གཡུ་ཞུན་དྲ་ཚིགས་སུ་སྤེལ་བའི་གནས་ཚུལ་ལྟར་ན། མདོ་སྨད་སྤྱི་འཐུས་ཟུར་བ་སྒོ་མང་བསྟན་པ་ལགས་སྤྱི་ཟླ་ ༥ པའི་ཚེས་ ༢༧ ཉིན་རྒྱ་གར་ལྷོ་ཕྱོགས་འབྲས་སྤུངས་སྒོ་མང་གྲྭ་ཚང་གི་རང་ཤག་ཏུ་མཆིན་པའི་གཉན་སྐྲན་གྱི་སྙུང་གཞིའི་རྐྱེན་སྐུ་གྲོངས་ཡོད་པ་དང་།དགུང་ལོ་བདུན་ཅུ་དོན་གཉིས་ཡིན་པ་རེད། སྤྱི་ཟུར་སྒོ་མང་བསྟན་པ་ལགས་སྤྱི་ལོ་ ༡༩༣༨ ལོར་མདོ་སྨད་མང་རའི་ཀླུ་ཚང་དུ་སྐུ་འཁྲུངས་པ་དང་། དགུང་ལོ་བཅུ་གཉིས་སྟེང་ཀླུ་ཚང་དགོན་པར་ཚོགས་ཞུགས་དང་། དགུང་ལོ་བཅུ་བདུན་སྟེང་བོད་དབུས་སུ་ཕེབས་ཏེ་འབྲས་སྤུངས་སྒོ་མང་གྲྭ་ཚང་གི་ཆོས་སྒོར་ཞུགས་པ་དང་། སྤྱི་ལོ་ ༡༩༥༩ ལོར་རྒྱ་གར་ལ་སྐྱབས་བཅོལ་དུ་འབྱོར་ནས། ལོ་རབས་བདུན་ཅུའི་ནང་མོན་གྷོ་ཌི་ས་གནས་བོད་རང་དབང་བདེན་པའི་ཚོགས་ཆུང་དུ་ཚོགས་གཙོ་སོགས་ཀྱི་འགན་བཞེས་ཏེ་སྲི་ཞུ་སྣ་མང་བསྒྲུབ་མྱོང་ཡོད་པ་མ་ཟད། སྤྱི་ལོ་༡༩༨༢ལོ་ནས་བཟུང་བོད་མི་མང་མདོ་སྨད་སྤྱི་འཐུས་ལོ་ལྔར་གནང་བ་དང་། ༡༩༨༧ལོར་གོང་ས་མཆོག་གིས་ཐད་བསྐོས་གནང་སྟེ་མདོ་སྨད་སྤྱི་འཐུས་སྐབས་དགུ་བ་དང་། དེ་ནས་སྐབས་བཅུ་བའི་དགེ་ལུགས་པའི་སྤྱི་འཐུས་དང་། སྐབས་བཅུ་གཅིག་པའི་མདོ་སྨད་སྤྱི་འཐུས་དང་སྤྱི་འཐུས་རྒྱུན་ལས་ཀྱི་ཕྱག་ལས་ གནང་ནས་སྤྱི་ལོ་༡༩༩༥ལོའི་བར་ངྷ་རམ་ས་ལར་བཞུགས་པ་དང་། ཡང་དེའི་ཐད་རྒྱ་གར་ལྷོ་ཕྱོགས་འབྲས་སྤུངས་སྒོ་མང་གྲྭ་ཚང་ཀླུ་འབུམ་ཁང་ཚན་གྱི་དགེ་འདུན་པ་བློ་བཟང་རྒྱ་མཚོ་ལགས་ཀྱིས་ཨེ་ཤེ་རང་དབང་རླུང་་འཕྲིན་ཁང་ལ་འདི་ལྟར་གསུང་དོན། སྐབས་བཅུ་གཅིག་པའི་སྤྱི་འཐུས་ཚར་ནས་ཡང་བསྐྱར་འོས་འདེབས་དང་འོས་ཤོག་ནང་ཁོང་གི་མཚན་མང་པོ་ཞིག་ཡོང་གི་ཡོད་ཀྱང་། ཁོང་གིས་ད་རྩ་བ་ཉིད་ནས་བྱེད་ཀྱི་མིན་།ད་ལྟ་བར་དུ་ང་ཚོ་མདོ་སྨད་ལ་མི་མེད་ ཟེར་ན་འགྲིག་གི་འདུག ང་ཚོ་ཤེས་ཡོན་མེད་པའི་མི་རྒན་པ་རྐྱང་རྐྱང་གིས་ལག་ཏུ་བཞག་ནས་ཁུར་མ་བླངས་རང་བླངས་ཆགས་པ་རེད་། ད་ལྟ་ཡིན་དུས་ཤེས་ཡོན་ལྡན་པ་གཞོན་སྐྱེས་མང་པོ་ཞིག་སླེབས་ཡོད་པས། ད་ང་རང་གི་ངོས་ནས་ཀྱང་ས་མིག་འཛིན་གྱི་མིན་ཞེས་གསུངས་ནས་དགོངས་པ་ཆ་ཚང་ཞུས་ཏེ། ཕྱིར་འབྲས་སྤུངས་སྒོ་མང་གྲྭ་ཚང་དུ་སླེབས་ནས་བཞུགས་པ་རེད་ཟེར། དེ་བཞིན་སྤྱི་ཟུར་སྒོ་མང་བསྟན་པ་ལགས་ནི་འབྲས་སྤུངས་དགོན་པའི་ཚོགས་ཆེན་འདུ་ཁང་གསར་བཞེངས་ཀྱི་གཙོ་འགན་བཞེས་མཁན་དང་གྲྭ་ཚང་འཐུས་ཚང་སོགས་དགོན་པ་ཡར་རྒྱས་ཐད་ལག་རྗེས་མི་དམན་པ་ཕུལ་མཁན་ཞིག་ཡིན་པ་དང་། གྲྭ་ཚང་གི་མ་འོངས་འཛིན་སྐྱོང་ཚོགས་པའི་འགན་འཛིན་ཐེངས་གསུམ་ལ་གནང་པའི་རིང་ འབྲས་སྤུངས་སྒོ་མང་གྲྭ་ཚང་གི་སྒྲིག་གཞི་གཏན་འབེབས་དང་དགེ་འདུན་པ་སུམ་སྟོང་ཙམ་གྱི་མ་འོངས་འཚོ་རྟེན་མཁོ་སྒྲུབ་སོགས་ཀྱི་འཆར་གཞི་འཐུས་ཚང་སྐོར་གྱི་དེབ་ བཞི་ལྔ་ཞིག་ཁོང་ཚོས་བཟོས་ཡོད་པ་རེད་ཅེས་འགྲེལ་བརྗོད་གནང་ཡོད་།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ།
ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ།
ཨོཾམ་ཎི་པདྨེ་ཧཱུཾཾ། མ་ཎི་ཐུགས་རྗེ་ཆེན་པོའི་གཟུངས་སྔགས་འདོན།
ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ།
ཞིང་གཤེགས་དམ་པ་དེ་བར་དོའི་འཇིག་སྐྲག་ལས་གྲོལ་བའི་སྨོན་ལམ་འདེབས།
རང་གཞུང་གི་ཕྱག་ལས་མང་པོ་གནང་བར་རྗེས་སུ་ཡི་རིངདང་བསྔགས་བརྗོད་ཞུ།།་
ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ། ཨོཾམ་ཎི་པདྨེ་ཧཱུཾཾ།
ཞིང་གཤེགས་དམ་པ་དེ་བར་དོའི་འཇིག་སྐྲག་ལས་གྲོལ་བའི་སྨོན་ལམ་འདེབས།
རང་གཞུང་གི་ཕྱག་ལས་མང་པོ་གནང་བར་རྗེས་སུ་ཡི་རིངདང་བསྔགས་བརྗོད་ཞུ།།་
མྱ་ངན་གུས་དུད་དང་། དལ་འགྲོའི་དལ་རྟེན་བཟང་བརྒྱུད་མཐར་རྣམ་མཁྱེན་གོ་འཕང་ཆེན་པོ་མྱུར་དུ་ཐོབ་ པའི་སྨོན་འདུན་ཞུ།
བོད་ཀྱི་དུས་བབ་གསར་འགོད་པ་རྣམ་པ། ཉིན་གཉིས་གསུམ་ནང་གསར་འགྱུར་འབྲི་མཁན་སོ་སོའི་མིང་འབྲི་བཞིན་འདུག གང་ཟག་སྒེར་ངོས་ནས་བཏོན་པའི་གསར་འགྱུར་རེད་དམ། བོད་ཀྱི་དུས་བབ་ཀྱི་ངོས་ནས་བཏོན་པའི་གསར་འགྱུར་རེད། ཡང་ན། གསར་འགོད་པ་ཚོའི་གསར་འགྱུར་འབྲི་རྩལ་བསྡུར་གྱི་ཡོད། ཡང་ན། གསར་ཁང་གི་ལས་བྱེད་ཚོ་ནང་མ་མཐུན་པ་ཡིན། བྱེད་སྟངས་འདི་རིགས་བོད་ཀྱི་དུས་བབ་ལ་ལེན་པོ་མི་འདུག ཚང་མ་དབུས་ཀྱི་ལས་བྱེད་ཤ་སྟག་རེད་མ་གཏོགས། ས་གནས་གསར་འགོད་པ་ནི་མ་རེད།
ལྡི་ལི་ལ་སྤྲང་པོ་ཤི་བ་དང་གཏན་ནས་མི་མཚུངས་ཁོང་ནི་བོད་པ་ཚང་གི་མི་གྲགས་
གྲས་ཤིག་ཡིན་ཚོད་གདའ་
དམ་པ་ཁོང་སྐུ་ཚེ་ཕན་པ་རྫོགས་པ་ལ་ངས་སེམས་གཏིང་ནས་མྱུ་ངན་གུས་བཏུལ་ཞུ་ གོང་ཞུ་ལྟར་གྱིས་བོད་བསྟན་སྲིད་དང་འབྲས་སྤུང་སྒོ་མང་ལ་ཕྱག་ལས་རླབ་ཆེན་གནང་ཡོད་པ་ངོས་འཛིན་ཞུ་རུ་ཡོད
༄༅། སྤྱི་ཟུར་བསྟན་པ་ལགས་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་ཐོན་པར་ངོས་ནས་སེམས་གཏིང་ནས་མྱ་ངན་གུས་བཏུད་དང་རྗེས་དྲན་ཞུ་གི་ཡིན། དམ་པ་ཁོང་གིས་ཀྱང་བོད་བསྟན་སྲིད་དང་ལྷག་པར་འབྲས་སྒོ་མང་གྲྭ་ཚང་ནང་ཕྱག་ལས་རྒྱ་ཆེན་གནང་བའི་བྱས་རྗེས་ཅན་ཞིག་ཡིན་པ་ངོས་འཛིན་ཞུ་ཡི་ཡོད།།
རྒྱ་གར་གྱི་རྒྱལ་ས་དྷི་ལི་ལ་སྤྲང་པོ་མང་པོ་ཞིག་ཤི་བའི་ཡིད་སྐྱོ་བའི་གནས་ཚུལ་ཡང་མཐོན་ཤག།