ཐེ་བོ་ཤེས་རབ་རྒྱ་མཚོ།
བདུན་ཕྲག་གཅིག་གི་ཡར་སྔོན་བདག་གིས་ཝང་ལི་ཞོང་དང་ཁོང་ལ་ངོ་རྒོལ་བྱེད་མཁན་ཚོའི་སྐོར་ནས་སྐད་ཆ་ཚིག་གཅིག་རང་གཅིག་བཤད་ཡོད།འོན་ཀྱང་ལྷ་ཆབ་པས་བདག་གི་སྐད་ཆ་དེའི་དངོས་ཤུགས་ཀྱི་བསྟན་དོན་མ་རྟོགས་པར་ཝང་ལི་ཞོང་ལ་ངོ་རྒོལ་བྱེད་མཁན་ཚོར་དམའ་ཕབ་པ་ཞིག་ཏུ་གོ་ཡོད་ན་དེ་ནི་ལྷ་ཆབ་པས་ནོར་བ་རེད།འགྲོ་བ་མིའི་ཐོབ་ཐང་ལ་གུས་བརྩི་བྱེད་མཁན་གྱི་གང་ཟག་ཅིག་ཡིན་པའི་ཆ་ནས་དུས་ནམ་ཡང་མི་སུ་དང་གང་ལའང་དམའ་འབེབ་མི་བྱ་རྒྱུ་བདག་གི་སེམས་ཁོང་ན་ཁྲིགས་ཁྲིགས་ཡིན་སྟབས།བདག་གི་སྐད་ཆ་དེའི་དངོས་ཤུགས་གང་ནའང་ཁྱེད་ཅག་ལ་ཆེད་དུ་དམའ་འབེབ་བྱེད་སེམས་གཏན་ནས་མེད་ནའང་།ཉན་མཁན་ངོས་ནས་དམའ་ཕབ་པར་གོ་ཡོད་ན།འདིར་བདག་གིས་ཆེད་དུ་བཟོད་གསོལ་དང་དགོངས་དག་ཞུ་རྒྱུ་མིན་ལ།བདག་གིས་ཡུལ་དུས་གནས་སྟངས་དང་རྒྱུ་རྐྱེན་ཅི་འདྲ་ཞིག་གི་འོག་ནས་ཀྱང་ཕ་རོལ་པོར་དམའ་འབེབ་དང་མཐོང་ཆུང་མི་བྱ་རྒྱུ་དམ་བཅས་ཡོད།
འོན་ཀྱང་ཁྱོད་ཚོས་འདི་ལྟར་ཉན་སྟངས་ལ་ནོར་འཕྱུགས་སོང་བའི་རྐྱེན་གྱིས་ཁ་ཕོག་སྣ་ཕོག་རེ་བྱུང་ཡོད་པ་འདྲ།ཡིན་ཡང་ངས་ང་རང་ལེབ་ལེབ་ཡིན་པ་རྒྱུ་མཚན་དུ་བྱས་ནས་ཁྱེད་ཅག་ཚང་མ་ལེབ་ལེབ་ཡིན་དགོས་པའི་ལྟ་ཚུལ་འདོན་གྱི་མེད་ལ།ངས་ང་རང་ལེབ་ལེབ་ལ་དགའ་བ་རྒྱུ་མཚན་དུ་བྱས་ནས་ཁྱེད་ཅག་ཚང་མ་ལེབ་ལེབ་ལ་དགའ་དགོས་པའི་བཙན་ཤེད་དེ་བས་བྱས་མེད།ཁྱེད་ཅག་གིས་ཉིན་དེར ་གངས་སྐྱིད་ནས་བསྟན་པའི་རྣམ་འགྱུར་དེ་ན་གཞོན་ཤེས་ཡོན་པ་ཞིག་གི་བྱེད་སྟངས་མིན་པའི་དཔེ་དང་བཅས་གསལ་གསལ་ཐིང་ཐིང་བྱས་ནས་བཤད་ཡོད་པ་དེ་ལ་དམའ་འབེབ་བྱས་བྱུང་ཟེར་བ་ཡིན་ན་དེ་ནི་ཁྱེད་རང་ནོར་བ་རེད།ད་དུང་ཁ་གསལ་དུ་བཏང་ནས་བཤད་ན་ངས་ཁྱེད་ཅག་ལ་སྔོན་ཆད་བཟུང་བའི་རེ་བ་མཐོ་དྲགས་པའི་རྐྱེན་གྱིས་རེད།ངས་ཁྱེད་ཅག་གིས་ཝང་ལི་ཞོང་དོགས་ཅན་ཡིན་པ་ཤེས་ཡོད་པའི ་རྐྱེན་གྱིས་ཁྱེད་ཅག་གིས་གོ་སྐབས་འདི་བཟུང་ཝང་ལི་ཞོང་དང་མཉམ་དུ་དགག་སྒྲུབ་ཀྱི་བགྲོ་གླེང་གནད་དུ་སྨིན་པ་ཞིག་གནང་གི་རེད་བསམ་པ་རེད།མ་གཞི་ཉིན་མོ་དེར་ཁྱེད་ཚོས་ཝང་ལི་ཞོང་གིས་བོད་ཐོག་ལ་བཟུང་བའི་ལྟ་སྟངས་ནོར་འཁྲུལ་ཅན་དང་བཤད་སྟངས་གཡོ་འཁྱོག་ཅན་འདི་དང་གན་ཞེས་རེ་རེ་བཞིན་དགག་བཞག་དང་སུན་འབྱིན་ཚ་བོ་ཞིག་གནང་གི་རེད་བསམས་ནས་ངས་ངོ་རྒོལ་བ་ཚོའི་ཕ ྱོགས་སུ་རྣ་བ་གཏད་ཅིང་ཧ་ཅང་གཟབ་ནན་གྱིས་ཉན་ནས་བསྡད་ཀྱང་ངོ་རྒོལ་བ་ཚོས་ཝང་ལི་ཞོང་གི་མདུན་ལ་དཔང་རྟགས་མེད་པའི་སྐྱོན་བརྗོད་དོན་མཚན་འགའ་སྐད་གསེང་མཐོན་པོས་བགྲངས་ཤིང་རྐང་སྒྲ་ཤེད་ཀྱིས་རྡེབ་བཞིན་ཅི་ཞིག་འཁྱོངས་འདོད་ཀྱིས་རློམ་སེམས་ཆེན་པོས་བུད་སོང་སྟབས།བྱེད་སྟངས་དེས་ང་ལ་ཡིད་ཆད་བྱུང་བ་རེད།མ་ཟད་ཁྱེད་རང་ཝང་ལི་ཞོང་ལ་མི་དགའ་མཁན་ཞིག་ཡིན་པའི་ ངོས་ནས་ཁྱེད་ཀྱིས་རང་ཉིད་ཀྱི་འགན་འཁྲི་བཞག་ནས་ཁྱེད་ལ་རྒྱ་ནག་ནང་དེ་འདྲའི་རང་དབང་ཞིག་ཡོད་དགོས་པའི་རྒྱུ་མཚན་ཅི་རེད་ཅེས་འབྲེལ་མེད་དོན་གཞན་གྱི་དྲི་བ་ཞིག་ལས་འཇུ་དགོས་པའི་གནད་དོན་གསོན་པོ་ཞིག་ལ་འཇུ་ཐུབ་མི་འདུག་ཟེར་གྱི་ཡོད།དཔྱོད་ཤེས་ཀྱི་མིག་ཟུང་ཐག་ཉེ་རིང་གཉིས་ཆར་བསྲིངས་ནས་བསམ་གཞིགས་ཞིབ་མོ་བྱས་ཡོད་ཚེ་འདི་དྲི་བ་ཞིག་མ་རེད་ལ།འདི་གནད་དོ ན་ཞིག་དེ་བས་ཀྱང་མ་རེད་ཟེར་གྱི་ཡོད།ངས་ཁྱེད་ཅག་གིས་ཝང་ལི་ཞོང་གི་སྐོར་སྤེལ་བའི་གླེང་ཕྱོགས་དང་སྐྱོན་བརྗོད་དེ་ཚོ་མནའ་བསྐྱལ་ནས་ཁུངས་སྐྱེལ་བྱས་མེད་ཚེ་དཔང་རྟགས་ཀྱི་ཐོག་ནས་ཁུངས་སྐྱེལ་བྱས་མི་འདུག་ཟེར་གྱི་ཡོད།
