ང་ཚོར་མཐུན་རྐྱེན་གྱི་ཕྱོཊ་ནས་དཀའ་ངལ་མེད་པ་ཆཊ་ཡོད་ཟེར།

ཉེ་ལམ་བོད་མིའི་སྒྲིག་འཛུཊ་ཤེས་རིག་ལས་ཁུངས་ཀྱི་གོ་སྒྲིག་འོག  བཙན་བྱོལ་བོད་མིའི་སློབ་གྲྭ་ཁག་གི་སྔོན་འགྲོ་དང་། གཞི་རིམ་འོག་མའི་འཛིན་གྲྭ་དང་པོ་དང་གཉིས་པ། གསུམ་པ་བཅས་ཀྱི་སློབ་དེབ་གཏན་འབེབས་ཀྱི་ཚོཊ་འདུ་ཐེངས་གཉིས་པ་ཚོཊ་ཡོད།

ཟླ་འདིའི་ཕྱི་ཚེས་ ༡ ནས་  ༣ བར་བོད་མིའི་སྒྲིག་འཛུཊ་ཤེས་རིག་ལས་ཁུངས་ཀྱི་གོ་སྒྲིག་འོག  བཞུཊ་སྒར་ཉེ་འཁྲིས་ས་རཱ་མཐོ་སློབ་དུ་བཙན་བྱོལ་བོད་མིའི་སློབ་གྲྭ་ཁག་གི་སྔོན་འགྲོ་དང་། གཞི་རིམ་འོག་མའི་འཛིན་གྲྭ་དང་པོ་དང་གཉིས་པ། གསུམ་པ་བཅས་ཀྱི་སློབ་དེབ་གཏན་འབེབས་ཚོཊ་འདུ་ཐེངས་གཉིས་པ་དེ་ཚོཊ་སོང་ལ། དེར་ཤེས་རིག་དྲུང་འཕར་དང་ཤེས་ཡོན་ལྷན་ཚོཊ་སྤྱི་ཁྱབ་འགན་འཛིན། དེ་བཞིན་དབུས་བོད་སློབ་འཛིན་ཚོཊ་དང་སམ་བྷོ་ཊ། བོད་ཁྱིམ་གཉིས། དགའ་ལྡན་བྱང་རྩེ་གྲང་ཚང་དང་བཙུན་དགོན་སྒྲོལ་མ་གླིང་བཅས་ཀྱི་སློབ་དེབ་བསྐྱར་ཞིབ་ཚོཊ་ཆུང་གི་ཚོཊ་མི་བཅས་མཉམ་ཞུགས་གནང་འདུག

ཉིན་གསུམ་རིང་གི་ཚོཊ་འདུའི་ཐོག་བཙན་བྱོལ་བོད་མིའི་ཤེས་ཡོན་སྲིད་བྱུས་གསར་པའི་དགོངས་དོན་ལྟར། སྔོན་འགྲོ་གཉིས་དང་གཞི་རིམ་འོག་མའི་བོད་ཡིག་སློབ་དེབ་ཁག་གི་རགས་ཟིན་ཐོག་བགྲོ་གླེང་སྦྱངས་བཤད་བརྒྱུད་དངོས་གཞིའི་སློབ་དེབ་གཏན་འབེབས་བྱས་ཡོད་པ་དང་། དེའི་ཐད་ཤེས་རིག་དྲུང་འཕར་བཀྲ་ཤིས་དོན་འགྲུབ་ལཊ་ཀྱིས་བརྗོད་པ་ལྟར་ན། དེ་སྔོན་བཙན་བྱོལ་བོད་མའི་སློབ་གྲྭ་ཁག་ཏུ་འཕྲལ་སེལ་སློབ་དེབ་གཏན་འབེབས་དང་། སློབ་དེབ་དབུས་བཞག་གི་སློབ་ཁྲིད་བྱེད་ཐབས་ཁྲོད་སློབ་ཕྲུག་ཚོས་ཡིག་རྩལ་གྱི་གྲུབ་འབྲས་ཡག་པོ་བླངས་ཡོད་ཀྱང་། སྤྱི་ཚོཊ་ནང་དངོས་སུ་ཐོན་སྐབས་སྤུས་ཀའི་ཐོག་དེ་ཙམ་གྲུབ་འབྲས་ཐོན་མེད་སྟབས། ཕྱིས་སུ་བཀའ་ཤག་གི་ལམ་སྟོན་ལྟར་འཛིན་རིམ་ལྔ་བའི་བར་སློབ་དེབ་ཆ་ཚང་ལ་འགྱུར་བ་གཏོང་དགོས་ཆགས་ཏེ། ༢༠༡༢ ལོར་འཛིན་རིམ་དྲུག་པ་དང་བདུན་པ། བརྒྱད་པ་བཅས་ཀྱི་སློབ་དེབ་ཆ་ཚང་གཏན་འབེབས་གྲུབ་སྟེ་ལག་ལེན་བསྟར་གྱི་ཡོད་སྐོར་བརྗོད་བྱུང་།   

