ད་ལྟའི་ང་ཚོའི་ཁོར་ཡུག་ནང་བོད་པའི་སྐད་ཡིག་རང་ཉིད་ཀྱི་བློ་སྲོག་གི་གྲུབ་ཆར་ངོས་འཛིན་མེད་པ་དང་གཞན་བསྟེན་གྱི་ཁོར་ཡུག་ལ་གདོང་ལེན་གྱི་སྤོབས་པ་དང་འདུ་ཤེས་མེད་པའི་དབང་གིས་མི་རིགས་དང་སྐད་ཡིག་ལ་བར་ཐག་འདི་བྱུང་བ་རེད་ཟེར།
ཕྱི་ཚེས་ ༡ ཉིན་༸གོང་ས་མཆོག་གིས་བཙན་བྱོལ་བོད་མིའི་སློབ་གྲྭ་ཁག་གི་སློབ་མར་དམིགས་ཏེ་ནང་ཆོས་ངོ་སྤྲོད་གནང་བའི་གོ་སྐབས་དང་སྟབས་བསྟུན་ཏེ། ཉིན་རྒྱབ་ཆུ་ཚོད་ ༡ སྟེང་བོད་ཀྱི་སྐད་ཡིག་རྒྱུན་འཛིན་ཚོགས་པས་ངྷ་སྟེང་བོད་ཁྱིམ་བདེ་སྐྱིད་ཚེ་རིང་ཚོགས་ཁང་དུ་དབུས་གཞོན་ནུ་ལྷན་ཚོགས་ཀྱི་དྲུང་ཆེ་དོན་འགྲུབ་ལྷ་དར་ལགས་གདན་ཞུའི་ཐོག བོད་ཀྱི་སྐད་ཡིག་དང་མཐོ་རིམ་སློབ་མའི་བར་ཐག་ཅེས་པའི་བརྗོད་གཞིའི་སྟེང་བགྲོ་གླེང་ཞིག་གོ་སྒྲིག་གནང་ཡོད། སྐབས་དེར། གཞོན་ནུའི་དྲུང་ཆེ་དོན་འགྲུབ་ལྷ་དར་ལགས་ཀྱིས་བོད་སྐད་ཡིག་གི་འཕེལ་རིམ་དང་འབྲེལ་གསུངས་དོན།
མི་རིགས་ཀྱི་སྐད་ཡིག་ནི་མི་རིགས་ཀྱི་བླ་སྲོག་དང་མཚོན་བྱེད་ཁོ་ན་མིན་པར། ལོ་རྒྱུས་ཀྱི་གོད་ཆག་ཁྲོད་བོད་མི་རིགས་ལ་སྤོབས་སེམས་དང་ལ་རྒྱ། རིགས་ཞེན་གྱི་ལྟ་བ་སླེབས་བསྡད་པ་དེ་རིག་གནས་ཀྱི་གོ་རྟོགས་ལས་སླེབས་པ་དང་། དུས་རབས་ཉི་ཤུ་དང་ལོ་རབས་བརྒྱད་ཅུ་བའི་དུས་སྐབས་ ༡༩༨༧ ལོའི་ཚུན་དུ་བོད་པའི་གདན་ས་སེ་འབྲས་དགེ་གསུམ་དང་སློབ་ཆེན་ཁག་གི་སློབ་མ་གཙོས་པའི་མི་རབས་གསར་པའི་སྣེ་འཁྲིད་འོག་རྒྱ་ནག་ལ་བཙན་འཛུལ་ངོ་རྒོལ་བྱས་པ་དེ་ཡང་བོད་ཀྱི་རིག་གནས་ཀྱིས་བོད་མི་རིགས་ལ་སྙིང་སྟོབས་དང་བློ་སྤོབས་བསྐྱེད་པ་ཞིག་ཡིན་སྟབས། ང་ཚོའི་ད་ལྟའི་གཞོན་སྐྱེས་ཚོར་བོད་པ་ཞིག་དང་བོད་རིགས་ཤིག་ཡིན་པའི་ཆ་ནས། བོད་ཀྱི་ངོ་བོ་སྲུང་སྐྱོབ་དང་བོད་རྒྱལ་ཁབ་ཀྱི་བདག་དབང་སླར་གསོ། མ་འོངས་པར་བོད་རྒྱལ་ཁབ་འཛུགས་སྐྲུན་གྱི་ནུས་སྟོབས་སྐྱེད་སྲིང་བྱ་དགོས་རྒྱུ་ནི་ལྡོག་མེད་ཀྱི་ལས་འགན་རེད་ཅེས་གསུངས་སོང་།
ཡང་ཁོང་གིས། ཕྱི་རྒྱལ་མི་རིགས་དང་བོད་སྐད་ཡིག་བར་གྱི་བར་ཐག་དང་འབྲེལ་བ་དེ་བེད་སྤྱོད་ཙམ་ཡིན་ཞིང་། ང་ཚོ་བོད་པའི་སྐད་ཡིག་དང་ང་ཚོོའི་བར་གྱི་འབྲེལ་བ་དེ་སླར་གསོ་དང་རྒྱུན་འཛིན་གྱི་གནད་དོན་ཞིག་ཡིན་སྟབས། རང་ཉིད་བོད་པ་ཞིག་ཡིན་ཞེས་བཤད་པར་ངོ་གདོང་གཅིག་པུའི་ཚབ་མཚོན་མི་ཐུབ་པར། བོད་པའི་ཁྲག་རྒྱུན་གཙང་མ་དང་བོད་མི་རིགས་ཀྱི་འདུ་ཤེས་དང་ངོས་འཛིན་སྤོབས་སེམས་ཡོད་པ། བོད་པའི་སྐད་ཡིག་བེད་སྤྱོད་ཀྱི་ནུས་པ་ཡོད་པ་ཞིག་ཡིན་དགོས་ཀྱང་། དེ་མ་ཡིན་པར། ད་ལྟའི་ང་ཚོའི་བོད་པའི་ཁོར་ཡུག་ཏུ་བོད་པའི་སྐད་ཡིག་དེ་ཉིད་རང་ཉིད་ཀྱི་བླ་སྲོག་གི་གྲུབ་ཆར་ངོས་འཛིན་མེད་པ་དང་གཞན་བསྟེན་གྱི་ཁོར་ཡུག་ལ་གདོང་ལེན་གྱི་སྤོབས་པ་དང་འདུ་ཤེས་མེད་པ། གཞི་རིམ་སློབ་གྲྭ་ཁག་ལ་བོད་ཡིག་གི་དགེ་རྒན་ཚད་ལྡན་མེད་པ། དགེ་རྒན་ཚོས་མི་རིགས་ཀྱི་འདུ་ཤེས་སྐོར་གྱི་སློབ་གསོ་གནང་གི་མེད་པ། སློབ་གྲྭའི་འཛིན་སྐྱོང་གི་ངོས་ནས་འབྲི་རྩོམ་སོགས་ཀྱི་ཐད་ལ་དོ་སྣང་མེད་པ། གནད་ཡོད་མི་སྣ་དག་གིས་རང་ཉིད་ཀྱི་བུ་ཕྲུག་གཞན་མི་རིགས་ཀྱི་སློབ་གྲྭར་མངགས་གཏོང་བྱས་པ་སོགས་སྣང་ཚུལ་གང་མང་ཞིག་གིས་བོད་སྐད་ཡིག་དང་བོད་མི་རིགས་བར་མི་རིགས་རང་གིས་བར་ཐག་རིང་དུ་བཏང་ཡོད་ལ། ལྷག་པར་དུ་མཐོ་རིམ་སློབ་མ་དང་བོད་སྐད་ཡིག་བར་གྱི་བར་ཐག་རིང་དུ་བཏང་ཡོད་སྟབས། མ་འོངས་པར་མི་རེ་ངོ་རེ་ནས་བཟུང་དེ་དང་དེ་ལྟ་བུའི་སྐད་ཡིག་ཉམས་ཆག་སྐོར་གྱི་གནད་དོན་ཐད་དོ་སྣང་དང་ཐུགས་འཁུར་གནང་དགོས་པའི་རེ་བ་དང་འབོད་སྐུལ་ཡང་གནང་བྱུང་།
ཐེངས་འདིའི་ཉིན་གཉིས་རིང་གི་གོ་སྐབས་འདི་བརྒྱུད་བོད་སྐད་ཡིག་རྒྱུན་འཛིན་ཚོགས་པས། བོད་པའི་ཁོར་ཡུག་ནང་བོད་སྐད་གཙང་མ་དང་བོད་ཡིག་དག་མ་མི་སྤྱོད་པའི་སྲོལ་ངན་དར་བཞིན་པ་དེ་བཀག་འགོག་ཆེད། བོད་གཞུང་གི་ལས་ཁུངས་ཁག་དང་། སློབ་གྲྭ་ཁག དགོན་སྡེ་ཁག གཞུང་འབྲེལ་མ་ཡིན་པའི་ཚོགས་པ་ཁག་སོགས་སྡེ་ཚན་ ༡༤༠ ནང་སྙན་ཞུ་ཕུལ་ཏེ། བོད་སྐད་གཙང་མ་དང་བོད་ཡིག་དག་མ་སྤྱོད་རྒྱུའི་འབོད་སྐུལ་གྱི་སྙན་ཞུ་ཕུལ་ཡོད་པར་མ་ཟད། མ་འོངས་པར་བོད་པའི་ཁོར་ཡུག་ནང་བོད་སྐད་གཙང་མ་དང་བོད་ཡིག་བེད་སྤྱོད་ཁྱབ་གདལ་དུ་གཏོང་སླད་ས་ཡིག་བསྡུ་རུབ་ཀྱིས་སྐབས་བཅོ་ལྔ་བའི་སྤྱི་འཐུས་ལྷན་ཚོགས་ནང་ཕུལ་ཏེ། འདིའི་ཐད་རྩ་ཁྲིམས་གསར་བཟོ་གནང་དགོས་པ་དང་། ཁྲིམས་ལུགས་རྒྱབ་རྟེན་བྱས་ཏེ་བོད་སྐད་གཙང་མ་དང་བོད་ཡིག་དག་མ་སྤྱོད་དགོས་པའི་སྙན་ཞུ་ཕུལ་འཆར་ཡོད་འདུག་ལ། ཕྱི་ཚེས་ ༢ ཉིན་བོད་ཀྱི་སྐད་ཡིག་དང་ངའི་མདུན་ལམ་ཞེས་པའི་བརྗོད་གཞིའི་སྟེང་བགྲོ་གླེང་ཞིག་གོ་སྒྲིག་གནང་འཆར་ཡོད་འདུག
གསར་འགོད་པ། དོན་གོ།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
དང་པོ་ཚོགས་འདིར་བོད་སྐད་གཙང་མའི་བདེ་ལེགས་ཞུ། ངས་བལྟས་ན་མི་འདིི་ཚོས་ཡག་པོ་རེད། ཟེར་བ་ཙམ་ལས་ཁ་ཕྱོགས་དང་རྒྱབ་ལྗོངས་གང་ཡང་གླེང་མི་འདུག ཁོ་ཚོ་དམིགས་ཡུལ་དང་གཏད་སོ་གང་ཡང་མི་འདུག འབེན་ལ་མ་ཕོག་པའི་མདའ་ལྟ་བུའི་ཚིག་མང་དྲག་སོང་།
ངས་བསམ་ན་མཐཽ་རིམ་སློབ་མ་ཚོར་དངོས་གནས་ཁག་ཡོད་ནི་མ་རེད།ཁོང་ཚོའི་བཀའ་དྲིན་ཅན་གྱི་དགེ་རྒན་དག་གི་མཛུབ་སྟོན་འོག་དེ་ལྟ་བུ་ཞིག་མ་གཏོགས་མ་ཐོབ་པ་རེད་ལ།དེ་ལྟ་བུའི་བོད་ཀྱི་སྐད་ཡིག་ལ་བདག་སྐྱོང་ཕར་ཞཽག
