བོད་ཀྱི་དུས་བབ་སྤྱིའི་འདོན་ཐེངས་ ༤༧༡ པའི་སྟེང་གི་རྩོམ་སྒྲིག་པའི་གཏམ།
ཁ་ཉིན་ཨ་རིའི་ཕ་ལམ་དཔྱིད་དུས་རྒྱལ་སྤྱིའི་གློག་བརྙན་དུས་སྟོན་སྟེང་བོད་པའི་གློག་བརྙན་ཞིག་ལ་བརྟེན་ནས་རྒྱ་མིའི་གློག་བརྙན་གཉིས་ཕྱིར་འཐེན་བྱས་རྗེས་ངས་གཞི་ནས་བོད་རྒྱ་གཉིས་ཀྱི་འཐབ་འཁྲུག་གི་གཡུལ་ས་གཞན་པ་དེ་ཚོ་མཐོང་།
དེང་སྐབས་བོད་རྒྱའི་བར་གྱི་འཐབ་རྩོད་འདི་རྣམ་པ་དང་ངོ་བོ་མི་འདྲ་བ་མང་པོའི་ལམ་ནས་རྩོད་ཀྱིན་འདུག དཔེར་ན། དེབ་དང་གློག་བརྙན་འཁྱེར་ཡོང་ནས་རྒྱག་རེས་བྱེད་པ་ལྟ་བུ་རེད། ལོ་སྔོན་མར་བྷར་ལིན་དུ་རྒྱལ་སྤྱིའི་དཔེ་འཚོང་གི་དུས་སྟོན་ཞིག་ཚུགས་སྐབས། བོད་མིའི་ཕྱོགས་ནས་༼མེ་ལ་མི་འཇིགས་པའི་གསེར་ལྟ་བུ་༽ཞེས་པའི་བོད་ཕྱི་ནང་གི་བོད་མི་རྣམས་ཀྱི་རྩོམ་ཡིག་ཕྱོགས་སྒྲིག་གི་དེབ་ཅིག་འགྲེམ་སྤེལ་གྱིས་བཙོང་ཞིང་། སྐབས་དེར་རྒྱ་ནག་ནས་དེབ་སྣ་དྲུག་བརྒྱ་ལྷག་ཁྱེར་ཡོང་ཡོད་ཀྱང་དེབ་གཅིག་རང་གཅིག་མ་གཏོགས་བཙོང་ཐུབ་མེད་ཚུལ་འདུག
ཉེ་ཆར་ཕྱི་ཟླ་ ༡༢ པའི་ནང་དུ་ཨོ་སི་ཊོ་རི་ཡ་རུ་འགྲོ་བ་མིའི་ཐོབ་ཐང་གི་གློག་བརྙན་དུས་སྟོན་ཞིག་ཚུགས་སྐབས་ཞིན་ཅང་གི་ཡུལ་གྱུར་དབུ་ཁྲིད་ལྕམ་རེ་བྷི་ཡ་ ཁ་ཌར་གྱི་མི་ཚེ་སྐོར་གྱི་གློག་བརྙན་༼བརྩེ་དུང་གི་ཆ་རྐྱེན་བཅུ་༽ཅེས་པ་དང་སྐུ་ཞབས་དཔལ་ལྡན་རྒྱ་མཚོའི་སྐོར་གྱི་གློག་བརྙན་༼ཁ་བའི་འོག་གི་མེ་ལྕེ་༽ཞེས་པ་གཉིས་དུས་སྟོན་དེའི་སྟེང་འགྲེམ་སྟོན་བྱ་མི་ཆོག་ཅེས་རྒྱ་ནག་གི་གཞུང་ཚབ་ཁང་གིས་ཨོ་སི་ཊོ་རི་ཡའི་ཕྱི་སྲིད་ལྷན་ཁང་ལ་ངོ་རྒོལ་དང་གནོན་ཤུགས་ཇི་ལྟར་སྤྲད་ཀྱང་། ཨོ་སི་ཊོ་རི་ཡའི་གཞུང་དང་གློག་བརྙན་དུས་སྟོན་གོ་སྒྲིག་པ་རྣམས་ཀྱིས་རྒྱ་ནག་གི་གནོན་ཤུགས་ལ་མ་ལྟོས་པར་གློག་བརྙན་དེ་གཉིས་བསྟན་ཡོད། འདི་ཡང་རྒྱ་ནག་གི་ཕམ་ཁ་རུ་གྱུར།
