རང་བཙན་བརྩད་དེ་རྩ་བར་མ་ཐུག་ཞིང་།།
དབུ་མར་ཕྱོགས་ནས་ལས་དོན་མ་སྒྲུབ་པར།།
རང་ཐག་རང་གཅོད་མ་བྱས་ལྷོད་ལྷོད་བསྡད།།
བོད་པ་ང་ཚོའི་རིགས་འདི་སྙིང་རེ་རྗེ།།
གཅིག་གིས་བྱས་པ་གཅིག་གིས་འཕྱ་ཞིང་དམོད།།
གཞན་གྱིས་བྱས་ན་ཕྲག་དོག་མེ་ལྕེ་འབར།།
ཕར་ཚུར་གཉིས་ཀའི་བྱ་བ་མི་འཇོན་པའི།།
བོད་པ་ང་ཚོའི་རིགས་འདི་སྙིང་རེ་རྗེ།།
རང་དབང་ཆེད་དུ་དཀའ་སྤྱད་མ་བྱས་ཤིང་།།
རང་དོན་ཁོ་ནར་འཐམ་ནས་ཉིན་མ་བསྐྱལ།།
རང་ལས་སྤྱི་དོན་གཡུགས་པའི་བྱེད་སྟངས་ཅན།།
བོད་པ་ང་ཚོའི་རིགས་འདི་སྙིང་རེ་རྗེ།།
རིགས་ཀྱི་ཕྲུ་གུ་མི་རིགས་གཞན་ལ་བཏབས།།
སྐད་ཀྱི་གདངས་དེ་མི་སྐད་གཞན་ཞིག་རྒྱགས།།
འགྲོ་སྟངས་འདུག་སྟངས་ཡབ་མེས་ལུགས་དང་འགལ།།
བོད་པ་ང་ཚོའི་རིགས་འདི་སྙིང་རེ་རྗེ།།
རང་ཡུལ་སྐྱུར་ནས་བྲོས་བྱོལ་ཡུལ་དུ་ཡོང་།།
སྐྱབས་བཅོལ་ཡུལ་ནས་ཐོབ་ཐང་འདྲ་མིན་བརྩད།།
དོན་གྱི་དགོས་པའི་མི་རིགས་བདེན་མཐའ་བརྗེད།།
བོད་པ་ང་ཚོའི་རིགས་འདི་སྙིང་རེ་རྗེ།།
ཁ་ནས་བཤད་ཚུལ་སྤྱི་དོན་ཤར་མ་ཡིན།།
ལག་ལ་ཡོང་ཚད་རང་ཁེ་འབབ་ཞིག་གཉེར།།
བོད་མིའི་སྐྱིད་སྡུག་རླུང་ཁའི་མར་མེ་བཞིན།།
བོད་པ་ང་ཚོའི་རིགས་འདི་སྙིང་རེ་རྗེ།།
སྐྱབས་མགོན་བླ་མ་ཟོས་ནས་ཚར་གྲབས་འདུག།
སྐྱབས་བཅོལ་གཞུང་ནས་བོད་སྐད་བརྗེད་གྲབས་འདུག།
སློབ་གྲྭ་ཁག་ནས་བོད་དགེ་འཕུད་གྲབས་འདུག།
བོད་པ་ང་ཚོའི་རིགས་འདི་སྙིང་རེ་རྗེ།།
ཕྱི་ལ་འགྲོ་རྒྱུ་བྱུང་ན་ཅི་ཡང་བྱེད།།
འགྲོ་སའི་ཡུལ་ནས་མི་ཡི་བྲན་དུ་རྒྱུགས།།
གཡོག་སྒོར་གསོག་ནས་སྐྱིད་རབས་སྐྱག་རྫུན་བཤད།།
བོད་པ་ང་ཚོའི་རིགས་འདི་སྙིང་རེ་རྗེ།།
རང་གིས་རང་ལ་སྣྙིང་རྗེ་བའི་སྐྱེས་པ་ཕོ་ཞིག་ནི་འཇིག་རྟེན་ན་ཡོད་སྲིད་དམ།ཕོ་རྒོད་འཆི་ལ་ཐུག་ཀྱང་འཛུམ་གྱིས་བསུ་ངེས།ཨ་སྡར་མ་ཁྱོད།བོད་ཀྱི་མི་རབས་གསར་པའི་དཔའ་ངར་མ་གཅོག་འང་།
ཨ་རོ། ཉིན་མ་ཁ་ཤས་ལ་ས་ཆ་གཞན་ཞིག་ལ་སོང་བས་ཁྱོད་ཀྱི་ཟིན་བྲིས་ནང་ལ་ཡི་གེ་གཅིག་ཀྱང་འབྲི་ཐུབ་མ་སོང་། གང་ལྟར་ཁྱོད་ཀྱི་ཉལ་ས་དྲོ་ཡང་སེམས་པ་འཁྱག་ཟེར་བའི་བསམ་ཚུལ་དེ་ལ་ངས་བསམ་ཚུལ་ཞིག་བྲིས་ཡོད། དེ་ངའི་ཟིན་བྲིས་ནང་ལ་ཡོད་པས་ཐུགས་སེམས་སྤྲོ་བོའི་ངང་ནས་ཀློག་རོགས་གནང་། ངའི་བསམ་ཚུལ་དེ་འཁྱོག་བསྡད་ཡོད་ས་དང་བཀུག་བསྡད་ཡོད་ས་འདྲ་ཡོད་ན་ལན་རྒྱོབས།
སྤུན་ཟླ་ཚོ།
སྐྱིད་དུས་སྐྱིད་ཉམས་ཡོད་པའི་གླུ་ཞིག་ལོངས།།
