ས་ཡོམ་ཁྲོད་མི་ ༧༦༠ བསད་འདུག་ཟེར།

རེད། ཞལ་འདེབས་བསྡུ་མཁན་གྱི་ཚོགས་པ་ཞྀག་ཡོད་ན་ཡག་པོ་ཡོང་ས་རེད། འོན་ཀྱང་ལས་ཀ་འདི་འདྲ་ཚོགས་པ་ཆེན་པོ་ཞིག་གིས་མི་བྱེད་ན་མང་ཚོགས་སུ་ཡིད་ཆེ་དང་། འཇོན་ཡང་འཇོན་གྱི་མ་རེད།

ང་ཚོ་ཕྱི་ཕྱོགས་ལ་ཡོད་པ་རྣམས་ཀྱིས་གོད་ཆགས་བྱུང་བའི་ཤི་གསོན་རྣམས་ལ་བསྔོ་སྨོན་དང་ཞལ་འདེབས་སུ་དངུལ་ཏོག་ཙམ་བསྡུ་ནས་འབུལ་བ་ལས་ཡུལ་གྱིས་བསྐལ་བས་རོགས་གཞན་ཞུ་ཐབས་བྲལ། དེས་ན་རོགས་རམ་ཚོགས་ཆུང་ཞིག་གཙུགས་ན་གང་འདྲ་འདུག་གམ། དེའི་བསྐོར་ལ་དྲྭ་གྲོགས་རྣམས་པས་བསམ་འཆར་བརྗོད་རོག

འདི་དག་མཐོང་དུས་ང་རང་གི་མིག་ཆུ་རང་དབང་མེད་པར་ཤོར་གྱི་འདུག ད་འདི་འདྲ་སྐྱོ་བ་ལ།

གོད་ཆག་ནི་མང་ཞིང་འཕེལ་རྒྱས་ནི་ཇི་ཉུང་དུ་འགྲོ་བའི་ང་ཚོའི་མི་རྒྱུད་དང་མི་རབ་འདི་འདྲའི་སྐྱོ་སྣང་ཞིག །ང་ཚོ་ཚང་མས་ཁུར་དུ་བབས་པའི་ང་ཚོའི་མི་རྒྱུད་ལ་གཅེས་སྤྲས་གནང་རྒྱུའི་འབུལ་སྐུལ་ཞུ།

གོ་ཐོས་ལ་མདང་དགོང་། བུན་ཅ་པོ་གུད་ཆག་ཐེབས་ཡུལ་དུ་འོང་རྒྱུ་རེད་ཟེར་ཏེ། ལམ་འགྲམ་གཡས་གཡོན་དུ་དར་དམར་སྒྲེང་འཛུགས་ཀྱིས་གྲ་སྒྲིག་བྱེད་ཀྱིན་འདུག་ཟེར། ཚང་མས་ལྟོས་དང་། ཁོ་གནོད་སྐྱོབས་བྱེད་དུ་འོངས་པ་རེད་དམ། ཡང་ན་བརྗིད་ཉམས་བསྟན་དུ་འོང་བ་རེད། མི་ཚང་མ་གནོད་སྐྱོབ་ལ་མ་ཁོམ་པར་ཡོད་དུས་ཁོ་ལ་འདི་ལྟར་གྲ་སྒྲིག་བྱས་ཏེ་འགོར་འགྱངས་ཐེབས་འཇུག་པ་ཅིའི་ཕྱིར་རེད། མི་འདི་ཚོས་ངོ་མ་ཚེ་སྲོག་རྩེད་སྤྱད་བྱེད་ཀྱི་འདུག

བསྡད་ཀྱིན་བསྡད་ཀྱིན་གུད་ཆག་ཐེབས་ཁུལ་གྱི་གནས་ཚུལ་ཛ་དྲག་རེད། ད་ལྟ་ནི་ང་ཚོ་ཚང་མས་གསོལ་བ་སྨོན་ལམ་ཁོ་ན་བཏབ་པའི་སྡོད་པའི་དུས་མ་རེད། ཁ་ཡོད་ལག་ཡོད་ཀྱི་རོགས་རམ་ཞིག་བྱ་དགོས་འདུག ཐ་ན་དངུལ་སྐར་གང་ལས་མེད་རུང་མ་ཆད་པ་གནང་རོགས།

