རྒྱ་གཞུང་གིས་གསེར་རྟ་རྫོང་གི་བོད་མི་གཉིས་ཀྱིས་གསར་འཛུགས་བྱས་པའི་སློབ་གྲྭ་ཞིག་ལ་ཁ་བྲལ་རིང་ལུགས་པའི་ལས་ཀ་བསྒྲུབས་པའི་ཉེས་མིང་འོག་གཞུང་བཞེས་བཏང་འདུག་ཟེར།
ཉེ་ཆར་བོད་ནས་གསར་དུ་འབྱོར་ཞིང་ཕ་ཡུལ་གསེར་རྟ་རྫོང་སྙི་ཆུ་ཞང་གནུབས་ཟུར་དགོན་པ་ནས་ཡིན་པའི་གྲྭ་ཆོས་གྲགས་ལགས་ཀྱིས་འདི་གའི་གསར་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། རྒྱ་གཞུང་གིས་འདི་ལོ་ཕྱི་ཟླ་ ༡ པའི་ནང་གསེར་རྟ་རྫོང་རྐུ་རྩ་ཚོ་བ་གཞོ་རོག་དགོན་པའི་མདོ་བསྔགས་རིན་པོ་ཆེ་དང་བོད་རིགས་ཚོང་བ་རིག་ཤེར་གཉིས་ཀྱིས་མཉམ་འབྲེལ་གྱིས་རྒྱ་སྒོར་ཁྲི་ ༥༠༠ ལྷག་གི་འགྲོ་གྲོན་བཏང་སྟེ། གསེར་རྟ་རྫོང་ཐོག་ཏུ་སློབ་ཆུང་དང་སློབ་འབྲིང་། མཐོ་འབྲིང་བཅས་ཡོད་པའི་གཞི་རྒྱ་ཆེ་བའི་བོད་ཀྱི་སློབ་གྲྭ་ཞིག་གསར་རྒྱག་བྱས་ཏེ། སློབ་གྲྭའི་ཕྱིའི་འཛུགས་སྐྲུན་ཡོངས་སུ་གྲུབ་ཅིང་ནང་གི་མདུན་ཅོག་དང་རྐུབ་སྟེགས་སོགས་མཐུན་རྐྱེན་གང་ལེགས་གསར་དུ་སྒྲིག་བཞིན་པའི་དུས་སྐབས་དེར། རྒྱ་ནག་གཞུང་གི་འབྲེལ་ཡོད་མི་སྣས་སློབ་གྲྭ་དེ་ལས་མཚམས་འཇོག་དགོས་པའི་བཙན་བཀའ་བཏང་སྟེ་སྒོ་བརྒྱབས་ཡོད་པ་མ་ཟད། སློབ་གྲྭ་འདིའི་སྦྱིན་བདག་གཉིས་ཀྱིས་ཁ་བྲལ་རིང་ལུགས་ཀྱི་བྱ་བ་བསྒྲུབ་ཀྱིན་པའི་ཉེས་མིང་འོག་སློབ་གྲྭ་གཞུང་བཞེས་བཏང་ཡོད་འདུག
ད་ལྟའི་ཆར་སློབ་གྲྭ་འདིའི་སྦྱིན་བདག་རྣམ་གཉིས་ལ་གནོད་སྐྱོན་ཅི་ཡང་བྱུང་མི་འདུག་ནའང། དེར་ཡོད་ས་གནས་འབྲོག་པ་མང་ཚོགས་ཀྱིས་རྒྱ་གཞུང་གི་བྱེད་སྟངས་ལ་ངོས་ལེན་བྱེད་ཐུབ་ཀྱིན་མེད་པ་དང་། དུས་ད་ལྟའང་སློབ་གྲྭ་འདི་སྒོ་བརྒྱབས་སྟེ་དུས་ཡུན་རིང་བོར་ཁང་སྟོང་དུ་སྐྱུར་ཡོད་པ་དང་། སློབ་གྲྭ་སླར་གསོ་བྱ་བའི་ཐད་བཟང་ཕྱོགས་ཀྱི་གནས་ཚུལ་ཅི་ཡང་མི་འདུག་ཅེས་བརྗོད་བྱུང།
འདི་བདེན་པ་ཡིན་རྒྱུ་རེད་བསམ་གི