ཐ་ན་རང་གི་མི་ཚེའི་རིན་ཐང་ཀྱང་མག་མོག་གི་མཚན་མོར་བཏང་ཡོད་པ་རེད།
དེས་ན་སློབ་མ་ཚོར་ལས་བདའ་བྱེད་རྒྱུ་ལས་འུ་ཚང་གི་སློབ་མ་ཚོའི་ཡོད་ཚད་ནང་གི་ཡོད་ཚད་དགེ་རྒན་དེ་དག་ལ་ལེ་བདའ་བྱེད་དགོས་འདོད།དེས་ཀྱང་མི་ཆོག་པར་འུ་ཚང་གི་སློབ་གསོའི་མ་ལག་དག་ལ་བསྒྱུར་བཅོས་བྱེད་རྒྱུ་ཧ་ཅང་གི་ཁ་ཚ་དགོས་གཏུག་གི་དོན་དག་ཅི་ལ་མིན།
བོད་ཀྱི་སྐད་ཡིག་བསྲུང་སྐྱོབ་བྱེད་རྒྱུ་ཁ་ཚ་དགོས་བཏུག་སུ་གྱུར་ཡོད་པ་ཤེས་བཞིན་དུ་ད་དུང་འདི་ལྟར་བསྡད་རྒྱུ་ཡོད་དམ། གཏན་ནས་བསྡད་རྒྱུ་མེད། གོང་འོག་ཚང་མས་བོད་ཡིག་ཡར་རྒྱས་བཏང་རྒྱར་འབད་དགོས།
བོད་ཀྱི་སྐད་ཡིག་རྒྱུན་འཛིན་ཚོགས་པའི་ཁ་པར་ཨང་གྲངས་ཞིག་གནང་རོགས
བདག་གི་ཁ་པར་ཨང་གྲངས་༩༤༥༠༩༦༥༨༢༩
བོད་ཀྱི་སྐད་ཡིག་རྒྱུན་འཛིན་ཚོགས་པའི་ཁ་པར་ཨང་གྲངས་ཞིག་གནང་རོགས
བདག་གི་ཁ་པར་ཨང་གྲངས9450965829
ལགས་རེད། བོད་ཀྱི་སྐད་ཡིག་ཡོད་སར་དེང་དུས་ཤེས་ཡོན་མེད། ད་དེང་ཤེས་ཡོན་ཡོད་སར་བོད་ཀྱི་སྐད་མེད་པའི་སྐྱོན་མི་འདུག་གམ།
བོད་ཀྱི་སྐད་ཡིག་རྒྱུན་འཛིན་ཚོགས་པས་སྐབས་དུས་དང་འཚམས་པའི་གོ་སྒྲིག་ཡག་པོ་ཞིག་བྱས་འདུག མཐོ་རིམ་སློབ་མ་ཟེར་མིང་ཆེན་པོ་ཡོད་ནའང་དོན་དུ་བོད་ཡིག་གི་ཆུ་ཚད་ཅུང་ཞན་ཆ་ཡོད་པ་དངོས་ཡོད་གནས་ཚུལ་རེད། བོད་ཡིག་གནས་ཚད་ལས་འཕེར་མེད་ན་བཙན་བྱོལ་གཞུང་དང་ཚོགས་པ་ཁག་ལ་ལས་ཀའི་གོ་སྐབས་རག་རྒྱུའི་ཧ་ཅང་ཁག་པོ་རེད།
སློབ་ཆེན་པའི་འགན་འཁྲི་ལས་བྱུང་བའི་ན་ཟུག
བྲོས།
སློབ་ཆེན་པའི་འགན་འཁྲི་ལས་བྱུང་བའི་ན་ཟུག
སྤྱིར་སློབ་ཆེན་པ་ཞིག་གི་འགན་འཁྲི་ཞེས་པ་ནི། སྨྲ་བརྗོད་སྟོང་གིས་ཐེག་པར་དཀའ་བའི་ན་ཟུག་ཅིག་ཡིན་པར་འདོད་ལ། དེ་བས། ད་ལྟའི་བོད་ཀྱི་སློབ་ཆེན་པའི་འགན་འཁྲི་ནི་དེ་ལས་ཀྱང་ཁ་ཚ་དགོས་གཏུགས་ཀྱི་ གནད་དོན་ཞིག་རེད་འདོད་ཀྱིན་ཡོད། ད་ལྟའི་བོད་ཀྱི་སྤྱི་ཚོགས་དང་བོད་ཀྱི་གནས་བབ། བོད་ཀྱི་རང་སྐྱོང་ཁེ་དབང་བཅས་ལ་ཁ་ཕྱིར་འཁོར་ཏེ་བསམ་བློ་ཞིག་བཏང་ན། དེ་ནི་ནམ་ཡང་ང་ཚོའི་ཕྲག་ན་རྗི་ཏིག་ཏིག་གི་ན་ཟུག་ཅིག་ཡིན་པ་སྨོས་མེད་རེད། དེ་ན་ང་ཚོས་ཀྱང་འདི་ན་འཛམ་གླིང་ལོ་རྒྱུས་ཧྲིལ་བོར་འཁྱུག་ཙམ་བལྟས་ན། མིའི་རིགས་ཤིག་འཇིག་རྟེན་དུ་སླེབ་དུས་སློབ་ཆེན་པ་དག་གིས་མ་སྐུལ་དང་བླང་གི་ འགན་འཁྲིའི་འོག་ནས་མི་རིགས་ཀྱི་ཆེད་དུ་ཡོད་ཚད་བཏང་ཡོད་པ་འཛམ་གླིང་ལོ་རྒྱུས་ དེབ་ཐེར་དག་ལས་ཧ་ཅང་གསལ་ལ། དཔེར་ན། ནུབ་གླིང་གི་རིག་རྩལ་བསྐྱར་དར་དང་རྒྱ་ནག་གི་ལྔ་བཞིའི་ལས་འགུལ་སོགས་ནི་སློབ་ ཆེན་པ་ཚོས་མ་སྐུལ་དང་བླང་གི་འགན་འཁྲི་ལས་བྱུང་བ་ཤ་སྟག་རེད། དེ་ན་ང་ཚོས་སློབ་ཆེན་པའི་ཐེམ་སྐས་འགྲིམ་ཉིན་ནས་བཟུང་སྟེ། ང་ཚོས་ཀྱང་སུ་ཞིག་གི་ཆེད་དུ་ཅི་ཞིག་འཚོལ་གྱིན་ཡོད་དམ། ང་ཚོ་ནི་བསླབ་དེབ་དང་རྒྱུགས་འབྲས་ཁོ་ནས་ཆེད་དུ་འཚོ་དགོས་པ་མ་ཡིན་ལ། བརྩེ་དུང་དང་འཁྲིག་སྤྱོད་ཀྱི་ཆེད་དུ་འཚོ་དགོས་པ་དེ་བས་ཀྱང་མ་ཡིན་ཏེ། ང་ཚོས་ད་ལྟའི་འཇིག་ལ་ཉེ་བའི་མི་རིགས་ཤིག་གི་ལས་དབང་ལ་བསམ་གཞིག་བྱེད་བཞིན། ནང་བསམ་བློ་ལ་བློ་འབྱེད་ཐེངས་ཤིག་བྱེད་དགོས་པ་མ་ཡིན་ནམ། ངོ་མ་བཤད་ན། ཁ་ཁུ་སིམ་མེར་གནས་པའི་ང་ཚོའི་གཞི་རིམ་མང་ཚོགས་ཚོ་གཉིད་ལས་དཀྲོག་དགོས་ན། འདིའི་ཆེས་མཐོ་བའི་འགན་འཁྲི་ནི་སློབ་ཆེན་པ་ཚོ་ལ་རེག་ལས་པ་ནི་བཤད་མ་དགོས་པ་ ཞིག་རེད་འདོད་ཀི། ང་ཚོས་ད་ལྟའི་བར་དུ་སློབ་སྦྱོང་བྱེད་པ་ཡང་དམིགས་ཡུལ་འདིའི་ཆེད་དུ་ཡིན་པ་ང་ ལ་ཡིད་ཆེས་ཡོད། ང་ཚོ་ལ་ཡུལ་མི་སྤུན་གྲོགས་མང་བོས་མིག་ཟུང་སྟོང་གི་རེ་ལྟོས་ཡོད་ལ། ང་ཚོའི་ཕྲག་ན་འཇིག་ལ་ཉེ་བའི་མི་རིགས་ཤིག་གི་ལས་དབང་ཡོད། ང་ཚོ་ད་ལྟའི་བར་དུ་སློབ་སྦྱོང་བྱེད་པ་ཡོད་ཚད་རང་ཉིད་གཅིག་པོ་དང་ཁ་ཕོར་ཙམ་ བོའི་ཆེད་དུ་གཏོང་གཏན་ནས་མི་རུང་སྟེ། ང་ཚོའི་རུ་བ་སྲ་མོ་ཅན་གྱི་མེས་པོ་དག་གིས་རང་རིགས་ཀྱི་ཆེད་དུ་དཀའ་སྡུག་གི་ རྔུལ་ཆུ་ཅི་ཙམ་གཏོར་ཡོད་པ་ལ་བསམ་བློ་ཞིག་གཏོང་དགོས་པ་མ་ཡིན་ནམ། ང་ཚོས་སློབ་སྦྱོང་བྱེད་པ་ཡང་གཞན་གྱིས་དྲིལ་སྒྲོག་ཀྱི་ཡོ་བྱད་ལྟ་བུའི་ལག་ཆ་ རུ་འགྱུར་ག་ནས་རུང༌། ད་ལྟའི་ང་ཚོའི་ལས་དབང་ལ་རྒྱུ་འབྲས་ཀྱི་བློ་མིག་ཡངས་པོར་ཕྱེ་སྟེ་བསམ་ཞིང་ བསམ་ན། འཇིག་ལ་ཉེ་བའི་མི་རིགས་འདི་ལ་བསམ་བློ་རྟོག་སད་ཀྱི་མེ་སོན་སྒྲོན་མཁན་ནི་ སློབ་ཆེན་པའི་སྡེ་ལ་རག་ལས་པ་ནི་སྨོས་མེད་རེད། དེ་ན་ང་ཚོས་ཀྱང་དཔྱོད་ཤེས་ཀྱི་བློ་མིག་ཡངས་པོར་ཕྱེ་སྟེ། མིའི་རིགས་སྤྱི་ལ་དབང་བའི་ཁེ་དབང་དང་འདྲ་མཉམ་གྱི་ཕྱིར་དུ། རང་ཉིད་ཀྱི་ཕྲག་ལ་བབ་པའི་འགན་འཁྲི་ལ་བདག་པོ་བརྒྱག་དགོས་པ་མ་ཡིན་ནམ། ངས་ད་ལྟའི་སློབ་ཆེན་པའི་འགན་འཁྲི་ཞེས་པ་ནི་མ་སྐུལ་དང་བླང་གི་འགན་འཁྲི་ཞིག་ ལ་གོ་དགོས་པ་ལས། ཁྲིགས་ལུགས་དང་བཀོད་སྒྲིག་རང་བཞིན་ཅན་ཞིག་གཏན་ནས་མ་ཡིན། དེ་ནི་སློབ་ཆེན་པའི་འགན་འཁྲི་རེད་འདོད་གི། ཡིན་ཡང་ང་ཚོའི་ཁོར་ཡུག་ན་འགན་འཁྲིའི་འདུ་ཤེས་ཅན་གྱི་མི་བུ་ག་ཚོད་ཡོད། ང་ཚོའི་ཁོར་ཡུག་ན་རུས་པ་སྲ་མོ་ཅན་གྱི་མི་བུ་ག་ཚོད་ཡོད། འདི་ལྟར་བསམ་ན་ངའི་སེམས་བསམ་པའི་གཏིང་སར་འགན་འཁྲིས་བྱིན་པའི་ན་ཟུག་ཇེ་ཆེ་ ནས་ཇེ་ཆེ་རེད །
2010 -5 -19ཉིན་བྲོས་སུ་འབོད་པས་ནུབ་བྱང་ཚང་ནས་བྲིས།
དགོང་དག་འོག་གི་དེ་་་བྱེད་ཐུབ་པའི་ཉེར་ལེན་ཞེས་པ་དེ་་་་་བྱེད་མ་ཐུབ་པའི་ཉེར་ལེན་ཞེས་བཅོས་རོག།
