འདྲེ་མིག་གསུམ།
ཉིན་གསུམ་བཞིའི་སྔོན་ལ་བོན་རྒྱ་བསྟན་འཛིན་རབ་རྒྱས་ཀྱིས་ཆོས་བརྒྱུད་སྤྱི་འཐུས་མི་དགོས་པའི་གནས་ལུགས་དམར་ཧྲེང་མ་ཞེས་རྩོམ་ཡིག་ཅིག་སྤེལ་འདུག དེ་ལྟ་ནའང༌། རྩོམ་ཡིག་དེའི་ནང་ལ་ངའི་བསམ་ཚུལ་དེ་ཡག་པོ་ཞིག་ཚུད་མི་འདུག ངའི་བསམ་ཚུལ་ནི་གྲྭ་བ་རྣམས་ལ་དུས་གཅིག་ཏུ་སྤྱི་འཐུས་འོས་ཤོག་གཉིས་ཀྱི་ཐོབ་ཐང་ཡོད་པ་དེ་ཅི་ཞིག་ཡིན་ནམ་བསམ་པ་དེ་རེད། ངས་གངས་སྐྱིད་ཀྱི་མི་ཡ་རབས་ཡིན་ཟེར་མཁན་ཚོས་འབོད་པའི་བཅའ་ཁྲིམས་རིན་པོ་ཆེ་ལ་བལྟས་པ་ཡིན། བཅའ་ཁྲིམས་ལས་མི་གཅིག་ལ་འོས་ཤོག་གཉིས་ཀྱི་ཐོབ་ཐང་ཡོད་མེད་ལ་ཁ་གྲག་གི་མི་འདུག ངས་གནད་དོན་འདི་ལ་བསམ་བློ་ཞིག་བཏང་བ་ཡིན། གྲྭ་བ་རྣམས་ལ་དམིགས་བསལ་ཞིག་སྤྲད་འདུག་བསམ་སོང༌། དམིགས་བསལ་དེས་མིག་སྔར་བོད་ཀྱི་གནས་བབ་ལ་ཕན་ཐོགས་ཅི་ཞིག་ཡོད་མེད་གསལ་བོ་ཞིག་ཧ་གོ་གི་མི་འདུག ཡིན་ནའང༌། ལོ་རྒྱུས་ཀྱི་ངོས་ནས་ཕྱིར་བལྟས་བྱས་ན། བོད་པ་ཚོས་བོད་ཀྱི་གྲྭ་བ་རྣམས་ལ་དམིགས་བསལ་མང་པོ་སྤྲད་ཡོད་པ་འདྲ། དཔེ་མཚོན་ཞིག་བཤད་ན། བོད་ཀྱི་རྒྱལ་པོ་ཁྲི་རལ་བ་ཅན་གྱི་སྐབས་གྲྭ་བ་གཅིག་ལ་མི་ཚང་བདུན་ཐད་ཀར་དབང་བའི་དམིགས་བསལ་ཞིག་སྤྲད་པ་རེད། དམིགས་བསལ་དེའི་མཇུག་འབྲས་འབངས་གྱེན་ལོག་ཅེས་པའི་ལོ་རྒྱུས་ཀྱི་ཆག་སྒོ་དེ་མ་ཡིན་ནམ། བོད་མི་ཚོས་བོད་ཀྱི་གྲྭ་བ་རྣམས་ལ་དམིགས་བསལ་སྤྲོད་པའི་ལམ་ལུགས་དེ་གོམས་གཤིས་སུ་འཇགས་ཚར་བས། ད་ལྟ་དམིགས་བསལ་ཡིན་མིན་ཀྱང་གསལ་བོ་ཤེས་ཀི་མེད་ཚོད་རེད། ཡིན་ནའང་ཆོས་ལུགས་ཀྱི་བྱེད་སྒོ་མང་པོ་ལ་བོད་པ་ཚོས་དམིགས་བསལ་སྤྲད་པ་ནི་ཡ་རབས་བཟང་སྤྱོད་དུ་ལྟ་བའི་གཤིས་ཀ་ཡོད། གཤིས་ཀ་དེ་ལ་ཐད་ཀར་གྱི་ལེགས་ཉེས་འབྱེད་པའི་མིག་མེད་ཙ་ན། གཤིས་ཀ་དེའི་རྒྱབ་ལོགས