བཀའ་བློན་ཁྲི་པ་དང་སྤྱི་འཐུས་ཀྱི་སྔོན་འགྲོའི་འོས་མི་གསལ་བསྒྲཊ།

སྤྱི་འཐུས་ཚོགས་ཟུར་ཀརྨ་ཆོས་འཕེལ་མཆོག་ད་ལོ་དབུས་གཙང་རྒྱུན་ལས་ཀྱིས་འོས་གཞིའི་ཁོངས་སུ་བཞག་འདུག གལ་ཏེ་མིག་ཡོད་ཡོད་མཁན་གྱི་མི་ཞིག་ཡིན་ཚེ་དབུས་གཙང་རྒྱུན་ལས་ཀྱིས་ཁྱབ་བསྒྲགས་བྱས་པའི་འོས་གཞི་ལ་གཟིགས་རོགས་ཀྱིས།
ཀརྨ་ཆོས་ཤེས་ཡོན། འཇོན་ཐང་། ལྷག་བསམ། ཉམས་མྱོང་གང་ཅིའི་ཐད་ཕུལ་བྱུང་གི་མི་སྣ་ཞིག་ཡིན་པར་བརྟེན་དགེ་ལུགས་སྤྱི་འཐུས་ཀྱི་འོས་གཞི་ཨང་གྲངས་གསུམ་པར་སླེབས་འདུག འོན་ཀྱང་དགེ་ལུགས་སྤྱི་འཐུས་ནས་ཟམ་གདོང་རིན་པོ་ཆེ་དང་། ཀརྨ་ཆོས་འཕེལ་གཉིས་ཆ་དགོངས་པ་ཞུས་འདུག
ཀརྨ་ཆོས་འཕེལ་རྙིང་མའི་སྤྱི་འཐུས་ཀྱི་འོས་གཞིར་གཏན་ནས་ཞུགས་མྱོང་ཡོད་མ་རེད་སྐད་ཆ་དེ་རྫུན་གཏམ་ཁུངས་མེད་ལུང་མེད་ཅིག་རེད།

ཁོང་ཆོས་བརྒྱུད་སྟག་ལུང་བཀའ་བརྒྱུད་ཡིན་པར་བརྟེན་བཀའ་བརྒྱུད་སྤྱི་འཐུས་སུ་བཞུགས་རྒྱུ་ཡིན་པ་རེད།

སྤྱིར་ངས་བརྗོད་མི་འདོད་པ་ནི་ཆོལ་ཁའི་མིང་དང། ཉན་མི་འདོད་པའང་ཆོལ་ཁ་ཅེས་པའི་མིང་འདི་ཡིན་མོད། ཡིན་ཡང་ལམ་ལུགས་འདི་ང་ཚོ་བོད་ཕྱི་ལ་མཚོན་ན་མེད་དུ་མི་རུང་བ་ཞིག་ཆགས་འདུག གང་ལྟར་ཆོལ་ཁའི་མིང་སྒེར་སྤྱོད་བྱེད་པའི་མི་ང་ཚོའི་བཙན་བྱོལ་ནང་ཆེ་རུ་འགྲོ་བཞིན་ཡོད།
དཔེར་ན། གསེར་རྟ་ཚུལ་ཁྲིམས་མདོ་སྨད་ཀྱི་སྤྱི་འཐུས་ནང་འཚང་བ་ལྟ་བུ། མི་འདི་ལྟ་བུའི་རིགས་ཀྱིས་ནམ་ཡང་ཁེ་ཕན་དང་སྒེར་ཕན་ལ་ལངས་ཕྱོགས་འཛིན་རྒྱུ་གོམས་སོགས་ཡོད་པས།
ལངས་ཕྱོགས་འདིར་རྒྱབ་སྐྱོར་བྱེད་མཁན་གྱི་མི་དེ་དག་ཀྱང་རང་ཕྱོགས་རྐྱང་པ་འཛིན་པ་དག་ཡིན་པས། དངོས་གནས་བཤད་ང་ཚོ་མདོ་སྨད་པར་མི་འདིའི་དགོས་མཁོ་མེད། རྒྱུ་མཚན་མི་བུ་ཁོ་རང་གི་སྟེང་ནས་མདོ་སྟོད་སྨད་གཉིས་ཀྱི་ནང་དུ་མགོ་བདེ་བོ་འཁྲབ་དྲགས་པས་ཡིན།

བཀུར་འོས་རྩོམ་སྒྲིག་པ་ལགས ། བདག་གི་མཆན་ཆུང་དེའི་ཐིག་ཕྲེང་དང་
པོའི་འོས་ག ཞེས་པ་དེའི་མཚམས་དེར ། ཐིག་ཕྲེང་འོག་མ་གཉིས་
པོའི་ ཞིར་སླེབ་ཅེས་པ་ནས་ཡར་སྤོར་རོགས་གནང་།

