སོར་ཁོམ་པ་ཡོད་དུས་ཞིབ་ཏུ་གླེང་ངེས་ཡིན།

ཚ་ཤོད་ཤེས་རབ་ལ་བཤད་རྒྱུར། ངས་ང་རང་གི་སྐད་ཆ་སྔར་བཞིན་ལས་འགྱུར་བ་གང་ཡང་བཏང་མེད། སྔར་དང་མི་འདྲ་བའི་ཡར་རྒྱས་ལ་སོང་བའི་རྣམ་པ་གསར་བ་ཞིག་གང་ཡང་མེད། དྲང་མོར་བཤད་ན་ད་ལྟའི་ཁྱོད་ཀྱི་ཤེས་ཚད་ཀྱིས་ང་ལ་ཡར་རྒྱས་ཡོད་མེད་ཀྱི་ཚད་ཐིག་གཞལ་བའི་ཐོབ་ཐང་དེ་མི་འདུག ངས་སྔར་ནས་བཤད་ཟིན། བསྡད་ཅེས་པའི་ལས་ཚིག་འདི་བྱེད་འབྲེལ་ལས་ཚིག་རེད་ཅེས་ཟེར་བ་ནས་བཟུང་ངས་ཁྱོད་ལ་ཟུར་བལྟས་ལེབ་མཐོང་བྱུང་སོང་ཞེས་བཤད་པ་ཡིན།

