རྒྱ་ནག་གིས་བོད་མིའི་ལོ་ངོ་སྟོང་ཕྲག་དུ་མའི་སྲོལ་རྒྱུན་གྱི་བྱ་གཏོར་ལ་བཀག་འགོག་བྱས་པའི་དབང་གིས་ཡུལ་ཤུལ་ཁུལ་འབང་ཐང་རྫོང་དུ་དུར་བྱ་སྟོང་ལ་ཉེ་འདུག་ཟེར།
ཕྱི་ཚེས་ ༡༩ ཉིན་རྒྱ་ཡིག་པོ་ཞོན་དྲ་བས་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས་ཉེ་དུས་ནས་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་འབའ་ཐང་རྫོང་གི་བོད་རིགས་ཚོས་ལོ་ངོ་སྟོང་ཕྲག་རིང་རྒྱུན་མཐུད་སྲུང་སྐྱོབ་བྱས་ཡོད་ཅིང། རྒྱ་ནག་གི་རྒྱལ་ཡོངས་རི་སྐྱེས་སྲོག་ཆགས་སྲུང་སྐྱོབ་སྡེ་ཚན་གྱི་གནས་རིམ་དང་པོའི་གྲས་སུ་ཚུད་ཡོད་པའི་༼བྱ་གཏོར༽ དུར་བྱ་ལ། ཉེ་བའི་དུས་ནས་བཟུང་རྒྱ་ནག་འབྲེལ་ཡོད་ཚན་པས་ས་གནས་དེར་བྱ་གཏོར་བྱ་རྒྱུར་བཀག་འགོག་བྱས་པའི་དབང་གིས་དུར་བྱ་དེ་དག་སྟོང་ལ་ཉེ་ཡོད་ཚུལ་བརྗོད་ཡོད་པ་རེད། འབའ་ཐང་རྫོང་གི་བྱ་གཏོར་བྱེད་ཡུལ་དེ་ནི། ཡུལ་ཤུལ་བོད་རིགས་རང་སྐྱོང་ཁུལ་སྐྱེ་དགུ་ནས་སྤྱི་ལེ་ ༢༠ མཚམས་ཀྱི་རྒྱ་བཟའ་ཀོང་ཇོའི་ལྷ་ཁང་གི་ཤར་ལྷོའི་མཚམས་སུ་གནས་ཡོད་འདུག་ལ། ཡུལ་དེའི་མི་མང་གིས་འདས་པའི་ལོ་ངོ་སྟོང་ཕྲག་གི་སྲོལ་རྒྱུན་ལྟར་བྱ་གཏོར་བྱས་ཡོད་ཀྱང་། ཉེ་ཆར་ནས་རྒྱ་ནག་གཞུང་གི་བཀག་འགོག་ལ་བརྟེན་ནས་ད་ལྟའི་ཆར་ས་གནས་དེར་བྱ་གཏོར་བྱེད་ཐུབ་ཀྱི་མེད་པ་དང་། དུར་བྱ་དེ་དག་རྩ་མེད་དུ་འགྲོ་བཞིན་པའི་གནས་སྟངས་སེམས་ཀྱིས་མ་བཟོད་པར། ས་གནས་མི་མང་གིས་དུར་བྱ་འདི་དག་སྲུང་སྐྱོབ་བྱ་ཆེད་སྲོག་ཆགས་གཞན་གྱི་ཤ་རིགས་སོགས་གཏོར་ཏེ་སྲུང་ཐབས་བྱེད་ཀྱིན་ཡོད་ནའང་། གནས་སྟངས་འདི་དུས་ཡུན་གང་འདྲ་ཞིག་ལ་རྒྱུན་མཐུད་ཐུབ་མིན་ཡང་བཤད་དཀའ་བའི་གནས་སུ་གྱུར་ཡོད་སྟབས། ས་གནས་མི་མང་འུ་ཐུག་ཐབས་ཟད་ཀྱི་གནས་སུ་ལྷག་ཡོད་འདུག
མཁྲིས་སུ་ཞེས་པར་་་་་་་་་་་་་་་་་་་་་་་་འཁྲིས་ལ་བཅོས་རོགས་་་་་
འབའ་ཐང་མ་རེད་དཔའ་ཐང་རེད། ན་ནིང་གནས་དེར་གནམ་གྲུ་འབབ་ཐང་ཞིག་བསྐྱར་གསོ་བྱས་པས་དེའི་མཁྲིས་སུ་ཡོད་པའི་གནའ་བོའི་དུར་ཁྲོད་དེར་བརྟེན་པའི་བྱ་རྒོད་རྣམས་འཚོ་གནས་ཕོག་ཐུག་སོང་ནས་འཆི་གསོན་གྱི་མཚམས་དེར་སླེབས་པ་ཡིན་གྱི་རེད།
ཨཨཨཨ་་་་་་དྲ་ངོས་འདིར་ཡོང་མ་ཐུབ་པ་དཀའ་ངལ་ཞེ་བོ་བརྒྱབས་ཡིན།
རོགས་པ་ཚོར་ཁ་པར་བརྒྱབས་ནས་དུས་བབ་དྲ་ཚིགས་ཀྱི་སྒོ་ཕྱེས་མི་ཐུབ་གི་ག་རེ་བྱས་སོང་བ་རེདཟེར་ནས་དྲིས་པ་ཡིན་མོད། གཅིག་གིས་ཀྱང་ཤེས་ཀྱི་མི་འདུག
དེ་ནས་ཁ་བརྡ་ཚང་ལ་སོང་ནས་འདིར་ཡོང་ཐུབ་སོང་།
ཨོ་་་་དགོངས་དག་ངའི་བསམ་ཚུལ་འདི་གོང་གི་བརྗོད་གཞི་དང་འབྲེལ་བ་མེད།
ང་འདིར་སླེབས་མ་ཐག་ཚོར་བ་འདིའི་སྒང་ནས་འབྲི་འདོད་བྱུང་སོང་།
ཨོ་དྲ་བདག་ལགས། མུ་མཐུད་དུ་་སྔོན་མའི་ཁ་བྱང་སྟེང་དྲ་ཚིགས་སྒོ་ཕྱེས་མི་ཐུབ་ཚེ། དྲ་ངོས་གཞན་པར་གསལ་བཤད་བྱས་ནས་ཡག་ས་རེད།