མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

རྒྱལ་ཡུམ་ཆེན་མོའི་རྐང་སྤོལ།

བོད་ཀྱི་དུས་བབ།
༢༠༡༠/༠༩/༠༦
Share on FacebookShare on TwitterShare on EmailShare on Whatsapp

བཙན་བྱོལ་བོད་མིའི་སྤྱི་ཚོགས་ལ་མཚོན་ན་ཕྱི་ལོ་ ༢༠༡༠ ལོ་ནི། རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་སྒར་གྱི་ལོ་ཞིག་དང་འདྲ་བར་བོད་གཞུང་དམངས་རྒྱལ་ཡོངས་ཚོགས་ཆེན་དང་། དམངས་གཙོའི་དུས་དྲན་ཐེངས་ ༥༠ བ་སྲུང་གཙི་དང་འབྲེལ་བོད་གཞུང་དམངས་ཡོངས་ནས་༧གོང་ས་མཆོག་ལ་གསེར་གྱི་གཟེངས་རྟགས་ཕུལ་མ་ཐག རྒྱལ་ཡུམ་ཆེམ་མོའི་གསེར་གྱི་རྟགས་པའི་རྐང་རྩེད་སྤོ་ལོ་འགྲན་བསྡུར་དེ་ཡང་སྦེལ་ཀོབ་བོད་མིའི་གཞིས་གྲོང་གཉིས་པ་རུ་མགོ་འཛུགས་བྱས་སོང་།

འདི་གའི་གསར་འགོད་པས་ཆེད་དུ་རྒྱལ་ཡུམ་ཆེན་མོའི་རྐང་སྤོལ་འགྲན་བསྡུར་གོ་སྒྲིག་ཚོགས་ཆུང་གི་འགན་འཛིན་སྐལ་བཟང་ལགས་བཙལ་ཏེ། མགོ་འཛུགས་བྱེད་ལ་ཉེ་བའི་རྐང་སྤོལ་འགྲན་བསྡུར་གྱི་གྲ་སྒྲིག་གང་འདྲ་ཡོད་མེད་དང་། འགྲན་ཞུགས་རུ་ཁག་རྣམས་ཀྱི་གནས་སྟངས་སྐོར་བཅར་འདྲི་ཞུས་པར་ཁོང་གིས་ངོ་སྤྲོད་གནང་དོན། ད་ཐེངས་སྦེལ་ཀོབ་ཏུ་གོ་སྒྲིག་ཞུ་བཞིན་པ་འདི་རྒྱལ་ཡུམ་ཆེན་མོའི་གསེར་གྱི་གཟེངས་རྟགས་ ༡༦ པ་ཆགས་ཡོད། ད་ལོ་རུ་ཁག་ ༡༨ཙམ་ཡོད་ལ། དམིགས་བསལ་ཞིག་ལ་ཁེ་ན་ཊའི་བོད་པའི་རུ་ཁག་ཅིག་ཞུགས་ཀྱི་ཡོད། གྲ་སྒྲིག་གི་མགོ་རྔ་ཕལ་ཆེར་ལེགས་འགྲུབ་བྱུང་ཡོད། ཕྱི་ཚེས་ ༩ ཉིན་མགོ་འཛུགས་བྱས་ཏེ་ཚེས་ ༡༩ ཉིན་གཟའ་ཉི་མར་མཇུག་སྒྲིལ་གནང་རྒྱུ་རེད། ཅེས་དང་།

 

