བཀའ་དྲིན་དང་བཟོད་གསོལ།

དྲ་གྲོགས་ཚོ། བཀའ་ཁྲི་འཚོལ་མཁན་དང་མཉམ་དུ་མདང་དགོང་གླེང་མོལ་བྱུང་།
གླེང་མོལ་ཅི་བྱུང་ངེད་ཀྱི་པོད་ཁུག་ཏུ་བཞག་ཡོད། དེ་ནས་གཟིགས་པར་འཚལ།

བཀུར་འོས་རྩོམ་སྒྲིག་པ་ལགས། ཐུབ་བསྟན་བསམ་འགྲུབ་ལགས་ལ་བཀའ་འདྲི་གནང་ཚར་བ་ཡིན། ཁོང་གི་བཀའ་ལན་ཅི་གནང་མདོར་བསྡུས་ཤིག་བྲིས་ནས་དྲ་ངོས་ལ་བཞག་ཆོག

ཐུབ་བསྟན་བསམ་འགྲུབ་དབྱིན་ལན་དོན་གཅོད་ལ་བསྐོས་ཚར་ཡོད་ན། ད་ཁོང་གིས་བཀའ་བློན་ཁྲི་བའི་འོས་འདེམས་སྐོར་གྱི་ཕྱག་ལས་དེ་མུ་མཐུད་ཀྱི་ཡིན་ནམ། འདིའི་སྐོར་ནས་སྐད་ཆ་འདྲ་འདུག་གམ། ཤུ་རེ་ཁོ། ད་ང་ཚོས་དྲ་ཐོག་ནས་རྒྱལ་ཁབ་འཛུགས་དགོས་ཀྱི་འདུག

རིག་འབྱུང་དོན་གྲུབ་ལགས།

འབྱུང་འགྱུར་གྱི་ལོ་ ༢༠ དང་ཐ་ན་ལོ་ ༥ ནང་ལ་འགྱུར་བ་གང་འདྲ་ཞིག་འགྲོ་མིན་ནི་དངོས་གནས་བཤད་ཁག་པོ་རེད། ཡིན་ནའང་དུས་ཚོད་ཀྱི་ཐོག་ནས་བཤད་ན་འགག་འཕྲང་ཆེན་པོ་ཞིག་རེད་སྙམ། བཙན་བྱོལ་གྱི་མི་ལོ་ ༥༠ ཐམ་པ་ནི་ང་ཚོས་དེ་རིང་སྲུང་གཙི་བྱེད་ཀྱིན་ཡོད་པ་རེད། སྲུང་གཙིའི་ངོ་བོ་དང་རྣམ་པ་གང་ཡིན་ལ་མ་ལྟོས་པར་གང་ལྟར་ཀྱང་དུས་ཚིགས་འདི་ལ་ངོས་འཛིན་ཞིག་བྱས་པ་རེད།

