གསུམ་བཅུའི་དུས་དྲན་ཐེངས་ ༥༡ པ་དེ་མགོ་མ་བཙུགས་པའི་སྔོན་འདིར། རྒྱ་གཞུང་གིས་ལྷ་ས་ཁུལ་ཏུ་དྲག་རྡུང་གི་ལས་འགུལ་མགོ་འཛུགས་བྱས་ཏེ་བོད་མི་བདུན་ཅུ་ལྷག་འཛིན་བཟུང་བྱས་འདུག
བོད་མིའི་ཞི་བའི་སྒེར་ལངས་ཀྱི་ཉིན་མོ་སྟེ། གསུམ་བཅུའི་དུས་དྲན་སླེབས་ལ་ཉེ་བའི་སྐབས་འདིར་རྒྱ་ནག་གཞུང་གིས་ཐབས་ཤེས་འདྲ་མིན་གྱིས་བོད་ས་ཡོངས་ལ་དམ་དྲག་ཤུགས་ཆེར་བྱེད་ཀྱིན་པ་མ་ཟད། ཉེ་ཆར་ནས་ལྷ་ས་ཁུལ་ཏུ་དྲག་རྡུང་གི་ལས་འགུལ་མགོ་འཛུགས་བྱས་ཏེ་ལྷ་སའི་བྱང་ཕྱོགས་སེ་ར་ལམ་ནས་བདེན་དཔང་ལག་འཁྱེར་ཅི་ཡང་མེད་པའི་བོད་མི་ ༧༠ ལྷག་འཛིན་བཟུང་བྱས་ཡོད་འདུག་ལ། ལྷ་སའི་གཙུག་ལག་ཁང་དང་པོ་ཏ་ལ། ར་མོ་ཆེ་སོགས་ཀྱི་ཁྲོམ་ལམ་ཡོངས་སུ་དམག་མི་བསྐོ་འཇོག་གིས་བསྔོགས་བཤེར་དང་མི་མང་འདུ་འཛོམས་བྱེད་དུ་འཇུག་གི་མེད་པར་དམ་དྲག་ཤུགས་ཆེར་བྱེད་ཀྱིན་ཡོད་འདུག་ལ། བོད་རང་སྐྱོང་ལྗོངས་ཀྱི་ས་ཁུལ་ ༦ གི་ནང་གཅིག་མཚུངས་ཀྱིས་དྲག་རྡུང་གི་ལས་འགུལ་མགོ་འཛུགས་གནང་ཡོད་འདུག
བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་འཇམ་དཔལ་སྨོན་ལམ་ལགས་ཀྱིས་ནོར་ཝེ་བོད་ཀྱི་རླུང་འཕྲིན་ཁང་ལ་གནས་ཚུལ་འགྲེལ་བརྗོད་གནང་གསལ་ལྟར་ན། ཐེངས་འདིའི་དྲག་རྡུང་གི་ལས་འགུལ་འདི་ནི། ཕྱི་ཟླ་ ༢ པའི་ཚེས་ ༢༦ ཉིན་ནས་བཟུང་བོད་རང་སྐྱོང་ལྗོངས་ཀྱི་འབྲེལ་ཡོད་མགོ་ཁྲིད་ཚན་པས་སྤྱི་ཚོགས་བདེ་འཇགས་ཀྱི་ལྷན་ཚོགས་ཤིག་གི་སྐོང་འཚོགས་གནང་བའི་སྟེང་གཏན་འབེབས་བྱས་པ་ཞིག་ཡིན་པ་དང་། ཚོགས་ཐོག་ཏུ་དམར་ཤོག་དྲུང་ཆེ་ཀྲང་ཅི་ལི་ཡིས་ཁ་བྲལ་ལ་ངོ་རྒོལ་དང་མཐའ་མའི་རྒྱལ་ཁ་ལེན་དགོས་པའི་སྐོར་གྱི་གཏམ་བཤད་ཀྱང་སྤེལ་ཡོད་འདུག