དུག་དང་ཁྲག་གཉིས་བསྲེས་པའི་ཚོར་བ་ཞིག།
དབང་མེད་བྲན་དུ་འཚུད་པའི་མི་བུ་བདག།
འདོམ་བཀང་ལག་དུ་བཟུང་བའི་ཕྱིར་ཉིན་ནས།།
རང་ངོ་སྙིགས་དུ་དཔྱངས་པའི་ཚུལ་འདི་སྐྱོ།།
དྲང་ཚུགས་ཡོད་པར་ལྟ་བའི་རང་སེམས་དང་།།
གཤིས་ཀ་གསེར་དུ་རློམ་པའི་ལྐོག་ལས་ལ།།
གོམ་ནས་ནད་ཀྱི་མལ་ཁྲིར་བསྙེས་པ་འདིས།།
ཤི་ཁར་མ་ཎི་འདོན་ཡང་ཕན་མེད་རེད།།
ཆུང་མ་བུ་ཕྲུག་གམ་དུ་ཡོད་གྱུར་ཀྱང་།།
མུན་ནག་མཚན་མོའི་གློག་གི་འོད་ལམ་ནས།།
མྱུར་འཕྲིན་དྲ་བའི་ལས་སུ་འཐོམ་དུས་སུ།།
དངོས་ཡོད་འཚོ་བ་བརྗེད་པ་ཡ་རེ་ང་།།
ལུས་ཀྱི་བར་ཐག་ཉེ་ཡང་དྲན་ཤིང་འདི།།
ཁོམ་པའི་ལས་ལ་མྱུར་མོའི་གདོན་འཛུལ་ནས།།
བྲེལ་བའི་འཁོར་བར་འཁྱམ་པའི་བྲན་གཡོག་ང་།།
གསོན་ཡང་ཤི་བོའི་ལས་ཤིག་དང་དུ་ལེན།།
འཇམ་པོའི་སྐད་ངག་དབྱངས་རྟའི་བར་གསེང་དུ།།
གཅེར་བུའི་འཕྲུལ་གྱི་འཁུན་སྒྲ་ཉན་ཐེངས་རེར།།
རྒྱུས་མེད་སྐྱི་མོའི་གཟུགས་ཀྱིས་བསླུས་པ་འདི།།
ཆུད་ཟོས་ལོ་ཟླ་རིང་བ་དབུགས་རིང་ཡོད།།
གཤིབ་དུ་འདོད་ཀྱང་དབང་ལ་མ་འོང་བར།།
དམིགས་པའི་འབེན་ལས་གཞི་རྒྱུད་འཁྱོག་ཉིན་ནས།།
རིགས་ཀྱི་མྱུ་གུ་གཞན་ལ་ཤོར་བ་འདིས།།
བཙན་པོའི་རྒྱུད་པ་ཁྱི་ཡི་གཡོག་དུ་བརྫངས།།
ཅོ་རི་ཉི་མ་དེང་སང་སྨྱོས་ཡོད་གི།
ཚིག་ངན་ཁ་ལོག་ཁོ་ནའི་གང་ཡོད་གི།།
རང་གི་རིགས་ལ་འདི་འདྲའི་སྡང་སེམས་ཞིག།
ཨ་མའི་བུ་ངན་ཁྱོད་ལ་སུ་ཡིས་བྱིན།།
ཕྱོགས་ལྷུང་འཐེན་ཁྱེར་དུག་གི་བཟི་བ་ཡི།།
ཆོས་ལྡན་བོད་པ་ཚང་གི་མི་རབས་ཁྱོད།།
ད་རུང་ཕུ་དཀྲིགས་མདའ་དཀྲིགས་ཀྱིས་ཤིག་དང།།
གངས་ཅན་བོད་པ་ད་རུང་ཚར་མེད་གི།
རང་གི་རིགས་ལ་འདི་འདྲའི་སྡང་སེམས་ཞིག།།
གྲྭ་ལོག་ལྟ་ལོག་ཁྱོད་ལ་སུ་ཡིས་བྱིན།།
ཀུན་དང་མཐུན་པ་སྲིད་འདིར་དཀའ་ན་འང་།།
རང་གི་རིགས་ལ་མཐུན་པ་གལ་ཆེན་ཡིན།།
རང་སྲོག་རང་གིས་གཅོད་ལ་དགའ་གྲོག་གྲོག།།
རང་ཁ་རང་གིས་གཅོད་ལ་དགའ་གྲོག་གྲོག།
རང་ཡུལ་རང་གིས་བརླག་ལ་ངར་ཤུགས་ཤུགས།།
རང་བདེ་རང་གིས་ཕོངས་ན་བདེ་ཞིག་ཞིག།
རང་དོན་ཡལ་བར་བོར་བའི་སེམས་དཔའི་ཁྱུ།།
གངས་ཅན་ཁ་བ་རི་བོའི་ཁོངས་གསེང་ན།།
རྒྱུ་ནོར་ཐབས་ཀྱིས་བཟོས་པ་མང་བའི་ཕྱིར།།
པུར་རྒྱལ་བོད་ཀྱི་བསྟན་པ་ཉམ་རེ་ང།།
ཟ་ལེ་རྒྱལ་ལགས།
