ཉིད་ནས་འདི་ལྟར་གནས་ལུགས་དང་རྒྱུ་མཚན་མི་ཉུང་བ་ཞིག་དྲངས་དེ་གསུངས་འོང་ན་བདེན་པའི་ཆ་ཆེས་མི་ཉུང་བ་ཞིག་ཡོད་པ་ནི། ངས་བཤད་མི་དགོས་པར་ཀློག་མཁན་དག་གིས་གསལ་གསལ་དངས་དངས་ཤེས་ངེས་རེད། ཉིད་ཀྱིས་གསུངས་པ་ལྟར། བདེན་པའི་ཆ་མང་བོ་ཞིག་ཡོད་པ་ནི་བདེན་པ་རེད། བདག་གིས་རྩོམ་ཡིག་དེ་བྲིས་པའི་མཇུག་དུ་རང་རང་གི་མྱོང་ཚོར་གཞིར་བཞག་ནས་འབྲི་རོགས་ཟེར་ནས་འབོད་སྐུལ་ཡང་ཞུས་ཡོད་ལ། དེ་རིང་ཉིད་ནས་ཕྱི་ཡུལ་ནས་རང་དབང་དང་ཐོབ་ཐང་ཡོད་པའི་སྐོར་མི་ཉུང་བ་ཞིག་གླེང་འདུག་ལ། སྤྱི་སྒེར་གང་ཐད་ནས་གྲུབ་འབྲས་ཀྱང་མི་ཉུང་བ་ཞིག་ཡོད་པ་གླེང་འདུག དེ་དག་ཡང་ཉིད་ཀྱི་བསམ་ཚུལ་དང་ཁོར་ཡུག་གི་གནས་བབ་ཡིན་པས་བདེན་ཁ་སྟེར། འོན་ཀྱང་། རྩོད་པ་མིན་ལ། སྐད་ཆ་དྲང་མོ་ཡིན། བོད་དོན་ནི་བོད་མིས་བྱེད་དགོས་པ་ལས། བོད་དོན་ཁྱབ་བསྒྲགས་ནི་མི་ལོ་ལྔ་བཅུའི་རིང་དུ་བཙན་བྱོལ་དུ་ལྕེ་ཐོག་མཁན་མི་ཉུང་བ་དག་གིས་བྱས་པ་རེད་ལ། གྲུབ་འབྲས་ཀྱང་བོད་མི་ཁྱེད་དང་ང་ཡི་གཙོ་བའི་ཚང་མའི་སེམས་ན་གསལ་བོ་རེད། ད་ནི་འུ་ཅག་གིས་ཤེས་དགོས་པ་དེ་ནི་སྒེར་གྱི་ཁེ་ཕན་ལས་སྤྱི་དོན་གྱི་ཤུགས་ལ་རིགས་དང་རྒྱུ་སོགས་ཅི་ལྟར་སྲུང་སྐྱོབས་བྱེད་དགོས་པ་དེ་ཡིན་པ་ལས། ཡག་ཕྱོགས་ཙམ་ལ་མགོ་བོ་འཁོར་ནས་རིགས་ཀྱི་རྩ་བ་རུལ་བ་དང་སྒོར་་མོ་རེ་ཟུང་ཞིག་གསོགས་ཐུབ་པ་དེ་དག་གིས་རང་རང་གི་འཕུར་བསྐྱོད་དང་འགྲུལ་བཞུད་སྟབས་བདེ་སོང་བ་དེ་ཙམ་གྱིས་བོད་རིགས་ཀྱི་མ་འོངས་པ་མཚོན་མི་ཐུབ་ལ། བོད་དོན་གྱི་གྲུབ་འབྲུས་ཀྱང་གཏན་ནས་སོན་ཐུབ་མེད།