དེད་དཔོན་མིང་ཅན་ལ་ཞུ་རྒྱུར། བར་ལམ་རང་རེའི་བརྡ་སྤྲོད་ཀྱི་དབུ་འཕང་སྨད་བཞིན་པའི་འདི་དུས་ལ། རྡོ་རྗེ་རིན་ཆེན་གྱིས་སློབ་གཞི་དང་བསླབ་གཞིའི་དོགས་སློང་བྱས་པ་དང་། འོ་ཅག་བགྲོ་གླེང་གིས་ཁ་འཛིན་བྱེད་ཅི་ཐུབ་བྱས་པ་ཚང་མ་ཡར་རྒྱས་ཀྱི་མངོན་རྟགས་ཤིག་ལ་སྒོམ་ཡོད། སྐབས་དོན་བདག་
གཞན་གྱི་རྣམ་གཞག་ཐད་བོད་སྔ་རབས་དང་ཕྱི་རབས་ཀྱི་སུམ་འགྲེལ་སྨྲ་མཁན་ཚང་མའི་དགོངས་པ་གཅིག་མཐུན་ལས་མི་མཐུན་པ་མེད། བརྡ་སྤྲོད་ཀྱི་རྣམ་གཞག་རེ་འགའི་ཐད་མཁས་པ་སོ་སོར་དགོངས་པ་འགྲེལ་ཚུལ་ཡོད་པ་དེ་བདག་གཞན་སྒང་ལ་བཙན་སྦྱར་བྱས་ན། མི་ཤེས་མཁན་ཞིག་གིས་བདེན་སྙམ་སྲིད་ཀྱང་ཤེས་མཁན་ཚང་མ་རང་མཚང་འབྱིན་བྱེད་ལས་མ་འདས། ཁྱེད་རང་གིས་བསམ་བློ་ཞིབ་མོ་ཞིག་ཐོངས། བདག་གཞན་གྱི་རྣམ་གཞག་རིག་གསར་སྔ་རྗེས་ཀྱི་མིང་བརྡ་བྱུང་ཚུལ་ཞིག་ལ་བསྙད་ན་དངོས་ནས་དགོད་ཁ་སློང་བྱེད་ཅིག་རེད། བརྡ་སྤྲོད་རྣམ་གཞག་འདི་བོད་སྔ་རབས་ནས་རིམ་བཞིན་རྡོ་ལག་བརྒྱུད་བཞིན་ཁྲིད་རྒྱུན་གྱི་རྒྱུད་མ་ཉམས་པར་ཡོང་ཡོད་སྟབས་ཆུ་མགོ་གངས་ཀྱི་དཔེ་རེད།
ལར་ནས་ཁྱེད་ཀྱིས་དངོས་པོ་བདག་ཡིན་ན་བྱེད་པ་པོ་ཁོ་ན་ཡིན་པར་བསམ་འདུག ཁྱེད་རང་ཡང་བདག་གཞན་ཐད་རྒྱུས་མྱོང་མེད་མཁན་ཞིག་ཡིན་པ་མཚོན་ཐུབ། བདག་དོན་ལ་བདག་དོན་གཙོ་བོ་དང་ཕལ་བ། བྱེད་པ་པོ་དང་། བྱེད་པ་བཅས་སོ་སོར་ཡོད་པ་རེད། བྱེད་པ་པོ་གཙོ་ཕལ་གྱི་དཔེར་ནི། སློབ་མཁན་དགེ་རྒན་བྱེད་པ་པོ་དང་། སློབ་བྱེད་སློབ་དེབ་བྱེད་པ། བསླབ་ཡུལ་སློབ་མ་བྱ་ཡུལ། བསླབ་བྱའི་རིག་གནས་བྱ་བའི་ལས་རེད། དེའི་ཁྲོད་ཀྱི་སློབ་དེབ་བྱེད་པ་ཡིན། དཔེར་ན་ཤིང་མཁན་དང་སྟ་རེའི་དཔེ་བཞིན། རྒྱུ་མཚན་དེ་འདྲར་བརྟེན་བདག་དོན་གྱི་བརྡ་སྦྱོར་སློབ་དེབ་ཅེས་མིང་བྱུང་ཞིང་། མིང་དེ་རྟགས་འཇུག་གཞུང་གི་རྩ་བའི་ཚིག་ཟིན་ལ་བསྟུན་པ་ཞིག་ལས་རིག་གསར་སྔ་རྗེས་ཀྱི་གནད་དོན་ཞིག་ལ་གཡས་ཁག་གཡོན་དཀྲིས་བྱེད་སྟངས་དེ་གཟུར་གནས་ཀྱི་བྱེད་སྟངས་ཤིག་མ་རེད། དཔེ་དེ་བཞིན་དཔེ་སྐྲུན་ཁང་ཞེས་སྐྲུན་ལ་སྔོན་འཇུག་མི་འཇོག་པའི་རྒྱུ་མཚན་ཡང་སྐྲུན་བྱེད་དངོས་པོ་བདག་ཡིན་པས་རེད། པར་དུ་བསྐྲུན་ཟེར་ན་བྱ་བའི་ཆ་ནས་དུས་འདས་པ་ཡིན་ཙང་། ཕོ་ནི་འདས་དང་གཞན་སྒྲུབ་ཀྱི་དགོངས་དོན་བཞིན་འདས་ཚིག་བསྐྲུན་བྲིས་པ་རེད། ཁྱེད་ཀྱི་ཟེར་ན། ཅི་ཕྱིར་དཔེ་སྐྲུན་ཁང་ལ་སྔོན་འཇུག་མ་བཞག་པ་རེད། དེ་ཡང་རིག་གསར་གྱི་ཁྱད་པར་ཞིག་མིན་འགྲོ།
ཨ་ལ་ཀུ་རེ་ཡིན།

མཁས་གྲགས་འདོད་པས་བྲིས་པ་མ་ལགས་རང་རེའི་བརྡ་ལ་དུང་བས་ཡིན།།
དགོས་མེད་ཚིག་ཚོགས་སྤྲོས་པ་མ་ཡིན་ཐོན་མིའི་དགོངས་པ་སྟོན་ཕྱིར་ཡིན།།
དེང་གི་དུས་འདིར་གཟུར་བོར་གནས་ཤིང་དོན་དང་མཐུན་པའི་གཏམ་སྨྲ་ཉུང་།།
གང་ཞིག་བདེན་མིན་དྲན་དབང་ཚོགས་ཀྱིས་ཁྲུན་ཐག་བརྡར་ཤ་བཅད་ལ་ ལེགས།།

