འདྲིས་པའི་གྲོགས་དེ་སེམས་ཀྱི་གཤིས་ལ་འཐིམ།།
དགའ་བའི་མི་དེ་སེམས་ཀྱི་གཏིང་དུ་ཟུགས།།
བྲལ་ཞིང་གྱེས་པའི་ཕར་རོལ་ཚུར་རོལ་དུ།།
ནང་གི་སྐྱོ་བ་འགོག་ལ་ཐབས་ཤིག་དཀོན།།
ཡུན་རིང་འདུས་མཐར་སོ་སོར་བྲལ་བ་འདི།།
མགོ་ནག་བོད་པའི་ཆོས་ཉིད་བསམ་ན་ཡང་།།
བསམ་པའི་གཏིང་འཛིན་བྱེད་པའི་རྣམ་རིགས་དེ།།
དཔེན་པའི་ང་ཚོ་དེ་ཡིས་འཐག་པར་བྱེད།།
ཉེ་བའི་གམ་དུ་ཡོད་དུས་དགའ་སྐྱོའི་གཏམ།།
དྲིས་པ་མེད་ཀྱང་ལྷུག་པོར་གྲོལ་ན་ཡང་།།
རིང་བའི་སྐབས་སུ་སེམས་ཀྱི་དཀའ་སྡུག་སོགས།།
དྲིས་ཀྱང་གླེང་དུ་མི་ཕོད་གཤིས་སུ་གྱུར།།
ཚུར་ལ་འཐེན་ན་ཕར་ལ་ཤོར་འགྲོ་བ།།
ཕར་ནས་སྐུར་ན་ལམ་ནས་ལྷག་འགྲོ་བའི།།
རིགས་པའི་ནམ་ཚོད་རྒས་ཀྱི་འཁྱེར་སླ་བ།།
མི་རྟག་འཁོར་བའི་ཚང་འདིར་ཡིད་བརྟན་ཅི།།
གཅིག་བུར་བསྡོད་དུས་ཁེར་རྐྱང་སྣང་བའི་བཟི།།
མཛའ་མོར་འགྲོགས་དུས་ནང་གི་སུན་སྣང་རྒོད།།
བྱིས་པའི་གདོང་གི་འཛུམ་མདངས་ལྷད་མེད་ཀྱིས།།
འཁོར་བའི་བྱ་བར་ཡི་ཀ་ཅུང་ཙམ་སྤྲད།།
ལུས་འདི་སྐྱུར་ནས་འགྲོ་ས་འཆི་ལམ་རེད།།
འཇིག་རྟེན་སྐྱེ་བོ་ཀུན་གྱིས་མི་འདོད་པའི།།
སྒོ་མོ་དེ་ལས་གཞན་ཞིག་མེད་ན་ཡང་།།
ནམ་ཞིག་དང་དུ་མི་ལེན་ཐབས་ནི་མེད།།
བསམ་ན་ཡོད་ཚད་ཤེས་པའི་ཚོར་བ་ཞིག།
བྱེད་དུས་གང་ཡང་མི་འཇོན་ལུས་པོ་འདིས།།
རང་དང་ཕ་མའི་རྨི་ལམ་མ་འགྲུབ་པར།།
རྒྱུས་མེད་ཡུལ་ནས་མི་ཚེ་གཟད་དུ་སྐྱོ།།
མི་ཡི་ཡུལ་ན་ནང་གི་སྐྱིད་དེ་མེད།།
མི་ཡི་ཟས་ལ་རྩམ་དྲི་མི་བྲོ་བའི།།
མི་ཡི་གཤིས་ལ་རང་གཤིས་གཏན་བྲལ་བའི།།
མི་ཡི་ཡུལ་འདི་རང་དང་མི་འཚམ་གི།
སེར་ཆེན་ལགས། ཉིད་ནས་དེ་ལྟར་བསམ་ཤེས་ཀྱི་སྐད་ཆ་ཞིག་གསུངས་པ་དེར་དགའ་ནས་ཡོད། མི་ཡུལ་ནི་ང་ཚོས་མིན་ན་ཡང་། གང་ལྟར།
འཇིག་རྟེན་འཁོར་བའི་རྨི་ལམ་རྨིས་ཚུལ་འདི།།
མི་རེ་ལུས་ངག་ཡིད་གསུམ་གང་རུང་དུ།།
འདྲ་མཚུངས་མིན་པའི་སེམས་ཀྱི་གཤིས་སྤྱོད་འདི།།
བྲིས་ཀྱང་བྲིས་དེ་ཤི་རེག་བར་དུ་འབྲི།།
སྙིང་ནས་བརྩེ་བའི་སྤུན་མཆེད་ཐ་ཧར་སྐལ་བཟང་ལགས། ང་འདུག་རོགས་དང་ཉལ་རོགས་ཆགས་ཟིན་པའི་ཟིན་བྲིས་འདི་ནི། དུས་ཚོད་གང་ཡོད་དུ་ཡོང་ནས་རང་གི་ཉིན་རེའི་ཚོར་བའི་འགྱུ་སྟངས་ཤིག་ཡི་གེའི་གཟུགས་སུ་འདེབས་ཀྱི་ཡོད་པ་དེ་ཡིན།
གཅེན་པོ་ལགས།
རི་ནས་བྲོས་དེ་མི་ཡི་ཡུལ་དུ་བཅར།།
མི་ཡི་ཡུལ་ནས་གཞན་གྱི་ཁམས་དུ་སླེབས།།
འདིར་སྣང་བྱ་བཞག་ཡོད་ཚད་རྨི་ལམ་འདྲ།།
རྨིས་པའི་སྔ་གཞུག་ཡི་གེ་གཟུགས་སུ་བསྐྲུན།།
དྲ་གྲོགས་ལགས།ངེད་ཅག་དག་མི་ཚེ་འདིར་ཡུལ་གྱེར་བའི་བཞུད་ལམ་ཞིག་ཏུ་གྱུར་ཟིན་པས་ཐབས་ཤེས་ཟད་སོང་།ཡིན་ནའང་ཡིད་ཐང་མ་ཆད་པར་མདུན་དུ་སྐྱོད་དང་མི་རབས་རྗེས་མ་ཚོའི་ཆེད་དུ་་་་་་་་་་་་་་་་་་་་་་་་་།ཧཧཧཧཧཧཧཧཧཧཧ
ཁྱོད་ནམ་ལངས་དུས་ནས་དྲ་ཐོག་ན་ཡོད་ནོ་ཅི་རེད། ཁ་སང་ཁ་བརྡ་བྱས་ནོ་བཟང་ཐལ།
མི་ཡུལ་འདི་རུ་དྲང་པོའི་མི་ཞིག་དཀོན།།
མི་ཁའི་རླུང་བུས་མི་འདེད་དེ་བས་དཀོན།།
མི་ཡུལ་དྲོད་སྐྱིད་སྐར་ཆའི་དུས་ཡུན་འདྲ།།
མི་ཡི་ལུས་འདི་ལེན་པ་ཅི་ཡིས་ནོངས༎
ཤ་ཁྲག་དཔའ་རྒོད་འཁོར་བའི་གནས་ལ་བསུན།།
ས་མཐའི་ཡུལ་ནས་སྐྱོ་གླུ་རྟག་ཏུ་ལེན།།
མཐར་མ་མཚོ་མོ་མེད་ན་ཤ་ཁྲག་བུ།།
ད་ནི་རྒྱ་མཚོར་འཆོངས་པའི་ཉེན་ཁ་ཆེ།།