བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་འཁྲིད། འཛམ་གླིང་ཞི་བདེའི་དེད་དཔོན་ཆེན་པོ། ལྷར་བཅས་སྲིད་ཞིའི་གཙུག་རྒྱན་༧རྒྱལ་དབང་ཐམས་ཅད་མཁྱེན་པ་བསྟན་འཛིན་རྒྱ་མཚོ་མཆོག་གིས་གང་ཉིད་ཀྱི་སྐུ་དབང་ཡོད་ཚད་བོད་མི་མང་ལ་མང་གཙོའི་གསོལ་རེས་སུ་གནང་བའི་བཀའ་དྲིན་བླ་མེད་དུ་ཆེ་བ་ནས་བཟུང་བོད་ཀྱི་ཆབ་སྲིད་ཐད་བོད་མི་མང་གི་བསམ་འདུན་བཞིན་མང་གཙོའི་ལམ་ལུགས་སུ་བསྐྱོད་རྒྱུར་གཏན་འཁེལ་མཛད་པས། ད་བར་བཀའ་བློན་ཁྲི་པ་དང་སྤྱི་འཐུས་སོགས་མང་གཙོའི་ལམ་ལུགས་སུ་མི་མང་གིས་འོས་འདེམས་ཀྱི་ཐོག་ནས་འཕོ་འགྱུར་གཏོང་གི་ཡོད་མུས་ལ། ཕྱི་ལོ་ ༢༠༠༨ ཟླ་བ་ ༡༠ ཚེས་ ༢༥ ཉིན་༸རྒྱལ་དབང་མཆོག་གིས་སླར་ཡང་། ང་རང་ཚོ་ཐོག་མཐའ་བར་གསུམ་དུ་ཁ་ཞེ་གཉིས་མེད་ཀྱིས་མང་གཙོའི་ཐོག་འགྲོ་གི་ཡོད་སོགས་གལ་པོ་ཆེ་ལ་ནན་ཏན་གྱི་ཚུལ་དུ་གསུངས་ཡོད།
དེ་ཡང་། ༧རྒྱལ་དབང་མཆོག་གི་ཐུགས་དགོངས་ལྟར། འདས་པའི་བཀའ་ཁྲི་མི་མང་གིས་འོས་འདེམས་བྱས་ཤིང་། ཕྱི་ལོ་ ༢༠༡༡ ལོའི་བཀའ་བློན་ཁྲི་པ་སུ་གདམ་མིན་འོས་འགན་ཡང་བོད་པ་མི་རེ་ངོ་རེའི་ཕྲག་ཏུ་བབས་ཡོད་ཅིང་། སུ་ཞིག་རང་ཉིད་བཀའ་བློན་ཁྲི་པའི་འོས་ཤོག་འགྲན་བསྡུར་ནང་ཞུགས་ཏེ། ཐོབ་ཐང་གི་ཆ་ཤས་བསླངས་ན་༸རྒྱལ་དབང་མཆོག་གིས་གནང་བའི་མང་གཙོ་གསོལ་རེས་གནང་བ་ལྟར་ལོངས་སུ་སྤྱད་པས་༸རྒྱལ་བ་རྒྱས་པའི་མཆོད་སྤྲིན་དུ་འགྱུར་བར་ངེས་ཤིང་། རང་ཉིད་ཀྱང་བོད་མི་རིགས་དང་རྒྱལ་ཁབ་ལ་ཀུན་ཁྱབ་སེམས་ཁུར་གྱི་འོས་འགན་གཉིས་ཀ་བསླངས་པའི་གདེང་སྤོབས་ཆེ།
འདས་དུས་མི་མང་གིས་བཀའ་ཁྲི་བདམས་རྗེས་༧རྒྱལ་དབང་མཆོག་གིས། ངོས་ནས་མི་མང་གིས་བཀའ་བློན་ཁྲི་པ་དེ་ལོ་ན་དར་བའི་ཕོ་སར་ནུས་པ་ཅན་ཞིག་དང་། ལྷ་རབ་བྱུང་ན་བུད་མེད་ཅིག་འདེམས་ཐོན་བྱུང་ན་སྙམ་ཡང་། སྟབས་མ་ལེགས་པ་ཞིག་ལ་གྲྭ་པ་བསླབ་རྒན་ང་དང་འདྲ་བ་ཞིག་བདམས་འདུག་ཅེས་གསུངས་པར་གྲགས་ཤིང་། བཀའ་ཁྲི་ཟམ་གདོང་རིན་པོ་ཆེ་མཆོག་གིས་ཀྱང་དམིགས་བསལ་ཚོགས་ཆེན་ཐེངས་དང་པོའི་མཇུག་སྡོམ་གསུང་བཤད་སྐབས་སུ་ལུང་དེ་ཉིད་བསྒྲངས་ཏེ། ཕྱི་ལོ་ ༢༠༡༡ ལོའི་བཀའ་ཁྲི་ཕོ་སར་ཞིག་དང་། ལྷ་རབ་བྱུང་ན་བཀའ་བློན་ཁྲི་པ་བུད་མེད་ཅིག་གདམ་ཐུབ་པའི་ཐུགས་རེ་༸རྒྱལ་དབང་མཆོག་དང་གཅིག་མཚུངས་ལྟར་བསྟན་ཡོད།
བོད་མི་མང་ངོས་ནས་ཀྱང་སྔར་དང་མི་འདྲ་བར་བོད་ཀྱི་དབུ་ཁྲིད་རྣམ་པའི་བཀའ་དགོངས་ལྟར་སེམས་ཤུགས་མཉམ་སྐྱེད་ཀྱིས་ཕྱི་ལོ་ ༢༠༡༡ གི་བཀའ་བློན་ཁྲི་པ་དེ་མི་མང་དཀྱིལ་དུ་གཅིག་ནས་གཅིག་རང་ལ་བདམས་པ་ཙམ་མ་ཡིན་པར། གདམ་བྱ་མང་པོའི་དཀྱིལ་ནས་ཡག་ཤོས་ཅིག་གདམ་ཐུབ་པའི་རེ་འདུན་གྱི་གྲ་སྒྲིག་ད་ལྟ་ནས་བྱེད་ཀྱི་ཡོད་པས་དགའ་སྤོབས་དང་འབྲེལ། ངོས་ནས་ཀྱང་༧རྒྱལ་དབང་མཆོག་གིས་སྐུ་དབང་མི་མང་ལ་གསོལ་རེས་གནང་བ་དང་། ལྷག་པར་དུ་ཁོང་གིས། ང་རང་ཚོ་ཐོག་མཐའ་བར་གསུམ་དུ་ཁ་ཞེ་གཉིས་མེད་ཀྱིས་མང་གཙོའི་ཐོག་འགྲོ་གི་ཡོད་ཅེས་གསུངས་པ་དང་སྦྲེལ་ཏེ། གོང་བརྗོད་ལྟར་༧རྒྱལ་དབང་མཆོག་གིས་མི་མང་གིས་བདམས་པའི་བཀའ་བློན་ཁྲི་པ་དེ་ཕོ་སར་ཞིག་དང་། ལྷ་རབ་བྱུང་ན་བུད་མེད་ཅིག་གདམ་ཐོན་བྱུང་ན་བསམ་ཀྱང་ཞེས་བཀའ་སློབ་དགོངས་དོན་དེ་དག་གཞིར་བཞག་ཐོག བོད་དོན་ལ་སེམས་ཁུར་ཅན་མང་པོས་ཀྱང་རྒྱབ་སྐྱོར་བསྐུལ་མ་དང་བཅས་ཀྱིས་མཚམས་སྦྱར་ནས། ངོས་ནས་ཕྱི་ལོ་ ༢༠༡༡ ལོའི་བཀའ་ཁྲི་དེ་བུད་མེད་ཅིག་གདམ་ཐུབ་པ་བྱེད་དགོས་སྙམ།
བཀའ་ཁྲི་བུད་མེད་ཅིག་འདེམས་ཐོན་བྱུང་ན་དགེ་མཚན།
༡༽ ༧རྒྱལ་དབང་བསྟན་འཛིན་རྒྱ་མཚོ་མཆོག་དང་། བཀའ་ཁྲི་ཟམ་གདོང་རིན་པོ་ཆེ་རྣམ་གཉིས་ཀྱི་དགོངས་དོན་དང་མཐུན་ཞིང་འཚམ་པའི་ཐོག ཐོབ་སྐལ་གྱི་ཚུལ་དུ་བུད་མེད་ཅིག་གིས་བཀའ་ཁྲིའི་ཆ་ཤས་བསླངས་ཐུབ་ན་༧རྒྱལ་བ་དགྱེས་པའི་མཆོད་སྤྲིན་དུ་འགྱུར་ངེས་ཡིན་པ། ༢༽ ལྷག་པར་༧རྒྱལ་དབང་ཐམས་ཅད་མཁྱེན་པ་མཆོག་གི་བླ་ན་མེད་པའི་དབུ་ཁྲིད་འོག