དྲ་གྲོགས་ཚ་ཤོད་ཤེས་རབ་ལ་བསྙད་པ།
ཁྱེད་སུམ་རྟགས་མཁས་པོ་ཡིན་མདོག་གནང་འདུག་པས་ཅུང་ཟད་ཞུ་འདོད་བྱུང་། ཕོ་ནི་འདས་དང་གཞན་སྒྲུབ་ཕྱིར།། སོགས་ཀྱི་སྐབས་སུ་བསྟན་པའི་བདག་གཞན་དུས་གསུམ་གྱི་རྣམ་གཞག་ལ་བོད་ཀྱི་མཁས་པ་རྣམས་འདོད་པ་མི་མཐུན་པ་སྣ་ཚོགས་རེད། དཔེ་བརྗོད་འཇོག་སྟངས་ཀྱང་མི་འདྲ་བ་ཡོད། ཡོན་ཀྱང་ཡོངས་གྲགས་ཀྱི་བདག་གཞན་ངོས་འཛིན་ལུགས་ནི། བྱ་བ་གང་ཞིག་ལ་འཇུག་པ་ན། བྱེད་པ་པོ་ལ་བདག་དང་། བྱ་བའི་ཡུལ་ལ་གཞན་ཞེས་འདོགས་ལ། དེ་ལྟ་བུའི་བྱེད་པ་པོ་དང་འབྲེལ་བའི་ལས་ལ་བྱེད་པ་དང་། བྱ་བའི་ཡུལ་དང་འབྲེལ་བའི་ལས་ལ་བྱ་བ་ཞེས་འདོགས། དེས་ན་ཁྱེད་ཀྱིས་བདག་གཞན་ངོས་འཛིན་ལུགས་འདི་འགྲིག་འདུག་གམ། སློབ་དེབ་ཅེས་པ་འདི་དངོས་པོ་གཞན་ཡིན་ཡང་བསླབ་དེབ་མི་ཟེར་པའི་རྒྱུ་མཚན་དམིགས་བསལ་བཤད་དུ་མེད། འདི་བརྗོད་བདེ་བའི་དབང་གིས་མིང་འདི་རིག་གནས་གསར་བརྗེ་བྱུང་བའི་རྗེས་སུ་བཏགས་པ་རེད། སྔོན་གྱི་དུས་སུ་འདིའི་ཐ་སྙད་འདི་མེད། ཁྱེད་ཀྱིས་སློབ་དེབ་ཅེས་པའི་མིང་ཞིག་ལ་འཁྲུལ་ནས་དངོས་པོ་བདག་ཡིན་པར་སྒྲུབ་འདུག་ཀྱང་། དོན་དུ་འདི་བྱེད་པ་པོ་ཡིན་པར་སྒྲུབ་པ་དང་གཅིག་མཚུངས་རེད། སློབ་དེབ་བྱེད་པ་པོ་ཡིན་མིན་ནི་མཁས་བླུན་སུས་ཀྱང་ཤེས་ནུས་སོ།། ཁྱེད་ཀྱིས་སློབ་དེབ་དངོས་པོ་བདག་ཡིན་པར་སྒྲུབ་རྗེས་༼༼གངས་རིའི་ལྗོངས་ཀྱི་རིག་པ་སྨྲ་བ་ཚང་མས་བསླབ་དེབ་མི་ཟེར་བར་སློབ་དེབ་ཅེས་བསྙད་པ་རེད། ༽༽གསུངས་འདུག་ཀྱང་གངས་རིའི་ལྗོངས་ཀྱི་རིགས་པ་སྨྲ་བ་ཚང་མ་ཟེར་ཡག་དེ་སྨན་ཀུན་ཚོགས་ཀྱི་དཔེ་ལྟར་ཡི་ན་རྒྱུ་རེད་དེ། དོན་དུ་ད་གིན་ཞུས་པ་བཞིན་དུ་སློབ་དཔོན་ཐུ་མའི་རིག་གཞུང་ལ་རིན་ཐང་ཆེན་པོ་མི་རྩི་མཁན་དག་གིས་མིང་འདི་བཏགས་པ་རེད། དེས་ན་མིང་ཆུང་ངུ་ཞིག་གི་དོན་དུ་བོད་ཀྱི་ཡིག་རིགས་ཀུན་གྱི་མ་ཕྱི་འདི་ལ་ལྷད་བཙུད་པར་འདོད་དམ།

