ཨ་ཚོགས་དབང་གྲགས་འབུམ།
ལོ་ངོ་འདི་དག་གི་རིང་༧གོང་ས་མཆོག་གིས་བཙན་བྱོལ་ནང་བཀའ་སློབ་ཟབ་རྒྱས་དང་གལ་ཆེན་ནང་གི་དོན་ཆེན་དུ་རྩིས་ནས་ཡང་ཡང་གསུངས་བསྡད་པ་ནི་བོད་པའི་དགོན་སྡེ་ཁག་གི་གྲྭ་བཙུན་རྣམས་དུས་རབས་ཉེར་གཅིག་པའི་ནང་པ་བ་ཞིག་ཆགས་རྒྱུ་དང་མཐོ་སློབ་ཁག་གི་ནང་རིགས་གཅིག་རྐང་འཛིན་པ་གང་མང་གསོ་སྐྱོང་བྱ་དགོས་བའི་གནད་འགག་དེ་གཉིས་ཡིན། རྒྱུ་རྐྱེན་དེ་ལ་བརྟེན་ནས་ད་ལྟ་རིགས་གཅིག་རྐང་འཛིན་པ་གསོ་སྐྱོང་བྱེད་ཕྱོགས་ལ་ཤེས་རིག་ལྷན་ཁང་དང་བོད་ཁྱིམ་ཁག་སོ་སོའི་འཛིན་སྐྱོང་བ་རྣམས་པས་གྲོས་བསྡུར་དང་ཞིབ་འཇུག་བྱ་བཞིན་པའི་སྒང་ཡིན་ལ། འདིའི་ཐད་འགུལ་སྐྱོད་ཅུང་ཙམ་བྱ་ཐུབ་པའི་རེ་བ་ཡོད། འོན་ཀྱང་། ད་དུང་སྲོལ་རྒྱུན་གྱི་སྨག་ནག་ཁྲོད་དུས་རབས་ཉེར་གཅིག་གི་ཉི་འོད་མ་འཕྲོ་ས་དང་སྐྱ་རེངས་མ་ཤར་སའི་ལྷོ་ཕྱོགས་གདན་ས་ཁག་གི་གདོད་མའི་མཁན་པོ་དང་དགེ་བསྐོས། དགེ་བཤེས་དག་གིས་དེང་དུས་སུ་འཛམ་གླིང་ནང་དར་ཁྱབ་ཤུགས་ཆེན་སོང་སྟེ་མེད་དུ་མི་རུང་བའི་དབྱིན་ཡིག་དང་གློག་ཀླད་སོགས་ནི་གཞུང་ཆེན་པོ་ཏི་ལྔ་སློབ་གཉེར་གནང་མཁན་རྣམས་ལ་དགོས་མཁོ་མེད་ཚུལ་དང་གལ་ཆེན་མིན་ཚུལ་བཤད་ཀྱིན་འདུག ང་རང་ད་ལྟ་སློབ་གྲྭའི་གུང་གསེང་དང་སྟབས་བསྟུན་ནས་འབྲས་སྤུངས་དགོན་པར་ནང་ཆོས་སློབ་གཉེར་གྱི་ཆེད་དུ་སླེབས་ཡོད།
གོང་གསལ་གྱི་གནད་དོན་དེ་དག་གི་ཐོག་ངས་གཞོན་སྐྱེས་ཀྱི་གྲྭ་བ་མང་པོ་ཞིག་ལ་བསམ་ཚུལ་བརྗེ་རེས་ཀྱི་ཚུལ་དུ་གླེང་སློང་ཐེངས་མང་བྱས་བ་ཡིན།ཁོང་ཚོས་གསུངས་དོན་ང་ཚོ་དབྱིན་ཡིག་སྦྱོང་རྒྱུར་ཧ་ཅང་གིས་འདོད་པ་ཆེན་པོ་འདུག་མོད། དགོན་པའི་ནང་སྦྱོང་མ་ཆོག་པ་དང་སྤྱི་ཚོགས་ནང་སྦྱོང་གི་འགྲོ་བ་ཡིན་ན་གྲྭ་བ་ལོག་འགྲོ་བའི་ཉེན་ཁ་འདུག ང་ཚོ་དགོན་སྡེ་ཁག་གི་ནང་གནའ་དེང་ཟུང་གི་སློབ་སྦྱོང་ལ་དོ་སྣང་ཡོད་མཁན་གྲྭ་བ་མང་པོ་ཞིག་ལ་དགོན་པའི་ནང་དབྱིན་ཡིག་སྦྱོང་མ་ཐུབ་པར་སྤྱི་ཚོགས་ནང་དབྱིན་ཡིག་སྦྱོང་གི་སོང་བས་སྤྱི་ཚོགས་ཀྱི་ཟིང་ཆའི་ཁྲོད་རེ་ཟུང་གྲྭ་བ་ལོགས་པ་ཡང་བྱུང་ཡོད། དེ་བས་སྤྱི་ཚོགས་ནང་དབྱིན་ཡིག་སྦྱོང་གི་འགྲོ་རྒྱུར་ཡང་ཞེ་དྲག་སྐྲག་གི་འདུགཁྱོད་བསྡད་རིང་ལ་ཁོང་ཚོར་དབྱིན་ཡིག་རེ་སློབ་ཁྲིད་གནང་རོགས་ཞུ་ཟེར་མཁན་མང་ནས་མང་དུ་ཆགས་སོང་། ཉིན་དེ་ནས་བཟུང་ངས་ཀྱང་རང་ནུས་གང་འཇོན་གྱིས་རེ་བསྐུལ་ཞུ་མཁན་ཚང་མ་སྡེ་ཚན་ཁག་བགོས་ཀྱིས་དབྱིན་ཡིག་ཁྲིད་འགོ་བཙུགས་པ་ཡིན། གོང་གི་ཁོང་ཚའི་དབྱིན་ཡིག་སྦྱང་འདོད་ཀྱི་འདུན་པ་ཤུགས་དྲག་པོ་དང་སྦྱང་མ་ཆོག་པ།སྦྱང་སའི་ཁོར་ཡིག་མེད་པ་དེས་དོན་དངོས་ཐོག་དུས་རབས་ཉེར་གཅིག་པའི་ནང་བ་དོན་ལྡན་ཞིག་བྱ་འདོད་པའི་གཞོན་སྐྱེས་ཀྱི་གྲྭ་བ་མང་ཤོས་ལ་དཀའ་ངལ་འཕར་མ་ཞིག་སྤྲད་འདུག་ལ་མང་པོ་ཞིག་སྒྲིག་གཞི་དེ་ལས་འཕྲོ་བརླགས་སུ་བཏང་ཡོད་པ་ཡང་ཧ་གོ་སོང་། ད་དུང་།དེ་ལས་ལྷག་པ་ཞིག་ལ་མང་པོ་ཞིག་གིས་གདན་ས་ཁག་ལ་སོང་ན་དབྱིན་ཡིག་དང་རིག་གནས་སོགས་དེང་རབས་ཀྱི་ཤེས་ཡོན་ཁྱོན་ནས་སྦྱོང་མི་ཐུབ་པ་ཧ་གོ་བས་བོད་ནས་གསར་དུ་འབྱོར་བའི་གྲྭ་བ་མང་པོ་ཞིག་ཤེས་རབ་དགའ་ཚལ་སློབ་གླིང་དང་བོད་ཁྱིམ་སློབ་གྲྭ་ཁག་གི་ནང་དུ་དབྱིན་ཡིག་དང་རིག་གནས་སྦྱོང་གི་འགྲོ་མཁན་མང་པོ་འདུགགང་ལྟར་དེང་སྐབས་གཞོན་སྐྱེས་ཀྱི་གྲྭ་བ་མང་པོ་ཞིག་གིས་གྲྭ་ས་རུ་རིག་གནས་དང་གློག་ཀླད།དབྱིན་ཡིག་སྦྱོང་མི་ཐུབ་པ་འདིས་ཁོང་ཚོ་དུས་རབས་འདིའི་འགྲོ་སྟངས་ལ་རྨོངས་དུ་བཅུག་ཡོད་དང་མི་ཚེ་འགྲོ་སྟངས་ཙམ་ཡང་ཤེས་ཀྱི་མི་འདུག་ཟེར་པའི་དཀའ་ངལ་དང་བློ་ཕམ་ཆེན་པོ་ཞིག་ཏུ་བརྩི་གི་འདུགབཤད་སྟངས་གཞན་ཞིག་ནས་ཞུས་ན།ངས་དུས་རྟག་ཏུ་ དྲན་བསྡད་པ་ཞིག་ནི།དུས་རབས་འདིའི་བོད་པའི་དགེ་བཤེས་རྣམས་ནི་འཛམ་གླིང་ཞི་བདེ་དང་།ལྷག་པར་དུ་འཛམ་གླིང་འདིར་ཕྱི་དངོས་པོ་ཡར་རྒྱས་ཤུགས་ཆེན་བྱུང་བའི་དབང་གིས་འགྲོ་བ་མིའི་སེམས་ལ་དཀའ་ངལ་འཕར་མ་ཞིག་བཟོས་ཡོད་པའི་སྐབས་འདིའི་སྐད་གྲགས་ཅན་གྱི་ལྷ་རྗེ་གལ་ཆེན་དག་རེད་བསམ་ཡོད།གོང་གི་དཀའ་ངལ་འདི་བོད་པའི་དགེ་བཤེས་ཁོ་ནས་སེལ་ཐུབ་པས་ཁོང་ཚོའི་བླ་མེད་ཀྱི་འོས་འགན་དང་ཁྱད་ཆོས་དེ་ཆགས་ཡོད་ཙང་ཕྱག་ལས་མང་དྲག་པའི་དཀའ་ངལ་ཞིག་ཏན་ཏན་འཕྲད་དགོས།གང་ཡིན་ཅེ་ན།ནམ་རྒྱུན་འེད་ཚང་སྐྱབས་བཅོལ་ས་ཚང་གི་མཁས་དབང་དང་ཚན་རིག་པ་རྣམས་ནུབ་ཕྱོགས་ཀྱི་སྟོབས་འབྱོར་རྒྱལ་ཁབ་དག་གིས་བརྐུས་འགྲོ་བ་དང་ཉོས་འགྲོ་བའི་གནས་ཚུལ་བྱུང་གི་ཡོད།འོན་ཀྱང་།འེད་ཚང་གི་དགེ་བཤེས་རྣམས་དེ་ལས་ལྡོག་སྟེ་མང་པོ་ཞིག་དགོན་པའི་ནང་སྟོད་འགག་སེར་པོ་རེ་གྱོན་ནས་གོར་ལ་སྒུག་བཞིན་ལྷག་བསྡད་འདུགཡང་མང་པོ་ཞིག་དགེ་བཤེས་བཏང་ཚར་རྗེས་ནུབ་ཕྱོགས་སུ་རང་ཉིད་ཁོ་ནའི་འཚོ་བའི་དོན་དུ་འགྲོ་བཞིན་འདུག་འདི་བོད་པ་ཚང་གི་གྱོང་གུད་རེད།ང་ཚོས་རང་ཉིད་ཀྱི་དགེ་བཤེས་རྣམས་བེད་སྤྱོད་གཏོང་མ་ཐུབ་པ་དེ་ཕྱོགས་གཅིག་ནས་སྤྱི་ཚོགས་ཀྱི་ནོར་འཁྲུལ་ཞིག་རེད་འདུག་ལ་ཕྱོགས་གཞན་ཞིག་ནས་དགེ་བཤེས་རྣམས་ལ་དེང་རབས་ཀྱི་ཤེས་ཡོན་མེད་པའི་རྒྱུ་རྐྱེན་ཞིག་ཀྱང་ཏན་ཏན་རེད་འདུགདགེ་བཤེས་རྣམས་ལ་གཞན་ཕན་གྱི་ལྷག་བསམ་ཡོད་ན་དུས་རབས་དང་མཐུན་ཞིང་སྤྱི་ཚོགས་ལ་བབ་པའི་དེང་དུས་ཀྱི་ཤེས་ཡོན་ངེས་བར་དུ་དགོས་ཀྱི་འདུག གང་ལྟར་བོད་ཀྱི་གདན་ས་ཁག་ནི་གནའ་དེང་ཟུང་དུ་འབྲེལ་བའི་དུས་རབས་ཉེར་གཅིག་པའི་གཙུག་ལག་སློབ་གྲྭ་ཆེན་མོ་འགའ་ཞིག་ཆགས་རྒྱུ་དེ་ཆེས་གཟི་བརྗིད་ལྡན་པ་ཞིག་རེད་བསམ་ཡོད།འདི་ནི་བདག་གི་ཐེངས་འདིའི་འགྲུལ་བཞུད་ཁྲོད་ཀྱི་ཚོར་ཤུགས་དྲག་པོའི་ཟིན་ཐོ་དེ་ཡིན་ནོ།།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཧ་ཧ་ཧ ང་བདེན་ཁ་མི་དགོས་ཡ། ཞི་ལི། ཁྱོད་བདེན་ཁ་བྱིན་ནས་ང་ངོ་མ་འུར་རྐྱ་ཞིག་ཡིན་ནི་བཅའ། གྲོགས་པོའི་བརྩེ་བ་འདང་རྒྱག་ཤེས་མཁན་ཞིག་རེད་དེའི་ཕྱོགས་ནས་དགའ་བསུ་ཡོད།