དེ་ཡང་གཙོ་བོ་སླེབས་ལ་ཉེ་བའི་གསུམ་བཅུའི་དུས་དྲན་སྐབས་བོད་མི་ཚོས་ངོ་རྒོལ་བྱ་ངེས་པའི་དོགས་ཟོན་འོག་དམ་དྲག་བྱེད་ཀྱིན་ཡོད་ཚུལ་དང་། ད་ལྟའི་ཆར་བོད་རང་སྐྱོངས་ལྗོངས་ཀྱི་ས་ཁུལ་ཡོངས་སུ་དྲག་ཆས་དམག་མི་དང་ཉེན་རྟོག་པས་དྲག་རྡུང་གི་ལས་འགུལ་སྤེལ་བཞིན་ཡོད་པ་དང་། གཞུང་ལམ་ཁག་དང་བསྐོར་ལམ། གྲོང་ཁྱེར་གྱི་གནས་གང་སར་བསྐོར་བསྐྱོད་ཀྱིས་མི་མང་ལ་འཇིགས་སྐུལ་བྱེད་ཀྱིན་ཡོད་པ་མ་ཟད། ཆུ་ཚོད་ ༢༤ རིང་དམ་དྲག་དང་ཛ་དྲག་གི་གནས་སྟངས་ཁྲོད་གནས་ཡོད་འདུག
f
ཁྱེད་ཀྱིས་གསུང་པ་བདེན་ཁ་འདུག་ལ་ལྷག་དོན་ང་ལྟ་བུ་རེ་བའི་གནས་མིན་ཞེས་བ་དེ་བས་ནོར་མི་འདུག། འོན་ཀྱང་ཚར་གཅོད་རོགས་ཞེས་པའི་ཚིག་ཟླུམ་དེའི་ཅི་ཞིག་ཕན ཐབས་ལམ་ཇི་འདྲ་ཞིག་ལ་བརྟན་ན་བཟང་ངམ། དེའི་ཕྱོགས་ལ་ཐུགས་བསམ་བཞེས་ནས་ མི་རེ་ངོ་རེས་བསྒྲུབ་ཐུབ་པ་དང་སྒྲུབས་དགོས་པ་ཅི་ཞིག་འདུག དེ་མིན་པའི་ཐབས་གང་དང་ཅི་ཡོད་པ་རྣམས་རེ་རེ་བྱས་ནས་གསུང་ན་མ་རེད་དམ། ཁྱེད་ཀྱི་ཤེས་དགོས་པ་ཞིག་ལ་ལྕགས་ཞྭ་ཅོན་མི་དག་རྒྱལ་བའི་བཀའ་ལ་མི་ཉན་པའི་སྡིག་ཅན་ཡིན་པ་ཤེས་དགོས། བོད་ཞེས་པའི་མིང་བྱང་འོག་དུ་ལྕགས་ཞྭ་ཅན་གཅིག་ཡོད་ཀྱང་མི་དགའ་ནི་ཞིག་ཡིན་པས་ཁྱེད་ལ་མིག་ལྟོས་ལ་ཕན་པའི་བླང་དོར་གྱི་གནས་རེ་སྟོན་རྒྱུ་ཡོན་ན་ངས་ཀྱང་ནུས་ཚོད་ཀྱི་ལག་ལེན་རེ་བྱེད་ངེས་ཡིན།།་དེ་མེད་པར་སེམས་ཤུགས་ཡོད་མདོག་གི་ཚིག་རྡོག་རེ་བྲེས་དེ་སྔར་བཞིན་འཚོ་ན་སྟོངས་པ་ཉིད་ལ་གཟུགས་མེད་དོ་ཟེར་ན་མ་རེད་དམ
གངས་ཅན་ཞིང་གི་ཆོས་སྲིད་བྱ་བའི་གདུགས། །འདེགས་པའི་སྲི་ཞུར་གཏོགས་པའི་སྐྱེ་བོ་ཀུན། །ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་། །སྐྱེ་ཀུན་ཕྱག་ན་པདྨོས་རྗེས་བཟུང་ཤོག །
༸ གོང་ས་མཆོག་གི་གསུང་ཡིན།
གངས་དགའ་ ཨོ་ཧ་གོ་སོང་ཁྱེད་རང་ཚོའི་བལྟ་དེ། མ་གཞི་ནས་བོད་མི་སུ་བྱས་ཀྱང་གཅིག་པ་རེད། དབྱེ་བ་མེད་བསམ་ནས་མགོ་བདེ་འཁྲབ་ཡིན་ནམ།
དགུ་ཚིགས་སྐྱ་མོ་ལགས། ཁྱེད་རང་གཉིད་ཁུག་པའི་རྐྱེན་གྱི་མ་ཤེས་པ་རེད། མ་གཞི་ནས་བོད་མི་སུ་བྱས་ཀྱང་གཅིག་པ་རེད། དབྱེ་བ་མེད།
དགུ་ཚིགས་སྐྱ་མོར་བཤད་པར་རྒྱུ་མཚན་འདུག།
