འདི་གའི་གསར་འགོད་པས་བོད་ཀྱི་དགུ་བཅུ་གསུམ་ལས་འགུལ་ཚོགས་པ་ནས་ཤེས་རྟོགས་བྱུང་བ་ལྟར་ན། ཟླ་འདིའི་ཕྱི་ཚེས་ ༡༡ ཉིན་ཅན་ངྷི་སྒར་གྱི་ PGA ཞེས་པའི་སྨན་ཁང་ནང་བོད་ཀྱི་ཆབ་སྲིད་བཙོན་ཟུར་འཇམ་དཔལ་རྒྱ་མཚོ་ལགས་མཁལ་ནད་ཀྱི་དབང་གིས་འདས་གྲོངས་སུ་གྱུར་ཡོད་འདུག
ཁོང་ཕ་ཡུལ་ལྷ་རྩེ་རྫོང་མང་ཕུ་ཤང་ཕུ་གྲོང་ཚོར་ཞེས་པར་ཞིང་པའི་ཁྱིམ་ཚང་ཞིག་ཏུ་སྐྱེས་ཤིང་། རང་ལོ་ ༨ ནས་ ༡༡ བར་གྲོང་ཚོའི་སློབ་གྲྭར་ཕྱིན། རང་ལོ་ ༡༦ བར་ཁྱིམ་ཚང་ནང་ཞིང་ལས་བྱས། དེའི་རྗེས་མང་གར་དར་རྒྱས་གླིང་དགོན་པར་ཆོས་སྒོར་ཞུགས་ཏེ་ཚོགས་ཀྱི་འདོན་རྟ་དབྱངས་གསུམ་ལ་སྦྱངས། རང་ལོ་ ༢༥ སྟེང་དགོན་པ་དང་ཤང་ཆོས་ཚོགས་ལས་ཁུངས་ནས་དགོངས་འཁྲོལ་ཐོབ་པ་ལྟར། བོད་གཞིས་ཀྱི་གདན་ས་ཆེན་མོ་སེ་ར་ཐེག་ཆེན་ཆོས་གླིང་དུ་ཟུར་བཞུགས་ཀྱིས་ལོ་ ༧ རིང་ཚད་མ་རིག་པར་སློབ་གཉེར་བྱས། ཕྱི་ལོ་ ༡༩༩༦ ནང་དར་རྒྱས་གླིང་དགོན་པར་རྒྱལ་གཅེས་ཆོས་གཅེས་ཀྱི་སློབ་གསོའི་ལས་འགུལ་ཞིག་སྤེལ་ནས་ལྷ་རྩེ་རྫོང་གི་ལས་དོན་ཚོགས་ཆུང་ནས་ཁོང་ལ་ཕྱིར་རང་དགོན་དུ་ལོག་དགོས་པའི་ཡི་གེ་བསླེབས་ནའང་། ཁོང་གིས་དང་ལེན་མ་བྱས་པར་བརྟེན་ཁོང་གི་ནང་མིར་ཁོང་ལ་ཁ་པར་དང་ཡིག་འབྲེལ་བྱེད་དགོས་པ་མ་ཟད། མྱུར་ཏུ་ཕྱིར་རང་དགོན་དུ་འབོད་འགུགས་བྱེད་དགོས་སྐོར་བརྗོད་འདུག སློབ་གསོའི་ལས་འགུལ་དེ་ནི་༧གོང་ས་མཆོག་ལ་སྐུར་འདེབས་ཞུ་རྒྱུ་དང་བོད་རྒྱ་ཁོངས་ཡིན་ཚུལ་ཁས་ལེན་དགོས་པའི་སྐོར་ཡིན་པ་ཤེས་རྟོགས་བྱུང་སྟབས། ཁོང་ཕྱིར་རང་དགོན་དུ་མ་ཕེབས་པར་མུ་མཐུད་དེ་སེ་ར་དགོན་པར་བཞུགས། ༡༩༩༨ ལོར་སེ་ར་དགོན་དུའང་རྒྱལ་གཅེས་ཆོས་གཅེས་ཀྱི་སློབ་གསོའི་ལས་འགུལ་སྤེལ། ལས་འགུལ་དེ་ལོ་གཅིག་རིང་སྤེལ་རྗེས་རྒྱ་གཞུང་གིས་མང་ཚོགས་ཚོར་སེ་ར་དགོན་པའི་གྲྭ་བཙུན་རྣམས་ནི་རྒྱལ་གཅེས་ཆོས་གཅེས་ཀྱི་གྲྭ་བཙུན་ཡིན་པ་དང་། རྒྱ་ཕྱོགས་ནས་སྤེལ་བའི་ལས་འགུལ་དེ་ལེགས་འགྲུབ་བྱུང་ཚུལ་སོགས་ཀྱི་དྲིལ་བསྒྲགས་བྱས་སྟབས། ཁོང་གིས་རྒྱ་གཞུང་གིས་མི་བདེན་རྫུན་བསྒྲིགས་ཀྱིས་འཁྱོགས་བཤད་དེར་ལན་འདེབས་བྱེད་ཆོག རས་དཀར་པོ་རིང་བོ་ཞིག་གི་སྟེང་དུ་བོད་ཀྱི་རྒྱལ་དར་ཞིག་བྲིས་ཏེ། ༡༩༩༩ ལོའི་ཟླ་ ༣ ཚེས་ ༩ མཚན་མོར་སེ་ར་དགོན་གྱི་རྒྱལ་སྒོའི་ནུབ་ཀྱི་ཁང་པ་ཞིག་གི་སྟེང་དུ་ཆུ་མཛོད་ཆེན་པོ་ཞིག་ཡོད་པའི་སྟེང་བཙུགས།
༢༠༠༡ ལོའི་ཟླ་ ༢ ཚེས་ ༩ མཚན་གྱི་དགོང་མོའི་ཆུ་ཚོད་ ༡༡ ཙམ་ལ་ཁོང་གིས་༧གོང་ས་མཆོག་གི་བཀའ་སློབ་ཅིག་ལ་ལྐོག་ཉན་བྱེད་སྐབས་ཉེན་རྟོག་པས་བཟུང་སྟེ། ཁོང་གི་གྲྭ་ཤག་སྔོག་བཤེར་སྐབས་༧གོང་ས་མཆོག་གི་བཀའ་སློབ་སྐོར་གྱི་འཁོར་ཐག་འགའ་དང་དེ་སྔོན་༧གོང་ས་མཆོག་ལ་ཕུལ་བའི་བསྔོ་རྟེན་གྱི་བྱུང་འཛིན། ༧གོང་ས་མཆོག་གི་སྐུ་པར་བཅས་ཅ་དངོས་ཁག་ཅིག་ཉེན་རྟོག་པའི་ལག་ཏུ་ཚུད། བཙོན་ཁང་ནང་ཚབས་ཆེའི་རྡུང་རྡེག་དང་མནར་གཅོད་བཏང་བཏང་མཐར། ལྷ་ས་འབྲིང་རིམ་མི་མང་ཁྲིམས་ཁང་གིས་དུས་བཀག་བཙོན་འཇུག་ལོ་གཉིས་དང་ཆབ་སྲིད་དབང་ཆ་ལོ་གཅིག་འཕྲོག་རྒྱུའི་ཁྲིམས་ཐག་བཅད་དེ། དགུ་ཚ་བཙོན་ཁང་ནང་ཟླ་དགུར་བཅུག་རྗེས་གྲྭ་གཞི་བཙོན་ཁང་ནས་བསྐྱལ། ༢༠༠༣ ལོའི་ཟླ་ ༢ ཚེས་ ༨ ཉིན་གློད་གྲོལ་ཐོབ་ནའང་། བཙོན་གྲོལ་སྐབས་བཙན་ཁང་ནང་བྱུང་བའི་དངོས་བྱུང་གི་ལོ་རྒྱུས་རྣམས་མི་སུལའང་བཤད་མི་ཆོག་པ་དང་། ས་ཆ་གཞན་ལ་འགྲོ་དགོས་བྱུང་ཚེ་གྲོང་ཚོ་དང་ཤང་གི་སྤྱི་བདེ་ལས་ཁུངས་བརྒྱུད་ཆོག་མཆན་འཐོབ་དགོས་པ་སོགས་ལུས་སེམས་གཉིས་ཀར་བསུན་བཙེར་སྣ་ཚོགས་བྱུང་སྟབས་ ༢༠༠༤ ལོར། ཁོང་གཅིག་པུར་ལྷ་ས་ནས་ཤར་གངས་ལ་བརྒྱུད་ སྐྱབས་བཅོལ་དུ་ཕེབས་དགོས་བྱུང་སྟེ་ཤེས་རབ་དགའ་ཚལ་སློབ་གླིང་ནས་སློབ་སྦྱོང་གནང་མྱོང་ཡོད་འདུག
བཙོན་ཁང་དུ་བཞུགས་རིང་ཉེན་རྟོག་པས་ཚབས་ཆེའི་རྡུང་རྡེག་ཕོག་སྟེ་མཁལ་མ་ནད་པ་ཆགས་ཡོདསྟབས། ཟླ་སྔོན་མའི་ཕྱི་ཚེས་ ༡༡ ཉིན་ཅན་ངྷི་སྒར་ PGA སྨང་ཁང་ནང་མཁལ་ནད་ཀྱི་དབང་གིས་འདས་གྲོངས་སུ་སོང་ཡོད་འདུག
གསར་འགོད་པ། ཨ་རིག་འགྱུར་མེད།
དངོས་གནས་ཡིད་སྐྱོ་བའི་གནས་ཚུལ་རེད་ ངའི་རྨོང་འཆར་འགའ་ཞུ་འདོད་བྱུང་ བཙན་བྱོལ་གྱི་ཚོགས་སྡེ་ཁག་གིས་ལད་པ་རེད་བསམ་ གང་ཡིན་ཟེར་ན་བཙོན་པ་ཟུར་པ་བཞུགས་སའི་མཐའ་སྐོར་གྱི་སྨན་ཁང་ཁག་ལ་འབྲེལ་བ་བཙུགས་ནས་ གལ་སྲིད་དེར་སྡེབ་སྐྱོན་གྱིས་མི་གྲོངས་གྲབས་ཡོད་པའི་མིའི་མཁལ་མ་སློང་རྒྱུའི་ལས་འཆར་ལ་འབད་ན་ཁོང་གི་སྲོགས་ཨེ་འགྲོ་དགོས་སྙམ་ གལ་སྲིད་ལས་འཆར་འདི་ལྟ་བའི་སྤལ་ནས་ཡང་ཐབས་ཤེས་མེད་པ་ཆགས་པ་ཡིན ན་ གནས་ཚུལ་ཐ་དད་རེད་་ དེ་མིན་་ཐབས་སྐྱོ་བ་རེད་
རྒྱ་གར་གྱི་སྨན་ཁང་ཁག་གི་ནང་དུ་ལོ་ཆུང་བ་རྣམས་གཤག་བཅོས་བྱེད་དུས་ངེས་པ་ཏུ་གཟབ་གཟབ་བྱེད་ན་མ་གཏོགས་སྨན་པ་ཁག་གིས་མཁལ་མ་ཙོང་གི་ཡོད་པར་རེད།
སྔོན་མ་རྒྱ་གར་གྱི་སྨན་པ་ཞིག་གིས་མི་མང་པོའི་མཁལ་མ་བཏོན་ནས་ཕྱི་ཚོང་བྱས་རྐྱེན་བལ་ཡུལ་དུ་བྲིས་ནས་སླེབས་པར་རེད།
བལ་ཡུལ་ཉེན་རྟོགས་པས་འཛིན་བཟུང་བྱས་ནས་ཕྱིར་རྒྱ་གར་ལ་རྩིས་སྤྲོད་བྱས་པར་གསར་འགྱུར་ཁག་ཏུ་སྟོན་སོང།
ང་རང་ཚོ་སྐྱབས་བཅོལ་བ་རྒྱབ་རྩ་མེད་མཁན་རྣམས་ཀྱི་གཟབ་གཟབ་མ་བྱེད་ན་མཁལ་མ་ཤོར་ཡོང།
དངོས་གནས་བསམ་བློ་ཡང་གཏོང་རེ་བྱེད་དུས་དངོས་གནས་བློ་ཕམ་ཡོང་ཁུ། དཔེར་ན་སུད་སི་ལྟ་བུའི་སྨན་ཁང་ནང་དུ་མཁལ་མ་བརྗེ་པོ་རྒྱག་རྒྱུ་ལས་སླ་པོ་རེད། སྙིང་བརྗེ་པོ་རྒྱབ་ནས་ནས་སྲོག་འགོ་ཐོན་ཡོད་ཡང་གོ་རྒྱུ་ཡོད།
ཨ་རིག་འགྱུར་མེད་ལགས་འདས་པ་པོར་གཤག་བཅོས་བྱས་འདུག་གམ། མཁལ་མ་གཅིག་པོའི་ནད་ཀྱིས་རྐྱེན་པས་འདས་སོང་བ་རེད་འདུག་གམ།
