དེ་རིང་རྒྱ་ནག་དམར་ཤོག་རྒྱལ་ཁབ་ཀྱིས་ལོ་རྒན་དྲུག་ཅུའི་སྐྱེས་སྐར་ལ་རོལ་གིན་ཡོད། བོད་ཚུད་པའི་གྲངས་ཉུང་མི་རིགས་ཚོས་ལོ་རྒན་དྲུག་ཅུའི་མནར་སྡུག་གི་ཁྲོད་ནས་འབྱུང་འགྱུར་གྱི་ལོ་ ༣༠ ལ་ལྟ་གིན་ཡོད།
རྒྱ་ནག་གི་ལོ་རྒན་དྲུག་ཅུ་ནི་སྔ་ཕྱི་གཉིས་སུ་བགོ་དགོས། ཕྱེད་སྔ་མ་སུམ་ཅུ་ནི་མུན་ནག་གི་ལོ་རེད། ཕྱེད་ཕྱི་མ་སུམ་ཅུ་ནི་དཔལ་འབྱོར་འགྲན་རྩོད་དང་ལྐོག་ཟ་རུལ་སུངས་ཀྱི་ལོ་རེད། འདིའི་རྗེས་ཀྱི་ལོ་སུམ་ཅུ་ནི་ཆབ་སྲིད་ལམ་ལུགས་བཅོས་སྒྱུར་དང་གྲངས་ཉུང་མི་རིགས་ཀྱི་གནད་དོན་ཐག་གཅོད་པའི་ལོ་རེད། མཐའ་མའི་ལོ་བཅུ་དེ་ནི་རྒྱ་ནག་གསར་པ་ཞིག་མགོ་ཚུགས་པའི་བར་བརྒལ་གྱི་ལོ་ཡིན།
ད་བར་གྱི་འཕེལ་རིམ་ལ་བལྟས་ན། རྒྱ་ནག་ལ་འགྱུར་བ་ཆེན་པོ་ཞིག་འགྲོ་དགོས་ན་ལོ་ ༣༠ རེའི་དུས་ཡུན་ཞིག་དགོས་པར་འདོད། དཔེར་ན། ཆིན་རྒྱལ་རབས་འཇིག་རྗེས་ཀྱི་ལོ་སུམ་ཅུ་སོ་གྲངས་ཤིག་གི་རིང་ལ་ད་ལྟའི་རྒྱ་ནག་མི་དམངས་སྤྱི་མཐུན་རྒྱལ་ཁབ་འདི་ཚུགས་པ་རེད། ༡༩༤༩ ལོ་ནས་ ༡༩༧༩ ལོ་བར་གྱི་ལོ་སུམ་ཅུའི་རིང་དུ་མཆོང་སྐྱོད་ཆེན་མོ་དང་དམངས་གཙོ་བཅོས་སྒྱུར། རིག་གནས་གསར་བརྗེ་སོགས་ཀྱི་རླུང་ནག་འཁོར་ཏེ། རྒྱ་ནག་རྒྱལ་ཡོངས་སུ་མུ་གེ་དང་འཐབ་རྩོད་ཀྱི་གོ་རིམ་ཁྲོད་མི་གྲངས་ས་ཡ་མང་པོ་རྐྱེན་ལམ་དུ་ཕྱིན་པ་རེད། ༡༩༧༩ ལོ་ནས་བཟུང་སྲིད་བྱུས་གུ་ཡངས་དང་ཕྱི་ཕྱོགས་སྒོ་འབྱེད་བྱས་ཏེ། དེ་རིང་བར་གྱི་མི་ལོ་ ༣༠ རིང་རྒྱ་ནག་འདི་ཞི་བདེའི་འཕེལ་རྒྱས་ Peaceful Rise ཞེས་པའི་དར་ཆའི་འོག་འཛམ་གླིང་གི་སྟོབས་ཆེན་རྒྱལ་ཁབ་ཀྱི་གྲས་སུ་བསླེབས་པ་མ་ཟད། དེང་སྐབས་དཔལ་འབྱོར་དང་རྒྱལ་སྤྱིའི་སྟོབས་ཤུགས་ཀྱི་རྩེད་འགྲན་ཁྲོད་རྒྱ་ནག་གི་བྱེད་ནུས་ནི་མེད་ཐབས་མེད་པ་དང་། ཡོད་ན་མི་ཐུབ་པའི་ཚད་དུ་གྱུར་ཡོད།
