རྒྱ་ནག་གིས་བོད་རིགས་འབྲོག་པ་ཚོ་རྒྱ་གར་གྱི་ལ་དྭགས་ས་ཁུལ་ལ་དེད་ཡོང་གི་འདུག་ཅེས་རྒྱ་གར་གྱི་སྲིད་དོན་ཚོགས་པའི་ལྟ་སྐོར་ཚོགས་ཆུང་ཞིག་གིས་སྙན་ཐོ་བཏོན་འདུག
ཕྱི་ཚེས་ ༤ ཉིན་ PTI རྒྱ་གར་གྱི་ཡིད་ཆེས་གསར་འགྱུར་གྱིས་གནས་ཚུལ་སྤེལ་དོན། རྒྱ་གར་གྱི་བྷེ་ཇེ་པེ་ཚོགས་པའི་ལྟ་སྐོར་ཚོགས་པ་ཞིག་གིས་གོང་ཚེས་ཉིན་ལ་དྭགས་ཀྱི་ལྷོ་ཤར་མཐའ་མཚམས་སུ་ལྟ་སྐོར་བྱས་ཡོད་པ་དང་། སྐབས་དེར་ཁོང་ཚོས་རྒྱ་ནག་གཞུང་གིས་ལ་དྭགས་ས་ཁུལ་ཧམ་འཛིན་བྱ་ཆེད་དུ། བོད་ཀྱི་འབྲོག་པ་ཚོ་ཚུར་ལ་དྭགས་ཀྱི་ཕྱོགས་སུ་ཕྱུགས་འཚོ་བར་འདེད་ཀྱིན་ཡོད་པ་དང་། འདི་ནི་རྒྱ་ནག་གིས་ས་ཆ་མཐོ་མཇལ་གྱི་སྒོ་ནས་ཟ་སྟངས་ཀྱི་བྱུས་རེད་ཅེས་བརྗོད་ཡོད་པ་མ་ཟད། རྒྱ་གར་གཞུང་གིས་ས་ཆ་དེ་དག་ཡུལ་སྐོར་སྤྲོ་འཆམ་གྱི་བསྟི་གནས་སུ་བསྒྱུར་ཏེ་རྒྱ་ནག་གི་ཧམ་ཟ་འགོག་དགོས་པར་འབོད་སྐུལ་ཞུས་འདུག
ང་ཚོ་ས་ཆ་འདིར་རྒྱ་ནག་གི་སུམ་འཛུལ་གྱི་གནས་སྟངས་གང་འདྲ་ཡིན་མིན་ལ་རྟོག་ཞིབ་བྱེད་པར་ཡོང་བ་ཡིན། འོན་ཀྱང་ང་ཚོས་ཤེས་རྟོགས་བྱུང་བ་ནི་ཧང་སངས་པའི་གནས་ཚུལ་ཞིག་རེད་ཅེས་མི་སྣ་ལྔ་ཡིས་གྲུབ་པའི་ཚོགས་ཆུང་དེའི་མགྲིན་ཚབ་པ་ རཱ་ཇེ་ཧྥུ་ པུ་ར་ཊབ་ རུ་ཌེ་ ཡིས་བཤད་ཡོད་པ་རེད། ཁོང་ཚོས་གླེ་རྒྱལ་ས་ནས་ཀི་ལོ་མི་ཊར་ ༣༠༠ སར་ཡོད་པའི་ལ་དྭགས་ཀྱི་མཐའ་མཚམས་ས་ཁུལ་བདེ་མཆོག་དང་ངོ་མ་ཞེས་པ་གཉིས་སུ་ལྟ་སྐོར་བྱས་ཡོད་པ་རེད།
འདི་ནི་རྒྱལ་ཁབ་རིམ་པའི་ལྟ་སྐོར་ཚོགས་ཆུང་ཞིག་གིས་མཐའ་མཚམས་ས་ཁུལ་དེར་ལྟ་སྐོར་བྱས་པ་ཐོག་མ་དེ་ཆགས་ཡོད་པ་དང་། ཚོགས་ཆུང་དེའི་ནང་དུ་ཨུ་ཊུ་ར་ཁན་ཌུ་མངའ་སྡེའི་བློན་ཆེན་ཟུར་པ་ བྷ་གྷ་ཌུ་ སིན་ ཀོ་ཞི་ཡ་རི་དང་། ཇམ་མུ་ཀ་ཤི་སྨིར་མངའ་སྡེའི་བློན་ཆེན་ཟུར་པ་ ནིར་མོལ་ སིན་ བཅས་ཡོད་འདུག
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