ཐེངས་འདིར་བཙན་བྱོལ་བོད་མིའི་སློབ་གྲྭ་ཁག་གི་སྔོན་འགྲོ་དང་གཞི་རིམ་འོག་མའི་འཛིན་གྲྭ་ལྔ་བའི་བར་གྱི་བོད་ཡིག་སློབ་དེབ་བསྐྱར་ཞིབ་ཀྱིས་ཟིན་བྲིས་ཁག་དགེ་རྒན་ཚོར་བཀྲམས་ཏེ། ཟླ་ ༦ རིང་སློབ་གྲྭ་ཁག་ཏུ་ཚོད་ལྟའི་སློབ་ཁྲིད་བྱས་རྗེས་དངོས་སུ་གཏན་འབེབས་བྱ་འཆར་ཡོད་འདུག་ལ། དེ་སྔོན་གྱི་བསླབ་གཞི་རྩ་འཛིན་དེ་ཤེས་ཡོན་སྲིད་བྱུས་དགོངས་དོན་ལྟར། བསླབ་གཞིའི་ནང་དོན་དང་ཁ་ཕྱོཊ། ཐབས་ལམ་བཅས་གཞུང་གིས་གཏན་འབེབས་བྱས་པའི་ཤེས་ཡོན་སྲིད་བྱུས་ལག་ལེན་བསྟར་སྟངས་ཀྱི་ལམ་སྟོན་ཆཊ་ཡོད་སྟབས།  དགེ་རྒན་གྱི་སློབ་ཁྲིད་བྱེད་སྟངས་བསླབ་དེབ་དབུས་ལ་བཞག་པའི་སློབ་འཁྲིད་ཐབས་ལམ་སྤྱད་ཡོད་ཀྱང་། སློབ་དེབ་བཟོས་རྗེས་བསླབ་གཞི་རྩ་འཛིན་བྱེད་དགོས་པ་ལས། སློབ་དེབ་བེད་སྤྱོད་བྱ་མིན་སློབ་གྲྭ་དང་འཛིན་སྐྱོང་། དགེ་རྒན་བཅས་ལ་རག་ལུས་ཡོད་སྐོར་དང་། ལག་ལེན་གྱི་ཕྱོཊ་ནས་སྔོན་མ་དགེ་རྒན་ཚད་མཇལ་བར་སློབ་དེབ་ཚར་མིན་ལ་ལྟ་བཞིན་ཡོད་ཀྱང་། ད་ཆར་བསླབ་གཞི་རྩ་འཛིན་སློབ་ཁྲིད་ཚར་ཡོད་མེད་བལྟས་ཏེ་ཚད་རྒྱག་གི་ཡོད་སྐོར་བརྗོད་བྱུང་།