ངོ་དེབ་ནང་གནས་ཚུལ་ཐོན་གསལ་ལྟར་ན། ས་ཡོམ་གོད་ཆག་ཐེབས་སར་ཁ་སང་དགོང་མོར་མི་གྲངས་ཤི་ཚད་༢༠༠༠ལྷག་ཟིན་འདུག་ཟེར། ད་དུས་ཚོད་རེ་རེར་འཕར་གྱིན་འདུག ད་འཇིགས་སྐྲག་དང་ཤི་ཚད་མཚམས་ཆད་པར་ཚང་མས་གསོལ་བ་སྨོན་ལམ་དང་སྐྱབས་འཇུག་ཞུ་རོགས། ཤུལ་ལུས་མི་དམངས་རྣམས་ལ་རོགས་སྐྱོར་གྱི་ཞལ་འདེབས་གྲ་སྒྲིག་གནང་རོགས།

ཁང་གསར་ལགས་ཀྱིས་བཤད་པ་བཞིན། ཆེ་ཆུང་དང་མང་ཉུང་ལ་མ་ལྟོས་པའི་སྒོ་ནས་འདི་འདྲ་ཞིག་སྤེལ་རྒྱུ་གལ་ཆེན་པོ་རེད། སྔོན་ཆད་བཀའ་ཁྲི་མཆོག་གི་མཚན་ཐོག་ན་ངལ་སེལ་རོགས་དངུལ་བསྡུ་སྟངས་ཤིག་ཡོད་བསམ།

ཝུན་ཇ་པོ་ངུ་བཞིན་དང་བོད་པ་ཚོར་ལག་པ་གཡུག་བཞིན་སྤྱི་སྤྱོད་རླངས་འཁོར་ཆུང་བ་ཞིག་གི་ནང་ནས་ཕྱིན་ཐལ་ཟེར། བོད་མི་ཚོས་ཁོང་མཇལ་བས་ཧ་ཅང་དགའ་བོ་བྱུང་ཞེས་བཤད་སོང་ཟེར། ཝུན་གྱི་སྐད་ཆ་རྣམས་བོད་སྐད་དུ་བསྒྱུར་ནས་བཤད་སོང་ཟེར། ཝུན་གྱིས་ས་གནས་འདིར་སྔར་ལས་ལྷག་པའི་འཛུགས་སྐྲུན་བྱ་རྒྱུར་ཁས་ལེན་ཡང་བྱས་སོང་ཟེར།

Malcolm Moore གྱིས་ཊི་ཝེ་ཊར་བརྒྱུད་ནས་བཤད།

Malcolm Moore གྱིས་ད་ལྟ་རང་ཊི་ཝེ་ཊར་བརྒྱུད་བཤད་དོན། དེ་རུ་གྲྭ་པ་མང་པོ་འདུག དམག་མི་མང་པོ་འདུག ཉེན་རྟོག་པ་མང་པོ་འདུག ཕྱི་རྒྱལ་གྱི་གསར་འགོད་པ་རྣམས་རང་དབང་གིས་འགྲོ་སྐྱོད་ཆོག་གི་འདུག་ཟེར། ད་ཡིན་ན་གནས་ཚུལ་ཇེ་གསལ་ལ་ཡོང་རྒྱུའི་རེ་བ་ཡོད་སྲིད། རྒྱལ་སྤྱིའི་གསར་འགོད་པ་རྣམས་ས་གནས་ས་ཐོག་ལ་འབྱོར་ཐུབ་པ་ནི་སྟབས་ཡག་པ་རེད།