ཡ་ ཡ་ ཡ་ ད་ཁྱོད་འགྲོགས་སོང་ནི་བྱོས། ཁྱོའི་བཤད་སྟངས་ལ་ལྟ་དུས་ཧ་ལམ་མ་སོང་ན་ངས་རང་གི་གྲོགས་པོ་ཚོ་བཙོང་གི་ཡོད་མདོག་མདོག་གི་སྐད་ཆ་ཞིག་བཤད་ཀྱིན་འདུག ད་བཙུམ་ནས་མ་བསྡད་ན་ཁྱོད་འདྲ་བོས་བསམ་གཟས་ནས་ཆག་སྒོ་ཆེན་པོ་བཟོ་ན་ཐང༌། རང་གི་ངོ་ཤེས་པ་ཚོ་ཕུད་ནས་གཞན་པ་མང་པོ་ཞིག་གིས་གློག་ཀླད་ནི་གློག་བརྙན་ལྟ་བྱེད་ཅིག་ལ་བེད་སྤྱོད་གཏོང་གི་ཡོད་པ་དངོས་སུ་མཐོང་མྱོང༌། མཐོང་མྱོང་ན་མྱོང་ང་ཞེས་བཤད་ཆོག་རྒྱོ་རེད། ངས་གདན་ས་ཡོངས་ཀྱི་གྲྭ་བ་ཚོས་དེ་ལྟར་བྱེད་ཀྱིན་འདུག་ཅེས་བཤད་ཀི་མེད། སྐད་ཆ་ཆེན་པོ་མ་བཟོ་རོགས། མ་གཞི་ནས་ཁྱོད་མི་འུར་རྐྱ་ཞིག་ཡིན་ས་རེད། སྤྱིར་བྱས་ན་ ཉིན་གཅིག་ང་འབྲས་སྤུངས་ན་ཡོད་པའི་དྲ་ཁང་ཞིག་གི་ནང་དུ་སོང་བའི་གཏམ་རྒྱུད་དགོད་ཁ་སློང་བ་ཞིག་ཡོད་ཀྱང༌། དེ་བཤད་ན་ཡང་ཁྱོད་སྤོ་ལངས་རྒྱུ་རེད། ད་གཡུགས་ཞོག བདེ་མོ། ཨ་ཁུ་རི་བོང༌། ཁྱོད་ལ་བདེན་ཁ་སྤྲད་པ་ཡིན་དཱ།
མི་ཞུན་ལགས།
ཁྱོད་ཀྱི་གྲོགས་པོས་ ༼དབྱིན་ཡིག་སྦྱོང་རྒྱུར་ཧ་ཅང་གིས་འདོད་པ་ཆེན་པོ་འདུག་མོད། དགོན་པའི་ནང་སྦྱོང་མ་ཆོག་པ་དང་སྤྱི་ཚོགས་ནང་སྦྱོང་གི་འགྲོ་བ་ཡིན་ན་གྲྭ་བ་ལོག་འགྲོ་བའི་ཉེན་ཁ་འདུག༽འདི་ལྟར་ལབ་པ་རེད། ཁྱོད་ཀྱིས་༼གྲོགས་པོ་དབང་གྲགས་འབུམ་གྱིས་རྙེད་པའི་གདན་སའི་ཟིན་ཐོ་འདི་ལ་གནས་ལུགས་དང་རྒྱུ་མཚན་མེད་པའི་དྲི་མ་གང་གིས་ཀྱང་སྦགས་མི་འདུག་ན་སྐྱག་ཕྲུག་ཚོས་ཁ་བཙུམས་ནས་འདུག་མི་ཐུབ་པར་ཅི་ཞིག་བཤད་ནས་མ་ཁོམ་པར་བསྡད་ཡོད། ༽ འདི་ལྟར་བཤད་ནས་མཐའ་གཅིག་ཏུ་གྲོགས་པའི་རྒྱབ་རྩ་བྱས་པ་རེད། ད་ཁྱོས་སྦྱང་མི་ཆོག་གི་ཞེས་ལབ་འདུག་གམ། ༼དེ་ཡང་ང་རང་གིས་དངོས་སུ་མཐོང་མྱོང་བ་དང་རིག་མྱོང་བའི་གྲྭ་བ་མང་དག་ཅིག་གིས་ནི་གློག་ཀླད་ཉོས་ཡོད་པའི་ཚོད་ཀྱིས་དྲ་རྒྱ་ལ་གཟིགས་པ་དང་གསར་འགྱུར་ལ་ཉན་པ་སོགས་ཀྱི་ཆེད་དུ་བེད་སྤྱོད་བྱེད་མཁན་ཤིན་ཏུ་ཉུང་བར་འདུག་ལ་དེ་དག་གི་ཕྱོགས་སུ་བེད་སྤྱོད་བྱེད་ཤེས་མཁན་ནི་དེ་བས་ཀྱང་ཉུང་བར་འདུག་ཅེས་ལབ་རྒྱུ་བྱུང་ཡོད་ལ་ལབ་འདོད་ཀྱང་སྐྱེས།༽ ཁྱོད་ཀྱི་སྐད་ཆ་འདི་མདོག་འགྱུར་བའི་སྐད་ཆ་རེད། ངས་ཁྱོད་ལ་གསལ་བཤད་བྱས་དུས་དོན་ལ་ཁྱོད་ཀྱིས་ཁས་ལེན་བཏང་པ་རེད། གློག་ཀླད་ནང་ན་ལྟད་མོ་རྐྱང་རྐྱང་བལྟས་བསྡད་མཁན་གྱི་ཁྱོད་ཀྱི་གྲོགས་པོ་གྲྭ་བ་འགའ་ཤས་ཀྱི་སྐྱོན་དེ་ཁྱོས་གདན་སའི་དགེ་འདུན་པ་ཡོངས་ལ་གཡོག་ན་འགྲིག་ཐབས་ཡོད་པ་མ་རེད། ཤེས་སོང་ངམ། ཁྱོད་ཀྱི་གྲོགས་པོ་གྲྭ་བ་ཚོ་སློབ་སྦྱོང་མི་དགོས་ལྟད་མོ་དགོས་པའི་གྲྭ་བ་མ་རབས་དེ་འདྲ་ཡིན་ནའང་ཁྱོད་ཀྱིས་དྲ་ཐོག་ནས་གསལ་བསྒྲགས་བྱེད་པ་ངས་འོས་འཚམ་ཞིག་ཏུ་མཐོང་མ་སོང་།
གྲོགས་པོ་རི་བོང་ལགས།
ཁྱོད་ཀྱི་ཡ་ཐོད་ན་ཡོད་པའི་མིག་དེ་གཉིས་ཞར་མེད་པ་ཡིན་ན་ངས་ནི་གདན་སའི་གྲྭ་བ་ཚོས་དབྱིན་ཡིག་དང་གློག་ཀླད་སྦྱང་ཆོག་གི་མི་འདུག་ཅེས་ལབ་མེད་དོ།།