ཚིག་གི་མཚོན་རྩེ་གཏོད་པ་མ་ཡིན་དོན་གྱི་གནས་ལུགས་ཞུས་པ་ཡིན།།
རང་དང་གཞན་གྱི་ཕྱོགས་འཛིན་མ་ཡིན་ཐུ་མིའི་དགོངས་དོན་རྟོགས་ཕྱིར་ཡིན།།
བདག་དང་གཞན་གྱི་རྣམ་གཞག་འདི་ཚོ་རིག་གཞུང་འདི་ཡི་དཀའ་གནད་ཡིན།།
འདི་ལ་བགྲོ་དང་གླེང་མོ་ཡོད་ན་ནམ་ཡང་སུན་པ་མི་སྐྱེད་དོ།།

ཡིག་མཁན་དང་སྨྱུ་གུ་གཉིས་དངོས་པོ་བདག་ཡིན་པ་ངས་ཀྱང་འདོད་ལ། དེ་དང་སློབ་མཁན་དང་སློབ་དེབ་གཉིས་དཔེ་དོན་དུ་མཚུངས་པ་ཁས་མི་ལེན་ནོ། སྔ་མའི་ལས་སམ་དངོས་པོ་གཞན་ལ་ཡི་གེ་འཇོགས་ཀྱང་། ཕྱི་མའི་ལས་སམ་དངོས་པོ་གཞན་ལ་སློབ་དེབ་ལས་གཞན་སློབ་དེབ་སྟེང་གི་ཚིག་དོན་རྣམས་འཇོགས་ཟེར་བ་ལྟ་བུའི་ཚིག་སྐམ་ཙམ་ལ་འཁྲི་བ་ལས་གང་ཞིག་འཇོགས། ཕྱི་མའི་སྐབས་སུ་ལས་སམ་དངོས་པོ་གཞན་ལ་སློབ་དེབ་འཇོགས་དགོས་པ་ཡང་ཡིན་དེ། སློབ་དེབ་ནི་འཁྲིད་བྱ་ཡིན་པ་ལས་འཁྲིད་བྱེད་གང་ནས་ཡིན། འཁྲིད་བྱ་ཡིན་དེ། གང་འཁྲིད་རྒྱུ་དེ་ཡིན་པའི་ཕྱིར་ལོ། གལ་ཏེ་སློབ་དེབ་འཁྲིད་བྱེད་ཡིན་ན་དགེ་རྒན་གྱི(ས)་སློབ་དེབ་ཀྱིས་སློབ་མ་ལ་ཁྲིད་ཟེར་དགོས་པས་དེ་ལྟར་དུ་འདོད་དམ། དེ་ལྟར་མ་ཡིན་པར་དཔེར་ན། མདའ་མཁན་གྱིས་ནམ་མཁར་མདའ་འཕང་། དགེ་རྒན་གྱིས་སློབ་མར་དཔེ་ཆ་འཁྲིད། ཡིག་མཁན་གྱིས་ཤོག་བུར་ཡི་གེ་བྲི། ཞེས་བརྗོད་སྐབས་མདའ་དང་། དཔེ་ཆ། ཡི་གེ་བཅས་ནི་བྱ་བྱེད་ལས་གསུམ་ནས་ལས་དང་། དངོས་པོ་བདག་གཞན་གཉིས་ལས་གཞན་ཡིན་ལ། འཕང་དང་། འཁྲིད། བྲི་རྣམས་ནི་བྱ་བྱེད་ལས་གསུམ་ལས་བྱ་བ་ཡིན་ལ། བདག་གཞན་གཉིས་ལས་གཞན་དང་། དུས་གསུམ་ལས་མ་འོངས་པ་ཡིན། ནམ་མཁའ་དང་། སློམ་མ། ཤོག་བུ་བཅས་ནི་འཕྲད་རྣམ་དབྱེ་སྦྱར་སའི་གཞི་ཡིན་པ་ལས་སྐབས་འདིའི་བྱ་བྱེད་ལས་གསུམ་པོ་གང་ཡང་མ་ཡིན་ནོ། །མདའ་མཁན་སོགས་གང་ཡིན་བཤད་མི་དགོས་པར་སེམས།
དྲང་མོར་བཤད་ན་ཁྱེད་ཅག་གིས་བྱ་བྱེད་ལས་གསུམ་གྱི་ལས་དང་། བྱ་བ་གཉིས་གང་ལ་ངོས་འཛིན་དགོས་པའི་ངེས་གཏན་མེད་པ་དང་། སྤྱིར་བཏང་གི་ལས་དང་བྱ་ཡུལ་དོན་གཅིག་ཟེར་བའི་ལས་དང་། བྱ་བྱེད་ལས་གསུམ་གྱི་ལས་གཉིས་ལ་ཁྱད་པར་འབྱེད་མ་ཐུབ་པའི་སྐྱོན་ཏུ་མཐོང་སོང་བས་ལྷག་བསམ་ལ་སླད་པ་མེད་དོ།།