གཞི་རིམ་ཤེས་ཡོན་གྱི་སྲིད་གྱུས་ལྟ་བུར་ལགས་ལྟར་མ་བྱས་ན་དུས་ནམ་བར་སྟོང་འདི་བསུབ་མི་ཐུབ།
རེད་ད་ལྟའི་ང་ཚོའི་ཁོར་ཡུག་ནང་བོད་པའི་སྐད་ཡིག་རང་ཉིད་ཀྱི་བློ་སྲོག་གི་གྲུབ་ཆར་ངོས་འཛིན་མེད་པ་དང་གཞན་བསྟེན་གྱི་ཁོར་ཡུག་ལ་གདོང་ལེན་གྱི་སྤོབས་པ་དང་འདུ་ཤེས་མེད་པའི་དབང་གིས་མི་རིགས་དང་སྐད་ཡིག་ལ་བར་ཐག་འདི་བྱུང་བ་རེད། འོ་ན་འདི་གང་ལས་བྱུང་བ་རེད་ཟེར་ན། ངས་ལྟས་ན་གཞི་རེམ་ཤེས་ཡོན་གྱི་སྲིད་གྱུས་ལག་ལྟར་མ་བྱས་པའམ་དེའི་སྔོན་ནས་ཤེས་ཡོན་གྱི་སྲིད་གྱུས་ངེས་ཅན་གང་ཡང་གཏན་འབེབས་མ་བྱས་པའམ་བྱེད་ཐུབ་པའི་ཉེར་ལེན་ལས་བྱུང་བ་ཞིག་ལ་ངོས་འཛིན་བྱེད་ཀྱིས་ཡོད། གང་ཡིན་ཟེར་ན་གང་ཟག་སུ་ཞིག་ཡིན་རུང་རང་གི་སེམས་ནང་དུ་རྙོག་འཛེང་གང་ཡང་མེད་དུས་སམ་བསམ་བློའི་ནུས་ཤུག་ཆེར་མ་རྒྱས་པའི་དུས་སུ་གང་ཟག་དེའི་བསམ་བློའི་ཁ་ཕྱོགས་གང་དུ་བསྒྱུར་མིན་ལ་རག་ལས་ཀྱི་འབྲེལ་བ་ཧ་ཅང་ཟབ། སོང་ཙམ་གལ་སྟེ་ང་ཚོའི་ཁོར་ཡུག་ནང་རང་གི་སྐད་ཡིག་རང་ཉིད་ཀྱི་བློ་སྲོག་གི་གྲུབ་ཆ་ཡིན་པའི་ངོས་འཛིན་དང་འདུ་ཤེས་ཡོང་བ་ལ་སྔོན་འགྲོའི་སློབ་གྲྭ་དང་གཞི་རེམ་གྱི་སློབ་གྲྭ་ལ་ངེས་པར་དུ་བོད་རང་གི་ཐུན་མོང་མ་ཡིན་པའི་སྐད་ཡིག་ཁོ་ནའི་ཐོག་ནས་སློབ་སྦྱོང་སྤྲོད་རྒྱུ་དང་དེའི་ཐོག་ནས་ཐུན་མོང་མ་ཡིན་པའི་ཡུལ་གསོལ་གམ་བཤིས་དག་གང་ཟག་དེའི་ཤེས་སྒྱུད་ལ་འཇག་ཏུ་བཅུག་དགོས། ཡང་གཞན་བསྟེན་གྱི་ཁོར་ཡུག་ལ་གདོང་ལན་གྱི་སྤོབས་པའམ་བསམ་བློའི་ནུས་ཤུག་ཉམས་པ་འདི་ཡང་རང་གི་སྐད་ཡིག་ལ་རན་ཐངས་ཅན་གྱི་རིགས་གཞུང་ཞིག་ངོས་འཛིན་མ་ཐུབ་པས་ལན་པ་རེད། སྤྱིར་གཞན་བསྟེན་གྱི་ཁོར་ཡུག་ཡིན་མིན་ལ་མ་ལྟོས་པར་གཞན་གྱི་སྐད་ཡིག་དག་དང་དུ་ཡང་ངེས་པར་དུ་ལན་དགོས། འདི་ནི་དུས་རབས་ཀྱིས་རང་ལ་སྤྲད་པའི་འོས་འགན་རེད།དེ་ཡང་གང་ཟག་རང་གི་བསམ་བློའི་དཔལ་ཡོན་དེ་ཉིད་རང་གི་རིགས་གཞུང་ལ་རྐང་པ་ཚུག་ཟིན་པའི་འོག་ཏུ་གཞན་གྱི་སྐད་ཡིག་གང་ཞིག་དང་རིགས་གཞུང་ཅི་ཞིག་ལ་སྦྱོང་པ་བྱས་ཚེ་འདོབ་བཤོག་གཉིས་ལྡན་གྱི་མི་བུ་ཞིག་ཏུ་འགྱུར་རྒྱུ་ལས་སྐྱོན་ཅི་ཞིག་ཡོད་དེ་མེད། དེ་ལས་ཟློག་སྟེ་ད་ཆ་བཞིན་རང་གི་བསམ་བློའི་རྨང་གཞི་གང་ཡང་མེད་དུས་སུ་འཇིག་རྟེན་གྱི་དཔེ་ལ་ཁ་གཅིག་ལ་ཉ་གཉིིས་ཟེར་བའི་དཔེ་ལྟར་བྱས་པ་ཡིན་ན་དུས་ནམ་ཡང་གོང་གི་བར་ཐག་དེ་བསུབ་མི་ཐུབ་པ་མ་ཟད་རྐང་པ་གཉིས་ཆ་མེད་པའི་མི་ཞིག་ལས་དུས་ནམ་ཡང་ཚར་ལངས་བྱེད་མི་ཐུབ་པ་ད་ཆ་མཐོ་རིམ་ལ་བསྐྱོད་བཞིན་པའི་སློབ་མ་འདི་དག་གིས་ང་ཚོ་ལ་བདེན་དཔང་བྱེད་ཀྱིས་མི་འདུག་གམ།
བོད་ཀྱི་སྐད་ཡིག་རྒྱུན་འཛིན་ཚོགས་པ་ལ།
བདག་གིས་སྙིང་ཐག་པ་ནས་བཀའ་དྲིན་ཆེ་ཞུ་ཞུ་ཞུ།
བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་གལ་ཆེན་རྣམས།
ང་ཚོས་ཕྱོགས་དུས་ཀུན་ཏུ་དྲིལ་བསྒྲགས་རྒྱ་ཆེར་བྱེད་དགོས་སོ།
བོད་ཀྱི་སྐད་ཡིག་བེད་སྤྱོད་མ་བྱས་ན།
བོད་ཀྱི་ཆོས་དང་རིག་གཞུང་ཉམས་པར་འགྱུར། །
བོད་ཀྱི་སྐད་ཡིག་དར་སྤེལ་བཏང་ན།
བོད་ཀྱི་ཆོས་དང་རིག་གཞུང་དར་རྒྱས་ཡོང་བར་འགྱུར། །
བོད་རིགས་རྣམས་ཀྱིས།
བོད་སྐད་དག་མ་ཤེས་དགོས་པ་ནི།
མི་རིགས་ཀྱི་ཁྱད་ཆོས་ཡིན།
བོད་རིགས་རྣམས་ཀྱིས།
བོད་སྐད་དག་མ་རྒྱུན་དུ་བེད་སྤྱོད་བྱེད་རྒྱུ་ནི།
དུས་རབས་ཀྱི་ལས་འགན་ཡིན།
བོད་རིགས་རྣམས་ཀྱིས།
བོད་ཡིག་འབྲི་ཀློག་སྦྱོང་རྒྱུ་ནི།
བོད་ཀྱི་རིག་གཞུང་གི་རྩ་བ་ཡིན།
བོད་རིགས་རྣམས་ཀྱིས།
སུམ་རྟགས་སྙན་ངག་སྦྱོང་རྒྱུ་ནི།
བོད་ཀྱི་ཆོས་རིག་གི་ལྡེ་མིག་ཡིན།
བོད་རིགས་རྣམས་ཀྱིས།
དེང་དུས་ཤེས་ཡོན་བཟོ་རིག་སྦྱོང་རྒྱུ་ནི།
བོད་འབངས་ཡར་རྒྱས་ཀྱི་འགྲོ་ལམ་ཡིན།
བོད་རིགས་རྣམས་ཀྱིས།
སངས་རྒྱས་ཆོས་ལ་ཐོས་བསམ་སྒོམ་པ་བྱེད་རྒྱུ་ནི།
གངས་ཅན་མི་དམངས་ཀྱི་བླ་སྲོག་ཡིན།
བོད་ཀྱི་སྐད་ཡིག་མེད་ན། བོད་ཀྱི་རིག་གཞུང་མེད། །
བོད་ཀྱི་རིག་གཞུང་ཡོད་ན། བོད་ཀྱི་མི་རིགས་ཡོད། །
བོད་ཀྱི་རིག་གཞུང་ཡང་དག་པ་ཞིག་ཤེས་དགོས་ན།
བོད་རང་གི་ཐུན་མོང་མིན་པའི་སློབ་གསོའི་སྒྲོམ་གཞི་ལ་ངེས་པར་བསྟེན་དགོས།
གོང་དུ་བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་འགའ་ཞིག་དཔེ་མཚོན་དང་དཔྱད་གཞིའི་ཆེད་ཁོ་ནར་ཕུལ་བ་ཡིན། མ་འོངས་པར་བོད་ཀྱི་སྐད་ཡིག་རྒྱུན་འཛིན་ཚོགས་པས་གཙོ་བོར་བྱས་པའི་བོད་གཞུང་དམངས་ཡོངས་ཀྱིས། མི་སེམས་འགུལ་ཐུབ་པའི་བོད་ཀྱི་ཆོས་རིག་གཞུང་སྲུང་སྐྱོབ་ཀྱི་འབོད་ཚིག་ལེགས་ཤོས་འགའ་ཞིག་བརྒྱུད་ལམ་སྣ་ཚོགས་ནས་དྲིལ་བསྒྲགས་བྱེད་ཐུབ་ན། བོད་པའི་སྤྱི་ཚོགས་རྨོངས་གཉིད་ལས་སད་པའི་ཕན་ནུས་རླབས་ཆེན་འབྱུང་ངེས་སོ།
བཙན་བྱོལ་བོད་གཞུང་གིས་ང་རྒྱལ་དང་། ཁེངས་དྲག་ཤ་སྟག་གིས་རྒྱག་གཏམ་བཤད་ཤོར་གྲུབ་འབྲས་ཤིག་ཐོན་པ་དེ་བོད་སྐད་མི་ཤིས་ཤིང་། བོད་ཡིག་མི་ཤེས་པའི་བྱིས་པ་མང་པོ་ཞིག་གསོ་སྐྱོང་བྱས་པ་དེ་རེད།
ངས་ནམ་ཡང་རེ་སྨོན་དང་ཡིད་ཆེས་མི་བྱེད་ས་ཁྱེད་ཉིད་རང་ཡིན།
བསམ་ཞིབ་དང་རྟགས་དཔྱད་ཀྱི་དྲི་ཙམ།ཡང་་མེད་པའི་མྱི་དེ་རིགས་ཀྱི་སྐད་ཆ་ལ་ཆ་འཇོག་ཅི་བྱེད།
http://www.youtube.com/watch#!v=3AxBwwJAoiU&feature=related
སྨར་དྷཱིཿཟེར་དང་རུ་གསར་ཚང་གཉིས་ཀྱི་ལན་ལ་ད་དུང་སྒུག་ནས་བསྡད་ཡོད།
གསལ་བོ་དག་པོ་ཞིག་བཤད་རྒྱུ་མེད་ན། སྐད་ཆ་འདིའི་རིགས་འདི་མ་བཤད་ན་དགའ།