དེ་ཡང་ང་རང་གིས་དངོས་སུ་མཐོང་མྱོང་བ་དང་རིག་མྱོང་བའི་གྲྭ་བ་མང་དག་ཅིག་གིས་ནི་གློག་ཀླད་ཉོས་ཡོད་པའི་ཚོད་ཀྱིས་དྲ་རྒྱ་ལ་གཟིགས་པ་དང་གསར་འགྱུར་ལ་ཉན་པ་སོགས་ཀྱི་ཆེད་དུ་བེད་སྤྱོད་བྱེད་མཁན་ཤིན་ཏུ་ཉུང་བར་འདུག་ལ་དེ་དག་གི་ཕྱོགས་སུ་བེད་སྤྱོད་བྱེད་ཤེས་མཁན་ནི་དེ་བས་ཀྱང་ཉུང་བར་འདུག་ཅེས་ལབ་རྒྱུ་བྱུང་ཡོད་ལ་ལབ་འདོད་ཀྱང་སྐྱེས། ད་ལྟ་ཡང་ལབ་ཀྱི་ཡོད། དེ་སྐྱག་རྫུན་མིན། ང་རང་གིས་མ་མཐོང་བ་དང་མ་རིག་པའི་སྐོར་གྱི་ཕྱོགས་སུ་ངས་སྐད་ཆ་བཤད་ཀྱིན་མེད། དེ་ཁྱེད་ཀྱིས་ཤེས་དགོས་པའི་གནད་ཅིག་ཡིན། འོན་ཀྱང༌། ངས་ཁོང་ཚོས་དབྱིན་ཡིག་ཤེས་ཀྱི་མི་འདུག གློག་ཀླད་ཤེས་ཀྱི་མི་འདུག་ཅེས་སྐྱོན་རྗོད་བྱེད་ཀྱིན་འདུག་ཅེས་ཟེར་ན་ཁྱེད་རང་ཅུང་ཧོན་ལོག་པ་ཡིན་རྒྱུ་རེད། ཁྱོས་འུར་མ་བསྒྲོག། དེ་སྐྱོན་བརྗོད་མ་རེད་གསལ་བཤད་རེད། ཤེས་ཀྱི་མེད་ན་ཤེས་ཀི་མི་འདུག་ཅེས་བཤད་མི་ཆོག་པའི་རྒྱུ་མཚན་ཞིག་ཡོད་ཀྱི་མ་རེད་པཱ། ངས་ཀྱང་ནང་ཆོས་མི་ཤེས། ཁྱོས་ང་ལ་མི་ཞུན་གྱིས་ནང་ཆོས་ཤེས་ཀྱི་མི་འདུག་ཅེས་སྐྱོན་བརྗོད་བྱས་ན་དེ་ཁྱེད་རང་གིས་གླེན་རྟགས་བསྟན་པ་མ་ཡིན་ནམ། ང་གདན་ས་ལ་ནམ་སོང་མིན་གྱི་སྐོར་ལ་ཁྱོད་བྱུས་གཏོགས་མེད། འོན་ཀྱང༌། ངས་ནམ་ཡིན་ནའང་རང་གིས་དངོས་སུ་མ་མཐོང་བ་ཞིག་དང་མ་གོ་བ་ཞིག་གཏན་ནས་གཞན་ལ་བཤད་མ་མྱོང་ལ་བཤད་ཀི་ཡང་མེད། ཨེ་གོ་ཐ།
འབུལ(འབུམ)ཞེས་ནོར་བཅོས་སུ་གོ་བ་རྙེད་པར་ཐུགས་འཇགས་འཚལ།
ཨ་ཚོགས་དབང་གྲགས་འབུལ་ལགས། བདག་གིས་ཀྱང་ཁྱེད་ཀྱི་ཟིན་ཐོ་འདིར་མཆན་བུ་ཞིག་འདེབས་འདོད་སྐྱེས་སོང་མོད། བྲིས་ཀྱིན་བྲིས་ཀྱིན་རིང་དྲགས་ཏེ་རྩོམ་ཡིག་ཅིག་གི་ཚད་ལ་སླེབས་སོང་བས། འདིར་འགོད་མ་ཐུབ་པར་ང་རང་སྒེར་གྱི་ཟིན་བྲིས་ནང་ལ་བཀོད་ཡོད་པས། གལ་ཏེ་ཁོམ་པ་རེ་བྱུང་ན་སྐུ་ཉིད་བདག་གི་ཟིན་བྲིས་སུ་ཕེབས་ཏེ་བསམ་ཚུལ་རེ་འཇོག་པར་རེ་སྒུག་བྱས་ཡོད།
མི་ཞུན་ལགས།
ལྷོ་ཕྱོགས་ཀྱི་གྲྭ་བ་ཚོར་དབྱིན་ཡིག་དང་གློག་ཀླད་སྦྱང་ཁོམ་དུས་ཚོད་མེད་པ་མ་གཏོགས། སྦྱང་མི་ཆོག་པའི་སྒྲིག་ཁྲིམས་གང་ཡང་ཡོད་ནི་མ་རེད། ཡིན་ནའང་ཁྱོད་ཀྱིས་གྲྭ་བ་ཚོས་གློག་ཀླད་དང་དབྱིན་ཡིག་མི་ཤེས་ཀི་ཞེས་སྐྱོན་བརྗོད་བྱེད་པ་ནི། ལྷ་བྲིས་པས་ལྷམ་བཙེམ་མི་ཤེས་ཀི སྨན་པས་གྲི་རྡུང་མི་ཤེས་ཀི་ཞེས་སྐྱོན་བརྗོད་བྱེད་པ་དང་གཅིག་པ་རེད། མི་སོ་སོས་ཆེད་དུ་གཉེར་བའི་ལས་རིགས་མི་འདྲ་བས་དབྱིན་ཡིག་དང་གློག་ཀླད་ཤེས་ན་བརྒྱན་ཡིན་ཀྱང་། མ་ཤེས་ན་མཚང་ཞིག་ཏུ་མཐོང་མ་སོང་། སོ་སྐྱེས་ལ་ཀུན་མཁྱེན་མེད་པའི་གནས་ལུགས་འདི་རྟོགས་ན། དབང་གྲགས་འབུམ་དང་ཁྱེད་གཉིས་ཀྱིས་གྲྭ་ས་ལ་སྐྱོན་བརྗོད་བྱེད་པ་དེ་གནས་ལུགས་དང་མཐུན་མི་མཐུན་ལ་གཞི་ནས་ངེས་པ་རྙེད་ངེས། ༼གློག་ཀླད་ཡོད་མཁན་མང་ཆེ་བས་ནི་གློག་བརྙན་ལ་བལྟ་བ་གཅིག་པོའི་ཐོག་ཏུ་བེད་སྤྱོད་བྱེད་པ་ལས་ཁ་སྔོག་ནས་གློག་ཀླད་ཀྱི་འཇིག་རྟེན་ལ་ལྗོངས་རྒྱུ་རུ་བསྐྱོད་ཐུབ་མཁན་ནི་ཧ་ཅང་ཉུང་ཉུང་ཞིག་རེད།༽ ཁྱེད་རང་གི་སྐད་ཆ་འདི་ཚད་ལས་བརྒལ་བའི་སྐྱག་རྫུན་རེད། གློག་ཀླད་ཡོད་མཁན་གྱི་གྲྭ་བ་མང་ཆེ་བས་བེད་སྤྱོད་ཇི་ལྟར་གཏོང་གི་ཡོད་བརྟག་དཔྱད་བྱེད་ཀི་ཁྱོད་ནམ་སོང་། སོང་མེད་ན་ཁྱོས་ཇི་ལྟར་ཤེས། ཁྱོད་ཀྱིས་དེ་ལྟར་བེད་སྤྱོད་བྱེད་མཁན་ག་ཚད་མཐོང་སོང་བཅུ་ཡན་ཆད་རིག་འུ་ཡོད། རང་སེམས་རྣལ་དུ་ཕབ་ནས་བསམ་བློ་ཐོངས། མེད་ན་ད་མང་ཆེ་བ་ཟེར་ན་མི་འགྲིག་ག