ཉིན་ཤས་གོང་ཕ་ལམ་དཔྱིད་དུས་རྒྱལ་སྤྱིའི་གློག་བརྙན་དུས་སྟོན་སྐབས་བསྟན་འཛིན་བསོད་ནམས་དང་རི་ཊུ་ ས་རིན་ལགས་གཉིས་ཀྱི་གློག་བརྙན་༼སྤྲིན་པའི་རྒྱབ་ཀྱི་ཉི་མ། བོད་མིའི་རང་དབང་འཐབ་རྩོད་༽ ཅེས་པ་འདི་ལ་བརྟེན་ནས་རྒྱ་ནག་གི་༼ཤི་གསོན་གྱི་གྲོང་ཁྱེར་༽ཅེས་པ་དང་༼མགྱོགས་པོ། མགྱོགས་པོ། དལ་མོ་༽ཞེས་པའི་གློག་བརྙན་གཉིས་དུས་སྟོན་ཐོག་ནས་ཕྱིར་འཐེན་བྱས་ཡོད་པ་རེད། བོད་དོན་རྒྱབ་སྐྱོར་བ་རྣམས་ཀྱིས་འདི་ནི་རྒྱལ་ཁ་ཞིག་ལ་བརྩི་གིན་འདུག་ལ། ལྷག་པར་དུ་མ་འོངས་པར་གློག་བརྙན་དུས་སྟོན་གོ་སྒྲིག་པ་རྣམས་རྒྱ་ནག་ལ་ཐུག་སྐབས་རང་རང་གི་ལངས་ཕྱོགས་ཀྱི་གཞི་འཛིན་ས་གལ་ཆེན་ཞིག་ཏུ་གྱུར་ཡོད་རབས་གླེང་། དོན་དངོས་སུའང་འདི་ནི་བོད་མིའི་ཕྱོགས་ཀྱི་རྒྱལ་ཁ་ཞིག་ལོས་ཀྱང་ཡིན།
ད་ལྟའི་དུས་རབས་ཀྱི་ཆ་རྐྱེན་དང་མི་རྣམས་ཀྱི་དགའ་ཕྱོགས་དང་དགོས་མཁོ་ལ་བརྟེན་ནས་ང་ཚོས་བོད་དོན་དང་འབྲེལ་བའི་དེབ་དང་གློག་བརྙན་མང་དུ་འདོན་དགོས་པར་འདུག་ལ། བཏོན་པ་ཙམ་མིན་པར་བོད་པའི་མི་རབས་རྗེས་མ་རྣམས་ལའང་བརྒྱུད་ལམ་འདིའི་ཐོག་ནས་བོད་དོན་ངོ་སྤྲོད་བྱ་རྒྱུ་དང་། རྒྱལ་སྤྱིའི་སྡིངས་ཆའི་སྟེང་ནས་རྒྱ་ནག་ལ་ཐུག་སྐབས་ཀྱང་ཡིག་ཆ་དང་གློག་བརྙན་གྱི་སྟེང་ནས་འཐབ་རེས་བྱ་ཆོག་པར་འདོད་ལ། མ་མཐར་ཡང་དུས་ཡུན་ངེས་ཅན་ཞིག་གི་རིང་ལ་ང་ཚོས་དེབ་དང་གློག་བརྙན་གྱི་ལམ་ནས་རྒྱ་ནག་ཕམ་པར་བརྒྱབ་ཆོག་པར་འདོད།།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
གངས་ལྗོངས་བྱམས་བརྩེ་དྲང་བདེན་གྱི་རྒྱལ་པོ་དྲ་གྲོགས་བྱམས་རྒྱལ་ལགས།
