མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱ་ནག་གི་དམག་མི་རྣམས་ལ་སྤྲིངས་པའི་འཕྲིན།

བོད། ཤ་ཁྲག་རུས་གསུམ།
༢༠༠༩/༠༢/༡༩
Share on FacebookShare on TwitterShare on EmailShare on Whatsapp

རྒྱ་ནག་གི་དམག་མི་རྣམས་ལ་སྤྲིངས་པའི་འཕྲིན།

                               ་་་་་་་་་་་་་་་་་་ངའི་ནང་མི་ཚོ་གནོད་འཚེ་མ་གཏོང་རོགས།

ཁྱེད་ཅག་གིས་བསམ་བློ་ཞིག་གཏོང་རོགས་ཞུ། ཁྱེད་ཅག་གིས་མེ་མདའ་བཟུང་ དེ་ངེད་ཚང་གི་ནང་དུ་ཡོང་ནས་ཉེས་མེད་ཀྱི་ངའི་ནང་མི་དག་ལ་མེད་མདའ་བཙུགས་དེ་ རང་ཉིད་ནི་གཡུལ་ས་གང་རུང་ཞིག་ནས་དགྲ་བོ་ལག་དམར་ཞིག་ལ་འཐབ་པའི་དབའ་བོ་བཞིན་ཉེས་མེད་ཀྱི་བདག་གི་ནང་མི་དག་གི་འགྲོ་འདུག་བསྐྱོད་གསུམ་ལ་མེ་མདའི་ཁ་བརྡ་ བྱས་དེ་ཁ་ལ་མི་ཉན་ན་མེ་མདའ་འདི་ནི་ཁྱེད་ཅག་མེད་པར་གཏོང་བྱེད་དུ་ཆེད་དུ་ང་ ཚོས་སྲིད་གཞུང་གིས་བཟོས་པ་རེད་ཟེར་ནས། ལོ་ན་རྒན་གཞོན་གཞོན་དང་སྐྱ་སེར་ལ་དབྱེ་བ་མེད་པར་འཇིགས་སྐུལ་དང་དྲག་གནོན་བྱེད་ཐེངས་རེར་ང་རང་གི་སེམས་ནང་དུ་ས་མཐའ་ནས་གཟོད་དུ་མེད་པའི་སྡུག་བསྔལ་ཞིག་སྤྲོད་བཞིན་འདུག