གྲོགས་པོ་དབང་གྲགས་འབུམ་གྱིས་རྙེད་པའི་གདན་སའི་ཟིན་ཐོ་འདི་ལ་གནས་ལུགས་དང་རྒྱུ་མཚན་མེད་པའི་དྲི་མ་གང་གིས་ཀྱང་སྦགས་མི་འདུག་ན་སྐྱག་ཕྲུག་ཚོས་ཁ་བཙུམས་ནས་འདུག་མི་ཐུབ་པར་ཅི་ཞིག་བཤད་ནས་མ་ཁོམ་པར་བསྡད་ཡོད། བདག་གི་སྙིང་གྲོགས་ལགས། བཤད་བཤད་གོ་ཉན་རྒྱུ་མེད། བྱིན་བྱིན་གོ་བཟའ་རྒྱུ་མེད། གཞན་གྱིས་ཅི་ཟེར་ལ་ཉན་ནས་བསྡད་ན་རྣ་ཚ་ནི་རེད། རང་གིས་གང་མཐོང་བ་དང་གང་ཐོས་པ་ཚང་མ་དམར་རྗེན་དུ་བཤད་ཐུབ་པ་འདི་ཡང་ཁྱེད་ཀྱི་གཟི་བརྗིད་ཅིག་ལ་བདག་གིས་འདོད་ཀྱི་ཡོད་དོ།། མུ་མཐུད་དུ་ མཚམས་མ་ཆད་པར་ བར་མེད་པར་ དུས་གཏན་དུ་ དེ་རིང་གི་འདི་ལྟར་ཡོང་གི་སྡོད། རྗེས་ནས་མཇལ།
ལྷོ་ཕྱོགས་ཀྱི་ཨ་ཁུ་རྒྱུ་ཅན་ཚོའི་ལས་ཤག་ན་གློག་ཀླད་ཡོད་པ་ནི་དངོས་བདེན་རེད།འོན་ཀྱང་ངས་མཐོང་བ་ལྟར་ན་དེ་ལྐོག་ནས་མ་གཏོགས་མངོན་སུམ་གྱིས་སྤྱོད་ཆོག་གི་མེད་པ་འདྲ། གློག་ཀླད་ཡོད་མཁན་མང་ཆེ་བས་ནི་གློག་བརྙན་ལ་བལྟ་བ་གཅིག་པོའི་ཐོག་ཏུ་བེད་སྤྱོད་བྱེད་པ་ལས་ཁ་སྔོག་ནས་གློག་ཀླད་ཀྱི་འཇིག་རྟེན་ལ་ལྗོངས་རྒྱུ་རུ་བསྐྱོད་ཐུབ་མཁན་ནི་ཧ་ཅང་ཉུང་ཉུང་ཞིག་རེད། དྲང་མོ་བཤད་ན། ཁོང་ཚོ་ལ་གློག་ཀླད་ཡོད་པ་མ་གཏོགས་གློག་ཀླད་བསླབ་མཁན་མི་འདུག་ལ་གློག་ཀླད་ཤེས་མཁན་ཀྱང་མི་འདུག སློབ་འདོད་ཡོད་མཁན་ཚང་མས་ཀྱང་དབྱིན་ཡིག་ཤེས་ཀྱི་མི་འདུག དབྱིན་ཡིག་མ་ཤེས་ན་གློག་ཀླད་ཡོད་ཀྱང་བྱིས་པའི་ལག་ཏུ་རྩེད་སྤྱད་ཅིག་བཞག་པ་དང་འདྲ་བ་ཙམ་ལས་ཅང་མ་རེད། གྲྭ་ས་ན་དབྱིན་ཡིག་སློབ་ས་ཡོད་མེད་ཀྱི་ཆ་ནས་བཤད་ན། དགོན་སྡེ་རེ་རེ་ན་བན་ཕྲུག་ཚོ་ལ་ཉི་མ་གཏོང་གི་འཇུག་སའི་སློབ་གྲྭ་རེ་ཡོད་པ་བདེན་པ་རེད། དེའི་ནང་གི་བན་ཕྲུག་ཚོ་ཡང་ལོ་ན་བཅུ་བདུན་ལས་མ་བརྒལ་བ་རྐྱང་རྐྱང་ཡིན་པ་སོང་ཙང་བོད་ནས་གསར་དུ་འབྱོར་བ་ལོ་བཅོ་བརྒྱད་ནས་བཅུ་དགུ་ཅན་གྱི་བན་ཕྲུག་ཅིག་ཡིན་ཕྱིན་སློབ་གྲྭ་དེ་དག་གི་ནང་དུ་འགྲོ་རྒྱུའི་རེ་བ་མེད་རབས་བཤད་ཀྱི་འདུག དེར་བརྟེན། གྲོགས་པོ་དབང་གྲགས་འབུམ་ལགས་ལ་དབྱིན་ཡིག་འཁྲིད་རོགས་གནངས་ཟེར་མཁན་དག་ཀྱང་ས་གནས་དགོན་སྡེའི་སློབ་གྲྭ་རུ་མ་ཚུད་པའི་གྲྭ་བ་ན་གཞོན་བོད་ནས་འབྱོར་བ་རྐྱང་ཡིན་པར་བདག་གིས་འདོད། སྤྱིར་གདན་ས་ནས་དབྱིན་ཡིག་སྦྱངས་ན་ཆོག་མི་ཆོག་གི་སྐད་ཆ་ངས་བཤད་མི་ཤེས། འོན་ཀྱང༌། དགའ་ལྡན་དང་འབྲས་སྤུངས་ལྟ་བུ་ཞིག་ལ་མཚོན་ནས་བཤད་ན་གྲྭ་བ་ཚོས་དབྱིན་ཡིག་སྦྱོང་འདོད་ཡོད་ཀྱང་དབྱིན་ཡིག་ཡག་པོ་ཤེས་མཁན་གྱི་དགེ་རྒན་ཞིག་བཙལ་རྙེད་བྱེད་དཀའ་བ་ནི་དངོས་བདེན་ཡིན་ས་རེད།
སྦྲ་དཔལ་ལྡན་ལགས།