ངས་རེ་འབོད་བྱ་ཡུལ་ས་མཚམས་ཞིག་མེད་རུང་སུས་མཚར་གཅོད་ཐུབ་པ་དང་མཚར་གཅོད་འདོད་པ་དག་ལ་ཡིན། ད་དུང་རང་འདྲ་བའི་བལྟ་མོ་བསྟན་འདོད་པ་དག་རེ་སྐུལ་ཞུ་ཡི་མེད། དེ་བས་ངས་གནད་དོན་དེ་བཟློད་གར་ཞིག་ཏུ་ངོས་འཛིན་ཞུ་ཐུབ་བྲལ་སོང་། དེ་ནི་བསྟན་སྲིད་ལ་རྨ་འབྱིན་ཉེན་ཚབས་ཆེ་བས་བྲིས་ཤོར་སོང་ནོར་འཁྲུལ་ཡོད་ན་དགོངས་བསེལ་ཞུ།
ད་དུང་ལྕགས་ཞྭ་གྱོན་མཁན་དག་ནང་མིར་དེ་བས་བརྩི་ཐབས་མིན་འདུག་བྱས་ཙང་དོན་མེད་ནང་འཁྲུག་ལ་ཞེད་དགོས་པ་བྱབ་ཆུང་རང་མ་རེད་པས།
སྨྱོན་པས་སྨྱོ་ལབ་བརྒྱབས། རྒྱའི་རྡེའུས་འུར་ཤོབ་བཤད། ཧ་ཧ།
བཤད་ན་མི་འདོད་ཀྱང་ཁ་ནས་ཤོར་འོང་བ་འདྲ།
ཤོར་བ་ལས་བཤད་རྒྱུ་ཡིན་་་་་་་ལྕགས་ཞྭ་གྱོན་པའི་འདྲེ་དག་མཚར་གཅོད་རོགས་ཞེས་པས་རེ་བསྐུལ་ཏེ་སུ་ལ་ཞུས་པ་ཡིན་ནམ
ཡང་ལྟན་མོ་ཞིག་ལ་བལྟ་ན་འདོད་པ་རེད་པས་་་་་ཧ་ཧ་ཧ་ཧ་
ནང་འཁྲུག་བྱས་ནས་ཕན་པ་ཅི་ཡོད་དེ་ལས་རླབས་ཆེན་གྱི་དབུ་ཁྲིད་ཀྱི་ལམ་སྟོན་འོག་ཤར་བསྐྱོད་བྱེད་རྒྱུ་ཡིན་ཟེར་མཁན་དག་གཅིག་ཏུ་བསྒྲིལ་རེན་མ་རེད་དམ
ལྷ་ལ་གྲོངས་ཁྱེར་དུ་རྒྱ་གཞུང་ངོ་རྒོལ་གྱི་ལས་མགུལ་མང་པོ་ཞིག་སྤེལ་དང་སྤེལ་བཞིན་པ་རེད། བོད་དོན་ལས་མགུལ་སྤེལ་མཁན་ཕར་ཆེ་བ་ནི་ཁམས་དང་ཨ་མདོ་སོགས་མདོ་ཁམས་ཁུལ་ནས་འོངས་པའི་མི་དེ་ཚོ་རེད། མ་ཟད་དགོན་སྡེ་ཁག་གི་ནང་ནས་ཀྱང་མདོ་ཁམས་ཁུལ་གྱི་གྲྭ་བ་ཨ་ནེ་སོགས་རེད། དེ་མིན་སྟོད་པ་དང་དབུས་པ་ཚོས་འདི་འདྲའི་ངོ་རྒོལ་རྩ་བ་ནས་བྱེད་ཀྱིན་མེད།
ཉམས་ཆུང་བའི་ཆོས་ལྡན་ཞིང་ལ་རྒྱ་ནག་དམར་པོའི་འདྲེ་ལག་བརྐྱངས་རྗེས་ནས་ང་ཚོས་དྲང་བདེན་དང་། འཚེ་བ་མེད་པའི་ལས་འགུལ་ལག་ཆར་འཛིན་ཏེ་རྒྱལ་ཁ་ལ་རེ་འབོད་འོག་བོད་ཀྱི་དཔའ་བོ་དཔའ་མོ་གྲངས་ཀྱིས་ཆོད་དཀའ་བ་རྒྱ་ནག་ཀླ་ཀློའི་གདུབ་རྩུབ་མནར་གཅོད་ཀྱིས་ཕྱི་ལམ་བཏང་ཟིན་པ་དང་གཏོང་བཞིན་པར་སྙིང་རྗེབྱས་ཏེ་ཕན་རླབས་མ་མཆིས་པས་སོ་སོས་རང་ནུས་གང་ཐུབ་ོཀྱིས་སྤྱི་ཚོགས་ནང་དྲང་བདེན་དང་། འཚེ་མེད་ཀྱི་ལམ་ལ་རྒྱབ་གཏོད་དང་ས་སྟེང་རྒྱལ་བསྟན་ཡོངས་ཀྱི་མངའ་བདག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནི་དོན་གྱི་སངས་རྒྱས་ཞིག་ཡིན་ཀྱང་ཀླད་མེད་བྱབ་ཆུང་འགས་ངན་སྨྲས་ཀྱིས་སྤྱི་ཚོགས་སྟེང་དཀྲུག་བཞིན་སྤྱི་ཚོགས་ལྷིངས་འཇགས་ལས་གཏོར་འདོད་མཁན་དག་རྩ་མེད་བཟོས་ཏེ་གཞིས་ལུས་བོད་མིའི་དཔའ་བོ་དཔའ་མོ་རྣམས་ཀྱི་བཀའ་དྲིན་རྗེས་དྲན་དང་། གཞིས་བྱེས་མཉམ་འཛོམས་ཡོང་རྒྱུར་བསམ་རྒྱ་ཆེ་ཙམ་གནང་ན་འགྲིག་གི་མེད་ན།
སྨྱོན་པའི་སྨྱོ་ལབ་ཡིན།་ལྕགས་ཞྭ་གྱོན་པའི་འདྲེ་དག་མཚར་གཅོད་རོགས།
སྙིང་རྗེ་སྙིང་རྗེ་མ་གསུངས།།
རང་སེམས་རང་གིས་གཅུན་ཏེ།།
གཞིས་ལུས་བོད་མིའི་རྩ་དོན།།
དུས་ནས་དུས་སུ་བསྒྲུབ་རོགས།།
ཁ་ནས་སྤྱི་དོན་བཤད་ཀྱང་།།
ཁོག་ནས་རང་དོན་སྒྲུབ་སྐབས།།
རྒྱལ་གཅེས་དཔའ་བོའི་སྙིང་ལ།།
ཚེར་མ་བཙུགས་པ་མིན་ནམ།།
དཔའ་བོ་དཔའ་མོ་ཁྱེད་རྣམས་ལ་སྙིང་དབུས་ནས་ཐུགས་རྗེ་ཆེ་ཞུ་རྒྱུ་དང་།
ཁྱེད་ཀྱི་གཉེན་འབྲེལ་རྣམས་ལ་གདུང་སེམས་མཉམ་བསྐྱེད་ཀྱི་སེམས་གསོ་བྱེད་བཞིན་ཡོད།
ད་ཅི་བྱེད་དགོས་རེད།
ཡ་ང་སྙིང་རྗེ་རེ་བྱེད་ནས་བསྡོད་རྒྱུ་ཡིན་ནམ
ད་ངི་མ་སྙིང་ལང་ནི་ཞིག་རེད
རྒྱ་ནག་་གི་ཆབ་སྲིད་ཀྱིས་གཡོ་ཇུས་འདི་མཁྲེགས་ནས་མཁྲེགས་དུ་རེད ། ང་ཚོ་ལ་ཐབས་ཤེས་གང་ལགས་ན
ང་ལྷ་ས་རུ་མི་ལོ་བཞི་སྡོད་མྱོང་། ལྷ་སའི་གནས་སྟངས་རྒྱུས་ལོན་ཡོད། དངོས་གནས་ས་ཆ་དེར་བོད་མི་ཚོ་དབུགས་གཏོང་ས་ཡོད་པ་མ་རེད། ཡ་ང་སྙིང་རྗེ། རང་དབང་གི་བདེ་སྐྱིད་ཚོར་མྱོང་ཡོད་པ་མ་རེད།
སྐྱབས་མགོན་མཁྱེན། ད་ཡང་བོད་མིས་སྡུག་མྱོང་བའི་དུས་ཚོད་མགོ་བཙུགས་སོང་། ད་དུང་སུམ་བཅུའི་དུས་དྲན་སྐབས་ཅི་བྱུང་སུས་ཤེས།
ཀྱེ་མ་གཞུས་ལུས་བོད་མིའི་སྡུག་བསྡལ་ལ།།
ཀྱེ་ཧུད་ཀྱེ་ཧུད་ཅི་ལྟར་བྱས་ན་བཟང་།།
བོད་སྐྱོང་ལྷ་སྲུང་གསོལ་འདེབས་བྱས་ན་བཟང་།།
ཡང་ན་རྒྱ་དཔོན་ཞུ་བ་བྱས་ན་བཟང་།།