ཁོང་གིས་མུ་མཐུད་དུ་འགྲན་བསྡུར་མགོ་འཛུགས་སྐབས་ཀྱི་ལས་རིམ་ངོ་སྤྲོད་གནང་དོན། ཕྱི་ཚེས་ ༨ ཉིན་གྱི་སྔ་དྲོ་སྤོ་ལོ་རྩེད་མཁན་རུ་ཁག་ཡོངས་ཀྱི་འགན་འཁུར་བ་རྣམ་པ་དང་། ང་ཚོ་གོ་སྒྲིག་བྱེད་མཁན་དག་དང་གཞུང་འབྲེལ་མ་ཡིན་པའི་ཚོགས་པ་ཁག་གི་ས་གནས་ཚོགས་གཙོ་རྣམ་པ་བཅས་ལྷན་འཛོམས་གནང་སྟེ་དངོས་གཞིའི་སྐབས་ཀྱི་འགྲོ་ལུགས་འགྲོ་སྟངས་དང་ལས་རིམ་གཏན་འབེབས། དེ་བཞིན། ཉིན་དང་པོར་འགྲན་བསྡུར་བྱེད་མཁན་སོགས་ལ་རྒྱན་རྒྱག་དགོས་པ་རེད། དེའི་རྗེས་སྦེལ་ཀོབ་བདེ་སྐྱིད་སླར་གསོའི་ས་གནས་མགོ་འཛིན་དང་ལུགས་ཟུང་བསམ་འགྲུབ་གླིང་ས་གནས་མགོ་འཛིན་རྣམ་པ་གཉིས་ཀྱིས་སྤོ་ལོ་རྩེད་མཁན་ཡོངས་ལ་འགྲན་བསྡུར་དངོས་གཞིའི་སྐབས་སུ་ཀུན་སྤྱོད་འཁྱེར་སྟངས་དང་། འགན་འཁུར་ཕྱོགས་སྐོར་གྱི་ལམ་སྟོན་གནང་རྒྱུ་རེད། ཕྱི་ཚེས་ ༩ ཉིན་གྱི་ཉིན་རྒྱབ་དངོས་སུ་མགོ་འཛུགས་བྱ་རྒྱུ་ཡིན་ལ། དབུ་འབྱེད་མཛད་སྒོའི་སྐུ་མགྲོན་གཙོ་བོར་ལྷོ་སྤྱི་བཀྲ་ཤིས་ཕུན་ཚོགས་ལགས་ཕེབས་གཏན་འཁེལ་ཡོད། གཞན། ཁ་སང་ཁི་ཉིན་བར་༧གོང་ས་མཆོག་ཆིབས་སྒྱུར་གྱི་དབང་གིས་གཞིས་ཆགས་གསར་རྙིང་ཀྱི་མགོ་འཛིན་རྣམ་པར་ལས་བྲེལ་ཆེན་པོ་ཡོད་སྟབས། རྩེད་མོ་བ་རྣམ་པའི་བཞུགས་ས་ད་དུང་གོ་སྒྲིག་གཏན་འཁེལ་མ་སོང་ཟེར།

 

ཁོང་ལ་འགྲན་ཞུགས་རུ་ཁག་དག་གི་ཡོང་ཁུངས་དང་ཡོང་སྟངས་སྐོར་བཀའ་འདྲི་ཞུས་པར། ད་ལོའི་འགྲན་ཞུགས་རུ་ཁག་དག་ནི། སྦེལ་ཀོབ་གཡས་གཡོན་ནས་རུ་ཁག་ ༤ དང་བྷིང་ལོར་ནས་གཅིག ཅཱན་ནན། ཧོན་སུར། ཀོ་ལེ་གྷལ། མོན་གྷོ་ཊི། བྷིར་གཞིས་ཆགས། རྡེ་མ་སྤུར། ཝ་རཱ་ན་སི། ལྡེ་ར་རྡུན་ཀ་ལི་མན་ཊོན། ལྡི་ལི། གྷོ་བ། བལ་ཡུལ་གྱི་སྤོག་ར་ནས་གཅིག་དང་ཀ་ཐ་མན་ཌོའོ་ནས་གཅིག ཁེ་ན་ཊ་ནས་གཅིག་བཅས་ཡོད། དེ་དག་ལས་བལ་ཡུལ་ནས་ཀ་ཐ་མན་ཊོ་དང་ཧོན་སུར། ཀོ་ལི་གྷལ། རྡེ་མ་སྤུར་བཅས་ནི་གསར་པ་རེད།  རུ་ཁག་བསྡུ་སྟངས་ཐད་ཐོག་མར་དེབ་སྐྱེལ་བྱ་དགོས་པ་རེད། དེབ་སྐྱེལ་གྱི་ཆ་རྐྱེན་ལ། དང་པོ་རུ་ཁག་དེའི་ས་གནས་གཞིས་མགོའི་རྒྱབ་གཉེར་ཡི་གེ་དང་། གཉིས་པ་རུ་ཁག་དེ་ཚད་ལྡན་ཡོང་ཆེད་རུ་ཁག་ནང་ཁུལ་དུ་སློབ་སྟོན་པའི་ཚོགས་ཆུང་མི་གསུམ་ནས་ལྔ་བར་དང་། སྦྱོང་བརྡར་སྤྲོད་མཁན་དང་འབྲེལ་མཐུད་ཚོགས་ཆུང་མི་གསུམ་ལས་ལྔ་བར། རྩེད་མོ་རྩེད་མཁན་ཚོར་རང་བཙན་ལག་དེབ་ངེས་པར་དུ་དགོས་པ་རེད། ཕྱི་རྒྱལ་ཁག་ནས་ཕེབས་མཁན་ཚོར་ཡང་སྐུ་ཚབ་དོན་གཅོད་ཀྱི་རྒྱབ་གཉེར་དང་རང་བཙན་ལག་དེབ་དགོས་པ་རེད། ང་ཚོས་གསལ་བསྒྲགས་བྱས་དོན་ལྟར། ཕྱི་ཟླ་ ༧ ཚེས་ ༡༥ སྔོན་ལ་དེབ་སྐྱེལ་ཟིན་དགོས་པ་རེད། དེའི་རྗེས་ལ་ཁ་ཤས་སླེབས་པ་དག་ཚུད་ཐུབ་མ་སོང་། ས་གནས་གཅིག་ཏུ་རུ་ཁག་མང་པོ་ཡོད་ན། ཁོང་ཚོ་ནང་ཁུལ་དུ་འགྲན་བསྡུར་བྱས་ཏེ་རྩེ་ཕུལ་རིགས་འདེམས་བཞིན་ཡོད། ཅེས་ངོ་སྤྲོད་གནང་སོང་།

