ཉི་འཛིན་རྗེས་མ་དེ་མཐོ་སྔོན་དང་བོད་ཀྱི་ཤར་ཕྱོགས་ས་ཁུལ་དུ་འཆར་རྒྱུ་ཡིན་འདུག
ཟླ་འདིའི་ཕྱི་ཚེས་ ༢༣ ཉིན་ཀྲུང་གོ་བོད་ལྗོངས་དྲྭ་བ་ཟེར་བའི་ནང་གནས་ཚུལ་སྤེལ་གསལ་ལྟར་ན། ཕྱི་ལོ་ ༢༠༣༤ ལོའི་ཟླ་བ་ ༣ པའི་ཚེས་ ༢༠ ཉིན་ཉི་འཛིན་ཆ་ཚང་བ་ཞིག་བོད་ཀྱི་ཤར་ཕྱོགས་ས་ཁུལ་དང་། མཚོ་སྔོན་ཞིང་ཆེན་དུ་སྐར་མ་ ༡ དང་སྐར་ཆ་ ༤༠ ཙམ་གྱི་རིང་མཐོང་ཐུབ་རྒྱུར་བོད་རང་སྐྱོང་ལྗོངས་ཀྱི་ཚན་རིག་དང། འཕྲུལ་འཁོར་རིག་པའི་བསྟི་གནས་ཁང་ནས་ཟླ་འདིིའི་ཕྱི་ཚེས་ ༢༡ ཉིན་བཤད་ཡོད་འདུག
གནས་ཚུལ་འབྱུང་ཁུངས་ལྟར་ན། ཕྱི་ལོ་ ༡༩༨༨ ལོའི་ཟླ་བ་ ༩ པའི་ནང་རྒྱ་ནག་ཏུ་འདིའི་སྔོན་གྱི་ཉི་འཛིན་མཐའ་མ་དེ་ཤར་ཡོད་ཅིང། ༢༠༡༡ ལོའི་ཟླ་བ་ ༡ པོའི་ནང་སླར་ཡང་རྒྱ་ནག་ཏུ་ཉི་འཛིན་འཚར་རྒྱུ་ཡིན་འདུག་པ་དང། ཉི་འཛིན་དེ་ནི་ཡུན་ནན་ཞིང་ཆེན་ནས་མགོ་བཙུགས་ཏེ་ཀི་ལོ་མི་ཊར་ ༥༠༠ ཙམ་གྱི་ལམ་ནས་སི་ཁྲོན་ཞིང་ཆེན་བརྒྱུད་དེ། རིམ་བཞིན་ཁྲུང་ཆེན་དང། ཧུ་པེ་ཞིང་ཆེན་གྱི་ཧི་ནན་དང་ཧྲན་ཏུང་བཅས་ནས་འགྲོ་རྒྱུ་ཡིན་པ་དང། ཉི་འཛིན་མཐོང་དུས་ཀྱང་སྐར་མ་བརྒྱད་ཙམ་ཡིན་ཞིང། མཐོང་ཡུལ་ལེགས་ཤོས་ནི་ཡུན་ནན་ཞིང་ཆེན་དུ་ཡིན་འདུག ཉི་འཛིན་གྱི་ཆ་ཤས་ཙམ་ཞིག་སྐབས་དེའི་རིང་བོད་དུའང་མཐོང་རྒྱུ་ཡོད་འདུག་པ་དང། ཕྱི་ལོ་ ༢༠༡༢ ལོའི་ཟླ་བ་ ༥ པའི་ནང་དུ་སླར་ཡང་ཉི་འཛིན་འཆར་རྒྱུ་ཡིན་འདུག
རྭ་ལོ་ལགས།
ཉི་འཛིན་དང་ཟླ་འཛིན་གྱི་སྐབས་སུ་བོད་ལ་ཐུན་མོང་གི་གོམས་སྲོལ་ཞིག་ཡོད་པ་ནི་མ་ཎི་འདོན་པ་དང་སྨོན་ལམ་འདེབས་པ་རྔ་རོལ་རྡུང་བ་སོགས་ཆོས་ཕྱོགས་ཀྱི་ཆོ་ག་མང་བོ་ཞིག་ལག་ལེན་གནང་གི་འདུག
དེའི་དོན་ཅི་ཞིག་རེད་དམ།
ལོ་ ༢༣ གྱི་རྗེས་ཡིན་དུས་ངས་ཕལ་ཆེར་ལྕོགས་ཡོད་ཀྱི་མ་རེད། ཡིན་ཡང་། ཁྱོད་ཚོ་ཤུལ་ན་ཡོད་པ་ཚོ་འཛོམས་ཐུབ་གི་རེད། ཨོམ་མ་ནི་པད་མེ་ཧུམ།
ཀྲུང་གོའི་བོད་ལྗོངས་དྲ་བ་ཟེར་བས་གནས་ཚུལ་སྤེལ་བ་ལྟར་ཕྱི་ལོ་ ༢༠༣༤ ལོའི་ཟླ་བ་ ༣ ཚེས་ ༢༠ ཉིན་ཉིན་འཛིན་ཆ་ཚང་བ་ཞིག་བོད་ཀྱི་ས་ཁུལ་ནས་མཐོང་ཐུབ་པར་བཤད་པ་ལྟར་སྐབས་དེར་ང་ཚོའི་བོད་ཕྱི་ནང་གི་བོད་མི་ཚང་མ་མཉམ་དུ་འཛོམས་ནས་ཉི་འཛིན་དེ་ང་ཚོའི་མིག་ལམ་དུ་མངོན་གྱུར་ཡོང་བའི་སྨོན་འདུན་ཞུ།།