འདས་པའི་བདུན་ཕྲག་ནང་ཀར་ན་ཌ་ཀ་མངའ་སྡེ་བྱང་ཕྱོགས་ཁུལ་གྱི་རྫོང་ཁག་འགའི་ནང་བསྟུད་མར་ཆར་ཆུ་ཤུགས་ཆེར་བབས་ཏེ། མི་རྒྱུ་གཉིས་ལ་ཚབས་ཆེའི་གོད་ཆག་བྱུང་བའི་སྐབས་འདིར་ས་གནས་སུ་རོགས་སྐྱོར་གྱི་ཞལ་འདེབས་བསྡུ་མགོ་བརྩམས་སོང་།
ཕྱི་ཚེས་ ༨ ཉིན་ནམ་དེ་རིང་ཉིན་རྒྱབ་ཆུ་ཚོད་ ༢ དང་སྐར་མ་ ༣༠ སྟེང་སྦེལ་ཀོབ་མཉམ་འབྲེལ་ཚོགས་ཁང་ནང་ལུགས་བདེ་གཉིས་ཀྱི་གཞིས་མགོའི་ལས་ཚབ་རྣམ་གཉིས་དང་མཉམ་འབྲེལ་ཚོགས་གཙོ་རྣམ་གཉིས། དགོན་སྡེ་ཁག་དང་གཞིས་གྲོང་ཁག་གི་སྤྱི་མི། གཞོན་ནུ་དང་བུད་མེད་སོགས་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་གནད་ཡོད་མི་སྣ་ཁག་མཉམ་དུ་འཛོམས་ཏེ། ཀར་ན་ཌ་ཀ་མངའ་སྡེ་བྱང་ཕྱོགས་ཁུལ་གྱི་རྫོང་ཁག་འགའི་ཡུལ་མིར་ཆུ་ལོག་གིས་གནོད་སྐྱོན་ཕོག་པར་ཛ་དྲག་ཐོག་མི་མང་ནང་ཞལ་འདེབས་བསྡུ་རྒྱུའི་སྐོར་ལ་གྲོས་བསྡུར་བྱས་ཡོད།
ཚོགས་མི་རྣམས་ཀྱིས་གྲོས་བསྡུར་ཟབ་རྒྱས་བྱས་མཐར། ཐེངས་འདིའི་ཞལ་འདེབས་བསྡུ་སྟངས་ཐད་རིགས་གསུམ་དུ་དབྱེ་བ་དང་། དང་བོ། ལས་བྱེད་རྣམས་ཀྱིས་རང་ཉིད་ཀྱི་ཕོགས་ཐོབ་ལས་ཉིན་གཅིག་གི་ཕོགས་ཐོབ་ཞལ་འདེབས་སུ་འབུལ་རྒྱུ་དང་། གཉིས་པ། མི་མང་ངོས་ནས་མི་གཅིག་གིས་ཉུང་མཐར་ཧིན་སྒོར་ ༥༠ ལས་མ་ཉུང་བ་འབུལ་རྒྱུ་དང་། གསུམ་པ། ཚོགས་སྡེ་ཁག་གིས་ལོགས་སུ་ཞལ་འདེབས་འབུལ་རྒྱུ་བཅས་ཀྱི་ཐག་གཅོད་བྱུང་བ་དང་། ས་གནས་འདིའི་དགོན་སྡེ་ཁག་ཏུ་དགེ་འདུན་པ་རྣམས་ཀྱིས་མི་རིང་བར་ཐེངས་འདིར་ཆུ་ལོག་གིས་འདས་གྲོངས་སོང་བའི་ཡུལ་མི་རྣམས་ཀྱི་ཆེད་དུ་དུས་ཚོད་ངེས་མེད་ཀྱི་བསྔོ་སྨོན་ཡང་གསུང་རྒྱུ་བཅས་ཀྱི་ཐག་གཅོད་བྱས་ཡོད། སང་ཉིན་ནས་ཞལ་འདེབས་བསྡུ་བའི་ལས་རིམ་མགོ་འཛུགས་ཀྱིས་ཉིན་ལྔའི་ནང་ཞལ་འདེབས་ཡོངས་རྫོགས་བསྡུ་ཚར་རྒྱུ་མ་ཟད། ཐེངས་འདིར་ལུགས་བདེ་གཉིས་ཀྱི་དམིགས་བསལ་སྐུ་ཚབ་ཆེད་གཏོང་གིས་ཞབས་འདེབས་བསྡུས་པ་རྣམས་འབྲེལ་ཡོད་སྡེ་ཁག་གམ་ཡང་ན་ཀར་ན་ཌ་ཀ་མངའ་སྡེའི་སྤྱི་ཁྱབ་བློན་ཆེན་མཆོག་