དུས་རབས་གཅིག་གི་ཆེས་རིང་བའི་གཟའ་འཛིན་གྱི་དུས་འདིར། འཛམ་གླིང་གི་མི་མང་ས་ཡ་འགས་ལྟ་སྤྱོད་སྣ་ཚོགས་ཤིག་སྟོན་གྱིན་ཡོད་འདུག ཚན་རིག་ལ་དགའ་བ་དང་ཆོས་ལུགས་དང་རྨོངས་དད་ཀྱི་བཀག་རྒྱ་མེད་པའི་མི་རྣམས་ཀྱིས་གོ་སྐབས་དམ་འཛིན་བྱས་ཏེ་པར་རྒྱག་པ་དང་ངོ་མཚར་བའི་དུས་ཚིགས་འདིར་དགའ་སྤྲོའི་ངང་སྤྱོད་བཞིན་ཡོད་པ་དང་། པར་གང་མང་བརྒྱབས་ཏེ་་འཛམ་གླིང་གི་ཡུལ་ཕྱོགས་སོ་སོར་ཡོད་པའི་དྲ་གྲོགས་རྣམས་ལ་བསྐུར་ཏེ་ཡུལ་ཕྱོགས་སོ་སོར་གཟའ་འཛིན་འདིར་འབྱུང་སྟངས་མི་འདྲ་བ་ཡོད་མེད་ལྟ་བཞིན་ཡོད་འདུག
རྨོངས་དད་དང་ཆོས་ལུགས་ཀྱི་བཀག་རྒྱ་ལས་མ་ཐར་བའི་མི་རྣམས་ཀྱིས་འདི་ནི་དུས་ངན་ཞིག་ལ་ངོས་འཛིན་བྱེད་ཀྱིན་ཡོད་འདུག བལ་ཡུལ་ལྟ་བུར་མཚོན་ན། དེ་རིང་གཞུང་འབྲེལ་ལས་ཁུངས་མང་ཆེ་བ་དང་སློབ་གྲྭ་རྣམས་སྒོ་བརྒྱབས་ཡོད་པ་མ་ཟད། མི་མང་པོ་ཞིག་ཕྱི་ལོགས་སུ་ཐོན་གྱི་མེད་པ་རེད། ཁོང་ཚོས་གཟའ་འཛིན་ཉིན་མོ་ཕྱི་ལོགས་སུ་སོང་བ་ཡིན་ན་བཀྲ་མི་ཤིས་པའི་དོན་ངན་འབྱུང་བར་དོགས་པ་བྱེད་ཀྱིན་ཡོད་འདུག
ལོ་ངོ་ ༢༠༠༠ ལྷག་གི་ལོ་རྒྱུས་ཡོད་པའི་བོད་ཀྱི་རྩིས་གཞུང་དུ་གཟའ་འཛིན་གྱི་སྐོར་རྩི་སྲོལ་ཡོད་པ་བཞིན། ༢༠༠༨ ལོའི་ཕྱི་ཟླ་དགུ་བའི་ནང་བཏོན་པའི་དཔེ་དེབ། བོད་རྩིས་ཀྱི་ལོ་ཐོ། ཞེས་པའི་ནང་དུ་གཟའ་འཛིན་འདི་ཕྱི་རྩིས་ལྟར་ན་བདུན་པའི་ ༢༢ དང་། བོད་རྩིས་ལྟར་ ༥ པའི་ཚེས་ ༣༠ ཉིན་འཁེལ་བར་བསྟན་འདུག་ཟེར།
དེ་རིང་གི་ཉི་འཛིན་འདི་རྒྱ་གར་དུ་ཐོག་མར་བྱུང་ཡོད་པ་དང་། དེ་ནས་རིམ་བཞིན་ཞི་བདེའི་རྒྱ་མཚོའི་མངའ་ཁུལ་དུ་བསྐྱོད་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དེང་གི་ཚན་རྩལ་ཁྱེའུ་འཛམ་གླིང་སྦྲུམ་དུ་མ་ཆགས་གོང།།
བོད་ལུགས་རྩིས་རིག་རྒན་པོས་ས་གཞུང་རི་མོའི་འགྱུར་འགྲོས་ལས།།