ན་མོ་གུ་རུ་དེ་ཝ་ཌཱ་ཀི་ནཱི་ཡེ། དུས་གསུམ་བདེ་བར་གཤེགས་པ་ཆོས་ཀྱི་སྐུ། །འགྲོ་དྲུག་སེམས་ཅན་ཀུན་ལ་སྤྱན་རས་གཟིགས། །ནམ་མཁའ་ལྟ་བུར་ཁྱབ་པའི་བཅུ་གཅིག་ཞལ། །གཟི་བརྗིད་འོད་དཔག་མེད་ལ་ཕྱག་འཚལ་ལོ། །ཨོཾ་མ་ཎི་པདྨེ་ཧཱུྂ་ཧྲཱི༔ འདྲེན་པ་མཉམ་མེད་ཐུབ་དབང་ཤཱཀྱའི་ཏོག །ཕྱོགས་བཅུའི་རྒྱལ་བ་རྒྱ་མཚོ་སྲས་དང་བཅས། །བཀའ་བརྒྱུད་བླ་མ་རྣམས་ཀྱི་མཆོད་སྤྲིན་དུ། །སྙིང་པོ་ཡི་གེ་དྲུག་མས་འབྱུང་བར་ཤོག །ཨོཾ་མ་ཎི་པདྨེ་ཧཱུྂ་ཧྲཱི༔ འདས་པའི་སངས་རྒྱས་རྣམས་ཀྱི་དགོངས་རྫོགས་དང༌། །མ་འོངས་སངས་རྒྱས་རྣམས་ཀྱི་ཚོགས་གསག་དང༌། །ད་ལྟར་བཞགས་པ་རྣམས་ཀྱི་ཞབས་བརྟན་དུ། །སྙིང་པོ་ཡི་གེ་དྲུག་མས་འབྱུང་བར་ཤོག །ཨོཾ་མ་ཎི་པདྨེ་ཧཱུྂ་ཧྲཱི༔ ལས་ཀྱིས་འབྲེལ་བའི་ཕ་མ་སློབ་དཔོན་དང༌། །གཉེན་འདུན་མཐུན་གྲོགས་རེ་ཞིང་ལྟོས་པ་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ དེ་ལ་བརྟེན་ནས་ཆགས་སྡང་རྨོངས་གསུམ་གྱི། །ནད་གདོན་དགྲ་བགེགས་ཚེ་ལེན་བདུད་སྡེ་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ མི་བརྗེད་ཞུས་པའི་སྦྱིན་བདག་དྲིན་ཅན་དང༌། །མ་བརྗེད་གསུངས་པའི་སྦྱིན་བདག་ཕོ་མོ་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ སྐུ་གསུང་ཐུགས་རྟེན་བླ་མ་དགེ་འདུན་དཀོར། །སྐུ་གླུད་དད་ཟས་བརྟེན་པའི་སེམས་ཅན་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ སྡིག་སྤྱོད་རྒྱལ་བློན་འབངས་དང་མི་ངན་གྱིས། །ཁྲེལ་མེད་གཡོ་སྒྱུའི་ངན་སེམས་འཆང་བ་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ མི་དགེ་བཅུ་དང་མཚམས་མེད་ལྔ་པོ་དང༌། །དེ་དང་ཉེ་ལྔ་སྤྱོད་པའི་ལས་ངན་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ བསྔོ་ཡིག་སྐྱ་མོ་ལག་ན་བྱིན་པ་དང༌། །གཤིན་པོའི་ཟས་སྐལ་བླངས་པའི་ཚེ་འདས་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ ཤི་བ་རྣ་བས་ཐོས་དང་མིག་གིས་མཐོང༌། །འཇིག་རྟེན་ཁམས་ཀྱི་ཚེ་འདས་མ་ལུས་པ། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ གྲི་ཤི་མུག་ཤི་ལ་རོ་ཆུ་རོ་སོགས། །དགེ་མེད་སྡིག་མེད་བར་དོ་འཁྱམས་པ་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ འོ་ཞོ་འཐུངས་པའི་མ་འབྲི་དྲིན་ཅན་དང༌། །ཤ་ཁྲག་ཟོས་པའི་སེམས་ཅན་མ་ལུས་པ། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ མི་ཁྱོག་ཁལ་བཀལ་བཞོན་པ་ཞོན་ཞིང་བརྡུང༌། །མི་འགྲོ་སྣ་ཕུག་རྨོས་སུ་རྨོས་པ་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ དབུས་གཙང་ཁམས་གསུམ་མངའ་རིས་འཛམ་བུ་གླིང༌། །དེ་བཞིན་གླིང་གསུམ་གླིང་ཕྲན་ཉི་འོག་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ འབྱུང་བ་ཆེན་པོ་ལྔ་ལ་གནས་བཅས་ཏེ། །གཟུགས་ཅན་གཟུགས་མེད་ཕྲ་རགས་སེམས་ཅན་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ དམྱལ་བ་ཡི་དྭགས་དུད་འགྲོ་ལྷ་མ་ཡིན། །ལྷ་མི་ལ་སོགས་ཁམས་གསུམ་སེམས་ཅན་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔ ཕྱོགས་བཅུའི་ཞིང་ཁམས་རབ་འབྱམས་མཐའ་ལས་འདས། །དེ་བཞིན་གཏུང་དཔག་དཀའ་བའི་སེམས་ཅན་རྣམས། །མགོན་པོ་སྤྱན་རས་གཟིགས་ཀྱིས་ལམ་སྣ་དྲོངས། །དེ་བ་ཅན་དུ་སྐྱེ་བར་བྱིན་གྱིས་རློབས། །ཨོཾ་མ་ཎི་པདྨེ་ཧཱུྂ་ཧྲཱི༔
གང་མང་གསོག་རོགས་གནང༌།