ཤིང་རྟ་ཁྱོད་ཉོན་ཅིག ངས་བཤད་པའི་སྐད་ཆ་ལ་རྒྱུ་མཚན་ཡོད་ཀྱང་ཁྱོད་ཀྱིས་མ་གོ་བའམ་ཡང་ན་གོ་ཡང་ལོག་བཤད་བྱེད་ཀྱི་ཡོད། ཀརྨ་ཆོས་འཕེལ་དེ་སྔོན་ཚོགས་གཙོའི་སྐབས་གནས་ཚུལ་མང་པོ་ལྷག་ཡོད། ལོ་སྔོན་མར་གྲོས་ཚོགས་ནང་དུ་ཆོལ་གསུམ་ཕན་ཚུན་ལ་སྙོགས་གླེང་གང་འདྲའི་མང་པོ་བཟོས་སོང་། དབུས་གཙང་མི་མང་གིས་རྒྱུ་མཚན་ཅི་ཕྱིར་སྤྱི་མཐུས་འོས་མི་ལས་ཕུད་པ་རེད། ཁོ་བཀའ་བརྒྱུད་པ་ཡིན་ན་ག་རེ་བྱས་ནས་དང་པོ་རྙིང་མའི་སྤྱི་མཐུས་འོས་མིར་ཞུགས་པ་རེད། དེར་ཞུགས་མ་ཐུབ་ནས་མཐའ་མར་བཀའ་བརྒྱུད་པའི་སྤྱི་མཐུས་འོས་གཞིར་ཞུགས་པ་རེད། ཁོ་རང་བཀའ་བརྒྱུད་པའི་སྤྱི་མཐུས་འོས་གཞིར་ཞུགས་པ་དེ་བཀའ་བརྒྱུད་པ་ལ་ལྷག་བསམ་ཆེ་ནས་མརེད། དེ་ནི་ཁོ་རང་ལ་གྲོས་ཚོགས་ཀྱི་སྐུབ་སྟེགས་ཐོབ་པའི་ལམ་ཁ་དེ་ལས་ཡོད་མ་རེད། ཁོ་རང་མགོ་བདེ་ཐག་ཆོད་རེད། ངས་ཁོ་རང་ལ་འོས་ལྡུག་གི་མིན། སྤྱིར་ཆོས་བརྒྱུད་སྤྱི་མཐུས་ལ་སེར་མོ་བ་ཞིག་དང་ཆོལ་ཁའི་སྤྱི་མཐུས་ལ་སྐྱ་བོ་ཞིག་བྱུང་ན་གནས་བབ་དང་མཐུན་ཞིང་ཕན་ཐོགས་ཧ་ཅང་ཆེ།

འོས་བསྡུའི་སྤྱི་ཁྱབ་འགན་འཛིན་མཆོག་གིས་བཀའ་སྤྱི་གཉིས་ཀྱི་སྔོན་འགྲོའི་འོས་ཤོག་གི་གྲུབ་འབྲས་གསལ་བསྒྲགས་ཀྱི་མཇུག་བསྡུའི་གཏམ་བཤད་ཀྱི་ནང་དུ་གལ་ཆེའི་བསླབ་བྱའི་ཚུལ་དུ་ཕྱིན་ཆད་རྒྱ་བོད་འབྲུག་གསུམ་གྱི་ནང་དུ་བོད་རིགས་རྣམས་ཀྱིས་འོས་བསྡུའི་སྐབས་སུ་བཀའ་བློན་ཁྲི་བ་ལ་བོད་ཀྱི་སྲིད་འཛིན་དང་སྲིད་བློན་ཞེས་མིང་མི་འབོད་པར་བྱེད་པ་དང་སྤྱི་འཐུས་ལ་བོད་ཀྱི་གྲོས་ཚོགས་ཀྱི་འཐུས་མི་ཞེས་མིང་མི་འབོད་པར་བྱེད་རྒྱུ་ནི་བོད་རིགས་ཚང་མའི་སེམས་ལ་འཛིན་དགོས་པར་བསླབ་བྱ་གནང་བ་འདིས་ང་ཚོ་རང་དབང་ལུང་བའི་ནང་དུ་བསྡད་ཡོད་ནའང་དོན་དངོས་སུ་གཏམ་བརྗོད་ཀྱི་རང་དབང་ཡང་མེད་པར་མཚོན་པས་ཤིན་ཏུ་བློ་ཕམ་པོ་བྱུང་སོང་། །

༄༅། །ཚོགས་ཟུར་ཀརྨ་ཆོས་འཕེལ་ཡིན་གྲོས་ཚོགས་ནས་ཡང་བསྐྱར་ཕྱིར་ཐོན་གནང་ངེས་ལ་གྲོས་ཚོགས་ཀྱི་དུས་ཚོད་འཕྲོ་རླག་མི་གཏོང་ཆེད་མང་ཚོགས་ནས་དགོང་པ་ནན་ཏན་བཞེས་གལ་ཤིན་ཏུ་ཆེ། འདས་པའི་དུས་ཚོད་ཁག་ལ་བསྐྱར་ཞིབ་གནང་ཏེ་འོས་ཤོག་གླུག་སྟངས་གནང་དགོས།