ཁོང་ལ་བཙན་བྱོལ་བོད་མིའི་ཤེས་ཡོན་ཐོག་ལྟ་སྟངས་གང་འདྲ་ཡོད་མེད་དང་། མ་འོངས་པའི་ཐད་ལ་རེ་བ་གང་འདྲ་རྒྱག་གི་ཡོད་མེད་དྲིས་པར་ཁོང་གིས།  “ བཙན་བྱོལ་ནང་ཤེས་ཡོན་སྤྱི་དང་ལྷག་པར་དུ་དེང་དུས་ཀྱི་ཤེས་ཡོན་ཐོག ང་ཚོས་མི་འདུག་ག་ཚོད་ལབ་ཀྱང་རྨང་གཞིའི་ཤེས་ཡོན་ཞིག་བསྐྲུན་ཐུབ་ཡོད་པ་རེད། ཡིན་ནའང་། འདོད་པ་ཁེངས་པ་ཞིག་བྱུང་ཡོད་པ་མ་རེད། གཙོ་བོ། དེ་སྔོན་ཤེས་ཡོན་སྲིད་བྱུས་གཏན་འབེབས་གནང་སྐབས་ནས་ད་ལྟའི་བར་ལག་བསྟར་གྱི་ཕྱོཊ་ནས་ཉམས་མྱོང་བསྡུ་ལེན་དང་ཞན་ཆར་བསྐྱར་ཞིབ་བྱེད་མ་ཐུབ་སྟབས། སྤུས་ཚད་ཀྱི་ཐད་ནས་འཐུས་ཤོར་ཕྱིན་ཡོད་པ་རེད། ལྷག་པར་དུ་དེང་དུས་སྤྱི་ཚོཊ་ཀྱི་འགྲོ་འོང་དང་འབྲེལ་ལམ། བརྡ་འཕྲིན། ཕྱིའི་རིག་གཞུང་གི་ཤན་ཤུཊ་ཆེ་རུ་འགྲོ་བཞིན་པའི་སྐབས་འདིར་བོད་པའི་སྐད་དང་བསམ་བློ་གཏོང་ཕྱོགས་བཅས་ཀྱི་ཐད། མི་རབས་བརྗེ་བསྒྱུར་དང་བསྟུན་ཏེ་དཀའ་ངལ་ཆེན་པོ་ཞིག་འཕྲད་ཀྱི་ཡོད་པ་རེད། ཡིན་ནའང་ང་ཚོས་སྤྱི་ཚོགས་ཀྱི་འགྱུར་འགྲོས་དང་བསྟུན་ཏེ་སློབ་དེབ་བཟོས་པ་དང་། དགེ་རྒན་འོས་སྦྱོང་གི་མཐུན་རྐྱེན་ཡང་ཡག་པོ་ཡོད་སྟབས། འཛིན་སྐྱོང་གི་གོ་སྒྲིག་ཡག་པོ་བྱ་ཐུབ་ན་མ་འོངས་པར་ང་ཚོར་མཐུན་རྐྱེན་གྱི་ཕྱོཊ་ནས་དཀའ་ངལ་མེད་པ་ཆགས་ཡོད ” ཅེས་བརྗོད་བྱུང་།