ཀ་ཅ་ ཀ་ཅ་ ཚོས་པ་ཀའི་གནས་ཚུལ་ཕྱིར་བསྒྲགས་བྱེད་དེ་ནི་སྤྱན་རས་གཟིགས་ལ་མ་ཎིའི་ལུང་བསྟན་རང་རེད ་་་་
རྒྱ་གར་གྱིས་རྒྱ་ནག་བཟའ་མི་ཐུབ་ལ་རྒྱ་ནག་གིས་རྒྱ་གར་དེ་བས་བཟའ་མི་ཐུབ། འོན་ཀྱང་ཧེ་མ་ལ་ཡའི་རི་རྒྱུད་ཀྱི་རྒྱ་མ་བོད་འདི་དག
ཨོའོ་་་ ལ་དྭགས་ལ་དགོས་པ་དེ་འདྲ་རང་རེད། ད་དུང་མོན་དང་བལ་ཡུལ་སོགས་ལའང་དེ་འདྲ་དགོས་ཀྱི་འདུག། ཁོང་ཚོས་ང་ཚོའི་བོད་ཀྱི་བཀའ་དྲིན་ལ་ཇ་ལན་ཆུ་འཇལ་གྱི་བྱེད་སྟངས་ཏེ། ༼ བོད་མི་༽ ཞེས་པའི་ཚབ་ཏུ་གཞན་སུ་དང་མི་འདྲ་བར། ༼ ཀ་ཅ་༽ ཞེས་འཕྱ་ཚིགས་ཀྱི་དྲག་ཆར་ག་ཚོད་ཅིག་འབེབ་ཀྱིན་འདུག་་་་་
ཧ་་་ཧ་་ཧ་་་ དྲན་སྐུལ་ཙམ་ཡིན་དཱ་་་ལོ་་་་།
འདི་ནི་བོད་དེ་རྒྱ་གར་གྱི་ཆ་ཤས་ཆགས་ཡ་བགྱི་སྔ་ལྟས་ཡིན་འགྲོ རྒྱ་རིགས་སྙིང་རྗེས།
ད་ནི་མི་རིང་རྒྱ་གཞུང་ནས་རྒྱ་གར་དང་བལ་ཡུལ་དབང་བསྒྱུར་བྱེད་རྒྱུ་རེད།
རྒྱ་གར་ནང་གནས་སྡོད་མི་རྣམས་རྒྱ་བོད་ས་མཚམས་སུ་འགྲོ་བར་བཀག་མཚམས་ཆེ་མོད། རྒྱ་ཕྱོགས་ནས་གུ་ཡངས་དེ་ཙམ་བྱེད་དགོས་དོན་གང་ཡིན་ནམ། ས་མཚམས་ནང་ལ་སླེབས་མཁན་བོད་རིགས་དེ་ཚོའི་བདེ་འཇགས་ཐད་ཐུགས་སྣང་གནང་དགོས་སྙམ།
ངོ་མ་འདི་ནི་ཡ་མཚན་ཞིག་རེད་འདུག དུས་རྒྱུན་ལ་དྭགས་མཐའ་མཚམས་ནས་ཚུལ་བོད་པ་སྐྱབས་བཅོལ་བ་ཡོང་ཐུབ་པ་ཁག་པོ་རེད། འདི་འདྲ་ཡིན་ན་བོད་པ་ཚོ་ལ་དྭགས་ས་མཚམས་ནས་ཚུལ་སྐྱབས་བཅོལ་དུ་ཡོང་ན་མི་འགྲིགས་པ་ཅི་ཡིན་ནམ།
སུམ་འཛུལ། སིམ་འཛུལ།
༄།། རྒྱ་གར་དངོས་གནས་སྙིང་རྗེ་བ་ཞིག་རེད་འདུག ཨ་རུ་ན་ཅལ་པར་རྡེཤི་ཁོང་ཚོའི་ཡིན་ཟེར་བ་དང་། དེ་རྗེས་ལ་དྭགས་ནང་ཡོང་ནས་རྡོ་ཐོག་ཏུ་རྒྱ་ཡིག་བྲིས་པ་དང་། ཡང་ད་ལྟ་བོད་ཀྱི་འབྲོག་པ་ཚུར་བཏང་ནས་ས་ཟ་བརྩི་བྱེད་ཀྱི་ཡོད་རུང་། ད་དུང་རྒྱ་གར་གི་མ་ཤེས་ཁུལ་དང་མ་རིག་བྱེད་དགོས་འདུག རྒྱལ་ཁབ་ཡོད་པ་འདྲ་འདྲ་ཡིན་ཅི་ལ་འདི་འདྲའི་འཇིགས་དགོས།། རྒྱ་གར་དགྲ་ནག་ལ་འདི་འདྲས་འཇིགས་ན་གལ་ཏེ་༸གོང་ས་མཆོག་ཞལ་མ་བཞུག་ཚེ་བོད་པར་རྒྱ་གར་གྱི་ཇི་འདྲ་བྱས་ཡོང།།