དྲ་མཁན་རིགས་པ་སྨྲ་བ་སོགས་ཀྱིས་གསལ་བོ་གཟིགས་རོགས། ༼ཚེས་༢༨ཉིན་བོད་ཀྱི་དུས་བབ་ཀྱི་གསར་འགོད་པ་དོན་འགྲུབ་བཀྲ་ཤིས་ལགས་ཀྱིས་གནས་ཚུལ་སྤེལ་བ་ལྟར་ན། … … སྐུ་ཉིད་(སྤེན་པ་ཚེ་རིང)སྒེར་ངོས་ནས་བཀའ་བློན་ཁྲི་པའི་འོས་གཞིར་ལངས་རྒྱུའི་ཐུགས་འདོད་ཡོད་མེད་བཅར་འདྲི་ཞུས་སྐབས་ཁོང་གིས། ང་བཀའ་བློན་ཁྲི་པའི་འོས་གཞིར་ལངས་རྒྱུ་ཡིན། ཕྱི་ཟླ་དགུ་བའི་ཚེ་ཤར་ལ་ང་ལ་རྒྱབ་སྐྱོར་བྱེད་མཁན་ཚོས་སྤྱི་ཚོགས་ནང་དངོས་སུ་ཁྱབ་བསྒྲགས་བྱས་ཏེ། ང་རང་གི་ཉམས་མྱོང་དང་། ཁྱད་ཆོས། དམིགས་འདུན་གསུམ་འཁོད་ཡོད་པའི་སྦྱར་ཤོག་ཆུང་ཆུང་ཞིག་བཙན་བྱོལ་བོད་མིའི་གཞིས་ཆགས་ཁག་ཏུ་འགྲེམ་རྒྱུ་རེད། དེ་བཞིན་ང་རང་གི་ངོས་ནས་ཀྱང་བཀའ་ཁྲིའི་སྐོར་གྱི་བགྲོ་གླེང་རིགས་ལ་ཞུགས་རྒྱུ་ཡིན། ཞེས་གསུངས་སོང་།
ཡང་ཁོང་གིས་བཀའ་འོས་གཞིར་བཞེངས་དགོས་པའི་རྒྱུ་མཚན་གསུངས་དོན། སྤྱིར་ང་རང་ལངས་ཚད་ཅུང་འཕྱི་དྲགས་ཡོད། ཐོག་མར་ང་མུ་མཐུད་སྤྱི་འཐུས་ནང་བསྡད་དེ། ཡང་བསྐྱར་ཚོགས་གཙོ་ཐོབ་རྒྱུར་རེ་བ་ཡོད་ན། སྤྱི་འཐུས་ཚོགས་གཙོ་དེ་དམངས་གཙོའི་ཀ་བ་གསུམ་གྱི་ཡ་གྱལ་ཞིག་ཆགས་ཡོད་སྟབས། ཚོགས་གཙོའི་ལས་འགན་འཁུར་བསྡད་ན་བཟང་གི་རེད་བསམ་སོང་། འོན་ཀྱང་ངས་ཉེ་ཆར་བཤད་པ་ལྟར། ང་རང་གི་སེམས་ན་རེ་བ་རྒྱག་སའི་མི་གཅིག་གཉིས་ཤིག་ཡོད། ཁོང་ཚོ་བཀའ་ཁྲིར་བཞེངས་པ་ཡིན་ན་ང་རང་མི་ལངས་བསམ་ཡོད། འོན་ཀྱང་ང་རང་གིས་རེ་བ་རྒྱག་སའི་མི་དེ་དག་ལངས་མ་སོང་། གཉིས་པ་ད་ཆར་བཀའ་བློན་ཁྲི་པའི་འོས་གཞི་མང་པོ་ཞིག་སླེབས་ཀྱིན་ཡོད་པའི་ནང་ལ་བལྟས་ཡོང་ན། སྤྱིར་ཁོང་རྣམ་པར་ངས་གུས་བརྩི་བྱེད་ཀྱི་ཡོད་ཀྱང་། ལས་ཀའི་ཉམས་མྱོང་དང་དགོངས་པ་བཞེས་སྟངས་ལ་གཞིགས་ན། ང་རང་ཡང་བཀའ་བློན་ཁྲི་པར་བཞེངས་ན་མ་འཐུས་པ་དང་། འགན་འཁུར་མ་ཐུབ་པ་མི་འདུག་སྙམ་པའི་སྤོབས་པ་ཞིག་ཡོང་གི་འདུག ཆུང་ས་ནས་བསམ་བློ་བཏང་ན་འོས་གཞིའི་གྲངས་འབོར་གྱི་གྲས་སུ་ཞུགས་ཏེ། མི་དམངས་ལ་གདམ་ཀ་ཡོད་པ་ཙམ་གྱིས་ཕན་ཆེན་པོ་ཐོགས་གི་རེད། ཚོགས་པ་སྒྲིག་འཛུགས་དང་མི་ཆེན་པོ་དེ་འདྲའི་ངོས་ནས་ད་སྔ་ང་ལ་རྒྱབ་སྐྱོར་བྱུང་མེད་ཀྱང་མང་ཚོགས་ལ་ཡིད་ཆེས་ཆེན་པོ་ཡོད། སོ་སོའི་འདོད་འདུན་དེ་སུ་ཞིག་གིས་བསྒྲུབ་ཐུབ་ཀྱི་འདུག་བསམ་པ་དེ་ལ་འོས་ལྡུག་གི་རེད། ཅེས་གསུངས་སོང་།༽

