ཁྱེད་ཕྱོགས་ཀྱི་སྐད་ཆ་ཞིག་གོ་རྗེས་སུ།

མི་ཞུན་ལགས། ཉིད་ཀྱིས་བདག་ཤེས་ཀྱི་ཡོད་པ་ལོས་ཡིན། འོན་ཀྱང་། བདག་གིས་ཉིད་ཀྱི་སྨྱུག་མིང་སྤྱད་ཡོད་སྟབས། རེ་ཞིག་རིང་མ་ཤེས་ཀྱང་མི་སྐྱོན་གི
ང་ཚོ་ཚང་མ་སྤུན་ཟླ་རེད།

ཕུན་སུམ་ཚོགས་པའི་ལས་ཤིག་མེད་གྱུར་ཡང་།།
ལས་ཀྱི་སྔ་གཞུག་ཕར་འགྲོ་ཚུར་འོང་འདིས།།
ས་ཐག་རིང་བའི་ཡུལ་གྱི་སེམས་སོང་དེར།།
རིང་ནས་བརྗེད་དུ་མེད་པ་སྔོན་གྱི་བསྐལ།།

རྨེ་རུ་ལགས། ཉིད་རང་ཕེབས་པ་དགའ་ནས་ཡོད།

མི་ཞིག་རྡོ་ལ་བྲིས་པའི་རི་མོ་ཞིག།
སྙིང་གི་གསོས་ཀར་བཏབ་པའི་སྡུག་ཡུས་ཀྱིས།།
སེམས་འཕྲིན་རྫོགས་མེད་བྲིས་པའི་མྱ་ངན་གཟུགས།།
ཕྱི་གླིང་བུ་མོའི་རུམ་ཁར་ཡལ་ནས་ཐལ།།

མི་གཞིག་རྣོ་ལྕགས་སྲ་མོས་རབ་བརྡུངས་པའི།།
མཆིན་པའི་ཤ་དང་སྙིང་གི་གྲུ་ཟུར་དག།
བར་གཅོད་ཐོ་བས་བརྡུང་ལ་མི་འཇིགས་པའི།།
སེམས་འདིའི་གསེང་དག་གླེང་ན་ཡིད་རེ་དགའ།།

མི་ཞུན་ལགས། བདག་གིས་སྐུ་ཉིད་ངོ་མི་ཤེས་ཀྱང་། ཉིད་ནས་ང་རང་ཤེས་ཀྱི་ཡོད་པ་འདྲ། གང་ལྟར།

ཚིག་གི་རི་མོ་ཤོག་ངོས་སུ་བྲིས་ཀྱང་།།
གསང་བའི་རི་མོ་སེམས་ཀྱི་སྣང་ཚུལ་དག།
སྐྱེ་བ་འདི་ལ་ཅི་ཙམ་བྲིས་ན་ཡང་།།
སེམས་ཀྱི་ནུས་པ་མཚོན་པའི་ཡི་གེ་ཞིག།
དངོས་སུ་འབྲི་ལ་ཐབས་ཤིག་མི་རེག་གི།
ཉིད་ནས་སེམས་གསོ་གནང་བ་བཀའ་དྲིན་ཆེ།།
འདི་རུ་ཕེབས་ནས་བསམ་ཚུལ་ཐོར་བུ་ཞིག།
དྲ་ཐོག་འདི་ནས་སྤེལ་བ་དགའ་ནས་ཡོད།།
རྗེས་ཀྱང་ཡང་ཡང་ཕེབས་རྒྱུར་རེ་སྐུལ་ཞུ།།

བྱིས་ཕྲུག་གཉིས་ལ་ཕྱུར་བག་བཟོས་ནས་བྱིན།།
སྟབས་བདེ་ཡིན་ལ་བྲོ་བ་ཆེན་པོ་ཡོད།།
ཁྱེད་ལ་ཡོད་པའི་ལག་རྩལ་དེ་ཉིད་ཡིན།།
ང་དང་གྲོགས་པོའི་འདི་ནས་སྣ་སྣོམས་བྱེད།།

སུད་སིའི་ཡུལ་དུ་ཆུ་ཚོད་བརྒྱད་པ་རེད།
ཨ་ཕྲུག་གཉིས་ལ་ཁ་ལག་བཟོ་རན་འདུག
སྤུན་གྲོགས་གཉིས་ལ་དགོངས་ཞུ་རྒྱུ་ཡིན།
ག་སོང་ས་དེར་ལམ་འགྲོ་ཡོང་བ་ཤོག

ཤ་དང་ཆང་གི་སྟོན་མོ་མེད་ན་ཡང་།།
ལས་དང་སྨོན་ལམ་གཅིག་པའི་གཤིས་ཀ་འདིས།།
སུལ་ཁུ་མངར་མོ་འཐུང་ཞོར་ཟིན་བྲིས་ནང་།།
ཉུལ་ཤོར་རང་རང་མོས་པ་གླེང་ནས་ཡོད།།

རྒྱང་ནས་འཕྲིན་ཞིག་ཚབ་དུ་དགོད་གཏམ་འབྲེལ།།
འཚམ་འདྲི་བྱས་པ་དེ་ལ་དགའ་ནས་ཡོད།།
འདྲིས་ཤིང་གཤིབ་པའི་ལོ་ཟླ་མེད་ཀྱང་རུང་།།
རིགས་ཞེན་གཙང་མའི་འདྲིས་པ་ཁྱེད་ལ་དུངས།།

ང་དང་རིགས་ཞེན་ཟབ་པའི་གྲོགས་ཤིག་དང་།།
དྲ་རྒྱའི་མདུན་དུ་བསྡད་ནས་སྐུ་ཉིད་ལ།།
འཕྲིན་ལན་འཕྲིན་དུ་འབྲི་བཞིན་མཚན་མོ་བསྐྱལ།།
རི་ངོགས་ཁང་ཆུང་ཞིག་དུ་ལྷོད་ལྷོད་རེད།།

ཅོ་ཐོག་བུད་མེད་ཞིག་ལ་སྒུག་ན་ཡང་།།
རི་རྩེ་ཆུང་ཆུང་འདི་ནས་ཐག་རིང་གི།
ཉི་འོད་འཇམ་པོའི་འོག་གི་རྒན་བྱིས་གཉིས།།
མ་བསམ་ཐབས་མེད་ཡིན་པས་ཁ་རོག་བསྡད།།

ཅོ་རི་ཉི་མ་ལགས། ད་རྒད་མོ་ལས་ཀ་སོང་ཚར་ཤུལ་དུ། ཁོམ་ནས་བསྡད་ཡོད་ས་རེད། ཧཧཧ སྒོར་མོ་ཚར་ཐལ། སྒོར་མོ་ཁ་ཤས་ཤིག་སྐུར་ན་ཨེ་འགྲིག བུད་མེད་མཛེས་མ་མང་བོ་ཡོད་ཀྱང་། སེམས་པ་བསྡོད་མི་ཚུགས་པ་མ་གཏོགས། ལག་པར་གཅིག་ཀྱང་མི་རེག་གི དེ་ཚོས་ང་རང་གི་སྒོར་མོ་ཚར་སོང་བ་ཤེས་ཀྱི་ཡོད་པ་འདྲ།