ཡིན་ཡང་རྒྱ་ནག་ལ་རང་སྟེང་གི་དཀའ་རྙོག་ཆེན་པོ་འགའ་ཡོད་ལ། དཀའ་རྙོག་དེ་དག་ནི་འབྱུང་འགྱུར་གྱི་ལོ་ ༣༠ རིང་ཐག་ཆོད་དགོས། ད་ལྟའི་ཆབ་སྲིད་ཀྱི་ལམ་ལུགས་ལ་བཅོས་བསྒྱུར་གྱིས་དམངས་གཙོ་ཚད་ལྡན་ཅན་དུ་འགྱུར་རྒྱུ། དབུལ་ཕྱུག་གི་ཧེ་བག་སྙོམ་སྒྲིག ཞིང་གྲོང་ནས་བསླེབས་ཤིང་ལོ་རྟག་པར་ཡར་ལངས་བྱེད་བཞིན་པའི་ལས་མེད་ས་ཡ་ ༢༠༠ ཡི་འཚོ་བ་ཐག་གཅོད། དེ་ལས་ཀྱང་གལ་ཆེ་བ་ནི་བོད་དང་ཞིན་ཅང་གིས་གཙོས་པའི་གྲངས་ཉུང་མི་རིགས་ཀྱི་གནད་དོན་ཐག་གཅོད་བཅས་རེད། འདི་དག་ནི་སང་ཉིན་ནས་བརྩིས་པའི་མ་འོངས་པའི་ལོ་ ༣༠ རིང་ཐག་གཅོད་དགོས་ཤིང་། གནད་དོན་འདི་ཚོ་ཐག་གཅོད་ལེགས་པོ་ཞིག་བྱ་ཐུབ་མིན་གྱི་རྐྱེན་གྱིས་མ་འོངས་པའི་རྒྱ་ནག་གི་བཟོ་ལྟ་དེའང་རང་བཞིན་གྱིས་མངོན་ཡོང་གི་རེད། ད་ནས་བརྩིས་པའི་ལོ་ ༣༠ ནང་དུ་རྒྱ་ནག་གི་སྟོབས་ཤུགས་དེ་འཛམ་གླིང་གི་ཡང་རྩེར་འཛེགས་ཐུབ་མིན་ཡང་ཐག་གཅོད་འདི་དག་ལ་རག་ལས་ཡོད།
འབྱུང་འགྱུར་གྱི་མི་ལོ་ ༢༠ ནས་ ༣༠ རིང་ནི་བོད་མི་རིགས་ལ་མཚོན་ནའང་གལ་ཆེན་དུ་གྱུར་ཡོད་ལ། དུས་མཚམས་འདི་ནི་བོད་མི་ཚོའི་ངོས་ནས་དམིགས་བསལ་གྱིས་བོད་ཀྱི་བདེན་མཐའ་གསལ་ཆེད་སེམས་རྩ་བརྟན་པོ་དང་དཔུང་པ་མཉམ་གཤིབ་བྱ་དགོས་པ་དང་། ཆབ་སྲིད་ཙམ་མིན་པར་ཤེས་ཡོན་གྱི་ཕྱོགས་ནས་ཀྱང་གྲ་སྒྲིག་བྱ་དགོས་ལ། བོད་དོན་འཐབ་རྩོད་འདི་མི་ལོ་ ༡༠༠ རིང་སྡོད་པའི་དབང་དུ་བྱས་ན་དེ་རིང་ནས་བརྩིས་པའི་འབྱུང་འགྱུར་གྱི་མི་ལོ་ ༣༠ ནི་ང་ཚོའི་འཐབ་རྩོད་ཀྱི་དུས་རིམ་མཐའ་མ་དེ་ཡིན་པར་འདོད་པས་གཞུང་དམངས་དང་སྤྱི་སྒེར་ཚང་མས་ཁ་ཕྱོགས་གཅིག་ནས་ཁུར་མཉམ་ལེན་བྱ་དགོས་པའི་དུས་རེད་སྙམ་མོ།།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
དུས་བབ་རྩོམ་སྒྲིག་པ་ལགས། ཕྲན་ལ་ཟིན་བྲིས་ཤིག་སྒོ་ཕྱེ་རོགས་གནང་། ངས་ཐོ་འགོད་བྱས་ཟིན་ཡོད། མིང་་་་ཆོས་འཕེལ་བློ་བཟང་དང་ཐོ་མིང་་་་་་་་chophellobsang བཅས་ཡིན་ལགས་ན་་་་གང་མགྱོགས་བདག་ལ་དུས་བབ་ཟིན་བྲིས་པའི་ས་མིག་གནང་རོགས་གནང་།
སྙན་ངག་འདི་ནི་བདག་གིས་ཉེ་སྔོན་བྲིས་ནི་ཞིག་ཡིན་མོད། དེ་རིང་ངས་རྒྱ་དམར་གཞུང་གིས་མི་གསོད་ཁྲག་སྦྱོར་བྱས་ཏེ་ལོ་ངོ་དྲུ་ཅུ་འཁོར་བའི་དགའ་སྟོན་ལ་ཆེད་དུ་ཕུལ་བ་ཡིན།
གཏུབ་གྲི་རྣོན་པོ།
ཡུལ་གྱར་བའི་གོ་རིམ་ནི་སྐྱོ་དུབ་ཀྱིས་སྨྲེང་འོང་བ་ཞིག་ཡིན་པ་སུ་ཡིས་ཤེས།
གཏུབ་གྲིའི་སོ་ཁ་ན་ལུས་པའི་ངའི་ཤ་རུས་ཁྲག་རྒྱུན་གཅིག་པའི་སྤུན་ཟླ་ཚོ།
མི་ལོ་ལྔ་བཅུར་སོན་པའི་གཏུབ་གྲི་རྣོན་པོ།
མ་གཞིར་ང་ཚོས་ཞེ་ནག་པའི་ལས་ཀྱི་སྦྱོར་བ་ཅི་གང་རྩོམ་མ་མྱོང་ཡང་།
ཞེ་སྡང་གིས་སོ་ཁ་འཆའ་བའི་དུས་ཚོད་ཀྱི་སྙིང་རླུང་སྟོད་ལ་འཚང་།
ཤ་ཉོག་རུས་ཉོག་ཏུ་གཏོང་ཞིང་བརྒལ་མི་ཐུབ་པའི་དགུན་ཟླའི་ཕ་རོལ་ནས།
སྐྱེས་པ་འདིའི་རྩུབ་རུས་གསོ་བྱེད་ཀྱི་མེ་དྲོད་ཅིག་མིག་གིས་མཐོང་སྲིད་དམ།
ཁ་བྲལ། སོ་མྱུལ། ལོག་སྤྱོད།
གཏུབ་གྲི་རྣོན་པོ་དེའི་ཁ་ནས་ཁྲག་ཐིགས་རེ་འཛུམ་ཞིང་།
ལྐུགས་པ་དང་སྨྱོན་པར་བསྒྱུར་བའི་ལྷག་མ་དག་ཕ་མ་ཚོའི་པང་དུ་ལོག་ཡོང་དུས།
འཇིགས་རུང་གི་ནམ་མཁའ་འདིར་མིག་གིས་ལྟ་ཕོད་དཀའ་ཡང་།