ད་སྐབས་གསར་ལམ་ཁག་ནས་ས་ཡོམ་གྱིས་གནོད་མཚེ་ཕོགས་པ་རྣམས་ལ་རོགས་སྐྱོར་གཞི་རྒྱ་ཆེ་བ་བྱེད་ཀྱི་ཡོད་ཚུལ་བཤད་ཀྱི་འདུག་ཀྱང་ངས་དངོས་སུ་ས་གནས་དེར་ཡོད་པའི་ནང་མི་དང་སྤུན་ཉེ་ངོ་ཤེས་རྣམས་ལ་འབྲེལ་བ་བྱས་པ་ཡིན་པས་དེ་འདྲའི་རོགས་སྐྱོར་བྱེད་མཁན་གང་ཡང་མི་འདུག་བཤད་བྱུང་། དེ་ལུགས་ང་ཚོས་ཐབས་ཤེས་གང་དྲག་བྱེད་དགོས་ཀྱི་འདུག

ད་ནངས་ཞོགས་པར་ daily Telegraph ཡི་གསར་འགོད་པ་ Malcolm Moore གྱིས་ཕྱི་རྒྱལ་གྱི་གསར་འགོད་པ་འགོག་གིན་འདུག་ཅེས་ཊི་ཝེ་ཊར་བརྒྱུད་ནས་བཤད་སོང་།

ད་ལྟ་བཤད་ན་ སི་ཨིན་ཨིན་དང་ཕྱི་རྒྱལ་གྱི་གསར་ཁང་ཞིག་སྐྱེ་རྒུ་མདོ་རུ་བསླེབས་འདུག་ཟེར།

Malcolm Moore གྱིས་དུས་ཚོད་གཅིག་གི་སྔོན་ལ་་ཊི་ཝེ་ཊར་གཏོང་སྐབས་སྐྱེ་རྒུ་མདོ་ལ་ཀེ་ལོ་མི་ཊར་ ༤༧ ཡོད་ཟེར། ད་ནི་ཁོང་སྐྱེ་རྒུ་མདོ་ལ་འབྱོར་ཡོད་ཚོད་ཡིན།

དེ་རིང་ཉིན་གང་བོར་བསྒྲགས་པའི་མཚོ་སྔོན་བོད་སྐད་ཀྱི་གསར་འགྱུར་ལས། མདང་དགུང་གི་ཆུ་ཚོད་གཉིས་པ་ཚུན་གྱི་འགྱུར་ལྡོག་མི་གསལ།

མཚོ་སྔོན་དམར་ཕྱོགས་ཚོགས་གཙོ་ཆིང་བས་ཀྱིས་བརྗོད་དོན་ལྟར། གསར་འགྱུར་དྲང་ཕྱོགས་ནས་སྤེལ་དགོས་ཟེར་བར་ཡང་གོ་རྒྱུ་ཡོད་པ་འདྲ།

འདིར་མངོན་པའི་འདྲ་པར་ནི་དོན་དངོས་ལ་ཕྱོགས་པ་ཞིག་རེད། གནས་ཚུལ་ཁུངས་ལྡན་ལྟར་ན་ས་གནས་མང་ཚོགས་རྨས་ཚབ་མི་ཆེ་བ་དང་། གྲྭ་བས་ཉེན་སྐྱོབ་ཤུགས་ཆེན་བྱས་སོངཟེར། འོན་ཀྱང་རྒྱ་ནག་གཞུང་ཕྱོགས་ནས་དོན་དངོས་དེ་ཅི་ཐུབ་ཀྱིས་སྦས་སྐུང་བྱེད་ཀྱི་འདུག

དགོངས་དག་གུས་པས་གོང་གི་ཁ་བྱང་དེ་ནོར་འདུག །
ཚེ་འདས་ཀྱི་མིང་ཐོ་འདིའི་ཐོག་གཏོང་རོགས་ཞུ། mainly882001@yahoo.co.in ཡང་ན་ druktsering2003@gmail.com རྡེ་ར་རྡུན་འབྲི་གུང་བཀའ་བརྒྱུད་ནས།