འདིར་ཚོགས་གཙོ་སྤེན་པཚེ་རིང་ལགས་ཀྱིས་སྤྱི་འཐུས་འོས་གཞིར་ལངས་རྒྱུ་མིན་པ་གསལ་བསྒྲགས་བྱས་ཟིན་པས། ཚོགས་གཞོན་རྒྱ་རི་སྒྲོལ་མ་ལགས་ཀྱི་གསལ་བསྒྲགས་དང་གཅིག་པ་ཆགས་ཡོད། གཅིག་ལ་འོས་གཞི་གཉིས་ཀའི་ཆ་ཤས་ལེན་ཆོག་པ་དང་། གཞན་དེར་མ་ཆོག་པ་ཞིག་ཡོང་སྲིད་ཀྱི་མ་རེད།

གཞན་གལ་སྲིད་ནོར་འཁྲུལ་ཤོར་ཡོད་ན། མང་ཚོགས་ཁྲོད་འདིའི་སྐོར་གསལ་བསྒྲགས་བྱེད་འོས་ཤིང་། དེ་ལས་ལྡོག་ན་དེང་ཕྱིན་གོ་སྐབས་རིང་ལུགས་པ་མང་བོ་ཞིག་ལ་ལམ་ཁ་གསར་བ་ཞིག་བཟོས་ཡོད། དཔེར་ན། མདོ་སྨད་མང་ཚོགས་ཟམ་གདོང་རིན་པོ་ཆེར་ཡིད་ཆེས་མེད་ཀྱང་ཁོང་གི་ནང་མི་བསྟན་འཛིན་དོན་ཡོད་ལ་འོས་ཤོག་ལྡུག་གིན་པ་འདིའང་གོ་བརྡ་ལོག་པའི་མགོ་གཡོག་མགོ་བསྐོར་ཞིག་ཡིན་པ་གསལ་བོ་ཤེས་ཐུབ། བསྟན་དོན་ལགས་ལ་མདོ་སྟོད་ཀྱིས་བདག་པོ་རྒྱག་འོས་ཆགས་ཡོད།

ཡང་མདོ་སྨད་མང་ཚོགས་ཁྲོད་གོ་བ་ལོག་པའི་བྱེད་བབ་གཞན་ཞིག་སྟེ། རྒྱལ་བ་རིན་པོ་ཆེ་ལ་དད་པ་ཡོད་བཞིན་དབུ་མའི་ལམ་ལ་རྒྱབ་བསྐྱོར་གནང་ཀིན་རྒྱལ་བ་རིན་པོ་ཆེ་ཡི་བོད་དོན་སེལ་ཐབས་རྒྱ་ནག་རྩ་ཁྲིམས་འོག་གི་ཆེས་མཐོ་རང་སྐྱོང་ལ་གཏོར་སྐྱོན་བརྒྱུད་ནས་གཏོང་བཞིན་པའི་དཔེར་མཚོན་ནི་གསེར་རྟ་ཚུལ་ཁྲིམས་འོད་ཟེར་ལགས་ཡིན། ཁོང་དཀར་མཛེས་བོད་རིགས་རང་སྐྱོང་ཁུལ་གྱི་མངའ་འོག་གསེར་རྟའི་ཡིན་ལ། ཁུལ་དེ་ནི་རྒྱ་ནག་གི་རྩ་ཁྲིམས་ཀྱིས་གཏན་འཁེལ་ཟིན་པའི་བོད་ཁུལ་བཅུའི་ཁྲོད་ཀྱི་གཅིག་ཡིན། འོ་ན། གསེར་རྟ་ཚུལ་ཁྲིམས་འོད་ཟེར་ལགས་མདོ་སྨད་སྤྱི་འཐུས་གདམ་པ་ཡིན་ན། གོང་གསལ་གྱི་ལྡོག་ཟླར་ལངས་ཡོད་པ་མ་ཡིན་ནམ།

ཤིང་རྟ་ལགས་ཁྱེད་དེ་རིང་སྨྱོན་པ་འདྲ་ཞིག་ཆགས་མི་འདུག་གམ།
སྐད་ཆ་ཇི་བཤད་ཀྱང་ཐང་ཐང་མེད་ཞིག་བཤད་ཡོང་གི་འདུག
སོ་སོ་གཟབ་གཟབ་བྱོས་ལོ།