་ན་ཕན་གནོད་ཅི་ཞིག་ཡོད་མེད་ལ་སུས་ཀྱང་བསམ་བློ་གཏོང་གི་མེད་པའི་སྣང་ཚུལ་མངོན། ང་ཚོའི་སློབ་གྲྭའི་དཔེ་མཛོད་ཁང་གི་སྦུག་ན་མགོན་ཁང་ཞིག་ཡོད། མགོན་ཁང་དེ་ན་གྲྭ་བ་གསོལ་ཁ་འདོན་མཁན་ཞིག་ཡོད་ཀྱང༌། སྤྱིར་དཔེ་མཛོད་ཁང་གི་ཁྲིམས་ལྟར་ན་དཔེ་དེབ་ཀློག་པའི་དུས་ཚོད་ལ་མི་སུ་ཞིག་གིས་སྐད་ཅོར་རྒྱག་མི་ཆོག དེ་བས་སུ་ཞིག་གིས་སྐད་ཅོར་བརྒྱབས་ན་དེ་ལ་དཔེ་མཛོད་དོ་དམ་པས་ཐད་ཀར་སྟངས་འཛིན་གྱིས་ཁྲིམས་ལག་ལེན་བསྟར་གི་ཡོད། ཡིན་ནའང༌། གསོལ་ཁ་འདོན་མཁན་དེས་སྐད་གསེང་མཐོན་པོས་གསོལ་ཁ་ཅི་ཙམ་བཏོན་ཡང་དེ་ལ་སྣང་བ་གང་ཡང་མེད། དེ་ལྟར་བྱེད་ཆོག་ཆོག་གི་འདུ་ཤེས་ཤིག་རང་བཞིན་གྱིས་ཡོད། ཕན་གནོད་ཀྱི་ངོས་ནས་བལྟས་ན། གསོལ་ཁ་འདོན་པའི་སྐད་ཅོར་ཡིན་ན་རེད། མི་གཞན་ཞིག་གིས་སྐད་ཅོར་ཡིན་ན་རེད། གང་ལྟར་དཔེ་དེབ་ཀློག་པའི་ལྷིང་འཇགས་ལ་གནོད་པ་ཡོད་པ་གཅིག་མཚུངས་རེད། དེ་བས་ཆོས་ལུགས་ལ་དམིགས་བསལ་དེ་འདྲ་ཞིག་སྤྲད་དོན་ཅི་ཞིག་ཡིན་ནམ། ངས་གོང་གི་གནས་ཚུལ་དེ་བཤད་དོན། ཆོས་ལུགས་ཀྱི་དམིགས་བསལ་དེ་བོད་ཀྱི་གོམས་གཤིས་ཀྱི་གཏིང་རིམ་ལ་ཟུག་ཡོད་པས་དཔེ་མཛོད་ཁང་གི་ཁྲིམས་ལུགས་ལས་བརྒལ་སོང་བ་རེད། དེ་བས་གྲྭ་བ་ཚོ་ལ་སྤྱི་འཐུས་འོས་ཤོག་གཉིས་ཀྱི་ཐོབ་ཐང་དམིགས་བསལ་བ་དེ་ཡང་བཅའ་ཁྲིམས་ཀྱི་ལག་འོག་ཏུ་མ་ཚུད་པ་ཡིན་ནམ། ངས་སློབ་གྲྭའི་དཔེ་མཛོད་ཁང་གི་ཁྲིམས་ཡིག་དེས་གསོལ་ཁ་བའི་སྐད་ཅོར་ལ་ཁ་གྲག་མི་ཐུབ་པ་བཞིན། བཅའ་ཁྲིམས་རིན་པོ་ཆེས་ཀྱང་གྲྭ་བ་ཚོ་ལ་སྤྱི་འཐུས་འོས་ཤོག་གཉིས་ཀྱི་ཐོབ་ཐང་ཡོད་པའི་དམིགས་བསལ་དེ་ལ་ཁ་གྲག་ཐུབ་རྒྱུ་མ་རེད། བཙན་བྱོལ་ན་བོད་མི་འབུམ་གཅིག་ལྷག་ཡོད། དེའི་ནང་སློབ་མ་ཁྲི་གཉིས་ལྷག་ཡོད། བླ་མ་དང་གྲྭ་བ་ཁྲི་གསུམ་ལྷག་ཡོད་པ་བོད་གཞུང་གིས་གསལ་བོར་བཀོད་འདུག