ངའི་བསམ་པར་འབྱུང་འགྱུར་གྱི་མི་ལོ་ ༢༠ ནི་དེ་བས་གལ་ཆེ་བར་འདོད། རྒྱལ་ཁབ་ཕལ་ཆེ་བར་རང་གི་འཛུགས་སྐྲུན་དང་འཕེལ་རྒྱས་ཀྱི་ཕྱོགས་ལ་དམིགས་ཚད་ཀྱི་ལོ་རེ་ཡོད་པ་རེད། ལོ་ ༥ དང་ ༡༠། ༣༠། ༥༠ ལྟ་བུ་རེ་ཡོད་པ་རེད། དཔེར་ན། རྒྱ་ནག་གིས་ ༢༠༥༠ ལོ་ནི་རྒྱ་ནག་ཡོངས་སུ་དམངས་གཙོར་འགྱུར་བའི་ལོར་དམིགས་ཚད་བཟུང་བ་ལྟ་བུ་རེད། དེ་བས་ངའི་བསམ་པར་ང་ཚོར་ཡང་དམིགས་ཚད་ཀྱི་ལོ་ཞིག་དགོས་པ་རེད། ལོ་ ༥ དང་ ༡༠ ལབ་ན་ཐུང་སྐྱོན་དང་། ལོ་ ༣༠ དང་། ཡང་ད་ནས་ལོ་ ༥༠ རྗེས་ལབ་ན་རིང་སྐྱོན་ལྟ་བུ་མཐོང་གི་འདུག དེར་བརྟེན་ད་ནས་ལོ་ ༢༠ རིང་ནི་ང་ཚོའི་དམིགས་ཚད་ཀྱི་ལོ་དང་། ལོ་འདི་ནི་བོད་ཀྱི་གནད་དོན་འདི་གཏིང་ཐག་གཅོད་པའི་ལོ་ཞིག་ལ་དམིགས་ཚད་བཟུང་ན་འོས་པར་འདོད། ལྷག་པར་དུ་ལོ་ ༥༠ རིང་གི་ཉམས་མྱོང་ཕྱོགས་སྡོམ་བྱས་ནས་འབྱུང་འགྱུར་གྱི་ལོ་ ༢༠ རིང་ལ་ཤུགས་བརྒྱག་ཐུབ་ན་ང་ཚོས་ནག་ཁུང་ནས་དཀར་ཆ་ཏོག་ཙམ་མཐོང་ཐུབ་པར་འདོད། དཀར་ཆ་འདི་ནི་ང་ཚོའི་མདུན་ལམ་དང་རེ་བ། འཚོལ་སྙེག་བཅས་ཡིན་དགོས་པར་སྙམ།

༧རྒྱལ་བ་རིན་པོ་ཆེ་ཚང་གི་སྐུ་ཚེ་མི་གླེང་། ལོ་ ༢༠ རྗེས་ནས་ང་ཚོ་བཙན་བྱོལ་དུ་འབྱོར་ནས་ལོ་ ༧༠ འགོར་བ་རེད། མི་ཞིག་གི་ཚེ་ཚད་ཡང་ཆ་སྙོམ་ལྟར་ན་མི་ལོ་ ༧༠ ཡིན་རྒྱུ་རེད་སྙམ། དེ་བས་བཙན་བྱོལ་དུ་འབྱོར་རྗེས་མི་ཡུལ་ནས་ལྟེ་ཕྲག་འཐོར་བའི་མི་རབས་དང་པོ་དག་གིས་རང་གི་ཕ་ས་དང་མ་ས་མིག་གིས་མ་མཐོང་བར་ས་མཐའ་ནས་མིག་བཙུམ་ཞིང་རྩིབ་རུས་ས་ལ་གཏོར་མགོ་རྩོམ་དགོས་པ་རེད། འདི་ཡང་མི་ལོ་ ༥༠ སྲུང་གཙི་བྱས་པ་བཞིན། ལོ་རྒྱུས་ཀྱི་དུས་ཚིགས་གལ་ཆེན་ཞིག་ཡིན་རྒྱུ་རེད་སྙམ། འདི་བསམ་ན་ལྷག་པར་དུ་འབྱུང་འགྱུར་གྱི་ལོ་ ༢༠ རྗེས་ལ་གཏད་ནས་སྐད་ཆ་བཤད་མི་ཤེས་པ་ལྟ་བུ་ཞིག་རེད།

