འཁྲུལ་སྣང་གི་མི་ཚེ།
གངས་སྨྱོན་གྱི་རྩོམ་བཏུས།
བྱ་དོར , ཕུན་ཚོགས་དབང་ཕྱུག་ལགས་ཀྱི་བརྩམས་པའི་༼ འཁྲུལ་སྣང་གི་མི་ཚེ ༽ཞེས་བའི་སྙན་རྩོམ་དེབ་ཕྲེང་གཉིས་པ་དེ། ༢༠༠༩ ལོའི་ཟླ་ ༥ བར་ལྡི་ལི་གསར་པ་སི་བྷི་ཌི་པར་ཁང་ནས་དཔར་ཐེངས་དང་པོ་དཔར་འགྲེམས་ཞུས་ཡོད་པ་དང། དཔེ་དེབ་དེར་ཚན་པོ་གསུམ་དང་ཤོག་དངོས་ ༡༥༨ ཡོད། སྐྱེས་སྐར་གྱི་མཚན་མོའི་ངུ་སྐད་ཕྲ་མོ་ཞེས་པའི་ཚན་པའི་ནང་དུ་ ༼ མི་ཡུལ་ནས་འཐོར་བའི་མིག་ཆུ ༽དང་༼ ཁ་བའི་འབྲོག་མོ ༽༼ དམར་ཆུང་སྙིང་ཁར་འཕྱོ་བའི་ཀ་ཕྲེང ༽སོགས་བཅད་རྩོམ་ ༡༡ དང༌། དམར་ཁྲག་འཛར་བའི་བྱིས་པའི་སེམས་ཁམས་ཞེས་པའི་ཚན་པའི་ནང་དུ། ༼ མཐོ་སྒང་གི་གླག་རྒོད ༽དང་༼ སྟོན་ཀ་དང༌། ངའི་མི་རིགས ༽༼ རི་གྲོང་དུ་བཞུགས་པའི་སྐྱཻད་མ ༽༼ འཕྱོངས་རྒྱས་ཟླ་བ་སྒྲོལ་མ ༽སོགས་རང་མོས་ ༢༩ ། དེ་བཞིན། སྨུག་སྤྲིན་གྱིས་སྒྲིབ་པའི་ལང་ཚོའི་མདུན་ལྗོངས་ཞེས་པའི་ཚན་པའི་ནང་དུ། ༼ ཕྱིར་འོང་མེད་པའི་ཉི་གཞོན ༽དང་༼ དྲོན་མོ ༽སོགས་ལྷུག་རྩོམ་ ༣ བཅས་ཁྱོན་བསྡོམས་རྩོམ་ཡིག་ ༤༣ ཙམ་བསྡུ་སྒྲིག་བྱས་ཡོད།
དཔེ་དེབ་དེའི་མགོ་བརྗོད་ཀྱི་ཚུལ་དུ་རྩོམ་པ་པོ་བཅུད་པར་རྫ་སྐྱེས་ལགས་ཀྱིས་༼ འཁྲུལ་སྣང་གི་མི་ཚེ ༽བཀླགས་པའི་མྱོང་སྣང་གི་ཚུལ་དུ་ཕྲན་དཔྱད་ཅིག་བྲིས་ཡོད་པའི་ནང། སྙན་ངག་པ་སྐུ་ཞབས་གངས་སྨྱོན་ལགས་ཀྱིས་ཀྱང། ཡུལ་གྱར་བའི་འཚོ་གནས་ཀྱི་གྲུ་ཟུར་ཞིག་ནས་རང་རིགས་ཀྱི་ད་ལྟའི་ཆག་འཇིག་གི་ལོ་རྒྱུས་ལ་ཕྱིར་མིག་རེ་ལྟ་བཞིན་༼ འཁྲུལ་སྣང་གི་མི་ཚེ ༽ཞེས་པའི་སྙན་དེབ་ཅིག་ད་ཐེངས་ཀློག་མཁན་དག་གི་མིག་ལམ་དུ་བསྟར་བྱུང་བ་འདི་ལས། ང་ཚོས་ཁོང་གི་ལྷོད་མེད་ཀྱི་བརྩོན་སེམས་དུངས་སྣང་གིས་བཞེངས་སྐྲུན་བྱས་པའི་ཚོར་བ་ཟབ་མོ་དེར་གདེང་འཇོག་བྱ་ཆོག་པ་ཞིག་རེད། ཅེས་བཀོད་འདུག
དེ་བཞིན། མཇུག་བྱང་གི་ཚུལ་དུ་རྩོམ་པ་པོ་རང་ཉིད་ཀྱིས་རེ་འདུན་ནམ་ཁ་ཆེམས་ཀྱི་ཚུལ་དུ་བརྗོད་དོན། བརྩེ་ལྡན་གྱི་ཀློག་མཁན་རྣམ་པ་ཚོ། འགྲོ་ལུགས་མིན་པའི་འགྲོ་ལུགས་ཀྱི་སྤྱི་འགྲོས་ལྟར། ངས་རང་ཉིད་ཀྱི་སྙན་དེབ་ཧྲེང་ཧྲེང་དེའི་འཚོལ་སྙེག་དང་གཞིགས་རྩོད་ཅི་ཡིན་ཐད། ཚིག་དུམ་འགའ་ཞིག་མཇུག་བསྡུར་བཤམས་ནས་ཁོ་བོའི་ཤི་ཟིན་པའི་སེམས་པ་རྨས་མ་དེའི་ཁ་ཆེམས་དང། རོལ་དབྱངས་དཀྲོལ་ན་འདོད་ལ། རང་ཉིད་སུ་ཡིན་མིན་དཔྱད་ཞིབ་རོལ་བའི་ཉིན་མོ་དེ་ནས་བཟུང། ཀ་ཁའི་གླུ་དབྱངས་དང་ཡིག་དྲུག་གི་རྒྱགས་གྲོ་གཉིས་སྐྱེད་མའི་གནང་སྦྱིན་ལས། སློག་ཧྲུལ་དང་སྦུད་པ་གཅིག་པུས་དུས་ཚོད་ཀྱི་རྗེས་ཆོད་མི་སྲིད་པའི་གནས་ལུགས་ཀྱིས་སེམས་པ་བཅུམས། ཞེས་བཀོད་འདུག