རིགས་ཀྱི་དུངས་པ་འདྲེན་པའི་བར་ཞིག་ན།།
བདག་གི་བཅིངས་པའི་འགྱུར་མེད་ཞེན་རྩ་ནི།།
བོད་མི་མགོ་ནག་སྤྱི་བོའི་དོན་ཞིག་ཆེད།།
སྐད་ཆའི་སྙིང་རྩ་འབྲེག་ཀྱང་མི་འགྱོད་ལ།།
བཟང་ངན་ཡག་ཉེས་གང་ཡིན་སྤུན་ཟླ་ཚོས།།
བསམ་བློ་ཞིབ་མོ་གཏོང་བར་ཡིད་ཆེས་ཡོད།།
ཡོད་པ་འདི་ཡང་ཁྱེད་དང་འུ་ཅག་གིས།།
གཞིས་བྱེས་སྐྱིད་སྡུག་གཅིག་དུ་སྤྲེལ་བ་དང་།།
བསམ་བློའི་ནུས་པ་སྤུངས་པའི་སྨོན་སེམས་སོགས།།
བཤད་ན་རྫོགས་རྒྱུ་མེད་ཀྱང་སྐུ་ཉིད་ནས།།
མཆན་པུ་གཅིག་དེ་ཐེངས་གཉིས་བཏབས་པ་དང་།།
ཅིས་ཀྱང་ལན་ཞིག་ཡོད་པའི་སྐུལ་ངོ་དེར།།
མ་ལྡོག་ཚུལ་དུ་བྲིས་པའི་ཚིག་འདིའི་ནང་།།
ཉིད་ཀྱི་རེ་སྐུལ་ཙམ་ཞིག་འགྲུབ་པར་སྨོན།།
ཤ་ཚའི་སྐད་ཆ་ཡིན་ཡང་བཤད་ས་མ་ནོར།།
ཁྲག་གི་རྒྱུ་བ་གཅིག་ཀྱང་ཡིད་ཆེས་མ་བྱེད།།
རུས་ལྡན་སྙིང་གི་འཕར་ཚད་འགྱུར་དུ་མ་འཇུག།
གསུམ་ལྡན་བསླབ་བྱ་འདི་ལ་གོ་བ་དགུ་ཡོད།།
ངའི་མཆན་འདི་རིག་ཡོད་ན་ལན་ཞིག་གནོངས། སྐྲག་དགོས་ནི་མ་རེད།
ཅོ་རི་ཉི་མ་ལགས། བསྟོད་བསྔགས་བྱས་པ་དེར་དགའ་ནས་ཡོད། དེང་སང་རྒན་པོ་ཁྱེད་རང་སྤུས་གཙང་གི་རུས་རྒྱུད་དེ་ཚོ་སྐྱོང་ནས་བདེ་ལེགས་སམ།
གཡས་གཡོན་གང་ནས་དེད་ཀྱང་གཅེན་པོ་ནི།།
ནམ་ཡང་འགྱུར་དུ་མེད་པའི་བཙན་པོའི་བུ།།
རིགས་རྒྱུད་གཙང་སྤེལ་ཡིན་པར་ཡིད་ཆེས་བྱེད།།
རིགས་པའི་ཐང་ཆེན་འགྲིམ་པར་བལྟས་དེ་ཡོད།།
དངོས་གནས་སྙན་པོ་བྱུང་་་་་་ཤ་རུས་ལགས།
གཡས་ནས་དེད་ན་གཡོན་ལ་ལྷུང་ལ་ཁད།།
གཡོན་ནས་ཟབ་ན་མདུན་དུ་འབུད་ལ་ཁད།།
པུར་རྒྱལ་བཙན་པོའི་གཟི་བརྗིད་མི་བཟོད་པས།།
གཅེན་པོ་ང་ནི་ཡོལ་བའི་རྒྱབ་ཏུ་ཚུད།།
བཙན་པོའི་རྗེས་རབས་ཁྱེད་འདྲ་སྔར་བཞིན་ཡིན།།
ང་འདྲའི་ལས་ངན་ཁ་ཤས་གཞུག་ཁྱི་ཡིན།།
དེ་གཉིས་དབྱེ་བ་བཀར་ནས་ཀློག་ཞིག་དང་།།
ནམ་ཡང་ཉིད་རང་གཅེན་པོའི་ཚུལ་དུ་འབོད།།
སྐབས་རེ་བཙན་པོའི་རིགས་རྒྱུད་དཔའ་རབས་བཤད།།
མཚམས་རེད་བཙན་པོའི་རིགས་རྒྱུད་གཞུག་ཁྱི་ཟེར།།
ཁྱི་ཡིས་ཁྱི་གཡོག་རྒྱུགས་པའི་ལུགས་སྲོལ་འདི།།
དུས་རབས་འདི་དང་མཚམས་པའི་ལམ་བུ་ཞིག།
གནང་ལྕགས་ལགས། ཕེབས་ནས་བསམ་ཚུལ་ཐུང་ཙམ་གསུངས་པ་དེར་དགའ་གུས་ཡོད།
ཨ་རོགས། རང་སྐྱོན་ངོས་ལེན་བྱས་པ་ཡག་གི