སྐུ་ཉིད་ཀྱི་དགོངས་འཆར་གནང་བ་ལྟར་ཕྲན་གྱིས་འདི་སྐོར་གྲོས་ཚོགས་ནང་སྐྱེལ་ངེས་ཡིན། སྐྱེལ་ས་ཞིག་ཏུ་བསྐྱལ་བཞག་ན་དེས་འོ་སྐོལ་འཕྲལ་དུ་ཕན་མིན་མ་ཤེས་ཀྱང་གནོད་སྐྱོན་མི་འབྱུང་ཐག་ཆོད་རེད།
དེ་བཟང་།
ཁ་སང་དེ་རིང་རྒྱ་ནག་མཉམ་དུ་གྷོ་གྷལ་དྲ་ཚིགས་ཀྱིས་འཐབ་རེས་བྱེད་ཀྱིན་འདུག ཡིན་ཡང་། གྷོ་གྷལ་གྱིས་མེ་ཁུ་རོ་སོ་ཧྥུ་ཊི་དང་ཡ་ཧོ་སོགས་རྒྱུགས་ཆེ་བའི་བཟོ་ཚོང་སྡེ་ཚན་རྣམས་དཔུང་རོགས་ལ་འབོད་ཀྱིན་ཡོད་ནའང་། འདི་དག་ད་རེབ་གྷོ་གྷལ་གྱི་དཔུང་རོགས་ལ་འབུད་རྒྱུ་མིན་པའི་ཚོད་དཔག་བྱེད་ཀྱིན་འདུག
བཀུར་འོས་སྤྱི་འཐུས་ཚུལ་ཁྲིམས་མཆོག་དང་། ཅོ་རི་ཉི་མ་ མགྲིན་པ་ཟབ་མོ་ black man ལགས བཅས་ཤིན་ཏུ་བདེན་
ལྷག་པར་དུ རྩོམ་སྒྲིག་པ་མཆོག་ལ་ཐུགས་རྗེ་ཆེ་ཞུ་འདོད་བྱུང་།
ད་ལན་གྱི་གཏམ་འདི་གནད་འགག་ཅན་ཞིག་དུ་གོ་བརྒྱི་འདུག
ཟློས་གར་ཚོགས་པས་འགན་བཞེས་པ་ལས་ བོད་པའི་གློག་བརྙན་བཟོ་གྲྭ་ཞིག་ཟུར་དུ་འཛུགས་ཏེ གློག་བརྙན་བཟོ་བསྐྲུན་གང་མང་དགོས་པ་ཧ་ཅང་གལ་ཆེན་མཐོང་གི་འདུག་།
ལུང་རིག་ལགས་ཀྱིས་གསུངས་པ་ལྟར་བཀའ་འགྱུར རིན་པོ་ཆེ་མཆོག་གིས་ཐུགས་འཁུར་ཆེན་པོ་གནང་གི་ཡོད་པ་འདྲ་
ཤིན་ཏུ་ནས་དགའ་བྱུང་།
བཀུར་འོས་སྤྱི་འཐུས་ཚུལ་ཁྲིམས་མཆོག་གིས་ཀྱང་གནས་ཚུལ་འདི་གྲོས་ཚོགས་སུ་སླེབས་ཐུབ་ཐབས་གནང་ན་ཅི་འདྲ་འདུག་།
ད་ཕྱི་མིས་བཟོས་པ་མ་ཡིན་པ་བོད་རིགས་རང་གིས་བཟོ་ཐུབ་གནང་ཡ་དེ་རེད་།
གྲ་གྲོགས་ཚོས་བསམ་ཚུལ་འདོན་རོགས་གནང་དང་།
བོད་པའི་གློག་བརྙན་བཟོ་གྲྭ་ཞིག་འཛུགས་ཐབས་ཅི་འདྲ་ཡོད་དམ་།
སྤྱི་འཐུས་མཆོག
ཁྱེད་ཀྱིས་གསུངས་པ་རྣམས་རླབས་ཆེན་གྱི་གནད་དོན་ཞིག་ཡིན་མིན་ནི་དཔྱད་མ་དགོས་པ་ཞིག་རེད་འདུག