སྡུག་དུས་སྡུག་པའི་སྐྱོ་བ་དྲགས་དུ་ལོངས།།
སྐྱིད་ལ་སྡུག་པའི་མི་ཚེ་འགག་འཕྲེང་ནས།།
རིགས་ཀྱི་མདུན་པ་སྲ་མོ་སྙིང་ལ་ཆོངས།།
ཤ་ཁྲག་རུས་གསུམ་ཁྱེད་རང་གིས་དོན་སྙིང་ལྡན་པའི་རྩོམ་ཡག་པོ་བྲིས་འདུག་ བོད་པའི་གསང་མཐིལ་བརྟོལ་འདུག་ཅེས་བརྗོད་ཀྱང་མི་འཚམ་པ་མེད། ཤ་ཚ་བའི་གཏམ་དང་བླང་དོར་བྱེད་དགོས་པའི་བསླབ་བྱ་རྣལ་མ་བཏོན་འདུག་ཀྱང་འུ་ཚོ་སྒང་བ་བོད་ཀྱི་འདིའི་རིགས་ལ་དོ་སྣང་དང་མཉན་འཇོག་མི་བྱེད་པར་མ་ཟད་ད་དུང་གཏམ་ངན་དུ་བརྩི་བ་འདི་ཤེས་དཔྱོད་ཀྱིས་མ་འདང་བས་ལན། སློབ་དཔོན་རིན་པོ་ཆེས་ཀྱང། བོད་ལ་དྲིན་ཆེས་བྱས་ཀྱང་དྲིན་མི་གོ། །ཞེས་ཐུགས་ཕམ་གྱི་རྣམ་པ་དང་བཅས་ཏེ་བོད་ཡུལ་ནས་གཤེགས་པ་དང། མཁས་དབང་དགེ་ཆོས་ཀྱང་གཤེགས་རྗེས་ཤིག་ལ་གཞི་ནས་རྗེས་དྲན་དང་རྩོམ་རིགས་ལ་གདེང་འཇོག་ཅིག་ཐོབ་པ་ལས་མངོན་སུམ་དུ་ཡོད་སྐབས་རྒྱལ་འཚོང་བ་ཞེས་མིང་མི་སྙན་པ་སྣ་ཚོགས་ཤིག་ཡོང་བ་བཞིན་དེང་སང་སྤྱི་ཚོགས་ཁྲོད་དུའང་བོད་ལ་ཤ་ཞེན་དང་རུས་ཞེན་ཡོད་པ་རྣམས་ཀྱིས་སེམས་གཏིང་གི་སྐད་ཆ་ལ་དེ་ཙམ་དོ་སྣང་མི་བྱེད་པར་མཐོན་པོའི་ཁྲི་ལ་འགྱིངས་པའི་བླ་དཔོན་ཚོའི་སྐད་ཆ་བདེན་མིན་ཇི་ལྟར་དེ་ལ་རང་བཞིན་གྱིས་གཙིགས་ཆེར་བྱེད་པའི་བག་ཆགས་འདི་སྤྲུག་དགོས་པར་མཐོང་ན་དེ་ལ་ཐབས་ལམ་ཡག་ཤོས་ཤིག་འཚོལ་དཀའ།
ཤ་ཁྲག་ལགས།བོད་པའི་ལས་དབང་སྐྱོ་བ་གོར་མ་ཆག་ཀྱང་།རང་ངོ་རང་ཤེས་བྱས་ནས་
འབད་བརྩོན་དགོས་པ་གལ་ཆེ།དེའི་ཕྱིར་སྨྲེ་ངག་དང་ཡི་ཆད་ཀྱི་འཁང་ར་དོར་ཏེ་དོན་ལྡན་གྱི་ལས་སུ་འབད་པ་དེ་ལས་ཀྱང་གལ་ཆེ།
སྡུག་གི་ཁུར་བོ་འཁུར་ནས་གླིང་ཀུན་འཁྱམ།།
སྡུག་ཡས་མང་པོའི་གནམ་ས་གཡོ་བ་བྱས།།
སྡུག་བསྔལ་འདི་ཡང་སྔོན་བསགས་ལས་ཤིག་རེད།།
སྡུག་གྱོང་བོད་པར་སྐྱེ་བ་སྐྱོ་ཉམས་ཤིག།
ཀུ་རེ་རྩེད་མཚར་གཏམ་གྱི་མགོ་མ་ཡིན།།
ཀུ་རེ་རྩེད་བཞིན་ཀུན་གྱི་དོན་ལ་འབད།།
ཀུ་རེ་རྩེད་སྟངས་གླིང་ཀུན་མི་འདྲ་ཡང་།།
ཀུ་རེ་འོག་ན་ཀུན་ཤེས་གཅིག་གྲོལ་ཡོད།།
འཛམ་བུ་གླིང་གི་སྟེང་ན་ང་ཚོའི་བོད་པའི་ལས་དབང་སྡུག་ཤོས་རེད། གཅིག་ལ་གཅིག་ཟ་བའི་གླེན་ལྐུགས་དུད་འགྲོའི་ངང་ཚུལ་གྱིས་དགྱ་ནག་གིས་བོད་པ་ཟོས། བོད་པས་ནང་ཁུལ་ཟ་རེས་བྱས་ནས་སྡོད་པ་འདི་ཡིད་སྐྱོ་བའི་གནས་རང་རེད། གྲོགས་པོ་ཤ་ཁྲག་ལགས། ད་བོད་པ་ཟེར་ས་འདི་ལ་རེ་བ་ཅང་ཡོད་མེད་མི་ཤེས་ཀི