དྲ་གྲོགས་ཚོས་སྡུག་སྨྲེ་བཏོན་པ་ཙམ་མིན་པར་སློབ་གྲྭའི་སྦྱིན་བདག་གཉིས་ཀྱི་གཙོའི་འབྲེལ་ཡོད་ཁག་ལ་ཞུ་གཏུག་དང་དག་འབུལ་བྱེད་སྟངས་ཐད་སློབ་སྟོན་དང་མཐུན་འགྱུར་གནང་ཐུབ་ན་བོད་རེད།
གནང་རོགས་གནང་།
རྒྱ་ནག་གིས་བོད་མི་རིགས་རྩ་མེད་འགྲོ་བའི་ཐབས་ཤེས་མ་གཏོགས་མི་རིགས་སྲུངས་སྐྱོབས་ཆུའི་ཝུ་བ་རེད། ད་དུང་བཙན་བྱོལ་སྤྱི་ཚོགས་ནང་ག་རེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ། ཚིག་འདི་ཐོས་སྐབས་ངོ་མ་ཁ་སྤྲོ་ཁ་ནས་ལངས་པ་དང་ཞེ་སྤྲོ་ཞེ་ནས་ལངས་ས་རེད་མ་གཏོགས། རྒྱ་དམར་པོ་འདི་ལ་ངོ་སྟོད་བྱེད་དགོས་དོན་མེད། སློབ་གྲྭ་གཏོར་བ་དེ་ཕལ་ཆེར་རྒྱ་ཆ་རྒྱ་ཡིན་གྱི་རེད།།
བཀྲ་ཤིས་རྒྱ་མཚོ་ལགས་ཁྱོད་རང་གིས་རྒྱ་ནག་གནད་དོན་ཤེས་ཀྱི་མི་འདུག རྒྱ་ནག་གིས་བོད་རིགས་ལ་ཕན་པ་ཅུང་ཟད་བཏགས་མཁན་ཞིག་ཡོང་ན། དེ་རྩ་མེད་བཏང་རྒྱུ་དེ་རྒྱ་ནག་གི་འོས་འགན་རེད། མིན་
བཀྲ་ཤིས་རྒྱ་མཚོ་ལགས་ཁྱོད་རང་གིས་རྒྱ་ནག་གནད་དོན་ཤེས་ཀྱི་མི་འདུག རྒྱ་ནག་གིས་བོད་རིགས་ལ་ཕན་པ་ཅུང་ཟད་བཏགས་མཁན་ཞིག་ཡོང་ན། དེ་རྩ་མེད་བཏང་རྒྱུ་དེ་རྒྱ་ནག་གི་འོས་འགན་རེད། མིན་
རྒྱ་ནག་གཞུང་འདིས་བོད་ཐོག་བྱ་བ་ངན་པ་རྐྱང་རྐྱང་མ་གཏོགས་བྱེད་ཀྱིན་མེད་ཚོད་རེད། སློབ་གྲྭ་ཞིག་བཙུགས་པ་ཙམ་གྱིས་ཁོང་ཚོ་ལ་གང་གནོད་ཀྱིས་ཡོད་ན།
ངོ་མའི་འདི་ཚོའི་བྱེད་སྟངས་ལ་ཡིད་ཀྱིས་མི་འདུག་ག།
མ་གཞིར་བོད་ནས་གསར་དུ་སླེབས་མཁན་ཚོའི་སྐད་ཆའི་ནང་སྒྲོ་འདོགས་ཨེ་ཡོད་ན་སྙམ་པའི་ཚོར་བ་ཡོད་་་་་གང་ལྟར་གནས་ཚུལ་འདི་བདེན་ན་ཅི་འདྲའི་ཡ་མཚན་པ་ལ། སློབ་གྲྭ་ཞེས་མིང་ཞིག་བཏགས་པ་ཙམ་ལས་དེའི་ནང་དགེ་སློབ་གང་ཡང་མི་འདུག་ག། ཁང་པ་སྟོང་བ་ཞིག་བསླངས་བ་ཙམ་གྱིས་འདི་ལྟར་གཞུང་བཞེས་བྱས་ན་དེ་ལ་ང་ཚོས་ཇག་པ་ཟེར་ན་མི་འགྲིག་པ་མི་འདུག།