དེང་སང་བཙན་བྱོལ་བོད་ཀྱི་བུ་ཕྲུག་ཚོས་དགའ་ཕྱོགས་ནི་གློག་བརྙན་རེད། བཙན་བྱོལ་བོད་ཀྱི་བུ་ཕྲུག་ཚོའི་བསམ་བློའི་ཁ་ཕྱོགས་སྒྱུར་རྐྱེན་ཡག་ཤོས་གློག་བརྙན་གྱི་རྒྱུད་ནས་ཡིན་པ་ནི། དཔེ་ན་རྒྱ་གར་རུ་མཚའ་ལངས་བྱུང་བའི་བོད་ཕྲུག་རྣམས་ཀྱིས་དུས་རྒྱུན་དུ་རྒྱ་གར་གྱི་གློག་བརྙན་རྒྱུད་ནས་གློག་བརྙན་འཁྲམ་སྟོན་པ་རྣམས་ཀྱི་ལོ་རྒྱུས་བོད་མིའི་འཚོ་བ་སྐྱེལ་སྟངས་ལས་ཀྱང་གསལ་བ་ཤེས་ཀྱིན་ཡོད་རེད།
དེ་འདྲ་ཡིན་དུས་བོད་ལོ་རྒྱུས་དང་དངོས་ཡོད་བོད་ཀྱི་འཚོ་བ་བཅས་གློག་བརྙན་གྱི་རྒྱུད་ནས་བོད་ཕྲུག་རྣམས་ལ་སྟོན་ཐུབ་ན་འབྲས་བུ་ཡག་པོ་ཞིག་ཡོང་བ་ནི་སྤྱི་འཐུས་མཆོག་གིས་གསུངས་པ་ལྟར་རྒྱབ་སྐྱོབ་ཡོད།
གོང་དུ་བཀུར་འོས་བོད་ཀྱི་དུས་བབ་རྩོམ་སྒྲིགས་པས་རྒྱ་ནག་ལ་དེབ་དང། གློག་བརྙན་གྱིས་འཐབ་སྟངས་ཞེས་གསུངས་པ་ལས་འཕྲོས་གཟུར་གནས་དྲ་གྲོགས་ཚོས་དགོངས་ཚུལ་གསུངས་པར་རྒྱུ་མཚན་ཡོད་པ་སྨོས་ཅི་དགོས།
མི་གཞན་གྱིས་དགྲ་བསད་པའི་མགོ་ལག་རང་གིས་བླངས་ཟེར་བའི་དཔེ་ལྟར་ད་བར་བོད་དོན་གྱི་གློག་བརྙན་འཁྲབ་སྟོན་པ་གཙོ་ཆེ་བ་བོད་དོན་ལ་ཤ་ཞེན་ཅན་གྱི་ཕྱི་མི་ཚོ་ཆགས་ཡོད་ཅིང། དེའི་རྒྱལ་ཁ་དེ་ང་ཚོར་ཐོབ་བསྡད་པ་ཞིག་རེད། སྤྱིར་སོ་སོས་དཀའ་ལས་རྒྱག་མ་དགོས་པར་དཀའ་ལས་མིས་བརྒྱབས་པའི་ཁེ་བཟང་རང་ལ་ཐོབ་ན་དེར་མི་དགའ་མཁན་སུ་ཞིག་ཡོད། འོན་ཀྱང་ད་ནས་དགྲ་ང་རང་ཚོས་བསད་ནས་དེའི་མགོ་ལག་ང་རང་ཚོས་ལེན་དགོས་པ་དེ་ང་ཚོའི་ལས་འགན་རེད་ལ་དེ་ང་ཚོའི་གཟི་བརྗིད་ཡིན་པར་སྙམ། དེའི་ཕྱིར་བོད་གཞུང་ཟློས་གར་ཚོགས་པ་འདིས་བོད་ཀྱི་རྒྱལ་རབས་ལོ་རྒྱུས་སྐོར་བོད་རྒྱ་དམག་འཐབ་དང། མཆོད་ཡོན་གྱི་འབྲེལ་བ་བྱུང་བའི་སྐོར་སོགས་དང། འཕགས་བོད་ཆོས་རིག་གི་འབྲེལ་བའི་སྐོར་སོགས་གཙོར་འཛིན་གྱིས་སྐད་ཡིག་འདྲ་མིན་ཐོག་ནས་རྒྱུ་རྩལ་གྱི་རྣམ་པ་འབུར་དུ་ཐོན་པའི་གློག་བརྙན་འཁྲབ་སྟོན་ལ་ཤུགས་རྒྱག་དགོས་ངེས་འདུག ཁོང་ཚོས་ཤུགས་བརྒྱབ་ན་ཁོང་ཚོར་མཐུན་རྐྱེན་གང་འཚམས་འགྲིག་བསྡད་ཡོད་པ་རེད།