ཁ་བའི་འོད་མདངས་ལགས། དོན་མེད་ཀྱི་ལབ་གླེང་མ་མང་།
དབུས་གཙང་ཀརྨ་ཆོས་འཕེལ་བཀའ་རྒྱུད་པའི་ཁོངས་གཏོགས་ཡིན་ས་རེད།
གང་ཡིན་ཞེ་ན་ཁོའི་མིང་ལ་བརྟེན་ནས་ཤེས་ཐུབ།
དཔེར་ཆོས་ལུགས་སོ་སོར་མིང་འདགས་ཚུལ་ཐ་དད་པ་ཡོད་པས་སོ།།

མདོ་སྨད་མི་དམངས་ཀྱི་སྤྱི་འཐུས་སྔོན་འགྲོའི་འོས་གཞི་ནང་ལ་རང་གི་བློ་བབས་ཤོས་འོས་མི་བཅུ་ནི་གཤམ་གསལ། སྤྱི་འཐུས་ཚོགས་གཙོ་སྤེན་པ་ཚེ་རིང་། རྒྱལ་རོང་ཟླ་བ་ཚེ་རིང་། འཕེལ་རྒྱས་སྒྲོལ་མ་མཚོ་མོ། གསེར་རྟ་ཚུལ་ཁྲིམས་འོད་ཟེར། རྨོག་རུ་བསྟན་པ། ཀླུ་མཁར་བྱམས། རྡོ་རྗེ་དབང་ཕྱུག ལུང་རིགས་རྒྱལ། གཟུངས་ཕྱུག་སྐྱིད། བསྟན་འཛིན་དོན་ཡོད། བཅས་ཡིན་ནོ།།

འབྲུག་གཞུངག་གིས་བོད་མི་ཐོག་དེ་ལྟར་བྱས་པ་ནི་ཧ་ཅང་གི་མ་རུང་བ་ཞིག་ལོས་ཡིན།འདས་པའི་ལོ་རྒྱུས་ནང་དུ་བོད་མི་ཡིས་་འབྲུག་པ་ལ་ཕན་ཐོག་མེད་ཀྱང་གནོད་རྩ་བ་ནས་བསྐྱལ་མ་མྱོང་ཟེར་ན་འགྲིག།ལྷག་པར་དུ་ད་ལྟ་ལ་ཆགས་བཞག་ན་འབྲུག་པའི་གྲྭ་བཙན་མང་པོ་བོད་པའི་སྤྱི་ཚོགས་ནང་སློབ་སྦྱང་བྱེད་བཞིན་པ་དེ་ཡང་འབྲུག་གཞུང་གི་བརྗེད་པ་ཡིན་རྒྱུ་རེད།བོད་མི་ཏོག་ཙམ་འབྲུག་ཡུལ་དུ་སྐྱབས་བཅོལ་ལ་ བཞག་ཡོད་པ་དེ་ཙམ་གྱི་དེ་ལྟ་བྱ་ངན་སྤེལ་བ་ནི་རྒྱུ་དག་མེད་པའི་རྟགས་རང་རེད།
གནས་ཚུལ་དེ་རྣམས་ཧ་གོ་མཁན་གྱིས་འབྲུག་པའི་མི་སེར་རྣམས་ཀྱིས་འབྲུག་གཞུང་ལ་ལོ་ལ་དབྱར་དགུན་དང་མི་ཚེ་ལ་སྐྱིད་སྡུག་ཟེར་བ་ཡོད་པ་དང་སྐལ་བ་མ་འཇུག་གི་བར་དུ་བོད་མི་ཚོ་སྐྱབས་བཅོལ་བ་ཆགས་མི་སྲིད་ཞེས་དྲན་བསྐུལ་གནང་རོགས།
བལ་པོ་ནི་རྒྱ་ནག་པའི་རྒྱུག་ཁྱི་ཆགས་ཚར་བ་ཡོངས་གྲགས་རེད།འབྲུག་པ་ཡང་དེ་ལྟར་མི་ཆགས་པའི་རེ་ཡོད།

སྔོན་འགྲོའི་འོས་བསྡུ་འདི་ཁྲིམས་དང་མཐུན་པ་ཞིག་བྱུང་མི་འདུག
རྒྱུ་མཚན།
༡ བལ་ཡུལ་དང་འབྲུག་ཡུལ་གྱི་འོས་ཤོག་བསླེབས་མི་འདུག དེའི་ནང་ན་སྔོན་འགྲོའི་འོས་མིའི་ནང་མ་སླེབ་པའི་མི་ཡོད་སྲིད་གི་རེད།
༢ དེབ་སྐྱེལ་གཉིས་པ་བྱེད་གི་ཡིན་ཟེར། ཁོ་ཚོར་སྔོན་འགྲོའི་འོས་བསྡུ་བྱེད་གི་རེད་དམ་མ་རེད། འོས་བསྡུ་བྱས་ན་སྔོན་འགྲོའི་བཀའ་ཁྲི་དང་སྤྱི་འཐུས་སྐོར་ཁག་གཉིས་པ་ཞིག་ཆགས་གི་རེད། བཙན་བྱོལ་གཞུང་ལ་བཀའ་གཉིས་ཡོད་སྲིད་གི་མ་རེད།
ཁ་ཚོར་སྔོན་འགྲོའི་འོས་བསྡུ་མ་བྱས་ན་དེབ་སྐྱེལ་གཉིས་པ་ཞིག་བྱས་དགོས་དོན་མི་འདུག