གནམ་རིག་རྒྱུ་སྐར་བགྲོད་པར་བརྟག་པའི་དྭངས་གསལ་མེ་ལོང་ངོར།།།
ཉི་ཟླའི་འཁོར་ལོ་ཇི་ལྟར་སྒྲིབ་པའི་སྣང་བརྙན་མངོན་པར་གསལ།།
ཟླ་ཤེལ་ལང་ཚོ་རྒྱས་པའི་འཇོ་སྒེག་གིས།།
རྟ་ལྗང་དབང་པོའི་གཟི་འོད་འཕྲོག་པའི་ཚེ།།
འཛམ་གླིང་ལྷོ་མར་གནས་པའི་སྐྱེ་བ་དགའ།།
མྱ་ངན་གྲོལ་ཕྱིར་གང་གཱའི་ཀླུང་དུ་འཛུལ།།
དེ་རིང་ཉི་འཛིན་གྱི་པར་རིས་ལ་གཟིགས་འདོད་ན་གུས་པའི་ཟིན་བྲིས་ནང་ཕེབས་རོགས།
དགྲ་འདུལ་ལགས། ༸ གོང་ས་མཆོག་གིས་རྩིས་ཀྱི་སྐོར་ལ་ཐུགས་མ་མཁྱེན་པ་ཞིག་རྩ་བ་ནས་མ་རེད། ཁོང་ཉིད་ཀྱིས་སྐུ་ཚེ་འདིར་དཔལ་དུས་ཀྱི་འཁོར་ལོའི་དབང་ཆེན་ཐེངས་སུམ་ཅུ་ལྷག་བསྩལ་ཡོད་པ་མ་ཟད་སྐར་དཔྱད་གནམ་རིག་གི་སྐོར་ལ་ཁོང་ཉིད་ད་ཆ་ཙ་ཅང་གི་མཁྱེན་རྒྱ་ཆེ་བ་ཞིག་རེད།
༡༩༧༣ ༸གོང་ས་མཆོག་ཐེངས་དང་པོར་སུད་སིར་རྫུ་རིག་གཙུག་ལག་སློབ་གྲར་གསུང་བཤད་ཅིག་གོ་སྒྲིག་གནང་དུས་དེའི་སློབ་སྤྱིས་ཁྱེད་ཉིད་འདིར་ཚན་རིག་ཐད་ག་རེ་ལ་དོ་སྣང་གནང་འདོད་ཡོད་ཅེས་དྲིས་པར་ཁོང་གིས་ང་དེང་རབས་གནམ་དཔྱད་རིག་པར་བལྟ་འདོད་ཡོད་ཅེས་ལན་གནང་བར་བརྟེན་མཁའ་དབྱིངས་ཀྱི་གནམ་དཔྱད་རིག་པའི་བརྟག་དཔྱད་ཁང་དུ་ཚན་རིག་བ་ཚོ་དང་གཟིགས་ཞིབ་དང་གནའ་བོའི་ཤེས་རིག་སྐོར་ལ་བགྲོ་གླེང་མཛད་ཡོད།
འོན་བཏང་ང་ཚོའི་བོད་ཀྱི་རྩིས་ནང་མངོན་སུམ་གྱི་རིག་པ་དང་། རྒྱུ་མཚན། མྱོང་བ། ལས་འབྲས་སོགས་ཕྱོགས་པོར་བརྒྱབ་འགལ་དུ་སོང་བའི་རྨོངས་དད་དང་ལུགས་སྲོལ་རྙིང་ཞེན་ཅན་གང་མང་ཞིག་ཡོད་པ་དག་ལ་ཁོང་ཉིད་ཡིདཆེས་མེད་ཅེས་ཐེངས་མང་གསུངས་ཡོད།
ཁོང་ཉིད་གནའ་དེང་གི་ཤེས་རིག་གཉིས་ཀར་མཁྱེན་རྒྱ་ཡོད་པའི་ངོས་ནས་མངོན་སུམ་གྱི་རིག་པ་ཚད་མ་ལས་འགལ་བའི་ཆོས་གང་ལ་ཡང་ཡིད་ཆེས་མི་མཛད་མཁན་ཞིག་རེད། དེ་ནི་ཤིན་ཏུ་ནས་རླབས་ཆེན་ཞིག་རེད།
