གསར་དུ་བཙུགས་པའི་འཇར་བྷེལ་བོད་རྒྱ་མཛའ་འབྲེལ་མཐུན་ཚོགས་ནི་༧ གོང་ས་མཆོག་གི་བོད་རྒྱ་གཉིས་ཕན་གྱི་ལམ་དབུ་མའི་དགོངས་དོན་དང་། མ་འོངས་བོད་རྒྱ་གཉིས་འཕྱར་གྲུ་མཉམ་འདེགས་ཀྱིས་སྤྱི་ཚོགས་འཆམ་མཐུན་དང་། ཁོར་ཡུག་བརྟན་ལྷིང་། མི་རིགས་མཐུན་སྒྲིལ་ཡོང་ཐབས་ཆེད་དུ་ཡིན་ཟེར།
ད་ལྟ་བྷེལ་ལྗེམ་དུ་གནས་བཞུགས་ཨ་རིག་དགེ་མཚན་ལགས་ཀྱིས་འདི་གའི་གསར་ཁང་དུ་བཏང་གནས་ལྟར་ན། འདི་ཟླའི་ཚེས་ ༨ རེས་གཟའ་མིག་དམར་ཉིན། འཇར་མན་ཏུ་རྟེན་གཞི་བྱས་པའི་རྒྱ་ནག་དམངས་གཙོ་ཡར་ཐོན་ཚོགས་པ་དང་། ཨེ་ཤ་ཡ་དམངས་གཙོ་ཚོགས་པ། གསར་དུ་བཙུགས་པའི་འཇར་བྷེལ་བོད་རྒྱ་མཛའ་འབྲེལ་མཐུན་ཚོགས། ཕ་རན་སིའི་བོད་རྒྱ་མཛའ་འབྲེལ་ཚོགས་པ། གཞན་བོད་དོན་རྒྱབ་སྐྱོར་བ་དང་དང་བླངས་ཤེས་ཡོན་པ་སྐོར་ཞིག་བཅས་མཉམ་འབྲེལ་གྱིས་གོ་སྒྲིག་འོག ཡུ་རོབ་ས་གནས་བྷེལ་ལྗེམ་གྲོང་ཁྱེར་ཨན་ཁྲི་བིར་ཕེན། ༼ Antwerpen༽ དཔེ་མཛོད་ཚོགས་ཁང་དུ། རྒྱ་ནག་གི་དྲུག་བཞིའི་དུས་དྲན་ཐེངས་ ༢༡ པ་སྲུང་གཙི་བྱས་ཡོད་པ་དང་། ཚོགས་འདུའི་སྟེང་དྲུག་བཞིའི་དོན་རྐྱེན་སྐབས་འདས་གྲོངས་སུ་སོང་བའི་རྒྱ་རིགས་མང་གཙོ་དོན་གཉེར་བ་དང་སློབ་ཕྲུག བོད་ནང་ཞི་རྒོལ་ཆེན་མོའི་སྐབས་རྒྱ་ནག་གིས་དམར་གསོད་དང་བཙོན་འཇུག་མནར་གཅོད་འོག་འདས་གྲོངས་སུ་ཕྱིན་པ་དང་། ཉེ་སྔོན་བོད་ནང་ས་ཡོམ་གོད་ཆག་སྐབས་འདས་གྲོངས་སུ་སོང་བ་རྣམས་ལ་རྗེས་དྲན་དང་འབྲེལ་མྱ་ངན་གུས་བཏུད་ཞུས་ཡོད་འདུག
ཉིན་དེར་བོད་རྒྱ་མི་མང་ཕན་ཚུན་བར་ཡིད་ཆེས་བློས་འགེལ་ངང་མཛའ་འབྲེལ་ཡོང་ཐབས་སྐོར། རྒྱ་ནག་ནང་དམངས་གཙོ་དང་འགྲོ་བ་མིར་རང་དབང་ཐོབ་ཐང་ཡོང་ཐབས་སྐོར་སོགས་བརྗོད་གཞིར་བཟུང་སྟེ་བགྲོ་གླེང་གནང་བ་དང་། ཚོགས་ཐོག་དེར་རྒྱ་རིགས་སྐུ་ཞབས་ཕཱན་ཡོང་ཀྲུང་དང་། ཕཱང་ཞོ་མཱེན། མོའོ་ཞོ་མེན་སོགས་རྒྱ་རིགས་རྩོམ་པ་པོ་དང་དམངས་གཙོ་དོན་གཉེར་བ། བོད་དོན་རྒྱབ་སྐྱོར་བ་བཅས་གལ་ཆེའི་མི་སྣ་ཁག་ཅིག་མཉམ་ཞུགས་གནང་བ་མ་ཟད། ཕ་རན་སིའི་བོད་རྒྱ་མཛའ་འབྲེལ་ཚོགས་པའི་ཚོགས་གཙོ་ཚེ་བརྟན་དབང་མོ་དང་། བྷེལ་ལྗེམ་སྐུ་ཚབ་དོན་གཅོད་ལས་བྱེད་རིག་འཛིན་ཆོས་སྒྲོན། བྷེལ་ལྗེམ་བོད་རིགས་ཚོགས་པ་དང་། ཆུ་བཞི་སྒང་དྲུག ས་གནས་གཞོན་ནུ་བཅས་ཀྱི་ཚོགས་གཙོ་གཞོན་དང་རྒྱུན་ལས་རྣམ་པ་བཅས་མཉམ་ཞུགས་གནང་ཡོད་ཟེར།
ཡང་གནས་ཚུལ་མཁོ་སྤྲོད་པས་གསར་དུ་ཚུགས་པའི་ ༼ འཇར་བྷེལ་བོད་རྒྱ་མཛའ་འབྲེལ་མཐུན་ཚོགས། ༽ ཞེས་པ་ངོ་སྤྲོད་གནང་བྱས་དོན། ཉེ་སྔོན་ཏེ་ཕྱི་ལོ་ ༢༠༡༠ ཟླ ༥ ཚེས་ ༢༦ ཉིན། འཇར་མན་ཏུ་རྟེན་གཞི་བྱས་པའི་རྒྱ་ནག་དམངས་གཙོ་ཡར་ཐོན་ཚོགས་པ་དང་། ཨེ་ཤ་ཡ་དམངས་གཙོ་ཚོགས་པ། ཕ་རན་སིའི་བོད་རྒྱ་མཛའ་འབྲེལ་ཚོགས་པ་བཅས་ཀྱིས་གོ་སྒྲིག་ལྟར། ཕ་རན་སིའི་ས་གནས་༼ལ་སི་བྷོར་༽ དུ་རྒྱ་བོད་མཛའ་འབྲེལ་ཚོགས་འདུ་ཞིག་སྐོང་འཚོགས་གནང་སྐབས་དང་བསྟུན། འཇར་བྷེལ་བོད་རྒྱ་མཛའ་འབྲེལ་མཐུན་ཚོགས་ཞེས་པ་དབུ་འཛུགས་བྱས་པ་དང་། ཚོགས་པ་འདི་དོན་ནི་༧ གོང་ས་མཆོག་གི་བོད་རྒྱ་གཉིས་ཕན་གྱི་ལམ་དབུ་མའི་དགོངས་དོན་དང་། མ་འོངས་བོད་རྒྱ་གཉིས་འཕྱར་གྲུ་མཉམ་འདེགས་ཀྱིས་སྤྱི་ཚོགས་འཆམ་མཐུན་དང་། ཁོར་ཡུག་བརྟན་ལྷིང་། མི་རིགས་མཐུན་སྒྲིལ་བཅས་ཀྱི་སྒོ་ནས་ཞི་བདེའི་འཚོ་བར་རོལ་རྒྱུའི་ཐུགས་འདུན། ད་དུང་རྒྱུ་མཚན་དེ་དག་ལ་བརྟེན་ཡུལ་ལུང་གང་སར་བོད་རྒྱ་མཛའ་འབྲེལ་ཚོགས་པ་གང་མང་འཛུགས་དགོས་པའི་བཀའ་སློབ་འབོད་སྐུལ་སྩལ་གནང་བཞིན་པ་སོགས་ལ་བསྟེན་ནས་ཡིན་འདུག་ཅེས་ཟེར།
ཚོགས་པ་དེའི་ཚོགས་གཙོ་བློ་བཟང་དབང་འདུས་ལགས་ཀྱིས། ཚོགས་པའི་དམིགས་ཡུལ་དང་མ་འོངས་ལས་འཆར་སྐོར་འགྲེལ་བརྗོད་གནང་དོན། དེང་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ནང་རྒྱ་མི་རིགས་དང་བོད་རིགས་གཙོས་གྲངས་ཉུང་མི་རིགས་ཁྱོན་ཡོངས་ལ་གཞི་རྩའི་འགྲོ་བ་མིའི་ཐོབ་ཐང་དང་། དམངས་གཙོའི་ལམ་ལུགས། ཐ་ན་སྨྲར་བརྗོད་ཀྱི་རང་དབང་ཙམ་ཡང་མེད་པར་རྒྱ་ནག་གཞུང་གི་བཙན་གནོན་གྱི་སྲིད་བྱུས་འོག་གནས་ཡོད་པའི་ཁར། ད་དུང་རྒྱ་ནག་གཞུང་གིས་ངན་བྱུས་དང་འཁྱོག་བརྗོད་ཀྱི་གཡོ་ཐབས་སྣ་ཚོགས་སྤྱད་ནས་རྒྱ་བོད་མི་རིགས་བར་དང་གྲངས་ཉུང་མི་རིགས་ཕན་ཚུན་བར། མི་རིགས་ནང་ཁུལ་ས་གནས་ཕན་ཚུན་བར། ཆོས་ལུགས་དང་གྲུབ་མཐའ་ཕན་ཚུན་བར་བཅས་ལ་ཁ་བྲལ་དང་འགལ་རྐྱེན་ཅི་རིགས་བཟོ་བཞིན་པ་དང་། ལྷག་པར་རྒྱ་བོད་མི་རིགས་གཉིས་ཀྱི་བར་ལ་རྒྱ་གཞུང་གིས་རྐང་བཙུགས་ནས་དབྱེན་དཀྲུག་ཀྱིས་ཕན་ཚུན་དགྲར་འཛིན་གྱི་འདུ་ཤེས་སྐྱེས་བཅུག་སྟེ་རིགས་གཉིས་ཀྱི་མི་མང་གི་སེམས་ཁམས་ལ་སོས་དཀའ་བའི་རྨ་ཁ་ཞིག་བཟོས་འདུག དེའི་རྐྱེན་གྱིས་དེང་སྐབས་བོད་རྒྱ་མི་རིགས་བར་དོགས་པ་རྣམ་རྟོག་དང་གོ་ནོར། ཐེ་ཚོམ་དོགས་ཟོན་གྱི་གནས་སྟངས་འོག་ལྷག་ཡོད། དེས་ན་ང་ཚོ་རྒྱ་བོད་མཛའ་འབྲེལ་མཐུན་ཚོགས་ཀྱིས་རྒྱ་བོད་མི་རིགས་གཉིས་ཀྱི་གཞི་རྩའི་བདེ་དོན་ལ་དམིགས་ཏེ་ཕན་ཚུན་བར་དོགས་པ་རྣམ་རྟོག་དང་། གོ་བ་ནོར་འཕྱུག ཐེ་ཚོམ་ལོག་ལྟ་སོགས་སེལ་ཐབས་བྱ་རྒྱུ་བཅས་དང་། ༧གོང་ས་མཆོག་གི་དགོངས་གཞི་དང་རྒྱ་ཆེའི་བོད་མི་མང་གིས་ཐག་གཅོད་གནང་པའི་གཉིས་སྨན་དབུ་མའི་ལམ་གྱི་རྩ་དོན་གཞིར་བཟུང་ཐོག རྒྱ་ནག་མི་མང་སྤྱི་མཐུན་རྒྱལ་ཁབ་ནང་དང་ཕྱི་རྒྱལ་ཡུལ་གྲུ་ཁག་ན་གནས་པའི་རྒྱ་རིགས་ཤེས་ཡོན་པ་དང་བསམ་བློ་བ། གཞན་མི་སེར་དཀྱུས་མ་རྣམས་ལ་འབྲེལ་མོལ་གྱིས་མི་རིགས་ཕན་ཚུན་བར་གྱི་གོང་སྨྲོས་དོགས་པ་རྣམ་རྟོག་དེ་རིགས་གཙང་སེལ་བྱས་ནས་ཕན་ཚུན་ལ་ཡིད་ཆེས་བློས་འགེལ་དང་། སེམས་ཐག་ཉེ་བོ་ཡོང་པའི་རྨང་གཞི་ཞིག་ངེས་པར་བསྐྲུན་ཐུབ་པ་བྱ་རྒྱུ། དེ་ལྟར་རྒྱ་ནག་ལ་ཚད་ལྡན་གྱི་དམངས་གཙོ་ཞིག་མ་བྱུང་སྔོན་ལ་མི་མང་ཕན་ཚུན་བར་དོགས་པ་རྣམ་རྟོག་རྣམས་སེལ་ཐུབ་པ་ཡིན་ན་མ་འོངས་པར་མི་རིགས་གཉིས་སྤུན་ཟླ་བཞིན་འཆམ་མཐུན་གྱིས་བོད་དོན་སྐོར་ལྷུག་པོར་བགྲོ་གླེང་བྱེད་ཐུབ་པར་མ་ཟད། བོད་དོན་བདེན་མཐའ་གསལ་བའི་གལ་ཆེའི་ལས་དོན་ཞིག་ལའང་ངོས་འཛིན་བྱེད་ཆོག་ཅེས་གསུངས།