དེ་རིང་ང་ཚོས་དེ་རིང་གི་སྐད་ཆ་ཤོད་དགོས་ཀྱི་འདུག་ཟེར་གྱི་ཡོད། གལ་སྲིད་རྙིང་ནས་ཟད་སོང་བའི་ཁ་རྩང་གི་སྐད་ཆ་ཞིག་དྲུད་ཡོང་ནས་དེ་རིང་གི་སྐད་ཆ་གསར་པ་དང་མཉམ་དུ་གླེང་སློང་བྱས་ཚེ་དེས་མི་རྣམས་ལ་གོ་འཛོལ་ཐེབས་ནས་མགོ་རྨོངས་རྒྱུ་རེད་ཟེར་གྱི་ཡོད།དེ་ལ་དངོས་ཐོག་བདེན་འཚོལ་ཟེར་གྱི་མ་རེད་ཟེར་གྱི་ཡོད། དེ་ནི་དོན་དངོས་ལ་གཞའ་ཐབས་ཀྱི་ཚིག་རྩོད་སྐམ་པ ོ་ཞིག་རེད་ཟེར་གྱི་ཡོད།བདག་གི་བོད་རྒྱའི་བར་གྱི་གནད་དོན་ལ་ལྟ་སྟངས་བྱས་ནས་བཤད་ན།དེ་རིང་གི་ཝང་ལི་ཞོང་འདིས་༸གོང་ས་མཆོག་དང་བོད་གཞུང་གི་ལངས་ཕྱོགས་ལ་ཁ་ཞེ་གཉིས་མེད་ཀྱི་རྒྱབ་སྐྱོར་གནང་གི་འདུག་ཟེར་གྱི་ཡོད།གལ་སྲིད་ཁྱེད་ཅག་གིས་དེ་ལྟར་མིན་པའི་རྒྱུ་མཚན་རྣམ་དག་དང་སྒྲུབ་བྱེད་ཁུངས་ལྡན་ཁྲ་ལམ་མེར་བཀྲམ་ཚེ་བདག་གིས་ཁྱེད་ཅག་ལ་ལག་ཟུང་ཐལ་མོ་སྦྱར་ ནས་རྗེས་སུ་ཡི་རང་བྱ་རྒྱུ་ཡིན་ཟེར་གྱི་ཡོད།མཐའ་དོན་ང་ལ་ལྷད་མེད་པའི་ཁྱེད་ཅག་གི་རྒྱལ་ཞེན་དང་རྣམ་པར་དག་པའི་ཁྱེད་ཅག་གི་ཀུན་སློང་དྲི་མ་ཅན་མིན་ནམ་སྙམ་པའི་བློ་དོགས་དང་ཐེ་ཚོམས་སྤུ་ཙམ་མེད་པས་ངས་ནམ་ཡང་གུས་བརྩི་བྱེད་ཀྱི་ཡོད་ལ།ཁྱེད་ཀྱིས་མུ་མཐུད་གླུ་ལོངས་དང་ང་རང་ཉིད་དང་གདངས་དབྱངས་མི་འདྲ་བའི་གླུ་ལ་ཉན་རྒྱུར་ཧ་ཅང་དགའ་བས་ངས་ཁྱེད་ཀྱི་གླུ་ལ་ བསྒུགས་ནས་བསྡད་ཡོད།
ཀིརྟིའི་མཐོ་སློབ་ནས་གསོས་པའི་བུ་ཕྲུག་འདི་ཚོའི་སྐད་ཆ་བཤད་སྟངས་ལ་ཡང་གཞན་སུ་དང་མ་འདྲ་བའི་ཞི་འཇམ་དང་བབ་བསྟུན་གྱི་བཟང་སྤྱོད་ལྡན་ལ། རང་ཉིད་ཀྱིས་བདེན་དོན་དུ་མཐོང་བ་གཏན་ཚིགས་ཀྱིས་བསྒྲུབས་པ་ལས་གཞན་མགོ་རྡུང་བའི་ཚིག་ནག་གི་དྲི་མ་གཏན་དུ་བྲལ། བུ་རྒོད་པོ། ཁྱོད་ཀྱི་འབྲི་ལུགས་འདིས་བཙན་བྱོལ་ནང་གི་རྩོམ་བྲིས་པ་མང་པོ་ཞིག་ལ་རྩོམ་ཡིག་བྲི་སྟངས་ཀྱི་ཁ་ཕྱོགས་བཟང་པོ་སྟོན་ཐུབ་པའི་རེ་བ་ཡོད། ཤུགས་རྒྱོབས་དཱ་ཨ་ཁུས་ཁྱོད་ལ་བལྟས་ནས་ཡོད།