དེ་བཞིན་བོད་ཀྱི་དཔའ་བོ་གླིང་གེ་སར་རྒྱལ་པོའི་སྒྲུང་སོགས་འཁྲབ་སྟོན་གྱི་གློག་བརྙན་འདོན་ཐུབ་དགོས་ཀྱི་འདུག་སྙམ། དེའི་ཕྱོགས་ལ་དྲ་གྲོགས་ཚོར་དགོངས་ཚུལ་གང་འདྲ་ཡོད་དམ།
གློག་བརྙན་དེ་རྣམས་ལྟ་འདོད་ཆེན་པོ་འདུག།འོད་སྡེ་དེ་འདྲ་ག་བ་ནས་རེག་གི་རེད།མཁྱེན་མཁན་ཡོད་ན་གསུང་རོགས་གནོངས།ཐུགས་རྗེ་ཆེ།
འོ་འདུག་། དེབ་དང་གློག་བརྙན་གྱི་ལམ་ནས་རྒྱ་ནག་ཐེངས་ཁ་ཤས་ཕམ་བཅུག་སོང་།
དེབ་དང་ལྷག་པར་གློག་བརྙན་བཟོ་མཁན་རྣམས་ཐུགས་རྗེ་ཆེ།
ཐབས་ཇུས་དེ་བཟང་།
༼འབྲུག་གིས་རང་ཉིད་ཤེད་ཀྱིས་ས་ལ་བརྡབས་པའི་དཔེ་མཚོན་ཞིག༽
རྒྱ་ནག་གི་དཔོན་རིགས་འདི་ཚོ་ཡང་མཚམས་རེར་ཀླད་པ་སྟོང་བ་ཡིན་ས་རེད། ཁ་སང་གཟའ་ཉི་མའི་ཉིན་ཕ་ལམ་རྒྱལ་སྤྱིའི་དཔྱིད་དུས་གློག་བརྙན་དུས་སྟོན་སྟེང་བསོད་ནམས་ལགས་ཀྱི་གློག་བརྙན་དེ་བསྟན་འདུག སྐབས་དེར་མི་ཕལ་ཆེ་བས་རྒྱ་ནག་ཁོང་ཁྲོ་ལངས་སའི་གློག་བརྙན་དེར་ཅིག་ལྟ་འདོད་ཡོད་ཅེས་བསླེབས་ནས་བལྟས་འདུག
འགའ་རེས་རྒྱ་ནག་རང་གི་ཁེ་གྱོང་གི་ཕྱོགས་ནས་བཤད་ན། རྒྱ་ནག་གིས་གློག་བརྙན་གཉིས་ཕྱིར་འཐེན་བྱས་པའི་གཏོར་སྐྱོན་དེ་ནི་བོད་པའི་གློག་བརྙན་ལས་ཀྱང་ཆེ་བ་འདུག་ཅེས་བཤད་འདུག
འདི་ནི་འབྲུག་གིས་རང་ཉིད་ཤེད་ཀྱིས་ས་ལ་བརྡབས་པའི་དཔེ་མཚོན་ཞིག་ཡིན་ས་རེད།
ཨེ།
འདི་ནི་ཤེས་ཡོན་དང་འབྲེལ་བ་འདུག ཤེས་ཡོན་གྱི་ལམ་ནས་ང་ཚོས་རྒྱ་གཞུང་ལ་འགན་རྩོད་ངོ་རྒོལ་བྱེད་རྒྱུ་ནི་ཧ་ཅང་གལ་ཆེ་གི། གློག་བརྙན་བཟོ་བསྐྲུན་བྱེད་རྒྱུ་དེ་དུས་ཀྱི་འགྱུར་འགྲོས་ཀྱིས་ཐག་བཅད་པའི་དགོས་མཁོ་ཞིག་རེད། དེ་ཕྱོགས་ངེས་པར་འབད་དགོས་པ་དེ་འདྲ་རེད།
