རྒྱ་ནག་ཀང་ཏུང་ཞིང་ཆེན་ནང་དྲག་ཆར་བབས་པའི་རྐྱེན་གྱིས་ཆུ་ལོག་བྱུང་སྟེ་མི་རྒྱུ་གཉིས་ལ་གྱོང་གུད་ཆེན་པོ་ཐེབས་ཀྱི་ཡོད་པ་མ་ཟད་མི་གྲངས་འབུམ་གཅིག་ལྷག་གནས་སྤོ་དགོས་བྱུང་ཡོད་འདུག
ཁ་སང་ཕྱི་ཚེས་ ༢༢ ཉིན་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་པ་ལྟར་ན། རྒྱ་ནག་ལྷོ་ཤར་ཞིང་ཆེན་ཀང་ཏུང་(Guangdong) དུ་བསྟུད་མར་ཉིན་ཁ་ཤས་རིང་དྲག་ཆར་ཤུགས་ཆེན་བབས་རྐྱེན་རྒྱུག་ཆུ་(Pearl River)རྒྱས་ནས་ཆུ་ལོག་བྱུང་སྟེ། མི་གྲངས་ ༤ རྐྱེན་འདས་དང་། ཡུལ་མི་ ༡༠ གར་སོང་ཆ་མེད་དུ་གྱུར་བ། ཡུལ་མི་ ༡༡༠,༠༠༠ ཙམ་ཉེན་གཡོལ་གྱིས་ས་གནས་གཞན་དུ་སྤོ་དགོས་བྱུང་ཡོད་འདུག་ལ། གྲོང་ཁྱེར་གྱི་གཞུང་ལམ་དང་ཁང་པ་སོགས་ཆུས་བསྐོར་ཡོད་སྟབས། གནས་སྐབས་རིང་སློབ་གྲྭ་དང་མཁའ་འགྲུལ་སོགས་སྒོ་བརྒྱབ་ཡོད་འདུག
རྒྱ་ནག་གི་གནམ་གཤིས་རིག་པ་བ་ཞིག་གིས། རྒྱ་ནག་ཀང་ཏུང་ཞིང་ཆེན་དང་། མཚོ་ཁའི་ས་ཁུལ་དུ་ཆར་པ་ཤུགས་ཆེན་བབས་ཏེ་ཆུ་ལོག་དང་ས་རུད་སོགས་འབྱུང་ཉེན་ཡོད་པའི་ཉེན་བརྡ་བཏང་ཡོད་འདུག་ལ། མི་མང་རྣམས་སོ་སོའི་བདེ་འཇགས་སླད་ས་གནས་གཞན་དུ་གནས་སྤོ་བྱ་དགོས་པའི་སྐུལ་མ་བཏང་ཡོད་འདུག ཀང་ཏུང་ཞིང་ཆེན་ནི་ཆུ་ལོག་འབྱུང་ཉེན་ཆེ་བའི་ས་ཁུལ་ཞིག་ཡིན་སྐོར་བརྗོད་འདུག་ལ། ཀང་ཏུང་ས་གནས་ཀྱི་གནས་ཚུལ་ལྟར་ན། ད་ལན་གྱི་ཆུ་ལོག་ཁྲོད་རྒྱ་སྒོར་ས་ཡ་ ༡༤༠ ལྷག་གི་དཔལ་འབྱོར་གྱོང་གུད་ཕོག་ཡོད་འདུག
ཕྱི་ལོ་ ༢༠༢༡ ལོར་རྒྱ་ནག་ཁྲུང་ཆིན་ (Chongqing) གྲོང་ཁྱེར་དང་སི་ཁྲོན་ (Sichuan) ཞིང་ཆེན་སོགས་ལ་དྲག་ཆར་བབས་པའི་རྐྱེན་གྱིས་ཆུ་ལོག་ཐེངས་ ༡༢ ཙམ་བྱུང་སྟེ། ཁྱོན་མི་གྲངས་ ༤༤༩ རྐྱེན་འདས་སུ་ཕྱིན་ཡོད་འདུག་ལ། རྒྱ་ནག་གི་ལོ་རྒྱུས་ཐོག་ཆུ་ལོག་གནོད་ཚབས་ཆེ་ཤོས་ཤིག་ནི། ཕྱི་ལོ་ ༡༩༣༡ ལོར་རྒྱ་ནག་གི་ཝུའུ་ཧན་ (Wuhan) དང་ནན་ཅིན་ (Nanjing) གྲོང་ཁྱེར་དུ་ཆུ་ལོག་ཚབས་ཆེན་བྱུང་བའི་རྐྱེན་གྱིས་མི་གྲངས་ས་ཡ་ ༢ ལྷག་བཀྲེས་སྐོམ་དང་ནད་གཞིའི་རྐྱེན་གྱིས་རྐྱེན་འདས་སུ་ཕྱིན་ཡོད་འདུག
སའི་གོ་ལའི་ཚ་དྲོད་རྒྱས་ཏེ་སྲིད་པའི་གངས་རི་དང་འཁྱག་དར་རྣམས་མྱུར་པོར་ཞུ་ཡི་ཡོད་པའི་རྐྱེན་གྱིས་འཛམ་གླིང་ཡུལ་ཕྱོགས་གང་སར་ཆུ་ལོག་རྒྱུག་པའི་གནད་དོན་མང་དུ་བྱུང་སྟེ་མི་རྒྱུ་གཉིས་ལ་གནོད་སྐྱོན་ཚབས་ཆེན་ཡོང་བཞིན་ཡོད་པ་རེད། འཛམ་གླིང་གི་ཆུ་ལོག་གནོད་སྐྱོན་ཆེ་ཤོས་བྱུང་ཡུལ་གཅིག་ནི་བྷང་ལ་དྷེ་ཤི་ཡིན་འདུག་ལ། ཡུལ་དེ་ཆུ་བོ་གང་གཱའི་
གསར་འགོད་པ། བསྟན་འཛིན་ཕུར་བུ།
རྩོམ་སྒྲིག་པ། པདྨ་མཚོ།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