བོད་པ་སྤྱི་མཐུན་གྱི་བཀའ་བློན་ཁྲི་པ་བུད་མེད་ཅིག་བྱུང་ན་འཛམ་གླིང་ནང་མང་གཙོ་ཡར་ཐོན་ཅན་ཨ་རི་སྟོབས་ཆེན་རྒྱལ་ཁབ་དང་མང་གཙོའི་འགྲན་བསྡུར་ནུས་པར་མཚོན་པ། ༣༽ འཛམ་གླིང་ཤར་ནུབ་མང་གཙོ་ཡར་ཐོན་ཅན་གྱི་རྒྱལ་ཁབ་གཞན་མང་པོས་ཀྱང་ལེགས་ཆའི་མིག་དཔེ་ལྟ་འོས་པའི་བོད་ནི་གཟི་བརྗིད་ལྡན་པ་ཞིག་ཏུ་འགྱུར་ངེས་པ། ༤༽ གཞིས་སུ་ལུས་པའི་བོད་རིགས་གཞོན་སྐྱེས་དང་དར་མ་མང་པོ་རྒྱ་གཞུང་གི་སློབ་གསོ་ལོག་པའི་འོག་སེམས་ཁོང་ན་གནའ་རབས་བོད་སྲིད་གཞུང་ཟེར་བ་བྲན་གཡོག་ལམ་ལུགས་ཤིག་ཡིན་པ་དང་། བཀས་བཀོད་རྒྱུད་འཛིན་ཡིན་པ། སྲིད་དབང་སྒེར་འཛིན་དང་ཀླད་རྙིང་འཕྲད་མཁྲེགས་འཛིན་འབའ་ཞིག་བྱེད་མཁན་ནག་ཅན་ཞིག་ལ་ལྟ་ཚུལ་ཡོད་པས། མ་འོངས་བོད་བདེན་མཐའ་གསལ་ནའང་ལམ་ལུགས་རྙིང་བ་སོགས་སྔར་བཞིན་འགྲོ་བའི་བསམ་ནོར་ཡོད་ཚད་རྨོངས་གཉིད་ལས་རང་བཞིན་གྱིས་སད་དེ་བློ་ཁ་བདེ་བླག་ཏུ་འགུག་ཐུབ་པའི་དགེ་ཕན་ཡང་ཧ་ཅང་གིས་ཆེ་བ། ༥༽ བོད་རྒྱ་འབྲེལ་མོལ་ཐེངས་བརྒྱད་པའི་སྐབས་སུ་རྒྱ་གཞུང་གིས་བཙན་བྱོལ་ནང་ནས་སྤྱི་ཚོགས་རྙིང་པ་རོ་ལངས་རྒྱག་རྒྱུའི་ཉེན་ཁ་འདུག་ཅེས་བཤད་ཡོད་པ་སོགས་རང་བཞིན་གྱིས་དག་སེལ་དུ་འགྲོ་བ། ༦༽ གཞིས་བྱེས་གང་སར་ན་གཞོན་ཁག་ཅིག་གཙོས་པའི་བོད་མི་མང་པོ་ཞིག་དང་། ལྷག་པར་བུད་མེད་མང་དག་ཅིག་རྒྱུན་དུ་ཕངས་སེམས་རང་བཞིན་གྱིས་དམའ་ལ་དུས་རྒྱུན་ཆབ་སྲིད་ཐད་དོ་སྣང་མི་བྱེད་མཁན་ཚང་མ་རང་བཞིན་གྱིས་བློ་སྟོབས་རྒྱས་ཤིང་བསམ་བློ་སད་ཐུབ་པའི་དགེ་ཕན་ནུས་པ་ཆེན་པོ་ལྡན་ཡོད་པ། ༧༽ བོད་སྲིད་གཞུང་ནི་ཀླད་རྙིང་མཁྲེགས་བཟུང་ཅན་གྱི་རྒས་འཁོག་ཁ་ཤས་ཀྱི་བརྒྱུད་འཛིན་བྱེད་སྡོད་རྒྱུ་ཙམ་ལས། གཞོན་སྐྱེས་དང་། ལྷག་པར་བུད་མེད་ལ་མཐོང་ཆུང་གིས་ཆེས་མཐོའི་སྲིད་དབང་སྤྲོད་པའི་ལུགས་སྲོལ་མི་སྲིད་དོ་སྙམ་པའི་བོད་རྒྱ་མི་མང་ནང་བསམ་ཚུལ་ཤུགས་ཆེན་པོ་ཡོད་མཁན་ཚང་མ་བསམ་བློ་གཙང་དག་ཏུ་འགྲོ་བ་སོགས་དགེ་ཕན་མང་དག་མཐོང་བ་ལགས་སོ། །
