ངག་དབང་ནོར་བུ་ལགས་ཀྱིས་གནས་ཚུལ་སྤེལ་བ་ལྟར་ན། རྒྱལ་སྤྱིའི་བོད་རང་བཙན་ལས་འགུལ་ཚོགས་པས་(www.rangzen.org)ལོ་ལྟར་བོད་རང་བཙན་ཆེད་གོམ་བགྲོད་གནང་མུས་ལྟར། གོམ་བགྲོད་ཐེངས་བཅུ་དགུ་བ་དེ་བྱང་ཨ་རིའི་མངའ་སྡེ་ཀེ་ལི་ཕོར་ནི་ཡའི་གྲོང་ཁྱེར་ཨོཀ་ལེནཌ་ནས་མགོ་བཙུགས་ཏེ། རྒྱལ་ས་སན་ཕ་རན་སི་ཀོ་བར་མེལ་ལེ་ ༡༠༨ ཙམ་ལ་ཉིན་ཞག་བརྒྱད་རིང་གོམ་བགྲོད་གནང་རྒྱུ་ཡིན་འདུག
ཐེངས་འདིའི་གོམ་བགྲོད་ཀྱི་འབོད་སྒྲ་གཙོ་བོ་ནི། ཉེ་ལམ་བོད་ནང་གཞིས་ལུས་བོད་རིགས་སྤུན་ཟླ་དཔའ་བོ་དཔའ་མོ་རྣམས་ནས་༧གོང་ས་མཆོག་བོད་ནང་གདེན་ཞུ་དགོས་པ་དང་བོད་ལ་རང་དབང་དགོས་པའི་འབོད་སྒྲ་བསྒྲགས་ཤིང་། གཅེས་པའི་རང་ལུས་མེར་བསྲེགས་གཅིག་མཇུག་གཉིས་མཐུད་དུ་གནང་བའི་ལས་འགུལ་དེར་གདུང་སེམས་མཉམ་བསྐྱེད་དང་། ལྷག་པར་དུ་ཁོང་རྣམ་པའི་ཞལ་ཆེམས་དང་དགོངས་འདུན་ཇི་ཡོད་རྒྱལ་སྤྱིའི་སྡིངས་ཆའི་སྟེང་བསྐྱལ་ཐུབ་ཐབས། ཨ་རིའི་དམངས་ཁྲོད་དུ་གནས་ཚུལ་ཇི་མ་ཇི་བཞིན་གོ་རྟོགས་སྤེལ་རྒྱུའི་ཆེད་བཅས་ཡིན་འདུག
ལས་འགུལ་དེ་ཕྱི་ལོ་ ༢༠༡༣ ཟླ་བ་ ༣ ཚེས་ ༢༣ ནས་ཚེས་ ༣༠ བར་གནང་གཏེན་འཁེལ་ཡོད་འདུག
གཤམ་གྱི་ཡིག་ཆུང་འདི་གོང་བཀོད་གསལ་བསྒྲགས་དེའི་འོག་ཏུ་བཀོད་ཡོད་པའི་རེ་སྐུལ་རེད།
“འདིའི་སྐོར་ཞིབ་ཕྲ་མཁྱེན་འདོད་ཡོད་རིགས་ཚོས་གཤམ་གྱི་མི་སྣ་འདི་དག་ལ་འབྲེལ་བ་གནང་སྐྱོང་ཡོང་བ་ཞུ།།
ཚོགས་གཙོ་བྷེན་ཇ་མིན་ (Benjamin Cox) cell (773)398 1178 ,
ངག་དབང་ནོར་བུ། ཁ་པར། ༧༨༡ ༥༧༢ ༥༦༡༡ (781) 572 5611 གློག་འཕྲིན། ngawang16@yahoo.com དང་།
རྒྱུན་ལས་བསྟན་འཛིན་རྣམ་རྒྱལ། ཁ་པར། ༣༡༧ ༦༥༤ ༩༧༤༢ (317) 654 9742
གུས་པ་ངག་དབང་ནོར་བུ་ནས།”