མ་མཐོང་ཕྱིར་ན་མེད་པ་མིན། ཨ་ཁུ་སྨོན་ལམ་གྱི་གློག་ཀླད་འདྲ་བ་ཆེན་པོ་ཞིག དྲ་ཁང་ནང་ནའང་མེད་ཀི དེ་ད་སྐབས་ཀྱང་སེ་རའི་ཨ་ཁུ་ཞིག་གིས་ཉར་ཡོད་པ་རེད། དེ་གློག་ཀླད་རྒྱ་སྒོ་འདྲ་བ་གཅིག་རེད། ཁྱོད་ལྷོ་ཕྱོགས་ལ་ཡོང་རྒྱུའི་གོ་སྐབས་ཤིག་ཡོད་ན། ངའི་ཟིན་བྲིས་ནང་ལ་ལན་ཞིག་ཞོག་དང་། ངའི་ནང་ནས་ཁྱོས་གློག་ཀླད་རྒྱ་སྒོ་འདྲ་བ་ཞིག་སྐུད་ལམ་དང་བཅས་བ་བསྟན་ཆོག དེ་མིན་ལྷོ་ཕྱོགས་ཀྱི་ཨ་ཁུ་ཚོའི་ནང་ནས་ལག་འཁྱེར་གློག་ཀླད་ཡོད་མཁན་མང་པོ་བསྟན་ཆོག སྤྱིར་སྟངས་ཤེས་མེད་ཅལ་འདྲོགས་ལ་དགའ་བ་ཚོར་འགྲེལ་བ་དང་ཡང་འགྲེལ་མ་བརྒྱབ་ན་སྐད་ཆ་ར་འཕྲོད་དཀའ། ངས་ལྷོ་ཕྱོགས་ན་གློག་ཀླད་ཉར་མཁན་གྱི་གྲྭ་བ་མང་པོ་ཡོད་པ་རེད་ལབ་པ་མ་གཏོགས། ཆ་ཚང་གིས་ཉར་ཡོད་པ་རེད་ལབ་མེད། དེ་ཁྱེད་ཀྱིས་ཤེས་དགོས། ཁྱེད་རང་རྡ་ས་ནས་བསྡད་དེ་ལྷོ་ཕྱོགས་ཀྱི་ཨ་ཁུ་ཚོའི་ཤགས་ན་གློག་ཀླད་མེད་པ་མིག་གིས་མཐོང་སྟངས་ལ་བལྟས་ན་ཁྱེད་རང་མི་ཅི་འདྲ་ཞིག་ཡིན་ནམ་སྙམ་གི
ཨ་རོགས་ཚོ། ད་ཆོག་གི་པྰ། ངེད་ཚང་གི་ཞི་ལི་འདུག་གི་ཞོག་ཨྰ། བུ་ངར་བ་ཡོད་ན་ཁེར་ཐུག་བྱེད། ཧ ཧ ཧ། རྩེད་མོ་བཤད་ནི་མིན་ན་ཡོང་བྷ་ཁྲག་ཁ་རེག་རྒྱུའོ། དངོས་གནས་བཤད་ན་བདག་ལའང་སྤུན་གྱི་བསམ་ཚུལ་ལ་དོགས་འདྲི་དང་། སྒེར་གྱི་འདོད་ཕྱོགས་བཤད་རྒྱུ་ཡོད་པས་རྗེས་སུ་བལྟ་ཆོག ཚང་མ་གླེང་མོལ་ལྷུག་པོར་ཡོང་བའི་རེ་བ་ཆེ།
ཨོ་རེད། དེ་རིང་བདག་གི་སློབ་གྲོགས་རྙིང་བ་དབང་གྲགས་འབུམ་གྱི་རྩོམ་ཡིག་དེ་མཐོང་ནས་དགའ་བོ་ཞེ་དྲག་བྱུང་། འོན་ཀྱང་བདག་གིས་བལྟ་ཕྱོགས་ནོར་མེད་ན་སློབ་གྲོགས་དབང་གྲགས་ལགས་ཀྱི་སྐད་ཆ་དེ་ཡང་ཅུང་ཐལ་དྲགས་འདུག་ལ་གོང་གི་ཟུར་མཆན་བཀོད་པ་པོ་འགས་ཀྱང་ལྷོ་ཕྱོགས་ན་དབྱིན་ཡིག་སྦྱང་ས་ག་ཚད་ཡོད་ཡོད་འདྲ་བོའི་ཟོལ་ཞིག་གླེང་འདུག་པ་བདག་ལ་ངོས་ལེན་མེད། སྤྱིར་བདག་ལ་ངོས་ལེན་མེད་ཟེར་ན་ རང་ཉིད་མཆོག་ཏུ་བཟུང་བ་མིན་མོད་ དྲང་མོ་བཤད་ན་གྲྭ་ས་ན་ཅུང་དབྱིན་ཡིག་དང་ཀློག་ཀླད་སྦྱང་སའི་སྟབས་ལེགས་པོ་མེད་པར་འདོད་ ད་དུང་གོང་དུ་ཟུར་མཆན་བཀོད་པ་པོ་ཞིག་གིས་གྲྭ་ས་ན་གློག་ཀླད་རྒྱ་སྒོ་འདྲ་བ་རེ་ཉལ་ཡོད་་ཅེས་ཧ་ཅང་ཐལ་བའི་སྐད་ཆ་བྱུང་བཞིན་ཡོད་པ་ངེད་ཚོ་ཚང་མའི་མིག་གིས་མཐོང་ས་དང་མིག་གིས་རིག་ས་ཡིན་པས་དེ་འདྲའི་གླེན་བཤད་མ་བྱས་ན་བཟང་གི་འདོད་ཀི གང་ལྟར་ངེད་ཚོས་སྐད་ཆ་ག་འདྲ་ཞིག་བཤད་ན་ཆོག་གཙོ་བོ་དྲང་བདེན་གྱི་སྒོ་ནས་བཤད་དགོས་ལ་ སྐད་ཆ་དྲང་བདེན་མིན་ལ་ཕྱོགས་ཞེན་འདྲེས་ཡོད་ན་དེ་ལ་ཤེས་ལྡན་པ་ཞིག་གི་བསམ་བློ་མིན་པར་ཤེས་དགོས། ཨོ་བདག་ལ་མཚོན་ན་སྐད་ཆ་སྙན་པོ་བཤད་མི་ཤེས་པས་གལ་ཏེ་ནོར་བ་རེ་ཡོད་ན་དགོངས་འགལ་མེད་པར་ཞུ།
ཨ་ཚོགས་དབང་གྲགས་འབུམ་ལགས།
ཁྱོད་སྙིང་རྗེ། དགོན་པ་ལ་གསར་དུ་ཡོང་ནས་མཁན་ལས་ཟུར་རྣམས་ལ་སྨད་ར་བཏང་། དོན་དངོས་དང་མི་མཐུན་པའི་སྐྱག་རྫུན་བཤད། དབྱིན་ཅིའི་སྦྱང་མི་ཆོག་སའི་གྲྭ་ས་ཞིག་གང་ན་ཡོད་ཀི གྲྭ་ས་ནས་གློག་ཀླད་སྦྱང་མི་ཆོག་ན། ཨ་ཁུ་སྨོན་ལམ་གྱིས་གང་ནས་སྦྱང་བ་རེད། གློག་ཀླད་རྒྱ་སྒོ་འདྲ་བ་རེ་ཉར་བསྡད་མཁན་གྱི་ཨ་ཁུ་གྲངས་ཀྱིས་ཟིན་ནི་མ་རེད་
སློབ་གཉེར་གྱིས་ཁུངས་འཁྱོལ་གི་མེད་པའི་གྲྭ་བ་རེ་ཟུང་གི་ཁ་ལ་ཉན་ནས་ཧོལ་རྒྱུག་བྱས་ན་རྗེས་མར་རང་ཉིད་རྫུན་མ་ཆགས་ཉེན་ཡོད་པ་རེད། གནས་ཚུལ་ག་རེ་ཡིན་ན་བདེན་དོན་ལ་ཁ་ཕྱོགས་དགོས་པ་དེ་གལ་ཆེ་ནི་རེད། ཤེས་སོང་ངམ།