ཡང་ཁོང་གིས་མ་འོངས་ལས་འཆར་སྐོར་ངོ་སྤྲོད་གནང་དོན། ༡༽ རྩོམ་ཡིག་དང་དྲ་ལམ་ཅི་རིགས་བརྒྱུད་གཉིས་སྨན་དབུ་མའི་ལམ་གྱི་དགོངས་དོན་དང་། ༧ གོང་ས་མཆོག་གི་རྒྱ་བོད་གཉིས་ཕན་གྱི་གལ་ཆེའི་བཀའ་སློབ་ཁག་གི་དགོངས་དོན་གསལ་འགྲེལ་དང་དྲང་རྗོད་བྱ་རྒྱུ། ༢༽ མི་རིགས་གཉིས་བར་རྩོམ་དེབ་དང་དྲ་རྒྱ་སོགས་མཉམ་འབྲེལ་གྱིས་ལྷན་སྤྱོད་བྱ་རྒྱུ། ༣༽ རྒྱལ་བའི་འཁྲུངས་སྐར་དང་། གསུམ་བཅུའི་དུས་དྲན། དྲུག་བཞིའི་དུས་དྲན་བཅས་གྱི་མཚོན་པའི་དུས་ཆེན་དང་མཛད་སྒོ་ཁག་ལ་མི་རིགས་གཉིས་མཉམ་ཞུགས་གནང་རྒྱུ། ༤༽ལོ་གསར་དུས་སྟོན་ལྟ་བུའི་དུས་སྟོན་སྐབས་ བོད་རྒྱ་མི་རིགས་གཉིས་མཉམ་འབྲེལ་གྱིས་གཞས་སྣ་འཁྲབ་སྟོན་སོགས་གྱི་སྒོ་ནས་རིག་གཞུང་གོམས་སྲོལ་སོགས་ཕན་ཚུན་ལ་ངོ་སྤྲོད་དང་ཕན་ཚུན་བར་རྒྱུས་ལོན་དང་ཡིད་ཆེས་ཡོང་ཐབས་བྱ་རྒྱུ་བཅས་ཡིན་ཟེར།
གསར་འགོད་པ། ཨ་རིག་འགྱུར་མེད།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
ཁས་ལེན་དང་ཆ་རྐྱེན།
བོད་ཀྱི་དུས་བབ་དྲ་ངོས་སུ་སྤེལ་བའི་གླེང་བརྗོད་རིགས་རྩོམ་སྒྲིག་ཁང་གིས་ཞིབ་བཤེར་བྱས་རྗེས་དྲ་ཐོག་ལ་གཏོང་གི་ཡོད། གླེང་སྟེགས་ནི་ཕྱི་གསལ་ནང་གསལ་བཟོ་ས་དང་ཡིད་ཆེས་བསྐྱར་གསོ་བྱེད་ས་ཞིག་ཡིན་སྟབས། གང་ནུས་ཀྱིས་ཇུས་གཏོགས་མི་བྱེད་རྒྱུར་བརྩོན་གྱི་ཡོད། ང་ཚོའི་ཁས་ལེན་དང་ཆ་རྐྱེན་དག་གིས་ཁྱེད་ཉིད་དང་ང་ཚོའི་འོས་འགན་དག་གསལ་བཤད་བྱེད་ཀྱི་ཡོད།