མཆན་བཏབས་པ་རྣམས་མགོར་སླེབས་ཐུབ་པ་བྱས་ཏེ་འགྱུར་བ་ཞིག་བཏངས་པ་འདི་ཧ་ཅང་ཡག་པོ་བྱུང་འདུག ཁ་སྔོན་ཞིག་ནས་མཆན་གསར་ཤོས་དེ་མཇུག་ལ་སླེབས་འགྲོ་བ་འདི་ཡག་པོ་མི་འདུག་བསམ་བྱུང་ལ། གློག་ཀླད་ཚན་རིག་པ་བློ་བཟང་སྨོན་ལ་ཡང་འདི་ཡག་པོ་མེད་རབས་ཀྱི་ཁ་བརྡ་བྱེད་མྱོང་། ཁྱེད་ཚང་ལ་འདི་བཤད་དགོས་བསམ་ནས་མཚམས་དེར་འགྱུར་བ་བཏངས་ཚར་ནས་བཤད་རྒྱུ་རྗེས་ལུས་ཐེབ་འདུག གང་ལྟར་འགྱུར་བ་བཏངས་པ་འགྲིག་གི།
ངའི་བསམ་ཚུལ་ལ་བཙན་བྱོལ་བོད་མི་ཚོས་འདས་པའི་ལོ་ ༥༠ རིང་རང་རང་གི་འཚོ་བ་སྐྱ་རིལ་སྔོ་རིལ་རེ་མ་གཏོགས། བོད་དོན་ལ་སྨན་པའི་གློག་བརྙན་ཞིག་བཟོ་ཐུབ་མེད།
བསྟན་འཛིན་བསོད་ནམས་ལགས་ཀྱིས་གློག་བརྙན་བཟོས་ཡོད་པ་རེད། ཁོང་གི་བཟའ་ཟླ་རྒྱ་གར་བུད་མེད་ཅིག་ཡིན་སྟབས་མཐུན་འགྱུར་མི་དམན་པ་ཞིག་རག་ཡོད་སྲིད།
བཀའ་འགྱུར་རིན་པོ་ཆེས་གློག་བརྙན་ཞིག་བཟོ་བཞིན་ཡོད་ལ། ཁོང་གི་བཟའ་ཟླ་ཡང་རྒྱ་གར་གྱི་གློག་བརྙན་བཟོ་གྲྭའི་ནང་གི་བུད་མེད་ཅིག་ཡིན།
དེ་མིན་ཅུང་སྐད་གྲགས་ཆེ་བའི་གློག་བརྙན་ཕལ་ཆེ་བ་ཕྱི་རྒྱལ་བ་ཚོས་བཟོས་པ་རེད། བོད་ནང་ལོ་བདུན་དང་སྐུ་མདུན་ལྟ་བུ་རེད།
ད་ནི་བོད་པ་ཚོ་སད་རན་པ་མ་རེད་དམ།
ཉིན་ཤས་གོང་གསར་འགྱུར་འདི་ཚོ་ཚ་ཚ་འུར་འུར་རེད་འདུག་དེ་ཚོ་ང་ཚོའི་རྒྱལ་ཁ་རེད།
ལྷ་ཆབ་ལགས། མཆན་གསར་ཤོས་དག་མགོར་ཤར་ན་གཟིགས་བདེ་བ་ཡོང་བ་དང་། སྔོན་མ་བཞིན་མཆན་གསར་ཤོས་དག་ཤོག་ངོས་ཀྱི་རྒྱབ་དང་མཐའ་ལ་དེད་ནས་བསྔོག་མི་དགོས་པའི་ཆེད་དུ་བཟོ་བཅོས་བྱས་པ་ཡིན།
ད་ནི་མུ་མཐུད་ནས་བགློ་གླེང་གི་ནང་དུ་ཞུགས་རོགས།