སུ་ཞིག་གི་སྙིང་རྩར་བརྡབ་པའི་གཏུབ་གྲིའི་རྨ་ཁ་ནི་ན་ཟུག་གིས་མུ་བཞིན་ལྷག་ཡོད།
༢༠༠༩ ༩ ༡༧ཉིན།
སྒེར་གྱི་ཟིན་བྲིས་ལས་བདམས་བཀོད་བྱས་པ་ཡིན།
གང་ལྟར་ཁོང་ཚོའི་བྱེད་སྟངས་འདི་ཕྱི་ལོགས་ཀྱི་ལྟད་མོ་པ་དག་གི་གད་མོའི་ཡུལ་དུ་གྱུར་ཡོད།
རྒྱ་གཞུང་འདི་སྙིང་རྗེ་བ་ལ། ཁོང་ཚོས་ད་བར་མང་གཙོའི་གོ་དོན་དང་དངོས་མྱོང་གང་ཡང་བརྒྱུད་མ་མྱོང་སྟབས། འདི་འདྲའི་རྙོག་གླེང་ཙམ་ལ་ཧ་ལས་པའི་སྐད་ཆ་བཤད་ཀྱིན་འདུག་པར་ལྟོས་དང་། མང་གཙོ་ཚད་ལྡན་གྱི་རྒྱལ་ཁབ་དང་ཚོགས་སྡེ་ཞིག་ཡིན་ན། འདི་ནི་སྤྱི་བཏང་ལྟ་བུ་ཆགས་ཡོད། ཀུན་ལ་གྲགས་པའི་ངེས་པ་དོན་གྱི་མང་གཙོའི་རྒྱལ་ཁབ་རྒྱ་གར་ལ་སོགས་ཀྱི་གྲོས་ཚོགས་ནང་རྐུབ་སྟེགས་ཀྱི་རྒྱག་རེས་བྱས་མྱོང་བ་རེད། འོན་ཀྱང་མང་གཙོའི་རང་དབང་ལོངས་སྤྱོད་ཀྱི་ཁྱད་ཆོས་མངོན་པར་ཐོན་པ་ཞིག་ལས། འདི་ནི་ནག་ཉེས་ཀྱི་ཁྲིམས་འགལ་གང་མི་བརྩི་བ་དེ་ཡིན། རྒྱ་གཞུང་གི་གཡོ་སྒྱུ་ཅན་སྲིད་བྱུས་དང་དེའི་མི་དམངས་ནི། དཔེར་ན། ནམ་རྒྱུན་མི་ཞིག་མགོར་གཟས་ཏེ་སྟ་རེ་ཞིག་འཕྱར་ནས་བསྡད་ཡོད་པ་དང་གཅིག་པ་གཅིག་རྐྱང་རེད། དེའི་འོག་ནས་སུས་ཀྱང་དགའ་སྡུག་ཁྲོ་ཆགས་ཀྱི་ངག་མི་འཁྲོལ་ལ། འཁྲོལ་ཡང་མི་སྲིད་པ་དེའོ། གང་ལྟར་ཁོང་ཚོའི་བྱེད་སྟངས་འདི་ཕྱི་ལོགས་ཀྱི་ལྟད་པ་དག་གི་གད་མོའི་ཡུལ་དུ་གྱུར་ཡོད།
བོད་ཀྱི་བང་ཆེན་ནང་བཀོད་ཡོད་པ་དེ་རེད། ཀློག་ཙམ་གྱིས་དང་སྙིང་ལ་ན་ཟུག་རྒྱག་གིན། རྒྱ་གཞུང་གིས་བཙན་བྱོལ་གྲོས་ཚོགས་ལ་དམའ་འབེབས།
