རྒྱ་རི་སྒྲོལ་མ། “ང་བཀའ་བློན་ཁྲི་པའི་འོས་གཞིར་ལངས་པ་ཡིན”

གཡུང་དྲུང་ནོར་བུ་ལགས་ནས་བཤད་པ་དེ་དངོས་ཡོད་ཀྱི་གནས་ཚུལ་ཞིག་ཏུ་མཐོང་སོང་བས་དེ་རིང་ངས་དྲྭ་རྒྱ་འདིར་བཀོད་པ་ཡིན། ཉེ་ཆར་ཡང་ཀུན་གླེང་ནང་དུ་གསལ་པོ་བསྟན་སོང་བས་བོད་མི་དམངས་ཡོངས་ཀྱིས་ཁོ་པའི་བཟོ་ལྟ་ལོས་ཤེས།
རང་རེ་སྤྱི་ཚོགས་ནང་དུ་བཀའ་སྤྱི་གཉིས་ཀྱི་འོས་འཕེན་ཉེ་བའི་དུས་སྐབས་འདིར་བོད་མི་འདུ་འཛོམས་ཁྲོད་རྒྱུ་མཚན་གང་ཡང་མི་ཤེས་པ་རི་བོང་ཅལ་འདྲོག་ཁོ་ན་ལས། བློ་གཟུ་བོར་གནས་ཤིང་རྒྱུ་མཚན་ལྡན་པའི་ཐོག་བོད་གཞུང་དམངས་ལ་ཕན་པའི་བཀའ་སྤྱིའི་འོས་མི་མི་འཚོལ་བར་ཆོལ་ཁ་དང་ལུང་ཚན་བྱེ་བྲག་པ་ཞིག་བཟུང་ཏེ་རང་ཕྱོགས་དང་ཉེ་བའི་གང་ཟག་ཞིག་མ་རྙེད་པར། ཐབས་ཤེས་ཡོད་དགུ་རྩལ་ཏེ་སྤྱི་ཆོས་གསེར་གྱི་མཆོད་རྟེན་རྒྱབ་ཏུ་དོར། རང་ཆོས་ཕོར་ཁ་མཐོ་དམན་ལ་རྩོད་པ་རྒྱབ་སྟེ་མ་ཡིན་ཡིན་མདོག་མི་འཇོན་འཇོན་མདོག་བྱེད་པའི་སྐབས་འདིར། མདོ་སྟོད་མི་དམངས་ཡོངས་ལ་རེ་བསྐུལ་ཞུ་རྒྱུ། གཉེན་འཕྲང་ཅན་གྱི་དུས་ཚོད་འདིར་ཕྱོགས་རིས་དང་ཕྲག་དོག ཆོལ་ཁ་དང་ལུང་ཚན་ཆོས་རྒྱུད་སོགས་འཐེན་ཁྱེར་མི་གནང་ཞིང་། གཙོ་བོ་༧གོང་ས་མཆོག་གི་བཀའ་ཇི་བཞིན་སྒྲུབ་པ་དང་། བོད་སྤྱི་པའི་ལས་དོན་ལ་དུས་ནམ་ཡང་ཇི་མི་སྙམ་པའི་བློ་མི་སྐྱེ་བ། གཞུང་དོན་ཁ་ལ་ཁྱེར་ཏེ་རང་དོན་འབའ་ཞིག་མི་སྒྲུབ་པ། ཤེས་འཇོན་ལྷག་བསམ་ལྡན་པའི་གསར་སྐྱེས་ཁམས་ཕྲུག་དག་ལ་ད་རེས་གོ་སྐབས་ཕུལ་བ་ངེས་པར་དུ་གལ་ཆེ། སྔ་རབས་ཀྱི་ཞེན་ཁོགས་ཀྱིས་ད་ལྟ་ཡང་མདོ་སྟོད་མི་དམངས་ལོག་ལམ་དུ་ཁྲིད་དེ། རང་དོན་ཡིད་བྱེད་ཀྱི་བློ་ཁོ་ན་ལས་གཞུང་དམངས་སུ་ལ་ཡང་ཕན་ཐོག་གི་རེ་བ་མེད་པའི་ང་རྒྱལ་ཁོག་རློམ་ཅན། མཐོ་དཔོན་ལ་གུས་ཞབས་དང་། དམའ་འབང་ལ་བྱམས་སྐྱོང་གིས་དབེན་པ། བོན་སྤྱི་སྨོན་ལམ་མཐར་ཕྱིན་དང་། གཡུང་དྲུང་རྒྱལ་མཚན་ལྟ་བུ་གཉིས་ཀྱིས་མཚོན། དེ་དང་དེ་འདྲ་བས་དུས་ནམ་ཡང་མདོ་སྟོད་མི་དམངས་ལ་ཕན་ཐོག་མེད་པ་འཚོགས་འདུར་གཏམ་བཤད་བྱེད་པའི་གློག་བརྙན་གྱི་ལམ་ནས་གཟིགས་དང་། རང་བཞིན་གྱི་རྟག་ཡང་དག་དེར་གསལ་བས་མདོ་སྟོད་མི་དམངས་མགོ་མ་རྨོང་རོག་ཞེས་ལྷག་བསམ་རྣམ་དག་གི་སྒོ་ནས་ཞུ་རྒྱུ་དང་། ཁྱད་པར་དུ་དོ་བདག་རང་ངོས་ནས་སྔར་བྱས་ལ་འགྱོད་བཤགས་དང་ཕྱིན་ཆད་བསམ་ངན་དབྱེ་དཀྲུག་སོགས་མི་བྱས་རྒྱུ་དམ་བཅའ་འཇོག་སྟེ་བཟང་སྤྱོད་ཀྱི་ལམ་ནས་དགོངས་པ་ཞུ་དགོས་རྒྱུ་དང་། མདོ་སྟོད་མི་དམངས་ནས་ཀྱང་བླུན་པོ་ཆུ་སྣ་གར་ཁྲིད་ཀྱི་དཔེར་མ་སོང་བར། བོད་སྤྱི་ཚོགས་ནང་མདོ་སྟོད་པ་ལ་ལྟོས་ཟེར་བ་ཞིག་མ་ཡོང་སྔོན་ནས་གཟབ་གཟབ་གནང་རོག་ཞེས་རྒན་པོ་གཡུང་དྲུང་ནོར་བུ་ནས་མན་ཌུ་ཝ་ལ་ས་གནས་ནས་ཕུལ།

དྲ་གྲོགས་ཚོ། འདི་ནི་སེམས་ཀྱི་སྐད་ཆ་ཡིན།
༢༠༡༠།༨།༨ཉིན།
ངས་དུས་བབ་དྲ་ངོས་སུ་འཁོད་པའི་ རྒྱ་རི་སྒྲོལ་མ། “ང་བཀའ་བློན་ཁྲི་པའི་འོས་གཞིར་ལངས་པ་ཡིན”ཞེས་པར་བཏགས་པའི་མཆན་བུ་བརྒྱ་དང་བཞི་བཅུ་ཞེ་གཉིས་བར་རིམ་པར་བཀླགས་རྗེས། ད་ལྟ་མཆན་བུ་བརྒྱ་དང་བཞི་བཅུ་ཞེ་གསུམ་པ་དེ་འབྲི་བཞིན་ཡོད།
བཀུར་འོས་བོད་མི་མང་གི་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་གིས། རང་གི་ཐུགས་འདོད་ལྟར་བཀའ་བློན་ཁྲི་པའི་འོས་གཞིར་ལངས་གནང་བར་དྲ་གྲོགས་ཚོས་གླེང་གིན་གླེང་གིན་ལྟ་ཚུལ་མི་འདྲ་བ་གཉིས་སུ་གྱེས་བཞིན་བཀའ་མོལ་གནང་འདུག
དང་པོ། མང་པོ་ཞིག་གིས་ཁོང་གི་ཤེས་འཇོན་ནི་བོད་ཀྱི་བུད་མེད་ཀྱི་ཚབ་མཚོན་ཞིག་དང་། སྙིང་སྟོབས་དང་ལ་རྒྱ། སེམས་ཤུགས། ལྷག་བསམ་སོགས་ལ་བསྔགས་བརྗོད་ཀྱིས་མི་ལོ་ཧྲིལ་པོ་བཅུ་དགུའི་རིང་བཙན་བྱོལ་བོད་གཞུང་གི་ལས་ཀྱི་སྣེ་མོ་གནང་བའི་མཛད་རྗེས་ལ་བསྔགས་བརྗོད་གནང་བ་དང་། བཀའ་བློན་ཁྲི་པའི་འོས་མིར་ལངས་པར་དམིགས་བསལ་འཚམས་འདྲི་ཞུ་མཁན་ཁག་ཅིག་རེད།
གཉིས་པ། བཀའ་བློན་ཁྲི་པའི་འོས་གཞིར་ལངས་པ་དེ་མི་འོས་ཚུལ་དང་། ཀུན་སློང་ལ་ལྷད་ཡོད་ཚུལ། ཁོང་གིས་མདོ་སྟོད་ནང་ཁུལ་རྙོག་གླེང་བཟོས་པ། ཁོང་སྒེར་གྱི་བཟའ་ཟླའི་སྐོར་གྱི་གནད་དོན་གླེང་བ། རྒྱ་གར་དཔོན་རིགས་སོགས་ལའང་ཚུལ་མིན་གྱི་འབྲེལ་བ་ཡོད་ཚུལ་ཤུགས་ནས་གླེང་བ་སོགས་ཁོང་ལ་ཉེས་སྐྱོན་སྣ་ཚོགས་ཤིག་དྲངས་འདུག་པ་དེ་དག་རེད།