དངོས་གནས་ཕམ་སོང། དངོས་གནས་ཕམ། ནུབ་ཕྱོགས་སུ་ཕེབས་མ་ཐུབ་པར་དངོས་གནས་ཕམ་སོང། འགྱོད་པ་རྟ་ཡིས་མ་ཟིན་ཟེར་འདིར་རང་རེད་སྙམ།
གལ་སྲིད་དཔའ་པོ་འཇམ་དཔལ་རྒྱ་མཚོ་ལགས་སྲིད་བཙོན་པའི་མིང་ཐོག་ནས་སུད་སི་ལྟ་བུ་ལ་ཕེབས་ཐུབ་ཡོད་ན་སྨན་བཅོས་ཧ་ཅང་ཡག་པོ་ཡོད་པས་ཚེ་སྲོག་སྐྱོབ་ཐུབ་ཀྱི་རེད་སྙམ།
ད་འགྱོད་པ་སྐྱེས་ཀྱང་ཅི་ཕན། ་རྗེས་སུ་དེ་འདྲ་མི་ཡོང་བའི་སྨོན་ལམ་ཡོད།
ང་རང་ཚོས་རང་མིའི་སྲོག་སྐྱོར་མི་ཐུབ་པ་འདི་ནི་མི་ཚེའི་ནང་གི་སྡུག་བསྔལ་ཆེ་ཤོས་རེད། དགྲ་དམར་པོའི་མདུན་དུ་ཡར་ལངས་བྱས་པ་ནི་རང་སྲོག་བོད་ཀྱི་དོན་དུ་ཕུལ་བ་དང་གཅིག་པ་གཅིག་རྐྱང་རེད།
འཐབ་བསམ་ཀྱང་དཔང་གིས་མི་ཐུབ།
རྩོད་བསམ་ཀྱང་རིག་ལམ་མི་འགྲོ
བཤད་བསམ་ཀྱང་ཁྲིམས་ལུགས་མི་བརྩི།
གཏོར་བསམ་ཀྱང་སྟོབས་ཀྱིས་མི་འདང།
དགྲ་དམར་པོའི་སྟོབས་ཤུགས་ཉམ་པར་ཤོག
གཞུང་དམར་པོ་ཁ་འཐོར་ཡོང་བ་ཤོག
བོད་མི་རིགས་སྲོག་འགོ་ཐོན་པར་ཤོག
བོད་གངས་ཅན་རང་དབང་ཐོབ་པར་ཤོག
བཙན་བྱོལ་ནང་གི་བོད་མི་ཚོ་ལ་ནུས་པ་མེད་པར་ཤེས་པའི་ཐོག་ནས་རང་སྲོག་གཅེས་སྐྱོང་གནང་རོགས་ཞེས་རེ་འབོད་བྱེད་བཞིན་ཡོད།
འཕགས་མཆོག་མིག་མི་འཛུམ་གྱིས་རྗེས་བཟུང་ནས །
གང་ཞིག་རིགས་དྲུག་ཁབ་ཏུ་ཡོད་མཆིས་ན།
སླར་མུ་གངས་ཀྱི་དྭངས་མའི་བརྩེ་ཞགས་ལ །
འུ་ཅག་གཅིག་ཏུ་སྦྲེལ་བའི་སྙིངགཏམ་གླེང ་།
Oh! Allah. There is no god but He, the Living, the Self-subsisting, Eternal. No slumber can seize Him nor sleep. His are all things in the heavens and on earth. Who is there can intercede in His presence except as He permitteth? …
I pray in you and requesting that take soul of my countrys’ real hero to your own seat, ALLAH!