ངས་ཁྱེད་ཅག་ལ་ང་ཚོ་ཚང་མ་མི་ཡིན་པ་འདྲ་མཉམ་གྱི་ཚོར་བ་ཞིག་ཡོད་པའི་སྒང་ནས་དེ་རིང་འདི་ནས་རེ་འབོད་ཞིག་བྱེད་རྒྱུ་ཡིན། ངེད་ཅག་མི་རིགས་གཉིས་ནི་གནའ་སྔ་མོ་ནས་ཁྱིམ་ཚེས་བྱས་དེ་བསྡད་པ་ཡིན་ལ་དུས་དེ་རིང་གི་བར་དུ་བཟང་ངན་གྱི་གོ་རིམ་ཡང་མང་བོ་ཞིག་ལོ་རྒྱུས་སྨྲ་བ་དག་གིས་ཡིག་ཚང་ཁྲི་སྟོང་མང་ བོ་ཞིག་གི་ནང་དུ་ལོ་རྒྱུས་ཀྱི་གླེགས་བམ་བརྩིགས་ཡོད་ཀྱང་། ངས་དེ་དག་གླེང་ན་མི་འདོད་པར། ངས་དེ་རིང་དེ་ད་ལྟའི་དངོས་ཡོད་གནས་ཚུལ་ཞིག་གླེང་ན་འདོད། དངོས་ཡོད་གནས་ཚུལ་ནས་བཤད་པ་ཡིན་ན་ནི། ཁྱེད་ཅག་ཡང་མི་ཞིག་ཡིན་ལ་ངེད་ཅག་ཡང་མི་རེད། མི་ཚང་མ་འདྲ་མཉམ་གྱི་བསམ་ཚུལ་ཞིག་ཡོད་པ་ནི། རང་རང་ལ་དོན་མེད་དུ་སྡུག་གྱོང་གཏོང་མཁན་ལ་སུས་ཀྱང་དགའ་བསུ་མི་བྱེད་པ་ནི་བཤད་མི་དགོས་པ་དེ་རེད། དེས་ན་ཁྱེད་ཅག་གི་རང་སྟེང་དུ་དཔེ་ཞིག་བློངས་དང་། མི་ཞིག་ཁྱེད་ཅག་གི་ནང་མི་དག་གིས་ནང་དུ་འོང་ནས་དོན་མེད་དུ་དམར་གསོད་དང་བཙོན་འཇུག ཉེས་བརྡུང་། འཕྲོག་བཅོམ། ཁྱེད་ཀྱི་བྱིས་པ་དག་གི་དུས་ཚོད་བཟང་བོ་ཞིག་ཡོད་པ་དེ་དག་མེད་པར་གཏོང་བ། ཁྱེད་ཀྱི་ཨ་མ་ཡུག་སར་འཕུད་པ། ཁྱེད་ཀྱི་སྲིང་མོ་བཙན་གཡབ་བྱེད་པ། ཁྱེད་ཀྱི་སྤུན་ཟླ་མིང་སྲིང་དག་བཙོན་དུ་འཇུག་པ། ཁྱེད་ཀྱི་ནང་མི་ཁ་འཐོར་དུ་གཏོང་བ། ཁྱེད་ཀྱི་རིགས་དག་དོན་མེད་མེ་མདའི་འོག་ནས་འཚོ་དགོས་པའི་དུས་ཚོད་ཅིག་བྱུང་ན་ཁྱེད་ཅག་གི་སེམས་ནང་དུ་གང་ཞིག་དྲན་སྲིད་དམ། ནམ་ཞིག་གོ་སྐབས་བྱུང་ན་ངས་དགྲ་ཤ་ལེན་དགོས། ནམ་ཞིག་དུས་ཚོད་བྱུང་ན་ངས་མི་ངན་དེ་དག་རྩ་མེད་དུ་གཏོང་དགོས། ནམ་ཞིག་ང་ལ་དབང་ཆ་རེག་ན་ངས་ཁྲག་ལན་ཁྲག་གིས་འཇལ་དགོས་བསམ་སྲིད་དམ། དེ་འདྲ་མི་རབས་ནས་མི་རབས་ཀྱི་འགལ་ཟླར་བཟོ་མཁན་གྱི་གཏེ་བོ་དེ་དག་སུ་ཞིག་དོན་དངོས་སུ་བྱེད་འདོད་ཡོད་མཁན་ཡོད་སྲིད་དམ། ཡོད་མི་སྲིད། བསམ་བློ་ཞིབ་མི་ཞིག་བཏང་ན་ང་ཚོ་ཚང་མ་མི་རེད།

ཁྱེད་ཅག་གིས་ཐུགས་བསམ་ཞིག་གནོང་དང་། ལོ་ངོ་ལྔ་བཅུའི་གོང་དུ་ཁྱེད་ཅག་གི་མི་ཞིག་གི་ཟུར་ཆ་ཙམ་ཞིག་ལ་རི་པུན་(ཉི་ཧོང་)གྱིས་བཙན་འཛུལ་བྱས་པའི་ལོ་རྒྱུས་དེ་དག་འཇིག་སྒྲུལ་ནས་ལོ་ངོ་ལྔ་བཅུ་འགྲོ་བཞིན་ཡོད་ཀྱང་། ཁྱེད་ཅག་གིས་མི་རིགས་ཀྱིས་ད་དུང་ཡང་རི་པུན་གྱི་མི་རིགས་དེ་དག་གིས་ བཙན་འཛུལ་བྱས་པའི་བསྐོར་གྱི་གློག་བརྙན་སྒྲོ་འདོག་མང་བོ་ཞིག་བྱས་དེ་རྒྱ་མི་ རིགས་ཀྱི་སེམས་ཁོང་དུ་རི་པུན་ལ་སྙིང་ནད་ཡོད་པ་ཞིག་ད་ལྟ་ཡང་བཟོ་བཞིན་ཡོད་པ་དེ་དག་ལ་བལྟས་དང་། མ་འོངས་པའི་བོད་དང་རྒྱ་མི་རིགས་ཀྱི་བར་དུ་ཡང་དེ་ལྟར་མི་ཡོང་བ་ཞིག་མི་འདོད་དམ། ཁྱེད་ཅག་མ་འོངས་རྒྱ་བོད་གཉིས་ཀྱི་མི་རབས་དག་གི་སེམས་ནང་གི་དགྲ་ཟླར་བཟོ་མཁན་གྱི་ཉེས་ཅན་པ་དེ་དག་བྱེད་འདོད་འདུག་གམ། ཁྱེད་ཅག་གིས་སྲིད་གཞུང་ངན་པའི་བཀོད་འདམས་འོག་རང་གི་འཚོ་བའི་ཆེད་དུ་དེ་འདྲ་བྱེད་ཀྱི་ཡོད་པ་མ་གཏོགས། སེམས་གཏིང་ནས་ཁྱེད་ཅག་གིས་ངེད་ཚང་གི་མི་རིགས་ལ་སྙིང་ནད་ཞིག་ཡོད་དགོས་དོན་མེད་པ་རེད། དེ་འདྲ་ཞིག་མ་རེད་དམ། ད་ལྟ་བསམ་བློ་བཏང་ནས་མེ་མདའ་དེ་དག་གི་ནང་གི་རྡེའུ་དེ་དག་ཉེས་མེད་ཀྱི་ངའི་ནང་མི་དག་གི་ཚེ་སྲོག་གི་དགྲ་བོ་མི་ཆགས་པར་འབོད་སྐུལ་བྱེད་རྒྱུ་ཡིན།