ལེགས་ཉེས་འབྱེད་པའི་བློ་མིག་ཡོད་ན་ཕྲ་བའི་གནས་ལ་མནོ་བསམ་ཐོངས།།
གཟུ་བོར་གནས་པའི་སྤོབས་པ་ཡོད་ན་བདེན་པའི་གཤིས་ལ་གོས་མ་སྒྲིབས།།
རང་མཚང་མངོན་པའི་ང་རྒྱལ་ཆུང་ན་མཁས་པའི་དྲུང་དུ་ཡང་ཡང་གཏུགས།།
ཕོག་ཐིག་སོང་ན་འཐོལ་ཞིང་བཤགས་ལ་དྲང་གཏམ་ཉིད་ཀྱི་རང་གཤིས་ལགས།།

རྡོ་འཇམ་ཚུལ་ལ་ཞུ་རྒྱུར། ཁྱེད་རང་ལ་སུམ་རྟགས་ཀྱི་རྨང་གཞི་མེད་པའི་ཁར། མི་ཆོས་ཡ་རབས་ཀྱི་བཟང་སྤྱོད་དེ་ཡང་མི་འདུག ལམ་སེང་ཁྲོ་ཚིག་བེད་སྤྱོད་གནང་འདུག ང་རང་ནི་མི་འདི་ཅན་ལ་ཁ་ཡ་བྱེད་པར་མི་དགའ། དེ་གཅིག་ཡིན། གཉིས་པ་དེ་ཁྱེད་ལ་སེམས་གཏམ་ཞིག་བཤད། ཁྱེད་ཀྱིས་སློབ་དེབ་ཅེས་པ་ནི་མིང་ཙམ་དང་གང་བསླབ་རྒྱུའི་དངོས་པོ་ཡིན་པས་ལས་དང་། སློབ་མཁན་དགེ་རྒན་ལས་གཞན་ཡིན་པས་དངོས་པོ་གཞན་ཟེར་དགོས། ཞེས་པ་འདི་ཡིག་ཐོག་ལ་གནས་ཡོད་པ་རེད། སུམ་རྟགས་སྨྲ་བ་སུས་བལྟས་ཀྱང་རང་མཚང་རྗེན་པར་མཐོང་རྒྱུ་ལས་མ་འདས། འདི་སྐོར་ཁྱེད་ལ་གསལ་བཤད་བརྒྱ་ལ་བྱས་ཀྱང་ཁྱེད་རང་གོ་རྒྱུ་ཡོད་མཁན་དེ་མིན་པས་བཏང་སྙོམས་སུ་འཇོག སྡོད་པར་བྱ་བ་སྡོད་བྱ་ཡིན། སྡོད་བྱེད་སྟན་དང་རྐུབ་སྟེགས་ཡང་ན་ཁྱེད་ཀྱི་རྐུབ་སར་མ་བཙུགས་པར་སྡོད་ཐབས་མེད་པས། ཁྱེད་ཀྱི་རྐུབ་དེ་ཡང་སྡོད་བྱེད་ལ་བཞག་ན་མི་ཆོག་པ་གང་ཡོད། ཧ་ཧ་་་་་་་་་་་་་

སྔ་མོ་ཀ་ཐོག་ཏུ་སི་ཏུའི་ཡབ་སྲས་ཀྱི་སུམ་གཞུང་ལ་སློབ་སྦྱོང་ཏོག་ཙམ་བྱས། བདག་གཞན་ལ་རང་མགོ་འཐོམས་ཙམ་ཡོད། སློབ་མཁན་དགེ་རྒན་དང་། སློབ་བྱེད་སློབ་དེབ་གཉིས་དངོས་པོ་བདག་རེད། གལ་སྲིད་རྡོ་འཇམ་ཚུལ་གྱིས་ཤོད་པ་ལྟར། སློབ་དེབ་དངོས་པོ་གཞན་དུ་ཁས་ལན་ན། སློབ་དེབ་མི་ཟེར་བར་བསླབ་དེབ་ཟེར་དགོས། དེ་ཤེས་པ་ལ་སྔོན་འཇུག་གི་དགོས་པ་ཅི་ཕྱིར་འཇུག་ཚུལ་ཡག་པོ་ཤེས་དགོས། དེ་མིན་མཁྱེན་རྟོགས་མི་ཐུབ། རྡོ་རྗེ་རིན་ཆེན་ས་ལ་བསྡད་ཅེས་པ་དེ་ལ་བདག་གཞན་འབྱེད་རྒྱུ་ཙམ་དུ་མ་ཟད། དུས་གསུམ་གྱི་དབྱེ་བའང་འབྱེད་རྒྱུ་ཡོད། བྱེད་འབྲེལ་དང་བྱེད་མེད་གཉིས་སུ་བཀར་ཚེ་བྱེད་འབྲེལ་གཟུགས་འགྱུར་ཡིན། སྡོད་པ་པོ་དངོས་པོ་བདག་དང་། བསྡད་ཡུལ་དངོས་པོ་གཞན། བསྡད་པ་དུས་འདས་པ། སྡོད་བཞིན་པ་དུས་ལྟ་བ། བསྡད་རྒྱུ་དུས་མ་འོངས་པ་རེད། གོང་མཆན་པ་རྡོ་འཇམ་ཚུལ་རྟགས་འཇུག་ལ་སྦྱངས་པ་མཐར་ཕྱིན་གནང་མྱོང་ཡོད་མཁན་ཞིག་མིན་པ་འདྲ། ཁོ་བོའི་བཤད་སྟངས་དེ་ཚོར་རྟགས་འཇུག་གཞུང་ལ་མཁྱེན་རྒྱ་ཡོད་མཁན་ཞིག་གིས་བལྟས་མ་ཐག་འགལ་འཛོལ་ཡོད་པ་རྟོགས་ཐུབ། བཤད་སྟངས་དེ་མཐོང་རྗེས་ངའི་ཡིད་ལ་དཀར་ལེབ་སུམ་རྟགས་ཀྱི་ལོ་རྒྱུས་དེ་འཁོར་སོང་། ཧ་ཧ་་

