ཉིན་ཤས་གོང་ནས་རྒྱ་གཞུང་གིས་དགུན་དུས་དྲག་རྡུང་གི་ལས་འགུལ་སྤེལ་ཏེ་བདུན་ ཕྲག་གཅིག་གི་རིང་ལྷ་ས་གྲོང་ཁྱེར་དུ་མི་ ༨༤༢༤ ལྷག་ལ་ཞིབ་བཤེར་དང་མི་ ༨༡ ལྷག་ལ་འདྲི་གཅོད་བྱས་ཡོད་འདུག ད་དུང་ལྷ་ས་སྤྱི་བདེ་ཁང་གིས་གྲོང་ཁྱེར་ཡོངས་སུ་དམག་མི་ ༦༠༠ དང་དམག་མིའི་རླངས་འཁོར་ ༡༦༠ གསར་དུ་བཀྲམས་ཏེ་གཞིས་གྲོང་ཁག་ ༧ དང་བོགས་གཏོང་མགྲོན་ཁང་ ༡༩༢༢། གསོལ་མགྲོན་ཁང་ ༡༤། དྲ་ཁང་ ༣ བཅས་སུའང་ཞིབ་བཤེར་བྱས་ཡོད་འདུག
་་་༢༠༠༨ ལོའི་འཇར་མིན་གསར་འགྱུར་བརྒྱུད་ལམ་གྱི་ཆེ་བསྟོད་བྱ་དགའ་དེ། བོད་མིའི་ཆོས་སྲིད་གཉིས་ཀྱི་དབུ་ཁྲིད་༧གོང་ས་སྐྱབས་མགོན་ཆེན་པོ་མཆོག་ལ་འབུལ་རྒྱུ་ཡིན་འདུག
་་་ཀུན་གཟིགས་༧པན་ཆེན་སྐུ་ཕྲེང་བཅུ་བ་ཆེན་པོ་མཆོག་སྐུ་མྱ་ངན་ལས་འདས་ནས་མི་ལོ་ཧྲིལ་བོ་ ༢༠ འཁོར་བར་རྗེས་དྲན་ཞུས་ཡོད་པ་རེད།
་་་བཞུགས་སྒར་གྱི་གཞུང་འབྲེལ་མ་ཡིན་པའི་ཚོགས་པ་བཞི་ཡིས་ད་ལོའི་ལོ་གསར་ལ་དགའ་སྟོན་བྱ་རྒྱུ་མིན་པར་ལོ་ནག་པོ་སྲུང་གཙི་བྱ་རྒྱུ་ཡིན་ཟེར།
་་་ཟླ་འདིར་ཆབ་མདོ་ནས་བོད་མི་གསུམ་གྱིས་སྐད་འབོད་བྱས་པར་བརྟེན་འཇུ་བཟུང་བྱས་ ཏེ་ཉེས་རྡུང་བཏང་ཡོད་པ་དང༌། ཚེས་ ༢༣ ཉིན་བོད་མི་གཅིག་ཉེན་རྟོག་པའི་ལག་ནས་འདས་གྲོངས་སུ་སོང་ཡོད་ཀྱང་ཕུང་བོ་ནང་ མིར་རྩིས་མ་སྤྲད་པར་མེར་བསྲེག་བཏང་ཡོད་འདུག
་་་ཕྱི་ཚེས་ ༢༦ ཉིན་འདི་གར་གནས་ཚུལ་བཏང་བ་ལྟར་ན། དབྱིན་ཡུལ་བོད་རིགས་ཡོངས་ནས་ད་ལོ་བོད་ཀྱི་ལོ་གསར་གྱི་རྟེན་འབྲེལ་མཛད་སྒོ་ རྟེན་འབྲེལ་མེད་ཟེར།
་་་གངས་སྐྱིད་དཔེ་མཛོད་ཀྱི་ལས་ཤག་ཅིག་ལ་མེ་སྐྱོན་ཚབས་ཆེན་བྱུང་སྟེ། དགུང་ལོ་ ༨༦ ཡིན་པའི་ལྷ་བྲིས་དགེ་རྒན་ཞིག་མེ་སྐྱོན་ཁྲོད་འདས་གྲོངས་སུ་སོང་ཡོད།
རྒྱ་ནག་སོ་ནམ་པའི་ལུགས་ཀྱི་དཔྱིད་གསར་དུས་སྟོན་ནམ། གནམ་ལོ་གསར་བ་ཤར་བའི་སྐབས་འདིར། ངོས་ནས་རྒྱ་ནག་སྐམ་ས་ཆེན་པོས་གཙོས་འཛམ་གླིང་ཁྱོན་ཡོངས་སུ་གནས་པའི་རྒྱ་རིགས་ སྤུན་ཟླ་ཡོངས་ལ་གནམ་ལོ་གསར་ཚེས་ཀྱི་དུས་སྟོན་ལ་མཛའ་བརྩེའི་འཚམས་འདྲི་དང་ བཀྲ་ཤིས་བདེ་ལེགས་བརྗོད་ཀྱིན་ཡོད། ཅེས་༧གོང་ས་མཆོག་གིས་རྒྱ་རིགས་མི་དམངས་ལ་གསུང་འཕྲིན་བསྩལ་ཡོད།
་་་