མ་འོངས་པའི་བཀའ་ཁྲི་དང་སྤྱི་འཐུས་ཀྱི་སྔོན་འགྲོའི་འོས་གྲངས་དུས་ཐོག་གསལ་བསྒྲགས་གནང་བ་ཐུགས་རྗེ། ཡིན་ན་ཡང་མ་འོངས་པའི་བོད་ཀྱི་བདེ་འཇགས་དང་དམངས་གཙོའི་ལམ་སྲོལ། དྲང་བདེན་གྱི་ལང་ཕྱོགས་གང་ནས་བལྟས་ཀྱང་སྡེ་བ་གཅིག་ནས་ཡིན་པའི་གསེར་རྟ་ཚུལ་ཁྲིམས་འོད་ཟེར་གཉིས་ལས་གཅིག་མདོ་སྟོད་དང་གཅིག་མདོ་སྨད་ཀྱི་སྤྱི་འཐུས་སུ་ལངས་པ་ལྟ་བུ་ནི་དྲང་བདེན་མ་རེད། འདི་ལ་འོས་བསྡུ་ལྷན་ཁང་གིས་གཙོས་འབྲེལ་ཡོད་ལྷན་ཁང་གིས་དྲང་བདེན་གྱིས་ཐག་གཅོད་བྱེད་དགོས། དེ་མིན་དངུལ་དངོས་ཀྱི་རྒྱབ་རྩ་ལ་བརྟེན་ནས་དྲང་བདེན་མིན་པའི་ལས་འདི་ལྟ་བུ་མུ་མཐུད་ནས་བྱས་ཚེ་མ་འོངས་པར་ཅི་ཡང་ཡོང་སྲིད་པས། དེ་དུས་ཀྱི་རྙོག་ཟིང་དེ་དག་གི་འགན་ད་ལྟའི་འབྲེལ་ཡོད་ཁག་ལ་ཡོད་པ་སེམས་ལ་བཅངས་དགོས།

ཀླུ་མཁར་བྱམས་མདོ་སྨད་འོས་མི་ཉི་ཤུ་ནང་སླེབས་པ་འངིར་འདི་ག་བལ་ཡུལ་མདོ་སྨད་པ་ཚོས་དགའ་བསུ་བྱེད་ཀྱི་འདུག ཁོ་ཚོའི་འོས་ཤོག་དེ་དགྲ་བོས་གནོད་བསྐྱལ་མེད་ཚེ་འདི་ལས་མཐོ་སར་ཡོད་འངུག ངས་འདི་ནས་མདོ་སྨད་རྒྱ་ཆེའི་མི་མང་གི་སྤྱན་མིག་ལྡན་པ་ཚོར་འབོད་སྐུལ་ཞུ་རྒྱུར་སྐབས་བཅོ་ལྔ་བ་འདིར་ཁོང་ངེས་པར་དུ་མདོ་སྨད་སྤྱི་འཐུས་སུ་བསྐོས་པའི་རེ་བ་སྙིང་ནས་ཞུ།

བཤད་དགོས་པ་ཞིག་ལ་ད་ཐེངས་ཀྱི་བཀའ་ཁྲི་དེ་དངོས་ནས་ཡག་པོ་བྱུང་ཤག ཡིན་ན་ཡང་སྤྱི་འཐུས་ནང་ད་དུང་རྙོག་གྲ་མང་པོ་འདུག ཡག་པོ་རྐང་གཅིག་མི་འདུག ན་ཚ་ཅན་མང་པོ་སླེབ་འདུག

ད་ལོ་ནི་བཙན་བྱོལ་བོད་མིའི་དམངས་གཙོའི་གོ་རྟོགས་སད་མགོ་ཚུགས་པའི་ལོ་ཞིག་ཡིན་ལ། བཙན་བྱོལ་བོད་མི་ཚོས་དམངས་གཙོའི་ཁེ་དབང་ལོངས་སུ་སྤྱད་ནས་རང་རང་གི་འོས་ཤོག་ལྡུག་པར་འབད་པ་དང་། བཀའ་ཁྲི་དང་སྤྱི་འཐུས་ཀྱི་འོས་མིར་དོ་སྣང་འཕར་མ་བྱས་ཏེ་སྤྱངས་བཤད་དང་བགྲོ་གླེང་སོགས་གང་མང་བྱས་པའི་འབྲས་བུ་རྔོ་ཐོགས་པ་ཞིག་ཐོན་འདུག་སྙམ།