བྱ་དོར , ཕུན་ཚོགས་དབང་ཕྱུག་གམ། སྨྱུག་མིང་གངས་སྨྱོན་ལགས་ནི། སྤྱི་ལོ་ ༡༩༧༤ ལོར་ལྷོ་ཁ་འཕྱོངས་རྒྱས་རྫོང་ཁོངས་དཔལ་རི་གྲོང་སྡེར་སྐྱེས་ཤིང། རང་ལོ་དྲུག་ནས་ཉེར་གཅིག་བར་བོད་ནང་གི་སློབ་གྲྭ་ཆུང་འབྲིང་འགྲིམ་ཞིང། ༡༩༩༤ ནས་ ༡༩༩༩ བར་ལྷ་ས་གྲྭ་བཞིའི་བཙོན་མུན་ནས་ཡ་ང་བའི་འཚོ་བའི་གནམ་ཟླ་བསྐྱལ། ༢༠༠༠ ལོར་རྒྱ་གར་ལ་སྐྱབས་བཅོལ་དུ་འབྱོར་ཏེ་མུ་མཐུད་སློབ་སྦྱོང་གི་ཞོར་དུ་རྩོམ་འབྲིའི་ལས་ལ་གཞོལ་གྱིན་ཡོད། ཁོང་གིས་ད་བར་༼ རང་དབང་གི་མིག་ཆུ ༽ཞེས་པའི་མི་ཚེ་ལོ་རྒྱུས་དང། ༼ སྐྱུག་བྲོ་བའི་འཇིག་རྟེན ༽ཞེས་པའི་སྙན་ངག་གི་དེབ་ཕྲེང་དང་པོ། ཐེངས་འདིའི་༼ འཁྲུལ་སྣང་གི་མི་ཚེ ༽ཞེས་པའི་སྙན་ངག་དེབ་ཕྲེང་གཉིས་པ་བཅས་དཔེ་དེབ་གསུམ་ཙམ་འདོན་སྤེལ་བྱས་ཡོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་གྲོགས་རྣམ་པ་ཚོ། ཁྱོད་ཚོས་བལྟོས་དང་གོང་གི་དབྱིན་ཡིག་གིས་འབྲེལ་བཤད་བྱེད་པོ་གཉིས་ཀྱིས་རྫིགས་ཉམས་སྟོན་གྱི་ཡོད་རེད་དམ། དབྱིན་ཡིག་ཤེས་མདོག་རེད། གང་ལྟར་འུ་ཚོའི་བོད་ཀྱི་དུས་བབས་ཐོག་ཏུ་འདིའི་རིགས་ལ་དོ་སྣང་བྱས་ན་ཡག་པོ་འདུག་ གལ་ཏེ་ཁོང་གཉིས་དངོས་ཡོད་ཀྱི་དབྱིན་ཡིག་མཁན་པོ་རེ་ཡིན་ཚེ་ ཕ་ཡུལ་དྲ་བརྒྱ་དང་བང་ཆེན་སོགས་ཁྱེད་རང་གི་དབྱིན་ཡིག་བེད་སྤྱོད་བྱེད་ས་ཡོད་ནི་རེད།་ ཡར་ལུང་ཁོག་ལ་བསྡད་ན་ཡར་ལུང་རྒྱལ་པོར་བསྟུན་དགོས་ཞེས་པའི་གནའ་གཏམ་དེ་ཁྱེད་གཉིས་་ལྟ་བུ་ལ་ཆེད་དུ་བཤད་ནི་རེད། གལ་ལྟར་ཁྱེད་གཉིས་ཀྱི་དབྱིན་ཡིག་གི་ཚིག་གྲུབ་ཐུང་ངུ་དེ་བལྟས་པ་ཙམ་གྱིས་ཁྱེད་གཉིས་ཀྱི་ཚད་གཞི་ཤེས་སོང་། གང་ལྟར་དུས་བབས་ཁོར་ཡུག་ལ་ཁྱེད་གཉིས་མ་ཡོང་ན་ཡག་པོ་འདུག་་ སྐུ་མཁྱེན། ང་ཚོའི་རང་སྐད་ངོ་མ་ཞིག་གི་སྐད་ཆ་བཤད་ཐུབ་ན་ཧ་ཅང་གི་དགེ་མཚན་ཆེ་གི་ མི་རིགས་དང་སྐད་ཡིག་ལ་བསམ་ཤེས་བྱ་རོགས་ཞུ་
Hi Duptok. Congratutions for the newly published your book.