མི་རིགས་ཀྱི་འགན་འཁུར་མི་ཐུབ་ཀྱང་། མ་མཐའ་ཡང་རང་གི་ཁ་གཅིག་པུ་ལ་བདག་ཐུབ་དགོས་པ་ཞིག་རེད།
དང་པོར་བཀྲ་ཤིས་བདེ་ལེགས་ཀྱིས་མཚམས་འདྲི་ཞུ། སྐད་ཡིག་རྒྱུན་འཛིན་ཚོགས་པས་ལས་འགུལ་འདི་འདྲ་ཞིག་སྤེལ་བ་ཙམ་གྱིས་ང་ཚོའི་འཆི་བཞིན་པའི་བོད་ཀྱི་སྐད་ཡིག་འདིར་ཁ་ཚ་དགུ་གཏུགས་ཀྱི་ཕན་ཐོག་ཡོང་གི་རེད། རང་ཉིད་ཀྱི་ངོས་ནས་རྒྱབ་སྐྱོར་གཙང་མ་ཡོད།
བདེན་པ་རེད་
ཐུགས་རྗེ་ཆེ
ཚོགས་པ་འདི་མི་རིགས་ཀྱི་ཚེ་སྲོག་འཚོལ་བ་དང། ་རྒྱུན་འཛིན་དང་དར་སྤེལ་བྱས་སྟེ་གོ་ལ་འདིའི་ཡང་རྩེ་་ལ་མཆོངས་ལྡིང་གི་གོམ་ཁ་སྤོ་བཞིན་པའི་ཚོགས་པ་ཞིག་ཡིན་ན་ཡང་། ང་ཚོའི་ཚོགས་པ་འདི་ལ་མཚོན་ལ་དཔལ་འབྱོར་དང་སྟོབས་ཤུགས་མི་སྣ་གྲགས་ཅན་སོགས་ཀྱི་ཆ་རྐྱེན་གང་ཡང་མེད་པའི་ཚོགས་པ་ཞིག་ཡིན་པས་མི་སྒར་སུ་ཀྱང་དོ་སྣང་དང་བརྩི་མཐང་བྱེད་གྱིན་མེད་པ་དང་། དེའི་རྐྱེན་གྱིས་ང་ཚོའི་ལས་འགུལ་གང་ཡིན་ནུས་བ་ཐོན་བཞིན་མེད་པ་རེད། ཡིན་ན་ཡང་། ང་ཚོའི་སེམས་ཤུགས་དང་ཆོད་སེམས་ལ་འགྱུར་བ་ནམ་ཡང་མེད།
མི་ཁ་ཤས་ཤིག་གི་སེམས་ཤུགས་དང་ལྷག་བསམ་ལ་བསྟེན་ནས་མི་རིགས་འདིའི་ཚེ་སྲོག་གི་རིན་ཐང་དང་དགོས་ཕན་གླེང་བའི་གར་སྟེགས་ཤིག་བསྐྲུན་ཀྱང་། དེ་ལ་གདེང་འཇོག་དང་དོ་སྣང་བྱེད་མཁན་གྱི་ཁ་གྲངས་ལ་ལྟོས་ན་ངོ་མའི་ཡིད་སྐྱོ་བ་དང་ཞེ་སྨྲེང་བ་ཞིག་རེད། བོད་ཀྱི་མཐོ་རིམ་སློབ་མ་དེ་ལས་ཀྱང་ཉུང་བས་དངོས་གནས་བྱེས་སྡོད་གྱི་མཐོ་རིམ་སློབ་མ་འདི་དག་ལ་རེ་ལྟོས་བྱེད་ས་ཅིག་མི་འདུག་སྙམ་པའི་ཚོར་སྣང་ཞིག་བྱུང་སོང་།
འབྲོག་རུ་ཆོས་གྲགས་ལགས།
བོད་ཀྱི་སྐད་ཡིག་སྐོར་རུ་དཔྱོད་བརྗོད་འདི་རེད་པས།
དྲ་གྲོགས་སྨར་དྷི་དང་རུ་གསར་ཚང་གཉིས་ཀྱིས་སྦྱར་ཡིག་ནོར་ཡོད་པར་མཐོང་ན་འདི་འདྲ་བྲིས་ཞེས་བཀོད་རོགས།
དེ་ནས་ཧ་གོ་ཡོང་གི་རེད།
སྨར་དྷཱིཿཟེར་དང་རུ་གསར་ཚང་གཉིས་ལ་གསལ་བཤད་དུ།
བོད་ཚེས་བཅོ་ལྔའི་ཉིན་བོད་ཀྱི་སྐད་ཡིག་རྒྱུན་འཛིན་ཚོགས་པས་སྦྱར་ཡིག་གཅིག་ཀྱང་བཀྲམ་མེད་ཅེས་གསལ་བཤད་བྱ་འདོད་བྱུང་། གསལ་བཤད་མ་བྱས་པ་ཡིན་ན། འདི་ལྟ་བུའི་གོ་ནོར་དོན་ནོར་གྱིས་ཚོགས་པའི་མ་འོངས་པའི་ལས་འགུལ་ལ་གནོད་སྐྱོན་ཐེབས་སྲིད་པས། གསལ་བཤད་བྱས་པ་ཡིན།
གཉིས་པ། སྦྱར་ཡིག་དེ་བོད་ཀྱི་སྐད་ཡིག་རྒྱུན་འཛིན་ཚོགས་པས་བཀྲམ་པ་ཡིན་པའི་རྟགས་མཚན་ག་རེ་འདུག འདིར་གསལ་བཤད་ཅིག་གནང་རོགས། གཅིག་བྱས་ན་སྐད་ཡིག་སྲུང་སྐྱོབ་ཚོགས་པ་གཞན་པས་ཀྱང་བཀྲམ་སྲིད་པ་རེད།
གཏམ་བཤད་དེ་དངོས་གནས་ཡག་པོ་འདུག་མི་མང་ནང་རྒྱུན་དུ་སྤེར་རོགས།།
བོད་སྐད་གཙང་མ་རྒྱབ་དགོས་གསུངས་མཁན་ཞིག་གིས་ངོས་ནས་གཙང་བཙོག་གི་ས་མཚམས་ཤེས་དགོས་པ་རེད་སྙམ།