མི་རེ་ལ་བསམ་ཚུལ་རེ། རང་རང་གི་རིག་ཚད་རང་རང་གི་བདེན་པ་ཞིག་དུ་བསམ་ཆོག་པ་ལས། སྤྱི་ཚོགས་ཡོངས་ལ་བདེན་པར་གྲུབ་པའི་ངེས་པ་མེད་དུས། འདིའི་རིགས་ལ་དངོས་ནས་བསམ་བློ་གནད་དུ་འཁེལ་བ་ཞིག་བཏང་ནས་ཞུས་ན་ཡག་པོ་འདུག དེ་མིན་རིགས་གཅིག་རྐང་འཛིན་ཟེར་ན་རེད། བོད་བརྒྱུད་ནང་བསྟན་སྤྱོང་སའི་བསྟུ་གནས་ཟེར་ན་འགྲིག དངོས་ནས་རང་ལག་དུ་ཡོད་པ་དེ་ཡང་རང་ལག་ནས་ཤོར་དུ་འཇུག་འདོད་ཡོད་ན། སྐད་ཡིག་གཞན་དག་ལ་སྤྱོང་བ་ཐར་ཐོར་རེ་བྱོས་དེ་ཉིན་མ་འགྲོ་ཐུབ་རེ་བྱས་ན་མ་འགྲིག་པ་གང་ཡང་། ༧རྒྱལ་བ་ཚངས་དབྱངས་རྒྱ་མཚོས་ཀྱང་། ནོར་བུ་གཞན་ལ་་ཤོར་དུས།། འགྱོད་པ་གཏིང་ནས་སྐྱེ་སོང་།། གསུངས་པ་དེར་དགེ་འདུན་པ་དེ་དག་གིས་བསམ་བློ་ཞིབ་མོ་རེ་གཏོང་ཐུབ་ན་དངོས་ནས་ལེགས་པོ་འདུག་སྙམ་སོང་།
དགེ་སྐྱོན་གཉིས་ཀ་གླེང་ཤེས་ན་ཡག་པོ་འདུག། སྐྱོན་མ་གཏོགས་གླེང་མི་ཐུབ་པ་འདི་དངོས་གནས་ཡ་མཚན་རེད།
དབང་གྲགས་འབུམ་ལགས། ཁྱེད་རང་གིས་བཤད་བཤད་ཐམས་ཅད་བདེན་པར་འཛིན་མི་ཐུབ་ཅིང་ཐམས་ཅད་མི་བདེན་པ་ཤ་སྟག་ཀྱང་ཡིན་ས་མི་འགྲོ། གང་ལྟར་ཀྱང་ཁྱེད་རང་སོང་བའི་སོང་དོན་འགྲུབ་མི་འདུག ཁྱེད་ཀྱིས་སོམས་དང་། ཁྱེད་ཀྱིས་མཐོང་དགོས་པ་དེ་མཐོང་མེད། ཤེས་དགོས་པ་དེ་ཤེས་མེད། ཐུག་དགོས་པ་དེ་ཐུག་མེད། ཐམས་ཅད་གོ་ལྡོག་ཏུ་སོང་འདུག སྙིང་མ་རྗེ་ཡ་འགྲོ་སོང་འཕྲོ་བརླག་རེད་ཡ། ཁྱེད་ཀྱིས་ལྟོས་དང་གདན་ས་ན་ཆོས་སློབ་མཁན་དང་ཆོས་བསམ་མཁན་ཁོ་ན་ཞིག་ལ་དབྱིན་ཇི་སོགས་སྐད་ཡིག་གཞན་དག་སྦྱོང་ཁོམ་ཞིག་གང་ན་ཡོད། ད་དུང་དབྱིན་ཇི་ལ་སོགས་པའི་སློབ་གཉེར་དེ་དག་གིས་ནང་ཆོས་སློབ་གཉེར་ལ་ཕན་ཐོགས་ཇི་ཡོད། སྤྱིར་ན་ནང་ཆོས་ཟེར་བ་འདི་མི་ལ་ཕར་འགྲེལ་བཤད་རྒྱག་བྱེད་ཀྱི་ཆོས་ཤིག་མ་རེད། དེ་ནི་ཚུར་རང་ཉིད་རང་ལ་ངོ་སྤྲོད་བྱེད་ཀྱི་ཆོས་ཤིག་རེད། དེའི་རྐྱེན་གྱིས་རྗེ་གུང་ཐང་བས། ཐོས་དོན་རྒྱུད་ལ་སྦྱར་བས་བཙུན།།ཞེས་གསུངས་ཡོད་པ་རེད། སྤྱིར་ན་ནང་ཆོས་ནི་སློབ་སྦྱོང་ཞིག་དང་གདན་ས་ནི་སློབ་གྲྭ་ཞིག་དང་།་གྲྭ་བ་ནི་སློབ་མ་བྱས་པ་ཞིག་ལ་བསམས་ན་ཡོངས་སུ་ནོར་བ་རེད། གྲྭ་བ་དང་དགོན་པ་དེའི་ནང་ཆོས་གསུམ་ནི་འཇིག་རྟེན་གྱི་བྱ་བཞག་ལས་འདས་པ་ཞིག་ཡིན་སྟབས་གྲྭ་བས་དབྱིན་ཇི་སྦྱངས་ནས་ཞེ་པོ་ཞིག་བྱེད་བསམ་པ་དེ་ནི་ཆོས་པ་ལས་ལྡོག་སྟེ་འཇིག་རྟེན་དོན་གཉེར་ཅན་ཞིག་དང་སྐྱ་མིན་སེར་མིན་གྱི་རྣམ་ཐར་སྐྱོང་འདོད་ཡོད་པ་ཞིག་ཡིན་པ་ཁ་ཚོན་བཅད་ནས་བཤད་ཐུབ། དངོས་ནས་ཆོས་པ་ཞིག་བྱེད་འདོད་ཡོད་ན་དབྱིན་ཇི་སོགས་ནི་བགེགས་ཡིན། འོན་ཀྱང་དབྱིན་ཇི་སྦྱང་འདོད་ཡོད་ནའང་དེ་ནི་ནང་ཆོས་སྦྱངས་ནས་དགེ་བཤེས་བཏང་རྗེས་སྦྱང་ཆོག་པ་ཞིག་ཡིན།་དེའི་རྐྱེན་གྱིས་ནང་ཆོས་སྦྱོང་མཁན་ཞིག་ཡིན་ན་དབྱིན་ཇི་ཐོག་མའི་སློབ་སྦྱོང་དུ་བཟུང་ན་འགྲོ་སྟངས་འཔྱུག་སོང་བ་རེད། ཁྱེད་རང་གི་བསམ་པར་དབྱིན་ཇི་ཐ་ཐོར་རེ་ཤེས་ཚེ་ནང་ཆོས་ལས་སླ་པོ་ཞིག་རེད་བསམས་ནས་ཁ་བདེ་པོ་ཞིག་བཤད་པ་དེ་ཡང་རང་ཉིད་བསམ་བློ་སྨིན་མེད་པའི་རྟགས་མཚན་ཞིག་རེད།
