འདི་ནི་རྒྱ་གར་ནས་བོད་པའི་གཞིས་ཆགས་ཁག་ནས་ལོ་རེ་བཞིན་འབྱོར་བཞིན་པའི་ད་ལོའི་ལོ་འདིར་སླེབས་པའི་སོ་ནམ་སློབ་སྤྱོང་བ་དེ་དག་གི་བཟོས་པའི་དུས་དྲན་མཛད་སྒོ་ཚོགས་ཡུལ་གྱི་རྣམ་པ་དངོས་རེད།
གར་སྟེགས་འགྲམ་གྱི་མགྲོན་པོ་དག་ལ་གྲ་སྒྲིག་བྱས་པའི་རྐུབ་སྟེགས་གཡར་མ་ཡིན། མགྲོན་པོ་མི་ཉུང་བ་ཞིག་གིས་ཁོང་ཚོས་འཁྲབ་སྟོན་བྱེད་རྒྱུར་སྒུག་བཞིན་པའི་རྣམ་པ་རེད།
སོ་ནམ་སློབ་སྤྱོང་གི་ཞོར་དུ་ལས་ཀ་བྱེད་བཞིན་པའི་སློབ་མ་ལྔ་བཅུ་འདི་རུ་ཡོད་ལ། ཁོང་ཚོས་གཞས་སྣ་འཁྲབ་སྟོན་དང་གཏམ་བཤད་གྲུབ་རྗེས་སུ་ཚང་མའི་མགྲིན་གཅིག་དུ་བོད་རྒྱལ་ཁབ་ཆེན་མོའི་རྒྱལ་གླུ་ལེན་བཞིན་ཡོད་པ་རེད།
སྤུན་ཟླ་ཚོ། ཁོང་ཚོས་རང་རང་གི་ཉིན་གཅིག་གི་ལས་ཀའི་སྒོར་མོ་དང་འགྲོ་སོང་སོགས་ལ་བསམ་བློ་མ་བཏང་བར་འདུ་འཛོམ་འདི་འདྲ་ཞིག་བྱས་པ་དེར་ཁྱེད་ཅག་གི་ག་འདྲ་ཞིག་བསམ་གྱི་འདུག་ལགས། ལྷག་པར་དུ་ཁོང་ཚོ་ལ་བོད་ཀྱི་རྒྱལ་དར་ཞིག་དང་། དར་ལྕོག་ཆ་གཅིག་ལས་མེད་ཀྱང་། རང་རང་གི་ནང་གི་ཉལ་གདན་གཙང་མ་རེ་འཁུར་ནས་འོང་དེ་གར་སྟེགས་ཀྱི་རྒྱབ་ཡོལ་བཟོས་པ་རེད། ཁོང་ཚོ་ཚང་མས་རང་གི་ཕ་ཡུལ་གཏན་ནས་རིག་མྱོང་མེད་ཀྱང་། རང་གི་རྒྱལ་ཁབ་ལ་བཅིངས་པའི་ཤ་ཞེན་ནི་དངོས་ནས་ཟབ་མོ་རེད། ཁོང་ཚོ་ལ་རིགས་ཞེན་ཟབ་མོ་འདི་འདྲ་ཞིག་གང་ནས་སླེབས་པ་རེད་དམ། ཡིན་ཡང་། ཁོང་ཚོས་ནང་དུ་དབྱིན་ཡིག་དང་དབྱིན་སྐད་མི་ཤེས་མཁན་མེད་པ་ཡིན། འོན་ཀྱང་། ཡ་ང་བ་ཞིག་ལ་ཁོང་ཚོས་ནང་དུ་བོད་ཡིག་གི་སྟེང་ནས་འཕྲིན་ཡིག་ལེགས་པོ་ཞིག་འབྲི་ཐུབ་མཁན་ཡང་དཀོན་པོ་ཆགས་ཡོད་པ་རེད། རྒྱུ་མཚན་དངོས་ནས་དེ་ནི་ཁོང་ཚོ་ལ་ནོར་འཁྲུལ་ཡོད་པ་རེད་དམ། ཁོང་ཚོ་བསྐྱེད་སྲུང་བྱེད་མཁན་གྱི་ཕ་མ་དེ་དག་གི་ནོར་འཁྲུལ་ཆགས་ཡོད་པ་རེད།
སྲ་མོ་རྡོ་སྙིང་ཅན་གྱི་སྐུལ་ལྕགས་དང་།
རྟ་འགྲིན་ཚེ་རིང་ལགས་ཀྱི་བསྟོད་བསྔགས་དང་།
ཁ་བ་དཀར་པོ་ལགས་ཀྱི་གཟུར་ནས་དང་།
སྐར་མ་ཁྲི་བཙན་ལགས་ཀྱི་ཉམ་མྱོང་དང་།