ས་ཡོམ་གྱིས་རྐྱེན་འདས་སུ་སོང་བའི་ཡུལ་ཤུལ་མི་དམངས་རྣམས་ལ་གདུང་སེམས་དྲག་ པོས་མྱ་ངན་ཞུ། ང་ཚོས་ཁ་སང་གི་འཇིགས་པ་ནི་འཇིག་རྟེན་གྱི་ཆོས་ཉིད་ཅིག་ཏུ་ རྩིས་ནས་སང་ཉིན་གྱི་རྒྱལ་ཁ་དང་བདེ་སྐྱིད་ལ་བློ་ཐག་རྦད་ཆོད་ཀྱིས་ཧུར་བརྩོན་ བྱེད་དགོས།དེའི་ཕྱིར་ང་ཚོ་སྟོབས་ཤུགས་ཀྱིས་མུ་མཐུད་དུ་ཅིས་ཀྱང་གསོན་ དགོས། གོ་ཨེ་ཐལ་་་་་་་བདག་གི་སེམས་མཐིལ་ན་མྱ་ངན་གྱིས་འགུལ་བཞིན་པའི་ཡུལ་ ཤུལ་མི་དམངས།
འོད་ ནག་ནས།

http://www.youtube.com/user/Zwilling2007#p/a/u/0/dERkbnMFmkA
སྤྱི་ལོ་ ༢༠༡༠ ལོའི་ཟླ་བ ༤ ཚེས་ ༡༤ ཉིན་བོད་མདོ་ཁམས་ཡུལ་ཤུལ་ཁུལ་དུ་ས་ཡོམ་ཤུགས་ཚད་ ༦་༩ ཅན་རྒྱབ་ནས་མི་ཟོག་མང་པོར་ཤི་རྨས་བྱུང་བར་འབྲི་གུང་༧སྐྱབས་མགོན་ཆེ་ཚང་དཀོན་མཆོག་བསྟན་འཛིན་ཀུན་བཟང་འཕྲིན་ལས་ལྷུན་གྲུབ་དབུ་བཞུགས་ཐོག འཕགས་ཡུལ་བྱང་ཆུབ་གླིང་གི་འདུས་སྡེ་གྲྭ་ཚང་དང་། བཤད་གྲྭ། བཙུན་དགོན་ཐུན་མོང་ནས་འབྲི་གུང་འཕོ་བ་དང་སྨོན་ལབ་བསྐྱངས་གཟུགས་མཐོང་པར་རིས།

ལོ་སྔོན་མའི་གསུམ་དུས་ཉིན་དམག་མི་༢༠༠༠༠ ལྷག་ཐད་ཀར་བཀྲམས་པ་རེད་ཟེར།

མཐིང་སྨུག་སྦྲ་ནང་དུ་ཡོད་ཚེ་འདི་ལྟ་བུའི་ཚེ་སྲོག་གི་ཆག་སྒོ་ཆེན་པོ་ཞིག་བྱུང་མེད་ཚོད་ཡིན།

སྐྱེས་ཁམས་ཁོར་ཡུག་དང་མཐུན་པའི་ (Eco-friendly) འཚོ་བའི་ལམ་ལུགས་ ཤིག་ལ་བསྟེན་ཡོད་ན་འདི་ལྟའི་རང་བྱུང་གི་གོད་ཆག་ཅིག་ཡོང་དོན་མེད།

འབྲོག་པ་ཚོ་གྲོང་ཁྱེར་ཅན་དུ་བསྒྱུར། གྲོང་ཁྱེར་རྣམས་དུར་ཁྲོད་དུ་བསྒྱུར།

ཉེ་ལམ་ཁོར་ཡུག་གི་ཆེད་ལས་མཁས་པ་ཞིག་གིས་ཚན་རིག་པ་གྲགས་ཅན་མང་པོ་ཞིག་ལ་བཅར་འདྲི་ཞུས་པའི་དཔེ་དེབ། ༼ས་གཞིར་ཉན་པ་༽ཞེས་པ་ཞིག་བཀླགས་པ་ཡིན། དེ་དུས་གཞི་ནས་རྒྱ་ནག་གིས་བོད་ནང་འཛུགས་སྐྲུན་བྱེད་བཞིན་པའི་ཡ་ང་བའི་མདུན་ལམ་དང་ཉེན་ཁ་དེ་དག་ཚོར་བྱུང་།

