རྒྱ་གཞུང་གིས་དཀར་མཛེས་ས་ཁུལ་གྱི་བོད་མི་ ༡༥ ལྷག་འཇུས་ཏེ། ཁོང་ཚོ་མི་རིགས་ཁ་བྲལ་བ་ཡིན་རབས་བཤད་དེ་ཡུལ་སྡེ་སོ་སོའི་ཁྲོམ་སྐོར་དུ་ཁྲིད་ཡོད་འདུག
ཕྱི་ཚེས་ ༡༤ ཉིན་ཏྲེ་ཧོར་སྐྱིད་སྡུག་གིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཚེས་ ༡ ཉིན་གྱི་མཚན་དཀྱིལ་ཏུ་དཀར་མཛེས་རྩིས་ཐང་དགོན་པའི་ནང་དྲག་ཆས་ཉེན་རྟོག་དམག་མི་བཙན་གྱིས་འཛུལ་ཏེ་དགོན་པའི་གྲྭ་ཤག་ཡོངས་ལ་བསྔོག་བཤེར་བྱས་ཡོད་པ་དང་། དཀར་མཛེས་ལྷོ་པ་ཞང་ཕ་ཚེ་འདས་དོན་འགྲུབ་དང་མ་དཔལ་བདེ་སྐྱིད་གཉིས་ཀྱི་བུ་རྩིས་ཐང་དགོན་པའི་གྲྭ་བསོད་ནམས་ཉི་མ་སོགས་དགེ་འདུན་པ་ ༥ ཉེས་འཛུགས་ཀྱིས་བཙན་ཁྲིད་བྱས་ཡོད་པ་མ་ཟད། ཕྱི་ཚེས་ ༥ ཉིན་ཟླ་སྔོན་མའི་ཚེས་ ༡༩ ཉིན་ས་ཞིང་འདེབས་ལས་མ་བྱས་པའི་ཉེས་མིང་འོག་བཙོན་འཇུག་བྱས་ཡོད་པའི་རྩིས་ཐང་དགོན་གྱི་རང་ལོ་ ༢༧ ཡིན་པའི་གྲྭ་བྱམས་པ་དོན་འགྲུབ་དང་། ཟླ་ ༣ པའི་ཚེས་ ༡༩ ཉིན་ཉེས་འཛུགས་འདྲ་མིན་ཐོག་བཙོན་འཇུག་བྱས་ཡོད་པའི་འབྲས་སྟག་གྲོང་ཚོའི་རང་ལོ་ ༥༦ ཡིན་པའི་བཀྲ་འཕེལ། ཟླ་ ༣ པའི་ཚེས་ ༢༡ ཉིན་ཞིང་ཁ་འདེབས་ལས་མ་བྱས་པའི་ཉེས་མིང་འོག་བཙོན་འཇུག་བྱས་ཡོད་པའི་ལྷོ་པ་ཞང་ཁ་ཉིན་ནང་གྲོང་ཚོའི་རང་ལོ་ ༤༢ ཡིན་པའི་ཚེ་རིང་དབང་རབ་སོགས་བོད་མི་ ༡༥ ལྷག་ཕྱོགས་བཞི་མེ་མདའ་བཟུང་ཞིང་དྲག་ཆས་དམག་མིས་བསྐོར་བའི་རླངས་འཁོར་ཞིག་ཏུ་བླུགས་ཏེ། ཉེན་རྟོག་མི་སྣ་སོགས་རླངས་འཁོར་ཆེ་ཆུང་ ༢༠ ལྷག་གིས་མཐའ་བསྐོར་ཡོད་པ་དང་། སེར་སྐྱ་དབྱེར་མེད་ལ་བཙོན་པའི་ལྭ་བ་གྱོན་དུ་བཅུག་ཡོད་མ་ཟད། རྐང་ལྕགས་ལག་ལྕགས་བརྒྱབས་ཏེ་དཀར་མཛེས་རྫོང་ནས་ལྷོ་པ་ཞང་། རོང་པ་ཚ་སོགས་སུ་འཁྲིད་དེ་མི་མང་ལ་ལྟ་རུ་བཅུག་ཡོད་པ་དང། ད་དུང་རྒྱང་སྒྲོག་ནང་མི་མང་ལ་མི་རིགས་ཁ་བྲལ་གཏོང་མཁན་དང་རྒྱལ་ཁབ་གཏོར་གཤིག་གཏོང་མཁན་ཁོང་ཚོ་རེད། ཁྱེད་ཚོས་ཁོ་ཚོ་ལྟར་ལས་ཀ་བྱས་ན་རྒྱལ་ཁབ་བདེ་འཇགས་ནམ་ཡང་ཡོང་མི་ཐུབ། གལ་སྲིད་ཁྱེད་ཚོས་ཀྱང་ལམ་འདི་འདེམས་ཚེ་མཇུག་འབྲས་འདི་མ་གཏོགས་མེད། ཅེས་དམག་མི་མང་པོའི་མེ་མདའ་དང་གློག་རྒྱུགས་སོགས་བཟུང་སྟེ་མི་མང་ལ་འཇིགས་སྐུལ་བྱས་ཡོད་པ་དང་བོད་པའི་བཙོན་པ་དེ་དག་ས་གནས་གང་སར་ཁྲོམ་སྐོར་བྱས་ཡོད་འདུག
༸གོང་ས་མཆོག་གིས་ཁ་སྔོན་བུད་མེད་ཚོགས་བཅར་བ་ཚོར་ཡང་།
ཤེས་ཡོན་ཡར་རྒྱས་དང་དཔལ་འབྱོར་ཐོག་དོ་སྣང་དགོས་པའི་བཀའ་ནན་ཕེབས་འདུག
དེང་སྐབས་ང་ཚོས་གཞོན་སྐྱེས་ཚོར་ཤེས་ཡོན་སྤྲོད་རྒྱུ་དང་།
འབྱོར་ལྡན་ཚོས་ཤེས་ཡོན་གྱི་བསྟི་གནས་ཚོགས་སྡེ་ཁག་ལ་རོགས་ཕན་བྱས་ཏེ་ང་ཚོའི་ཉམ་ཐག་པའི་
གནས་སྟངས་འདི་ནས་སྐྱོབས་ཐབས་བྱས་ན་སྐབས་སུ་བབས་པའི་ལས་འགན་དུ་མཐོང་།།
རེད་རེད་དེ་ལས་ལྷག་ང་ཚོས་ཅི་བྱེད་འོན་ཀྱང་བསམ་བློ་མང་པོ་གཏོང་རྒྱུ་ཡོད་པ་རེད །
ང་ཚོས་ང་ཚོ་འུ་ཐུག་ཐབས་ཟད་ལ་གྱར་པ་ལྟ་བུར་མཐོང་གི་ཡོད་ཀྱང་། ཕྱོགས་གཞན་ནས་བསམས་ན། རྒྱ་ནག་གཞུང་གི་བྱེད་སྟངས་འདི་ཚོ་འུ་ཐུག་ཐབས་རྡུགས་ཀྱི་བྱེད་སྟངས་རེད།
འདི་ལྟར་བྱས་ཏེ་ལོ་ངོ་དྲུག་ཅུ་སོང་བ་རེད། འོན་ཀྱང་བོད་མི་རིགས་ཀྱི་སེམས་ཤུགས་ཉམས་དམས་སུ་གཏོང་ཐུབ་མེད་ལ། མ་འོངས་པར་ཡང་ཐུབ་ཀྱི་མ་རེད།
ང་ཚོ་བོད་གཞིས་བྱེས་གཉིས་ཀྱིས་ད་ཆ་ཤེས་ཡོན་དང་དཔལ་འབྱོར་གཉིས་ལ་དོ་སྣང་བྱེད་དགོས་འདུག ཤེས་ཡོན་དང་དཔལ་འབྱོར་ཡར་རྒྱས་བཏང་སྟེ་མི་རིགས་མ་ཉམས་པ་བྱས་ཏེ་གོ་སྐབས་ལ་སྒུག་དགོས།
ད་ནི་རྒྱ་ནག་གིས་བོད་མིས་སྟེང་ལ་བྱེད་སྟངས་འདི་འདྲ་བྱོས་དེ་འོང་དུས། སྔོན་ཆད་རྒྱ་ནག་ལ་ཉི་ཧོང་གི་བཙན་འཛུལ་བྱེད་སྟངས་གློག་བརྙན་བཟོས་ཡོད་པ་དེ་དག་མིག་ལམ་དུ་ཤར་དེ་འོང་གི དངོས་ནས་ཡ་ང་བ་དང་དྲག་སྤྱོད་ལས་གནས་ལུགས་དང་རྒྱུ་མཚན་ཟེར་ས་ཞིག་གཏན་ནས་མེད་པ་རེད། ད་ནི་བོད་པ་ཚང་གི་ལས་དབང་འདི་ལ་སུ་ཞིག་གིས་ཀྱང་རོགས་བྱེད་མི་ཐུབ་པ་ཁོ་ཐག་རེད། རང་གི་རང་ལ་སྐྱབས་བཅོལ་བ་ལས་ལྷག་མི་འདུག འགྲོ་བ་མིའི་ཐོབ་ཐང་ཚོགས་པ་ཟེར་བའི་ཉན་ན་ཡིད་འཕྲོག་པའི་ཚོགས་པ་ཆེས་མང་བོ་ཞིག་འཛམ་གླིང་གང་སར་ཡོད་ཀྱང་མིང་ཙམ་ཞིག་འདུག་པ་ད་ནི་དངོས་ཟིན་སྟེར་གྱི་མི་འདུག་གམ། བདག་གི་སྙིང་ནས་བརྩེ་བའི་བོད་རིགས་སྤུན་ཟླ་ཚོ།
ྐླ་ྐློའི་བྱེད་སྟངས་རེད། རྒྱ་ནག་ཡར་རྒྱས་སོང་ཟེར་བ་དེ་འདི་ཡིན་རྒྱུ་རེད།