Author Archives: བོད་ཀྱི་དུས་བབ།

བོད་དོན་ཐོག་མི་དམངས་ཁ་གྲགས་པའི་དུས་རེད།

རྒྱལ་སྤྱིའི་སྒང་ལ་༧གོང་ས་མཆོག་གི་གཟི་བྱིན་ཡོད་སྐབས་འདིར་ང་ཚོས་བོད་དོན་ལ་ ཤུགས་བརྒྱབ་རྒྱུ་ནི་གོ་སྐབས་ལེགས་པོ་ཅིག་རེད། བོད་ཀྱི་མ་འོངས་པ་ནག་ཁུང་མ་རེད། གང་ལྟར་དོན་གྱི་བདག་པོ་དེ་མི་དམངས་ཡིན་པས། མི་དམངས་ཀྱི་ངོས་ནས་སྐད་ཆ་བཤད་དགོས་པ་དང༌། ཁ་གྲགས་དགོས་པའི་དུས་རེད། མ་འོངས་པ་དེ་གང་འདྲ་ཞིག་ཏུ་འགྲོ་མིན་མི་དམངས་ཀྱི་ལག་པར་ཡོད་པ་རེད་ཟེར།

་་་

རྒྱ་ནག་གིས་ཨ་རུ་རའི་ཡལ་ག་མཐོང་སྟངས།

པེ་ཅིན་གྱི་ཕྱོགས་ནས་ཡང་དང་བསྐྱར་དུ་ཞི་མོལ་གྱི་སྒོ་ཕྱེ་ཡོད་ཅེས་བཤད་ཀྱིན་ པར་མ་ལྟོས་པར། ཏཱ་ལའི་བླ་མས་རང་གི་རེ་འདུན་དབུས་གཞུང་ལ་ཐད་ཀར་མི་ཞུ་བར། ནུབ་ཕྱོགས་ཀྱི་གསར་འགོད་པ་ཞིག་བརྒྱུད་ནས་ཡོངས་བསྒྲགས་བྱེད་པ་འདི་ནི་བསམ་ བརྗོད་ལས་འདས་པ་ཞིག་རེད། ཨ་རིའི་གསར་འགོད་པ་ཞིག་གི་ཁ་བརྒྱུད་ནས་སྐད་ཆ་བཤད་པ་དེས་རང་གི་བརྡ་ལན་དེའི་ ཆ་འཇོག་ཇེ་ཆུང་ལ་གཏོང་གི་རེད་ཟེར།

་་་

ལོ་ཚོད་ལ་ཞིབ་བཤེར།

རྒྱལ་སྤྱིའི་ཨོ་ལིམ་པིག་རྩེད་འགྲན་ཚོགས་ཆུང་གིས་གསེར་གྱི་རྟགས་མ་ཐོབ་མཁན་ རྒྱ་ནག་གི་བུད་མེད་མཉེན་སྟོབས་ Gymnasts རུ་ཁག་ནི་ཨོ་ལིམ་པིག་རྩེད་འགྲན་ནང་ཞུགས་རྒྱུའི་ལོ་ཚོད་ཟིན་ཡོད་མེད་ཞིབ་ འཇུག་བྱེད་གི་ཡིན་ལ། གནས་ཚུལ་མང་བོ་ཞིག་ཇེ་གསལ་དུ་ཡོང་གི་རེད་ཟེར།

 

་་་

རྒྱའི་མི་སེར་གྱི་མིག་ཆུ།

ཁོ་ཚོ་རྒྱ་ནག་གུང་ཁྲན་ཏང་གི་དབུ་ཁྲིད་པའི་སྤྱི་ཚོགས་ཞིག་ཏུ་ཡོད་ཀྱང༌། མི་སེར་གྱི་དཀའ་ངལ་དང་རེ་བ་དེ་རིང་ཡིན་ཡང་མངོན་འགྱུར་བྱེད་མི་ཐུབ་པ་འདི་ ཡོད་སྐྱོ་བའི་གནས་ཚུལ་ཞིག་རེད། རྒྱལ་ཁབ་ཀྱི་མདུན་རྒྱབ་གཉིས་མཐུན་པོ་མེད་པས་དངོས་ཡོད་གནས་ཚུལ་ཧ་གོ་རྒྱུ་ཁག་ པོ་འདུག་ཟེར།