མི་གྲངས་ཆ་བགོས་བྱས་ན་འདི་འདྲའི་མི་མང་པོ་ཞིག་ལ་སྤྱི་འཐུས་ཀྱི་འོས་ཤོག་གཉིས་ཀྱི་དམིགས་བསལ་ཐོབ་ཐང་རག་འདུག དམིགས་བསལ་ཐོབ་ཐང་འདིས་ཕན་གནོད་ཅི་ཞིག་ཡོད་མེད་ངས་བཤད་ཀི་མེད། གང་ལྟར། ཐོབ་ཐང་འདི་བོད་མིའི་དད་སེམས་ཀྱི་ངོས་ནས་དང༌། ཆོས་ལུགས་ལ་འཛིན་པའི་དམིགས་བསལ་གྱི་འདུ་ཤེས་ཀྱི་ངོས་ནས་བྱུང་བ་ཡིན་པར་བདག་འདོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འདྲེ་མིག་གསུམ་ལགས། ་མི་མིག་གསུམ་པས་ཁྱོད་ཀྱི་བསམ་ཚུལ་རྒྱབ་སྐྱོར་ཡོད།
འདྲེ་མིག་གསུམ་ལགས། ་མི་མིག་གསུམ་པས་ཁྱོད་ཀྱི་བསམ་ཚུལ་རྒྱབ་སྐྱོར་ཡོད།
ང་རང་ཡང་གྲྭ་པ་ཞིག་ཡིན་མོད། འོན་ཀྱང་གྲང་ཕྱོག་ནས་བསྟས་ན་གྲྭ་པ་ལ་འོས་ཤོག་གཉིས་ཀྱི་ཐོབ་ཐང་སྤྲད་པ་དེར་མོས་མཐུན་མེད།
བཅའ་ཁྲིམས་དུ་གསལ་མེད་པ་ཙམ་དུ་མ་ཟད། ཆོས་བརྒྱུད་སྤྱི་འཐུས་ནི་བོད་བསྟན་སྲིད་གང་ལའང་མི་ཕན། ད་ལྟའི་བར་ཏུ་ཕྱིར་བལྟས་ཤིག་གནོངས་དང་། དགེ་ལུགས་སྤྱི་འཐུས་ཀྱིས་དགེ་ལུགས་པར་ཕན་མེད་ལ། རྙིང་མའི་སྤྱི་འཐུས་ཀྱིས་རྙིང་མ་བར་ཡང་ཕན་མེད། སྲིད་ཕྱོགས་ནས་དེ་ལས་ཀྱང་ཞུ་མ་དགོས་པ་ཞིག་རེད། ཆོས་སྲིད་གང་ལའང་མི་ཕན་བཞིན་དུ་ད་དུང་ཁྲི་ཐོག་ལ་བཙུགས་བཞག་ན་གླེན་རྟགས་ཤིག་མ་རེད་དམ། ད་དུང་ཆོས་བརྒྱུད་སྤྱི་འཐུས་ཟེར་བ་འདི་མ་འོངས་པར་ཉེན་ཁ་ཞིག་ཆགས་ཡོད། ང་ཚོའི་འདས་པའི་ལོ་རྒྱུས་ནང་དུ་ཆོས་ལུགས་དང་གྲུབ་མཐའ་ཁ་ལ་ཁྱེར་ནས་སྲིད་དོན་གྱི་ལས་ཀ་བྱས་ཏེ་ནང་འཁྲུག་ལངས་པ་དང་། ཤི་རྨས་བྱུང་བ། སྲིད་དབང་ཤོར་བ་སོགས་ཀྱི་གནས་ཚུལ་མང་དུ་བྱུང་ཡོད་པ་བཞིན། ཕྱོགས་ཞེན་ཤ་སྟག་གིས་བཟོ་སྐྲུན་ལས་འོང་གིན་པའི་ཆོས་བརྒྱུད་སྤྱི་འཐུས་ཟེར་བ་འདི་ཡང་མ་འོངས་པར་ཉེན་ཁ་ཞིག་ཆགས་སྲིད་པ་རེད།