ཁོ་བོས་བལྟས་ཚེ། ཁོ་བོ་གཙོ་བོར་གྱུར་པའི་དྲ་ངོས་འདིའི་ནང་དགོངས་ཚུལ་གསུང་མཁན་གྱི་ཁྲོད་རྒྱ་རི་སྒྲོལ་མ་ལྟ་བུའི་བྱས་རྗེས་ཅན་ཞིག་གཅིག་ཀྱང་མེད་པ་རེད་ཅེས་ཁ་ཚོན་གཅོད་ཐུབ་པ་མི་འདུག་གམ། གོང་དུ་བསྔགས་བརྗོད་གནང་མཁན་ལ་གང་ཡང་ཞུ་རྒྱུ་མི་འདུག ཁོང་ལ་ཉེས་མེད་ཉེས་འཛུགས་དང་། སྒེར་གྱི་གནད་དོན་དང་འབྲེལ་བའི་སྐོར། བོད་མི་ནང་ཁུལ་དབྱེན་དཀྲུག་བྱས་སྐོར་མང་པོ་ཞིག་གསུངས་འདུག་ཀྱང་། རྒྱུ་མཚན་དང་སྒྲུབ་བྱེད་ཡང་དག་གི་སྒོ་ནས་ཐེར་འདོན་གནང་བ་འདི་རེད་འདུག་བསམ་བསམ་གཅིག་ཀྱང་མི་འདུག་པས། གནད་དོན་དེ་རིགས་འབྲི་བ་པོ་སོ་སོས་འགན་ཁུར་དགོས་པའི་གནད་དོན་ཞིག་རེད། རང་ཉིད་ཀྱིས་ད་ལྟ་བར་བོད་མི་རིགས་ཀྱི་ཆེད་དུ་ལས་ཀ་ཅི་ཞིག་བྱས་འདུག་གམ། ད་ལྟ་ག་རེ་བྱེད་ཀྱིན་འདུག་གམ། མ་འོངས་པར་ཅི་ཞིག་བྱ་རྩིས་འདུག་གམ། གང་ཞིག་བྱ་ཐུབ་ས་རེད་དམ་ཞེས་རང་ཉིད་ཀྱིས་རང་ཉིད་ལ་དྲི་བ་བཏང་། དེ་ནས་ལན་འདེབས་ཐུབ་ཀྱིན་འདུག་དང་མི་འདུག་གཟིགས་ཏེ། ཐོག་མར་རང་ཉིད་ཀྱང་རྒྱ་མར་འདེགས་རྒྱུ་དེ་གལ་ཆེན་པོ་མ་རེད་དམ།
ལྷག་པར་རང་བློ་རང་ལ་ལྐོག་ཏུ་མ་གྱུར་པ་ཡིན་སྟབས། བཀའ་ཁྲིའི་འོས་མི་སུ་དང་གང་ཞིག་འོས་མིན་དེ་བློ་གཟུར་བོར་གནས་པའི་ཐོག་ནས་རང་ཉིད་ཀྱི་འོས་ཤོག་གཅིག་པུ་དེ་འཕྲོ་བརླག་མི་འགྲོ་བ་ཞིག་དང་། རང་ཉིད་ཀྱི་འོས་མི་དེར་ཡིད་ཆེས་བློས་འགེལ་ཐོག་ནས་འོས་བླུག་དགོས་པ་ཡིན། དེ་ལྟར་བྱུང་ན་རང་ཉིད་ཀྱི་ལས་འགན་ཡང་འགྲུབ་པ་ཡིན་ལ། བོད་མི་རིགས་ཀྱི་སྤྱི་ཚོགས་འགན་ཁུར་ཞིག་ཀྱང་ཁྱེད་ཀྱིས་བསྒྲུབས་ཡོད་སྟབས། ཁྱོད་ཀྱང་བློ་བདེ་བག་ཕེབས་ངང་གནས་ཐུབ་ངེས་རེད།

སྤྱིར་བོད་མིའི་སྤྱི་ཚོགས་ཀྱི་གོམས་གཤིས་ཤིག་ལ་བོད་པ་གང་རུང་ཞིག་གི་མགོ་བོ་གཟེངས་སུ་ཐོན་གྱི་འདུག་ན། དེའི་མགོར་དབྱུག་པ་གཞུ་རྒྱུ་དེ་བོད་མིའི་རང་གཤིས་ལྟ་བུར་གྲུབ་འདུག་སྙམ། དེ་ལྟའི་དཔེ་མཚོན་ནི་སོ་སོས་ཐུགས་བསམ་བཞེས་དང་། གཡས་གཡོན་ཉེ་འབྲེལ་གང་ནས་ནས་མཐོང་ངེས་རེད། ད་དུང་ཆོལ་ཁ་དང་ལུང་ཚན་སེམས་ཁོང་གི་གཅེས་འཛིན་གོང་བུར་གྱུར་ཏེ། བོད་སྤྱི་ཡི་བདེ་སྡུག་ཐོག་དགོངས་བཞེས་མི་གནང་བར་གང་དྲན་དྲན་ཐོག་རང་གི་ཕྱོགས་གཏོགས་བྱེ་བྲག་པ་གཅིག་ལ་ཤི་འཐམ་རོ་འཐམ་བྱེད་མཁན་དེ་ཚོས་སྤྱི་ཚོགས་འདིའི་ཞི་བདེ་ལྷིང་འཇགས་དཀྲོག་གིན་འདུག དྲ་ངོས་སུ་མཆན་བུ་གང་དང་ཅི་ཞིག་འདེབས་མི་འདེབས་དེ་རང་དབང་རེད། འོན་ཀྱང་རང་དབང་ལ་ཡང་ཚད་གཞི་གཅིག་ཡོད་ངེས་རེད། ཁ་ནས་གང་ཐོན་བཤད་ཅིང་བོད་མི་ནང་ཁུལ་ཚིག་གི་མཚོན་ཁ་བསྐོར་ན། ར་སྤུས་བཟོས་པའི་འུར་རྡོ་ར་ཡི་མགོ་ཐོག་ཏུ་ལྷུང་བའི་དཔེ་ལས་མ་འདས་པས་དེ་དོན་ཐུགས་ལ་འཇོག་རོགས།
བཀའ་བློན་གྱི་འོས་གཞི་སུ་ཡིན་རུང་དེ་དང་དེའི་སྐྱོན་ཡོན་གླེང་ཆོག་ཀྱང་གླེང་སྟངས་དེ་ཡང་རང་ཉིད་མི་ཞིག་ཡིན་པ་གཞིར་བཞག་སྐད་ཆ་ཤོད་དགོས་ལ། རང་ཉིད་ཀྱིས་ཉིད་ལ་ཞུ་དག་གཏོང་གིན་ད་གཟོད་གཞི་ནས་གཞན་དག་གླེང་ན་འོས་ཤིང་འཚམ་པ་ཞིག་མ་རེད་དམ། ང་ནི་བོད་མི་སྤྱིར་བཏང་བ་ཞིག་ཡིན་པའི་ངོས་ནས་རང་ཉིད་ཀྱི་སེམས་ཚོར་ཞིག་འདིར་ཤོད་ཀྱིན་ཡོད་པས། སེམས་ཚོར་དེ་སེམས་ཚོར་དུ་གཟིགས་རོགས།
དྲ་གྲོགས་ཚོ། འདི་ནི་སེམས་ཀྱི་སྐད་ཆ་ཡིན། བསེ་རུ་ཆང་བཏུང་ཡོད་ཀྱང་ར་བཟི་མེད། །