ཉིད་ནས་ད་དུང་། འུ་གཉིས་ཀྱིས་རྒྱ་གར་ནས་ཟ་ཁང་ནང་གི་གླ་ཆ་དང་སྐྱབས་བཅོལ་ལག་ཁྱེར་ཡོད་མེད་ཀྱི་གསར་འབྱོར་བ་དག་གི་མྱོང་བཞིན་པའི་དཀའ་ངལ་དག་གླེང་འདུག དེ་དག་ནི་དངོས་ནས་དཀའ་ངལ་མ་རེད་མི་ཟེར་ལ། དཀའ་ངལ་ལས་ཀྱང་རིགས་ཞེན་བོར་ས་དང་རིགས་རུས་ཆད་ས་ཆགས་མེད་པ་ཡིན། དེ་དག་ལ་བསམ་གཞིགས་བྱས་པ་ཡིན་ན། ཕྱི་ནས་གྲོགས་པོའི་བརྩེ་བ་ཡང་ཆུང་དུ་འགྲོ་བཞིན་ཡོད་ལ། དེ་ཡང་དུས་ཚོད་ཀྱིས་དེད་ནས་ཡིན་ལ། དུས་རབས་ཀྱི་མིང་གསར་བའི་ཁྲོད་ཀྱི་བྲེལ་བ་ཟེར་བའི་མིང་དེ་ལ་འཐམ་ནས་མི་ཚེ་ཐུང་ཐུང་དེ་འགྲོ་ཐབས་བྱེད་པ་དེ་ཙམ་ལས་གང་ཡང་མ་རེད།
གང་ལྟར། སྐྱེ་བོ་སྒེར་ལ་སྒེར་གྱི་ལྟ་ཚུལ་དང་སྒེར་གྱི་ཉམས་མྱོང་བཅས་ཡོད་དུས། ངས་ཀྱང་ཉིད་ཀྱི་ལྟ་ཚུལ་ལ་གུས་བཀུར་དང་དགའ་ཞེན་ཡོད་ལ། ཉིད་ཀྱི་འཚོ་བ་ཡང་རང་དབང་དང་ཐོབ་ཐང་ཡོད་པ་ཞིག་སྐྱེ་བཞིན་དེ་ལ་དགའ་བསུ་ཡོད། རེད་དེ། འུ་ཅག་ཟ་ལེ་རྒྱལ་དག་གིས་དཀྲུས་ན་མི་དག་ལ། ཨ་སྒོར་འབུམ་ཕྲག་ཁ་ཤས་ཤིག་བྱིན་ཡང་ཉོ་ཐུབ་མེད་པའི་ནག་ཉེས་ཤིག་བསགས་ཡོད་པ་དེ་ནི། རིགས་རུས་ལ་འགན་མ་བླངས་པ་དེ་ཡིན། ཡོང་སྲིད་པའི་བུ་ཕྲུག་དག་གིས་ཀྱང་བོད་སྐད་མི་ཤེས་ལ། ཤེས་ཀྱང་བོད་ཞེན་ཆུང་བ། བོད་མི་རིགས་ཀྱི་འཆི་གསོན་ལ་འགན་འཁྲི་ཡོད་པ་ཞིག་ཆགས་རྒྱུ་དེ་ནི་དངོས་ནས་ཁག་པོ་་རེད་དམ། དེ་དག་ལ་བསམ་བློ་ཞིབ་མོ་བཏང་དུས། ང་ཚོ་ནི་རང་ཉིད་ཀྱི་མི་རིགས་ཀྱི་ནག་ཅན་པ་ཆགས་ཡོད་པ་རེད།
དེ་ནས་དུས་རབས་གསར་བའི་བྲན་གཡོག་ཟེར་བའི་སྐོར་ལ་ཞུས་ན། ང་ཚོ་ནི་དུས་རབས་གསར་བའི་བྲན་གཡོག་ཆགས་པ་དེ་ནི། ལས་ཀ་ཤེས་མིན་དེ་གཅིག་བུ་མ་ཡིན་པར། རང་དབང་མེད་པའི་མི་རིགས་ཡིན་པ་དང་། རྒྱལ་ཁབ་མེད་པའི་བྲོས་བྱོལ་བ་བཅས་ཡིན་དུས། སུ་ཞིག་ལ་རྒྱལ་ཁབ་མེད་པ་དེ་ནི་དུས་རབས་གསར་བའི་བྲན་གཡོག་དུ་ཆགས་ཡོད་ལ། ཉིད་ཀྱིས་དྲངས་པའི་ཕྱི་རྒྱལ་གྱི་བྲན་གཡོག་དུ་འབོད་པའི་དུས་རབས་དེ་མཇུག་རྫོགས་ཡོད་ཀྱང་། འུ་ཅག་གིས་འགྲིམ་བཞིན་པའི་དུས་རབས་འདི་ནི་བྲན་གཡོག་ཡིན་པ་ངོ་མ་ཡིན། རྒྱུ་མཚན་ནི་ང་ཚོ་བོད་མི་ཡིན་ལ། བོད་མི་ལ་བོད་མིས་ཐོབ་ཐང་མེད། ཐོབ་ཐང་མེད་དུས་ཀྱི་མི་དེ་ནི་བྲན་གཡོག་ཆགས་ཡོད།