རྡོ་རྗེ་རིན་ཆེན་གྱིས་དགེ་རྒན་གྱིས་སློབ་མར་སློབ་དེབ་སྟེང་སློབ་ཁྲིད་བྱས་ཞེས་པ་དེར་བྱ་བྱེད་ལས་གསུམ་དབྱེ་ཚུལ་ལ་མོས་མཐུན་མེད། སློབ་མཁན་དགེ་རྒན་བྱེད་པ་པོ་ཡིན་པ་བདེན་དུ་ཆིག་ཀྱང༌། སློབ་བྱེད་ནི་སློབ་དེབ་མ་ཡིན་པར་དགེ་རྒན་དེ་ཉིད་ཀྱི་ངག་དང་རྩོལ་བ་ལྟ་བུ་ལ་འཇོགས་དགོས་པར་འདོད་ལ། སློབ་དེབ་ནི་བྱ་བྱེད་ལས་གསུམ་ནས་ལས་སམ་དངོས་པོ་གཞན་ཡིན་ནོ། །བསླབ་པར་བྱ་བའི་ཡུལ་གྱི་སློབ་མ་ནི་བྱ་བའི་ཡུལ་ཡིན་ཡང་བྱ་བྱེད་ལས་གསུམ་གྱི་གང་ཡང་མིན་ནོ། །འོ་ན་བྱ་བྱེད་ལས་ཀྱི་བྱ་བ་ལ་གང་འཇོག་དགོས་ཟེར་ན། དེ་ལ་བྱ་ལས་དང་བྱེད་ལས་གཉིས་དབྱེ་དགོས། དཔེར་ན་སློབ་དེབ་འཁྲིད་པར་བྱེད་ཅེས་པ་བྱེད་ལས་དང་། སློབ་དེབ་འཁྲིད་པར་བྱ་ཞེས་པ་བྱ་ལས་སུ་ཤེས་དགོས་པ་ཡིན་ནོ། །འོན་ཀྱང་ཁོང་གིས་བྱ་ལས་ལ་བསླབ་བྱའི་སློབ་ཁྲིད་བྱ་བའི་ལས་དང༌ཞེས་བཤད་འདུག་མོད་འོ་ན་བསླབ་བྱའི་དངོས་པོ་གང་འཇོགས་དགོས་སམ། གང་ཡིན་ཞེ་ན་སློབ་མཁན་དགེ་རྒན་དང་སློབ་བྱེད་ཀྱི་སློབ་དེབ་གཉིས་དངོས་པོ་བདག་ཡིན་ཞེས་ཟེར་འདུག་པས་ཡིན། གལ་ཏེ་སྐབས་འདིར་བདག་གཞན་གྱི་དབྱེ་བ་དགེ་རྒན་དང་སློབ་དེབ་ལ་ལྟོས་ནས་མི་འཇོགས་པར་སློབ་མ་ལ་ལྟོས་ནས་འཇོགས་ན། འོ་ན་རྡོ་རྗེ་རིན་ཆེན་ས་ལ་བསྡད་ཅེས་པའི་ཚིག་འདི་ལ་ཡང་བདག་གཞན་གྱི་དབྱེ་བ་ཡོད་པར་འགྱུར་ཏེ། བྱ་བའི་ཡུལ་ས་དང་སྡོད་མཁན་རྡོ་རྗེ་རིན་ཆེན་གཉིས་སོ་སོ་ནས་ཡོད་པའི་ཕྱིར་རོ།།

ཞར་ལ་་་་་སློབ་གཞི་དང་བསླབ་གཞི་གང་ཡིན་ཡང་ནོར་བ་མ་མཐོང་། གང་ཡིན་ཞེ་ན། སློབ་གཞི་ནི་་་་་སློབ་པར་བྱེད་པའི་གཞི་ཞེས་པའི་དོན་དང་།་བསླབ་གཞི་ནི་བསླབ་པར་བྱ་བའི་གཞི་ཞེས་རིམ་བཞིན་ད་ལྟ་བ་དང་མ་འོངས་པར་འབྲེལ་བ་ཙམ་ལས་གཞན་པའི་གནད་དོན་མང་པོ་སྔོག་འདོན་བྱེད་དོན་མ་མཆིས་སོ།།