ཁྱེད་ཅག་གིས་ན་ནིང་ངའི་ནང་མི་མང་བོ་ཞིག་བུད་མེད་མང་བོ་ཞིག་ཡུག་སར་འབུད་དུ་བཅུགས་པ་དང་བྱིས་པ་མང་བོ་ཞིག་ད་ཕྲུག་དུ་བཏང་བ། སྐྱ་སེར་མང་བོ་ཞིག་འཆི་ལམ་དུ་རྫོངས་པ། ཉེས་མེད་མང་བོ་ཞིག་ལ་བཅར་བརྡུང་བྱས་པ། དེ་ལས་ཀྱང་མང་བ་ཞིག་བཙོན་དུ་བཅུགས་པ། ད་དུང་དེའི་འགྲིག་གི་མི་འདུག་གམ། ད་ལོ་ཡང་ཁྱེད་ཅག་གིས་སྔར་ལས་ཀྱང་མེ་མདའ་ དང་ཚོན་ཆའི་རིགས་ཇེ་མང་དུ་བཏང་ནས་ངའི་ནང་མི་གང་ན་ཡོད་པ་དེ་དག་གི་མཐའ་ཡོངས་སུ་བསྐོར་ནས་སླར་ཡང་འཇིགས་སྣང་སྐུལ་བཞིན་ཡོད་པ་དེ་དག་ལ་མཚམས་འཇོག་ཞིག་བྱེད་ ཐུབ་པ་ཡིན་ན་ནི། ང་དང་བཅས་པའི་ས་མ་མཐའ་ན་ཡོད་པའི་ངའི་མི་རིགས་ཀྱིས་ཀྱང་ཁྱེད་ཅག་ལ་སྙིང་ནད་ འཛིན་མི་སྲིད་པའི་བསྐོར་གྱི་ཁ་བརྡ་སློབ་གསོ་མང་བོ་ཞིག་ངའི་མི་རིགས་ལ་བྱེད་ ངེས་ཡིན། མི་ཟེར་བ་ནོར་འཁྲུལ་རེ་ཟུང་ཡོང་མི་སྲིད་པ་མ་རེད། སྔོན་ཆད་ཀྱི་ནོར་འཁྲུལ་སུ་ལ་ཤོར་ཡོད་ཀྱང་དེ་དག་ལ་ང་ཚོས་བཟོད་བསྒོམ་བྱེད་ཆོག གལ་ཏེ། ད་དུང་ཡང་། ཁྱེད་ཅག་གིས་ནམ་ཞིག་རང་གི་ཁྱིམ་མི་དག་གི་མགོ་ལ་ཡང་འདི་འདྲ་ཞིག་ཡོང་བར་མི་འདོད་པ་ཡིན་ན་ནི། ད་ནི་དྲག་པོའི་རིགས་ཀྱི་ལས་ཀ་འདི་དག་མཚམས་འཇོག་རན་ཡིན་པས་འབོད་སྐུལ་སེམས་བསམ་པའི་སྟེང་ནས་ས་མཐའ་ནས་ངའི་མི་རིགས་ལ་འཇིགས་པ་མི་ཡོང་བའི་ཆེད་དང་། ཁྱེད་ཅག་གི་མི་རིགས་ལ་ཡང་བདེ་འཇག་ཡོང་བའི་ཆེད། ཡང་ན། བསྐལ་བ་ཇི་སྲིད་བར་དུ་ཁྱིམ་ཚེས་བྱས་ དེ་མི་བསྡོད་ཐབས་མེད་ཡིན་པའི་མ་འོངས་མི་རབས་གཉིས་ཀྱི་སེམས་ནང་དུ་སྡུག་བསྔལ་ དང་འཁོན་སེམས་མི་སློང་ཆེད་དུ་འབོད་སྐུལ་མདོར་བསྡུས་ཤིག་ས་མཐའ་ནས་ངའི་ནང་མི་ཡོད་ཚད་ཀྱི་ཚབ་བྱས་དེ། ཁྱེད་ཅག་ཡང་མི་ཞིག་དང་སེམས་ཞིག་ཡོད་པ། རང་ཉིད་ལ་ཡང་ཁྱིམ་ཚང་དང་ཕ་མ་ཉེ་རིང་སོགས་ཡོད་པ་ཤེས་མཁན་ཡིན་པར་སེམས་ཐག་བཅད་དེ་འཕྲིན་ཡིག་འདི་སྤྲིངས་པ་ཡིན།