གནས་ཚུལ་མང་པོོ་ཞིག་བསྐྱར་བརྗོད་ཀྱིས་དགོས་པ་མེད་ཀྱང་རྒྱ་རིགས་ཝང་ལུ་ཞིང་ནི་༧གོང་ས་མཆོག་དང་བོད་གཞུང་ལ་ཁ་ཞེ་གཉིས་མེད་རེད་ཟེར་བ་འདི་གྲོགས་ཐེ་ཤར་ལགས་སྲིད་ཕྱོགས་ལ་མཁྱེན་རྒྱ་ཞན་པ་མིན་ན་ཧོལ་རྒྱུགས་ཡིན་འགྲོ། ངས་བསམ་ན་ང་ཚོ་བོད་རིགས་ཡོངས་ལ་གཞན་གྱི་མིག་ལ་སྟོན་རྒྱུ་དང་རང་གི་སེམས་ལ་འཛིན་རྒྱུ་ཞིག་ཡོད་པ་ནི་བཙན་བྱོལ་བོད་གཞུང་དམངས་གཙོའི་ལམ་ལུགས་དང་དེས་བྱེད་པོ་༧ གོང་ས་བསྟན་འཛིན་རྒྱ་མཚོ་རེད། རྒྱ་ཝང་ལུས་༧ གོང་ས་མཆོག་དང་བོད་གཞུང་དམངས་གཙོའི་ལམ་ལུགས་ལ་སྐྱོན་བརྗོད་བྱེད་པ་འདི་ཆེད་དུ་བོད་རིགས་ཡོངས་ལ་དམའ་འབེབ་པ་རེད་བསམ་གི རྩོམ་པ་པོ་སྐོར་ཅིག་གིས་ངོ་རྒོལ་བྱེད་སྟངས་ལ་ཐེ་ཤེར་བས་བཤད་པ་དོན་གནས་དང་མཐར་ཐུག་རེད
འཇིག་མེད་དབང་རྒྱལ་ལགས།བང་ལི་ཞོན་ཙམ་མིན་པར་ལྷ་མོ་དང་ཀུན་ཐར་སོགས་ཀྱིས་སྒྲིག་ཁྲིམས་དང་འགལ་བའི་བྱེད་སྤྱོད་ལ་ངོ་རྒོལ་གནང་བ་རེད་ཟེར་བ་ནི་རྒྱུས་མེད་ལ་རྒྱུས་གཏམ་ཡིན་ཏེ།་
མཁས་པ་རང་གིས་དཔྱོད་ཤེས་ཀྱི།་།
བླུན་པོ་གྲགས་པའི་རྗེས་སུ་འབྲང་།།
ཁྱི་རྒན་ཀུ་ཅོ་འདོན་པ་ན།།
རྒྱུ་མཚན་མེད་པར་གཞན་དག་རྒྱུག།ཞེས་པའོ།་
སྐབས་དེར་ལྷ་མོ་དང་ཀུན་ཐར་ལ་ངོ་རྒོལ་བྱས་པ་ཞིག་ངོ་རྒོལ་ཡི་གེ་ནང་དུ་གང་ཡང་འཁོད་མི་འདུག་ལ།རྩོམ་པ་པོའི་མཐུན་ཚོགས་ཀྱི་སྒིྲག་གཞི་དང་འགལ་བའི་སྐོར་སྒྲིག་གཞི་དོན་ཚན་གང་དང་འགལ་ཡོད་མེད་ཀྱང་གསལ་བོ་བཤད་དགོས་པ་ལས་ཁ་ནང་ལ་ཅི་ཡོང་བཤད་ན་རྩ་བ་ནས་མི་འགྲིག
ཉིན་དེར་ཆབ་བྲག་ལྷ་མོ་སྐྱབས་དང་ཀུན་ཐར་གཉིས་སུ་གང་གིས་ཀྱང་ངོ་རྒོལ་བྱས་པ་དེ་སྒྲིག་ཁྲིམས་དང་འགལ་བ་ཞིག་ཡིན་པར་བཤད་མེད་པ་མ་ཟད།་ད་དུང་དེ་ཐད་ལ་ཆབ་བྲག་ལྷ་མོ་སྐྱབས་ཀྱིས་མང་གཙོ་ཡིན་པས་རང་རང་གིས་ངོ་རྒོལ་བྱས་ན་སོ་སོའི་ཐོབ་ཐང་རེད།ཡིན་ནའང་ངོ་རྒོལ་བྱེད་མཁན་ཚོར་ལས་འགན་ཞིག་ཡོད་པ་ནི་བང་ལི་ཞོན་རྒྱ་ནག་གི་གསང་བའི་སློབ་སྟོན་པ་དང་གསང་མྱུལ་བ་ཡིན་པར་སྐྱོན་འཛུགས་བྱས་པ་དེ་སོ་སོས་ཞིབ་འཇུག་བྱས་ཏེ་གསལ་བོ་བཟོ་དགོས་བ་བཤད་ཡོད།