Forget not sent me some copies. Thanks
གངས་སྨྱོན་ལགས། ངས་སྙན་ངག་ཐད་དེ་ཙམ་རྒྱུས་མངའ་མེད་ལ། དྲང་པོ་ཞུས་ན། སྙན་ངག་ལྟ་བུ་ང་རང་ཀློག་རྒྱུར་དེ་ཙམ་དོ་དབྱིངས་སླེབས་ཐུབ་ཀྱི་མི་འདུག ཡིན་ནའང་ངས་ཁྱེད་རང་གི་ལོ་རྒྱུས་རང་དབང་གི་མིག་ཆུ་ཞེས་པའི་དེབ་འདི་ཆ་ཚང་ཞིག་ཀློག་པ་ཡིན། དེའི་ནང་ཁྱེད་རང་བཙོན་ནང་བསྡད་སྐབས་དཀའ་སྡུག་མྱངས་པའི་གནས་ཚུལ་ཁག་ཅིག་བཀོད་འདུག་པར་དངོས་གནས་སེམས་འགུལ་ཐེབས་བྱུང། དེ་བཞིན་ཁྱེད་རང་ཙམ་མ་ཟད་ཁྱེད་རང་དང་བཙོན་ཁང་ནང་མཉམ་དུ་བསྡད་མཁན་ཁག་ཅིག་གང་འདྲ་བྱས་ཏེ་རྒྱ་དམར་གྱི་མནར་གཅོད་འོག་ཏུ་སྐུ་ཚེ་རྫོགས་ཡོད་པའི་སྐོར་ཡང་འཁོད་འདུག་པར་སྙིང་ཐག་པ་ནས་ཐུགས་རྗེ་་ཆེ་ཞུ་རྒྱུ་ཡིན། གལ་སྲིད་ཁྱེད་རང་དེ་དང་དེ་་འདྲ་བའི་ལོ་རྒྱུས་འདྲ་ཡོད་ན་མུ་མཐུད་ཡིག་ཐོག་ཏུ་བཀོད་དེ་མང་ཙམ་འབྲི་ཐུབ་ན་ང་ཚོར་ཕན་ཐོགས་ཆེན་པོ་ཡོང་རྒྱུ་ཡིན་པར་ང་རང་ལ་ཡིད་ཆེས་ཡོད། ཁྱེད་རང་ལ་དེ་འདྲའི་མི་སྣ་མང་པོ་རྒྱུས་ཡོད་ཡིན་སྟབས་ཁྱེད་ནས་མ་དྲན་ཡང་གཞན་ལ་དེ་ལྟར་བཤད་རྒྱུ་ཡོད་པའི་ཆ་ནས་ངས་རེ་བསྐུལ་འདི་ཞུ་གི་ཡོད། དེ་མིན་མུ་མཐུད་སྙན་ངག་འབྲིས་ཀྱང་སྙན་ངག་ལ་དོ་དབྱིངས་ཡོད་མཁན་ཞིག་གིས་ནང་དོན་ཆ་ཚང་རྟོགས་ཀྱི་ཡོད་ཤག་ཀྱང་་། ང་རང་ལ་མཚོན་ན་རྩ་བ་ནས་དོ་དབྱིངས་སླེབས་ཐུབ་ཀྱི་མི་འདུག ཡིན་ནའང་དགོངས་པ་མ་འཚོམ་བསམ་ཚུལ་གང་ཡོད་པ་སྲོང་པོར་བཤད་པ་ཡིན། མུ་མཐུད་འབད་བརྩོན་གནང་རོགས། ཐུགས་རྗེ་ཆེ།་་ བཀྲིས་བདེ་ལེགས།
this book is very good thanks for that, go on and go on….
but we need to read it !
གངས་སྨྱོན་ལགས་ཀྱིས་དེབ་འདི་དཔར་བསྐྲུན་ལེགས་འགྲུབ་བྱུང་བ་ལ་འཚམ་འདྲི་ཡོད།
ད་དུང་ཁོང་གིས་རྡ་སའི་སྲིན་བྱ་ཧོར་གཙང་འཇིགས་མེད་ཟེར་བའི་དེབ་ཆུང་ཆུང་ཞིག་བྲིས་ཡོད་པ་མ་རེད་དམ།