༡༧།༢།༠༩


རྩོམ་ཡིག་འདི་སུ་ཞིག་གིས་རྒྱ་ཡིག་ནང་དུ་བསྒྱུར་ཐུབ་པ་ཡིན་ན་དེ་ལ་སེམས་གཏིང་ནས་དགའ་བསུ་ཞུ།

འབྲེལ་ཡོད་གསར་འགྱུར།

༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༡༤ སྔོན་ལ།
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧
Close view of Chinese PLA combat helicopter in Tibet_January 05 2021
Mobile App

བོད་ནང་གི་ཛ་དྲག་གི་གནས་སྟངས་ལ་གཟིགས་ཞིབ་དགོས་པའི་རེ་སྐུལ་ཞུས། 

༢༠༢༥/༠༦/༢༦
Mobile App

མི་འགྱངས་བར་སྟོབས་ཆེན་རྒྱལ་ཁབ་ལྔ་ཡིས་ཚོགས་ཆེན་འཚོག་རྒྱུ་ཡིན་འདུག 

༢༠༢༥/༠༦/༢༦

མཆན། 7

  1. sha tak ri sim says:
    ལོ་ 16 སྔོན།

    དྲ་གྲོགས་གསར་བ་སྐལ་བཟང་ལགས། ཉིད་ཀྱིས་བསྔགས་བརྗོད་གནང་བ་དེར་ཐུགས་རྗེ་ཆེ་ཞུ། ངས་ཀྱང་གོང་ནས་གསལ་བཤད་ཞུས་པ་ཡོད་པ་བཞིན། རྒྱ་བོད་དབྱིན་གསུམ་ལ་མཁས་པའི་དྲ་གྲོགས་སུ་ཞིག་ཡོད་པ་ཡིན་ན། རྩོམ་ཡིག་འདི་བསྒྱུར་ནས་བོད་ནང་དང་གང་ས་གང་དུ་གཏོང་ཐུབ་མཁན་ཡོད་ན་ངས་དེ་ལ་སེམས་གཏིང་ནས་དགའ་བསུ་ཞུ་བཞིན་ཡོད།

    Reply
  2. དཀར says:
    ལོ་ 16 སྔོན།

    ཁྱོད་ཀྱི་རྩོམ་འདིར་དོན་སྙིང་ཆེན་པོ་འདུག ཡིན་ཡང་ཅུང་ཉུང་དྲགས་ཤིང་དོན་ཀྱི་ཐད་ནས་ཀྱང་ཅུང་བཟོ་བཅོས་རྒྱབ་ནས་རྒྱ་ཡིག་དུ་བསྒྱུར་ནས་རྒྱ་ཡིག་གི་དུས་དེབ་སྟེང་དུ་བཀོད་ན་ཡག་པོ་འདུག ཡང་ན་ཁྱོད་རང་གཞན་སུ་ཞིག་གིས་དབྱིན་ཡིག་གིས་བྲིས་ཏེ་སྤེལ་ན་ཡང་དོན་དག་ཆེན་པོ་རེ་བསམ།