དྲ་ངོས་འདིར་གླེང་སྟེགས་དང་དཔྱད་བརྗོད། གྲོས་ར། པོད་ཁུག་བཅས་ཡོད་ལ། ད་དུང་སྤྱི་ཚོགས་ལ་དབང་བའི་ས་ཁོད་དག་བསྐྲུན་ཏེ་དུས་བབ་ལ་གླེང་མོལ་དང་། དྲ་རྒྱའི་ཚོགས་མི་ཕན་ཚུན་བར་དཔྱད་ཞིབ་བརྗོད་གསུམ་གྱི་གོ་སྐབས་ཤིག་བསྐྲུན་ཡོད། བོད་ཀྱི་དུས་བབ་ཀྱིས་མང་ཚོགས་ཀྱིས་བཀོད་པའི་གནས་ཚུལ་དང་རྒྱུ་ཆ་གང་ལའང་སྟངས་འཛིན་བྱེད་ཀྱི་མེད་རུང་། གཞན་གྱི་བཀོད་དོན་རིགས་བསུབ་པ་དང་སྤོར་བ། བཅོ་སྒྲིག་སོགས་བྱེད་རྒྱུའི་ཐོབ་ཐོང་ཡོད་དགོས་པ་མ་ཟད། ཁྱོད་རང་དྲ་ངོས་འདིའི་གླེང་སྟེགས་ནས་ཕྱིར་འབུད་བྱེད་པའི་དབང་ཚད་ཀྱང་ཡོད་དགོས།
གཤམ་གྱི་སྲུང་བྱ་དག་ངེས་པར་གཙི་དགོས།
༡། ཡིག་འཁྱམ་དང་ཡིག་འབུ། ཁེ་ཚོང་ཁྱབ་བསྒྲགས་ཀྱི་ངོ་བོ་ཡོད་པའི་དངོས་ཟོག་དང་བརྡ་འཕྲིན་རིགས་ཐད་འགོད་དང་འདྲེན་འགོད་བྱ་མི་ཆོག
༢། གཞན་ལ་གནོད་པ་དང་། འཇིགས་སྐུལ། མཚང་འདྲུ། མིང་ཤོས། ཕྲ་མ། བསླུ་བྲིད། ཆགས་སྲེད། ཚིག་རྩུབ། སྒྲོ་སྐུར་ཡོད་པའི་བརྡ་འཕྲིན་དང་ཁྲིམས་འགལ་གྱི་རྒྱུ་ཆ་རིགས་བཀོད་མི་ཆོག
༣། བོད་ཀྱི་དུས་བབ་ལས་བྱེད་དང་དྲ་རྒྱའི་གླེང་སྟེགས་ཀྱི་སྐུ་མགྲོན་དང་མགོ་འཛིན་པ་གང་རུང་ལ་བརྫུ་བའམ་མིང་དང་མཚན་གནས་བརྐུས་ཏེ་ངོ་ཚབ་བྱ་མི་ཆོག
༤། བརྡ་འཕྲིན་དང་རྒྱུ་ཆ་ངོ་མ་གང་རུང་གི་ཁུངས་མར་བརྫུ་མི་ཆོག
༥། དྲ་ངོས་ནས་ཚོགས་མི་གཞན་གྱི་སྒེར་དབང་རྒྱུ་ཆ་རིགས་བརྐུ་བའམ་དེར་གསོག་ཉར་བྱ་མི་ཆོག
༦། གླེང་སྟེགས་དང་དེའི་བརྗོད་གཞི་ལ་འབྲེལ་བ་མེད་པའི་བརྡ་འཕྲིན་འདྲེན་འགོད་དང་འགྲེམ་འགོད་བྱ་མི་ཆོག
༸། གླེང་སྟེགས་ནང་གི་མི་གཞན་པར་སྟངས་འཛིན་དང་འགོག་རྒོལ་བྱ་མི་ཆོག
༨། མི་རིགས་དང་རིགས་རུས། ཆོ་འབྲང་། ཆོས་ལུགས། ལས་རིགས། ལུང་ཚན། ཕོ་མོ། ལོ་ཚོད། ཁྱིམ་བརྒྱུད་བཅས་ཀྱི་ཐད་ནས་དམའ་འབེབས་དང་ཁྱད་གསོད་བྱ་མི་ཆོག
༩། ཡུལ་ལུང་དང་ས་ཁུལ། རྒྱལ་ཁབ། རྒྱལ་སྤྱི་བཅས་ཀྱི་ཁྲིམས་དང་སྒྲིག་གཞི། ལམ་ལུགས། བཀའ་ཁྱབ་བཅས་ལ་གཏོར་བརླག་དང་གཏོར་བརླག་བྱ་བར་བརྒྱུད་སྐུལ་བྱ་མི་ཆོག