ཨ་ཚོགས་དབང་གྲགས་ཟེར་བ་ལགས་་་་་་་་་་་་་ངས་ལྟས་ན་ཁྱེད་རང་གི་གནས་ཚུལ་འདི་ཡི་དོན་དངོས་ཐོག་མ་མཁྱེན་པ་ཡིན་རྒྱུ་མ་རེད་་་་་་་་་ད་དུང་ཁྱེད་རང་གི་ངས་གདན་སར་དབྱིན་ཇི་སློབ་པ་ཡིན་ཅེས་ངོ་གསོ་འདྲ་པོ་བཤད་གྱི་འདུག་་་་ཚན་རིགས་དང་ནང་ཆོས་སོགས་རིགས་པའི་གནས་ལུགས་ལ་སྤྱང་མཁན་སུ་ཞིག་གི་ངོས་ནས་བཤད་ན་རིགས་རྐང་འཛིན་གྱི་ལམ་ནས་རང་གི་ཕུག་བསམ་འགྲུབ་པ་པར་བྱེད་རྒྱུ་དེ་རེ་བ་དང་པོ་རེད་་་་་་་་ལྷག་དོན་ནང་ཆོས་སྤྱང་མཁན་ཞིག་ཡིན་ན་རྗེའི་གུང་ཐང་པ་ཆེན་པོའི་གསུང་བཞིན་རྩ་བ་བོར་ནས་ཡལ་གར་འཇུག་མི་རིགས་པ་ནི་་་་་་་་་དོན་དངོས་དངག་མཐུན་པ་ཞིག་ཡིན་་་་་་་་་ད་དུང་མི་ཞིག་ཡིན་ན་ཁོང་རང་གི་ནུས་པ་ལས་དཔག་པའི་སློབ་གཉེར་བྱེད་ཐུབ་པའ་ཞིག་ཡོད་པ་རེད་་་་་་་་་་་་་་འདི་དགོས་རིགས་དང་་དེ་མི་དགོས་པའི་རིགས་ཅེས་ས་མཚམ་གསལ་པོ་མེད་པའི་ཡིག་རིགས་དཔེ་ན་དབྱིན་ཡིག་དང་རྒྱ་ཡིག་་ད་དུང་་་་་་་་་ད་དུང་་་་་་དགོས་མེད་འདི་འདྲ་མང་པོ་ཞིག་སྦྱང་སྡོད་ན་་་་་་་་་དོན་ཐོག་ལ་ག་དུས་སླད་ཐུབ་དམ་ཅེས་དྲིས་བ་ཞིག་ཡོད་་་་་་་་་་་་་་་་་་་ད་དུང་བོད་ཡིག་བདག་བཟུང་གནང་མཁན་དེ་གདན་ས་ཁག་གི་དགེ་འདུན་རྣམ་རེད་་་་མ་གཞི་དབྱིན་ཇི་ཤེས་མ་ཤེས་ལ་ཁྱད་ག་རེད་འདུག་་་་་་་་་་དཔེ་ན་ཁྱེད་རང་་དང་ཁྱེད་གྱི་དགེ་ཕྲུག་ཡིན་ཟེར་མཁན་དབྱིན་ཡིག་མི་ཤེས་པ་དེ་ཚོའི་དོན་ངོ་མ་་ཁྱེད་རང་དང་ཁེ་ཕན་འམ་་ཡང་ན་་བཟང་ངན་གྱི་ཁྱེད་ག་རེ་འདུག་་་་་་་་་་་གསེར་ས་འོག་ཡོད་ན་འོད་ནམ་མཁའ་ལ་འཕྲོ་ཟེར་བ་བཞིན་སོ་སོ་ལ་གང་ཞིག་གི་ཤེས་ཡོད་ན་དབྱིན་ཇའི་མིའི་ཚུལ་ལ་བོད་ཡིག་སྤྱང་དེ་ནས་ནང་ཆོས་སྤྱང་གི་འདུག་པ་་་་་་་་་་་་དེ་འདྲ་མི་མང་པོ་ཡོད་རེད་པས་ཁྱེད་མཐོང་སོང་ཟེར་ན་མི་བདེན་
ཐོག་མར་སྐུ་ཉིད་གྲྭ་སར་ཕེབས་ནས་དབྱེན་ཡིག་གནང་བར་རྗེ་ཡིད་རངས་དང་བཀའ་དྲིན་ཆེ་ཞུ། འོན་ཀྱང་ཁྱོད་ཀྱིས་གདན་སར་དབྱེན་ཡིག་སྤྱོང་མི་ཆོག་པ་དང་སྤྱང་ས་མེད་པར་བརྗོད་པ་ནི་གཞི་མེད་སྐྱོན་འཛུགས་འབའ་ཞིག་ཡིན། གྲྭ་ས་དབྱེན་ཡིག་སྤྱང་སའི་གྲྭ་ཚང་སོ་སོར་སློབ་གྲྭ་ཚད་ལྡན་ཡོད་པར་ཁྱོད་གཟིགས་མ་བྱུང་ངམ། མ་ཟད་ཁྱོད་ཀྱིས་གྲྭ་བས་སྦྱོང་མ་ཆོག་པ་ཞིག་ཁྲིམས་འགལ་ཐོག་སློབ་འཁྲིད་གནང་གི་ཡོད་དམ?????????????????????????????
ཡ་ཨ་རོགས། སློབ་གྲོགས་དང་འཛིན་གྲོགས་རྙིང་བ་ལགས། གནས་འདི་ནས་ཁྱེད་ཀྱི་སེམས་སྟེང་གི་འགྱོད་གདུང་དྲག་པོ་ཞིག་དང་མཉམ་དུ་ཐུག་ཡོང་བསམ་བསམ་མེད། ཉིད་ཀྱི་སེམས་སྟེང་གི་རྡོག་སྒྲ་དེ་ངས་གསལ་བོར་ཐོས་ཡོད། མ་ཟད་ཉིད་ཀྱི་སེམས་སྟེང་གི་རྡོག་སྒྲ་འདིས་ལྷིང་འཇགས་སེ་གནས་པའི་ཁོར་ཡུག་ཅིག་གི་མཁྲེགས་འཛིན་རིང་ལུགས་པ་རྣམས་གཉིད་ལས་གྲོལ་དུ་གསོལ། དེང་རབས་ཅན་ལ་ཕྱོགས་པའི་ན་གཞོན་རྣམས་ཀྱི་མདུན་ལམ་སྔར་བས་ཀྱང་འོད་སྟོང་འཕྲོ་བར་ཤོག ངེས་པ་དོན་གྱི་དུས་རབས་ཉེར་གཅིག་པའི་ནང་པའི་དགེ་སློང་དག་ཏུ་འགྱུར་བར་ཤོག
ད་དུང་མུ་མཐུད་ཕེབས་ཤོག
ང་ཚོས་ཡུན་གྱིས་བགྲོ་གླེང་བྱེད་ཆོག