རེད་ཨང་།་བདེན་དོན་ཟེར་ན་འདྲ།་ཁེ་དོན་ཟེར་ན་འདྲ།་གང་ལྟར་འཐབ་རྩོད་ཀྱི་ཐབས་ལམ་ཤིན་ཏུ་མང་རབ་ཟེར་མོད།བོད་པ་ནི་དུས་ནམ་ཡང་གླུ་བརྒྱ་གདངས་གཅིག་གིས་ལེན་སྤྲོ་བ་ལས་ལམ་ཁ་དེར་འཐུས་སྒོ་ཚང་བའི་ངང་ཞུགས་རྒྱུར་ཧ་ཅང་ཁ་ཐག་རིང་ན་འང་།ལམ་ཁ་འདིའི་ཁ་ཕྱོགས་བསྟན་པ་ཙམ་ཀྱྱིས་ཀྱང་ཕན་པ་ཅུང་ལོས་ཡོད།་
དྲ་བ་དོ་དམ་པ་ལགས། དེ་རིང་ནས་མཆན་བཏབ་པ་ཚང་མའི་གོ་རིམ་སྔོན་མ་ལས་ལྡོག་པ་ག་རེ་རེད།
འཐབ་རྩོད་ཟེར་བ་དེ་འདི་ལྟ་བུ་ལ་ཟེར་བ་རེད།
འོན་ཀྱང་རྒྱ་ནག་ལ་ངོ་ཚ་མེད་པས་་་་་་་་་་་་་་་་་
དྲ་གྲོགས་ཚོ་ཡང་ནས་འདིའི་ཐད་ལ་རང་རང་གི་རིག་པ་སྤུངས་བཞིན་པར་ཐུགས་རྗེ་ཆེ། ད་སྐབས་བཀའ་འགྱུར་རིན་པོ་ཆེ་མཆོག་གིས་ཨ་སྒོར་ས་ཡ་གསུམ་གྱི་མ་རྩ་བཏང་སྟེ་གློག་བརྙན་ཞིག་བཟོ་བཞིན་ཡོད། ད་ལོའི་ཕྱི་ཟླ་ ༣ པའི་ཚེས་ ༡༠ ལ་གློག་བརྙན་དེ་འགྲེམས་སྤེལ་བྱ་ཐུབ་པའི་རེ་བ་ཡོད་ཅེས་ཁོང་གིས་ང་ལ་གསུངས་བྱུང་། ད་ལོ་ང་ཚོར་རྒྱ་ནག་ལ་འཐབ་བྱེད་ཀྱི་གློག་བརྙན་ཆེན་པོ་ཞིག་ཡོང་གི་ཡོད།
དྲྭ་བདག་ལགས་བཀླགས་ཟིན།
འདི་ཡང་གཅིག་ནས་བོད་པ་རྣམས་འཛམ་གླིང་རང་བཞིན་གྱི་འགྲན་རྩོད་མང་པོ་ཞིག་གི་ནང་དུ་ཞུགས་རྒྱུའི་འགོ་འཛུགས་ལྟ་བུ་དང་། ཕྱོགས་གཞན་ཞིག་ནས་རྒྱ་ནག་ལ་འཐབ་རྩོད་ཀྱི་རྣམ་འགྱུར་སྟོན་སྟངས་ཀྱི་ངོས་མ་འདྲ་བ་ཞིག་རེད།
མཉམ་གནས་ཀྱི་གཞུང་ལུགས་གཏན་ལ་ཕབ། གདོང་གཏུགས་ཀྱི་འཐབ་རྩོད་གླིང་ནས་བྱས། བདེན་རྫུན་གྱི་དབྱེ་ཁྱད་ཇེ་ཆུང་རེད། རྫུན་མ་ལ་དབང་རྟགས་ཇེ་མང་རེད། དཔང་པོ་ཡི་མིག་ཟུང་ཇེ་གཡོན་རེད། རྒྱལ་ཕམ་གྱི་ཐག་གཅོད་མངོན་མེད་རེད།
མཉམ་གནས་ཀྱི་གཞུང་ལུགས་གཏན་ལ་ཕབ། གདོང་ཐིག་གི་འཐབ་རྩོད་གླིང་ནས་བྱས།
འབྱུང་འགྱུར་ཆས་གོས་དང་སྐད་དང་ཡི་གེའི་སྟེང་ནས་ཀྱང་འདི་ལྟའི་གདོང་ཐུག་གི་འཐབ་རྩོད་ཡོང་སྲིད་པ་ཞིག་རེད།