 

ཡང་ཁོང་ལ་ད་ལོ་རྒྱལ་ཡུམ་ཆེན་མོ་སྦེལ་ཀོབ་ནས་རྩེད་དགོས་པའི་རྒྱུ་མཚན་གང་ཡིན་སྐོར་དྲིས་པར་ཁོང་གིས། རྒྱལ་ཡུམ་ཆེམ་མོའི་གསེར་གྱི་རྟགས་པའི་རྐང་སྤོལ་འགྲན་བསྡུར་གྱི་འགན་འཛིན་ལྷན་ཚོགས་ཀྱི་གྲོས་གཞིའི་ནང་ས་གནས་ཁག་ནས་རྩེད་རྒྱུ་ཞིག་བཀོད་ཡོད་པ་ལྟར། ང་ཚོ་གོ་སྒྲིག་ཚོགས་པའི་ངོས་ནས་སྔོན་མ་ཐེངས་གཅིག་ལ་སྦེལ་ཀོབ་ལ་རེ་བ་ཞུས་ཀྱང་། ད་ལོ་ཞལ་བཞེས་ཐོབ་སྟེ་གོ་སྒྲིག་ཞུས་པ་རེད། གང་ཞིག་ཏུ་རྩེད་ཀྱང་ཨང་དང་པོ་རྩེད་ཐང་དང་། གཉིས་པ་རྩེད་མོ་བ་ཚོར་འདུག་ས། གསུམ་པ་རྩེད་མོ་བ་ཡོངས་ལ་སྤྱི་ཐབ་ཅིག་བཅས་གོ་སྒྲིག་བྱ་དགོས་པ་རེད། སྦེལ་ཀོབ་ཀྱི་ངོས་ནས་སྤོ་ལོ་རྩེད་ཐང་ཡག་པོ་ཞིག་གོ་སྒྲིག་ཞུ་ཐུབ་མེད་ཀྱང་། ང་ཚོ་དང་མཉམ་རུབ་ཐོག་རྩེད་ཐང་གསར་བཟོ་བྱེད་བཞིན་ཡོད། ཆེ་ཆུང་དང་བྱང་ཚད་མུའུ་ཊར་གཅིག་གཉིས་ཙམ་མ་གཏོགས་རྒྱལ་སྤྱིའི་ཚད་གཞི་འདང་གི་ཡོད། ཞན་ཆ་ཞིག་ལ། རྩེད་ཐང་གསར་པ་བཟོས་པ་ཡིན་སྟབས་ས་སོབ་སོབ་ཡིན་པ་དང་། གལ་སྲིད་ཆར་བ་བབ་ན་འདམ་སྦག་ཆགས་མི་ཡོང་ངམ་སྙམ་པའི་སེམས་ཁྲལ་ཞིག་འདུག གཞན་མི་དམངས་སྡོད་ས་ཡག་མེད་སྟབས་ཕྱོགས་གཉིས་ལ་ད་ལྟ་བཟོ་བཞིན་པ་ཡིན། ང་ཚོར་འགྲོ་སོང་ཆེན་པོ་ཡོད་ཀྱང་ལྟད་མོ་བར་ཕྱག་འཁྱེར་བཙོང་སྟེ་བརྒྱ་ཆ་ ༨༠ ཙམ་འདང་ཐུབ་པའི་རེ་བ་རྒྱག་གི་ཡོད། ཅེས་གསུངས་སོང་།