གཅན་བཟོད་རྒྱམ་ལགས་ཀྱི་རྩེད་དགོད་དང་།
དབུས་ཕྲུག་ཚེ་རིང་ལགས་ཀྱི་བརྟག་དཔྱད་སོགས།
སྤུན་ཟླ་ཚང་མའི་ཚིག་གི་ནུས་པ་སོགས།
བུ་ངའི་སེམས་སུ་འཛིན་པར་སྤྲོ་བ་ཡོད།
ཡིན་ཡང་ལས་ངན་རྒན་པོ་བྲེལ་བ་ཡིས།
ཡིག་ནོར་བསམ་བཞིན་འབྲི་བཞིན་མེད་ན་ཡང་།
དེབ་དང་འདྲི་ས་མེད་པའི་ཁོར་ཡུག་ནས།
མཚམས་རེར་ནོར་འཁྲུལ་བྱས་སར་ཚང་མ་ཡིས།
ཐུགས་འཁུར་མུ་མཐུད་གནང་རྒྱུའི་རེ་བ་ཡོད།
དྲ་གྲོགས་བོད། ཤ་ཁྲག་རུས་གསུམ་ལགས། རྒྱུན་པར་ལྟ་ཀློག་བྱེད་ཀྱིན་ཡོད། དེ་ནི་ཁོར་ཡུག་དང་རང་ཉིད་ཕ་མ་ཚང་མར་ལྕི་ཡང་བཞིན་ནོར་འཕྲུལ་ཡོད་སྙམ།
རྗེ་མ་ཞིག་ལ་ཁྱོད་ཀྱི་ཞི་མོས་ཁྱོད་ལ་༼རྒྱུ་མཚན་དངོས་ནས་དེ་ནི་ཁོང་ཚོ་ལ་ནོར་འཁྲུལ་ཡོད་པ་རེད་དམ། ཁོང་ཚོ་བསྐྱེད་སྲུང་བྱེད་མཁན་གྱི་ཕ་མ་དེ་དག་གི་ནོར་འཁྲུལ་ཆགས་ཡོད་པ་རེད། ༽འདི་ལྟར་མི་བཤད་པའི་ཆེད་དུ་ཁྱོད་རང་གིས་བོད་ཡིག་ཡར་རྒྱས་སྤྱི་དང་སྒོས་སུ་དག་ཆ་དང་ཕྲད་རྣམ་དབྱེ་སྦྱོར་སྟངས་སོགས་ལ་ཅི་བས་ཀྱང་ཡང་དག་ཅིག་སྦྱོངས་དགོས་འདུག་གོ།
ཧ་ཧ་ཧ་ཧ། ད་ཐེངས་ད་ཤ་ཁྲག་རུས་གསུམ་ལ་དགེ་རྒན་རྒན་པ་ཞིག་རག་འདུག དགེ་བ་ཡོང་ང་། སྔོན་ཆད་བསེ་རུ་ངེད་གཉིས་ཀྱིས་ཅིག་ལབ་ཁུལ་བྱས་ནི་རེད། མ་བ་ནི་རེད། དེང་སང་ཨ་ཁུ་ཁ་བས་སློབ་བཞིན་འདུག་གཱ ཨ་རོགས་ཤ་ཁྲག་གློའུ་ཟིག་འདྲ་མོ། ད་ཐེངས་ད་ཁྱོས་ཡག་པོ་ཞིག་སྦྱོངས་མ་གཏོགས། ཡུམ་འདོན་ཁྱོད་ལ་རྣམ་སྨིན་ཡིན་ཡང་འཁོར་ཡོང་ད། ཞ་ཡེ་ཟིག་གི་ཕ་རྒན་ཆགས་འདུག་ན་ད་དུང་ཁ་ལེན་ཚིག་བརྩི་བྱེད་མི་ཤེས་ཀི ཁྱོས་རང་གི་བྱིས་པར་སློབ་གསོ་ཅི་ལྟར་སྤྲོད་རྒྱུ། ད་དུང་སྐྱོན་ལ་མཛུན་མོ་ཚུགས་ཡིན་ན་ཅིག་ཟེར་ནས། ཁ་རྒྱགས་པ་ལ་དཔེ་རེད་འདུག ཧ་ཧ་ཧ། ཨ་ལ་ངས་ཁྱོད་ལ་ཀུ་རེ་བྱས་ནས་ཡིན།
ཨོ་རེད། ད་ཐེངས་ཁྱོད་ཀྱིས་རང་ཉིད་འདུག་སའི་ས་གནས་ཀྱི་བྱས་འབྲས་ཡིག་ཐོག་ཏུ་བཀོད་དེ་དྲ་གྲོགས་ཚོའི་སྤྱན་ལམ་དུ་དྲངས་པ་ཐུགས་རྗེ་ཆེ་ཞུ།