༡༠། གནད་དོན་རྩོད་གླེང་བྱོས། འོན་ཀྱང་། འཁོན་འཛིང་མ་བྱེད། བསམ་ཚུལ་དང་འདོད་ཕྱོགས་ཀྱིས་ཁེངས་པའི་སྤྱི་ཚོགས་ཤིག་ཏུ། མི་རྣམས་ཀྱི་འཐད་ཕྱོགས་མི་འདྲ།
༡༡། ཁྱོད་རང་གིས་གླེང་སྟེགས་སྟེང་སྤེལ་བའི་བརྡ་འཕྲིན་དང་རྒྱུ་ཆའི་ནང་དོན་ལ་ཁྱེད་རང་ཁོ་ནས་འགན་འཁྱེར་དགོས། བོད་ཀྱི་དུས་བབ་ཀྱིས་ཁྱོད་ཀྱི་བརྡ་འཕྲིན་མཐའ་དག་གི་ནང་དོན་ལ་ཞིབ་བཤེར་བྱེད་མི་ཐུབ་པས་བརྡ་འཕྲིན་གྱི་ནང་དོན་དང་རྗེས་འབྲས་ལ་འགན་ལེན་མི་བྱེད། འོན་ཀྱང་། ག་དུས་དགོས་གལ་ལ་ཐུག་དུས་ཁྱོད་ཀྱི་བརྡ་འཕྲིན་དེ་གསུབ་པ་དང་སྤོར་བ། བཅོ་སྒྲིག་སོགས་བྱེད་རྒྱུའི་ཐོབ་ཐོང་ཡོད་དགོས་པ་མ་ཟད། ཁྱོད་རང་དྲ་ངོས་འདིའི་གླེང་སྟེགས་ནས་ཕྱིར་འབུད་བྱེད་པའི་དབང་ཚད་ཀྱང་ཡོད་དགོས།
གོང་གི་སྲུང་བྱ་ཁག་ལ་དུས་བསྟུན་འགྱུར་ལྡོག་དང་བསྒྱུར་བཅོས་བྱེད་སྲིད་པས་རྒྱུན་ཏུ་ནས་ཐུགས་སྣང་བྱེད་རོགས།
འདི་དང་འདི་འདྲ་བའི་ཚོགས་པ་ནི། སྙིང་གི་སྐོམ་ཁ་སོད་པའི་བདུད་བརྩི་རེད། ད་དུང་རྒྱ་ཆེ་རུང་དང་མང་རུང་གཏོང་རྒྱུར་ཧ་ཅང་གལ་ཆེན་དུ་མཐོང་།
ཚོགས་པ་གཉིས་ལ་འཚམས་འདྲི་བཀྲ་ཤིས་བདེ་ལེགས་ཞུ།
དུས་བབ་གསར་འགཔོད་པ་ཨ་ིག་འགྱུར་མེད་ལ་སྙིང་ནས་ཐུགས་རྗེ་ཞུ།།
ཕུ་བོ་དགེ་མཚན་གྱིས་བཏང་བའི་གནས་ཚུལ་དག་ཨ་ག་འགྱུར་མེད་ཀྱིས་སྤུས་གཙང་སྒོ་ནས་བྲིས་འདུག་པར་དགའ་ཡོད། གསར་འགྱུར་ངོས་གནས་ཤིག་རེད།
མ་སུ་རིའི་སློབ་གྲྭ་ནང་གི་སློབ་མ་བཅུ་རྩ་དགོངས་བཏང་ཡོད་པའི་གནས་ཚུལ་ཞིག་འདུག་ལགས་ན། དེའི་སྐོར་ཁྱེད་ཅག་གིས་དྲ་ཐོག་ཏུ་འགོད་ཐུབ་ན་བསམ་ཡོད།
དེ་ཚོ་་དེ་རིང་དགོང་ད་བལ་ཡུལ་དུ་རྩིས་སྤྲོ་རྒྱུ་ཡིན་ཚུལ་དང་སློབ་མ་དེ་ཚོ་རྒྱ་གར་ནས་འདུག་མི་ཆོག་པའི་བཀའ་བཏང་ཡོད་པ་འདྲ།
གསར་འགོད་པ་ཨ་རིག་འགྱུར་མེད་ཐུགས་རྗེ་ཆེ་གསར་འགྱུར་ཡག་པོ་གཏངས་འདུག རྒྱུས་པར་བཀླགས་ལུང་མ་བྱུང་ཀྱང་ཡག་པོ་ཞིག་འདུག རྗེས་སུ་ཀླགས་ངེས་ཡིན ད་བདེ་མོ་འགྲོ་རན་སོང་།