ད་རེབས་ཉིད་ལ་ཚིག་རྩོད་བྱས་པ་མིན་ལ། ང་རང་སྒེར་གྱི་ལྟ་ཚུལ་ཙམ་ཞུས་པ་ཡིན། ཉིད་ཀྱིས་གསུངས་པ་དེེར་ངོ་རྒོལ་ཡང་བྱས་མེད། སྤུན་གྱི་འདང་བརྩེ་ལ་ཡང་མ་ཤི་བར་དུ་འགྱུར་བ་འགྲོ་མི་སྲིད། ལྷག་པར་དུ་ཉིན་ནས་དང་དུ་བླངས་དེ་ཉལ་ས་དྲོ་ཡང་སེམས་པ་འཁྱག་ཟེར་བ་དེ་ཡི་སྐོར་ལ་རྩོམ་ཡིག་་བྲིས་པ་དགའ་ནས་ངས་ཀྱང་ཤར་མར་དྲ་ཐོག་ནས་ཁྱེད་ལ་འདི་ལ་སྤྲིངས་པ་ཡིན།
བསམ་ཚུལ་ག་རེ་ཡིན་ཡང་གླེང་ཆོག་པ་དེ་ནི་འུ་གཉིས་ཀྱིས་ལུགས་སྲོལ་ཡིན་དུས། ཁྱེད་རང་གི་སེམས་ལ་མི་གནོད་པ་ང་རང་ཡིད་ཆེས་ཡོད། རྗེས་མར་འདི་ལྟར་ག་རེ་གསུང་རྒྱུ་ཡོད་ན་དགའ་བསུ་གྲངས་མེད་ཞུ།
བློ་བཟང་ལགས་ཁྱེད་རང་གི་མིང་དེ་དབྱིན་ཇིའི་ནང་ལ་བྲིས་པ་དེས་ང་ལ་དངོས་གནས་མི་གནོད་གི དེ་ཙམ་ཡིན།
གྲོགས་པོ་ལགས། ངའི་མིང་དེ་ཐོག་མར་དེབ་འགོད་བྱེད་དུས་དབྱིན་མིང་བྲིས་ཡོད་སྟབས་བཟོ་བཅོས་མ་བཏང་བར་རང་དགར་བཞག་པ་དེས་ཁྱོད་དང་མི་རིགས་རིག་གཞུང་དང་བཅས་པར་ཅི་ཡང་མི་གནོད། བསམ་ཚུལ་སུ་ལ་བྲིས་མིན་དང་ཁྱེད་གཉིས་སེམས་ཐག་ཉེ་མིན་ངས་རྩོད་ཀྱི་མེད། གཙོ་བོ་རྩོམ་ཡིག་ཅིག་བཀླགས་པའི་མྱོང་ཚོར་གྱི་མཆན་བུ་ཞིག་ཡིན། ཐུགས་བདེ་བར་བཞུགས།
ཡུན་དུམ་པ། བགྲོ་གླེང་ཡག་པོ་བྱེད་གི་འདུག དེ་རིང་བར་དུ་མ་མཐོང་བ་ནི་ངའི་གྱོང་རེད་ཡ། ཁྱོད་གཉིས་ཀྱིས་གནད་འགག་གསལ་བོ་ཞིག་ལ་གླེང་མོལ་བྱེད་གི་འདུག མ་ཟད་སེམས་ནས་བཞུར་བའི་སྐད་དག་ལྷུག་ལྷུག་གིས་ཐོན་གྱིན་འདུག ངོ་དགའ་གི་
འོན་ཀྱང་ང་རང་རྗེས་ལུས་ཚར་བས་བྲོ་བ་ཅང་མི་འདུག་ ཧ ཧ ཧ་
བཀླགས་ཟིན། ད་མགྱོགས་པོར་ཐ་ཧར་གྱི་ནང་དུ་འགྲོ་གི་ཡིན།