དྲ་གྲོགས་ཤ་ཁྲག་རུས་གསུམ་ལགས་བཀླགས་ཟིན། གུས་པས་གཞིག་ན་སློབ་ཕྲུག་དེ་ཚོའི་བོད་ཡིག་གི་ཤེས་ཚད་དམན་པ་དེ་ཁག་མི་འདུག བོད་པའི་སྤྱི་ཚོགས་ཀྱི་ལས་སྣེ་བ་དག་གིས་དོ་སྣང་རེ་བྱས་ན་ཡག་པོ་འདུག་དྲན་བཞིན་ཡོད། རྒྱུན་དུ་བོད་པའི་རྩ་དོན་ཞེས་ནས་མ་ཎི་འདོན་འདོན་བྱེད་པ་ལས་ལག་ལེན་ངོ་མ་ཕྱིར་མངོན་རྒྱུ་དེ་གལ་ཆེ་བར་འདོད། མི་སུ་ཡིན་རུང་ཆུང་བྱིས་པའི་དུས་ནས་བསྐྱེད་སྲང་བྱེད་མཁན་ལ་རག་ལས་པ་ཆོས་ཉིད་ཀྱིས།
ཉམས་མྱོང་ཡོད་ནའང་ཁ་འཁྲུལ་དང་ཕ་འཕྲུལ་གཉིས་ནོར་འདུག་པས་ངས་ཁྱོད་ཀྱི་ཟིན་བྲིས་ནང་ནས་བསྟན་ཡོད། ས་སུ་ག་བ་ད་དྲག་ཏུ་ངས་ཀྱང་ཤེས་ཀྱིན་ཡོད་མོད་ཆ་ཚང་བཟོ་བཅོས་བྱེད་ཁོམ་མི་འདུག
མགྲིན་གཅིག་དུ་མ་རེད་མགྲིན་གཅིག་ཏུ་རེད། ས་སུ་ག་བ་ད་དྲག་ཏུ། །ཟེར་གི་ཡ། ཞོར་ལས་ཡིན། ལྷ་ཀླུ་གཉན་གསུམ་དང་སྲ་མོ་རྡོ་ཁྱོད་གཉིས་ཀས་མ་ཤེས་པའམ་མ་མཐོང་བ་གང་ཡིན་མ་ཤེས། མ་ཤི་བར་དུ་ཡིག་ནོར་འདིས་རྗེས་མི་གཏོང་། ང་ལ་ཉམས་མྱོང་ཕྲན་བུ་ཞིག་ཡོད།
དེ་ར་ཡག་པོ་འདུག
ཁོ་ཚོ་སྐྱེས་དུས་བོད་བཙན་བྱོལ་གཞུང་འདི་ཟ་འཐུང་གི་དཀའ་ངལ་ལས་ཀྱང་ཐར་མེད་པས་ཁོ་ཚོའི་ཕ་མར་བཟང་ངན་དང་ཡག་རྩོག་གི་གདམས་ཀ་ཆེན་པོ་མེད་པ་དེ་ཤེས་བར་གྱིས། གཞན་སྐྱོན་བཤད་རྒྱུར་བྲེལ་བ་མ་ལངས། ཁྱོད་ལ་སུམ་རྟགས་དག་གསུམ་གྱི་དེབ་ག་ཚོད་དགོས་དགོས་ཡོད་པས། རང་གི་ཡིག་ནོར་དེ་དག་ལ་དག་བཅོས་བྱེད་པའི་ཐོབ་ཐང་སུས་འཕྲོག་སོང་།
སྲ་མོ་རྡོ་ལགས། ཡིག་ནོར་གང་དུ་ཡོད་ན་དེ་རུ་འཛུབ་མོ་རེ་འཛུགས་རོགས་ཞུ། ང་ནི་མ་ཤེས་པར་ཡིག་ནོར་འབྲི་མཁན་དང་མཚམས་རེར་ཤེས་ཀྱང་བཏགས་ནོར་ཤོར་བ་སོགས་ཡོང་གི་ཡོད་པ་ཡིན་ལགས། ཐུགས་རྗེ་གཟིགས་ལམ་སྟོན་བྱེད་རྒྱུ་མ་བརྗེད་ཅིག་ལགས།
རིག་གནས་སྲུང་སྐྱོབ་བྱེད་འདོད་ཡོད་པ་བདེན་ན་ཡིག་ནོར་འདི་དག་རྩ་མེད་ལ་གཏོང་རོགས། དེ་མིན་ཨ་ཕ་ན་བཞིན་འདུག་ཅེས་གཅར་བརྡུང་བྱས་བ་དང་གཅིག་པ་རེད།
གཏམ་བཤད་འགྲུབ་རྗེས་སུ་ཚང་མའི་མགྲིན་གཅིག་དུ
གཏམ་བཤད་གྲུབ་རྗེས་ཚང་མས་མགྲིན་གཅིག་དུ