འདན་མ་ལགས།ཁྱོད་ཀྱིས་རྒྱ་མཚོ་ནང་ནས་ལས་ངན་ཉ་ཆུང་ངའི་སྐེ་ལ་འཛིན་ནས་ཁུངས་བསྐྱལ་ཤོག།མེད་ན་རྒྱ་སྒོར་ཟས་པ་རེད།དེ་མིན་ན་ཆུ་སྲིན་འདྲ་བའི་རྒྱ་ཁྲིམས་དང་བོད་ཁྲིམས་ག་བ་གཏུག་ཀྱང་ངོ་ཚ་དང་ཞིམ་པ་མེད་པ་ཁ་བཏད་ལོངས་ངེས་ཡིན་ཟེར།ང་ནི་མི་ཉམ་ཆུང་ཞིག་ཡིན་པའི་སྐྲག་ཐག་ཆེད་དེ་སུག་ལག་འདར་བཞིན་ཁྱོད་ལ་ལན་དེ་བྲིས་པ་ཡིན།
དང་པོ།་ངས་བལྟས་ན་ཁྱོད་ཀྱིས་ཀྱང་རྒྱ་རི་སྒྲོལ་མ་ག་འདྲ་ཞིག་ཡིན་མིན་རྟོག་མི་འདུག།རྒྱུ་མཚན་ནི་ཁྱོད་ཀྱིས་མཆན་གཉིས་པའི་ནང་འདི་ལྟར།ཚོགས་གཞོན་རྒྱ་རི་སྒྲོལ་མ་ལགས་ནི་དངོས་གནས་སེམས་ཤུག ས་ཆེན་པོ་དང་བཙན ་བྱོལ་བོད་གཞུང་ གི་ཆབ་སྲིད་འཛིན ་སྐྱོང་ལ་ཉམས་མྱོང་ཆེན་པོ་ཡོད་པ འི་ཚོར་སྣང་༼འདྲ་ ༽བྱུང་།ཞེས་བྲིས་འདུག།འདྲ་ཞེས་པའི་ཚིག་དེའི་རྒྱ་སྒྲོལ་ག་འདྲ་ཡོད་མེད་ཆ་ཚང་བ་ཞིག་མ་ཤེས་པའི་རྟགས་མ་རེད་དམ།དེ་མིན་ན་ལོ་ངོ་ཉེར་ཤུ་ནང་གཞུང་མི་བྱས་ནས་་བྱས་རྗེས་ག་རེ་བཞག་ཡོད་པར་རེ་རེ་བཞིན་ཅིག་གསུངས་དང་།།རྗེས་སུ་ཡི་རང་དང་ནོར་བ་ངོས་ལེན་བྱ་ཆོག།སེམས་ཤུགས་ཡོད་པ་དང་ཉམས་མྱོང་ཡོད་པ་ཙམ་གྱི་ཨེ་འགྲིག་ན།
གཉིས་པ།ཁྱོད་ལ་དེ་འདྲའི་བློ་སྟོབས་ཤིག་ཡོད་ན་ཕ་བཟང་བུ་མ་ཆུག་དང་ཆུ་སྒང་གསར་པ་ཡིན་ཟེར་མཁན་ཚོས་བོད་མི་མང་ལ་ངོམ་རྒྱུ་ཡོད་པའི་དམངས་གཙོ་ཀ་གསུམ་ཞེས་པ་དེ་རྒྱ་ཁྲིམས་ལ་བསྐྱལ་ཡོད་པ་རེད།ད་དུང་ཐག་ཆད་ཡོད་ས་མེད།དེ་ལ་ཁྱོད་ཀྱིས་ངོ་ཚ་དང་ཞིམ་པ་མེད་པའི་ཐོག་ནས་ཁ་བཏད་དུ་ལོངས་དང་གློ་བ་དང་མཆན་པ་ཕྱི་གསལ་ནང་གསལ་ཡོང་གི་རེད།གལ་སྲིད་མེ་ལ་ལག་པ་འཆང་པའི་སྙིང་སྟོབས་མེད་ན་དྲ་ལམ་རྒྱུད་མི་ཉམ་ཆུང་ཚོ་ལ་འཇིག་བསྐུལ་མ་ཐོངས་རོགས།དེ་ནི་ཤེས་ཡོན་ཡོད་ཀྱང་ཀླ་ཀློའི་རྟགས་ཡིན་པའི་གཟབ་དགོས།ད་དུང་ཞུ་རྒྱུ་ཞིག་ལ་ཁྱོད་རང་རྡ་ས་སྡོད་མཁན་ཞིག་ཡིན་ན་སྣེ་ལས་ཁང་དུ་ཁམས་རིགས་གྲགས་ཅན་འདྲ་སླེབས་ཨེ་འདུག་ལྟོས།ཁོང་ཚོའི་ཁོང་པ་སྔོག་ཙམ་རེ་བྱོས་དང་རྡ་ས་ས་ངོ་ཡག་པོ་མ་ཤེས་གོང་ནས་ཨ་མ་ཨ་སྡེ་བཟའ་མི་གཉིས་ཀྱིས་ཆུ་སྒང་གསར་རྙིང་ཞེས་པ་དེ་ངོ་སྤྲོད་བཟོ་ཚར་ལེ་རེད།ཡི་མ་ཆེས་ན་ཚོད་ལྟ་ཞིག་བྱོས་དང།
མཐའ་མ་དེ་ང་སྲིན་འབུ་མེ་ཁྱེར་ཞིག་གི་ཉི་མ་ལ་འགྲན་མི་ནུས་པའི་ཁྱོད་ཐུགས་གཡེང་གནང་མི་དགོས།སྤྱི་བཏང་བཤད་ས་བུ་མོ་ཡིན་ཡང་ཕོག་ས་མནའ་མ་ཟེར་བ་དེ།དེ་འདྲ་ཞིག་ལ་གོ་བ་ལོས་ཡིན།

བཀུར་འོས་རྒྱ་རི་མཆོག། ཁྱེད་ལ་ལྷག་བསམ་དང་བལྟ་བ་སྤུས་ལེགས་ཞིག་ཡོད་པ་བརྒྱ་ཆ་བརྒྱ་ཡིད་ཆེས་ཡོད་ལ་སྐུ་ཉིད་བཀའ་ཁྲིར་ཕེབས་འདོད་དང་དགོངས་ཚུལ་དག་བློ་ངོར་ཤིན་ཏུ་ཐད་འོན་ཀྱང་བཀའ་ཁྲིའི་ཁྲི་ལ་འཁོད་རྗེས་གོང་གིས་བཤད་པ་དག་རྒྱ་ཡན་རུ་མ་གཏོང་རོགས། ལྷག་པར་བོ་དནས་གསར་ཕེབས་ཀྱིས་ག་བ་གར་བསྡོད་མི་ཤེས་པའི་གསར་བུ་དག་ལ་དཀའ་མི་ཡོང་རྒྱུར་ལས་འགུལ་གང་ལེགས་སྤེལ་རོགས།