བོད་མི་མང་སྤྱི་འཐུས་སྐབས་བཅུ་བཞི་པའི་གྲོས་ཚོགས་ཚོགས་དུས་བརྒྱད་པ་དེ་རྐྱེན་སྣ་ཚོགས་ཀྱིས་ལུགས་ལྟར་མཇུག་བསྡོམས་རྒྱག་ཐུབ་མེད་པ་དང༌།བཙན་བྱོལ་དུ་ཡོད་པའི་བོད་མི་ཚང་མས་འདིའི་ཐད་ཧ་ཅང་གི་དོ་སྣང་ཆེན་པོ་བྱེད་བཞིན་ཡོད་ལ། དེ་བཞིན་དེང་སྐབས་རྒྱ་ནག་གཞུང་གིས་ཀྱང་གྲོས་ཚོགས་ཀྱི་སྐོར་སྐྱོན་བརྗོད་རིང་པོ་ཞིག་བྲིས་ཡོད་པ་རེད།
ཕྱི་ཟླ་༩ པའི་ཚེས་༢༥ ཉིན་བོད་ལྗོངས་ཆ་འཕྲིན་ལྟེ་གནས་ཞེས་པ་རྒྱ་ནག་གི་གཞུང་འབྲེལ་དྲ་རྒྱའི་ཐོག་འགོ་བརྗོད་དུ། <<ཏཱ་ལས་མང་གཙོ་ལག་ལེན་བསྟར་བ་ཞེས་པ་བཞད་གད་ཀྱི་ཡུལ་དུ་གྱུར་པ>>ཟེར་བའི་ནང་བརྗོད་དོན། ཏཱ་ལས་རྟག་པར་བཙན་བྱོལ་སྤྱི་ཚོགས་སུ་མང་གཙོ་ལག་ལེན་བསྟར་ལུགས་འུད་སྒྲོག་བྱེད་བཞིན་ཡོད་ཀྱང། ད་ཐེངས་བཙན་བྱོལ་བོད་མི་མང་སྤྱི་འཐུས་ལྷན་ཚོགས་ཚོགས་དུས་བརྒྱད་པ་ཟེར་བས། སྤྱི་འཐུས་བྱེ་བྲག་པ་གཅིག་གི་འགྲོ་སོང་གཏོང་མིན་སྐོར་གྱི་རྙོག་ཟིང་ལས་མཇུག་བསྡུ་མ་ཐུབ་པ་ཆགས་པ་དེས། མང་གཙོ་ཟེར་བའི་སྐད་ཆ་དེའི་རྫུན་རྐུབ་རྦད་དེ་བརྡོལ་ཡོད་ཅིང༌། བཙན་བྱོལ་ནང་མི་མང་བརྒྱ་ཆ་༧༥ ཙམ་ལས་མེད་ཡིན་པ་དང། ཁོ་ཚོར་ཟས་གོས་མི་རག་པའི་འཚོ་བའི་དཀའ་ངལ་དང། སློབ་གྲྭའི་ཁང་པ་མང་ཆེ་བ་ལྕགས་ཤོག་ལས་གྲུབ་པ། སྤྱིར་བཏང་མང་ཚོགས་ཀྱི་སྡོད་གནས་བརླན་བཤེར་དང་གསལ་ཆ་མེད་པ་བཅས་འཚོ་བའི་གནས་སྟངས་ཧ་ཅང་སྐྱོ་པོ་ཡིན་རུང། སྤྱི་འཐུས་ཚོས་སོ་སོ་སྒེར་གྱི་དངུལ་ཁུག་ལ་གྱོང་རག་མིན་རྩོད་པ་རྒྱག་པ་ལས། མང་ཚོགས་ཀྱི་བདེ་སྡུག་ལ་དོ་སྣང་དང་སེམས་འཁུར་བྱེད་མཁན་གཅིག་ཀྱང་མེད། འོན་ཀྱང་ཕྱོགས་གཞན་ཞིག་ནས་བཤད་ན་སྤྱི་འཐུས་བྱེ་བྲག་པའི་འགྲོ་སོང་གཏོང་མིན་དེ་ཁ་གཡར་ས་ཙམ་ཡིན་ཞིང།་གཙོ་བོ་ཏཱ་ལའི་རུ་ཚོགས་ནང་ཁུལ་ཕྱོགས་འཐེན་དཔུང་སྒྲིག་གི་འགལ་ཟླ་ཆེན་པོ་