གསར་འགོད་པས་ཚོཊ་ཞུགས་དགེ་རྒན་ཁག་ཅིག་ལ་སློབ་དེབ་གཏན་འབེབས་ཐོག་བསམ་ཚུལ་དྲིས་པར། རྡོར་གླིང་སྤོག་རེ་སྤོང་སམ་བྷོ་ཊ་སློབ་གྲྭའི་དགེ་རྒན་རྡོ་རྗེ་རིན་ཆེན་ལཊ་ཀྱིས། “ སྔོན་མ་སློབ་དེབ་གཏན་འབེབས་བྱེད་མཁན་མང་ཆེ་བ་རྒན་རབས་པ་རེད། སྐབས་དེར་ང་ཚོ་བོད་ནང་སློབ་གྲྭ་མང་པོ་མེད་པ་དང་བཙན་བྱོལ་ནང་འབྱོར་རྗེས་གཞི་ནས་སློབ་གྲྭ་གསར་རྒྱག་དང་སློབ་དེབ་སྒྲིག་ཡོད་སྟབས། སློབ་དེབ་བསྒྲིཊ་ཕྱོཊ་ཐད་ནས་ཕྲུ་གུའི་གནས་ཚད་དང་ལོའི་གནས་བབ། རིག་སྟོབས། དགའ་ཕྱོགས་བཅས་དང་འཚམ་མིན་མང་པོ་འདུག ད་ཆར་གཙོ་བོ་ཤེས་ཡོན་སྲིད་བྱུས་རྨང་གཞིར་བཞག་སྟེ་རྩོམ་སྒྲིག་བྱེད་ཀྱི་ཡོད་སྟབས། སློབ་དེབ་སྒྲིག་ཕྱོཊ་དང་ཇུས་འགོད་སོཊ་ཕྱོཊ་ཡོངས་ནས་བྱིས་པའི་གནས་ཚད་དང་སྤྱི་ཚོཊ་ཀྱི་འགྱུར་འགྲོས་སོཊ་ཕྱོཊ་མང་པོར་བསྟུན་ཡོད་སྟབས། སྔོན་དང་བསྡུར་ན་ཡག་པོ་འདུག་བསམ་གྱི་ཡོད། གལ་སྲིད། མ་འོངས་པར་མུ་མཐུད་ལག་ལེན་བསྟར་ཐུབ་པ་ཡིན་ན་ང་རང་གི་ངོས་ནས་ཕན་ཐོཊ་ཆེན་པོ་ཡོད་པ་ཞིག་ལ་ངོས་འཛིན་བྱེད་ཀྱི་ཡོད། བཙན་བྱོལ་ནང་མང་ཆེ་བ་ཁ་འཐོར་དུ་བསྡད་ཡོད་པ་དང་། ཡུལ་སྐད་ཀྱི་བཙན་འཛུལ་ཐེབས་པ། སྐད་ཡིག་ཉམས་པ་དང་མཉམ་དུ་མིའི་རང་གཤིེས་ཀྱང་ཉམས་འགྲོ་བཞིན་ཡོད་སྟབས། མ་འོངས་པར་དགེ་རྒན་ཚོའི་ཕྲག་ཏུ་ལས་འགལ་ཧ་ཅང་ལྕི་མོ་ཞིག་ཡོད་པ་རེད་དྲན་གྱི་འདུག” ཅེས་བརྗོ་བྱུང་།

མཱ་སི་རི་གཏན་སློབ་ཀྱི་དགེ་རྒན་ཚེ་རིང་ལྷ་མོ་ལཊ་ཀྱིས། “ སློབ་དེབ་གཏན་འབེབས་ཐོག་སྤྱི་ཚོཊ་ནང་ཁག་ཅིག་གིས་སློབ་དེབ་ཀྱི་ཚད་གཞི་མཐོ་དྲགས་པ་དང་། ཁག་ཅིག་གིས་སློབ་དེབ་འཚམ་པོ་མི་འདུག་ཅེས་བསམ་ཚུལ་འདྲ་མིན་ཡོང་གི་ཡོད་པ་རེད། ཡིན་ནའང་། དེ་སྔོན་དང་བསྡུར་ན་ད་རེབ་ཕྲུ་གུའི་ཤེས་ཚད་དང་སེམས་ཁམས་ལ་འཚམ་པ་ཞིག་གི་ཐོག་ལ་འབད་བརྩོན་གནང་ཡོད་པ་རེད” ཅེས་བརྗོད་བྱུང་། ཡང་ཁོང་ལ་བཙན་བྱོལ་ནང་བོད་པའི་སྐད་ཡིག་ཡར་རྒྱས་གཏོང་ཕྱོགས་གང་འདྲ་ཡོད་མེད་དྲིས་པར། “ བཀའ་ཤག་སྐབས་སྔོན་མས་བོད་རང་གི་སྐད་ཡིག་ཡར་རྒྱས་ཡོང་ཐབས་ཐོག་ཤུགས་ཞེ་དྲག་བརྒྱབ་ཡོད་པ་རེད། གཞུང་གི་ཡིག་ཆ་ཁག་ཚང་མ་བོད་ཡིག་ཐོག་བཟོས་ཡོད། དེའི་རིཊ་མུ་མཐུད་རྒྱུན་འཁྱོང་བྱས་ཏེ་ཕྱི་རྒྱལ་ཁག་ལ་འབྲེལ་བ་གནང་དགོས་པའི་རིཊ་དབྱིན་ཡིག་གི་ལམ་ནས་བཟོ་དགོས་ཀྱང་། ང་ཚོའི་སྤྱི་ཚོཊ་ཀྱི་ལས་ཁུངས་ཁག་དང་གཞིས་ཆགས་ཁག་གི་ཡིག་འབྲེལ་སོགས་བོད་ཡིག་གི་ལམ་ནས་འགྲོ་རྒྱུ་དང་། སློབ་གྲྭ་ཁག་གི་དགོངས་ཤོག་སོཊ་བོད་ཡིག་གི་ལམ་ནས་འགྲོ་ཐུབ་པ་བཟོས་ཏེ། མགོ་ལས་བྱེད་ནས་བཟུང་ལག་བསྟར་གནང་ཐུབ་པ་ཡིན་ན་ཤུཊ་རྐྱེན་ཆེན་པོ་ཐེབས་ཀྱི་རེད ” ཅེས་བརྗོད་བྱུང་།

གྷོ་པ་པུར་བོད་ཁྱིམ་སློབ་གྲྭའི་དགེ་རྒན་བློ་བཟང་ལུང་རིཊ་ལཊ་ཀྱིས། “ ང་རང་ལ་མཚོན་ན་ད་ལྟའི་བར་སྔོན་མ་སློབ་དེབ་གཏན་འབེབས་སྐབས་བསྐྱར་ཞིབ་མ་བྱས་པའི་རིཊ་འཁྲིད་ཀྱི་མེད་པར། རང་ངོས་ནས་བོད་ནང་སློབ་དེབ་ཁག་གི་སློབ་ཚན་སོཊ་འཁྲིད་བསྡད་ཀྱི་ཡོད། ཕྱིས་སུ་ཤེས་རིག་ལས་ཁུངས་ཀྱི་གོ་སྒྲིག་འོག་བསླབ་གཞི་རྩ་འཛིན་དང་སློབ་དེབ་བསྐྱར་ཞིབ་བྱས་ཡོད་སྟབས། དེས་རྒྱུན་རིང་པོར་ཕན་ཐོགས་ཡོང་བའི་རེ་བ་བྱེད་ཀྱི་ཡོད། ད་རེབ་ང་རང་ཉིད་ཀྱང་སློབ་དེབ་བསྐྱར་ཞིབ་གཏན་འབེབས་ཚོཊ་ཆུང་ནང་ཡོད་སྟབས། མཚམས་རེར་ཞེ་སྣང་འདུག  ལས་གཞི་འདི་མ་འོངས་པར་མི་རིགས་ཤིག་གི་ཤེས་ཡོན་གྱི་གཞི་འཛིན་ས་ཞིག་དང་དཔེ་ལྟ་ས་ཞིག་ཆགས་ཡོད་སྟབས། ཚད་ལྡན་ཞིག་བཟོ་རྒྱུ་གལ་ཆེན་པོ་རེད་བསམ་གྱི་འདུག” ཅེས་བརྗོད་བྱུང་།

གསར་འགོད་པ། དོན་གོ