ཉིད་ཀྱི་བཀའ་འདྲི་ལྟར། འབྱུང་འགྱུར་གྱི་ལོ་ ༥ དེ་ང་ཚོས་ཚོད་དཔག་བྱེད་ཐུབ་དགོས་པ་ཞིག་ཡིན་རུང་། ད་ནི་མག་མོག་ཏུ་འགྱུར་གྱིན་འདུག ལོ་ ༥ རིང་འདིར་ང་ཚོས་གོམ་པ་ཆེན་པོ་ཞིག་སྤོ་ཐུབ་དགོས་ཀྱང་ད་ནི་སེམས་ཤུགས་ཡལ་ལ་ཁད་ཅིག་རེད། ད་ལོར་མི་ཞིག་གིས་བཀའ་བློན་ཁྲི་པ་རྗེས་མ་དེ་འཚོལ་མགོ་བརྩམས་སོང་། ང་ཁོང་ལ་ཐུག་སྟེ་ཁོང་གི་འཆར་གཞི་དང་རེ་བ། གདེང་ཚོད་བཅས་ཕྱོགས་ཡོངས་ནས་གླེང་མོལ་བྱུང་། འོན་ཀྱང་། ཉེ་ཆར་ང་ཟླ་བ་གཅིག་གི་རིང་ཕྱི་ལོགས་ལ་ཕྱིན་ཏེ་ཕྱིར་ངྷ་སར་འཁོར་དུས་མི་དེ་ཟམ་གདོང་རིན་པོ་ཆེའི་ལག་ལ་ཤོར་འདུག ཁོང་རྐུབ་སྟེགས་ཤིག་གི་སྒང་ལ་བཞག་འདུག ལོ་འདི་འདྲ་ཞིག་གི་རིང་ལ་བཀའ་ཁྲི་ཟམ་གདོང་རིན་པོ་ཆེས་སྤྱི་ཟུར་ཐུབ་བསྟན་བསམ་འགྲུབ་མ་བརྙེད་པར། ཉེ་ལམ་ཐུབ་བསྟན་བསམ་འགྲུབ་ཀྱིས་འབྱུང་འགྱུར་གྱི་བཀའ་བློན་ཁྲི་པ་འཚོལ་སྐབས་ཟམ་གདོང་རིན་པོ་ཆེས་གློ་བུར་དུ་ཅི་ཞིག་རྟོགས་སོང་བ་ལྟར། ཐུབ་བསྟན་བསམ་འགྲུབ་དབྱིན་ཡུལ་དོན་གཅོད་ལ་བསྐོས་པ་རེད།

འདི་ནི་ཁྱིས་ཟུག་སྐབས་མདུན་ལ་རུས་པ་གཡུག་པ་དང་གཅིག་མཚུངས་མ་རེད་དམ། ( ་་་་་་ ཁ་ཚུམས ་་་་ )

དངོས་གནས་བྱས་ན། ང་ཚོར་དམངས་གཙོ་དགོས་ཀྱི་མེད་པའམ། ཡང་ན། ཟམ་གདོང་རིན་པོ་ཆེས་ད་སྔ་ནས་ཁོང་གི་རྗེས་སྐྱོང་བ་ཞིག་གྲ་སྒྲིག་བྱས་ཡོད་སྟབས་ལས་འགུལ་འདིའི་རིགས་ཀྱི་འུར་མགོ་གནོན་པའི་ཆེད་དུ་ཐུབ་བསྟན་བསམ་འགྲུབ་ཀྱི་ཁ་བཀག་པ་ལྟ་བུ་ཞིག་ཚོར་སོང་། དགོངས་དག ཉིད་ཀྱི་དྲི་བར་ལན་ཐོབས་མ་སོང་། ཡིན་ཡང་། རང་ཉིད་ཀྱི་རྨོངས་འཆར་ཙམ་འདི་ལྟར་ཐལ།

སྔོན་ཆད་ཀྱི་རྒྱ་གར་སྔོན་ཆད་ཀྱི་རྒྱ་གར་རེད་བཞུད་ཚར་སོང་། དེང་སྐབས་ཀྱི་རྒྱ་གར་དེང་རབས་ཅན་རེད་རྒྱུ་ལས་མི་མཁོ ། ང་ཚོ་ལ་རྒྱུ་ནོམ་དེ་ཙམ་སྟོན་རྒྱུ་མེད་པས་རྒྱ་གར་གཞུང་དམངས་གཉིས་ཀྱི་ངོ་མི་ལོན ། གནམ་འོག་འདི་ནས་མི་ལ་རྒྱུ་ལས་མི་དགོས་རང་རང་འཆི་དགོས་བའང་བརྗེད་འགྲོ །

བཀའ་དྲིན་དང་བཟོད་གསོལ་གྱི་ཕྱོགས་ནས་ངེད་ལ་ཚིག་ཁ་ཤས་ཤིག་ཞུ་རྒྱུ་ཡོད། ཁ་སྔོན་བསམ་ཚུལ་ཐུང་ཐུང་དེ་ཀུན་གླེང་གི་ཐོག་ལ་བསྐུར་་བ་ཡིན་མོད།
གཙོ་སྐྱོང་བ་རྡོ་རྗེ་ཚེ་བརྟན་ཞུ་བས་ངེད་ཀྱི་བསམ་ཚུལ་དེ་དྲི་བ་ཐུང་ཐུང་ཞིག་བཟོས་སོང་། སྤྱིར་བཏང་བསམ་ཚུལ་བསམ་ཚུལ་རེད། དྲི་བ་དྲི་བ་རེད། བསམ་ཚུལ་དང་དྲི་བ་སོགས་འགོད་ནོར་མ་ཐེབས་པ་བྱེད་དགོས་རྒྱུ་ནི་གསར་འགོད་པ་ཞིག་དང་གཙོ་སྐྱོང་བ་ཞིག་གི་གཞི་རིམ་གྱི་ཆ་རྐྱེན་ལྟ་བུ་རེད། གང་ཡིན་ན་ཡིན། རྨོངས་འཆར་ཐུང་ཐུང་དེ་དེ་རིང་འདིར་བསྐྱར་འགོད་བྱེད་ཀྱི་ཡིན།
རྒྱ་གར་ལ་དྲིན་གཟོའི་སྐོར་ནས་ངེད་ལ་རྨོངས་འཆར་ཐུང་ཐུང་ཞིག་ཡོད།

