བློ་བཟང་གིས་དགོང་མོ་ཟ་ཁང་གི་ལས་མཚམས་བཞག་ནས་སྔར་རྒྱུན་ལྟར་གྲོགས་པོ་བཟའ་མི་གཉིས་ཀྱི་ནང་དུ་ཉལ་དུ་སོང་བ་དང་། གྲོགས་པོ་དེ་ཡི་རྒན་མོའི་གྲོགས་མོ་དེ་ཡང་དེ་རུ་སྔར་རྒྱུན་ལྟར་སླེབས་ཡོད་པ་རེད། ཁོང་ཚོས་ཁ་བརྡ་ཕྲན་པུ་ཞིག་བྱས་རྗེས་སུ་ཉལ་ས་བཟོ་བཞིན་སྐབས་དེར་གནམ་གཤིས་གྲང་མོ་མེད་ཀྱང་། གྲོགས་པོ་རྒན་མོའི་དེ་ཡི་ཁྱེད་གཉིས་ལྷན་དུ་ཉལ་མ་མ་བདེ་བ་ག་རེ་འདུག ཁྱེད་གཉིས་ཀྱི་སེམས་ནང་གནོང་འདྲ་མེད་ན་ལྷན་དུ་ཉལ་ན་ག་རེ་འདུག
སྐབས་དེར་ཁོ་གཉིས་ཀྱང་ག་རོག་གེར་གནོང་གང་ཡང་མེད་འདོག་གིས་ཉལ་ཁྲི་གཅིག་གི་སྟེང་དུ་སླར་ཡང་ཉལ་བ་རེད། མཚན་མོ་དེ་ནི་དངོས་གནམ་གཤིས་ཞེ་དྲག་མི་གྲང་བའི་སྒང་ལ་སྒྲོལ་མ་ལྷ་སྐྱིད་ནི་དངོས་ནས་གཟུགས་པོའི་དྲོད་ཚད་ཀྱིས་བློ་བཟང་གི་མཇེ་ངན་དེ་ཡང་བཀག་དུ་བླངས་བཅུགས་པ་རེད། བློ་བཟང་གིས་ག་ལེར་ཁོ་མོའི་དོར་མ་གསབ་གསབ་དེ་ཡི་ཁ་སྐོར་ནང་དུ་འཇུས་དེ་མར་འཕུད་རྩིས་བྱས་ཀྱང་། སྒྲོལ་མ་ལྷ་སྐྱིད་ཀྱིས་ཁ་རོག་གེར་གང་ཡང་མི་བཤད་པར་བསྡད་པ་རེད།
བློ་བཟང་ལ་དྭགས་ནས་ཚུར་རྡ་སར་འབྱོར་ནས་རྒྱུན་རིང་བོ་ཞིག་འགྲོ་བཞིན་ཡོད་ཀྱང་། བུད་མེད་གཅིག་ལ་གཏན་ནས་ལག་པ་འཆིང་མ་ཐུབ་པར་བསྡད་ཡོད་པ་དང་། སྐོམ་གདུང་གི་གཟིར་བའི་སྡུག་བསྔལ་དེ་ལ་དངོས་ནས་ཆེས་ཡིད་དུ་འོང་བའི་ཚོར་སྣང་བདེ་བ་ཞིག་མཚན་མོ་དེར་སྒྲོལ་མ་ལྷ་སྐྱིད་ཀྱིས་ལུས་སྟེང་ནས་རེག་པ་རེད། བློ་བཟང་ནི་ནམ་རྒྱུན་དུ་ལག་དུ་འགྱིག་ཤུབ་ཡོད་མཁན་གྱི་ཕོ་གསར་དེ་ཡི་གྲངས་མིན་སྟབས། མཚན་མོ་དེར་འགྱིག་ཤུབ་མེད་པར་འཁྲིག་པ་སྤྱད་པ་རེད།
ཕྱིར་ཉིན་ཁོ་རང་གིས་ལས་ཀ་བྱེད་བཞིན་པའི་སྐབས་སུ་གྲོགས་པོ་དེ་ཁོ་རང་གི་སར་ཡོང་ནས། དམྱལ་བ་བོ། འདང་དགོང་ཉལ་དུ་བཅུགས་མ་སོང་། དོ་ནུབ་དེ་འདྲ་བྱེད་རྒྱུ་འདྲ་ཡིན་ན་ང་རང་གཉིད་ཚར་ན་དེ་འདྲ་བྱེད་ཀི་བསྡོད་ཟེར་ནས་ཀུ་རེ་དང་བཅས་དེ་བློ་བཟང་ལ་བཤད་པ་རེད།