བཀའ་རྒྱུད་ཀྱི་སྤྱི་འཐུས་འོས་གཞིའི་ནང་ཀརྨ་ཆོས་འཕེལ་ཟེར་བ་ཞིག་འདུག དེ་སྤྱི་འཐུས་ལས་ཐོག་པ་སྐུ་ཞབས་ཀརྨ་ཆོས་འཕེལ་རེད་དམ་དེ་ལས་གཞན་གྱི་རེད། གལ་སྲིད་སྤྱི་འཐུས་ཀརྨ་ཆོས་འཕེལ་ཡིན་ན་ཡག་བྱུང༌། ཡང་གྲོས་ཚོགས་གསར་པའི་ནང་ལྟད་མོ་ཆེན་པོ་ཞིག་བལྟ་ཆོག་གི་རེད་ལ། དབུས་གཙང་ལ་བརྡ་ལེན་ཆེན་པོ་སྤྲད་པ་དེར་སྙིང་འདྲ་ཚིམས་པ་བྱུང༌།

གསལ་འགྱུར་འདིར་མི་དྲི་བྲོ་བའི་གསར་འགྱུར་ཞིག་རེད་ལ།མི་དོན་འགྲུབ་པའི་རྟེན་འབྲེལ་ངོ་མ་ཞིག་ཀྱང་རེད།

གནས་ཚང་ལགས། ཁྱེད་ཀྱི་དྲི་བ་དེ་ཚོ་འོས་བསྡུ་ལ་འདྲི་དགོས་ནི་མ་རེད། རྒྱ་རི་སྒྲོལ་མ་རྗེས་སུ་དངོས་གཞིའི་སྐབས་སུ་སྤྱི་འཐུས་ཀྱི་ཁོངས་སུ་འོས་འཕེན་ཆོག་གི་མ་རེད། སྔོན་འགྲོའི་སྐབས་སུ་འདམ་ཁ་ཡོད་རེད། དངོས་གཞི་ལ་ཡོད་མ་རེད། དེའི་ཕྱིར་སྤེན་པ་ཚེ་རིང་སྤྱི་འཐུས་ཁོངས་སུ་ཞུགས་པ་རེད་མ་གཏོགས། ཁོང་ལ་འོས་གྲངས་ཐ་མ་དྲུག་བརྒྱ་འདི་འདྲ་ཡོད་ཡོད་པ་རེད།

གསར་འགྱུར་ཐོས་ནས་དགའ་སྤྲོ་བྱུང་། འོན་ཀྱང་ཡིག་ནོར་དང་གཏགས་ནོར་གང་མང་ཤོར་འདུག་པས་གོ་ནོར་ཐེབས་སྲིད།

སྐབས་བཅུ་བཞི་བའི་བཀའ་བློན་ཁྲི་པའི་འོས་མི་ ༦ དང་། སྐབས་བཞི་བའི་ལབ་དགོས་པ་འདྲ།
ད་དུང་གསེར་རྟ་གཉིས་ལ་སེར་རྟ་ལབ་འདུག་པས་བཅོས་ན་བཟང་།
དེ་མིན་གཏགས་ནོར་ཁག་ཅིག་འདུག་ཀྱང་མི་སྐྱོན་གི

བཀའ་ཁྲི་དང་སྤྱི་མཐུས་དེ་ཚོ་གང་ལ་གང་མཚམས་འགྲིགས་འདུག
འོན་ཀྱང་དགོས་མཁོ་ཁ་ཤས་བཀོད་མི་འདུག
ཅི་ཡིན་ནམ།