    Reply
  3. sha tak ri sim says:
    ལོ་ 16 སྔོན།

    ཨ་འཇིགས་ལགས། ཁྱེད་རང་གི་ལམ་སྟོན་གནང་བ་ལ་ཐུགས་རྗེ་ཆེ། ཡིན་ཡང་། ང་རང་གི་འདི་ལྟར་མི་དང་མིའི་བར་དུ་སྐད་ཆ་བཤད་རྒྱུའི་གོ་རིམ་ཞིག་སྙེགས་པར་འབད་བརྩོན་བྱེད་འདོད་ཀྱི་འདུན་པ་དེ་ནི་སེམས་གཏིང་ནས་གཞུར་དེ་འོང་གི་འདུག

    Reply
  4. jigme says:
    ལོ་ 16 སྔོན།

    བོད་ལགས། ཁྱོད་ཀྱིས་ཤ་དང་རུས་པའི་གསེང་ནས་ལྷག་བསམ་དང་མཛའ་བརྩེའི་འཕྲིན་ཞིག་སྐུར་བ་བསྟོད་ལོས་འོས། ཡིན་ནའང་དེ་ཚོར་སྤྱང་ཀིའི་རྣ་ལ་ཆོས་བཤད་ཟེར་བ་ལྟར་ཡིན་རྒྱུ་རེད་སྙམ། རྒྱ་དམག་ལ་འདང་རྒྱག་ཅྀག་ཡོད་དམ། རྒྱ་གཞུང་ལ་གཏམ་གླེང་ཞིག་འགྲོ་འམ། དེ་ལས་རང་ཉིད་ཀྱི་ས་ནས་ཆེ་ཆུང་ལ་མ་ལྟོས་པའི་འཕག་ར་རེ་བྱ་རྒྱུ་གལ།

    Reply
  5. sha tak ri sim says:
    ལོ་ 16 སྔོན།

    འདི་ལྟར་མི་དང་མི་བརྒྱུད་དེ་སྐད་ཆ་བཤད་བྱེད་ཐུབ་བྱེད་རྒྱུ་ནི་ངེད་ཅག་གི་ལམ་ཁ་ཁོ་ན་རེད་འདོད་ཀྱི་ཡོད། ཡིན་ཡང་། སྐད་ཆ་གཅིག་བཤད་མ་ཐག་མི་དེ་དག་གིས་ཉན་ཤེས་བྱེད་ཐུབ་ཀྱི་རེད་ཟེར་ནས་ཐག་གཅོད་མི་ཐུབ་རང་ང་རང་གི་མགོ་བཙུགས་པ་དེ་དྲ་གྲོགས་ཚང་མས་དེ་ལྟར་སྐད་ཆ་རེ་བཤད་པ་ཡིན་ན་ནི་རེ་བ་ཞིག་ཡོད་ངེས་རེད་འདོད་ཀྱི་ཡོད།

    Reply
  6. kangtuk says:
    ལོ་ 16 སྔོན།

    དྲ་གྲོགས་བོད ཤ་ཁྲག རྒྱག་ནག་གི་དམག་མི་དེ་ཚོར་དེ་འདྲའི་སེམས་ཚོར་ཞིག་ཡོད་སྲིད་དམ། ངས་བལྟས་ན་དེ་ནི་མེ་ལས་དྲི་ཆར་ལ་རེ་བའི་དཔེ་ཞིག་མ་རེད་དམ།
    འོན་ཀྱང་ཡག་པོ་མི་འདུག་ཞེས་པ་མིན་ཡག་པོ་བྲིས་འདུག

    Reply
  7. lhachapjinpa says:
    ལོ་ 16 སྔོན།

    དྲ་གྲོགས་ཤ་ཁྲག་ལགས། ཁྱོད་ཀྱི་རྒྱ་ནག་གི་དམག་མི་རྣམས་ལ་སྤྲིངས་བའི་འཕྲིན་ཞེས་པ་བཀླགས་ཟིན། མུ་མཐུད་དུ་སྤེལ་བར་འབད་པ་བྱོས།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese