ཟླ་སྔོན་མའི་ཕྱི་ཚེས་ ༢༨ ཉིན་མཚོ་སྔོན་སྒྲོལ་མ་སློབ་གསོ་རོགས་སྐྱོར་ཚོགས་པས་མཚོ་སྔོན་ས་ཁུལ་གྱི་སློབ་གྲྭ་ཆེ་ཁག་གི་སློབ་མ་ཉམ་ཐག་ ༢༡ ཙམ་ལ་རྒྱ་སྒོར་ ༨༠༠ རེ་སློབ་ཡོན་རོགས་རམ་གནང་རྒྱུའི་ཚོགས་འདུ་ཞིག་ཚོགས་ཡོད་པ་དང་། ཚོགས་འདུ་དེའི་སྟེང་མཚོ་སྔོན་དགེ་ཐོན་སློབ་ཆེན་མི་རིགས་དགེ་འོས་སློབ་གླིང་གི་འགན་འཛིན་གཞོན་པ་རྒྱ་ཡེ་བཀྲ་བྷོ་དང་། མཚོ་སྔོན་སློབ་གྲྭ་ཆེན་མོའི་བོད་ལུགས་གསོ་རིག་སློབ་གླིང་གི་དགེ་རྒན་བན་དེ་ཚེ་རིང་། མཚོ་སྔོན་དགེ་ཐོན་སློབ་གྲྭ་ཆེན་མོའི་དགེ་རྒན་རྡོ་རྗེ་ཚེ་རིང་སོགས་གནད་ཡོད་མི་སྣ་མང་པོ་ཕེབས་ཡོད་འདུག་ལ། ཚོགས་ཐོག་ནས་སྒྲོལ་མ་སློབ་གསོ་རོགས་སྐྱོར་ཚོགས་པའི་ཚོགས་མི་རྣམ་པ་དང་སློབ་གྲྭ་ཁག་གི་སྐུ་ཚབ། དེ་བཞིན་འབྲེལ་ཡོད་ལས་ཁུངས་ཁག་གི་མི་སྣ་དང་ཐེངས་འདིར་རོགས་སྐྱོར་ཐོབ་པའི་སློབ་མ་བཅས་ནས་འབྱུང་འགྱུར་བོད་ཀྱི་སློབ་གསོ་ཇི་ལྟར་འཕེལ་རྒྱས་སུ་གཏོང་ཕྱོགས་དང་། ཚོགས་པ་འདིའི་མ་འོངས་པའི་ལས་དོན་བྱེད་ཕྱོགས། དེ་བཞིན་ཧ་ཅང་ཛ་དྲག་གཉན་འཕྲང་འོག་གནས་པའི་མཚོ་སྔོན་མཚོ་ཤར་ས་ཁུལ་གྱི་བོད་སྐད་དང་བོད་ཡིག་གི་གནས་བབ་མྱུར་སྐྱོབ་བཅས་ལ་བགྲོ་གླེང་གོ་བསྡུར་གནང་ཡོད། ཅེས་མཚོ་སྔོན་བོད་སྐད་རླུང་འཕྲིན་ནས་བསྒྲགས་ཡོད།
གཞན། སློབ་ཆེན་སློབ་མ་ཚོས་གསེར་ལས་དཀོན་པའི་དབྱར་གནང་དང་དགུན་གནང་གི་དུས་ཚོད་བེད་སྤྱོད་གཏོང་ཕྱོགས་དང་། སློབ་ཆེན་ཐོན་རྗེས་བོད་མི་རིགས་ཀྱི་སློབ་གསོའི་ལས་དོན་ཐད་ཇི་ལྟར་བྱས་རྗེས་འཇོག་རྒྱུ་སོགས་ཀྱི་ཐད། མིག་རྒྱང་རིང་ཞིང་དོན་སྙིང་ལྡན་པའི་བསམ་གཞིག་དང་གྲོས་བསྡུར་བྱས་ཡོད་འདུག