ཕར་དང་ཚུར་ལ་ཟེར་ནས་གླེང་ཐུབ་ཅིག་མེད་ཀི།
ལག་པའི་ཕྱི་ནང་གཉིས་ཀ་རང་ཤ་ནི་རེད་འདུག།
གཏུབ་ན་མི་གཟོད་རང་གི་ཤ་ཁྲག་གི་གྲུབ་རེད།།
སྤྲོད་ནི་མི་འཕོད་སྙིང་རྗེ་ཅི་འདྲ་ཞིག་ཆེ་ཡང་།།
ཁ་ནས་གླེང་དུས་ཤེས་པ་རང་ཉིད་ཀྱི་རྒྱན་ཡིན།།
དོན་དུ་ལག་ལེན་སྟོང་བ་རང་ཉིད་ཀྱི་མཚང་ཡིན།།
མི་གཤིས་བཙོ་སྤྱང་བྱེད་ལ་འཇོན་ཐང་ཞིག་བྱུང་ན།།
རང་གི་རིགས་ལ་འཁོ་བ་དེ་ཉིད་ལས་མི་འདུག།
མཐོན་པོ་ཡོད་ཚད་མཁས་པ་ཚད་ལྡན་ནི་ཡིན་དཀའ།།
དམའ་བ་ཐམས་ཅད་བླུན་པོ་རྨོངས་འཐོམ་ནི་མིན་ངེས།།
འགྲོ་བའི་རིགས་ཀྱི་སེམས་བྱུང་མི་ཀུན་ལ་ཡོད་པ།།
དེ་ཉིད་ཤེས་ལ་འབད་ན་རིན་ཐང་ནི་ཡོད་ངེས།།
ཡུལ་དུ་གྱར་ནས་རང་དབང་ལུང་བ་རུ་ཡོད་དུས།།
གཞིས་བསྡོད་བོད་མིའི་སྐྱིད་སྡུག་གླེང་བ་དེ་མཛེས་ཀྱང་།།
ཁ་ལ་ཚོད་མེད་རང་རིགས་སྤུན་ཟླ་ལ་དམོད་པ།།
དོན་གྱི་རང་རིགས་བརླག་པའི་གཞི་མ་ལས་མ་འདས།།
ཡི་གེ་འགོ་གཏིང་སྒྲིག་པ་མཛེས་མཛེས་ཤིག་ཡོད་ཀྱང་།།
ཡིག་ནོར་དོན་ནོར་མེད་པ་འབྲི་བ་དེ་བཟང་མོད།།
དོན་ལ་ཤ་ཞེན་གཙང་མའི་ལྷག་བསམ་རང་བོར་ཚེ།།
ཕྱི་ཤུན་ཁོ་ན་མཛེས་པའི་རྨ་བྱ་ལས་མ་འདས།།
མི་སེམས་ཁྲི་ཕྲག་མང་བོའི་རྒྱལ་ཁམས་ཤིག་འགྲིམ་ན།།
མི་སེམས་སྟོང་ཕྱུར་མང་བོའི་བསམ་བློ་ཞིག་བསྔོགས་དགོས།།
མི་ཡུལ་ས་མཐར་འགྲིམ་པའི་དོན་གོ་ཞིག་བསམ་ན།།
རིགས་རུས་བོད་ལ་སྐྱེ་བ་སེམས་གཏིང་ནས་མ་འབོར།།
འཇོན་མེད་ནུས་མེད་སྤྲང་འཁྱམ་ང་རང་གི་ངག་ལས།།
སེམས་ཀྱི་གཏིང་ནས་འཕངས་པའི་མདའ་མོ་ཡི་རྩེ་འདི།།
སུ་དང་གང་ལ་འཕོག་ཐུག་ཟ་ཟུར་ནས་བྱུང་ན།།
བརྩེ་བའི་ལྷ་ཡི་དྲུང་དུ་སེམས་ཁོང་ནས་འགྱོད་གཤེགས།།
རང་རིག་ལ་ལ་ཞེན་ཡོད་ན།།
ཟ་ཟུར་གྱི་མདའ་མོའི་ཅི་བྱེད།།
ཕྱོགས་མེད་ཀྱི་བོད་དོན་སྒྲུབས་དང་།།
རང་གཞན་གྱི་དོན་གནད་དེ་ཡིན།།
རྙིང་ཞེན་གྱི་ལྟ་བས་གནོད་ན།།
གསར་བྱུང་གི་རིག་པ་སྟོན་དང་།།
མཁོ་མེད་ཀྱི་ཚིག་ཉོག་མང་པོ།།
རང་གཞན་གྱི་སེམས་པ་དཀྲིགས་བྱེད།།
ཅང་མེད་ཀྱི་བླུན་པོ་མང་པོ།།
རྡ་ས་ཡི་རི་གྲོང་ལ་འཁོར་ནས།།
དོན་མེད་ཀྱི་འཆལ་གཏམ་བཤད་པ།།
