ཟླ་འདིའི་ནང་འཚོཊ་འཆར་ཡོད་པའི་དགེ་བཤེས་མའི་རྒྱུཊ་སྤྲོད་ནང་། རྒྱ་བལ་བཙུན་དགོན་ཁག་ནས་གཞུང་ཆེན་བཀའ་པོད་ལྔར་བསླབ་པ་མཐར་སོན་པའི་བཙུན་མ་ ༢༧ འཛུལ་ཞུཊ་བྱ་རྒྱུ་རེད།
བོད་མིའི་སྒྲིག་འཛུགས་ཆོས་རིག་ལས་ཁུངས་དང་བཙུན་མའི་ལས་འཆར་གཉིས་ཀྱི་མཐུན་འགྱུར་འོག ཟླ་འདིའི་ཕྱི་ཚེས་ ༢༠ ནས་ཕྱི་ཟླ་ ༦ ཚེས་ ༣ ཉིན་བར། བཞུགས་སྒར་ངྷ་སར་ཡོད་པའི་འཇམ་དབྱངས་ཆོས་གླིང་བཙུན་དགོན་གྱི་ཆོས་རའི་ནང་། ལོ་རྒྱུས་རང་བཞིན་གྱིས་དགེ་བཤེས་མའི་རྒྱུགས་སྤྲོད་ཐོག་མ་དེ་མགོ་འཛུགས་གནང་རྒྱུ་ཡིན་འདུག
དེའི་ཐད་བོད་མིའི་སྒྲིག་འཛུགས་ཀྱི་ཆོས་རིག་དྲུང་ཆེ་ངག་དབང་ཆོས་གྲཊ་ལཊ་ཀྱིས་བརྗོད་པ་ལྟར་ན། ཐེངས་འདིའི་དགེ་བཤེས་མའི་རྒྱུཊ་སྤྲོད་ནང་རྒྱ་བལ་རིས་མེད་བཙུན་དགོན་ཁག་ནས་དུས་ཡུན་མི་ལོ་ ༡༧ རིང་གཞུང་ཆེན་བཀའ་པོད་ལྔར་བསླབ་པ་མཐར་སོན་ཏེ། སློབ་ཚན་རེར་ཆ་སྙོམས་སྐར་གྲངས་ ༧༥ ལོན་པའི་བཙུན་མ་ ༢༧ འཛུལ་ཞུཊ་གནང་རྒྱུ་ཡིན་ཞིང་། རྒྱུགས་སྤྲོད་སྐབས་ཀྱི་གཟུ་དཔང་ངམ་སྐར་གྲངས་སྤྲོད་མཁན་ལ་གདན་ས་ཁག་ནས་དགེ་བཤེས་ལྷ་རམས་པ་ཁག་ཅིག་གདན་ཞུ་གནང་རྒྱུ་དང་། དགེ་བཤེས་མའི་ཡིག་རྒྱུགས་ཁྲོད་བསྟུད་མར་ལོ་བཞིའི་རིང་གཞུང་ཆེན་ཁག་ལ་ཡིག་རྒྱུགས་འཕྲོད་པ་ཡིན་ན་གཞི་ནས་དགེ་བཤེས་མའི་ཕྱག་འཁྱེར་དེ་སྤྲོད་རྒྱུ་ཡིན་འདུག
དྲུང་ཆེ་ལགས་ཀྱིས་མུ་མཐུད་དུ་བརྗོད་དོན་ལ། ཕྱི་ཟླ་ ༥ ཚེས་ ༢༠ ཉིན་ཕར་ཕྱིན་འབྲི་རྒྱུགས་དང་ཚེས་ ༢༢ ཉིན་ཕར་ཕྱིན་རྩོད་རྒྱུགས། ཚེས་ ༢༤ ཉིན་དབུ་མ་འབྲི་རྒྱུགས་དང་ཚེས་ ༢༦ ཉིན་དབུ་མ་རྩོད་རྒྱུགས། ཚེས་ ༢༨ ཉིན་རྣམ་འགྲེལ་འབྲི་རྒྱུགས་དང་ཚེས་ ༣༠ ཉིན་རྣམ་འགྲེལ་རྩོད་རྒྱུགས། ཕྱི་ཟླ་ ༦ ཚེས་ ༡ ཉིན་བརྡ་སྤྲོད་རྒྱུགས་དང་ཚེས་ ༢ ཉིན་ཚན་རིག་རྒྱུགས། ཚེས་ ༣ ཉིན་རྒྱལ་རབས་ཡིག་རྒྱུགས་བཅས་གཏོང་རྒྱུ་ཡིན་འདུག