༼ གསར་འགོད་པ་དོན་འགྲུབ་བཀྲ་ཤིས་ཀྱིས་རྒྱ་གར་ལྷོ་ཕྱོགས་བྷིང་ལོར་ནས་སྤེལ ༽

མཆན། 6

  1. མིག་གསུམ་པ། says:
    ལོ་ 12 སྔོན།

    སྤྱིར་བོད་ཀྱི་རྐང་རྩལ་འགྲན་བསྡུར་འདི་བདེ་ལེགས་ངང་མཇུག་སྒྲིལ་ན་བཟང་མོད། འདས་ཟིན་པའི་འགྲན་བསྡུར་ནང་ཞབས་འདྲེན་ག་ཚོད་བྱས་མིན་ལྟ་མོ་བའི་སེམས་ན་ཁྲིགས་སེ་ཡིན་ནི་རེད། ད་ལོའང་གཟབ་གཟབ་བྱ་དགོས་པར་འདོད། རུ་ཁག་བློ་ཁོག་ཅན་ཡོད་པ་རེད་ད

    Reply
  2. རྐང་གསུམ། says:
    ལོ་ 12 སྔོན།

    རྐང་རྩེད་སྤོ་ལོ་འགྲན་བསྡུར་ཁྲོད་ཕན་ཚུན་འཁྲུག་འཛིང་མི་ཡོངས་བའི་རེབ་བ་ཆེན་པོ་ཡོད། འདི་ལོའི་འགྲན་སྡུར་ཚོགས་ཐུབ་པ་ནི་ཧ་ཅང་དགའ་འོས་ལ་བཀྲ་ཤིས་པའི་གནས་ཚུལ་ཞིག་ཀྱང་རེད། ཁྱེད་གོ་སྒྲུག་ཚོགས་ཆུང་ལ་བཀྲ་ཤིས་བདེ་ལགས་ཡོད། ཐུགས་རྗེ་ཆེ་ཞུ།

    Reply
  3. ནགས་མཚོ says:
    ལོ་ 12 སྔོན།

    ད་ལོ་སྦེལ་ཀོབ་ལ་བཀྲིས་པའི་དུས་བཟང་ཞིག་ཡིན་པའི་རྐང་རྩེས་རུ་ཁག་རྣམས་ནང་ཕན་ཚུན་འཁྲུག་འཛིང་མི་ཡོངས་བའི་རེབ་་དང་ཡིད་ཆས་ཡོད་ཡིན་ན་ཡང་རྩེ་ཐང་ཡག་པོ་མི་འདུག་པའི་ཡིད་བཟབ་ཡོངས་བ་ཞུ་ཞ།

    Reply
  4. སྣང་རྒྱལ་ཤེར་དགེ says:
    ལོ་ 12 སྔོན།

    ད་ལོ་རུ་ཁག་ཚོའི་ནང་ནས་འཁྲུགས་འཛིན་བྱེད་མཁན་གང་གི་རིས་ཡིན་ནམ། ཀློག་པ་པོ་རྣམས་ཀྱིས་ཐིག་པ་གནང་རོགས། བྷིར་རུ་ཁག་ད་ཡིན་རྒྱུ་མ་རེད།

    Reply
  5. སྒོ་བུ་གྲགས་པ། says:
    ལོ་ 12 སྔོན།

    སྣང་གསལ་ལགས ཚིག་རྐང་ཁ་ཤས་འདིའི་ནང་ལ་ཡིག་ནོར་འདི་འདྲའི་མང་པོ་ཞིག ཡིད་ཕམ་པ་ལ་རྗེས་ཕྱོགས་ནས་གཟབ་གཟབ་བྱས་ལོ།

    Reply
  6. སྣང་གསལ། says:
    ལོ་ 12 སྔོན།

    བོད་རྒྱལ་ཡོང་རྐང་རྩེས་པོ་ལོ་འདི་ལོའི་འགྲན་སྡུར་གནང་བ་ལ་འཚམས་དྲིན་
    བཀྲ་ཤིས་བདེ་ལེགས་དང་་རྩེ་ཡུལ་ས་གནས་སྔོ་ལྗང་ཅན་ཞིག་ཡིན་རུང་
    རྩེ་ཐང་ཆེན་མོར་་་ཆར་ཆུ་དུས་སུ་་བབ་མེད་པ་འདྲ་
    སྟོད་མོ་བ་ཚོ་ཡང་གཞུགས་གནས་བདེ་མདོག་་ཁ་པོ་ཞིག་མི་འདུག།།
    བདེ་མོ་བྱིས།།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist