ད་ལོའི་གསུམ་བཅུའི་དུས་དྲན་དང་བསྟུན་ཏེ་བྷེལ་ཇེམ་རྒྱལ་ས་སྦར་སིལ་དུ། ཡུ་རོབ་བོད་མི་དང་བོད་དོན་རྒྱབ་སྐྱོར་བའི་འདུ་འཛོམས་ལས་འགུལ་ཆེན་པོ་ཞིག་སྤེལ་རྒྱུ་རེད།
ད་ལོའི་ཕྱི་ཟླ་ ༣ པའི་ཚེས་ ༡༠ ཉིན་ནི་བོད་མིའི་རང་དབང་སྒེར་ལངས་བྱས་ཏེ་ཁྱོན་མི་ལོ་ ༥༤ འཁོར་བའི་དུས་དྲན་ཉིན་མོ་ཡིན་ཞིང་། ཉིན་དེར་བཞུཊ་སྒར་ངྷ་རམ་ས་ལ་གཙོས་འཛམ་གླིང་གང་སར་གནས་སྡོད་བོད་མི་ཚོས་རྣམ་པ་འདྲ་མིན་ཐོག་དུས་དྲན་སྲུང་གཙི་ཞུ་རྒྱུ་ཡིན་པ་ལྟར། སྐབས་དེ་དང་བསྟུན་བྷེལ་ཇེམ་རྒྱལ་ས་སྦར་སིལ་དུ་ཡུ་རོབ་བོད་མི་དང་བོད་དོན་རྒྱབ་སྐྱོར་བའི་འདུ་འཛོམས་ལས་འགུལ་ཆེན་མོ་ཞིག་སྤེལ་འཆར་ཡོད་འདུག
གནས་སྟངས་དེའི་ཐད་གསར་འགོད་པས་བྷེལ་ཇེམ་དོན་གཅོད་ཁང་དུ་འབྲེལ་གཏུག་བྱས་ཀྱང་ཁ་པར་མཐུད་ཐབས་མ་བྱུང་སྟབས། དབུས་བོད་མིའི་སྒྲིག་འཛུགས་ཕྱི་དྲིལ་ཟུང་དྲུང་བསོད་ནམས་བསྟན་འཛིན་ལཊ་སུ་བཀའ་འདྲི་ཞུས་པར། ད་ལོའི་གསུམ་བཅུའི་དུས་དྲན་སྐབས་ཀྱི་གོམ་བགྲོད་ལས་འགུལ་དེ་བྷེལ་ཇེམ་གཙོས་ཡུ་རོབ་བོད་རིཊ་མཐུན་ཚོཊ་ཀྱིས་སྣེ་འཁྲིད་རྒྱུ་ཡིན་འདུག་ལ། ལས་འགུལ་དེར་བྷེལ་ཇེམ་དང་སུད་སི། ཧྥ་རན་སི། ཨི་ཊ་ལི། སི་ཕན་སོཊ་ནས་བོད་པ་དང་བོད་དོན་རྒྱབ་སྐྱོར་བ་སྟོང་ཕྲག་མང་པོ་འཛོམས་འཆར་ཡོད་འདུག
ཕྱི་དྲིལ་ཟུང་དྲུང་བསོད་ནམས་བསྟན་འཛིན་ལཊ་ཀྱིས་བརྗོད་ན། ད་ལོའི་བྷེལ་ཇེམ་ནང་གི་གསུམ་བཅུའི་མི་དམངས་འདུ་འཛོམས་ལས་འགུལ་དེར་ལས་རིམ་ཆེན་པོ་གཉིས་སུ་དབྱེ་ཡོད་ཅིང་། དང་པོ་ཉིན་དེའི་སྔ་དྲོའི་ཆུ་ཚོད་ ༡༠།༣༠ ནས་ ༡།༣༠ བར་མང་ཚོགས་ཀྱིས། བྷེལ་ཇེམ་རྒྱལ་ས་སྦར་སིལ་ཀཱར་རོད་ནོ་ཊི་ས་གནས་ནས་ལེ་མོན་བྷི་སིར་ཊི་ནར་བར་ཞི་བའི་གོམ་བགྲོད་གནང་རྒྱུ་དང་། གཉིས་པ། གོམ་བགྲོད་མཇུག་སྡོམ་རྒྱག་སར་ཉིན་རྒྱབ་ཆུ་ཚོད་ ༢ པའི་ཐོག་བོད་མིའི་སྒྲིག་འཛུཊ་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་དང་སྤྱི་འཐུས་ཚོཊ་གཙོ་སྤེན་པ་ཚེ་རིང་རྣམ་གཉིས་གཙོས། བཀའ་ཟུར་ཀིརྟི་རིན་པོ་ཆེ། བྷེལ་ཇེམ་དང་ཡུ་རོབ་གྲོས་ཚོཊ་འཐུས་མི། ཡུ་རོབ་མནའ་འབྲེལ་དཔལ་འབྱོར་དང་སྤྱི་ཚོཊ་བདེ་དོན་ཚོཊ་གཙོ། རྒྱལ་སྤྱིའི་བོད་དོན་རྒྱབ་སྐྱོར་ཚོཊ་པའི་ཚོཊ་གཙོ། ཡུ་རོབ་དམིཊ་བསལ་སྐུ་ཚབ་སྐལ་བཟང་རྒྱལ་མཚན་ལཊ་གཙོས་འབྲེལ་ཡོད་དཔོན་རིཊ་ཁག་གིས་དུས་དྲན་དང་འབྲེལ་བའི་གཏམ་སྤེལ་རྒྱུ་ཡིན་འདུག