བློ་བཟང་ངོ་དམར་པོ་ཆགས་ཞོར་དུ། འདོད་ཆགས་འདི་མགོ་ཆག་ཡིན་སྟབས། བུད་མེད་དེ་འདྲའི་ཚ་བོ་ཞིག་དང་ལྷན་དུ་རུམ་བྱས་དེ་མཚན་ཁ་མཚན་མཐུད་དེ་སོང་ན་དངོས་ནས་ཁག་པོ་འདུག དོ་ནུབ་ང་རང་ཡོང་ནས་ཁོ་མོ་ལ་གསལ་བཤད་ཅིག་བྱེད་རྒྱུ་ཡིན། དེ་ནས་ཁོ་མོས་འདོད་པ་འདྲ་མེད་པ་ཡིན་ན། ང་རང་སང་ཉིན་ནས་ཁྱེད་ཚང་དུ་ཉལ་དུ་ཡོང་གི་མིན། ཁོ་མོས་མི་ཚེ་ནང་དུ་གནོད་པ་བྱེད་སྲིད་པ་རེད།
བློ་བཟང་གིས་ཁོས་གྲོགས་པོ་བཟའ་མི་གཉིས་གཉིད་ཚར་རྗེས་སུ། སྒྲོལ་མ་ལྷ་སྐྱིད་ལ་ཁ་རོག་གེར་ཁ་བརྡ་བྱས། སྒྲོལ་མ་ལྷ་སྐྱིད། འདང་ནུབ་དངོས་ནས་ང་རང་གི་འདོད་ཆགས་ཀྱི་དབང་དུ་སོང་ནས་ཁྱེད་རང་ལ་ལུས་འབྲེལ་བཞག་པ་རེད། དོ་ནུབ་ངས་ཁྱེད་རང་ལ་སྐད་ཆ་གང་ཡང་མ་བཤད་པར་འདང་ནུབ་ཀྱི་ལས་ཀ་དེ་འདྲ་དངོས་ནས་བྱེད་འདོད་མི་འདུག ཁྱེད་རང་གིས་མིའི་ལོ་རྒྱུས་ནི་ཤེས་གསལ་རེད། ཁྱེད་རང་དངོས་ནས་ང་ལ་དགའ་ཡི་འདུག་གམ། ཡིད་ཆེས་ཡོད་དམ།
སྒྲོལ་མ་ལྷ་སྐྱིད་ཀྱིས་བློ་བཟང་ལ་ང་ཁྱེད་རང་ལ་དགའ་ཡི་འདུག ཡིད་ཆེས་ཀྱང་ཡོད། ཁྱེད་རང་དང་ལྷན་དུ་མི་ཚེ་ཞིག་ཡོང་ན་འདོད་ཡོད།
བློ་བཟང་གིས། ཡིད་ཆེས་ཟེར་བ་ནི། ཐོག་མ་ངོ་ཤེས་མ་ཐག་ཡོད་པ་ཞིག་གཏན་ནས་མིན་པ་དང་རང་ཉིད་ལ་ད་ལྟའི་འཆར་བཟའ་ཚང་བྱེད་རྒྱུའི་སྐོར་ལ་འདོད་པ་མེད་པ་མ་ཟད། དགའ་རོགས་ཤིག་ཀྱང་སྒྲིག་འདོད་མེད་པའི་སྒང་ལ་ཁྱེད་རང་ལྟ་བུའི་བུད་མེད་གཉོམ་ཆུང་ཡ་རབས་ཤིག་ལ། གཏན་ནས་མགོ་སྐོར་གཏོང་འདོད་མེད་ལ། ད་སྔ་ངས་བུད་མེད་སུ་ལ་ཡང་མགོ་སྐོར་གཏོང་མ་མྱོང་། དེ་ཡིན་དོ་ནུབ་འུ་གཉིས་ཀྱིས་སྐད་ཆ་གསལ་བོ་བཟོ་དགོས་ཀྱི་འདུག