ལྷོ་ཕྱོགས་གཞིས་སྤྱི་ལས་ཁུངས་ཀྱི་ཁོབ་ཁོངས་འོག་ཡོད་པའི་བོད་མི་སུད་ཚོང་བ་རྣམས་དང་། མཐོ་སློབ་ཏུ་སྐྱོད་བཞིན་པའི་མཐོ་རིམ་སློབ་མ་སོགས་ཀྱིས་བསྡུས་པའི་ཞལ་འདེབས་ཧིན་སྒོར་ ༡༣༣༨༠༣ བྱུང་འདུག
འདི་གའི་གསར་ཁང་དུ་ལྷོ་ཕྱོགས་གཞིས་སྤྱི་ལས་ཁུངས་ཀྱིས་བཏང་བའི་གནས་ཚུལ་ལྟར་ན། ཡུལ་ཤུལ་གྱི་ས་ཡོམ་གོད་ཆག་ཁྲོད་རྨས་སྐྱོན་ཕོག་པ་དང་ཤུལ་ལུས་རྣམས་ལ་གདུང་སེམས་མཉམ་སྐྱེད་ཆེད། བྷེང་ལོར་ཁུལ་དང་ལྷོ་ཕྱོགས་གཞིས་སྤྱི་ལས་ཁུངས་ཀྱི་ཁྱབ་ཁོངས་འོག་གི་བོད་མི་སུད་ཚོང་བ་རྣམས་དང་། མཐོ་སློབ་ཏུ་སྐྱོད་བཞིན་པའི་མཐོ་རིམ་སློབ་མ་རྣམས་ནས་ཞལ་འདེབས་བསྡུ་རུབ་ཞུས་པ་ཧིན་སྒོར་ཆིག་འབུམ་སུམ་ཁྲི་སུམ་སྟོང་བརྒྱད་བརྒྱ་གསུམ་ ༡༣༣༨༠༣ བྱུང་བར་ཡུལ་ཤུལ་ ༡་༡༤ ས་ཡོམ་གདུང་སེལ་ཚོགས་ཆུང་ལ་དངུལ་འཛིན་ཨང་ ༨༥༥༤༠༧ ཐོག་ཕུལ་ཡོད་ཟེར།
དེ་བཞིན་ས་ཡོམ་ཁྲོད་འདས་གྲོངས་སུ་གྱུར་བ་རྣམས་ཀྱི་ཆེད་དུ་ཟླ་ ༤ ཚེས་ ༢༠ ཉིན་བོད་ཁྱིམ་ཚོགས་ཁང་དུ་སློབ་ཕྲུག་དང་ལས་བྱེད་རྣམས་འདུ་འཛོམས་ཀྱིས་མཆོད་འབུལ་སྨོན་ལམ་གསོག་བསྒྲུབས་དང་། ཟླ་ ༥ ཚེས་ ༤ ཉིན་བྷེང་ལོར་ཚོགས་ཁག་སོ་སོའི་འདུས་ཁང་དུ་ཚང་འཛོམས་ཀྱིས་སྔ་དྲོའི་ཆུ་ཚོད་ ༧ དང་སྐར་མ་ ༤༩ ཐོག་སྐར་མ་གཅིག་རིང་ངག་བཅད་མྱ་ངན་གུས་བཏུད་ཞུས་པ་དང་མཆོད་འབུལ་སྨོན་ལམ་གང་མང་གསོག་བསྒྲུབས་ཞུས་ཡོད་ཅེས་གསལ་ཡོད།
ཞལ་འདེབས་རྒྱག་མཁན་ཚང་མ་ལ་ཐུགས་རྗེ་ཆེ་ཞུ་ཡས་ཡིན།།
ཡུལ་ཤུལ་ས་ཡོམ་གདུང་སེལ་ཚོགས་ཆུང་ཀྱིས་གནས་ཚུལ་སྤེལ་པ་ལྟར་ན་། ད་ཐེངས་ས་ཡོམ་གོད་ཆག་འོག་རྐྱེན་འདས་སུ་ཕྱིན་
པའི་མི་མིང་རྣམས་གསེར་ཡིག་བྱང་ངུ་བཞུ་རྒྱུ་ཡིན་ཞེས་པ་དེ་དཔལ་འབྱོར་འཕྲོག་བརླག་རེད། གཙོ་བོ་དྭ་ཕྲུག་རྣམས་ཀྱི་མ་འོངས་