བོད་གཞུང་ཕྱི་དྲིལ་ལས་ཁུངས་དང་ལྡི་ལི་སྐུ་ཚབ་དོན་གཅོད། རྒྱ་གར་རྒྱལ་སྤྱིའི་བསྟི་གནས་ཁང་བཅས་ཀྱི་གོ་སྒྲིག་འོག་རྒྱ་གར་རྒྱལ་ས་ལྡི་ལིར་རྟེན་གཞི་བྱས་བའི་རྒྱ་གར་རྒྱལ་སྤྱིའི་བསྟི་གནས་ཁང་དུ། ཕྱི་ཚེས་༢༦ནས་༣༠བར་རྒྱ་གར་གཞུང་མང་ཡོངས་ལ་བོད་གཞིས་བྱེས་གཉིས་ནས་ཐུགས་རྗེའི་ལེགས་གསོལ་ཆེད། མི་ལོ་༥༠རིང་བོད་པ་སྐྱབས་བཅོལ་པ་ཚོས་སྐྱིད་སྡུག་གི་འཚོ་བ་རོལ་བའི་དྲན་གསོའི་འགྲེམས་སྟོན་མཛད་སྒོ་ཞིག་ཚོགས་ཡོད་པ་དེར་གུས་བ་བོད་ཀྱི་མི་སེར་དཀྱུས་མ་ཞིག་གི་ངོས་ནས་རྗེས་སུ་ཡི་རངས་དང་ཐུགས་རྗེ་ཆེ་ཞུ་བཞིན་ཡོད།
མི་ལོ་ལྔ་བཅུའི་རིང་གི་བོད་མིའི་ཆོས་རིག་གི་བསྟི་གནས་དགོན་སྡེ་ཁག་དང་སློབ་གྲ་ཁག གཞན་གཞིས་ཆགས་ཁག ད་དུང་བཙན་བྱོལ་བོད་མིའི་སྒྲིག་འཛུགས་ཀྱི་དཀྱིལ་འཁོར་སོགས་ཕྱོགས་གང་ལ་བལྟས་་ན་ཡང་རྒྱ་གར་གཞུང་དམངས་གཉིས་ཀ་ང་ཚོར་བཀའ་དྲིན་ཆེན་པོ་ཡིན་པ་ནི་སྨྲོས་མེད་རེད།
དེ་ཡང་ཞིབ་དུ་བསམ་ན། བཀའ་དྲིན་ཆེན་པོ་ཡིན་པ་ངོ་འཕྲོད་པའི་སྒོ་ནས་དྲིན་ཆེན་ལ་དྲིན་གཟོ་བྱེད་རྒྱུ་ནི་མཛད་སྒོ་འཚོགས་པ་དང་ཁ་གཡང་སྒྲོག་པ། བཀའ་དྲིན་ཆེན་པོ་ཡིན་ཞེས་ཡིག་ཐོག་ལ་ཕབ་རྒྱུ་གཅིག་པོ་མིན་པ་འདྲ། དེ་ལས་ལྷག་པའི་བཀའ་དྲིན་ལ་དྲིན་གཟོ་བྱེད་སྟངས་ཤིག་ང་ཚོས་ངེས་པར་དུམཁྱེན་དགོས་ཀྱི་འདུག་ལ་དེའི་ཕྱོགས་སུ་ཕྱག་ལས་ཀྱང་གནང་དགོས་ཀྱི་འདུག རྒྱ་གར་གཞུང་མང་གཉིས་ཀ་ང་ཚོར་བཀའ་དྲིན་ཆེན་པོ་ཡིན་པ་འདི་འབྱུང་འགྱུར་བོད་ཀྱི་ལོ་རྒྱུས་ཡིག་ཚགས་སུ་ངེས་པར་དུ་འགོད་དགོས་བ་ཞིག་ཡིན་པར་མ་ཟད་འགོད་རིན་ཡོད་པ་ཞིག་ཀྱང་ཡིན། རྒྱ་གར་གཞུང་མང་གཉིས་ཀ་བཀའ་དྲིན་ཆེན་པོ་ཡིན་པ་འདི་བཤད་རྒྱུ་ཞིག་དང་འབྲི་རྒྱུ་ཞིག་ཡིན་ན། བཤད་མི་ཚར་བ་དང་བྲིས་མི་ཚར་བ་ཞིག་ཡོད།
ད་མང་པོ་མི་བཤད། དེ་ལས་སོ་སོའི་རྨོངས་འཆར་གྱི་སྒང་ལ་འབབ།