བློ་བཟང་ལགས་ལ། དང་པོ་ཁྱོད་ཀྱི་མིང་དེ་བོད་ཡིག་གིས་འབྲི་རོགས་གནང་། ངའི་བསམ་ཚུལ་དེ་ཚོ་བོད་ཤ་ཁྲག་ལ་བྲིས་པ་ཡིན། ངེད་གཉིས་སེམས་ཐག་ཧ་ཅང་ཉེ་བོ་ཡོད་པས་ངས་ཚིག་བརྩུབ་མིན་ལ་བསམ་བློ་བཏང་མེད། ངའི་བསམ་ཚུལ་དེ་ཁྱེད་རང་གིས་བཀླགས་པར་ཐུགས་རྗེ་ཆེ། རྗེས་མ་བསམ་ཚུལ་གསལ་བོར་བཟོ་ཐུབ་ན་ལན་རེ་རྒྱག་ཨེ་ཐུབ་བལྟ།
སྤོབས་པ་མཐའ་ཡས་ལགས་ཁྱེད་ནས་མིའི་རིགས་དང་མི་རིགས་ཞེས་པའི་དོན་དེ་ངོ་མ་རྟོགས་འདོད་ཡོད་ན་སུ་ཏ་ལེན་གྱི་རྩོམ་ཡིག་གཅེས་བསྡུས་ནང་མང་དུ་མཐོང་རྒྱུ་ཡོད། དེར་གཟིགས་རོགས།
ཐ་ཧྭར་སྐལ་བཟང་དང་སྤོབས་པ་མཐའ་ཡས་གཉིས་ཀྱིས་ཅི་ཞིག་བཤད་ཀྱི་ཡོད། གཅིག་ལ་ཕོག་ཅིང་གཅིག་གིས་དོན་རྟོགས་མི་འདུག་ན་རང་དགར་མགལ་མེའི་འཁོར་ལོ་བཞིན་སྟོང་གཡུག་ཅིག་བྱེད་པ་འདི་ངོ་མ་དུས་ཚོད་སྟོང་གཟད་མིན་ནམ། ཤ་ཁྲག་རུས་གསུམ་གྱིས་མི་རིགས་ཤིག་གི་བདེ་སྡུག་ལ་བསམ་སྟེ་རང་གི་བསམ་ཚུལ་ཙམ་གླེང་བར་ཐ་སྐལ་གྱིས་དང་དུ་ལེན་དགོས་པ་དེ་ཅི་ལ་ཐུག རང་ངོ་ལ་གནོང་ཞིག་ཡོད་ནི་མིན་ན་འཁང་རའི་ཚིག་མདའ་མང་པོ་ཅི་ལ་འཕེན། བོད་པ་སྟོང་ཕྲག་མང་པོ་ཕྱིའི་རྒྱལ་ཁབ་ཁག་ཏུ་འཚོ་སྡོད་བྱེད་བཞིན་པ་རྣམས་རིམ་བཞིན་དེ་དང་དེའི་རིགས་སྲས་སུ་མི་འགྱུར་བ་སུ་གཅིག་གིས་ཀྱང་བཤད་ཚོད་མི་ཐུག་ན། ཤ་ཁྲག་རུས་གསུམ་གྱིས་ཆུ་མ་ཡོང་གོང་གི་ཆུ་རགས་དང་རྐྱེན་མ་འོངས་གོང་གི་བཟློག་བསྒྱུར་གྱི་དཔེ་བཞིན་ཤ་ཚའི་ལྷག་བསམ་གྱིས་མ་བཟོད་པར་ཤ་ཐིམ་རུས་ཐིམ་བྱེད་པའི་གདོང་དམར་བའི་ལས་དབང་ལ་འདང་ཞིག་བརྒྱབས་ནས་རྩོམ་ཡིག་ཅིག་སྤེལ་བ་ཙམ་ཡང་དགའ་འོས་པའི་གཏམ་ཞིག་ཡིན། དེ་མིན་བོད་གཞུང་དང་འབྲེལ་མ་འབྲེལ་གྱི་བོད་མི་མང་པོ་ཕྱིའི་རྒྱལ་ཁབ་ཁག་ཏུ་བསྡད་ཡོད་ནའང་ཧ་ལམ་སུ་གཅིག་གིས་ཀྱང་འདི་འདྲའི་རྩོམ་ཡིག་ཅིག་ཕར་ཟད་རང་ལ་དགོས་མཁོ་མེད་ཚེ་དང་བླང་དཔྱ་དངུལ་དེ་ཡང་ཡག་ཐག་ཆོད་ཅིག་འབུལ་གྱི་ཆད་བསྡད་ཡོད་པ་ལ་བསམ་བློ་ཞིག་ཐོངས་དང་དེས་རང་བཞིན་གྱིས་བོད་ཀྱི་གདོང་འབག་་གྱོན་པ་ཙམ་ལས་དོན་དུ་བོད་ཀྱི་རིགས་ཞེན་མེད་པ་མཚོན་གྱི་ཡོད་པ་མ་ཡིན་ནམ། ད་དུང་ཐ་སྐར་ནས། བོད་དོན་བྱེད་འདོད་ཡོད་ན་གཞུང་སྒེར་གཉིས་ཀྱི་སུ་ཡིན་ན་འགྲིག་གི་མེད་པ་དེ་ཚོའི་རིགས་ཀྱི་སྒང་ལ་བསམ་བློ་ཞེ་དྲག་མ་གཏོང་། གཞུང་སྒེར་གང་ཡིན་ན་འགྲིག་གི་ཡོད་པ་དེའི་སྒང་ལ་ཤུགས་རྒྱག་དགོས་པ་གལ་ཆེན་རེད། ཅེས་པ་དེ་བྲི་ནོར་ཐེབས་པ་མིན་ལས་ཆེ། ཁྱེད་བསམ་བློ་ཁྱོན་ནས་གཏོང་མི་ཤེས་མཁན་ཞིག་ཡིན་རྒྱུ་མ་རེད་བསམ། འགྲིག་གི་ཡོད་པ་དེ་རྒྱུན་བསྲིངས་ནས་བྱེད་རྒྱུ་ཙམ་ལས་གཞན་མེད། འགྲིག་གི་མེད་པ་དེའི་སྒང་ལ་བསམ་ཚུལ་བརྗེ་རེས་ཀྱིས་འགྲིག་པར་བྱེད་དགོས་པ་ཆོས་ཉིད་ཡིན་ཡང་ཁྱེད་ནས་དེ་ཙམ་ཡང་དང་ལེན་མ་ཐུབ་པར་སྤྱི་ཡོངས་ལ་ང་རྒྱལ་གྱི་ཆོ་ངེ་འདེབས་དགོས་དོན་ཨ་ལ་ལ།
ཕྱིའི་རྒྱལ་ཁབ་ཏུ་སྡོད་པའི་བོད་རིགས་རྣམས་ནས་གཟབ་གཟབ་མ་བྱས་པར་མི་རིགས་ཀྱི་ངོ་བོ་བརླག་པ་ཡིན་ན་བོད་མི་རིགས་ཀྱི་རྐང་འདྲེན་པ་དང་བོད་མི་རིགས་ཀྱི་ལོ་རྒྱུས་ལ་རང་བཞིན་གྱིས་ནག་ཐིག་ཅིག་ཕབ་པ་ཡིན། ༸གོང་ས་མཆོག་གིས་གཟུགས་པོའི་ཕྱི་དབྱིབས་བརྗེས་ཀྱང་ཤ་དང་རུས་པ་བོད་པ་ཡིན་པ་མ་བརྗེད་པ་བྱེད་དགོས་ཞེས་དུས་ནས་དུས་སུ་གསུངས་པ་འདི་ཁྱེད་ནས་ཡིད་ཆེས་མི་བྱེད་པའི་ཚད་དུ་སླེབས་མེད་ཚོད་གདའ། སྤྱོད་འཇུག་གི་ཚིགས་བཅད་གཅིག་དྲང་འདུག་པ་དེས་ཀྱང་གདེང་ཚོད་ཅིག་སླེབས་སོང།
འོན་ཀྱང་ཁྱེད་ནས། བཅོས་སུ་ཡོད་མེད་བཤད་འདུག་ན་ད་དུང་བོད་མི་རིགས་ཀྱི་ངོ་བོ་བཅོས་སུ་ཡོད་བཞིན་དུ་ཁྱེད་ནས་མེད་པའི་སྒྲུབ་བྱེད་དུ་བཀོད་པ་འདི་ལ་རྟགས་གསལ་ཇི་ལྟར་གཏོང་རྒྱུ་ཡོད་མེད་ཁྱེད་ནས་ཤེས་ངེས་པས་ངས་གསལ་འདོན་མི་བྱེད།