བཀའ་ཁྲིར་ཕེབས་རོགས།

བཀུར་འོས་རྒྱ་རི་སྒྲོལ་མ་མཆོག་བཀྲ་སིས་བདེ་ལེགས།
གནས་ཚུལ་གལ་ཆེན་ཞིག་ཁྱེད་ཀྱིས་ཐུགས་ལ་ངེས་སམ། ངས་སྒྲ་ཐག་འཁོར་ལོ་རྒྱུད་ནས་འདི་ལྟར་གོ་མྱོང་ཡོད། ཁྱེད་ཀྱི་ཡབ་ཆེན་དམ་པ་གྲང་ནས་བདུན་ཚིག་གཉིས་པའམ་གསུམ་པ་གང་རུང་ཞིག་གི་ཉིན་གངས་ཅན་སྐྱིད་གཤོང་ཉེར་ཕྲིས་སུ་ཡོད་པའི་གནས་ཆུང་དགོན་པའི་ཚོམ་ཆེན་ནང་ལ་གནས་ཆུང་གྲྭ་ཚང་ཡོངས་རྫོགས་དང་། གལ་ཆེན་འབྲེལ་ཡོད་་མི་སྣ་ཁག་དང་བཅས་ལ་བརྩལ་པའི་བཀའ་སློབ་ཞིག་གི་ནང་དོན། ཉིད་ཀྱི་ཡབ་ཆེན་དམ་པ་ལྷག་བསམ་རྣམ་དག་ཐོག་རང་རྒྱལ་བ་རིན་པོ་ཆེ་དང་བོད་གཞུང་དགའ་ལྡན་ཕོ་བྲང་གཉིས་ལས་གཞན་ཐུགས་བསམ་གཏན་ནས་མི་བཞེངས་པར་མ་ཟད་ད་དུང་ཁྱེད་རྣམས་ཀྱང་ང་ལ་གནང་ཟིན་པས་མ་འོང་པར་ངེས་པར་དུ་པ་ལ་དམ་པ་ཕྱག་ལས་འཇུག་སྐྱོང་ཐུབ་པ་ཞེས་བྱས་ཡ་དེ་དཔེ་གལ་ཆེན་པོ་རེད་ཅེས་དང་། བོད་གཞི་བྱེས་གཉིས་ལ་ཕན་པའི་ཕྱག་ལས་ཞིག་ངེས་པར་དུ་གནང་དགོས་པ་དང་། མ་ཚད་ད་ལྟ་མང་གཙོ་ཀ་བ་གསུམ་དེ་གང་ལ་གང་འཚམ་ཡག་ཐག་ཆོད་ཡོད། དེ་ཡང་ཕྱག་ལས་གནང་སྐབས་བཟང་ངན་དཀའ་སྡུག་མང་པོ་འཕྲད་པ་དངོས་པོ་ཆོས་ཉིད་རེད། འོན་ཀྱང་སོ་སོའི་བློ་སྟོབས་བསྐྱེད་དེ་ངེས་པར་དུ་ཕྱག་ལས་གནང་དགོས་ཞེས་བཀའ་སློབ་ཟབ་མོ་ཕེབས་པ་ལྟར། ད་སྐབས་སྨོན་འབྲས་དུས་སུ་སྨིན་པ་ལུས་ཡིན་ངོ་སོ་བསྟོད། ཁྱེད་ཀྱིས་༧གོང་ས་མཆོག་བཀའ་སློབ་སྙིང་དབུས་སུ་བཅང་ཏེ་ད་སྐབས་ཁྱེད་ཀྱི་ལྷག་བསམ་དང་སྤོབ་པ་དེ་མཐོང་དུས་སྣིང་ནས་དགའ་སྤྲོ་འཕེལ། གཞན་བོད་ཀྱི་དུས་བབས་དྲ་རྒྱ་དང་། བོད་ཀྱི་བང་ཆེན། ཁ་བརྡ་སོགས་རྒྱུད་ནས་སྐྱོན་ཡོན་དེ་ཚོ་གཟིགས་སྐབས་ལྷག་པར་དུ་རང་སེམས་གཟིང་བསྟོད་དེ་ཕྱག་ལས་མི་མཐུད་དེ་འཇུག་སྐྱོང་ཡོང་བར་སྨོན།

རྒྱ་རི་སྒྲོལ་མ་ནི་རྒྱ་གར་གྱི་སྲིད་དོན་པའི་བྱེད་སྟངས་འགོས་ནས་ཡོད་སྟབས། རང་དོན་ཁོག་ཏུ་བཅུག་ནས་གཞན་དོན་སྨིག་མ་ཟིམ་ཟིམ་བྱེད་ཐུབ་མཁན་གྱི་མཁས་དབང་ཞིག་ཡིན། དཔེར་ན། འདས་པའི་ལོ་རྒྱུས་ནང་མདོ་སྟོད་ཆོལ་ཁ་ནང་ཁུལ་དཀའ་ངལ་ག་ཚོད་ཅིག་འཕྲད་ཀྱང་དེ་ལ་ཡ་མེད་ཀྱིས་ཕྱོགས་གཅིག་རང་གི་བཟའ་ཟླ་དང་ཕྱོགས་གཞན་དུ་རང་གི་གོ་ས་བརྟན་པོས་ཟིན་ནས་བསྡད་ཐུབ་ཡོད། གལ་ཏེ་ཁོ་མོ་བཀའ་ཁྲིར་སླེབས་ན་བོད་བཙན་བྱོལ་གཞུང་འདི་རྒྱ་གར་བརྙན་འཕྲིན་ནང་སྟོན་བཞིན་པའི་ dance India Dance ལྟ་བུ་བོད་མི་མང་རྣམས་བྲོ་པ་དང་ཁོ་མོ་ཟུར་ནས་ཁ་སྙན་པོ་བཤད་དེ་བལྟ་བཞིན་སྡོད་རྒྱུ་ཡིན་པ་ཐག་ཆོད་པ་རེད། མོ་རང་ལྟད་མོ་དེའི་ནང་གི་གཟུ་དཔང་ཞིག་དང་འདྲ་པོ་ཡོད།

རྒྱ་རི་སྒྲོལ་མ་འདི་རང་གི་བཟའ་ཟླ་དང་འགྲིག་མཐུན་མི་ཡོང་མཁན་ཞིག་གི

རྒྱ་རི་སྒྲོལ་མ་མཆོག་སེམས་ཤུག་བསྐྱེད་པ་ཐུགས་རྗེ་ཆེ་ཡིན་ན་ཡང་ཁྱེད་ཀྱི་སེམས་ཤུག་གི་ཆུ་ཚོད་རྫོགས་ཚར་བ་ཡིན་པའི་དེ་ལུགས་ཀྱི་དགོངས་བཞེས་གནང་རོགས་གང་ཡིན་ཟེར་ན་རང་ཉིད་ཀྱིས་ད་བར་བོད་མི་རིགས་ལ་ཞབས་ཞུ་ཞུས་ཚར་བ་ཡིན་པས་ངལ་གསོས་གོ་སྐབས་ལ་ཐུགས་སེམས་འཁོར་ན་མ་གཏོགས་བཀའ་བློན་ཁྲི་བ་ལ་རེ་བ་མ་རྒྱག་རྒྱབ་སྐྱོར་མེད་་

ཚོགས་གཞོན་མཆོག་གིས་རེ་བ་བཟང་ས་ནས་ར྄ྒ྄ྱབ་མ྄ྱོང་མིན་དང་ག྄ྲ་ས྄ྒ྄ྲིགས་ས྄ྡུག་
ས་ནས་བ྄ྱེད་མ྄ྱོང་མིན་གང་ལ྄ྟར་ཡང་མདུན་དུ་ཐོན་པ་དགའ་བསུ་ཡོད་
ལ྄ྷན་ཁང་གང་རུང་ཞིག་གི་བཀའ་བ྄ློན་ལ་འོས་པ་ལས་ ཁ྄ྲི་པའི་འགན་ཁུར་
ད་ལ྄ྟའི་ས྄ྐབས་འོས་པ་མཐོང་མ་སོང་ངོ་།

རྒྱ་རི་སྒྲོལ་མ་ལ་རྒྱབ་སྐྱོར་བརྒྱ་ཆའི་བརྒྱ་ཡོད།

རྒྱ་རི་སྒྲོལ་མ་བྱང་ཆུབ་སེམས་མ་ཞིག་ཡིན་།།་

བཀའ་ཁྲིའི་འོས་མི་མཛེས་པ་རྣམ་གསུམ།

གཞོན་པ་མེད་ན་བཀའ་ཟུར་བསྟན་རྣམ་ཕ་རྒན་ཡོད་དོ་ཟེར། །
ན་གཞོན་བསྒྲུགས་ཅིག་ཐེངས་ཅིག་ཨ་མ་རྒྱ་རིས་བྱེད་དགོས་ཟེར། །
བུ་གཞོན་བློ་སེང་ཁྲིམས་མཁས་བཀའ་ཁྲིའི་འོས་མགྲན་ངར་ནས་བཞུགས། །
ཕ་མ་བུ་གསུམ་ཁྱིམ་ཚང་འགན་བླངས་མགྲན་བསྡུར་མི་མཛེས་སམ། །