དྭ་གྲོགས་གནས་ཚང་ལགས།
མདོ་སྨད་སྤྱི་མཐུས་འོས་མི་ནང་དུ་སྤེན་པ་ཚེ་རིང་ཞེས་པ་འདི་བཀའ་ཁྲིའི་འོས་མིར་ལངས་མཁན་ཚོགས་གཙོ་རང་རེད་་་དེ་མ་འགྲིག་པ་ཅི་འདུག་་་བཀའ་ཁྲིའི་འོས་མིར་ལངས་ན་སྤྱི་མཐུས་འོས་མིར་ལངས་མི་ཆོག་པ་དེ་སུས་བཤད་པའི་སྐད་ཆ་རེད
ངས་རང་ཉིད་ཀྱི་མངོན་འདོད་གླེང་ན་འདི་ལྟར་རེད་་་་
ངར་ཆགས་བཞགས་ཏེ་བཤད་ན་ཚོགས་གཙོ་ཁོ་རང་བཀའ་ཁྲིར་རེ་བ་དང་མོས་འཐུན་གཏན་ནས་མེད།
འོན་ཀྱང་། ཁོ་རང་བཀའ་ཁྲིའི་འོས་གཞིར་ལངས་པར་ངས་དགག་ནི་ཐུབ་ཀྱིན་མ་རེད། གང་ཡིན་ཅེ་ན། ཁོ་རང་བཀའ་ཁྲིའི་འོང་མིར་ལངས་པ་ནི་དམངས་གཙོའི་ཐོབ་ཐང་རེད་ལ།
ཁོ་རང་གི་མངོན་འདོད་ཀྱང་རེད།
སྤྱི་བཏང་མང་པོ་མང་པོ་ཞིག་གིས། གྲོས་ཚོགས་ཚགས་ཚུད་དགོས་ན་གྲོས་ཚོགས་ཀྱི་འཐུས་མི་
ཡག་པོ་དགོས་པ་དང་།
དེ་ལས་ཀྱང་གལ་ཆེན་བར་དྲང་བདེན་དང་བློ་ཡངས་ཀྱི་ཚོགས་གཙོ་ཞིག་མེད་ན་རྩོད་རྙོག་འདྲ་མིན་འབྱུང་ཉེན་དང་།
མྱུར་དུ་སྒྲུབ་དགོས་པའི་བྱ་བཞག་མང་པོ་ཞིག་ཐག་བཅད་མི་ཐུབ་པའི་དཀའ་ངལ་ཡོད་པར་གཟིགས་ནས།
ཁྱེད་རང་ཡང་བསྐྱར་ཚོགས་གཙོར་རེ་བ་ཤུགས་ཆེན་བྱེད་བཞིན་འདུག་ལ།
དེ་བཞིན་ངས་ཀྱང་ཡང་ཡང་དཔྱད་ཞིབ་བྱས་པ་ལྟར་ན།
དེ་ནི་ཁྱེད་ཀྱི་ན་ཚོད་དང་ཉམས་མྱོང་སོགས་གང་འཐད་ནས་གཞིགས་ན།
ཁྱེད་རང་ལས་ལྷག་པའི་ཚོགས་གཙོ་ཞིག་མ་མཐོང་པས།
ཡང་བསྐྱར་ཁྱེད་རང་ཚོགས་གཙོར་ཕེབས་ཐུབ་པའི་རེ་བ་ཤིག་ངང་ངང་གིས་འབྱུང་ཡིན་གིན་འདུག
དེས་ན་ངས་ཁ་ཞེ་གཉིས་མེད་དང་ཁ་དཀར་སེམས་དཀར་གྱི་སྐད་ཆ་ཡིན།
དྲྭ་གྲོགས་ཡོངས་ནས་ཚོགས་གཙོ་སྤེན་པ་ཚེ་རིང་མཆོག་བཀའ་ཁྲིར་འོས་སམ་ཡང་ན་ཚོགས་གཙོར་འོས།
ཕྱོགས་ལྷུང་གི་བག་ཆགས་རྨིག་མེད་བཅོམ་སྟེ་གཟུར་གནས་བློས་བདམས་ཁ་རེ་གནང་རོགས་ཞུ་ཞུ།།

དྭ་གྲོགས་ཤིང་རྟ་ལགས་།
སྤྱན་ཆེར་ཙམ་བགྲོད་ནས་གཟིགས་དང་བཀྲས་མཐོང་ལ་འོས་ཤོག་་༡༢༣༡༩དྭ།

མདོ་སྨད་སྤྱི་འཐུས་འོས་མིའི་ཁྲོད་ཀྱི་སྤེན་པ་ཚེ་རིང་ཞེས་པ་འདི་བཀའ་ཁྲིའི་འོས་གཞིར་ལངས་མཁན་སྤེན་པ་ཚེ་རིང་རེད་དམ། གལ་སྲིད་དེ་ལྟ་ཡིན་ན་བཀའ་ཁྲི་མ་ཐོབ་ན་སྤྱི་འཐུས་དང་སྤྱི་འཐུས་མ་ཐོབ་ན་བཀའ་ཁྲིར་ལངས་པའི་སྲོལ་ངན་ཞིག་གི་སྒོ་འབྱེད་ཟིན་པ་མིན་ནམ། རྒྱ་རི་སྒྲོལ་མ་ལགས་ལའང་ཐེངས་རྗེས་མར་སྤྱི་འཐུས་ཀྱི་འོས་ཤོག་ལྡུག་ཆོག་གི་ཡོད་དམ། དོན་དག་འདི་གསར་འགོད་པ་མཆོག་གིས་འགན་རྐང་ལེན་གྱིས་དབུས་འོས་བསྡུ་ལྷན་ཁང་ལ་བཀའ་འདྲི་ཞུ་རོགས་གནང་། ཐུགས་རྗེ་ཆེ།

ངོ་མ་གསར་འགྱུར་ཟེར་ན་འདི་ལྟ་བུ་རེད། ཁ་གསལ་བ་དང་། དོན་འདུ་བ། གོ་རིམ་ལེགས་པ། ལས་བྱེད་ཡོངས་ལ་ཐུགས་རྗེ་ཆེ་ཞུ། ལྷག་པར་དུ་གསར་འགོད་པ་དོན་གོ་ལགས་ལ་ཞུ་བཞིན་ཡོད།