པའི་སློབ་གསོ་དང་དེ་མིན་མི་རྣམས་ཀྱི་འཚོ་རྟེན་གལ་ཆེ་ལས་ཞབས་འདེབས་ཅུང་ཙམ་བྱུང་བ་དེ་གང་བྱུང་བེད་སྤྱོད་མི་བྱེད་པ་གལ་ཆེའོ། མི་རིགས་དང་རྒྱལ་ཁབ་ཀྱི་ཆེད་དུ་ཤི་བ་ཡིན་ན་དེ་ལ་དྲན་གསོའི་རྡོ་རིང་སོགས་བཞེངས་སྲོལ་ཡོད།
༄༅།། སྨྲ་བརྗོད་རང་དབང་ལགས
འབྱུང་བཞིའི་གནོད་འཚེ་ལ་བྱེད་ཐབས་ཡོད་ནི་མ་རེད་
གང་བྱང་ལས་ལ་ཐུགས་ཞེས་པ་འདི་སྒོམས་ཤིག
ཕྱི་ལོ་ཉིས་སྟོང་བཅུ་གཉིས་སླེབས་ལ་ཉེ་བའི་དུས་འཇ༹མ་གླིང་ས་ཕྱོགས་གང་སར་རང་བྱུང་ཁོར་ཡུག་ལ་གོད་ཆག་ཡོང་ལུགས་གསུང་བ་དང་བསྒྲགས། བོད་རིགས་སྤུན་ཟླ་ཆོ༹་ཁྱེད་རྣམ་པས་དགོངས་ཆུ༹ལ་ཇི་ཡོད་སྐོར་ཕན་ཆ༹ན་བགྲོ་གླེང་དང་དཔྱོད་པ་པོ་ཆོ༹འི་མ་འོངས་ལུང་སྟོན་གནང་རྒྱུ་ཤིན་ཏུ་གལ་ཆེ་ལགས།
ད་ཆར་འདས་ཟིན་པའི་ཡུལ་ཤུལ་ས་ཁུལ་དུ་མི་རྒྱུ་གཉིས་ལ་གོད་ཆག་བྱུང་རྐྱེན་ སླར་ཡང་གནས་ཆུ༹ལ་དེ་དག་མ་འོངས་གངས་ཅན་བོད་ཀྱི་ས་ཁུལ་ལ་ཡོང་མི་སྲིད་པ་མ་རེད།
དེ་བརྟེན་ང་ཆོ༹འི་གོང་གི་གནས་ཆུ༹ལ་དེ་རིགས་མི་ཡོང་བའི་ཐབས་ལམ་སྣ་ཆོ༹གས་སྒོ་ནས་རིམ་པས་རྐྱེན་དེ་དག་ལས་བཟློག་ཐོབ་བྱ་དགོས་པ་སྣང་ངོ།།
༄༅། གོང་གསལ་ལྷོ་ཕྱོགས་གཞིས་སྤྱི་ལས་ཁུངས་ཁྱབ་ཁོངས་བྷེང་ལོར་བོད་མི་བལ་གོས་ཚོང་པ་དང། མཐོ་སློབ་སློབ་མ་སོགས་ནས་སྐྱེ་རྒུ་མདོར་ས་ཡོམ་གོད་ཆགས་ཀྱི་ངལ་སེལ་དུ་ཞལ་འདེབས་འབུལ་གནང་མཛད་པར་ཐུགས་རྗེ་ཆེ་ཞུ། དེ་བཞིན་མོན་གྷོ་འདོད་རྒུ་གླིང་མི་མང་ཡོངས་ནས་ཀྱང་ཞལ་འདེབས་བསྡུ་རུབ་གནང་སྟེ་འབྲེལ་ཡོད་ལ་ཕུལ་ཟིན་སྐོར་བོད་ཀྱི་བང་ཆེན་དྲ་རྒྱར་བཏོན་འདུག་པ་འདིར་མཁྱེན་རྟོགས་སླད་དཔར་ཤུས་བྱས་ཡོད།
————————————————–
འབུམ་ཉི་ཤུ་རྩ་གཅིག་ལྷག་གི་ཞལ་འདེབས།