གསར་འགོད་པས་དྲུང་ཆེ་ངག་དབང་ཆོས་གྲཊ་ལཊ་སུ་དགེ་བཤེས་མའི་རྒྱུཊ་སྤྲོད་བརྒྱུད་བོད་ཀྱི་བཙུན་མའི་བསླབ་པ་སློབ་གཉེར་ཐོག་ཕན་ཐོཊ་ཅི་ཙམ་ཡོང་མིན་སྐོར་དྲིས་པར། “བོད་ཀྱི་ཆོས་ལུཊ་རིས་མེད་ཀྱི་བཙུན་མ་ཚོས་དགེ་བཤེས་མའི་རྒྱུགས་སྤྲོད་གཏོང་རྒྱུ་དེ་འདས་པའི་མི་ལོ་ ༣༠ གོང་ནས་༸གོང་ས་མཆོག་གིས་གསུངས་ཡོད་པ་ཞིག་ཡིན་རུང་། རྒྱུ་རྐྱེན་འདྲ་མིན་དབང་གིས་ད་བར་དུ་ལག་ལེན་དུ་བསྟར་ཐུབ་ཡོད་པ་མ་རེད། སྔ་ལོར་བཞུཊ་སྒར་དུ་སྐྱེས་རབས་གསུང་ཆོས་གནང་སྐབས་༸གོང་ས་མཆོག་གིས་དགེ་བཤེས་མའི་རྒྱུཊ་སྤྲོད་སྐོར་ལ་བསྐྱར་དུ་བཀའ་ནན་མོ་གནང་སྟབས། ང་ཚོས་གང་མགྱོགས་ལག་ལེན་དུ་བསྟར་བ་ཞིག་ཆགས་ཡོད། དགེ་བཤེས་མའི་རྒྱུཊ་སྤྲོད་འདི་བརྒྱུད་མ་འོངས་པར་བོད་པའི་བཙུན་མའི་གཞུང་ཆེན་སློབ་གཉེར་ཐོག་སྔར་ལས་ཕན་ཐོཊ་ཆེན་པོ་ཡོང་གི་རེད་བསམ་གྱི་འདུག དགེ་བཤེས་མའི་རྒྱུཊ་སྤྲོད་འདིའི་ནང་གཞུང་ཆེན་ཁག་ལ་སློབ་གཉེར་ཡག་པོ་བྱས་ཏེ་ཆ་རྐྱེན་ཚང་གི་ཡོད་ན། ས་དགེ་བཀའ་རྙིང་བོན་དང་བཅས་པའི་བཙུན་མ་རྣམས་ཁྱད་མེད་དུ་འཛུལ་ཞུཊ་ཆོག་གི་རེད ”ཅེས་བརྗོད།
བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་རྩིས་ཐོ་ལྟར་ན། ད་ཆར་རྒྱ་བལ་འབྲུག་གསུམ་བོད་པའི་བཙུན་དགོན་ ༢༤ དང་ཁྱོན་བཙུན་མ་ ༤༡༥༣ ལྷག་ཡོད་འདུག་ལ། དེ་དག་ཁྲོད་རྙིང་མའི་བཙུན་དགོན་ ༧ དང་། བཀའ་བརྒྱུད་བཙུན་དགོན་ ༦། ས་སྐྱ་ ༢། དགེ་ལུགས་ ༥། གཡུང་དྲུང་བོན་ ༡ བཅས་ཡོད་འདུག