གི་ཕྱག་ཏུ་འབུལ་དུ་ཕེབས་རྒྱུའི་ཐག་གཅོད་ཀྱང་བྱས་ཡོད།དེ་བཞིན། དེ་རིང་བོད་གཞུང་ནང་སྲིད་ལས་ཁུངས་ནས་ལྷོ་གཞིས་ཁག་ལྔར་ཕྱག་འཕྲིན་ཞིག་འབྱོར་བའི་ནང་། ཀར་ན་ཌ་ཀ་མངའ་སྡེ་གཞུང་དེ་བཙན་བྱོལ་བོད་མི་རྣམས་ལ་བཀའ་དྲིན་ཆེན་པོ་ཡིན་སྟབས། ཐེངས་འདིར་ཆར་ཆུས་གནོད་སྐྱོན་ཐེབས་པའི་ཡུལ་གྱི་རྫོང་ཁག་ནང་ཡུལ་མི་བརྒྱ་ཕྲག་ཁ་ཤས་ཀྱི་ཚེ་སྲོག་ཤོར་བ་དང་། ཁྲི་ཚོ་མང་བོར་རྒྱུ་དངོས་ཀྱི་གོད་ཆག་ཤུགས་ཆེར་བྱུང་བའི་སྐབས་འདིར། ལྷོ་གཞིས་ལྔའི་སྤྱི་སྒེར་དང་ཚོགས་སྡེ་ཁག མི་མང་བཅས་སུ་ཞལ་འདེབས་རྒྱ་གང་ཆེ་བསྡུ་རུབ་ཀྱིས་ལྷོ་སྤྱི་བརྒྱུད་མངའ་སྡེའི་སྤྱི་ཁྱབ་བློན་ཆེན་ནམ་རྫོང་དཔོན་སོ་སོར་ཐད་འབུལ་ཡོང་བའི་བཀའ་སློབ་ལམ་སྟོན་ཡང་གནང་ཡོད་འདུག
ཞལ་འདེབས་འབུལ་བའི་ལས་རིམ་ལ་དགའ་བསུ་ཡོད། དེ་དང་མཉམ་དུ་ཕན་སེམས་དགོས་པའང་གལ་ཆེན་པོ་མཐོང་གི་འདུག
ངའི་འདི་ནས་ཚང་མ་ལྟ་ཐུབ་ཀི་འདུག ཨོ་བྷ་མའི་སྐོར་གྱི་གནས་ཚུལ་གང་དུ་འདུག མགྱོགས་པོར་གསུང་དང་། དུས་བབ་ཚང་གིས་བཀོད་མི་འདུག་ག
གོང་འཁོད་གནས་ཚུལ་ལས།་་་་རོགས་སྐྱོར་ཞལ་འདེབས་བསྡུ་མགོ་བརྩམས་པ།
ཞེས་
པ་ཙམ་ལས་དེ་མིན་ཡིག་གཟུགས་མི་ཤར་བས་གནས་ཚུལ་དྲང་བདེན་ལ་རྒྱབ་སྐྱོར་དང་།་ངན་པར་རྒྱབ་བསྟོད་ཀྱི་གནས་ཚུལ་ཡོད་ངེས།་་་་་་་་་་་་་གནས་ཚུལ་གསར་པ་ཞིག་ལ་ཨ་རིའི་སྲིད་འཛིན་མཆོག་ལ་ཞི་བདེའི་གཟེངས་རྟགས་འབུལ་གཏན་འཁེལ་བར་བཀྲ་ཤིས་བདེ་ལེགས་ཡོད་ད།་་་་་་་་་་་དེ་ཡང་མིང་མཚུངས་པ་ཞིག་ཡོང་བའི་སྨོན་འདུན་ཡང་ཡོད་ད།
མི་སེར་དེ་དག་ལ་ཞལ་འདེབས་གནང་རོགས་སྙིང་རྗེ།
ཨོ་ད་ཁྱོད་ཚོས་སྤྱང་ཀིར་ཤ་བཅོལ། དངོས་ནས་ལྷག་བསམ་དང་སྙིང་རྗེ་སྐྱེས་ནས་ཞལ་འདེབས་ཕུལ་བཞིན་ཡོད་ན་ཆུ་ལོག་བྱུང་ས་རུ་ཉམ་ཐག་པའི་མི་སེར་དེ་ཚོར་མི་སྤྲོད་པར་བཞུགས་ཁྲི་ཐོག་དང་ལྟོ་གཞུང་ཐོག་ཡིན་པའི་དཔོན་པོ་ཞིག་གི་ལག་ཏུ་འཇོག་དགོས་བ་ག་རེ་ཡིན་ནམ། མངའ་སྡེ་གཞུང་གི་ལྟག་སྒོར་འཛུལ་རྒྱུ་ཡིན་ན་མི་སེར་དེ་ཚོ་སྙིང་མ་རྗེ།