བཀའ་ཁྲིའི་འོས་བསྡུའི་ལས་ལམ་ལམ་ལྷོངས་ཤོག །

ུ༼བོད་ནས་ཡོང་མཁན་ཤེས་ཡོན་ཅན་མང་པོ་ཞིག་ལུས་སྲོག་ལོངས་སྤྱོད་དང་བཅས་པ་༧རྒྱལ་བ་རིན་པོ་ཆེ་ལ་ཕུལ་ཏེ་ཡོང་བ་རེད། ཁོང་ཚོ་སློབ་གྲྭ་ཁག་ནས་ཐོན་ཏེ་ངྷ་རམ་ས་ལར་ཡོང་སྐབས་གང་ལ་འགྲོ་དགོས་པ་རེད། འདི་དག་ལ་ཞིབ་ཚགས་ཀྱིས་གཟིགས་དགོས་པ་རེད་དྲན་ཡོད་ཟེར། ༽སྐད་ཆ་འདི་ངས་བལྟས་ན་གཞུང་གི་མ་མཐོང་བའི་དོན་རྐྱེན་ཞིག་རྒྱ་རི་སྒྲོལ་མས་ཅུང་སྔ་མོ་ནས་མཐོང་འདུག་སྙམ་ལ།རྗེས་ཕྱོགས་བོད་ནས་ཡོང་མཁན་དག་དང་།གསོག་སྒར་སློབ་གྲྭ་ནས་མཐར་ཕྱིན་མཁན་ཚོ་འགྲོ་ས་ཞིག་ཀྱང་རེག་ས་རེད་སྙམ་མོ།

རྒྱ་རི་སྒྲོལ་མའི་དྲ་ཐོག་གི་འོས་གྲངས་ཀྱང་། རྒྱ་རི་སྒྲོལ་མའི་མིག་ནང་གི་མཆི་ལྟར་དུས་དང་སྐབས་ལ་བསྟུན་ནས་སྔ་དགོང་གི་བར་ལ་གློ་བུར་གློ་བུར་འཕར་ཡོང་གི་འདུག་གཱ མི་མང་པོ་ཞིག་རྒྱ་རི་སྒྲོལ་མར་དྲ་ཐོག་ཏུ་འོས་འཕེན་ཆེད་ཁ་སང་དེ་རིང་དྲ་ཁང་གི་སྒོ་ཁ་ན་གྲལ་རིང་སྒྲིག་མེད་འགྲོ། ད། མི་དམངས་ཀྱི་སྔུན་ལ་ལངས་ཡོང་ནོ་ངར་གི་ཞེས་བསྟོད་ར་བྱས་ནས་ཅང་མ་འགོར་བར། རྐུབ་འཇུར་ནས་སྣབས་ལུག་གི།

རྒྱ་རི་སྒྲོལ་མས་ཁེ་རྐང་གི་འབོད་ཚིག་རྡ་སའི་རི་མགུལ་ནས་སྒྲོག་རྒྱུ་དེ། ཡག་རྟགས་ཤིག་རྩ་བ་ནས་མིན་ཡང༌། སྨྲ་བརྗོད་བཀག་འགོག་མེད་པའི་རང་དབང་གི་སྤྱི་ཚོགས་འདིར། བཏང་སྙོམས་སུ་འཇོག་རྒྱུ་ལས་མེད། ངའི་སེམས་སུ་ཉར་བའི་མ་འོངས་པའི་བཀའ་ཁྲིའི་འོས་ཤོག་དེ། དེང་དུས་སྤྱི་ཚོགས་ཀྱི་བབ་དང་བསྟུན་ཤེས་མཁན། བློ་རིག་གསལ་ལ་ཤེས་འཇོན་གྱིས་ཕྱུག་པ། ལྷག་པར་ཏུ་རྒྱ་ནག་པོའི་ཁྲིམས་དང་ལྐོག་ཇུས་ལ་མཁྱེན་རླབས་ཅན། ཟང་ཟིང་གི་བསླུ་བྲིད་འོག་ཏུ་མ་ཚུད་ཅིང༌། ལྷག་བསམ་དང་སྤོབས་པ་ལྡན་པའི་གཞོན་སྐྱེས་ཤིག་ངེས་པར་ཏུ་དགོས་པས། དེ་ནི་མཁས་དབང་བློ་བཟང་སེང་གེ་རང་བབ་པ་འདུག

ད་ཨ་ཅེ་རྒྱ་རི་མཆོག་གི་སྐུ་ངལ་གསོས་ན་ཡག་པོ་ཡོད་ས་རེད།

དགའ་བསུ་ཡོད།

ངས་ཡང་བསྐྱར་རྒྱ་རི་སྒྲོལ་མ་གླེང་གི་ཡིན།
ཁོ་མོའི་ལྷག་བསམ་དང་སྙིང་སྟོབས་ཀྱི་རྒྱབ་རི་ནི་༧གོང་ས་མཆོག་གིས་དབུ་ཁྲིད་པའི་བཙན་བྱོལ་བོད་གཞུང་གི་ཆབ་སྲིད་ཀྱི་ལངས་ཕྱོགས་ལམ་དབུ་མའི་ལྟ་གྲུབ་འདི་རེད། དེ་བས་ན་ང་ཚོས་ཡིད་གཏད་ཆོག་པའི་མ་འོངས་བོད་ཀྱི་བཀའ་ཁྲི་ཁོ་མོ་རེད།

ཁོ་མོར་དཔྱོད་ཤེས་དང་བློ་མིག་གི་མཁྱེན་རྩལ་མྱིར་དོན། མི་རིགས་རང་གི་སྲོལ་རྒྱུན་རིག་གནས་དང་དེང་དུས་ཤེས་བྱ་གཉིས་ལ་མཁས་མཛངས་ལྡན་པ་མ་ཟད། སྐད་དང་ཡིག་རིགས་གསུམ་གྱི་མཁྱེན་རྟོགས་ལྡན་པའི་བོད་ཀྱི་མཛངས་མ་ཞིག་ཡིན་པའི་སྟབས་ཀྱིས་རེད། དེ་བས་ན་ང་ཚོས་ཡིད་གཏད་བྱེད་ཆོག་པའི་མ་འོངས་བོད་ཀྱི་བཀའ་ཁྲི་ཁོ་མོ་རེད།

ཁོ་མོར་རང་ཚིགས་ལྡན་ལ་མི་གཞི་ལྷད་མེད་ཅིག་ཡོད་དོན། ཆོལ་ཁ་ཆོས་ལུགས་ཀྱི་ཕྱོགས་ཞེན་བྲལ་པའི་སྤྱི་དམངས་ལ་ཕན་སེམས་ཆེ་བ་དང་། ལྷད་མེད་ཀྱི་ལྷག་བསམ་དང་ཞུམ་མེད་ཀྱི་སྙིང་སྟོབས་ཆེན་པོ་ཞིག་ཡོད་པའི་རྐྱེན་གྱིས་རེད། དེ་བས་ན་ང་ཚོས་ཡིད་གཏད་བྱེད་ཆོག་པའི་མ་འོངས་བོད་ཀྱི་བཀའ་ཁྲི་ཁོ་མོ་རེད།

ཁོ་མོ་འདི་ལྟར་མདུན་དུ་ཡོང་དོན། རྒྱལ་སྤྱིའི་ཆབ་སྲིད་ཀྱི་འགྱུར་འགྲོས་དང་རྒྱ་ནག་གཞུང་གིས་བོད་ཀྱི་ཐོག་བཟུང་བའི་སྲིད་བྱུས་ལ་མཁྱེན་རྟོགས་ཟབ་པ་དང་མི་ལོ་ཉི་ཤུའི་རང་གི་ཉམས་མྱོང་སོགས་ལ་ལྟས་ནས་རང་ཉིད་མི་དམངས་ཀྱི་མདུན་དུ་འབུད་འདོད་ཀྱི་སྙིང་སྟོབས་གསར་དུ་འཁྲུངས་པ་རེད། དེ་བས་ན་ང་ཚོས་ཡིད་གཏད་ཆོག་པའི་མ་འོངས་བོད་ཀྱི་བཀའ་ཁྲི་ཁོ་མོ་རེད།

ཁོ་མོས་དུས་ཀུན་བཙན་བྱོལ་བོད་མིའི་འཚོ་གནས་དང་སྐྱིད་སྡུག་ཁ་ནས་ཤོད་དོན། རང་ཉིད་རྒྱ་གར་གཞུང་དང་བཙན་བྱོལ་བོད་གཞུང་བར་འབྲེལ་མཐུད་ཀྱི་ཐབས་ལ་མཁས་པའི་མི་བུ་ལྷག་བསམ་ཅན་ཞིག་ཡིན་པའི་སྙིང་སྟོབས་དང་ལ་ཞེན་སེམས་སུ་ཉར་ནས། རང་འགུལ་རང་སྟོབས་འོག་མི་རིགས་རིག་གནས་ཀྱི་ལས་དོན་སྒྲུབ་བཞིན་ཡོད་པའི་རྐྱེན་གྱིས་རེད། དེ་བས་ན་ང་ཚོས་ཡིད་གཏད་ཆོག་པའི་མ་འོངས་བོད་ཀྱི་བཀའ་ཁྲི་ཁོ་མོ་རེད།

