རྒྱ་གར་བོད་དོན་རྒྱབ་སྐྱོར་བ་ཊོག་ཊར་མ་ཧེ་ཤི་ཡ་ཊོ་ལགས་ཀྱིས་མི་འགྱངས་བར་བོད་དོན་འཐབ་རྩོད་སྐོར་གྱི་གློག་བརྙན་ཞིག་མང་ཚོགས་ལ་རིན་མེད་ཐོག་གཟིགས་འབུལ་ཞུ་རྒྱུ་ཡིན་འདུག
དེ་རིང་ཉིན་གུང་ཆུ་ཚོད་དང་པོ་དང་ཕྱེད་ཀའི་ཐོག ངྷ་ས་བདེ་དོན་ལས་ཁུངས་ཀྱི་ཚོགས་ཁང་དུ་རྒྱ་གར་བོད་དོན་རྒྱབ་སྐྱོར་བ་ཊོག་ཊར་མ་ཧེ་ཤི་ཡ་ཊོ་ Dr. Mahesh Yadav ལགས་དང་། ༢༠༡༠ ལོའི་ཧི་མ་ཅལ་མངའ་སྡེའི་མཛངས་མ་པུར་བ་ཎ་རཱ། དེ་བཞིན་ ༢༠༠༩ ལོའི་བོད་ཀྱི་མཛངས་མ་བསྟན་འཛིན་ཆོས་འཛོམས་གསུམ་གྱིས་ཐུན་མོང་ཐོག་གསར་འགོད་གསལ་བསྒྲགས་ཤིག་སྤེལ་ཡོད་ལ། གསལ་བསྒྲགས་དེའི་ནང་དོན། སྐུ་ཞབས་མ་ཧེ་ཤི་ཡ་ཊོ་ལགས་ཀྱི་གོ་སྒྲིག་འོག བོད་ཀྱི་གནད་དོན་ཤེས་རྟོགས་ཡོང་ཆེད་ང་ཚོས་མི་འགྱངས་བར་བོད་དོན་དང་འབྲེལ་བའི་གློག་བརྙན་༼འཚེ་མེད་ཞི་བའི་བོད་དོན་འཐབ་རྩོད༽ BLOOD SATYAGRAHA FOR TIBET ཅེས་པ་ཞིག ཕྱི་ཟླ་ ༡༠ པའི་ཚེས་ ༢༤ ཉིན་ནས་མགོ་འཛུགས་ཀྱིས་མང་ཚོགས་ལ་རིན་མེད་ཐོག་གཟིགས་འབུལ་ཞུ་རྒྱུ་ཡིན་འདུག་ཅིང་། གློག་བརྙན་དེའི་བརྗོད་བྱ་གཙོ་བོ་ནི། འདས་པའི་མི་ལོ་ ༥༡ རིང་༧གོང་ས་མཆོག་གིས་བོད་དོན་སྐོར་གྱི་འཚེ་མེད་ཞི་བའི་འཐབ་རྩོད་གནང་སྟངས་དང་། གཞིས་ལུས་མི་དམངས་ཚོས་རང་སྲོག་བློས་གཏོང་གིས་བོད་དོན་འཐབ་རྩོད་བྱས་པའི་གོ་རིམ་མཚོན་པ་ཞིག་ཡིན་འདུག
སྐབས་དེར་སྐུ་ཞབས་མ་ཧེ་ཤི་ཡ་ཊོ་ལགས་ཀྱིས་གློག་བརྙན་གཟིགས་འབུལ་ཞུ་རྒྱུའི་ལས་རིམ་ནང་ཧི་མ་ཅལ་མངའ་སྡེའི་མཛངས་མ་དང་། བོད་ཀྱི་མཛངས་མ་གཉིས་ཀྱིས་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་དང་སྦྲགས། ལས་འགུལ་འདི་བརྒྱུད་བོད་དོན་ཁྱབ་བསྒྲགས་ཐད་སྔར་ལས་ལྷག་པའི་ནུས་པ་ཞིག་ཐོན་ཐུབ་པའི་རེ་བ་ཡོད་ཅེས་བརྗོད་སོང་།