གསར་འགོད་པ། དཔལ་ལྡན།
་
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བོད་བརྒྱུད་ནང་བསྟན་བཙུན་མ་རྣམས་ལ་འཚམས་འདྲི་དང་ཁྱེད་རྣམས་གོ་སྐབས་བཟང་པོ་འདི་དང་བསྟུན་ནས་མཁས་བཙུན་བཟང་གསུམ་ཞིག་དང་བསྟན་པ་འཛིན་སྐྱོང་སྤེལ་གསུམ་གནང་མཁན་ཁྱུ་དང་ཁྱུ་བསྒྲིགས་ནས་ཕེབས་པའི་སྨོན་འདུན་ཞུ།།
ཆོས་རིག་དང་བཙུན་མའི་ལས་འཆར་གཉིས་ཀྱིས་དགེ་བཤེས་མ་ཡོང་ཐབས་ལ་འགྲོ་སོང་ཕོན་ཆེ་བཏང་སོང་། ད་དུང་དྷ་སའི་གཡས་གཡོན་ལ་ཡོད་པའི་བཙུན་མ་ཉམ་ཐགས་ཚོར་ལྟ་རྟོག་ཡག་ཙམ་གནང་ཐུབ་ན་དེ་ཡང་དགེ་མཚན་ཆེན་པོ་འདུག །
དགའ་འོས་པའི་འཆར་གཞི་ལ་སྔགས་བརྗོད་དང་བཅས་རྗེས་སུ་ཡི་རངས་བྱེད། ཡིན་ཡང་། ཇོ་ནང་པ་མི་འདུག ཅིག་བྱས་ན། ཇོ་ནང་བའི་ད་དུང་ཞོགས་ཟས་ཟ་མ་ཚར་བ་ཡིན་སྲིད། ཅིག་བྱས་ན། ཆོས་བཀའ་བློན་མཆོག་གི་་་གངས་སྐྱིད་ཁྲོམ་བར་དུ་ཇོ་ནང་པ་བླགས་སོང་བ་ཡིན་སྲིད།
ད་རེང་བཙུན་མའི་དགེ་བཤེས་མའི་རྒྱུགས་སྤྲོད་ཀྱི་ལས་བཞི་འདི་དགའ་འོས་པའི་བྱ་བ་ཞིག་རེད་ལ་ལྷག་པར་དུ་༧ གོང་ས་མཆོག་བཀའ་དགོངས་གཞི་བཟུང་ལག་ལེན་དངོས་སུ་སྟབས་པར་རྗེས་སུ་ཡི་རང་ཡོད།
འོན་ཀྱང་རང་ཉིད་ཀྱིས་ལྟ་ཚུལ་ཞིག་ཡོད་པ་ནི་ད་རེང་རྒྱུགས་སྤྲོད་འདི་ཆོས་ལུགས་རིས་མེད་ཀྱི་དགེ་བཤེས་མའི་རྒྱུགས་སྤྲོད་ཡིན་པ་དང་། བོད་མིའི་སྒྲིག་འཛུགས་ཆོས་རིག་ལས་ཁུངས་དང་བཙུན་མའི་ལས་འཆར་གཉིས་ཀྱི་མཐུན་འགྱུར་འོག ནས་བྱས་པ་ཡིན་ཙང་། རྒྱུགས་སྤྲོད་ཀྱི་སྐར་གྲངས་སྤྲོད་མཁན་ཡང་ཆོས་ལུགས་གཅིག་ཙམ་མ་ཡིན་པར་རིས་མེད་ཀྱི་དགེ་བཤེས་མཁན་པོ་རྣམས་གདན་ཞུ་གནང་ན་ཕྱག་ལས་དེ་གཙང་མ་ཞིག་དང་ཕྱོགས་གང་འཐད་ནས་ལེགས་པོ་ཞིག་ཡོད་རྒྱུ་རེད་སྙམ།