དེ་མིན་ཁྱེད་ཀྱིས་འགན་ཁུར་མེད་པར་ཅ་ཅོ་མ་འདོན་ཞེས་སྨྲ་འདོད་དོ།་།
དེ་རིང་ཐེ་ཤེར་ལགས་ཀྱིས་རྩལ་དུ་བཏོན་ནས་ཁོ་བོ་ཐེར་འདོན་གྱི་ཟོལ་ཞིག་བསྐྱངས་པ་དང༌། ད་དུང་དཀྱེལ་ཡངས་ཀྱི་རྣམ་པའི་སྟེང་ནས་གང་ཟག་སྒེར་ལ་སྐྱོན་བརྗོད་དང་དམའ་འབེབས་བྱས་མེད་པ་འདི་ང་ཚོའི་བཙན་བྱོལ་དུ་འཁོད་པའི་རྩོམ་མཁན་དག་གི་དམིགས་དཔེར་འོས་སོ་ཞེས་ཞུ་འདོད་བྱུང༌། ཡིན་ནའང་ཁོང་གི་སྐད་ཆ་འགར་ཧོལ་རྒྱུག་གི་ཤེད་ཆེ་ཙམ་འདུག་པ་ནི། དགྱ་བོང་ཞོན་མཐའ་གཅིག་ཏུ་ཚད་མར་བཟུང་སྟེ་ང་ཚོ་དགག་པ་དེ་ཅུང་གནང་སྟངས་སྟབས་བདེ་ཞིག་མིན་པར་མཐོང་ལ། ལྷག་དོན་དུ་ཁོ་བོའི་དྲི་བ་དེ་དྲི་བ་ཞིག་མིན་པ་ཁ་མཚོན་བཅད་འདུག འོ་ན་ངས་ཁྱོད་ལ་དྲི་བ་ཞིག་འདྲི། དྲི་བ་ཞེས་པའི་ཐ་སྙད་ལ་ཚད་ཅིག་ཡོད་དམ། ཡང་ན་ངའི་དྲི་བ་དེ་དྲི་བ་ཞིག་མ་རེད་ཅེས་མནའ་བསྐྱལ་རྒྱུ་ཡིན། དེ་མིན་གནས་ལུགས་ཀྱི་སྟེང་ནས་བཤད་ན། ངས་ཉིན་དེར་དྲི་བ་གཞན་ཞིག་བཏང་ཡོད་ནའང་ཁྱོད་དང་ཁྱོད་ཅག་གིས་དྲི་བ་ཞིག་མ་རེད་ཟེར་རྒྱུ་ཡིན། གང་ལྟར་གནས་ལུགས་ཀྱིས་འུ་གཉིས་ལ་བདག་པོ་རྒྱག་གི་ཡོད་པས། འུ་གཉིས་ཀྱི་བདེན་དོན་སུ་ཡིས་འབྱེད་ནུས། གྲོགས་པོ།
ཐེ་ཤེར་རིན་པོ་ཆེ་ནས་གསུངས་པར་ཧོབ་ཏུ་བལྟས་ཚེ་རྒྱུ་མཚན་ཡོད་འདྲ་མཐོང་ཡང་། ཞིབ་ཏུ་བརྟག་ཚེ་དེ་ལ་ཚིག་ཉོག་མང་པོ་ཞིག་ལས་དོན་གྱི་སྟེང་ལ་བབས་མི་འདུག བོང་ལི་ཞོན་གྱིས་༧གོང་ས་མཆོག་དང་བོད་གཞུང་ལ་རྒྱབ་སྐྱོར་གནང་བའི་རྩོམ་ཡིག་ཅིག་ད་ལྟ་མཐོང་མ་སོང་། གུས་པའི་གོ་ཐོས་ལ་ཉིན་དེའི་ངོ་རྒོལ་དེ་བོང་ལི་ཞོན་ཙམ་མིན་པར་ཀུན་ཐར་དང་ལྷ་མོ་སོགས་ཀྱིས་ཁྲིམས་སྒྲིག་དང་འགལ་བའི་བྱེད་སྤྱོད་ལ་ངོ་རྒོལ་གནང་བ་རེད་ཟེར། དེ་ལ་ཐེ་བོ་ཅན་ནས་འགྲེལ་ཞིག་བསྐྱོན་རོགས་ཞུ་རྒྱུ་ཡིན། ཚོགས་མི་དེ་དག་གིས་ཉིན་དེར་ཞི་བའི་ངོ་རྒོལ་གནང་བ་ཁྲིམས་བསྒྲིགས་གང་དང་འགལ་འདུག
ཐེ་ཤེར་རྒྱམ་ལགས།
རྒྱུ་མཚན་ཡོད་ཀི གནས་ལུགས་ལྡན་གི འདི་འདྲ་བ་རེ་མུ་མཐུད་དུ་ཕྲིས།
དྲ་གྲོགས་ཚོ་ཁམས་བཟང་། གནས་ཚུལ་གང་ཞིག་ཡིན་ནའང་ང་ཚོས་ངེས་པར་དུ་སྔོན་ལ་དཔྱད་ཞིབ་ཡག་པོ་གནང་དགོས་པ་གལ་ཆེ་ཡིན།
དཔྱད་ཞིབ་བྱས་རྗེས་དེ་ནས་གཞི་ནས་སྐད་ཆ་ཤོད་པ་དང་། བསམ་ཚུལ་འདོན་པ། རྩོམ་ཡིག་འབྲི་བ་ལ་སོགས་བྱེད་རྒྱུ་དེ་གནད་འགག་ཅིག་རེད། མདོ་དོན་བྱ་བ་གང་ཞིག་ལའང་རང་ཉིད་ལ་གདེངས་སྤོབས་གང་ཙམ་ཞིག་ཡོད་དགོས།
དེར་བརྟེན་གྲོགས་པོ་ཚོས་དགོངས་ཆར་ལྷུག་རྩོལ་གནང་རྒྱུར་རེ་བ་ཆེ།
རེད་འདི་ལྟར་ང་ཚོའི་སྤྱི་ཚོགས་འདིར་གླུ་ལེན་སྟངས་འདྲ་མི་འདྲ་རེད། དབྱངས་ཀྱི་འགྱུར་ཁུགས་ཀྱང་འདྲ་མི་འདྲ་རེད། ད་དུང་གླུ་ཡི་ནང་དོན་ཡང་འདྲ་མི་འདྲ་རེད། ང་ཚོས་འདི་ལྟར་གླུ་དབྱངས་ལེན་སྟངས་ལ་དང་དབྱངས་ཀྱི་འདེགས་འཇོག་གཙིགས་ཆེར་མ་བཟུང་བར། གླུ་ཡི་ནང་དོན་དང་དེའི་རྒྱབ་ལྗོངས་ཐོག་བགློ་གྲེང་གནང་ན། ང་ཚོར་ཡང་ཐོབ་འདོད་པའི་གྲུབ་འབྲས་ཤིག་ཅི་ནས་ཀྱང་ཐོབ་ངེས། འདི་ལྟར་ལྟ་ཚུལ་ལྷུག་པོར་སྨྲས་པར་རྗེས་སུ་ཡི་རངས་ཞུ།།
ཐེ་བོ་ཤེར་རྒྱམ་པའི་བཤད་སྟངས་འདི་ལ་དངོས་གནས་རྒྱུ་མཚན་ཡོད་པ་འདྲ། ལྷ་ཆབ་པའི་ལན་ཞིག་བཏབས་པ་དེ་ལ་བཙན་ཤེད་དང་རང་འདོད་ཀྱི་རྣམ་པ་ཆེ་སྙམ་ཤར། འོན་ཀྱང་ཐེ་ཤེར་ལགས་༼ཝང་ལི་ཞོང་འདིས་༧གོང་ས་མཆོག་དང་བོད་བཞུང་གི་ལངས་ཕྱོགས་ལ་ཁ་ཞེ་གཉིས་མེད་ཀྱི་རྒྱབ་སྐྱོར་གནང་གི་འདུག་ཟེར་བ༽ཐལ་ཆེ་བ་དང་སྔ་མི་དྲགས་སམ།