ཁ་སང་ཁེ་ན་ཌའི་བོད་མི་དང་བོད་དོན་རྒྱབ་སྐྱོར་བ་ཚོས་གསུམ་དུས་ཐེངས་ ༥༤ པ་སྲུང་གཙི་བྱེད་སྐབས། རྒྱ་ནག་གི་གཞུང་ཚབ་ཁང་དང་ས་གནས་ཡན་ལག་ཁག་ཏུ་ངོ་རྒོལ་ཤུགས་ཆེན་བྱས་ཡོད་འདུག
ཕྱི་ཚེས་ ༡༠ ཉིན་ཁེ་ན་ཌའི་རྒྱལ་ས་ཨོ་ཊ་ཝ་(Ottawa) གྲོང་ཁྱེར་ནང་བོད་མི་དང་བོད་དོན་རྒྱབ་སྐྱོར་བ་བརྒྱ་ཕྲག་འགས་ “བོད་ལ་རང་དབང་དགོས་”ཞེས་པའི་འབོད་ཚིག་འོག་སྐད་འབོད་དང་། བོད་ནང་གི་རང་ལུས་མེར་བསྲེགས་ཀྱི་དངོས་ཡོད་གནས་སྟངས་ལ་ཞིབ་འཇུག་བྱ་ཆེད། ཁེ་ན་ཌའི་གཞུང་གིས་བོད་ལ་རྟོག་ཞིབ་མི་སྣ་གཏོང་དགོས་པའི་འབོད་སྐུལ་ཞུ་བཞིན་གོམ་བགྲོད་ཀྱིས་རྒྱ་ནག་གཞུང་ཚབ་ཁང་གི་མདུན་ནས་ངོ་རྒོལ་སྐད་འབོད་བྱས་ཡོད་འདུག
གཞན་བོད་མི་དང་བོད་དོན་རྒྱབ་སྐྱོར་བ་མང་པོ་ཞིག་ཁེ་ན་ཌའི་ཊོ་རོན་ཊོ་(Toronto) དང་ཝན་ཁུའོ་ཝར་(Vancouver)། ཁལ་གྷ་རེ་(Calgary) བཅས་ཀྱི་གྲོང་ཁྱེར་ནང་འདུ་འཛོགས་ཐོག གསུམ་དུས་སྲུང་གཙི་དང་བོད་མིའི་རང་དབང་གི་ངོ་རྒོལ་སྐད་འབོད་བྱས་ཡོད་པ་མ་ཟད། གྲོང་ཁྱེར་དེ་དག་ནང་གི་རྒྱ་ནག་གཞུང་ཚབ་ཡན་ལག་ཁག་ཏུ་ཕྱིན་ཏེ་ངོ་རྒོལ་ཤུགས་ཆེར་བྱས་ཡོད་འདུག
ཐེངས་འདིའི་ཁེ་ན་ཌའི་གསུམ་དུས་ངོ་རྒོལ་སྐབས་ཁེ་ན་ཌའི་འགྲོ་བ་མིའི་ཐོབ་ཐང་ལས་འགུལ་བ་དང་ཆབ་སྲིད་པ། གྲོས་ཚོགས་འཐུས་མི་སོགས་མཉམ་ཞུགས་གནང་ཡོད་འདུག
གསར་འགོད་པ། བནྡེ་སྐྱབས།