དྲ་གྲོགས་ཚོ་དེ་རིང་འདི་ལྟར་གུས་པས་དོན་ཚན་ལྔའི་ཐོག་ནས་སྐད་ཆ་བཤད་པ་ཙམ་གྱིས་བཀུར་འོས་ཚོགས་གཞོན་རྒྱ་རི་སྒྲོལོ་མའི་འདས་དང་ད་ལྟ་མ་འོངས་བཅས་ལ་ཚོད་འཛིན་བྱེད་མི་ཐུབ་པ་མ་ཟད། འདི་ནི་བཀུར་འོས་ཚོགས་གཞོན་རྒྱ་རི་སྒྲོལ་མའི་ལས་དོན་གྱི་ཆ་ཤས་ཙམ་ཞིག་དྲ་ཐོག་ལ་བྲིས་པ་ཡིན།

ཡང་ཡངབཀུར་འོས་པའི་ཚོགས་གཞོན་ལགས།
རླབས་ཆེན་གྱི་དགོངས་བཞེས་འདི་འདྲ་ཞིག་སྤྱི་ཚོགས་ཁྲོད་དུ་བཏོན་གནང་བར་ནི་དགའ་བསུ་དང་འཚམས་འདྲི་ཡོད།
ད་དུང་
དགའ་འོས་པར་ཞིག་ནི།
བུད་མེད་ཅིག་གི་གལ་ཆེན་བའི་ལས་འགན་འདི་འདྲ་ཞིག་དངས་བླང་བྱས་ཏེ་མི་མང་ཁྲོད་དུ་སྐད་གསང་མཐོ་པོའི་སྒྲགས་གནང་བ་འདིས་་་་ང་ཚོར་
ལོ་རྒྱུས་གསར་པ་ཞིག་འཇོག་གནང་བ་ཡིན་པས།
ཡང་བསྐྱར་སྤྲོ་ཚོར་ཤུགས་ཆེ་ངང་་་་ཐུགས་རྗེ་ཆེ་ཞུ།

༧༨༽ ཀརྡོ་རབ་འབྱམས་པ་ནས།
སྤྱི་ལོ་ ༢༠༡༠ ཟླ་ ༨ ཚེས་ ༦ གི་ཆུ་ཚོད་ ༨ སྐར་མ་ ༡༢

རྒྱ་རི་སྒྲོལ་མ་ཁ་ཟས་ཉུང་བཏང་ནས། །
ལུས་རྩལ་རྩེད་ན་འདི་ལས་མཛེས་པར་འགྱུར། །
རྒྱ་རི་སྒྲོལ་མ་དབུ་སྐྲ་གཙང་བཅད་ཀྱིས། །
རྒན་ཆོས་བྱས་ན་འདི་ལས་གཙང་བར་འགྱུར། །

རྒྱ་རི་སྒྲོལ་མ་བཀའ་ཁྲིར་དགའ་དྲགས་དང་། །
བོད་ཀྱི་ནང་ཆོས་ཕོ་མོ་འདྲ་མཉམ་སོགས། །
བོད་མོར་མོ་དད་ཆེ་བའི་དྲྭ་གྲོགས་ང་། །
ཀརྡོའི་མྱོས་གཏམ་ཆ་འཇོག་བྱེད་མི་ཉན། །
མཚར་གཏམ་གྱི་ཚུལ་དུ།

༢༠༡༡ལོའི་བཀའ་བློན་ཁྲི་བའི་དོན་སྙིང་དང་འོས་འགན་ཅི་ཡིན་ནམ །

ཉེ་ལམ་ཁ་བརྡ་དྲ་ཚིགས་སྟེང་དུ་དགེ་འདུན་རབ་གསལ་ཟེར་བ་ཞིག་གིས་བོད་ཀྱི་ཨོ་བྷ་མ། ཡང་ན། རྒྱ་ནག་གི་ཨོ་བྷ་མ་ཟེར་བའི་ཁ་བྱང་སྐྱིད་པོ་ཞིག་བཀོད་འདུག་པ་བཀླགས་རྗེས། རང་དབང་མེད་པར་༢༠༡༡ལོའི་བཀའ་བློན་ཁྲི་བ་མཆོག་ནི་བོད་ཀྱི་ཨོ་བྷ་མ་ཞིག་ཆགས་པར་ང་ཚོ་མི་སྒེར་སོི་སོས་འབད་པ་བྱེད་དགོས་བསམ་བྱུང་། དེ་ཡང་ངས་ཨོ་བྷ་མའི་སྲིད་སྐྱོང་གི་ནུས་པའི་སྟེང་ནས་བཤད་ཀྱིན་མེད་པར། ཁོ་བོ་ཨ་རི་ཡིས་སྲིད་འཛིན་ལ་བསྡད་པ་དེས་འཛམ་གླིང་མི་དམངས་ལ་ལོ་རྒྱུས་སྟེང་བྱུང་མ་མྱོངས་པའི་ཕུགས་བསམ་ལེགས་པོ་ཞིག་དང་རེ་ལྟོས་ཆེན་པོ་ཞིག གླེང་གཞི་ཆེན་པོ་ཞིག་བསྩལ་བྱུང་། འདི་ནི་ཁོ་རང་ཨ་རིའི་སྲིད་འཛིན་འདེམས་བསྐོ་ལ་ཞུགས་པ་དང་མི་བརྒྱུད་ནག་པོ་ཡིན་པ་སོགས་ལ་འབྲེལ་བ་ཟབ་མོ་ཡོད་སྲིད་ནའང་། ཁོ་རང་ཨ་རིའི་སྲིད་འཛིན་ལ་བསྡད་པའི་དེས་ཨ་རིའི་མི་བུ་འདྲ་མཉམ་གྱི་འཕེལ་རྒྱས་མཚོན་པ་མ་ཟད། ཨ་རི་སྤྱི་ཚོགས་ཀྱི་མི་བརྒྱུད་ནག་པོའི་བུ་རབས་ཚ་བརྒྱུད་གཙོ་བྱས་པའི་འཛམ་གླིང་གི་ཉམས་ཆུང་མི་རིགས་དག་ལ་སྔར་མེད་ཀྱི་སྟོབས་ཤུགས་ཅིག་བསྩལ་བ་རེད།
ཅི་ཕྱིར་སྐད་ཆ་འདི་ལྟར་གླེང་འགོ་རྩོམ་དགོས་བྱུང་ཞེས་ན། ༢༠༡༡ལོའི་བཙན་བྱོལ་གྱི་བོད་ཀྱི་བཀའ་བློན་ཁྲི་བའི་འདེམས་བསྐོ་གླེང་སློང་མཁན་མང་པོ་ཞིག་གིས། བཀའ་བློན་ཁྲི་བའི་འོས་གཞིར་ལངས་མཁན་ལ་ཡུལ་དུས་ཀྱི་ཕྱོགས་རེས་ཡོད་མེད་དང་ཉམས་མྱོང་ཡོད་མེད། གོང་ས་མཆོག་གི་དབུ་མའི་ལམ་ལ་རྒྱུས་ལོན་དང་རྒྱབ་སྐྱོར་ཡོད་མེད། གནའ་དེང་གི་རིག་གཞུང་ལ་ཤེས་ཚད་ཟབ་མིན། རྒྱལ་སྤྱིའི་ཆབ་སྲིད་ཀྱི་གནས་སྟངས་དང་འཁོར་ཕྱོགས་ལ་ངེས་ཤེས་ཟབ་མོ་ཡོད་མེད་སོགས་ཀྱི་སྟེང་ནས་བཀའ་བློན་ཁྲི་བར་ཚད་མཇལ་གྱིན་ཡོད་པར་སེམས།
རེད་དེ། འདི་དག་ཀྱང་བཀའ་བློན་ཁྲི་བ་དགོས་ངེས་ཀྱི་ཚང་དགོས་པའི་ཆ་རྐྱེན་ཡིན་སྲིད་མོད། དགའ་འོས་པ་ཞིག་ལ། ད་ལྟ་དྲ་ཚིགས་སྟེང་རྒྱུས་ལོན་བྱས་པ་ལྟར་ན། བཀའ་བློན་ཁྲི་བའི་འོས་གཞིར་ལངས་མཁན་ནམ་ལངས་འདོད་ཡོད་མཁན་གྱི་སྐུ་ཞབས་བསྟན་འཛིན་རྣམ་རྒྱལ་མཆོག་ཡིན་ན་འདྲ། བློ་བཟང་སེང་གེ་ཡིན་ནའང་འདྲ། ཀུན་བཟང་རྒྱལ་མཚན་ཡིན་ནའང་འདྲ། རྒྱ་རི་སྒྲོལ་མ་ཡིན་ནའང་འདྲ། ཁོ་ཚོ་མི་བུ་སོ་སོར་བཀའ་བློན་ཁྲི་བ་འདུག་རྒྱུའི་སེམས་ཤུགས་ཡོད་པ་མ་ཟད། ཤེས་ཡོན་དང་ནུས་པ་ཀྱང་གང་ལ་གང་མཚམས་ཀྱི་ཡོད་པར་འདོད་པས། ང་ཚོས་མི་བུ་སྒེར་སོ་སོར་རྒྱུས་ལོན་ངེས་ཅན་ཞིག་བྱས་ཡོད་པའི་དུས་ད་ལྟ། ང་ཚོས་བསམ་བློ་གཏོང་རྒྱུ་ནི་གཤམ་གསལ་གྱི་ཁག་གཉིས་སྟེ།