ཡོད་པའི་རྣམ་པ་ཕྱིར་མངོན་ཡོད། ད་ལོའི་ཟླ་བ་༦པའི་ནང་ཟམ་གདོང་ལས་གནས་ནས་དགོངས་པ་ཞུ་འདོད་པའི་སྐད་ཆ་བྱུང་ཡོད་པ་དེའང་གཟུགས་གཞི་སྐྱོ་པོ་ཡོད་ཚུལ་བརྗོད་ཡོད་རུང༌། དོན་དངོས་ནང་ཁུལ་དཔུང་སྒྲིག་ཕྱོགས་འགལ་གྱི་འཐབ་རྩོད་ཤིན་ཏུ་ཛ་དྲག་ཡིན་པ་དེ་རིང་གྲོས་ཚོགས་ཀྱི་ར་སྤྲོད་གསལ་པོ་བྱས་ཡོད། སྙིང་རྗེ་དགོས་པ་ཞིག་ལ་ཏཱ་ལའི་རུ་ཚོགས་ཀྱིས་རྟག་པར་མང་གཙོ་ཁར་འཁྱེར་ཏེ། ཕྱིའི་རྣམ་པ་སྙིང་རྗེ་པོ་ག་ཚོད་བཟོས་རུང༌། ནང་ཁུལ་སྤྱི་འཐུས་རྣམ་པའང་ཁོང་དང་རྒྱབ་འགལ་དང། སྒེར་དོན་གཅིག་པུར་འབད་པ་དེས་ག་ཚོད་བར་དུ་ཁུངས་འཁྱོལ་ཐུབ་ཀྱི་ཡོད་དམ་ཞེས་བཀོད་ཡོད་པ་རེད།
དེའི་ནང་མུ་མཐུད་འཁོད་དོན། ཕྱོགས་གཞན་ཞིག་ནས་བཤད་ན་སྤྱི་འཐུས་བྱེ་བྲག་པ་ཞིག་གི་འགྲོ་སོང་གཏོང་མིན་གྱི་དོན་དག་ཆུང་ཙག་དེ་འདྲ་ཞིག་བཙན་བྱོལ་བོད་མི་ཆིག་འབུམ་ལྷག་གི་སྐུ་ཚབ་ཡིན་ཟེར་བའི་གྲོས་ཚོགས་ཀྱི་གྲོས་གཞིར་ཡོང་དགོས་དོན་ནི། གྲོས་ཚོགས་ཀྱི་འཐུས་མི་རྣམས་ལ་གནད་དོན་ཆེན་པོའི་རིགས་གོ་བསྡུར་བྱེད་རྒྱུ་གང་ཡང་མེད་ཅིང། ཚང་མ་ཏཱ་ལས་ཐེག་བཅད་ཚར་བ་དང་ཏཱ་ལས་བཙན་བྱོལ་གཞུང་གི་ལས་དོན་ཡོངས་རྫོགས་སྟངས་འཛིན་བདག་གཉེར་བྱེད་བཞིན་པའི་རྐྱེན་གྱིས་རེད་ཅེས་གནས་ཚུལ་སྤེལ་ཡོད་པ་རེད།།
ལོ་ངོ་ལྔ་བཅུ་ཚར་གི་ཐལ། ལོ་ངོ་སུམ་བཅུར་སྒུག་ཀྱང་མི་སྐྱོན་མོད། ད་ལྟའི་བྱེས་པ་ཚང་གི་སྤྱི་འཐུས་འདི་འདྲ་དག་གིས་རྒྱུན་སྐྱོང་བ་ཡིན་ན། རྒྱ་ནག་ལ་ལོ་ངོ་སུམ་བཅུར་སྒུག་མི་དགོས་པར་ལོ་ངོ་ཉི་ཤུའི་རྗེས་སུ་བོད་བྱེས་པ་ཚང་གི་གཞུང་འདི་རྩ་མེད་ཆགས་རྒྱུ་ཡིན་པ་ནི་གདོན་མི་ཟ་བ་རེད་འདུག་ལགས།