ཧོང་ཀོང་ནང་ The Epoch Times དབྱིན་ཡིག་གསར་ཤོག་ཐོག་མ་དེ་པར་འགྲེམས་བྱེད་ཐུབ་ཡོད་འདུག
ཟླ་འདིའི་ཚེས་ ༢༠ ཉིན་ The Epoch Times ཅེས་པའི་དྲ་ཚིགས་ཐོག་གནས་ཚུལ་སྤེལ་བ་ལྟར་ན། ཚེས་ ༡༨ ཉིན་ཧོང་ཀོང་ནང་གསར་ཁང་འདིའི་དབྱིན་ཡིག་གསར་ཤོག་ཐོག་མ་དེ་པར་འགྲེམས་བྱེད་ཐུབ་ཡོད་འདུག་ལ། འདིའི་ཐད་ཧོང་ཀོང་དུ་གནས་སྡོད་གསར་ཁང་འདིའི་མགྲིན་ཚབ་པ་ཝུའུ་ཞའོ་ཨར་ Wu Xue’er ལཊ་ཀྱིས། ང་ཚོས་འཆར་གཞི་བཟོས་པ་ལྟར་གསར་ཤོག་པར་འགྲེམས་ལམ་ལྷོང་བྱུང་སོང་བར་མ་ཟད། རྗེས་ཕྱོགས་དབྱིན་ཡིག་གི་ཚགས་ཤོག་འདི་བརྒྱུད་རྒྱ་ནག་སྐམ་ས་ཆེན་མོའི་དབྱིན་ཡིག་ཤེས་མཁན་དག་ལ་ཕན་ཐོགས་ཡོང བའི་རེ་བ་ཡོད་ཅེས་བརྗོད་ཡོད་འདུག གསར་ཤོག་དེ་ད་ལྟ་རྒྱལ་ཁབ་ ༣༣ ནས་སྐད་ཡིག་ ༡༢ ནང་འདོན་སྤེལ་བྱེད་ཀྱིན་ཡོད་ལ། དྲ་ཚིགས་ཐོག་སྐད་ཡིག་ ༡༧ ནང་ལྟ་ཀློག་ཐུབ་ཀྱི་ཡོད། གསར་ཤོག་དེ་ནི་ ༢༠༠༡ ལོར་ཐོག་མར་ཨ་རིར་རྒྱ་ཡིག་ནང་པར་འགྲེམས་བྱས་ཡོད་ལ། ༢༠༠༡ ལོར་ཀོ་རི་ཡའི་ཡི་གེའི་ནང་པར་འགྲེམས། ༢༠༠༤ ལོར་དབྱིན་ཡིག་ནང་པར་འགྲེམས་བཅས་བྱས་ཡོད་པ་རེད། ཕྱིས་སུ་རིམ་བཞིན་སྐད་ཡིག་མི་འདྲ་བ་ ༡༤ ནང་པར་འགྲེམས་བྱེད་ཐུབ་ཡོད། ཧོང་ཀོང་ནི་དེ་སྔོན་དབྱིན་ཇིའི་མི་སེར་སྤེལ་ཡུལ་ཞིག་ཏུ་གྱུར་ཡོད་སྟབས། ཤར་ནུབ་གཉིས་ཀྱི་སྲོལ་རྒྱུན་གྱི་ཁྱད་ཆོས་འཛོམས་ས་ཞིག་ཆགས་ཡོད་ལ། དེ་ནི་དབྱིན་རྒྱ་སྐད་ཡིག་གཉིས་གཞུང་འབྲེལ་སྐད་ཡིག་ཏུ་བཀོད་སྤྱོད་བྱེད་པའི་ཡུལ་གྲུ་ཞིག་ཀྱང་རེད་འདུག
མགྱོགས་མྱུར་བོད་ཡིག་ཐོག་དཔར་འགྲེམས་བྱེད་ཐུབ་པའི་རེ་ཡོད།