ད་དུང་ཉིན་དེའི་ཚོགས་ཐོག་ནས་སྒྲོལ་མ་སློབ་གསོ་རོགས་སྐྱོར་ཚོགས་པའི་འདས་པའི་ལོ་གཅིག་རིང་གི་ལས་བསྡོམས་དང་། འབྱུང་འགྱུར་ ༢༠༡༠ ལོའི་ལས་འཆར་སྐོར་སྙན་སྒྲོན་ཞུས་པར་ཚོགས་ཞུགས་པ་ཡོངས་ནས་ཧ་ཅང་དགའ་བསུ་ཆེན་པོ་ཐོབ་ཡོད་པ་མ་ཟད། མ་འོངས་པར་མུ་མཐུད་རྒྱབ་སྐྱོར་གནང་རྒྱུའི་བསམ་པ་བསྟན་ཡོད་འདུག
མཚོ་སྔོན་སྒྲོལ་མ་སློབ་གསོ་རོགས་སྐྱོར་ཚོགས་པ་ནི། མཚོ་སྔོན་མཚོ་ལྷོ་བོད་རིགས་རང་སྐྱོང་ཁུལ་མང་ར་རྫོང་སློབ་གསོ་སྡེ་ཁག་ནས་བགྲེས་ཡོལ་དུ་ཕེབས་པའི་བོད་རིགས་ལས་བྱེད་རྒན་པ་མཁའ་འགྲོ་རྒྱལ་གཙོས་པའི་ཟི་ལིང་གྲོང་ཁྱེར་གྱི་བོད་རིགས་ཤེས་ལྡན་པ་སྐོར་ཞིག་གི་སྣེ་ཁྲིད་འོག མཚོ་སྔོན་ཞིང་ཆེན་ནས་དེབ་སྐྱེལ་ཆོག་མཆན་ཐོབ་པའི་ཁྲིམས་མཐུན་གྱི་ཚོགས་པ་ཞིག་གི་ངོ་བོར་གྲུབ་ཡོད་པ་དང་། ཕྱི་ལོ་ ༢༠༠༨ ཟླ་ ༡ ཚེས་ ༡ ཉིན་ཚོགས་པ་དངོས་སུ་སྒོ་འབྱེད་བྱས་ཏེ། ད་བར་བོད་རིགས་མཐོ་རིམ་སློབ་མ་ ༤༢ ཙམ་ལ་རོགས་དངུལ་སྤྲད་ཡོད་པ་མ་ཟད། སློབ་གྲྭའི་དབྱར་གནང་དང་དགུན་གནང་གི་གོ་སྐབས་དང་བསྟུན་ཏེ། སློབ་ཆེན་སློབ་མ་གོ་སྒྲིག་གིས་མཚོ་ཤར་ས་ཁུལ་གྱི་བོད་སྡེ་ཁག་ཏུ་བསྐྱོད་དེ་བོད་ཡིག་བོད་སྐད་ཀྱི་སློབ་ཁྲིད་དང་། འཚོ་བའི་རྒྱུན་ཤེས་དང་ཀུན་སྤྱོད། བསམ་བློའི་སློབ་གསོའི་གནས་ཚད་ཡར་རྒྱས་ཐད་ལས་དོན་བསྒྲུབས་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཕྱི་རྒྱལ་ཁག་ཏུ་བཞུགས་པའི་བོད་རིགས་འབྱོར་ལྡན་ཚོས་བཙན་བྱོལ་གྱི་ནང་དུ་འདི་ལྟའི་ལས་འགུལ་སྤེལ་ན་ཅི་འདྲའི་དགོས་མཁོ་ཅན་ཞིག་མ་ཡིན་ནམ།
ཡིན་ན་ཡང་༌༌
ཨ་རོགས་བློ་བཟང་ཚེ་རིང་ལགས། ང་ད་ལྟ་དྲ་ངོས་ན་ཡོད།