གསར་འགོད་པས་བསྟན་འཛིན་ཆོས་འཛོམས་ལགས་སུ་ལས་འགུལ་འདིར་ཞུགས་དོན་ཅི་ཡིན་སྐོར་དྲིས་སྐབས་ཁོང་གིས་བརྗོད་དོན། སྤྱིར་ཊོག་ཊར་མ་ཧེ་ཤི་ཡ་ཊོ་ནི་རྒྱ་གར་བ་ཞིག་ཡིན་ནའང་། ཁོང་གིས་ཐོག་མཐའ་བར་གསུམ་དུ་བོད་རང་བཙན་གྱི་དོན་དུ་ཁྲག་གི་ཡི་གེ་ཐེངས་མང་བྲིས་ཡོད་ལ། ལྷག་པར་དུ་ཐེངས་འདིར་བོད་དོན་དང་འབྲེལ་བའི་གློག་བརྙན་ཞིག་བཟོས་པ་དེས་ང་རང་ལྟ་བའི་གཞོན་སྐྱེས་ཚོར་ལས་འགུལ་འདིར་འཛུལ་ཞུགས་བྱ་རྒྱུའི་གོ་སྐབས་སྤྲད་ཡོད། དེའི་སྟབས་ཀྱིས་ལས་འགུལ་འདི་བརྒྱུད་གཞོན་སྐྱེས་མང་དག་ཅིག་གིས་ཁོང་གི་བྱས་འབྲས་ལ་རྒྱབ་སྐྱོར་དང་དེང་ཕྱིན་ཡང་ལས་འགུལ་འདི་རིགས་ལ་མཉམ་ཞུགས་བྱ་རྒྱུའི་རེ་བ་ཡོད་ཅེས་དང་། ཡང་ཁོང་གིས་མི་མཐུད་དོན། བོད་མི་མང་པོ་ཞིག་གིས་བོད་དོན་འཐབ་རྩོད་ཀྱི་ཆེད་དུ་རང་སྲོག་བློས་གཏོང་བྱས་ཀྱང་བོད་དོན་ཐག་གཅོད་ཐད་བཟང་ཕྱོགས་ཀྱི་འགྱུར་བ་གང་ཡང་ཕྱིན་མེད་དུས། གློག་བརྙན་ཞིག་བཟོས་པ་ཙམ་གྱིས་གནས་སྟངས་ལ་འགྱུར་ལྡོག་ཆེན་པོ་ཡོང་ཐུབ་ཀྱི་མེད་ཀྱང་། ང་ཚོས་རིན་མེད་ཐོག་མང་ཚོགས་ལ་གློག་བརྙན་བསྟན་པ་ཡིན་ན། མི་མང་པོ་ཞིག་གིས་དུས་གཅིག་ལ་བོད་ཀྱི་དཀའ་ངལ་དེ་ཤེས་རྟོགས་ཐུབ་ཀྱི་རེད། ཅེས་བརྗོད་སོང་།
གསར་འགོད་པ། དཔལ་ལྡན།
དངོས་གནས་ཡག་པོ་འདུག
བོད་དོན་རྒྱབ་སྐྱོར་ཊོག་ཊར་མ་ཧེ་ཤི་ཡ་ཊོ་ལགས་ནི་མཛངས་མ་རྣམ་གཉིས་ཀྱི་བར་ནས་སྐྱིད་འདུག་ཀ ཧཧཧ་་་ཀུ་རེ་ཡིན་ད ཁོང་ལྟ་བུ་ཞིག་གིས་ཤ་ཁྲག་གི་རུས་རྒྱུད་མི་གཅིག་པའི་མི་རིགས་ཤིག་གི་འཐབ་རྩོད་ལ་རྒྱབ་སྐྱོར་བྱས་པར་བོད་མིའི་གྲལ་མཐའ་འཛིན་པ་བདག་གིས་ཀྱང་སེམས་སྟེང་ནས་གུས་འདུད་ལོས་ཞུ། ངོ་མ་བཤད་ན། ཁོང་གིས་བོད་དོན་ལ་ཤ་ཐང་རུས་ཐང་གིས་འབད་དུས་སེམས་ཀྱི་གཏིང་རིམ་ན་ཚོར་བ་དབེན་པའི་མི་བུ་དག་ལ་བརྡ་ལན་ཞིག་བརྒྱབ་པ་རེད། གང་ལྟར་ང་ཚོ་བོད་མི་ཚོས་ཀྱང་མི་རེ་ངོ་རེ་ནས་བདེན་པའི་འཐབ་རྩོད་ལ་རྩིས་ཞིག་རྒྱག་རྒྱུའི་དུས་ལ་སླེབས་འདུག