ངག་དབང་བྱམས་པ།(ས་རཱ་མཐོ་སློབ)
དོན་ཚན་དགུ་་་བདུན་དང་།
དྲ་ཐོག་ང་ཚོའི་རྩེད་ར་ཞིག་ཏུ་དུས་ནམ་ཡང་བསྒྱུར་མི་རུང་། དྲ་གྲོགས་ཚོ་རྩེད་མོ་མ་རྩེ། བུད་མེད་བཀའ་ཁྲིར་འདེབས་དགོས་པའི་དོན་ཚན་དགུ་བགྲངས་པ་ལས་རྒྱུ་མཚན་ཁུངས་འཕེར་བ་གཅིག་ཀྱང་མི་འདུག ཁྱོད་ཀྱིས་བཀའ་བློན་ཁྲི་པར་བུད་མེད་སུ་ཞིག་འཇོག ང་ཚོའི་སྤར་མཐིལ་གང་ནང་དུ་རྒྱུས་མི་ལོན་པ་ཆེན་པོ་མེད། རྒྱལ་བ་རིན་པོ་ཆེས་བུད་མེད་ཚོས་མ་འོངས་པར་བཀའ་ཁྲིར་འདུག་ཐུབ་པའི་ཆ་རྐྱེན་སྒྲུབ་རྒྱུའི་ཆེད་དུ་སྐུལ་སློང་གནང་བ་ཞིག་ལས དངོས་ཡོད་གནས་ཚུལ་ལ་ང་ཚོར་བཀའ་ཁྲིར་འདུག་ཐུབ་པའི་བུད་མེད་སུ་ཡོད། ཁྱོད་ཀྱིས་འོས་གཞི་གསུམ་མིང་ཤོད་དཱ།
མཇང་རྩེ་ལགས། གནས་ཚང་གིས་དངོས་གནས་བཤད་ཀྱི་ཡོད། ཡིན་ནའི། རྒྱུ་མཚན་མེད་པ་ཞིག་མིན། དཔེར་ན། མཛངས་མ་ཚེ་རིང་སྐྱིད་ཀྱིས། ༼ང་ཚོའི་ཕ་ཡུལ་གཞན་གྱི་ལག་ཏུ་ཡོད་ལ། ང་ཚོའི་བུ་རབས་ཚ་རྒྱུད་ཀྱི་བསམ་བློའི་སློབ་གསོ་ལ་ཡང་བསླུ་བྲིད་ཤོར་ཡོད་པ། ད་དུང་མི་རིགས་ཁ་འཐོར་ལ་སོང་ནས་རིག་གནས་ཉམས་རྒུད་དང་ཕ་ཡུལ་གཞན་གྱིས་བཟུང་བས་ཁོར་ཡུག་གཏོར་སྐྱོན་སོགས་ཡོད་ཚད་ཤོར་ཚར་བའི་གཞན་ཡུལ་གྱི་སྐྱབས་བཅོལ་བ་ཡིན་ལ། ང་ཚོའི་བཀའ་བློན་ཁྲི་པ་ནི་ཤོར་ཚར་བ་དེ་དག་གི་ཆེད་དུ་མི་རིགས་འདིའི་འཐབ་རྩོད་ཀྱི་སྣེ་ཁྲིད་དེ་ཕ་ཡུལ་ལ་ལོག་ཐུབ་པར་ལམ་ཁ་ཉེ་རུ་བཟོ་མཁན་ཞིག་ཡིན་དགོས། ༽ དེ་བས། ངས་བསམ་ན། མཛངས་མས་ཧ་གོ་འདུག ཧ་གོ་འདུག་པ་དེ་ལག་ལེན་དུ་བསྟར་བར་ཤུགས་རྒྱག་འོས་པ་ཞིག་རེད། དེ་འདྲ་ཞིག་མ་རེད་དམ།
གནས་ཚང་གི་སྐད་ཆ་འདི་མཐོང་ཆུང་ཡིན་ནམ་དངོས་གནས་ཡིན།
ད་ཡིན་ན། ཚང་མ་ལོས་མཛངས་མ་ཚེ་རིང་སྐྱིད་ཀྱི་འོས་ཞུགས་བསྒྲགས་གཏམ་ལ་སྒུག་ཆོག་པ་འདྲ།