འདི་བོད་ནང་གི་མིས་བཏགས་པ་རེད།
དཔྱད་གཞིར་འཛིན་རོགས།

課本བསaaལབ་དེབ། textbookསaaལོབ་མས་བསaaལབ་པར་བྱ་བའི་གཞིའོ། །課程ཁྲིད་ཚན། course;curriculumསaaལོབ་གྲྭའི་སaaལོབ་གསོའི་སaaལོབ་ཚན་ནམ་སaaལོབ་ཚན་གྱི་ཡུན་ཚད་དོ། །
課題སaaགྲུབ་བཞི།
subject(/topic)of study;problem;taskཞིབ་འཇུག་གོ་སaaདུར་བྱ་རaaགྱུའི་གནད་དོན་གཙོ་བོའམ་ཐག་གཅོད་རaaགྱུའི་དོན་ཆེན་ནོ།།
འདི་གསར་བྱུང་རaaགྱུན་བཀོལ་མིང་མཛོད་ཀྱི་མིང་བརaaད་རེད།
ངའི་བོད་ཡིག་འཐེབ་གཞོང་ལ་སaaཀྱོན་ཞིག་འདུག་པས་དེ་ལུགས་ཡི་གེ་འགའ་ཚོད་དཔག་བྱས་ནས་འདོན་རོགས།

སློབ་གཞི་བསླབ་གཞིར་མ་རྩོད་དོན་ཆུང་ཡིན།
དེ་ལས་མཁས་དབང་ཐུབ་སྦྱིན་ལ་མཛད་པའི།
སྨྲ་སྒོའི་གསར་ཐོན་དེབ་དེས་གཟིགས་པར་འཚལ།
དེ་ནས་ཁོ་ཐག་ཆོད་པའི་ལན་ཞིག་ཐོབ་ངེས་ཡིན།

ཅིའི་ཕྱིར་འཇུག་གི་འཇུག་དོན་མ་སྦྱངས་ན།།
བདག་གཞན་དུས་གསུམ་བྱ་བྱེད་ལས་གསུམ་གྱི།།
ཡིག་སྡེབ་སྦྱོར་ཚུལ་དཀའ་གནད་རྟོགས་དཀའ་བས།།
རིག་པའི་ཟས་ལ་ཡང་ནས་ཡང་དུ་རོལ།།

རྡོ་རྗེ་རིན་ཆེན་ཉམས་མྱོང་རྒན་པོ་ཡི།།
ཆུང་ཟིན་ཆེ་བརྗོད་སྨྲ་བའི་ལྕེ་རྩེ་དེས།།
ལོག་རྟོག་རྨོངས་པའི་མུན་དུ་ཚུད་པ་ལ།།
རིག་པའི་སྒྲོན་མེ་བཏེགས་པ་དྲིན་དུ་ཚོར།།

སློབ་གཞི་ལས་བསླབ་གཞི་ཞེས་པའི་ཚིག་འདི་དག་པ་རེད། འོན་ཀྱང་ཀློག་དེབ་དང་། སློབ་དེབ་ལ་སློབ་གཞི་དང་བསླབ་གཞིར་བཏགས་པ་གཉིས་ཀ་ནོར་མི་འདུག་གམ།

བསླབ་གཞི་ཞེས་པ་ནི་དགེ་རྒན་དང་འབྲེལ་ཆེ་བའི་བརྗོད་ཚིག་ཞིག་མིན་འགྲོ དགེ་རྒན་གྱིས་སློབ་མ་ཚོར་ཡི་གེ་བསླབ་ལྟ་བུའོ།
སློབ་གཞི་ནི་སློབ་མ་རང་ཉིད་ནས་དགེ་རྒན་ལ་དེ་ཙམ་བལྟོས་མི་དགོས་པ་རང་སྟོབས་ཀྱིས་རྨང་གཞི་སློབ་སྦྱོང་བྱེད་ཡུལ་ཞིག་ལ་གོ་དགོས་པ་མིན་འགྲོ མིང་ཚིག་དེ་གཉིས་ལ་རྟག་གསལ་གྱི་ལམ་ནས་བགྲོ་གླེང་བྱས་ན་མགོ་ན་ཡ་རང་རེད་འདུག ཧཧ