རྒྱ་གར་ལྷོ་ཕྱོགས་མོན་གྷོ་ས་གནས་ནས་ཁམས་སྐྱེ་རྒུ་མདོའི་ས་ཡོམ་བྱུང་ཡུལ་དུ་ཞལ་འདེབས་ཧིན་སྒོར་འབུམ་ཉི་ཤུ་རྩ་གཅིག་དང་སུམ་ཁྲི་བདུན་སྟོང་ཐམ་པ་བྱུང་ཡོད་པ་རེད། ས་གནས་དེས་ཁམས་སྐྱེ་རྒུ་མདོའི་འདས་གསོན་ཡོངས་ཀྱི་ཆེད་བསྔོ་སྨོན་གོ་སྒྲིག་དང་ཞལ་འདེབས་བསྡུ་རུབ་བྱས་པའི་སྐོར་ལ་མོན་གྷོ་ས་གནས་གཞིས་འགོ་དཔལ་ལྡན་དོན་གྲུབ་ལགས་ཀྱིས་ངོ་སྤྲོད་གནང་དོན། རང་གཞུང་བཀའ་ཤག་ནས་ལམ་སྟོན་བཀའ་ཡིག་ཕེབས་དོན་ལྟར་མོན་གྷོ་འདོད་རྒུ་གླིང་འགོ་མང་ཡོངས་ནས་བོད་མདོ་ཁམས་སྐྱེ་རྒྱ་མདོར་རང་བྱུང་ས་ཡོམ་གྱི་ཚབས་ཆེའི་གོད་ཆག་ཕོག་པར་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་མཚོན་ཆེད་དུ་མོན་གྷོ་འདོད་རྒུ་གླིང་ས་གནས་འགོ་འཛིན་ལས་ཁུངས་ཀྱི་ཁྱབ་ཁོངས་སུ་གཏོགས་པའི་གྲྭ་ཚང་ཁག་དང། གཞིས་གྲོང་ཁག་ནས་སོ་སོའི་འདུ་ཁང་དང་ཚོགས་ཁང་ནང་དུ་བདུན་ཚིགས་རེ་རེ་བཞིན་བསྔོ་སྨོན་མཆོད་འབུལ་བྱེད་རྒྱུར་མོས་མཐུན་ཐག་གཅོད་བྱུང་བ་བཞིན་དེ་ལྟར་བསྒྲུབས་དང་སྒྲུབ་བཞིན་ཡོད། དེ་བཞིན་ཞལ་འདེབས་བསྡུ་རུབ་ཡང་བློ་གླིང་ལྡན་མ་ཁམ་ཚན་གྱི་སྐྱེ་རྒུ་ནས་ཡིན་པའི་དགེ་འདུན་པ་བཞིའི་རྐང་འགན་གཙང་བཞེས་ཐོག་གྲྭ་ཚང་དང་གཞིས་གྲོང་སོ་སོའི་སྤྱི་མི་དང་ཕྱག་མཛོད་རྣམས་ནས་སྣེ་ཁྲིད་ཀྱིས་ད་ལྟ་བར་མོན་གྷོ་ས་གནས་ནས་གྲྭ་ཚང་ཁག་དགུ་དང་གཞིས་གྲོང་ཁག་དགུའི་ཞལ་འདེབས་བསྡུ་རུབ་བྱས་པ་ཁྱོན་བསྡོམས་ཧིན་སྒོར་༢༡,༣༧,༠༠༠།༠༠(འབུམ་ཉི་ཤུ་རྩ་གཅིག་དང་སུམ་ཁྲི་བདུན་སྟོང་ཐམ་པ་)བྱུང་ཡོད་པ་ཚང་མ་དེ་རིང་དྷ་སའི་༼༤།༡༤་ཡུལ་ཤུལ་ས་ཡོམ་གདུང་སེལ་ཚོགས་ཆུང་བཏང་ཟིན་པ་ཡིན་ཞེས་འགྲེལ་བརྗོད་གནང་སོང། བང་ཆེན་གསར་འགོད་པས།