སྤྱིར་ང་ཚོ་རང་དབང་རང་བཙན་ལྡན་པའི་རྒྱལཁབ་ཞིག་ཡིན་ན། ང་ཚོས་ཀྱང་རྒྱ་གར་གཞུང་མང་གཉིས་ལ་དཔལ་འབྱོར་དང་མི་ཤུགས་ཀྱིས་ཐུགས་རྗེ་ལེགས་གསོལ་ཞུ་དགོས་བའི་དུས་ལ་སླེབས་ཡོད་མོད།
འོན་ཀྱང་། ང་ཚོ་ནི་ད་དུང་ཡང་སྐྱབས་བཅོལ་བའི་ངོ་བོར་གནས་ཡོད་རྐྱེན། དཔལ་འབྱོར་གྱི་ཐུགས་རྗེ་ལེགས་གསོལ་ཞུ་ཐུབ་རྒྱུ་ཕར་ཞོག ད་དུང་ཡང་ཚུར་དཔལ་འབྱོར་གྱི་རོགས་རམ་ལེན་བཞིན་ཡོད། ངེད་ཀྱི་གོ་ཐོེས་ནོར་མེད་ན་རྒྱ་གར་གཞུང་ནས་བཙན་བྱོལ་བོད་གཞུང་ལ་ལོ་རེར་རྒྱ་སྒོར་འབུམ་དྲུག་བརྒྱའི་རོགས་རམ་བྱེད་ཀྱི་ཡོད་པ་རེད་ཟེར།
མི་ཤུགས་ཀྱི་ཕྱོགས་ནས་ནི་ང་ཚོར་རྒྱ་གར་གཞུང་ལ་སྲི་ཞུ་རླབས་ཆེན་སྒྲུབ་ཐུབ་མཁན་གྱི་ཆེད་མཁས་མེད་ལ་ཉུང་ཤས་ཤིག་ཡོད་པ་དེ་ཡང་ཁ་འཐོར་ནས་ཡོད།
འོ་ན། ང་ཚོའི་ངོས་ནས་རྒྱ་གར་གཞུང་ལ་ངག་ཐོག་དང་ཡིག་ཐོག་མ་ཡིན་པའི་དྲིན་གཟོའི་རིགས་ཅི་ཞིག་བྱེད་ཐུབ་བམ།
ངེད་ཀྱི་བསམ་པར། བོད་གཞུང་གིས་ད་ལོ་ནས་བཟུང་ཏེ་རྒྱ་གར་དྲིན་གཟོའི་ཉིན་མོ་ཞིག་གཏན་འབེབ་བྱས་ཏེ་ལོ་རེ་བཞིན་རྒྱ་གར་དྲིན་གཟོའི་ཉིན་མོ་སྲུང་བརྩི་བྱེད་དགོས།
བཙན་བྱོལ་བོད་གཞུང་དང་ཚོགས་པ་སྒེར་བ་ཁག་མཉམ་འབྲེལ་ལམ་ཡང་ནས་སོ་སོའི་ངོས་ནས་རྒྱ་གར་གཞུང་མང་ལ་ཕན་ཐོགས་པའི་ལས་གཞི་འདྲ་མིན་སྤེལ་དགོས།
དཔེར་ན། བོད་གཞུང་སྨན་རྩིས་ཁང་དང་དེའི་ཡན་ལག་སྨན་ཁང་ཁག་བརྒྱུད་ནས་རང་ཉིད་རྟེན་གཞིའི་ཉེ་འཁོར་གྱི་རྒྱ་གར་ཡུལ་མི་དབུལ་བོའི་རིགས་ལ་ལོ་རེར་སྨན་གྱི་སྦྱིན་པའི་ལས་འགུལ་སྤེལ་ཐུབ་ན་ཡག་པོ་འདུག
༧གོང་ས་མཆོག་གིས་རྒྱ་གར་ནི་ང་ཚོའི་དགེ་རྒན་དང་ང་ཚོ་ནི་དེའི་དགེ་ཕྲུག་ལྟ་བུ་ཡིན་ཞེས་བཀའ་སློབ་རིམ་བསྩལ་གནང་ཡོད་།