བོད་དོན་རྒྱབ་སྐྱོར་ཊོག་ཊར་མ་ཧེ་ཤི་ཡ་ཊོ་ལགས་ནི་མཛངས་མ་རྣམ་གཉིས་ཀྱི་བར་ནས་སྐྱིད་འདུག་ཀ ཧཧཧ་་་ཀུ་རེ་ཡིན་ད ཁོང་ལྟ་བུ་ཞིག་གིས་ཤ་ཁྲག་གི་རུས་རྒྱུད་མི་གཅིག་པའི་མི་རིགས་ཤིག་གི་འཐབ་རྩོད་ལ་རྒྱབ་སྐྱོར་བྱས་པར་བོད་མིའི་གྲལ་མཐའ་འཛིན་པ་བདག་གིས་ཀྱང་སེམས་སྟེང་ནས་གུས་འདུད་ལོས་ཞུ། ངོ་མ་བཤད་ན། ཁོང་གིས་བོད་དོན་ལ་ཤ་ཐང་རུས་ཐང་གིས་འབད་དུས་སེམས་ཀྱི་གཏིང་རིམ་ན་ཚོར་བ་དབེན་པའི་མི་བུ་དག་ལ་བརྡ་ལན་ཞིག་བརྒྱབ་པ་མ་རེད་དམ། གང་ལྟར་ང་ཚོ་བོད་མི་ཚོས་ཀྱང་མི་རེ་ངོ་རེ་ནས་བདེན་པའི་འཐབ་རྩོད་ལ་རྩིས་ཞིག་རྒྱག་རྒྱུའི་དུས་ལ་སླེབས་འདུག
རྒྱལ་ཁབ་ཞིག་གམ་བོད་དོན་ཁྱབ་བསྒྲགས་གནང་དུ་ངེས་པར་དུ་ལས་འགུལ་ག་འདྲ་ཞིག་ཡིན་ཀྱང་རིན་མེད་མ་གཏོགས་དཔལ་འབྱོར་གྱི་ཁེ་ཕན་བསྒྲུབ་ན་དེ་ནི་བོད་སྤྱི་དོན་ཡིན་དང་ཡང་ན་སྒེར་དོན་ཡིན་ཐེ་ཚོམ་རེད།
ཞུ་ཡག་ཅིག་ལ་རྒྱ་གར་བ་ཞིག་གིས་བོད་དོན་ལ་འདི་ལྟ་བུའི་དོ་སྣང་བྱེད་དུ་བོད་པ་ཚང་ནི་གཡོ་འགུལ་གང་ཡང་མེད་པར་ཉལ་ནས་བསྡད་ན་ག་ནས་འགྲིག
དཔལ་འབྱོར་ཡོད་པས་དཔལ་འབྱོར་བཏང་རིགས་གནས་ཡོད་པས་ཀླད་པ་དཀྲུགས་སེམས་ཤུགས་ཡོད་པས་ནུས་པ་བཏང་ནས་བོད་དོན་འཁྱབས་བསྒྲགས་དང་ཞི་བའི་སྐད་འབོད་མདོར་ན་གོ་ལ་ཧྲིལ་པོར་ཞི་བའི་གོམ་བགྲོད་ཞིག་འགྲོ་ཐུབ་ན་བོད་དོན་འཛམ་གླིང་མི་དམངས་རྣམས་ཀྱི་ཝ་ལེར་གཟིགས་ཀྱི་རེད།
དེ་མིན་རྒྱལ་ཁབ་གཞན་དང་མི་རིགས་གཞན་ལ་སྐྱབས་བཅོལ་ནས་རང་ཉིད་སོ་སོའི་སྙན་གྲགས་ལ་འགོ་འཁོར་ནས་བཞུགས་ན་བོད་དོན་ཟེར་བ་ཆུ་ནང་གི་ཟླ་བ་རང་རེད།