ཉི་མ་རང་གཏོང་རོགས་ཡིན་འགྲོ།།
རང་སྐྱོན་རང་གིས་ཤེས་ན་སངས་རྒྱས་ཡིན།།
རང་དོན་རང་གི་སྒྲུབ་ན་འཇོན་པོ་ཡིན།།
རང་སྐྱོན་རང་གིས་མི་མཐོང་བླུན་པོ་དག།
གཞན་སྐྱོན་ཁོ་ན་བཤད་ལས་གཞན་ཅི་ཡོད།།
ཞྭ་ནག་བློ་གྲོས་ལགས། བསྟོད་བསྔགས་བྱས་པ་བཀའ་དྲིན་ཆེ། ཡིན་ཡང་། འདི་ནི་འུ་ཅག་ཚང་མའི་ལས་དོན་ཞིག་གླེང་ཁུལ་བྱས་པ་ཡིན་དུས་དགེ་ཡོད་ན་ཚང་མས་ཡིན། སྐྱོན་ཡོད་ན་ང་རང་ལ་འཁྲི་བ་ཡིན་ནོ།
རུ་གསར་ཚང་ལགས། ཉིད་ནས་དེ་ལྟར་ལམ་སྟོན་གནང་བ་དེར་དགའ་ཡོད། གང་ཐུབ་ཅིག་ཐུབ་བྱེད་ཁུལ་བྱེད་ཀྱི་ཡོད། རྗེས་ཕྱོགས་ཀྱང་དེ་ལྟར་གང་ནས་ནོར་གྱི་ཡོད་ན་གསུང་དུ་ཕེབས་ཤོག
ཅོ་རི་ཉི་མ་ལགས། སེམས་པ་ལྷོད་དུ་ཞོག སེམས་པ་ཀུ་ཡངས་པོ་ཞིག་བྱོས། རིགས་རུས་ཤིག་གི་བདེ་སྡུག་གི་ཆེད་དུ་འུ་ཅག་སོང་བ་ལས། ད་དུང་འགྲོ་རྒྱུ་མང་བ་ལུས་ཡོད་པ་རེད།
ཇིང་སྲས་མིག་གསུམ་པ་ལགས། འུ་ཅག་གིས་དབུང་བ་མཉམ་གཤིབ་ཀྱིས་རང་རིགས་ཀྱི་བདེ་སྡུག་གི་གདུང་བ་མཐོ་དམན་ལ་དབྱེ་བ་མེད་པར་སྐད་ཤུགས་འགག་ཡང་། མུད་པ་བཙུར་ནས་གླེན།
དྲང་བདེན་གནས་ལུགས་བཤད་ན་གོ་ནི་ཉུང་།།
ལྷད་མེད་སྙིང་གཏམ་བཤད་ན་རློམ་ནི་ཉུང་།།
ལྐོག་ཟ་ལྐོག་འཐུང་བྱས་ན་མཐོང་ནི་ཉུང་།།
གང་ལྟར་གོང་ལ་ཤོར་ན་དགའ་ནི་ཉུང་།།
མགོ་གསེར་སྐུ་གྱིས་བཅག་དང་རྡོ་ཡིས་བཅག་ཁྲག་དམར་པོ་ཡོང་སྟངས་གཅིག་པ་རེད།
ཡིད་དགྲ་ཡིས་བཅད་དང་གཉེན་གྱིས་བཅད་མིག་མཆི་མས་གང་སྟངས་འདྲ་འདྲ་རེད།
བསམ་བློ་དཀར་པོ་དུང་་རེད།།
མི་གཤིས་བཟང་པོ་གསེར་རེད།།
རྩོམ་ཡིག་བཟང་པོ་མགུར་རེད།།
ཡིག་ནོར་མང་ནོ་སྐྱོན་རེད།།
དཀྱེལ་ཡངས་ཁོག་པ་མཁའ་རེད།།
རིགས་ཞེན་མཁྲེགས་པོ་རྡོ་རེད།།
ངང་རྒྱུད་རིང་མོ་ཆུ་རེད།།
ཡར་རྒྱས་མེད་ནོ་སྐྱོན་རེད།།
དྲ་ཐོའི་ནང་གི་རྩེ་རེད།།
ཟིན་བྲིས་མང་ནོ་སྒྲུང་རེད།།
དྲ་ཚིགས་འདི་ཡི་རྒྱན་རེད།།
ཀུན་གྱིས་ཤེས་ནོ་ཁྱོད་རེད།།
སྙིང་གཏམ་ཡིན། ཐུགས་ལ་ཕོག་ན་དགོངས་དག་ཞུ།
ཡ་གྲོགས་པོ། བདེ་མོ། ཁྱེད་རང་གི་རྩོམ་ཡིག་ཚང་མ་ཀློག་གི་ཡོད། ཡག་པོ་འདུག མུ་མཐུད་ནས་ཕེབས་རོགས།