བོད་ཀྱི་དུས་བབས་ཀྱི་གནས་ཚུལ་སྤེལ་གསལ་ལྟར་ན་མི་གྲངས་༦༡༧་ཤི་ཡོད་པ་དང་༡༠༠༠༠་རྨས་ཡོད་པའི་གནས་ཚུལ་སྤེལ་འདུག་ཀྱང༌། དོན་དངོས་དེ་ལས་མང་ཚེ་སྲོག་ཤོར་ཡོད་པ་དང༌། དཔེ་ཆ་བཞག་པ་ཡིན་ན་སློབ་ཁང་རེ་རེ་ལས་ཚེ་སྲོག་ཤོར་བའི་བམ་རོ་༦༠ནས་༧༠་ཡས་མིན་དོན་དང་དོན་བཞིན་པ་རེད་འདུག

ངའི་གོ་ཐོས་བཤད་ན་སུད་སི་ཚན་རིག་པའི་ལྟ་ན་བོད་ཀྱི་ས་ཐོག་ཏུ་མེ་འཁོར་ལྕགས་ལམ་རྒྱག་མི་ཐུབ་པར་བཤད་ཡོད་པར་རེད།
རྒྱུ་མཚན་ནི། བོད་ཀྱི་སའི་འོག་ཨུ་ཁུང་མང་བ་དང་ས་སྲ་མོ་དེ་ཙམ་མི་འདུག་ཞེས་བཤད་མྱོང་ཡོད་པར་རེད།
ས་ཡོམ་སྐོར་རུ་ཚན་རིག་པའི་བཤད་སྲོལ་ལྟ་ན་སའི་སྟེང་དུ་སྔར་མེད་ཀྱི་ལྕི་ཚད་གསར་དུ་སླེབས་ན་སའི་འོག་ཏུ་ཡོད་པའི་སའི་ཨུ་ཁུང་མར་རྡོལ་འགྲོ་དུས་ས་ཡོམ་རྒྱག་པར་བཤད།
རྒྱུ་རྐྱེན་དེར་འདྲ་བརྟེན་ནས་ས་ཡོམ་རྒྱག་གིན་ཡོད་པར་ཡིན་ན། བོད་ཀྱི་གཙང་བོ་ཆེན་པོ་རྣམས་འགྲོ་སར་མ་གཏོང་བ་བཀག་ཡོད་པས་བོད་ཀྱི་ས་ཐོག་ཏུ་སྔར་མེད་ཀྱི་ལྕི་ཚོད་རྒྱ་མ་དུང་ཕྱུར་མང་པོ་གསར་དུ་སླེབས་པས་ས་ཡོམ་རྒྱག་པར་མིན་ནམ་སྙམ།

ས་ཆུ་མེ་རླུང་འབྱུང་བའི་བར་ཆད་ཀྱིསཿ
སྒྱུ་ལུས་གཡར་པོ་འཇིག་ལ་ཐུག་པའི་ཚེཿ
ཡིད་གཉིས་ཐེ་ཚོམ་མེད་པར་གསོལ་བ་འདེབསཿ
ཨོ་རྒྱན་འབྱུང་བ་བཞི་ཡི་ལྷ་མོར་བཅསཿ
འབྱུང་བ་རང་སར་ཞི་བར་ཐེ་ཚོམ་མེདཿ
ཨོ་རྒྱན་པདྨ་འབྱུང་གནས་ལ་གསོལ་བ་འདེབསཿ
བསམ་པ་ལྷུན་གྱིས་གྲུབ་པར་བྱིན་གྱིས་རློབསཿ

རྨ་འབྲི་རྫ་གསུམ་གྱི་འབྱུང་ཡུལ་འདི་ལ། འདི་འདྲའི་ས་ཡོམ་ཞིག་བརྒྱབ་པ་ནི་བློ་ཡུལ་དུ་མི་ཤོང་བ་གང་ཡང་མ་རེད་དེ། ཆུ་མཛོད་ཆེན་པོ་དེ་ཤོར་ན་ད་གཟོད་བློ་ཡུལ་དུ་མི་ཤོང་བའི་གནས་ཚུལ་འབྱུང་གི་རེད།

ད་དུང་མིའི་ཤི་གྲངས་འཕར་ངེས་རེད།