འུ་གཉིས་འདི་ལྟར་ཡུན་རིང་དུ་སོང་བ་ཡིན་ན་ཁྱེད་རང་ལ་བྱིས་པ་ཆགས་མི་སྲིད་པ་མིན། ལྷག་པར་དུ་ཕོ་མོ་སུ་ཡིན་ཡང་སྐྱིད་པོ་གཏོང་འདོད་ཡོད་པ་རེད། དེ་ཡིན་དུས། ཁྱེད་རང་ལ་དངོས་ནས་སྐྱིད་པོ་གཏོང་འདོད་ཡོད་ན། འུ་གཉིས་ཁྱེད་རང་བོད་དུ་མ་ལོག་བར་དུ་སྐྱིད་པོ་བྱེད་ཆོག དེ་མིན་འདོད་པ་མེད་ན་ང་སང་ཉིན་ནས་འདི་རུ་ཡོང་གི་མིན།
ཁྱེད་རང་གིས་བསམ་བློ་ཞིབ་མོ་ཞིག་བཏང་ནས་སང་ཉིན་ང་རང་ལ་ལན་ཞིག་སྤྲད་ན་འགྲིག སང་དགོང་བར་དུ་ལན་འདྲ་མེད་སོང་བ་ཡིན་ན། ང་རང་འདི་རུ་ཉལ་དུ་ཡོང་གི་མིན། ཁྱེད་རང་གིས་འདོད་པ་བྱོས། འུ་གཉིས་ཀྱིས་ཁྱེད་རང་འདི་ནས་གྱེས་རེག་བར་དུ་ལྷན་དུ་སྐྱིད་པོ་བྱེད་འདོད་ཡོད་ན། སང་ཉིན་དགོང་མོ་ཁྱེད་རང་གི་ལས་ཀ་གྲོལ་བ་དང་ང་རང་འབོད་དུ་ཤོག དེ་མིན་ང་རང་ཡོད་སར་ཡོང་མི་དགོས། ངས་ཀྱང་བསམ་ཤེས་བྱེད་ཐུབ་ཀྱི་ཡོད།
མུ་འགོད།
བློ་བཟང་ལགས། ཁྱོད་ཉལ་དུ་འགྲོ་སའི་གྲོགས་པོ་བཟའ་མི་གཉིས་ནི་སུ་རེད། ཧ་ཧ་ཧ། དེ་གནམ་ལྕགས་མ་ཡིན་ནམ། ཧ་ཧ་ཧ་ཧ། དམྱལ་བ་བོ།
ཁྱེད་གཉིས་ཀྱིས་གསུངས་པ་དེ་བདེན་པ་རེད། བློ་བཟང་ལ་ད་ནི་ཁྲེལ་གཞུང་མེད་པའི་སྒང་ལ་དངོས་ནས་འགྱུར་ཚར་བ་མ་ཟད། བུད་མེད་མི་ཉུང་བ་ཞིག་ལ་ཁྲེལ་མེད་བྱས་སོང་། ད་ནི་འུ་ཅག་གིས་ཁོ་ལ་བསྡིག་དམོད་བྱེད་རན་རེད་འདུག ལྟས་ངན་དེ་་་
བློ་བཟང་དམྱལ་བ་བོ། བུ་མོ་དེ་བཟོ་རྒྱུ་ཚང་མ་བཟོས་ཚར་ནས་སྐད་ཆ་གཙང་མ་
བཟོ་རྒྱུ་ཡིན་ཟེར་གི། དྲང་མོ་བཤད་ན་དེ་གཡོ་ཐབས་ངོ་མ་ཞིག་རེད།
སྔོན་མ་དང་མི་འདྲ་གི་ད་བློ་བཟང་འགྱུར་ཚར་འདུག
ད་དུང་འདོད་ཆགས་གིས་དབང་དུ་སོང་ཞེས་སྙན་མོ་བཤད་གི་འདུག་གྰ
བློ་བཟང་གིས་རྫུན་གཅིག་བཤད་སོང་ད་་་་་་་་བུད་མེད་སུ་ལ་ཡང་མགོ་སྐོར་གཏོང་མ་མྱོང་ཟེར་ན་་་་་བོན་བདེ་མཚོ་ལ་ཅི་བྱས་དྲན་པ་འདུག་གམ།
ཧཧཧཧཧཧཧཧཧཧ་ཁག་མེད་འདོད་ཆགས་ནི་ངར་མ་ཡོད།