རང་ཉིད་ཀྱི་ལྟོ་གོས་ཀྱི་དོན་དུ་འདི་ལྟར་མང་ཚམ་བྱོས་
ཐོག་མར་ཚོགས་དེར་བཀྲིས་བདེ་ལེགས་ཀྱི་མཚམས་འདྲི་དང་ང་ཚོའི་སྤྱི་ཚོགས་ནང་ཚོགས་པ་དེ་འདྲ་ཞིག་ཡོད་པར་དགའ་བོ་བྱུང༌། ཚོགས་པ་འདི་རྒྱུད་ནས་བོད་ཀྱི་སྐད་ཡིག་ཆེད་སྦྱོང་མཐོ་སློབ་ཞིག་གསར་འཛུགས་ཐུབ་པ་ཡིན་ན་ཤིན་ཏུ་ལེགས་སྙམ། སྤྱིར་ང་ཚོའི་སྤྱི་ཚོགས་ནང་བོད་ཡིག་མཐོ་སློབ་༼ཝ་ནཱ་མཐོ་སློབ། ༽ ༼ས་རཱ་མཐོ་སློབ།༽ ༼ནོར་གླིང་མཐོ་སློབ་༽སོགས་འགའ་ཞིག་ཡོད་ཀྱང་དེ་དག་ནས་ལོ་རེ་སློབ་ཐར་ཕྱིན་པའི་སློབ་ཕྲུག་གི་གྲངས་ཧ་ཅང་ཉུང་བས་སྤྱི་ཚོགས་ནང་ཚད་ལྡན་གྱི་བོད་དགེ་ཞིག་འཚོལ་དགོས་བྱུང་ན་རྒྱ་མཚོ་ནང་ནས་ཁབ་འཚོལ་བ་ལས་དཀའ་བའི་གནས་ལགས། ང་ཚོའི་སྤྱི་ཚོགས་སམ་འཁོར་ཡུག་ནང་སློབ་གསོ་འདུ་ཤེས་ཤིན་ཏུ་དམན་ལ་དཔལ་འབྱོར་གྱི་འདུ་ཤེས་གཙོ་བོར་འཛིན་པའི་རྒྱུ་རྐྱེན་ཡང་བྱིས་བའི་དུས་ནས་སློབ་དགེ་ཚད་ལྡན་གྱིས་མི་རིགས་དང་རིག་གཞུང་གི་ཁེ་དབང་སྲུང་སྐྱོབས་ཆེད་སློབ་གསོ་མ་གདེངས་བའི་སྐྱོན་ཡིན། འདུ་ཤེས་དེ་དག་ལ་སྒྱུར་བ་གཏོང་དགོས་ན་ཐོག་མར་སློབ་དགེ་ཚད་ལྡན་གསོ་སྐྱོང་བྱ་དགོས་པ་དོན་གྱི་དམ་པ་ཡིན།
སྨྲ་དྷཱིཿ་ལགས་ཀྱིས་གསུངས་པ་བདེན་པ་རེད། སྐད་ཡིག་རྒྱུན་འཛིན་ཚོགས་པ་འདིར་རྒྱབ་སྐྱོར་བྱེད་ཀྱི་ཡོད། ཡིན་ཡང་ཚེས་བཅོ་ལྔའི་ཉིན་གྱི་སྦྱར་ཡིག་དེར་ཡིག་ནོར་དང་དོན་ནོར་ལྟ་བུ། དེ་བཞིན་ཁ་སྐད་བྲིས་པའི་ཁུལ་བྱས་འདུག་ཀྱང་རྒྱུན་ལྡན་འཁོར་རྒྱུགས་ཆེ་བའི་འབྲི་སྲིལ་དང་མི་མཐུན་པ་སོགས་བྲིས་འདུག་པ་ནི་བཀོད་སྒྲིག་པའི་ཞན་ཆ་རེད་བསམ་གྱི་འདུག ཡིད་མི་ཆེས་ན་ཁྱེད་ཚོས་ཡང་བསྐྱར་ཐེངས་གཅིག་སྦྱར་ཡིག་དེར་གཟིགས་པ་དང་། ཡང་ན་ཉམས་མྱོང་དང་ཤེས་ཡོན་ཡོད་པ་ཞིག་ལ་བཀའ་འདྲི་ཐེངས་གཅིག་བྱོས་དང་ཤེས་ངེས་རེད། འདི་སེམས་གཏམ་ཡིན། ཁྱེད་ཅག་ལ་སྐྱོན་བརྗོད་བྱེད་ཀྱི་མེད། དེ་མིན་ཡང་ཁ་ཤས་ཀྱིས་དྲ་འབུ་རེད་ཟེར་ཡོང་། ཧ་ཧ་ཧ་ཧ་
དམིགས་གསལ་བོད་སྐད་ཡིག་རྒྱུན་འཛིན་ཚོགས་པ་ལ་དགའ་བསུ་ཡོད་ཡིན་ནའང་ཁ་སྔོན་བོད་
ཚེས་བཅོ་ལྔ་ཉིན་སྦྱར་ཡིག་མང་པོ་བཀྲམས་འདུག་ཀྱང་བློ་ཕམ་པ་ཞིག་ལ་རྒྱུན་འཛིན་ཚོགས་པས་
ཡིག་ནོར་དང་ཕ་སྐད་བཤད་པའི་ཁུལ་ཡིན་ཡང་ད་དུང་དབྱིན་སྐད་ཐོག་ཡོད་པའི་ཚེས་རེ་གཉིས་བེད་
སྤྱོད་བྱས་འདུག་དེ་ནི་ཚོགས་པ་རང་དངོས་ནས་དོ་སྣང་གཏན་ནས་མ་གནང་བ་ལྟ་བུ་ཞིག་མངོན་འདུག་དེར་ཕྱིན་ཆད་ཐུགས་གཟབ་གནང་གལ་ཆེ།
ཁ་བཤད་ཆུ་ཡི་ལྦུ་བ།།
ལག་ལེན་གསེར་གྱི་ཐིགས་པ།།
ཞེས་འཇིག་རྟེན་ཁ་དཔེ་ལ་ཡོད་པ་བཞིན། ད་ལྟའི་དུས་སྐབས་འདིར་ང་ཚོ་ཚང་མས་སོ་སོ་སོ་སོའི་སྐབས་སུ་བབ་པའི་ལས་འགན་དེ་དང་དེ་ལ་ཧུར་བརྩོན་བྱེད་རྒྱུ་ཤིན་ཏུ་གལ་ཆེ།