སྤོབས་པ་མཐའ་ཡས་ནས་དོན་མ་རྟོགས་བཞིན་དུ་ལན་འདེབས་བྱེད་པ་ནི་དམིགས་འབེབས་མ་མཐོང་བར་མདའ་འཕེན་པ་དང་གཅིག་མཚུངས་སུ་གྱུར་འདུག་པས་ལན་འདེབས་རིན་མ་མཐོང།
ཡིག་ནོར་ ཨ རིའི་ཨོ་བྷ་མའི་སྲིད་འཛིན་གྱི་ཕ་མ་གཉིས་ཀ་ཨརི་བ་མིན་མོད
ཤ་ཁྲག་རུས་གསུམ་གྱིས་བཤད་པའི་ནག་ཉེས་དེ་ངས་ངོས་ཟིན་མ་སོང་། ངོ་མ་ཟིན་མ་སོང་། ཤ་ཁྲག་རུས་གསུམ་གྱིས་མི་རིགས་ཟེར་བ་མིའི་གཟུགས་དབྱིབས་ཀྱི་སྟེང་ནས་དབྱེ་བ་ཕྱེས་ནས་ངོས་འཛིན་གྱིན་ཡོད་པ་འདྲ། ཕ་མ་གཉིས་ཀ་བོད་མི་ཡིན་རུང་བོད་སྐད་མི་ཤེས་མཁན་ཧ་ཅང་མང་། ཕ་མ་གཉིས་ཀ་བོད་མི་ཡིན་རུང་ཕྲུ་གུས་ང་བོད་ཡིན་ཟེར་འདོད་མེད་མཁན་དེ་བས་མང་། ཕ་མ་གཉིས་ཀ་བོད་མི་ཡིན་རུང་བོད་ཡུལ་མིག་གིས་མ་མཐོང་བ་ཆེས་ཤིན་དུ་མང་། སྲིད་འཛིན་བྷི་རག་ཨོ་བྷ་མའི་ཕ་མ་གཉིས་ཀ་ཨ་མེ་རི་ཁ་བ་ཡིན་མོད་ཨོ་བྷ་མ་ཨ་མེ་རི་ཁ་བ་མ་རེད་ཟེར་ག་ལ་ཐུབ། དཔེ་དེ་ལྟ་བུ་རེད། བོད་ཀྱི་ལོ་རྒྱུས་ཕལ་མོ་ཆེའི་ནང་དུ་ཁྲི་སྲོང་ལྡེའུ་བཙན་གྱི་མ་ཡང་རྒྱ་མོ་ཡིན་པར་བཤད་ཡོད་པ་རེད། ཚེ་ཏན་ཞབས་དྲུང་དང་གཟན་དཀར་སྤྲུལ་སྐུ་ཐུབ་བསྟན་ཉི་མ་སོགས་བོད་མི་ཡོད་ན་མེད་ན་དེ་ཚོའི་ཀྱང་ཕ་མའི་སྟེང་ནས་བལྟས་ན་རྒྱ་མི་རེད་འདུག ངས་ཐོག་མར་ཁྱེད་ལ་རེ་འདུན་ཞིག་ཞུ་བཞིན་པ་དེ་ནི་མི་རིགས་ཟེར་བ་དེ་ག་འདྲ་ཞིག་ལ་ངོས་འཛིན་གྱིན་ཡོད་མེད་ལ་བསམ་གཞིག་ཅིག་བྱ་རོགས། བོད་གྱི་མཐའ་མཚམས་ཚོ་སྡེ་གློ་བོ་དོལ་བོ་གཉིས་ལ་བསམ་བློ་ཞིག་ཐོངས་དང་། དོན་དུ་མངའ་རིས་ཀྱི་འབྲོག་རྒན་དེ་ཚོ་དང་ཁོ་ཚོའི་བར་ན་ཁྱད་པར་སྤུ་ཙམ་ཡང་མེད་པ་རེད། མེད་ན་ཡང་དེང་སང་གློ་བོ་བ་དང་དོལ་བོ་བ་ཚོས་ང་ཚོ་ནེ་པལ་བ་ཟེར་བ་མ་གཏོགས་ང་ཚོ་བོད་མི་ནམ་ཡང་ལབ་ཀྱིན་མི་འདུག ད་དུང་བཤད་རྒྱུ་ལུང་བ་གང་ཡོད་མོད་དེ་རིང་འདི་ཙམ་ཡིན། བགྲོ་གླེང་ཞིབ་པར་རྗེས་སུ་བྱེད།
ལན་ཞིག་ལམ་སེང་བྲིས་ཡོད། ཀློག་རོགས་གནང་ཞུ་རྒྱུ་ཡིན།