Ha ….. it is really a ridiculous comment I personally think so, our Karlung Tripa is not something like we are playing game, it is a thing that directly relate to the fate of our future, of course, I am not opposing woman cannot be elected as our next Karlung tripa, but I am really feel strange to the reasons which you have given above. This is really not the perspectives that we have to take and even we have to think about. Electing a woman Karlung Tripa is not for flattering anyone, it should be real in political ideology in nature. So man, do not take things very light ok
ཧ་ཧ་ཧ་ཧ་ཧ་བཀའ་ཁྲི་བུད་མེད་ཞིག བྱང་ནག་ཆུ་ཁ་བ་མི་བྱེད་ཁུར། ན་རོ་ཁ་བ་དབུ་མཛད་ཕོག་ཟེར་བ་ལྟར། ཚེ་རིང་སྐྱིད་དང་གངས་ལྷ་མོ་གཉིས་ཀ་བཀའ་ཁྲི་ལ་འོས་ཤོས་རེད། ཧ་ཧ་ཧ། གཞན་མ་གཏོགས་སུ་ཡོད།
རེད་ཡ་ངེད་ཅག་བོད་པ་ཚང་གི་བུད་མེད་བཀའ་བློན་ཁྲི་བར་འོས་པ་འདྲ་ངོ་སྤྲོད་བྱེད་རྒྱུ་ཡོད་དམ། ཡོད་པ་ཡིན་ན་འདི་རུ་ངོ་སྤྲོད་བྱོས་དང་། བོད་པ་ཚང་གི་བྱེས་པ་དག་གིས་བསམ་ཚུལ་ལ་ཉན་ན་མ་རེད་དམ། དེ་མིན་ཚེ་རིང་སྐྱིད་ཀྱིས་བུད་མེད་བཀའ་ཁྲིར་མི་འོས་པའི་བསྐོར་བྲིས་པ་དང་ཉིད་ཀྱིས་བུད་མེད་བཀའ་ཁྲིར་འདེམས་དགོས་བསྐོར་གསུང་བ་འདི་གཉིས་ཕྱོགས་འགལ་ཆགས་ཡོད་པ་རེད། གང་ལྟར། ངེད་ཅག་བུ་དང་བུ་མོ་གང་ཞིག་ཡིན་རུང་ཁྱད་པར་མི་འདུག་མོད། ད་ལྟའི་བར་དུ་བཀའ་བློན་ཁྲི་བར་འདི་འགྲིག་གི་ཡོད་པ་རེད་ཟེར་ནས་ཁ་གཅིག་གྲགས་ཀྱིས་བཀའ་བློན་ཁྲི་བའི་འོས་གཞི་ཞིག་ངེད་ཅག་ལ་མེད་པ་འདི་ལ་ག་རེ་བྱུང་བ་ཡིན་ནམ། དེ་ལྟར་བསམ་བློ་ཞིབ་དུ་གཏོང་ཐུབ་པ་ཡིན་ན། བཀའ་བློན་ཁྲི་བ་དེ་ཡང་བོད་མི་ཚང་གི་བརྩི་བཀུར་བྱེད་པ་དང་དོན་སྣང་བྱེད་ཀྱི་ཡོད་མེད་སོགས་ཕྱོགས་གང་ཅིའི་ཐད་དུ་བསམ་གཞིགས་བྱེད་དགོས་ཀྱི་འདུག