གསར་འགོད་པ། དཔལ་ལྡན།
བསྟན འཛིན་ཆོས་རྒྱལ་ལགས་ནས་གུས་ཕར་ལམ་སྟོན་གནང་ཕར་ཐུགས་རྗེ་ཆེ་ཞུ་འདུན་བྱུང་། འོན་ཀྱང་སྐུ་ཉིད་ནས་༼འོན་ཀྱང་མི་དགོས་པའི་སྐད་ཆ་ཞིག་གསུང་འདུག་པ་དེ ཧ་ཅང་ཐབས་སྐྱོ་བོ་རེད།༽ཅེས་གསུངས་པའི་གུས་ཀྱི་མི་དགོས་པའི་སྐད་གང་ཡིན་གསལ་བོར་གསུངས་དང་། གུས་ལ་ནོར་འཁྲུལ་ཅི་ཡོད་ངོས་ལེན་ཞུ་ཆོག་ཕར་མ་ཟད་དགོངས་དག་ཀྱང་ཞུ་འཐུས། དེ་མིན་དོན་མེད་མི་ཉམས་ཆུང་ལ་གཞི་མེད་བསྙོན་འཛུགས་མི་གནང་པར་ཞུ།
ཀུན་དགས་གྲ་སྒིག་ཚོགས ཆུང་གི་ཞལ་པར་ཨང་གྲངས་གནང་བ་ཧ་ཅང་ལེགས། འོན་ཀྱང་མི་དགོས་པའི་སྐད་ཆ་ཞིག་གསུང་འདུག་པ་དེ ཧ་ཅང་ཐབས་སྐྱོ་བོ་རེད། རྗེས་ཕྱོགས་དེ་འདྲ་མི་གསུང་བ་མཁྱེན
དཔལ་ལྡན་ཚོགས་གཙོ་མཆོག་དང་ཕྱི་དྲིལ་བཀའ་བློན་རྣམ་གཉིས་ཆེད་ཕེབས་ཀྱིས་ཡུ་རོབ་གླིང་ཆེན་གྱི་བོད་དོན་སུམ་བཅུའི་དུས་དྲན་ལས་འགུལ་ཆེན་མོ་ལ་མཉམ་ཞུགས་གསུང་བཤད་གནང་རྒྱུ་ཡིན་པར་སེམས་གཏིང་ནས་གུས་བཀུར་བླ་ལྷག་ངང་དགའ་བསུ་གྲངས་མེད་ཞུ། དེ་ནས་འཕྲོས་ཞུ་ཙམ་བྱེད་འདོད་པ་ནི་ལས་ཞུགས་བོད་མི་སྤུན་ཟླ་སུ་དང་གང་ཡིན་ཡང་ང་ཚོའི་འཐབ་རྩོད་ནི་ཞི་བ་རྐྱང་འདེད་ཀྱི་ལམ་ཁ་ཉག་གཅིག་ཡིན་པ་སྙིང་བཅིངས་ཐོག སོ་སོ་རང་ཉིད་ཀྱི་ལས་འགུལ་དེ་དགྲ་གཉེན་སུའི་ཁེ་ཕན་དང་མངོན་འདོད་དུ་འགྱུར་མིན་གྱི་འཇུག་ལྡོག་ལ་གཟབ་རོགས་ཞུ་ཞུ།
ད་ལོའི་ཡུ་རོབ་ནང་གི་སུམ་བཅུའི་དུས་དྲན་ལས་འགུལ་འདི་ནི་བྷེལ་ལྗམ་བོད་རིགས་ཚོགས་པ་གཙོས་ཡུ་རོབ་ནང་ཁུལ་གྱི་བོད་རིགས་ཚོགས་པ་ཁག་དང་བོད་དོན་རྒྱབ་བ་སོགས་ཐུན་མོང་གིས་གོ་སྒྲིག་ཞུ་གི་ཡོད་ལ། དོན་གཅོད་ལས་གྲ་སྒྲིག་ཚོགས་ཆུང་ལ་རྒྱུས་ཡོད་པས། གསར་འགོད་པ་དང་དོ་སྣང་ཅན་སུ་ཡིན་ནས་ད་ལོའི་སུམ་བཅུའི་དུས་དྲན་ལས་འགུལ་དང་འབྲེལ་བའི་དྲི་བ་ཅི་ཡོད་གཤམ་གྱི་ཨང་གྲངས་ལ་འབྲེལ་བ་གནང་ན་དྲི་ལན་གསལ་བོར་གནང་འཐུས།
ཨང་། ༠༠༣༢ ༤༨༦༣༧༠༢༡༣དང་ ༠༠༣༢ ༤༨༨༨༦༧༨༣༠ཡིན།