མི་ཉག་ལགས། ད་ལྟ་དྲ་ངོས་ན་ཡོད་དམ།
ཤ་ཁྲག་རུས་གསུམ་ལགས་ཀྱིས་སྐད་ཆ་དེར་དགོད་རེ་ཤོར་རྒྱུ་ཡོད་པ་མ་ཟད་རྒྱབ་ལྗོངས་ན་གནད་འགག་ཅན་གྱི་གོ་རྒྱུ་ཅིག་ཀྱང་འདུག་སྙམ། སྐབས་རེ་མི་ལོ་༥༠་སོང་ཚར་བའི་ཡུལ་གྱར་བའི་འཚོ་བར་བསྐྱལ་ཟིན་པ་རྣམས་དང་ད་ལྟའང་ང་ཚོར་ཅི་ཡང་ཐོབ་མེད་པའི་སྐྱོ་སྣང་གིས་ཚོར་སྣང་རེ་རེས་ང་ཚོ་ལག་ཆད་ཁ་སྟོང་ཤ་སྟག་དང་ཁྱད་པར་ཅི་ཡོད་ན་སྙམ་པའི་གོ་རྒྱུ་ཞིག་འདུག
ཤ་ཁྲག་རུས་གསུམ་ལགས་ཀྱི་སྐད་ཆ་དེར་དགོད་གཅིག་ཤོར་བྱུང་།
གང་ཡང་མེད་ལགས། དེའི་ཐད་དུ་དགོངས་དག་ཞུ། ང་ནི་ལག་ཆད་ཁ་སྟོང་ཞིག་ཡིན་ལགས།
དྲ་གྲོགས་ཤ་ཁྲག་རུས་གསུམ་ལགས།ནམ་རྒྱུན་གཞན་སྨད་ར་ཁོ་ན་གནང་ན་ཡག་པོ་མ་རེད།་དངོས་གནས་རེད་བོད་གཞིས་ལུས་མི་མང་གིས་ཕྱག་ལས་གནང་ཕྱོགས་རླབས་ཆེན་རེད།སྐུ་ཉིད་ནས་བོད་གཞིས་ལ་མཐུན་འགྱུར་རོགས་རམ་ག་ཚོད་ཅིག་གནང་ཐུབ་ཡོད་ན།
བོད་རྒྱ་ཆེ་གཞིས་ལུས་མི་མང་གིས་བྱེད་སྟངས་དེ་དག་ནི་དངོས་ནས་བྱེས་ཀྱི་བོད་མི་དག་གིས་སློབ་དགོས་ཀྱི་འདུག་ལ། གང་ཅིའི་ཐད་ནས་རོགས་རམ་བྱེད་ཐུབ་ས་འདྲ་ཡོད་ན་བྱེད་དགོས་ཀྱི་འདུག
ནོར་བཅོས།གངས་རིའི་འབྱུང་འགྱུར་ལ་རྒྱང་བལྟ་
མི་རིགས་ཤིག་རྨོངས་གཉིད་ལས་བསླངས་དགོས་ན།་ཤེས་ཡོན་གྱི་རྨང་གཞི་ངེས་ཅན་ཞིག་ངེས་པར་འཇོག་དགོས་པ་གདོན་མི་ཟ་ན།
གཞིས་སྡོད་བོད་རིགས་རྒན་རབས་པ་དག་གི་སྐུ་དྲིན་ལ་འཁྱག་རོམ་ལྟ་བུའི་དམར་གཞུང་གི་སྲིད་བྱུས་འོག་བོད་མི་རིགས་ཀྱི་ལས་དབང་ལ་དྲོལ་ཁོལ་དང་གངས་རིའི་འབྱུང་འགྱུར་རྒྱང་ཐུབ་པའི་སྒྲོན་མེ་སྦར་བཞིན་འདུག།སེམས་གཏིང་ནས་ཡི་རང་དང་བསྔགས་བརྗོད་ཞུ་རྒྱུ་ཡིན།