གནམ་དཔྱད་སྐར་རྩིས་རིག་པ་ནི་དངོས་གནས་ངོ་མཚར་དགོས་པ་ཞིག་ཡིན། མ་ཟད་ང་ཚོའི་ཕ་མེས་ཡང་མེས་ཀྱི་རིང་ནས་ཞིང་འབྲོག་མང་ཚོགས་ཀྱིས་ངལ་རྩོལ་འཚོ་བའི་ཁྲོད་རང་བྱུང་ཁམས་ཀྱི་འབྱུང་འགྱུར་ཁྱད་ཆོས་སོགས་ལ་གཞིགས་ནས། གནམ་དཔྱད་ཀྱི་རིག་གནས་གང་མང་ཞིག་གསར་བཏོད་གཏན་འབེབས་མཛད་ཡོད་པ་དེ་དག་ཀྱང་རྨོངས་དད་རེད་ཟེར་ནས་རྡོག་བརྫིས་གཏོང་རྐྱང་མ་བྱེད་པར། བསམ་ཤེས་དཔྱོད་ཀྱིས་བལྟ་མྱོང་ཐུབ་ན་ངོ་མཚར་དགོས་པའི་གནས་མང་ནས་མང་དུ་ཡོད།
དགྲ་འདུལ་ལགས། རྩིས་དང་རྩིས་མི་འདྲ། གོང་ས་མཆོག་གིས་གསུང་རྒྱུའི་རྩིས་དེ་རྒྱ་ནག་ནས་དར་བའི་འབྱུང་རྩིས་ཡིན་རྒྱུ་རེད་མ་གཏོགས། གཞན་དུས་འཁོར་ལུགས་ཀྱི་རྩིས་དེ་ཚོ་གནམ་རིག་སྐར་དཔྱད་ཡིན་དུས་ཚན་རིག་གི་རྒྱ་ལས་མི་འདའ་ཡིན།
༧རྒྱལ་བ་རིན་པོ་ཆེ་ཚང་གིས་སྔོན་ཆད་སི་པི་ཏེ་ནས་གནང་དུས་ཤིག་ལ། ཁོང་ཉིད་སྨན་ལ་མ་གཏོགས་རྩིས་ལ་ཡིད་ཆེས་མེད་ཅེས་སྨན་རྩིས་ཁང་གི་སློབ་ཕྲུག་ཚོར་གསུངས་བྱུང་ང་།
བདེན་པ་རེད་ལོ་སྔོན་མའི་སི་ཁྲོན་ས་ཡོམ་དང་དེ་རིང་གི་ཉི་འཛིན་གཉིས་བོད་ལྗོངས་ལི་ཐོའི་སྟེང་གསལ་པོ་བཀོད་འདུག་མ་འོངས་པར་ཡང་འདི་འདྲ་ཡོང་ངེས་རེད།
བོད་ཀྱི་སྐར་རྩིས་ནང་དུ་ལོ་སྔོན་མའི་སི་ཁྲོན་ས་ཡོམ་བཀོད་འདུག་ཟེར་ལ། ད་ལོའི་གཟའ་འཛིན་ཡང་གསལ་ཡོད་པར་བཤད་ཀྱིན་འདུག
བལ་ཡུལ་གྱི་རྒྱལ་སར་ཉི་འཛིན་དེ་རིང་ཞོགས་པ་སྔ་མོའི་ཆུ་ཚོད་ལྔ་དང་སྐར་མ་་༥༠་ཐོག་འགོ་བཙུགས་པ་དང་བདུན་དང་སྐར་ ༤༠་ཙམ་ལ་མཇུག་བསྒྲིལ་སོང་། སྐབས་དེར་ཉི་མའི་བརྒྱ་ཆ་དགུ་ཅུ་ཙམ་བཟུང་བ་མཐོང་ཐུབ་པ་དང་སྐར་མ་ཤར་བ་ཡང་མཁའ་དབྱིངས་ནས་གཅིག་མཐོང་རྒྱུ་འདུག། བལ་ཡུལ་རྒྱལ་ནང་དུ་ཉི་འཛིན་བྱུང་པ་རྒྱལ་ཁོངས་ཀྱི་རྫོང་སྡེ་ཁག་བཅུ་བཞི་ཙམ་ནས་མཐོང་ཐུབ་ཚུལ་བཤད་པ་དང་ཉིན་དེར་གཞུང་འབྲེལ་གྱི་གུང་སེང་ཁྱབ་བསྒྲགས་བྱས་སོང་།
པར་ལ་གཟིགས་འདོད་ན་ངའི་དུས་བབ་ཟིན་བྲིས་དང་ཡང་ན་
http://www.khabdha.org/?p=3330 ཡོད།