དེས་ན་། ང་ཚོའི་ངོས་ནས་ཀྱང་དགེ་རྒན་ལ་དྲིན་གཟོ་བྱེད་མ་ཐུབ་རུང་དགེ་རྒན་གྱི་རྐང་འདྲེན་བྱེད་མི་ཉན་པར་མ་ཟད་དགེ་རྒན་ལ་ཤུགས་ནས་གནོད་གཞིའི་ལས་རིགས་དེ་བས་ཀྱང་གཉེར་མི་ཉན། འོན་ཀྱང་། མཚམས་རེར་ང་ཚོའི་ངོས་ནས་རྒྱ་གར་ཡུལ་མིའི་ཆོས་རིག་གོམས་སྲོལ་དང་ཡུལ་ཁྲིམས་ལ་གནོད་གཞིའི་རིགས་དང་འགལ་རྐྱེན་ལ་འགྲོ་གཞིའི་རིགས་ཀྱི་འཚོ་ཐབས་གཉེར་ཀྱི་ཡོད་པར་མ་ཟད་། འཚོ་ཐབས་གཉེར་སྟངས་་དེའི་རིགས་ཀྱིས་རྒྱ་གར་ཡུལ་མི་དང་བོད་མིའི་དབར་ལ་གླེང་རྙོག་ཅི་སྙེད་ཅིག་བཟོས་ཡོད་པ་ཡང་ཉི་ཤར་སྤར་མོས་མི་ཁེབས།
དེ་ཡང་གནས་ཡུལ་རྒྱ་གར་གྱི་ཡུལ་ཁྲིམས་དང་ཡུལ་ཆོས་ལ་བརྩིས་མེད་དགོས་ལྐོག་ནས་གླང་ཤ་ཉོ་འཚོང་བྱེད་པ་དང་གཅིག བོད་པའི་ཚོང་ཁང་དང་ཟ་ཁང་སོགས་སུ་རྒྱ་གར་གྱི་མི་ཚང་དབུལ་བོའི་བྱིས་བ་གཡོག་པོར་ཉར་བ་དང་གཉིས། རྒྱ་གར་ས་གནས་སྐོར་སྲུང་བ་དང་ལྐོག་འབྲེལ་དགོས་ཁེ་ལས་གཉེར་བ་གསུམ་བཅས་ནི་བོད་མི་རྣམས་ཀྱིས་ངེས་པར་དུ་མཚམས་འཇོག་བྱེད་དགོས་བའི་རིགས་ཡིན་ལ་། འཚོ་ཐབས་གཉེར་སྟངས་འདིའི་རིགས་མཚམས་བཞག་པ་ཡིན་ན། ད་གཟོད་རྒྱ་གར་ལ་དྲིན་གཟོ་བྱེད་བདེ་བ་དང་གཙང་བ་ཡོད།
དེར་བརྟེན། བོད་མི་སྐྱབས་བ་བཅོལ་བ་ཚོས་ཉིན་རེ་ཉིན་རེའི་མི་ཚེ་སྐྱེལ་སྟངས་ཚུན་ནས་རྒྱ་གར་གཞུང་མང་གཉིས་ཀ་བཀའ་དྲིན་ཆེན་པོ་ཡིན་པ་ཧ་གོ་བའི་སྒོ་ནས་གནས་ཡུལ་རྒྱ་གར་ཡུལ་མིའི་ཆོས་རིག་དང་ཡུལ་ཁྲིམས་ལ་གནོད་གཞི་དང་འགལ་རྐྱེན་འགྲོ་གཞིའི་རིགས་ཀྱི་འཚོ་ཐབས་མི་གཉེར་རྒྱུ་ནི་ཧ་ཅང་ནས་གལ་ཆེ།
ལྷག་པར་དུ་བོད་མི་རྣམས་ཀྱིས་རང་ཉིད་སྐྱབས་བཅོལ་དུ་གནས་རིང་། བསམ་བློ་དཀྱེལ་ཡང་དང་བཟོད་སྒོམ་ཚུགས་བརྟན། ཕུགས་བསམ་རྒྱ་ཆེར་བཞེས་བའི་སྒོ་ནས་རྒྱ་གར་ཡུལ་མི་དང་འབྲེལ་ལམ་འཛུགས་པ་དང་མཐུན་ལམ་བསྐྲུན་པ།་ གཅིག་ཕན་གཅིག་རོགས་བྱེད་རྒྱུ་བཅས་ནི་དུས་སུ་བབ་བའི་དྲིན་གཟོ་བྱེད་སྟངས་དང་དྲིན་གཟོའི་ཆ་རྐྱེན་བསྐྲུན་སྟངས་ཀྱང་ཡིན་ནོ།

རྒྱ་གར་ལས་དྲག་ཅིག་སུ་ཡང་མེད།

རེད་ཡ་་རྒྱ་གར་གྱི་སྲིད་འཛིན་རིམ་པས་བོད་འདི་རྒྱ་ཁོངས་རེད་ཞེས་རྒྱ་ནག་གི་དཔོན་རིགས་ཚོར་བཤད་བཞིན་པ་འདི་ལ་ང་ཚོས་ཇི་ལྟར་བཀའ་དྲིན་ཞུ །