་་་

ཤི་གསོན་ཤེས་ཀྱི་མི་འདུག

ཕ་ཡུལ་སྨྲར་ཁམས་ནས་ཡིན་པའི་ལྷ་ས་ར་མོ་ཆེའི་གྲྭ་བསོད་ནམས་རབ་རྒྱས་ནི། ད་ལོའི་ཟླ་ ༣ པའི་ཚེས་ ༡༤ ནས་གར་སོང་ཆ་མེད་དུ་གྱུར་བ་དང༌། ད་ལྟའི་ཆར་ཤི་གསོན་ཅི་ཡིན་ཤེས་རྟོགས་མེད་པའི་གནས་ཚུལ་ཚེས་ ༢༠ ཉིན་རྒྱུད་སྟོད་གྲ་ཚང་དུ་ཡོད་པའི་ཁོང་གི་གཉེན་ཉེ་ཞིག་གིས་འདི་ག་གསར་ཁང་དུ་ གསུངས་བྱུང༌།

་་་

བླ་བྲང་གི་ཆུ་ལོག

བླ་བྲང་ལ་ཆུ་ལོག་ཡོང་སྟེ། ཁྱིམ་ཚང་སྐོར་ཞིག་གི་ཁང་བ་བཤིགས་ཤིང་དཔལ་འབྱོར་ལ་གྱོང་གུད་ཆེན་པོ་བྱུང་ཞིང་། གོ་ཐོས་ལྟར་ན་མི་གསུམ་ཤི་སོང་བ་དང་། མི་གཅིག་གར་སོང་ཆ་མེད་དུ་གྱུར་འདུག་ཟེར།

་་་

རྒྱ་ནག་གི་རྩ་ཁྲིམས་ནང་གང་ཡོད་པ་དེ་རྩོད་གི་ཡོད།

ནེ་ཁོལ་ལགས། འདི་ནས་གསལ་བོ་བཟོ་དགོས་པ་ཞིག་ལ། ༧གོང་ས་མཆོག་གིས་དབུ་མའི་ལམ་དུ་གསུངས་ཡོད་པ་དེ་ལ་ད་སྔ་འགྱུར་བ་རྩ་བ་ནས་བཏང་ཡོད་པ་མ་རེད། རྒྱ་ནག་གི་རྩ་ཁྲིམས་ནང་གྲངས་ཉུང་མི་རིགས་ལ་གང་ཐོབ་ཀྱིན་ཡོད་པ་དེ་བོད་མི་ཡོངས་ལ་ཐོབ་དགོས་གསུང་གིན་ཡོད་ལ། ད་བར་སྐུ་ཚབ་རྣམ་པ་གཉིས་ཀྱིས་ཀྱང་དེ་བཤད་ཀྱིན་ཡོད།

་་་

བསོད་ནམས་དབྱངས་ཅན།

པེ་ཅིན་དུ་ཨོ་ལིམ་པིག་རྩེད་འགྲན་ཚུགས་སྐབས་འཛམ་གླིང་གི་མི་གྲངས་དུང་ཕྱུར་ ༤ ལྷག་གིས་བརྙན་འཕྲིན་ནང་ནས་ལྟད་མོར་ལྟ་གི་ཡོད་ལ། འདི་དག་གི་ཁྲོད་ཀྱི་གཅིག་ནི་རྒྱ་གར་བྱང་ཕྱོགས་ཧི་མ་ལ་ཡའི་རི་འདབས་སུ་བཞུགས་ པའི་བསོད་ནམས་དབྱངས་ཅན་ལགས་ཡིན་ངེས་ཤིང་། ཁོང་མོ་ནི་བཙན་བྱོལ་བོད་མིའི་ཁྲོད་རྒྱལ་སྤྱིའི་རྩེད་འགྲན་ནང་གསེར་དང་དངུལ་ གྱི་རྟགས་མ་བླངས་མཁན་གྱི་མདའ་རྩལ་བ་དེ་ཡིན།

་་་