འུ་ཚོས་གནས་ལུགས་ཀྱི་རྒྱབ་རོགས་ནི་ཆོས་ལུགས་ཁོ་ན་ཡིན་པའི་འདོད་ཚུལ་འདིས་ནི་དུས་གཏན་ཏུ་ང་ཚོར་ཁ་གྲག་ཏུ་འཇུག་གི་ཡོད་པ་མ་རེད་ལ།རྩ་ཁྲིམས་ལའང་དེ་ལྟར་རེད།ཁྱོད་ཀྱིས་ཤེས་དགོས་པ་ཞིག་ལ་ང་ཚོའི་སྤྱི་ཚོགས་ནི་མ་གཞི་ནས་སྤྱི་ཚོགས་མ་ཡིན་པར་ཆོས་ཚོགས་ཤིག་ཡིན་པས་འདུལ་ཁྲིམས་ཟེར་བ་ཞིག་ལས་རྩ་ཁྲིམས་ཟེར་བ་འདི་ལ་དབང་ཆ་ཞིག་གང་ན་ཡོད།དེ་བས་ཁྱོད་ཀྱིས་རྩ་ཁྲིམས་མི་བཤད་མི་པར་འདུལ་ཁྲིམས་བཤད་རྒྱུ་ན་མ་གཏོགས་མགོ་ལ་ཅི་ཞིག་འཇོག་རྒྱུ་མི་ཤེས།ཨ
འུ་ཚོའི་བོད་པ་རེ་རེའི་གདོང་ལ་མཛུབ་མོ་བཙུགས་ཏེ་བརྩིས་ཡོང་ནའང་ཁྲིམས་ཞེས་པའི་འདུ་ཤེས་ཤིག་སུ་ལའང་མི་འདུག་ལ་ཁྲིམས་ཀྱི་འདུ་ཤེས་དེ་ཉིད་དང་ལེན་བྱེད་ཐུབ་མཁན་ཀྱང་ཤིན་ཏུ་དཀོན།བོད་ནང་གི་ཁྲིམས་ལུགས་ཆེད་མཁས་པ་རྒན་ཚེ་རིང་དོན་འགྲུབ་ལགས་ཀྱིས་འདི་ལྟར་གསུང་མྱོང་།ཁྲིམས་ཀྱི་མདུན་དུ་མི་ཚང་མ་འདྲ་མཉམ་ཡིན་ཞེས་ཡིག་ཐོག་ཏུ་བཀོད་པ་དང་ངག་ཐོག་གིས་བསྒྲགས་པ་ཙམ་ཀྱིས་མི་ཆོག་་་གལ་སྲིད་རྒྱལ་ཁབ་ཀྱི་སྲིད་འཛིན་ཡིན་ནའང་ཁྲིམས་ཀྱི་མདུན་དུ་འདྲ་ཉམས་ཡིན་སྙམ་པའི་འདུ་ཤེས་གསལ་ཐིངས་ངེ་བ་ཞིག་བྱུང་བ་ཡིན་ན་ད་གཟོད་ཁྲིམས་ཀྱིས་ཁ་གྲག་ཐུབ་ལ་ཁྲིམས་ལ་ཚེ་སྲོག་རྒྱས་ཐུབ་ཅེས་ཟེར།
དེ་བས་ང་ཚོའི་ཡིག་ཐོག་ཏུ་བཀོད་ཚར་བའི་ཁྲིམས་ཀྱི་ཡག་བཙོག་གང་ཡིན་ཡང་།ཁྲིམས་ལག་བསྟར་བྱེད་མཁན་དང་ཁྲིམས་ལག་བསྟར་བྱེད་ཡུལ་ཀྱི་མི་མང་ཚང་མར་ཁྲིམས་ཀྱི་འདུ་ཤེས་ཡག་པོ་རེ་ཡོད་པ་དང་།ཁྲིམས་ཁྲིམས་སུ་འཛིན་པ་དང་ཆོས་ལུགས་ཆོས་ལུགས་སུ་འཛིན་པའི་གུ་ཡངས་པའི་འདུ་ཤེས་སམ་བག་ཆགས་ཤིག་མ་བྱུང་བར་ནམ་ཡང་ང་ཚོའི་རྩ་ཁྲིམས་དེ་ཉིད་རོ་ཐང་ལ་འཕངས་པའི་རྩ་ཁྲིམས་ཙམ་ལས་གང་ཡང་མི་ཡོང་