མྱ་ངན་གུས་རྩི་ཞུ་
བོད་ཀྱི་དཔའ་རྒོད་འདི་སྐྱེ་བ་རྗེས་མར་རང་བཙན་ཐོབ་ཚར་རྗེས་ཞིག་ལ་བོད་དུ་སྐྱེ་བར་ཤོགས
དཔའ་བོ་འདིའི་རིགས་ནི་བོད་མི་རིགས་སུ་སྐྱེས་པའི་སྐྱེས་གོ་ཆོད་པ་རེད། ང་ཚོ་བོད་མི་རིགས་འདི་རྩ་མེད་དུ་མ་སོང་བར་གནས་པ་འདི་དཔའ་རྒོད་འདི་དང་འདི་འདྲ་བ་ཚོའི་དྲིན་རེད། གུས་འདུད་ཡོད།
ཡང་བསྐྱར་བོད་ཀྱི་དཔའ་བོ་ངར་མ་ཞིག་ཏུ་འཁྲུངས་པར་ཤོག
གསར་འགོད་པ་ལགས། ཐུགས་རྗེ་ཆེ། གསར་འགྱུར་འདི་རིགས་གླེང་རིན་ཡོད། སྤྱིར་རྒྱལ་གཅེས་པ་ཁོ་རང་མཁལ་མ་གཉིས་ཀ་གཅོང་ཅན་དུ་གྱུར་ཏེ་མཁལ་མ་གཅིག་བརྗེ་སྤོར་རྒྱག་དགོས་ཐུག་འདུག ད་རེས་ཁོང་གྲོངས་ཁར་སྔར་རྒྱུན་བཞིན་མཁལ་མ་གཅིག་གིས་ལས་ཀ་བྱེད་ཀྱི་འདུག་ཟེར།
འོན་ཀྱང་། ཁོང་གྲོངས་རྐྱེན་དེ་སྙིང་དང་ཅུང་འབྲེལ་བ་ཡོད་པར་བརྗོད། ཁོང་མ་གྲོངས་གོང་ཙམ་ནས། སྨན་བཅོས་གཅིག་ཙམ་གྲུབ་ཟིན་མ་ཐག ཁོ་རང་གང་མགྱོགས་ཡར་རྡ་སར་མ་ཕྱིན་ན། འཕྲོད་བསྟེན་ནས་སྨན་རིན་ལ་དཀའ་ངལ་བཟོ་གི་རེད་ཅེས། ཅན་དྷི་གར་ནས་སེམས་འཚབ་བྱེད་ཀྱི་འདུག་ཅེས་བརྗོད། གང་ལྟར་ཁོང་ན་གཞོན་གཅིག་ནས། བོད་མི་རིགས་ཀྱི་ཆེད་དུ་བཙོན་དུ་ཚུད། དེ་ནས་ལུས་པོ་གས་ཤིག་ཁོག མཐར་ཅན་དྷི་གར་དུ་འདས་དེ་ལྟར་ཁུ་སིམ་མེར་གྲོངས་པ་རེད།
འཇམ་དཔལ་རྒྱ་མཚོ་ལགས་སོགས་ལ་སྨོན་པ།
བསྟན་དང་བསྟན་འཛིན་ཆབ་སྲིད་རང་རིགས་སླད། །
གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །
དཀའ་བ་བརྒྱ་ཕྲག་བསྒྲུབས་པའི་སྐྱེ་བོ་རྣམས། །
གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །
སྡེ་་་་་་་་་་་་་་་བདེ་ལ་བཅོས་རོགས་
སྐུ་ཞིང་བཤེགས་འཇམ་དཔལ་རྒྱ་མཚོ་ཁྱེད་།
བུ་ང་ཡི་སྙིང་ལ་རྟག་ཏུ་ཡོད་།
སླར་ཁ་བ་རི་པའི་སྡེ་སྡུག་དོན་།
ཁྱེད་སླར་ཡང་འབྱོན་པའི་སྨོན་ལམ་འདེབས།།
འཕགས་མཆོག་མཁྱེན་མཁྱེན་
མིག་ཆུ་ཤོར་བཞིན་བྲིས་
བསྟན་དང་བསྟན་འཛིན་ཆབ་སྲིད་རང་རིགས་སླད། །
གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །
དཀའ་བ་བརྒྱ་ཕྲག་བསྒྲུབས་པའི་སྐྱེ་བོ་རྣམས། །
གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །
མི་ལུས་སྐྱེ་ཞིང་སྐྱེ་བ་ཐམས་ཅད་དུ།།
ངན་སོང་ངན་འགྲོ་ལེགས་པར་ལྟུང་བ་ཡི།།
སྐྱེ་གནས་རྣམས་སུ་ནམ་ཡང་མི་སྐྱེ་ཞིང་།།
དལ་འབྱོར་ཚང་བའི་མི་ལུས་ཐོབ་པར་ཤོག།