ཧིན་སྒོར་ ༡༣༣༨༠༣ ཞལ་འདེབས།

ཞལ་འདེབས་རྒྱག་མཁན་ཚང་མ་ལ་ཐུགས་རྗེ་ཆེ་ཞུ་ཡས་ཡིན།།

༄༅།། སྨྲ་བརྗོད་རང་དབང་ལགས

འབྱུང་བཞིའི་གནོད་འཚེ་ལ་བྱེད་ཐབས་ཡོད་ནི་མ་རེད་
གང་བྱང་ལས་ལ་ཐུགས་ཞེས་པ་འདི་སྒོམས་ཤིག

༄༅། གོང་གསལ་ལྷོ་ཕྱོགས་གཞིས་སྤྱི་ལས་ཁུངས་ཁྱབ་ཁོངས་བྷེང་ལོར་བོད་མི་བལ་གོས་ཚོང་པ་དང། མཐོ་སློབ་སློབ་མ་སོགས་ནས་སྐྱེ་རྒུ་མདོར་ས་ཡོམ་གོད་ཆགས་ཀྱི་ངལ་སེལ་དུ་ཞལ་འདེབས་འབུལ་གནང་མཛད་པར་ཐུགས་རྗེ་ཆེ་ཞུ། དེ་བཞིན་མོན་གྷོ་འདོད་རྒུ་གླིང་མི་མང་ཡོངས་ནས་ཀྱང་ཞལ་འདེབས་བསྡུ་རུབ་གནང་སྟེ་འབྲེལ་ཡོད་ལ་ཕུལ་ཟིན་སྐོར་བོད་ཀྱི་བང་ཆེན་དྲ་རྒྱར་བཏོན་འདུག་པ་འདིར་མཁྱེན་རྟོགས་སླད་དཔར་ཤུས་བྱས་ཡོད།
————————————————–
འབུམ་ཉི་ཤུ་རྩ་གཅིག་ལྷག་གི་ཞལ་འདེབས།

རྒྱ་གར་ལྷོ་ཕྱོགས་མོན་གྷོ་ས་གནས་ནས་ཁམས་སྐྱེ་རྒུ་མདོའི་ས་ཡོམ་བྱུང་ཡུལ་དུ་ཞལ་འདེབས་ཧིན་སྒོར་འབུམ་ཉི་ཤུ་རྩ་གཅིག་དང་སུམ་ཁྲི་བདུན་སྟོང་ཐམ་པ་བྱུང་ཡོད་པ་རེད། ས་གནས་དེས་ཁམས་སྐྱེ་རྒུ་མདོའི་འདས་གསོན་ཡོངས་ཀྱི་ཆེད་བསྔོ་སྨོན་གོ་སྒྲིག་དང་ཞལ་འདེབས་བསྡུ་རུབ་བྱས་པའི་སྐོར་ལ་མོན་གྷོ་ས་གནས་གཞིས་འགོ་དཔལ་ལྡན་དོན་གྲུབ་ལགས་ཀྱིས་ངོ་སྤྲོད་གནང་དོན། རང་གཞུང་བཀའ་ཤག་ནས་ལམ་སྟོན་བཀའ་ཡིག་ཕེབས་དོན་ལྟར་མོན་གྷོ་འདོད་རྒུ་གླིང་འགོ་མང་ཡོངས་ནས་བོད་མདོ་ཁམས་སྐྱེ་རྒྱ་མདོར་རང་བྱུང་ས་ཡོམ་གྱི་ཚབས་ཆེའི་གོད་ཆག་ཕོག་པར་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་མཚོན་ཆེད་དུ་མོན་གྷོ་འདོད་རྒུ་གླིང་ས་གནས་འགོ་འཛིན་ལས་ཁུངས་ཀྱི་ཁྱབ་ཁོངས་སུ་གཏོགས་པའི་གྲྭ་ཚང་ཁག་དང། གཞིས་གྲོང་ཁག་ནས་སོ་སོའི་འདུ་ཁང་དང་ཚོགས་ཁང་ནང་དུ་བདུན་ཚིགས་རེ་རེ་བཞིན་བསྔོ་སྨོན་མཆོད་འབུལ་བྱེད་རྒྱུར་མོས་མཐུན་ཐག་གཅོད་བྱུང་བ་བཞིན་དེ་ལྟར་བསྒྲུབས་དང་སྒྲུབ་བཞིན་ཡོད། དེ་བཞིན་ཞལ་འདེབས་བསྡུ་རུབ་ཡང་བློ་གླིང་ལྡན་མ་ཁམ་ཚན་གྱི་སྐྱེ་རྒུ་ནས་ཡིན་པའི་དགེ་འདུན་པ་བཞིའི་རྐང་འགན་གཙང་བཞེས་ཐོག་གྲྭ་ཚང་དང་གཞིས་གྲོང་སོ་སོའི་སྤྱི་མི་དང་ཕྱག་མཛོད་རྣམས་ནས་སྣེ་ཁྲིད་ཀྱིས་ད་ལྟ་བར་མོན་གྷོ་ས་གནས་ནས་གྲྭ་ཚང་ཁག་དགུ་དང་གཞིས་གྲོང་ཁག་དགུའི་ཞལ་འདེབས་བསྡུ་རུབ་བྱས་པ་ཁྱོན་བསྡོམས་ཧིན་སྒོར་༢༡,༣༧,༠༠༠།༠༠(འབུམ་ཉི་ཤུ་རྩ་གཅིག་དང་སུམ་ཁྲི་བདུན་སྟོང་ཐམ་པ་)བྱུང་ཡོད་པ་ཚང་མ་དེ་རིང་དྷ་སའི་༼༤།༡༤་ཡུལ་ཤུལ་ས་ཡོམ་གདུང་སེལ་ཚོགས་ཆུང་བཏང་ཟིན་པ་ཡིན་ཞེས་འགྲེལ་བརྗོད་གནང་སོང། བང་ཆེན་གསར་འགོད་པས།