དང་པོ ༢༠༡༡་ལོའི་བཀའ་བློན་ཁྲི་བའི་དོན་སྙིང་།
གཅིག བོད་ཀྱོ་ལོ་རྒྱུས་སྟེང་ཐེངས་དང་པོར་སྐྱ་སེར་ཆབ་སྲིད་པ་ཞིག་མང་གཙོ་ལམ་ལུགས་བརྒྱུད་ནས་བཀའ་བློན་ཁྲི་བར་ཕེབས་རྒྱུ་ཡིན་པ།

གཉིས བཙན་བྱོལ་འཚོི་བ་རོལ་ནས་མི་ལོ་དྲུག་བཅུ་འདས་པའི་དུས་ད་ལྟ་གོང་ས་མཆོག་གཙོ་བྱས་པའི་བཙན་བྱོལ་སྲིད་གཞུང་གི་སྐྱེལ་བསྲིངས་བྱས་པའི་མང་གཙོ་ལམ་ལུགས་ཀྱི་གྲུབ་འབྲས་དང་མི་རབས་ཅིག་གི་ནུས་པ་རྒྱལ་སྤྱིའི་སྤྱི་ཚོགས་ལ་མངོན་པའི་གོ་སྐབས་བྱུང་བ།

གསུམ ང་ཚོ་བོད་ཀྱི་འབངས་མི་སྒེར་སོ་སོར་ཡང་བསྐྱར་རང་མི་རིགས་ཀྱི་གནས་བབས་དང་མ་འོངས་པའི་ལམ་ཁ་ལ་བསམ་བློ་དང་བསྐྱར་ཞིབ་བྱེད་པའི་གོ་སྐབས་ཅིག་སྤྲད་པ།

གོང་གསལ་གྱི་དགེ་མཚན་འདི་དག་གི་དབང་གིས་ང་ཚོས་ངེས་པར་དུ་བཀའ་བློན་ཁྲི་བའི་འདེམས་བསྐོས་གོ་སྐབས་བེད་སྤྱད་དེ། བཙན་བྱོལ་བོད་མིའི་སྤྱི་ཚོགས་ཀྱི་མང་གཙོ་འཕེལ་རྒྱས་ཀྱི་གྲུབ་འབྲས་དངོས་ཞིག་རྒྱ་ནག་མི་དམངས་གཙོ་བྱས་པའི་འཛམ་གླིང་མི་དམངས་ལ་ཁྱབ་བསྒྲགས་བྱེད་རྒྱུ་དང་།
གཞི་བྱེས་བོད་མི་དག་ལ་རང་མི་རིགས་འདི་མ་འོངས་པར་ལམ་ཁ་ཅི་ལྟ་བུ་ཞིག་ལ་འགྲོ་འོས་པར་སེམས་ཀྱི་སྟེང་དང་སྙིང་གི་དབུས་ནས་ཡང་བསྐྱར་བསམ་བློ་ཞིག་གཏོང་བར་བྱེད་པའི་གོ་སྐབས་ཞིག་བསྐྲུན་རྒྱུ་ནི་གལ་ཆེན་ནང་གི་དོན་ཆེན་ཡིན་པར་སྙམ།

གཉིས་པ བཀའ་བློན་ཁྲི་བའི་འོས་འགན།
རྒྱ་རི་སྒྲོལ་མའི་གསར་འགོད་གསལ་བསྒྲགས་སྟེང་དུ་ད་ལྟའི་གཞུང་གི་སྲིད་བྱུས་ལ་བཀའ་ཁྲི་གསར་པ་ཕེབས་ཀྱང་འགྱུར་བ་འགྲོ་རྒྱུ་མིན་པ་གསལ་བོ་རེད་ཞེས་གསལ་བོར་བརྗོད་ཡོད་པ་བཞིན། ༢༠༡༡ལོའི་བཀའ་བློན་ཁྲི་བར་མི་སྣ་འཇོན་ཐང་ཅན་དཔེ་མི་སྲིད་པ་ཞིག་ཕེབས་ཀྱང་རྒྱ་ནག་གཙོ་བྱས་པའི་ཕྱིའི་ཁོར་ཡུག་དང་བོད་ཀྱི་འཐུས་དོད་པོ་མིན་པའི་ཆབ་སྲིད་ཀྱི་སྒྲིག་འཛུགས་འདིའི་འོག་ཏུ་མི་འགྱངས་པའི་མ་འོངས་པའི་ལོ་འཁོར་ལྔ་དང་བཅུ་ཡིས་ནང་དུ་བོད་རང་བཙན་ནམ་བོད་ལ་ཁ་ཡོད་ལག་ཡོད་དམ་དངོས་པ་དོན་གྱི་རང་སྐྱོང་གི་སྲིད་ཇུས་ཅིག་གམ་གྲུབ་འབྲས་ཅིག་བརྩོན་ལེན་བྱེད་ཐུབ་རྒྱུ་མ་རེད། འདི་ལྟར་ལབ་ན། ཡང་ཁ་ཤས་ཅིག་གིས། འོ་ན་བཀའ་བློན་ཁྲི་བའི་ཅི་ཞིག་སྒྲུབ་དགོས་པ་རེ་ཟེར་ན།

མ་འོངས་པའི་མི་ལོ་ལྔ་བཅུ་ནས་བརྒྱ་འགོར་དུས་ཞིག་ལ་ང་ཚོ་བོད་མི་རིགས་ཀྱིག་ཆེས་མཐར་གཏུགས་དམིགས་ཡུལ་ཅིག་སྟེ་ཆོལ་གསུམ་བོད་ཁམས་གཅིག་གྱུར་དང་སྒེར་ཚུགས་བྱེད་པར་རྨང་གཞི་ལེགས་པོ་ཞིག་གམ་གྲ་སྒྲིག་ལེགས་པོ་ཞིག་གཏོང་རྒྱུ་དེ་གལ་ཆེན་པོ་རེད་འདོད།
དེ་བས་ངས་བསམ་ན་༢༠༡༡་ལོའི་བཀའ་བློན་ཁྲི་བས་འོས་འགན་ནི་བོད་ཀྱི་མང་གཙོ་ལམ་ལུགས་ཀྱི་འཐུས་སྒོ་ཇེ་ཚང་དང་མ་འོངས་བོད་ཀྱི་སྤྱི་ཚོགས་དང་རྒྱལ་སྤྱིའི་སྤྱི་ཚོགས་ཀྱི་སྣེ་འདྲེན་མི་སྣ་མང་པོ་ཞིག་ཅི་ལྟར་སྐྱེལ་བསྲིངས་བྱེད་རྒྱུ་ཡིན་མིན། རྒྱལ་སྤྱིའི་སྤྱི་ཚོགས་སྟེང་དུ་བོད་དོན་ཅི་ལྟར་ཁྱབ་བསྒྲགས་བྱེད་རྒྱུ། བོད་ཀྱི་ངོ་བོ་མ་ཉམས་པའི་མི་རབས་རྗེས་མ་ཅི་ལྟར་གསོ་སྐྱོང་བྱེད་རྒྱུ། བཙན་བྱོལ་སྤྱི་ཚོགས་འདི་ཅི་ལྟར་རང་ཁ་རང་གསོ་ཐུབ་པ་ཞིག་ཏུ་གཏོང་རྒྱུ། གཞི་ལུས་ཤེས་ལྡན་མི་སྣ་དང་སྐད་བརྡ་གཅིག་གྱུར་དང་སྤྱི་སྐད་སྒྲིག་བཟོ་སོགས་ཀྱི་ཐད་ཅི་ལྟར་མཉམ་འབྲེལ་བྱེད་རྒྱུ། བོད་ནང་གི་ཆབ་སྲིད་བཙོན་མ་ཚོའི་བདེ་འཇགས་དང་གློད་གྲོལ་གྱི་ཆེད་དུ་བྱ་འགུལ་ཅི་ལྟར་སྤེལ་རྒྱུ། སོགས་སྒྲུབ་རྒྱུ་ནི་༢༠༡༡ལོའི་བཀའ་བློན་ཁྲི་བའི་བསམ་བློ་གཏོང་དགོས་པའམ་སྒྲུབ་འོས་པའི་ལས་འགན་ཡིན་པར་འདོད།

བོད་ཀྱི་ཨོ་བྷ་མ་ཆགས་དགོས་ན་ཅི་ཞིག་བྱེད་དགོས་ཞེ་ན།

འཛམ་གླིང་མི་དམངས་ཀྱི་མིག་དབང་དང་གཞི་བྱེས་བོད་མིའི་དོ་སྣང་འདྲེན་རྒྱུ་ནི་བོད་ཀྱི་ཨོ་བྷ་མ་ཆགས་པའི་དགོས་ངེས་ཀྱི་ཆ་རྐྱེན་ཡིན་པས། དབུ་མའི་ལམ་ལ་རྒྱབ་སྐྱོར་བྱེད་མཁན་གྱི་ བསྟན་འཛིན་རྣམ་རྒྱལ་དང་ བློ་བཟང་སེང་གེ ཀུན་བཟང་རྒྱལ་མཚན། རྒྱ་རི་སྒྲོལ་མ་སོགས་ཁོ་ན་མིན་པར།
བོད་ཀྱི་རང་བཙན་རྩོན་ལེན་པ་བསྟན་འཛིན་བརྩོན་འགྲུས་སོགས་ཆབ་སྲིད་ཀྱི་ལྟ་བ་མི་མཐུན་པའི་ཆབ་སྲིད་པ་འགའ་ཡང་བཀའ་བློན་ཁྲི་བའི་འོས་འདེམས་ལ་ཞུགས་པར་སྙིང་ནས་རེ་ཞིང་སྐུལ་བ་ཡིན།

ཞེས་མཁའ་དབུགས་གསར་བར་འབོད་པའི་ཉི་ཧོང་དུ་སྦྱར་བའོ།

རྒྱལ་རི་ཚང་དང་བཀྲ་མཐོང་ཚང་ལ་བཙན་བྱོལ་གཞུང་གོ་གནས་མ་རག་པས་བོད་དོན་སྒྲུབ་མ་ཐུབ་ག་ལ་ཡིན། བཙན་བྱོལ་བོད་གཞུང་སྒེར་བདག་རྒྱག་མཁན་མི་ཚང་གསུམ་གྱི་ནང་ནས་མི་འདི་གཉིས་རེད། ད་དུང་བཀའ་ཁྲིའི་བཞུགས་ཁྲི་དེར་ཐོབ་ན་ཅིག་བྱེད་ཀྱི་ཡོད་མདོག་མདོག་བྱས་ནས་ཁྲམ་བསྡད་ཀྱི་ཡོད་རེད།

རྒྱ་རི་ཚང་དང་བཀྲ་མཐོང་ཚང་ལ་གོ་སྐབས་སྤྲད་ཚར་བ་རེད། ད་ནི་གོ་སྐབས་སྤྲད་ཀྱི་མིན།

ང་ཚོང་ལ་དགོས་པ་ནི་གཞོན་སྐྱེས་མཁས་དབང་བློ་བཟང་སེང་གེ་མཆོག་ལ་བོད་རྒྱ་ཆེན་མི་དམངས་ཀྱི་གོ་སྤྲོད་དགོས་ངེས་རེད་ལ་ངས་རང་ངོས་ནས་ཀྱང་སྤྲོད་ངེས་ཡིན།

རྒྱ་རི་དང་བཀྲ་མཐོང་གཉིས་ལ་ཐོབ་ཐང་མེད། མི་ཚང་འདི་གཉིས་ཕྱུག་པོ་ཆགས་ཡོད་པས་ལྐོག་ཟ་བྱེད་བཅུག་འདོད་མེད།
མི་ཚང་འདི་གཉིས་ཀྱི་འོག་ཏུ་བོད་མི་རིགས་ལ་བདེ་སྐྱིད་ཡོང་ཐབས་མེད་པར་ཤེས་དགོས། བཙན་བྱོལ་མི་དམངས་ལགས། མགོ་མ་རྨོངས། ང་ཚོང་མགོ་སྐོར་ག་ཚོད་བཏང་མྱོང་ཡོད་པ་དྲན་པ་བྱེད་རོགས།

སྐྱོན་མེད་པའི་མི་དང་མཛེར་མེད་པའི་ཤིང་དཀོན་སྟབས་ང་ཚོའི་བཀའ་ཁྲི་འོས་གཞི་འདིའི་ནང་སུ་བོད་མི་རྩེ་ཕུད་ཡིན་ན་དེ་གདམས་དགོས་པ་ཡིན་སྟབས་ཤེས་ཡོན་དང་སྤོབས་པ་གཉིས་ལྡན་གྱི་རྒྱ་རི་སྒྲོལ་མ་ལས་ལྷག་པ་སུ་ཡང་མཐོང་མ་སོང་།
དེ་བས་ན་རྒྱལ་བའི་དགོངས་པ་དང་ད་ལྟའི་རྡ་སའི་གནས་སྟངས་གང་གི་ཐད་ནས་ཀྱང་རྒྱ་རི་སྒྲོལ་མ་བཀའ་ཁྲི་བྱུང་ན་ཡག་པོ་འདུག

བོད་ཀྱི་བང་ཆེན་ཐོག་རྒྱ་རི་སྒྲོལ་མས་མོ་རང་ཆོས་སྐྱོང་མས་བཀའ་ཁྲིས་བསྐོས་པ་ཡིན་ཟེར་གི་འདུག རྒྱ་རི་སྒྲོལ་མ་ཆོས་སྐྱོང་གིས་སྤྱི་འཞུས་ལ་བསྐོ་ཡི་རེད་པས།

ཚོགས་སྒེར་ཁག་ནས་ད་བར་བཀའ་ཁྲིའི་འོས་མིར་བཏོན་པ་རྣམས་མང་ཚོགས་ཀྱིས་མཁྱེན་རྟོགས་ཐུབ་ཆེད་གཤམ་དུ་ཟུར་བཏོན་ཞུས་ཡོད་ཅིང༌། ཁོང་རྣམས་རེ་རེ་ནས་སྐབས་གསུམ་པའི་བཀའ་ཁྲིར་འོས་མིན་སྐོར་དགོངས་ཚུལ་ལྷུར་པོར་གནང་རོགས།
༡ བཀྲས་མཐོང་བསྟན་འཛིན་རྣམ་རྒྱལ།
༢ མཁས་དབང་བློ་བཟང་སེང་གེ།
༣ ཚོགས་གཞོན་རྒྱ་རི་སྒྲོལ་མ།
༤ སྐུ་ཚབ་སྐལ་བཟང་རྒྱལ་མཚན།
༥ བཀའ་བློན་འབྲོང་ཆུང་དངོས་གྲུབ།
༦ སྐུ་ངོ་བློ་བཟང་སྦྱིན་པ།
༧ ཚོགས་གཙོ་སྤེན་པ་ཚེ་རིང༌།
༨ འཁོར་ཚ་བསོད་ནམས་སྟོབས་རྒྱས།
༩ རྔ་བ་ཚེ་རྒྱམ།
༡༠ རྟའུ་བློ་བཟང་དཔལ་ལྡན་བཅས་སོ།།